171. Fiqhi mazaahib se waabistagi

Fiqhi mazaahib se waabistagi

[Sawaal]

Kia Ahl-e-Sunnat-o-al-jama’at ke nazdeek qaabil-e-e’itmaad mazaahib sirf chaar hain? Kia kisi ek mu’ayan mazhab ke saath waabistagi ka Kia hukm hai? Kia ek se doosre mazhab ki taraf muntaqil hona jaaiz hai?

[Jawab]

Yeh mazaahib sadar-e-Awwal mein madwan hue Un ke Aimmah ke aqwaal-o-ikhtiyaaraat mashoor hain, Kuch logon ne un ki pairwi is liye ki ke un ke saamne un ki sehat zaahir ho gai thi lekin ba’d mein un mazaahib ke kuch aise pairokaar paida hue jinhon ne ta’ssub se kaam liya aur apne mazaahib ki ta’eed-o-himayat mein bohat tashadud kiya. Sahih Ahadees tak ko rad kar diya. pehle log to m’uzur the lekin ba’d mein aane waale jin ke saamne haqq waazeh ho gaya un ko hum m’uzur qaraar nahi de sakte lehaaza kisi ek mu’ayyan mazhab ki paabandi laazim nahi hai balkeh jab kisi Imaam ka haqq par hona saabit ho jaae to us ke mutaabiq ‘amal karna farz hai. Is tarah sirf khuwaaish-e-nafs ki pairwi ya sirf rukhsaton ke husool ke liye ek mazhab ki bajaae doosre ki taraf muntaqil hona jaaiz nahi kyunke yeh kabeerah gunaah hai.

__Sheikh Ibn-e-Jibreen__