89: Kitab-ul-Ikraah (Jabr o Ikraah Ka Bayaan) كِتَابُ الْإِكْرَاهِ

Irshad-e-Baari Ta’ala hai: “(Jis shakhs ne imaan laane ke baad Allah Ta’ala se kufr kiya) Siwaae Uske Jise Majboor Kar Diya Jaae Aur Uska dil Imaan Par Mutmaeen Ho (to ye moaaf hai) Magar Jis Ne Ba-raza o Raghbat[1] Kufr Qubool Kiya To Aise Logo’n Par Allah Ka Ghazab Hai Aur Unhi Ke Liye Bohot Bada Azaab Hai”.[2]

Nez farmaya: “(Ahle iman ko chaahiye ke wo minto’n ko chod kar kaafiro’n ko hargiz dost na banaae’n aur jo aisa karega usey Allah se koi waasta nahi) Illa Ye Ke Tumhe’n Un (kaafiro’n) Se Bachne Ke Liye Is Qism Ka Tarz-e-Amal Ikhtiyaar Karna Pade”.[3] Aayat-e-Karima mein “تُقَاةً” ke maane taqiyya hain.

Nez irshad-e-giraami hai: “Yaqeenan jo log apne aap par zulm karte rahe jab farishte unki rooh qabz karne ke liye aate hain to unse poochte hain: Tum Kis Haal Mein Mubtalaa The? Wo Kehte Hain, ham Us Sarzameen Mein Bilkul Kamzor The … Behad Moaaf Karne Waala Nihaayat Bakhshne Waala Hai”.[4]

Nez farmaya: “Jabke Kai Kamzor Mard, Aurte’n, Aur Bacche Aise Hain Jo Ye Fariyaad Karte Hain: Aye Hamaare Rabb! Hame’n Us Basti Se Nikaal Le Jis Ke Baashinde Zaalim Hain Aur Apni Janaab Se Hamaare Liye Koi Haami Aur Madadgaar Paida Farmade”.[5]

Is aayat-e-karima mein Allah Ta’ala ne un kamzor logo’n ko Allah ke ahkaam na baja laane se maazoor rakha aur jiske saath jabr kiya jaae wo bhi kamzor hi hota hai, kyou’nke Allah Ta’ala ne jis kaam se manaa kiya hai wo uske karne par majboor hota hai.

Imam Hasan Basri ne kaha: Taqiyya karne ka jawaaz qiyaamat tak ke liye hai.

Hazrat Ibne Abbas (رَضِيَ ٱللَّهُ عَنْهُ) ne farmaya: Jis ke saath choro’n ne zabardasti ki ho, phir usne unke jabr karne par apni biwi ko talaaq de di to wo waaqai nahi hogi. Ibne Zubair, Sha’bi, aur Hasan Basri ka bhi yehi mauqif hai aur Nabi (ﷺ) ka irshad-e-giraami hai: “Aamaal niyyat par mauqoof hain”.

[6940] Hazrat Abu Huraira (رَضِيَ ٱللَّهُ عَنْهُ) se riwayat hai ke Nabi (ﷺ) namaz mein (in alfaaz ke saath) dua karte the: “Aye Allah! Ayyash bin Abu Rabeea (رَبِيْعَةَ), Salama bin Hisham, aur Waleed bin Waleed (رَضِيَ ٱللَّهُ عَنْهُمْ) ko najaat de. Aye Allah! Tu bebas aur majboor musalmano ko najaat de. Aye Allah! Muzar qabile par apni giraft sakht kar aur un par aisa qahet musallat kar jaisa  Yusuf (عَلَيْهِ ٱلسَّلَام ) ke zamaane mein aaya tha”.[6]

Baab 1: Jis Ne Kufr Par Maar Khaane, Qatl Kiye Jaane Aur Zillat Bardaasht Karne Ki Ikhtiyaar Kiya

[6941]. Hazrat Anas (رَضِيَ ٱللَّهُ عَنْهُ) se riwayat hai, unho’n ne kaha: Rasoolullah (ﷺ) ne farmaya: “Teen (3) khaslate’n aisi hain jis mein wo paani jaae’n aur imaan ki mithaas (aur lazzat) chakh leta hai: Allah aur uske rasool, usey sab se ziyaada piyaare aur mehboob ho’n. Doosre ye ke wo kisi se mohabbat sirf Allah ke liye kare. Teesre ye ke usey kufr mein laut jaana itna bura lagey, jise wo aag mein daale jaane ko bura khayaal karta hai”.[7]

