086. Allah Ta’ala ki ‘ibaadat kio karte hain?

Allah Ta’ala ki ‘ibaadat kio karte hain?

[Sawaal]

Hum taalib-e-‘ilm dars ki ek majlis mein behs-o-mubaahisa kar rahe the ke ek saahib ne sawaal kiya ke Allah Subhaan-o-Ta’ala ki ‘ibaadat kio ki jaati hai?

Ek saathi ne is ka yeh jawaab diya ke hum Allah ki ‘ibaadat us ke ‘azaab ke khauf aur us ki rehmat ki umeed ki wajah se karte hain aur is ki daleel us ne yeh pesh ki ke ‘ibaadat ke lawaazim mein yeh hai ke jin baaton ke karne ka Allah aur us ke Rasool (ﷺ) ne hukm diya hai, Unhein hum baja laaein aur jin se unhon ne mana’ kiya hai, Un se ruk jaaein. Aisa karne hi se Allah Ta’ala ki ‘ibaadat ho gi aur Isi ‘ibaadat par jaza ka inhisaar ho ga aur Isi ki hum rughbat karte aur khauf khaate hain.Yeh sun kar ek doosre taalib-e-‘ilm ne kaha ke hum Allah ki ‘ibaadat us ki zaat ke liye karte hain, Us ne aisa karne ka hukm diya hai, Sirf wahi ‘ibaadat ka mustahiq hai. lehaaza hum Jannat-o-jahannum se be niyaaz ho kar us ki ‘ibaadat karte hain. Farz karen ke agar Jannat aur Jahannam na ho to Kia us ki ‘ibaadat na ki jaae gi?

Al-gharz is tarah us ne pehle qawl ki tardeed ki aur us se ek qawl munkir qaraar diya.

[Sawaal]

yeh hai ke un mein se kon sa qawl sahih hai? Kia aadaab-e-‘ilm-o-ta’llum mein se yeh bhi hai ke baghair daleel ke qawl rad kar diya jaae ya apne mu’aqif ke khilaaf qawl ko kisi daleel ke baghair rad kar diya jaae, Is tarah ke umoor-o-masaail mein ziyaada behs-o-mubaahisa ka Kia hukm hai?**

جزاكم الله خير الجزاء

[Jawab]

Ba’az riwaayaat mein yeh aaya hai ke Allah Ta’ala aakhirat mein hisaab ke waqt ek aadmi ko haazir kar ke yeh pooche ga ke tune meri ‘ibaadat kio ki? Woh bandah ‘arz kare ga ke “Ae Allah! Mai ne Jannat aur us ki abdi n’ematon ke baare mein suna to raaton ko bedaar raha’ Dinon ko teri ‘ibaadat mein mashghool raha aur piyaasa raha ke Jannat mein daakhil hone ke shoq mein aur Na’eem Muqeem aur sawaab-e-‘Azeem ke husool ki khuwaaish thi.” Allah Ta’ala yeh sun kar farmaae ga. “Yeh hai meri Jannat ja is mein daakhil ho ja’ Teri har tammana-o-khuwaish ko poora kar diya jaa ga.” Allah ek aur bande ko bulaae ga aur us se farmaae ga ke “Tu ne meri ‘ibaadat kio ki?” Woh jawaab de ga ke “Main ne jahannum aur us ke ‘azaab’ Is ki ‘ibrat naak sazaaon , Us ki zanjeeron aur bediyon (Touqon) aur us ke aalaam-o-masaa’ib ke baare mein suna to main ne jahannum aur us ki sazaaon aur us ke ‘azaabon se bachne ke liye raat ke araam aur din ke chain ko taj diya aur khoob khoob mushqatein bardaasht ken.” Allah Ta’ala yeh jawaab sun kar Irshaad farmaae ga. “Main ne tujhe jahannum se bacha liya ja tu Jannat mein daakhil mein ho ja’ Teri har khuwaish poori ho gi.” Phir Allah Ta’ala ek aur bande ko bulaae ga aur us se farmaae ga ke “bande tu ne meri kio ‘ibaadat ki?” Eon bandaah ‘arz kare ga. “Allah main ne teri sifaat’ tere jalaal’ Teri kabaryaai’ Teri n’ematon aur nawaazishon ko pehchaan liya tha to main ne teri mulaqaat ke shoq aur teri mohabbat ki Khaatir teri ‘ibaadat ki. Makhlooq par apne fazal-o-in’aam aur kamaal-e-sifaat aur ‘Azeem-e-Jalaal ke baa’is tuhi ‘ibaadat-o-ta’zeem ka mustahiq hai.” Allah Rabb zul Jalaal farmaae ga “Mein yeh maujood hoon Tu mera deedar kar le Main ne tujhe be paayaan ajar-o-sawaab se nawaaza aur teri tamaam khuwaaishon aur tamannaon ko poora jar diya.”

Is se ma’loom hoa ke mazkoora jawaab dene mein dono haqq par hain lekin woh shakhs jo Allah Ta’ala ki ‘ibaadat is liye karta hai ke us se Allah Ta’ala ki ma’arifat haasil hai aur woh jaanta hai ke woh is baat ka mustahiq hai ke us ki ‘ibaadat ki jaae, Woh Ahl-e-taqwa-o-Ahl-e-maghfirat hai, Woh apne bande ka Khaaliq-o-Mun’im-e-Haqeeqi hai, Wahi fazal-o-Karaam aur Sana-e-Hasan ka maalik hai, Jo is ehsaas-o-idraak ke saath apne Rabb ki ‘ibaadat kare ga us se yaqeenan sawaab ziyaada ho ga.

(Wallahu Waas’i ul ‘Aleem)

__Shaikh Ibn-e-Jibreen__