02. Maa ka haq.
*MAA KA HAQ*
Do wajohaat ki bina par maa ka haq baap se kahin ziyada hota hai :
1 ) Is liye keh maa apnay bachay ke liye hamal aur wiladat ke mushkil tareen lamhaat se guzarti hai, jis mein is ki jaan ko bhi khatrah la-haq ho jata hai, basa auqaat aurat ki jaan bhi is mein chali jati hai.
Is ke baad razaat ka marhala paish aata hai jis mein maa apnay jisam ke khoon ko meethay doodh ki shakal mein apnay bachay ke halaq mein utarti hai aur is ki tarbiyat aur parwarish mein baap se kahin ziyada hissa leti hai.
Jaisa keh irshad Rabbani hai :
﴿ وَوَصَّيْنَا الْإِنْسَانَ بِوَالِدَيْهِ : حَمَلَتْهُ أُمُّهُ وَهُنًا عَلَى وَهُنٍ وَّ فِضْلُهُ فِي عَامَيْنِ أَنِ اشْكُرُ لِي وَلِوَالِدَيْكَ « إِلَيَّ الْمَصِيرُ (لقمان : 14)
“Hum ne insaan ko apnay walidain ( ka haq pehchanay ) ki takeed ki hai, is ki maa ne usay zeaf par zeaf utha kar apnay pait mein rakha aur do saal is ke doodh chootnay mein lagey.
(Hum ne usay naseehat ki keh ) mera shukar kar aur apnay maa baap ka shukar bajalaa, meri hi taraf palatna hai.”
( 2 ) Allah Rab-ul-izzat ne maa mein fitri tor par aulaad ke liye ziyada mohabbat o shafqat, naram dili aur meharbaani rakha hai, jab keh baap mein fitri tor par sakhti aur tundi.
Aulaad baap se darti hai aur maa se kuch ziyada hi shokh wabay baak rehti hai, kabhi yeh shokhi gustaakhi ki hudood ko bhi chonay lagti hai, isi liye Allah Ta’alaa aur is ke Rasool Mukaram Mohammad (ﷺ) ne maa ke haq ko khasusiyat ke sath zikar farmaaya taakeh insaan maa ke ehtaram ke muamlay mein kotahi aur pehlu tehi nah karay.
1- عن أبي هريرة رضى الله عنه قال : جاء رجل إلى النبي الله فقال يا رسول الله ! من أحق بحسن صحابتي ؟ قال : أمك ، قال : ثم من ؟ قال : أمك ، قال : ثم من ؟ قال : أمك ، قال : ثم من ؟ قال : أبوك . ( رواه البخاری )
Hazrat Abbu Hurairah (رضی اللہ عنہ) se marwi hai, woh farmatay hain :
1 Shakhs RasoolAllah (ﷺ) ki khidmat Aqdas mein haazir hua aur kaha :
Aey Allah ke Rasool yeh konsi hasti meray mohsin sulooq ki sab se ziyada mustahiq hai?”
Aap (ﷺ) ne irshad farmaaya :
“Tumhari maa.”
Is shakhs ne poocha :
“Phir kon?”
Aap (ﷺ) ne irshad farmaaya :
“Tumhari maa.”
Is shakhs ne poocha :
“Phir kon?”
Phir Aap (ﷺ) ne irshad farmaaya :
“Tumhari maa”.
Is shakhs ne poocha :
“Phir kon?”
Aap (ﷺ) ne irshad farmaaya :
“Tumhara baap.”
2- عن بريدة رضى الله . رجلا كان حاملا في الطواف أمه يطوف بها ، فسأل النبى الله الله هل أديت حقها ؟ قال : لا ، ولا بزفرة واحدة ( رواه ابن كثير في تفسيره )
Hazrat Bureda (رضی اللہ عنہ) se farmatay hain :
“1 Shakhs apni maa ko apni peeth par laad kar tawaf kar raha tha, is ne RasoolAllah (ﷺ) se poocha :
“Kya is tarhan main ne apni maa ka haq adaa kar diya?”