Faaeda: Agarche jabr o ikraah ke waqt kufr ye kaam ya kufr ya baat karne ki rukhsat hai, lekin Sahaba Ikram (رَضِيَ ٱللَّهُ عَنْهُمْ) ke kirdaar se maaloom hota hai ke unho’n ne rukhsat par amal-paira hone ke bajaae azeemat (عَظِیمَت)[8] ko ikhtiyaar kiya aur kuffaar ke masaaeb o aalaam ko khanda-peshaani se bardaasht kiya, lekin kalma-e-kufr keh kar ahle kufr ke kalije ko thanda nahi kiya.

[6942] Hazrat Saeed bin Zaid (رَضِيَ ٱللَّهُ عَنْهُ) se riwayat hai, unho’n ne kaha: Main apne aap ko dekhta hoo’n ke Hazrat Umar (رَضِيَ ٱللَّهُ عَنْهُ) mujhe islaam laane ki paadaash mein baadh diya karte the. Aur ab tum ne Hazrat Usman (رَضِيَ ٱللَّهُ عَنْهُ) ke saath jo bartaao kiya hai us par agar uhud pahaad tukde-tukde ho jaae to usey aisa hona hi chaahiye.[9]

Faaeda: Hazrat Saeed bin Zaid aur unki zauja-e-mohtarma Hazrat Fatima bint Khattab (رَضِيَ ٱللَّهُ عَنْهُ) ne Hazrat Umar (رَضِيَ ٱللَّهُ عَنْهُ) ki taraf se zillat o ruswaai aur maar-peet ko gawaara kiar liya, lekin islaam ka daaman haath se na choda. Isi tarah Hazrat Usman (رَضِيَ ٱللَّهُ عَنْهُ) ne baaghiyo’n ke haatho’n qatl hona gawaara kar liya lekin unka kaha na maana to kufr par ba-tareeq-e-oola wo qatl ho jaana gawaara karte.

[6943] Hazrat Khabbab bin Arat (رَضِيَ ٱللَّهُ عَنْهُ) se riwayat hai, unho’n ne kaha: Ham ne Rasoolullah (ﷺ) se apni haalat-e-zaar[10] bayaan ki jabke us waqt aap kaabe ke saae mein apni chaadar odhe baithe hue the. Ham ne arz ki: Aap hamaare liye Allah Ta’ala se madad kyou’n nahi maangte? Aap hamaare liye dua kyou’n nahi karte? Aap (ﷺ) ne farmaya: “Tum se pehle jo log the un mein se kisi ek (1) ko pakad liya jaata, zameen mein uske liye gadha khod kar us mein usey bitha diya jaata, phir aara laaya jaata aur uske sar par rakh kar uske do (2) tukde kar diye jaate aur lohe ki kanghiyo’n se unke gosht aur haddiyo’n ko alag-alag kar diya jaata, lekin ye aazmaaish usey apne deen se bar-gashta na karti thee’n. Allah ke Qasam! Ye (islam ka) kaam zaroor mukammal hoga, hatta ke sana se hadhramaut ka safar karne waala shakhs Allah ke siwa kisi se nahi darega aur na bhediye ke alaawa bakriyo’n ko kisi se khatra hoga lekin tum log jaldi karte ho”.[11]

Baab 2: Majboor Aur Uski Tarah Doosre Shakhs Ka Apne Huqooq Waghaira Ko Farokht Karna

Wazaahat: Is shakhs ka apni mamlooka ashyaa farokht karna jis par jabr kiya jaa raha ho, wo shakhs jo muflisi ki wajah se apna maal beche, in dono ki sharai haisiayat kya hai? Pehle ko majboor aur doosre ko muztarib[12] kehte hain.

