155. Shi’a mazhab ki taqleed

Shi’a mazhab ki taqleed

[Sawaal]

Ba’az logon ka khayaal hai ke ‘ibaadaat-o-ma’amlaat ko sahih tareeqe se adaa karne ke liye ek musalmaan ke liye yeh zaroori hai ke woh mashoor mazaahib-e-Arba’a mein se kisi ek mazhab ki taqleed kare lekin mazhab-e-Shi’a-e-Amamiya aur Shi’a-e-Zaidiya in chaaron mazaahib mein se nahi hain, To aap ki khidmat mein guzaarish hai Kia aap is raae se ‘Ali al-itlaaq ittefaaq karte hain ke chaaron mazaahib mein se kisi ek ki taqleed to ki jaae lekin mazhab-e-Shi’a Amamiya-o-Asna-o-Ashar’iya ki taqleed na ki jaae?

[Jawab]

Har musalmaan par farz hai ke agar woh khud kitaab-o-Sunnat se ahkaam akhaz kar sakta ho to Allah Ta’ala aur us ke Rasool (ﷺ) ki itteb’a kare aur agar woh khud ahkaam akhaz nahi kar sakta to jab us se Deen mein koi mushkil pesh aae to woh Ahl-e-ilm se pooch le aur koshish kare ke jo ziyaada bada ‘aalim ho us se bilmushaafa ya khat-o-kitaabat ke zariy’e istiftaar kare.

Kisi musalmaan ke liye yeh jaaiz nahi hai ke woh mazhab-e-Shi’a-e-Amamiya ya Shi’a-e-Zaidiya ya un jaise deegar mubtadi’een (Ahl-e-bidd’at) maslan Khawaarij, Mu’tazila aur jehmiya waghaira ki taqleed kare, albatta mashoor mazaahib-e-Arba’a mein se kisi ki taraf intisaab mein koi harj nahi jab ke woh ta’asub se kaam na le aur is mazhab ki wajah se daleel ki mukhaalifat na kare.

__Fatwa-e-committee__