568. Be Namazi logon ke saath sukoonat

Be Namazi logon ke saath sukoonat

[Sawaal]

Hamare bohat se saathi hain, Jo Namaz nahi padhte , Jab kabhi woh apne Ahl-e-khaana ke saath rehte the to Namaz padhte the lekin Americi zindagi ko dekhne ke ba’d unhon ne Namaz aur Roza tark kar ke apne qadeem Deen ko bhula diya hai. Main ne aur mere ba’az deegar saathiyon ne unhein samjhaaya aur Namaz padhne ki da’wat di lekin unhon ne hamari baat ko qubool nahi kiya, To Kia is tarah samjhaane se hum bari-ul-zimma hain jab ke hamari rehaaish ek hi jagah hai?

[Jawab]

Agar soorat-e-haal Isi tarah hai jis tarah aap ne zikr ki hai to aap bari-ul-zimma hain aur zaroorat ki wajah se un logon ke saath sukoonat ikhtiyaar karne mein koi harj nahi. Aap unhein musalsal naseehat karte rahiye aur hikmat , ‘Umdaah nasaaih aur pasandeedah tareeq ke saath behs kar ke unhein Deen se waabistigi ikhtiyaar karne ki da’wat dete rehte ho sakta hai aap ke haathon Allah Ta’ala unhein hidaayat ‘ataa farma de aur is tarah aap ko bhi aur unhein bhi in sha Allah khair-e-kaseer aur be panaah ajar-o-sawaab haasil ho ga. Allah Ta’ala aap ko saabit-e-qadam rakhe’ Tumhari madad farmaae aur tumhein sabar-o-sawaab se behraah war farmaae. (انه سميع مجیب ) Woh aap ke baaqi saathiyon ko bhi siraat-e-mustaqeem ki hidaayat ‘ataa farmaae!

_____Fatwa-e-committee