[6944] Hazrat Abu Huraira (رَضِيَ ٱللَّهُ عَنْهُ) se riwayat hai, unho’n ne kaha: Ek (1) dafa ham masjid mein the ke is dauraan mein Rasoolullah (ﷺ) hamaare paas tashreef laae aur farmaya: “Yahoodiyo’n ke paas chalo”. Ham aap ke saath rawaana hue. Jab ham bait-ul-madaaris pohonche to Nabi (ﷺ) ne un ko aawaaz di: “Aye qaum yahood! Islaam qubool kar lo tum salaamti mein rahoge”. Unho’n ne kaha: Aye Abul Qasim! Aap ne hukum pohoncha diya. Aap (ﷺ) ne farmaya: “Yehi mera iraada tha”. Phir aap ne dobaara farmaya to unho’n ne kaha: Aye Abul Qasim! Aap ne tableegh kardi. Aap (ﷺ) ne teesri martaba yehi farmaya. Phir aap ne unhe’n warning di aur farmaya: “Tumhe’n maaloom hona chaahiye ke zameen Allah aur uske rasool ki hai aur main tumhe’n jila-watan karna chaahta hoo’n, tum mein se jis ke paas maal ho usey chaahiye ke jilaa-watan hone se pehle-pehle ise farokht kar de ba-soorat-e-deegar tumhe’n pata hona chaahiye ke ye zameen Allah aur uske rasool ki hai”.[13]

Baab 3: Majboor Shakhs Ka Nikah Jaaez Nahi

Irshad-e-Baari Ta’ala hai: “Tum Apni Laundiyo’n Ko Zina Par Majboor Na Karo … Behad Bakhshne Waala Nihayat Meherbaan Hai”.[14]

[6945] Hazrat Khansa bint Khidaam Ansariya (رَضِيَ ٱللَّهُ عَنْهَا) se riwayat hai ke unke waalid ne unki shadi kardi, jabke wo shauhar-deeda thee’n. Unho’n ne us nikah ko naa-pasand kiya aur wo Nabi (ﷺ) ki khidmat mein haazir huee’n to aap ne us nikah ko mustarad kar diya.[15]

[6946] Hazrat Ayesha (رَضِيَ ٱللَّهُ عَنْهَا) farmati hain: Maine poocha: Allah ke Rasool (ﷺ)! Kya aurto’n se unke nikah ke silsile mein ijaazat li jaaegi? Aap ne farmaya: “Haa’n”. (Hazrat Ayesha (رَضِيَ ٱللَّهُ عَنْهَا) kehti hain:) Maine kaha: Agar kuwaari ladki se poocha jaae to wo sharm karegi aur khamosh rahegi. Aap ne farmaya: “Iski khamoshi hi uski ijaazat hai”.[16]

Baab 4: Agar Kisi Ko Majboor Kiya Gaya Hatta Ke Usne Ghulam Hiba Kiya Ya Farokht Kiya to Aisa Hiba Aur Bae Durust Nahi

Baaz logo’n ne kaha hai: Agar koi majboor se koi cheez kharide, phir kharidaar ne us mein nazr maani. Isi tarah kharidaar ne is ghulam ko mudabir kar diya to aisa karna bhi uske khayaal ke mutaabiq durust hoga.

Wazaahat: Agar kisi shakhs ko uske ghulam ki bae ya usey kisi doosre ko hiba karne par majboor kiya gaya, is tarah ke majboor shakhs ko qatl ki dhamki di gai aur usne apna ghulam farokht kar diya ya kisi ko hiba kar diya to uska tasarruf ghair-naafiz hai aur wo ghulam ba-dastoor majboor shakhs ki milkiyat mein rahega.

[6947] Hazrat Jaabir (رَضِيَ ٱللَّهُ عَنْهُ) se riwayat hai ke ek (1) ansari aadmi ne apne ek (1) ghulam ko mudabbir kar diya jabke uske paas ghulam ke alaawa aur koi maal na tha. Rasoolullah (ﷺ) ko uski ittela mili to aap ne farmaya: “Mujh se ye ghulam kaun kahreedta hai?” Nuaim bin Nahhaam ne usey aath-sau (800) dirham mein khareed liya. Hazrat Jaabir (رَضِيَ ٱللَّهُ عَنْهُ) ne farmaya: Wo ghulam habsi-khibti tha jo pehle hi saal faut ho gaya tha.[17]

Baab 5: Majboor Karne Ka Gunaah Ka Bayaan

“كَرْهًا” aur “كُرْهًا” ke ek (1) hi maane hain.[18]

[6948] Hazrat Ibne Abbas (رَضِيَ ٱللَّهُ عَنْهُ) se riwayat hai, unho’n ne darj-e-zel aayat: “Aye Imaan waalo! Tumhare liye ye jaaez nahi ke tum zabardasti aurto’n ke waaris ban jaao”, ke mutaalliq farmaya: Zamana-e-jaahiliyyat mein jab koi mar jaata to uske waaris iski aurat ke haqdaar bante. Un mein se agar koi chaahta to usse shaadi kar leta. Agar chaahta to uska ka kisi doosre se nikah kar deta. Aur agar chaahte to usey shaadi ke baghair hi rehne dete, yaane wo aurto’n ke ghar waalo’n se ziyaada haqdaar hote, uske mutaalliq ye aayat naazil hui.[19]