Aap (ﷺ) ne farmaaya :
“Nahi, is halki si cheekh ka bhi nahi jo tumhein janam detay hue tumahray maa ke mun se nikli.”
3- عن بريدة رضى الله عنه أن رجلا جاء إلى النبي الله فقال : يارسول الله ! إني حملت أمي فرسخين في رمضاء شديدة لو ألقيت فيها بضعة لحم لنضجت ، فهل أديت شكرها ؟ فقال : لعله أن يكون لطلقة واحدة –
( مجمع الزوائد )
Hazrat Bureda farmatay hain :
1 Shakhs ne Rasool Akram (ﷺ) se sawal kya :
“Ya RasoolAllah ! main ne apni maa ko aisi sakht dhoop aur garmi mein jis mein agar gosht bhi dala jata to pak jata, apni gardan par sawaar kara ke do farsakh laya hon, kya istarah main ne apni maa ke ahsaan ka badla adaa kar diya?”
Aap (ﷺ) ne farmaaya :
“Shayad yeh is ki dardzah ki aik tees ka badla ho.”
- Hazrat Abdullah Bin Abbas (رضی اللہ عنہما) ne aik badu shakhs ko dekha jo apni maa ko dhuay hue khanah kaaba ka tuwaf karta hua yeh ashaar parh raha tha:
إنِّي لها مطية لا أذعر إذا الركاب نفرت لا أنفر ما حملت وأرضعتني أكثر الله ربّي ذو الجلال أكبر
Tarjumah :
“Main apni maa ke liye aisi sawari hon jo kabhi badakti nahi, jab swariyan badakti hain lekin mein nahi badkatta.
(Yeh is liye keh ) is ne mujhe ziyada muddat dhoya aur doodh pilaya hai.
Allah mera Rab hai aur Woh sahib jalal aur sab se bara hai. “
Phir is ne Hazrat Abdullah Bin Abbas (رضی اللہ عنہما) ki taraf mutwajjah ho kar kaha :
Hazrat aap ka kya khayaal hai, kya main ne apni maa ka haq adaa kar diya?”
Aap ne farmaaya :
”Nahi! Allah ki qasam! is ki dardzah ki aik tees ka bhi nahi.”
*MAA KI DUA*
Maa ki dua aulaad ke tabnaak mustaqbil ke liye barri kar aamad hai, hazaron aisi khush naseeb hastiyan hain jinhein maa ki dua ne bara faida pohanchaya, inhen mein Ameer-ul-Momineen Fi-al-Hadees Hazrat Imam Mohammad Bin Ismael Albukhari ( رحمه الله عليه) bhi hain, bachpan mein aap ki aankhon ki benaye khatam ho chuki thi, Atbae se ilaaj ke bawajood tamam hakeemon ne jawab day diya tha keh is larkay ki basarat kabhi wapas nahi askati, aap ki walida Majida tahajud guzaar aur shab bedaar khatoon thin, har namaz mein nihayat hi Khashoo khuzoo aur aah-o-zari ke sath apnay bachay ke liye Allah Ta’alaa se benaye ki talabb gaar thin, aik raat tahajud se farigh ho kar apnay betay ki basarat ke liye Allah Ta’alaa se ro ro kar dua mangein aur phir thori der ke liye isi jagah par late gayin, khawab mein dekhatii hain keh Hazrat Ibrahim (علیہ السلام ) tashreef laaye aur farmaaya :
”Aey Umm-e-Mohammad ! Allah Ta’alaa ne teri kasrat dua aur aah-o-zaari ke sabab tairay bachay ko aankhein ataa farma diya hai” ( Muqadma Fatah Albari ) jab uth kar dekhatii hain to waqai betay ki basarat lout aayi thi, is ke baad Allah Ta’alaa ne aap ki aankhon mein is qader roshni ataa farmai keh chandni raton mein likhtay aur parhtay thay, hatta keh chandni raton mein hi aap ne apni kitaab
” التاریخ الكبیر”
Ka musevida tehreer farmaaya.