Baab 6: Jab Kisi Aurat Se Zabardasti Zina Kiya Jaae To Us Par Koi Hadd Nahi

Irshad-e-Baari Ta’ala: “Jo Koi Unhe’n Majboor Karega To Yaqeenan Allah Ta’ala Unke Majboor Kiye Jaane Ke Baad Behad Moaaf Karne Waala Nihaayat Meherbaan Hai”.[20]

[6949] Hazrat Naafe se riwayat hai, ke Safiyya bint Abu Obaid ne bataaya: Ek (1) martaba hukumat ke ghulamo’n mein se ek (1) ghulam ne khums ki ek (1) laundi se sohbat Karli, aur uske saath zabardasti karke uski bakaarat tod daali. To Hazrat Umar (رَضِيَ ٱللَّهُ عَنْهُ) ne hadd ke taur par kode lagaae aur shahr-badar kar diya, lekin baandi par hadd jaari nahi ki, kyou’nke ghulam ne uske saath zabardasti ki thi.

Imam Zohri ne us laundi ke mutaalliq kaha jiske saath aazaad mard ne ham-bistari Karli ho: Haakim-e-waqt ko chaahiye ke wo kuwaari laundi ki bakaarat zaael hone se jo qeemat kam ho gai hai wo zabarsasti karne waale se wasool kare aur usey kode lagaae aur “ثَّيِّبِ” “seeba”[21] laundi se zina karne ki soorat mein aimma-e-fiqa ke faisle mein taawaan nahi, sirf us par hadd lagaae.

[6950] Hazrat Abu Huraira (رَضِيَ ٱللَّهُ عَنْهُ) se riwayat hai, unho’n ne kaha ke Rasoolullah (ﷺ) ne farmaya: “Hazrat Ibrahim (عَلَيْهِ ٱلسَّلَام ) ne Hazrat Saara ko saath le kar hijrat ki to ek (1) aisi basti mein pohonche jis mein zaalim baadshaho’n mein se ek (1) zaalim baadshah rehta tha. Us zaalim ne Hazrat Ibrahim (عَلَيْهِ ٱلسَّلَام ) ko paighaam bheja ke mere paas Saara ko bhej do. Hazrat Ibrahim (عَلَيْهِ ٱلسَّلَام ) ne Saara ko uske paas bhej diya. Jab wo unke paas gaya to wo wazoo karke namaz padh rahi thee’n. Unho’n ne dua ki: “Aye Allah! Agar main tujh par aur tere rasool par imaan rakhti hoo’n to mujh par is kaafir ko musallat na kar”. Phir aisa hua ke us zaalim ka dam-ghutne laga aur gir kar zameen par paao’n maarne (ediyaa’n ragadne) laga”.[22]

Baab 7: Kisi Aadmi Ka Apne Saathi Ke Liye Qasam Khaana Ke Wo Uska Bhai Hai Jabke Us Par Qatl Waghaira Ka Andesha Ho

Aise hi har majboor, jo darta ho to har musalman par laazim hai ke wo zaalim ke zulm ko usse roke. Usey bachaane ke liye zaalim se jung kare aur usey ruswa na hone de. Phir agar usne mazloom ki himaayat karte hue zaalim ko maar hi daala to us par na qisaas hai aur na diyyat ka adaa karna waajib hai. Agar usey kaha jaae ke tu sharaab pee kar murdaar khaa, ya apna ghulam farokht kar, ya itne qarz ka iqraar kar, ya falaa’n cheez hiba kar, ya koi aqd tod, ba-soorat-e-deegar tu apne waalid ya kisi islami bhai ko qatl kar baithega (yaane ham usey qatl kar de’nge) to majboor insaan ko ye kaam karne jaaez ho jaae’nge, kyou’nke Nabi (ﷺ) ne farmaya hai: “Musalman doosre musalman ka bhai hai”.