( سیرت الإمام البخاری : 45 –
“Az molana Abdul Salam Mubarapoori Waalid Graami Qader Sheikh-al-Hadees Molana Abaid Allah Muhaddas Mubarapoori )”
*MAA KI BAD DUA*
Bad dua chand alfaaz se bana aik mamooli lafz hai, jo zabaan se barri aasani ke sath adaa ho jata hai, lekin is ke asraat intehai daur ras hotay hain, is ke assar se abadiyaan veraney, doulat o sarwat ke jhoolon mein jhooltay hue khandan faqeer-o-muhtaj, tandarust aur tawana jisam bimariyon ka shikaar ho kar haddiyon ka panjar ban jatay hein, isi liye Rasool Akram (ﷺ) ne Hazrat Maaz Bin Jabal (رضی اللہ عنہ) ko wasiyat kartay hue farmaaya :
“إتق دعوة المظلوم فإنّه ليس بينه وبين الله حجاب ،، ( متفق عليه )
“Mazloom ki bad dua se bachcho kyunkay is ke aur Allah Ta’alaa ke darmiyan koi parda nahi hai.”
Aulaad ke liye zaroori hai keh har aik ki bud-dua se bachchein bilkhushoos walidain aur usaatzaa ki kyunkay un ki bud-dua un ke mustaqbil ka bera ghark kar day gi, walidain ki bad dua aur is ke asraat ke muta’alliq ahadees mein kayi waqeat zikar kiye gaye hain jin mein aik Bano Israel ke aik mashhoor Abid o zahid Hazrat Jareej (رحم الله) ka waqea Sahih Bukhari aur Sahih Muslim mein marwi hai :
Hazrat Abbu Hurairah (رضی اللہ عنہ) RasoolAllah (ﷺ) se riwayat kartay hain keh Aap (ﷺ) ne farmaaya :
“Sirf teen goad ke bachon ne baat kya ( jab keh amuman is umar mein bachay baat nahi kartay ) aik Eesa Bin Maryam (علیہ السلام ). “
Doosra :
“Jareej wala larka.”
Aur Jareej aik abid o zahid aadmi tha, is ne apnay liye aik hujra bana liya aur isi mein masroof ibadat raha karta tha.
Aik din is ki walida is ke paas is waqt aayi jab keh woh namaz parh raha tha, is ne usay, ae Jareej keh kar aawaz di.
Is ne ) apnay dil mein ) kaha :
Aey meray Rab! aik taraf maa hai aur doosri taraf namaz ( kis ka khayaal karoon )”
Phir woh namaz mein mashgool raha aur woh wapas lout gayi.
Doosray din phir is ke paas aayi aur woh namaz parh raha tha, is ne kaha :
“Aey Jareej!”
is ne kaha :
“Yaa Rab! meri maa aur meri namaz” phir namaz mein mashgool ho gaya, maa wapas chali gayi.
Teesray din woh phir us ke pass aayi aur usay aey Jareej keh kar aawaz di aur woh
Namaz parh raha tha, is ne ( dil mein ) kaha :
“Yaa Rab! meri walida mujhe sada day rahi hai aur main haalat namaz mein hon ( kya karoon?” ) Is ne apni namaz ko jari rakha.
Is ki walida ne usay in alfaaz mein bad dua di :
” اللهم لا تمته حتى ینظر إلى وجوه المؤمسات”
“Ya Allah ! usay is waqt tak mout nah dena jab tak keh yeh badkaar aurton ke chaihray nah dekh lay.”
Phir Bano Israel mein Jareej aur is ke Zuhad o taqwa ki shohrat aam hogayi, is douran aik badkaar aurat ne, jis ka husan mashhoor tha, kaha :
“Agar tum chaho to main Jareej ko fitnah mein daal sakti hon.”
Chunancha woh Jareej ke samnay ban sanwar kar aayi lekin Jareej ne is par koi tawajah nah di, phir woh aik charwahay ke paas aayi jo Jareej ke ibadat gaah ke aas paas hi raha karta tha aur is ke sath badkaari kar ke haamla hogayi, jab usay larka paida hua to is ne mashhoor kar diya keh yeh Jareej ka larka hai .
Jab logon ne yeh suna to woh Jareej ke paas aaye, usay hujray se bahar kheench kar laaye aur saomay ko gira diya aur burii tarhan peetnay lagey.
Jareej ne kaha :
“Tumhein kya ho gaya hai? aisa kyun kar rahay ho? )”
“Logon ne kaha keh tum ne falan badkaar aurat ke sath burai ki hai aur is ke nateejay mein tujh se usay larka hua hai.”
Is ne kaha :
”Woh bacha kahan hai?”
Jab bacha laya gaya to is ne logon se kaha agar tum ijazat do to main namaz parhon?
Is ne namaz parhnay ke baad is bachay ke pait par haath maartay hue kaha :
“Aey larkay! bata tera baap kon hai?”
Is bachay ne jawab diya :
” Falan charwaha hai.”
Yeh suntay hi log Jareej ko choomnay aur (hasool barkat ke liye ) usay choothay hue darkhwast
Karne lagey :
“Agar aap pasand karein to hum aap ke hujray ko sonay ka bana dein?”
Is ne kaha :
“Nahi! pehlay jaisay matti ka tha isi tarhan ka bana do.”
( Mutfiq Alaihi ) is hadees se yeh maloom hua ken agar aulaad be gunah bhi ho to walidain ki bad dua inhen nuqsaan pouncha sakti hai, sath hi yeh baat bhi malhooz rahay keh maqasid mukhtalif honay ki wajah se halaat bhi mukhtalif hotay hain, walidain ke liye bhi zaroori hai keh aulaad se koi gustaakhi ho jaye to un ke sath shafqat se paish aayen aur is se yeh bhi maloom hota hai keh neechay insaan ko fitnay kabhi nuqsaan nahi pouncha satkay aur masaaib ke paish anay par namaz ke zariye Allah Ta’alaa ki taraf rujoo karna chahiye.
REFERENCE:
Book: Aulaad ki islami Tarbiyat
Taaleef: “Muhammad Anwar Muhammad Qasim Al Salfi”
ماں کا حق
دو وجوہات کی بنا پر ماں کا حق باپ سے کہیں زیادہ ہوتا ہے :
1) اس لئے کہ ماں اپنے بچے کے لئے حمل اور ولادت کے مشکل ترین لمحات سے گذرتی ہے، جس میں اس کی جان کو بھی خطرہ لاحق ہوجاتا ہے، بسا اوقات عورت کی جان بھی اس میں چلی جاتی ہے۔ اس کے بعد رضاعت کا مرحلہ پیش آتا ہے جس میں ماں اپنے جسم کے خون کو میٹھے دودھ کی شکل میں اپنے بچے کے حلق میں اتارتی ہے اور اس کی تربیت اور پرورش میں باپ سے کہیں زیادہ حصّہ لیتی ہے ۔ جیسا کہ ارشادِ ربّانی ہے :﴿ وَوَصَّیْنَا الْاِنْسَانَ بِوَالِدَیْہِ ج حَمَلَتْہُ اُمُّہٗ وَہْنًا عَلٰی وَہْنٍ وَّ فِصٰٰلُہٗ فِیْ عَامَیْنِ اَنِ اشْکُرْ لِیْ وَلِوَالِدَیْکَ ط اِلَیَّ الْمَصِیْرُ﴾ ( لقمان : 14) ترجمہ : ہم نے انسان کو اپنے والدین ( کا حق پہچاننے ) کی تاکید کی ہے، اس کی ماں نے اسے ضعف پر ضعف اٹھاکر اپنے پیٹ میں رکھا اور دو سال اس کے دودھ چُھوٹنے میں لگے۔ ( ہم نے اسے نصیحت کی کہ ) میرا شکر کر اور اپنے ماں باپ کا شکر بجا لا، میری ہی طرف پلٹنا ہے۔