Baaz log kehte hain: Agar majboor shakhs se kaha jaae ke tu sharaab pee ya murdaar kha, ba-soorat-e-deegar tu apne bete ya baap ya kisi rishtedaar ko marwa baithega to usey ye kaam baja-laane ki ijaazat nahi, kyou’nke ye shakhs dar-haqeeqat majboor nahi, phir khud hi uske bar-aks kehta hai ke agar usey kaha jaae ke ham tere baap ya bete ko qatl kar de’nge, ba-soorat-e-deegar tu apna ye ghulam farokht kar ya qarz ka iqraar kar ya falaa’n cheez hiba kar de to qiyaas ke mutaabiq ye sab muaamale saheeh aur naafiz ho’nge, lekin ham istehsaan par amal karte hue ye kehte hain ke aisi haalat mein bae, hiba aur aqd iqraar[23] baatil hoga. In hazaar ne rishtedaar aur ghair-rishtedaar mein bhi farq kiya hai, jis par quran o hadees se koi daleel nahi hai aur Nabi (ﷺ) ka irsha de giraami hai: Hazrat Ibrahim (عَلَيْهِ ٱلسَّلَام ) ne apni biwi ke mutaalliq farmaya tha: “Ye meri behen hai, ye Allah ke raaste mein aisa kiya tha”. Imam Nakhai ne kaha: Agar qasam lene waala zaalim ho to qasam khaane waale ki niyyat ka etebaar hoga aur qasam lene waala mazloom ho to qasam lene waale ki niyyat motabar hogi.

Wazaahat: Ahle Kufa ne saheeh ahadees ko radd karne ke liye istehsaan ka qaaeda banaaya hai. Wo usey qiyaas-e-khafi ka naam dete hain, jiski kitab o sunnat mein koi daleel nahi. Iski aad mein jis masle ke mutaalliq apne usool o qawaaed ke khilaaf karna chaahe’n, kar daalte hain, phir kehte hain ke qiyaas-e-jail to ye chaahta tha ke uske usool o zawaabit ke mutaabiq ye hukum diya jaata, magar istehsaan, yaane qiyaas-e-khafi ke pesh-e-nazar ham ne ye hukum diya hai. Hazrat Imam Bukhari (rh) un logo’n ke mutaalliq bataana chaahte hain ke ye hazraat ek (1) qaaeda khud muqarrar karte hain, phir jab chaahte hain istehsaan ke bahaane us qaaede ko tod daalte hain. Ye shariyat ki pairawi nahi, balke apni man-maani hai jo ek (1) qabeeh harkat hai.

[6951] Hazrat Ibne Umar (رَضِيَ ٱللَّهُ عَنْهُ) se riwayat hai ke Rasoolullah (ﷺ) ne farmaya: “Har musalman doosre musalman ka bhai hai, wo us par zulm nahi karta aur na usey kisi doosre ke hawaale hi karta hai aur jo shakhs apne bhai ke zaroorat poori karne mein laga hoga, Allah Ta’ala uski doosri zarooriyaat poori karega”.[24]

[6952] Hazrat Anas (رَضِيَ ٱللَّهُ عَنْهُ) se riwayat hai, unho’n ne kaha: Rasoolullah (ﷺ) ne farmaya: “Apne bhai ki madad karo, khwah wo zaalim ho ya mazloom”. Ek (1) aadmi ne poocha: Allah ke Rasool (ﷺ)! Jab wo mazloom hoga to main uski madad karu’nga, aap ke khayaal ke mutaabiq main zaalim ki madad kaise karu’n? Aap (ﷺ) ne farmaya: “Us waqt usey zulm se baaz rakhna hi uski madad karna hai”.[25]

 

[1] T: (بَرَضا و رَغْبَت) Apni khushi se, apni marzi ke mutaabiq [Rekhta]

[2] Surah an Nahl: 106

[3] Surah aale Imran: 28

[4] Surah an Nisa: 97-99

[5] Surah an Nisa: 75

[6] راجع: 797

[7] راجع: 16

[8] T: Sakhti [Rekhta]

[9] راجع:3862

[10] T: (حالَتِ زار) Rone ki haalat, buri haalat [Rekhta]

[11] راجع:3612

[12] T: (مُضْطَرب) Jis mein izteraab paaya jaae, be-taab, be-chain [Rekhta]

[13] راجع: 3167

[14] Surah an Noor: 33

[15] راجع: 5138

[16] راجع: 5137

[17] راجع: 2141

[18] Suah al Ahqaaf: 15

[19] راجع: 4579

[20] Surah an Noor: 33

[21] T: (ثیبہ) Aurat jo baakera na ho, aurat jis ke saath jimaa ho jaae [Urduinc]

[22] راجع: 2217

[23] T: (عقد اقرار)

[24] راجع:2442

[25] راجع: 2443