2) اﷲ رب العزّت نے ماں میں فطری طور پر اولاد کے لئے زیادہ محبت وشفقت، نرم دلی اور مہربانی رکھا ہے، جب کہ باپ میں فطری طور پر سختی اور تندی. اولاد باپ سے ڈرتی ہے اور ماں سے کچھ زیادہ ہی شوخ وبے باک رہتی ہے، کبھی یہ شُوخی گستاخی کی حدود کو بھی چھونے لگتی ہے، اسی لئے اﷲ تعالیٰ اور اس کے رسولِ مکرم محمد صلی اللہ علیہ وسلم نے ماں کے حق کو خصوصیت کے ساتھ ذکر فرمایا تاکہ انسان ماں کے احترام کے معاملے میں کوتاہی اور پہلو تہی نہ کرے۔
1۔عن أبی ھریرۃ رضی اللّٰہ عنہ قال : جَائَ رَجُلٌ إِلَی النَّبِیِّ صلی اللّٰہ علیہ وسلم فَقَالَ : یَا رَسُوْلَ اللّٰہِ ! مَنْ أَحَقُّ بِحُسْنِ صَحَابَتِیْ ؟ قَالَ : أُمُّکَ، قَالَ : ثُمَّ مَنْ ؟ قَالَ : أُمُّکَ، قَالَ : ثُمَّ مَنْ ؟ قَالَ : أُمُّکَ، قَالَ : ثُمَّ مَنْ ؟ قَالَ : أَبَاکَ۔
ابو ہریرہ رضی اللہ عنہ سے مروی ہے، وہ فرماتے ہیں : ایک شخص رسول اﷲ صلی اللہ علیہ وسلم کی خدمتِ اقدس میں حاضر ہوا اور کہا : اے اﷲ کے رسول صلی اللہ علیہ وسلم ! کونسی ہستی میرے حُسنِ سلوک کی سب سے زیادہ مستحق ہے ؟ آپ صلی اللہ علیہ وسلم نے ارشاد فرمایا : تمہاری ماں۔اس شخص نے پوچھا : پھر کون ؟ آپ صلی اللہ علیہ وسلم نے ارشاد فرمایا : تمہاری ماں۔اس شخص نے پوچھا : پھر کون ؟ پھر آپ صلی اللہ علیہ وسلم نے ارشاد فرمایا : تمہاری ماں۔اس شخص نے پوچھا : پھر کون ؟ آپ صلی اللہ علیہ وسلم نے ارشاد فرمایا : تمہارا باپ۔(بخاری:5971)
2۔ عن بریدۃ رضی اللّٰہ عنہ أَنَّ رَجُلاً کَانَ حَامِلاً فِی الطَّوَافِ أُمَّہُ یَطُوْفُ بِہَا فَسَأَلَ النَّبِیَّ صلی اللّٰہ علیہ وسلم ھَلْ أَدَّّیْتُ حَقَّہَا ؟ قَالَ : لَا، وَلَا بِزَفْرَۃٍ وَاحِدَۃٍ۔ بریدہ رضی اللہ عنہ فرماتے ہیں : ایک شخص اپنی ماں کو اپنی پیٹھ پر لاد کر طواف کررہا تھا، اس نے رسول اﷲ صلی اللہ علیہ وسلم سے پوچھا : کیا اس طرح میں نے اپنی ماں کا حق ادا کردیا ؟ آپ صلی اللہ علیہ وسلم نے فرمایا : نہیں، اس ہلکی سی چیخ کا بھی نہیں جو تمہیں جنم دیتے ہوئے تمہارے ماں کے منہ سے نکلی۔( تفسیر إبن کثیر )
3۔عن بریدۃ رضی اللّٰہ عنہ أَنَّ رَجُلاً جَائَ إِلَی النَّبِیِّ صلی اللّٰہ علیہ وسلم فَقَالَ : یارسول اللّٰہ ! إِنِّیْ حَمَلْتُ أُمِّیْ فَرْسَخَیْنِ فِیْ رَمَضَائَ شَدِیْدَۃٍ لَوْ أُلْقِیَتْ فِیْہَا بُضْعَۃُ لَحْمٍ لَنَضِجَتْ، فَھَلْ أَدَّّیْتُ شُکْرَہَا ؟ فَقَالَ : لَعَلَّہُ أَنْ یَکُوْنَ لِطَلْقَۃٍ وَاحِدَۃٍ ( مجمع الزوائد )
بریدہ رضی اللہ عنہ فرماتے ہیں : ایک شخص نے رسولِ اکرم صلی اللہ علیہ وسلم سے سوال کیا : یا رسول اﷲ ! میں نے اپنی ماں کو ایسی سخت دھوپ اور گرمی میں جسمیں اگر گوشت بھی ڈالا جاتا توپک جاتا، اپنی گردن پر سوار کراکے دو فرسخ لایا ہوں، کیا اس طرح میں نے اپنی ماں کے
احسان کا بدلہ ادا کردیا ؟آپ صلی اللہ علیہ وسلم نے فرمایا : شایدیہ اسکی دردِ زہ کی ایک ٹیس کا بدلہ ہو۔
4۔عبد اﷲبن عبّاس رضی اﷲ عنہما نے ایک بدو شخص کو دیکھا جو اپنی ماں کو ڈھوئے ہوئے خانہ کعبہ کا طواف کرتا ہوا یہ اشعار پڑھ رہا تھا :
إِنِّیْ لَہَا مَطِیَّۃٌ لَا أَذْعَرُ إِذَا الرِّکَابُ نَفِرَتْ لَا أَنْفَرُ مَاحَمَلَتْ وَأَرْضَعَتْنِیْ أَکْثَرُ اَللّٰہُ رَبِّیْ ذُو الْجَلَالِ أَکْبَرُ
ترجمہ : میں اپنی ماں کے لئے ایسی سواری ہوں جو کبھی بدکتی نہیں، جب سواریاں بدکتی ہیں لیکن میں نہیں بدکتا۔ ( یہ اس لئے کہ ) اس نے مجھے زیادہ مدّت ڈھویا اور دودھ پلایا ہے۔ اﷲ میرا رب ہے اور وہ صاحبِ جلال اور سب سے بڑا ہے۔
پھر اس نے عبد اﷲ بن عبّاس رضی اﷲ عنہما کی طرف متوجہ ہوکر کہا : حضرت آپ کا کیا خیال ہے، کیا میں نے اپنی ماں کا حق ادا کردیا ؟ آپ نے فرمایا :”نہیں ! اﷲ کی قسم !اس کی دردِ زہ کی ایک ٹیس کا بھی نہیں”۔
ماں کی دعا
ماں کی دعا اولاد کے تابناک مستقبل کے لئے بڑی کا آمد ہے، ہزاروں ایسی خوش نصیب ہستیاں ہیں جنہیں ماں کی دعا نے بڑا فائدہ پہنچایا، انہیں میں امیر المؤمنین فی الحدیث امام محمد بن اسماعیل البخاری رحمۃ اﷲ علیہ بھی ہیں، بچپن میں آپ کی آنکھوں کی بینائی ختم ہوچکی تھی، اطبّاء سے علاج کے باوجود تمام حکیموں نے جواب دے دیا تھا کہ اس لڑکے کی بصارت کبھی واپس نہیں آسکتی، آپ کی والدہ ماجدہ تہجد گذار اور شب بیدار خاتون تھیں، ہر نماز میںنہایت ہی خشوع وخضوع اور آہ وزاری کے ساتھ اپنے بچے کیلئے اﷲ تعالیٰ سے بینائی کی طلب گار تھیں، ایک رات تہجد سے فارغ ہوکر اپنے بیٹے کی بصارت کیلئے اﷲ تعالیٰ سے رو رو کر دعا مانگیں اور پھر تھوڑی دیر کیلئے اسی جگہ پر لیٹ گئیں، خواب میں دیکھتی ہیں کہ حضرت ابراہیم علیہ السلام تشریف لائے اور فرمایا :” اے امّ محمد ! اﷲ تعالیٰ نے تیری کثرت دعا اور آہ و زاری کے سبب تیرے بچے کی بینائی لوٹادی ہے “۔ ( مقدمہ فتح الباری) جب اٹھ کر دیکھتی ہیں تو واقعی بیٹے کی بصارت لوٹ آئی تھی،اسکے بعد اﷲ تعالیٰ نے آپکی آنکھوں میں اس قدر روشنی عطا فرمائی کہ چاندنی راتوں میں لکھتے اور پڑھتے تھے، حتّٰی کہ چاندنی راتوں میں ہی آپ نے اپنی کتاب” التاریخ الکبیر” کا مسودہ تحریر فرمایا.
( سیرۃ الإمام البخاری رحمہ اﷲ: 45 از مولانا عبد السلام مبارکپوری ؒ والد شیخ الحدیث مولانا عبید اﷲ محدث مبارکپوری ؒ)
ماں کی بد دعا
بد دعا چند الفاظ سے بنا ایک معمولی لفظ ہے، جو زبان سے بڑی آسانی کے ساتھ ادا ہوجاتا ہے، لیکن اس کے اثرات انتہائی دور رس ہوتے ہیں، اس کے اثر سے آبادیاں ویرانے، دولت وثروت کے جھولوں میں جھولتے ہوئے خاندان فقیرو محتاج تندرست اور توانا جسم بیماریوں کا شکار ہوکر ہڈیوں کا پنجر بن جاتے ہیں، اسی لئے رسول اکرم صلی اللہ علیہ وسلم نے معاذ بن جبل رضی اللہ عنہ کو وصیت کرتے ہوئے فرمایا :“إِتَّقِ دَعْوَۃَ الْمَظْلُوْمِ فَإِنَّہُ لَیْسَ بَیْنَہَا وَبَیْنَ اللّٰہِ حِجَابٌ “۔(بخاری 2448: )
مظلوم کی بد دعا سے بچو کیونکہ اس کے اور اﷲ تعالیٰ کے درمیان کوئی پردہ نہیں ہے۔
اولاد کیلئے ضروری ہے کہ ہر ایک کی بد دعا سے بچیں بالخصوص والدین اور اساتذہ کی۔ کیونکہ انکی بددعا انکے مستقبل کا بیڑہ غرق کردے گی، والدین کی بد دعا اور اس کے اثرات کے متعلق احادیث میں کئی واقعات ذکر کئے گئے ہیں جن میں ایک بنو اسرائیل کے ایک مشہور عابد وزاہد جریج رحمہ اﷲ کا واقعہ بخاری اور مسلم میں مروی ہے :
ابوہریرہ رضی اللہ عنہ رسول اللہ صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا :
” صرف تین گود کے بچوں نے بات کیا ( جب کہ عموما اس عمر میں بچے بات نہیں کرتے ) ایک : عیسیٰ بن مریم ( علیہ السلام ) دوسرا :جریج والا لڑکا. اور جریج ایک عابد وزاہد آدمی تھا، اس نے اپنے لئے ایک حجرہ بنا لیا اور اسی میں مصروفِ عبادت رہا کرتا تھا۔ ایک دن اس کی والدہ اس کے پاس اس وقت آئی جب کہ وہ نماز پڑھ رہا تھا، اس نے اسے، اے جریج :کہہ کر آواز دی۔ اس نے ( اپنے دل میں ) کہا : اے میرے رب !ایک طرف ماں ہے اور دوسری طرف نماز (کس کا خیال کروں ) پھر وہ نماز میں مشغول رہا اور وہ واپس لوٹ گئی۔دوسرے دن پھر اس کے پاس آئی اور وہ نماز پڑھ رہا تھا، اس نے کہا :اے جریج ! اس نے کہا : یا رب ! میری ماں اور میری نماز، پھر نماز میں مشغول ہوگیا، ماں واپس چلی گئی۔ تیسرے دن وہ پھر اس کے پاس آئی اور اسے، اے جریج !کہہ کر آواز دی اور وہ نماز پڑھ رہا تھا، اس نے (دل میں ) کہا : یا رب ! میری والدہ مجھے صدا دے رہی ہے اور میں حالتِ نماز میں ہوں ( کیا کروں ؟) اس نے اپنی نماز کو جاری رکھا۔ اس کی والدہ نے اسے ان الفاظ میں بد دعا دی :” اَللّٰھُمَّ لَا تُمِتْہُ حَتَّی یَنْظُرَ إِلَی وُجُوْہِ الْمُؤْمِسَاتِ” یا اﷲ ! اِسے اس وقت تک موت نہ دینا جب تک کہ یہ بدکار عورتوں کے چہرے نہ دیکھ لے۔ پھر بنو اسرائیل میں جریج اور اس کے زُہد وتقوی کی شہرت عام ہوگئی، اس دوران ایک بد کار عورت نے،جس کا حُسن مشہور تھا، کہا : اگر تم چاہو تو میں جریج کو فتنہ میں ڈال سکتی ہوں۔چنانچہ وہ جریج کے سامنے بن سنور کر آئی، لیکن جریج نے اس پر کوئی توجہ نہ دی، پھر وہ ایک چرواہے کے پاس آئی جو جریج کے عبادت گاہ کے آس پاس ہی رہا کرتا تھا اور اس کے ساتھ بدکاری کرکے حاملہ ہوگئی، جب اسے لڑکا پیدا ہوا تو اس نے مشہور کردیا کہ یہ جریج کا لڑکا ہے۔
جب لوگوں نے یہ سنا تو وہ جریج کے پاس آئے، اسے حجرے سے باہر کھینچ کر لائے اور صومعے کو گرادیا اور بُری طرح پیٹنے لگے۔ جریج نے کہا : تمہیں کیا ہوگیا ہے ؟
( ایسا کیوں کر رہے ہو؟)لوگوں نے کہا کہ تم نے فلاں بدکار عورت کے ساتھ برائی کی ہے اور اس کے نتیجے میں تجھ سے اسے لڑکا ہوا ہے۔اس نے کہا : “وہ بچہ کہاں ہے ؟ جب بچہ لایا گیا تو اس نے لوگوں سے کہا اگر تم اجازت دو تو میں نماز پڑھوں ؟ اس نے نماز پڑھنے کے بعد اس بچے کے پیٹ پر ہاتھ پھیرتے ہوئے کہا :اے لڑکے ! بتا تیرا باپ کون ہے ؟ اس بچے نے جواب دیا :” فلاں چرواہا ہے ” یہ سنتے ہی لوگ جریج کو چُومنے اور( حصولِ برکت کے لئے )اسے چُھوتے ہوئے درخواست کرنے لگے :اگر آپ پسند کریں تو ہم آپ کے حُجرے کو سونے کا بنا دیں ؟اس نے کہا :” نہیں ! پہلے جیسے مٹی کا تھا اسی طرح کا بنادو”.( متفق علیہ )
اس حدیث سے یہ معلوم ہوا کہ اگر اولاد بے گناہ بھی ہو تو والدین کی بد دعا انہیں نقصان پہنچا سکتی ہے، ساتھ ہی یہ بات بھی ملحوظ رہے کہ مقاصد مختلف ہونے کی وجہ سے حالات بھی مختلف ہوتے ہیں، والدین کے لئے بھی ضروری ہے کہ اولاد سے کوئی گُستاخی ہوجائے تو ان کے ساتھ شفقت سے پیش آئیں اور اس سے یہ بھی معلوم ہوتا ہے کہ سچّے انسان کو فتنے کبھی نقصان نہیں پہنچاسکتے اور مصائب کے پیش آنے پر نماز کے ذریعے اﷲ تعالیٰ کی طرف رجوع کرنا چاہئے۔
حواله جات :
كتاب : “اولاد كى اسلامى تربيت”
محمد انور محمدقاسم السّلفی