08. Manshiyaat ka Istem’al.
*MANSHIAT KA ISTEMAAL*
Walidain ke liye sab se ziyada takleef deh soorat e haal yeh hoti hai keh woh apni aulaad ko manshiat ka aadi payen, aaj manshiat ka istemaal roz maraah ka mamool ban gaya hai, taqreeban 80% mard manshiat ka istemaal, huqaa, sigaar, beyri, cigrette, tambaku, zarda, naswaar, gul, sharaab, heroen, chars, bhang aur afiyoon ki shakal mein kartay hain, daur haazir mein manshiat faroshi aik naffa bakhash tijarat ka roop dhaar chuki hai, sharaab, cigrette farokht karnay wali companian is tarhan ke ishtiharaat paish kartay hain keh jinhein dekhnay se pata chalta hai keh mard ki mardangi ka raaz unhi manshiat ke istemaal mein hai, khair se hukoomat bhi tax ke zariye apni aamdani barhaanay ke liye companiyon ko khuli chhuut day di hai keh woh apni marzi ke ishtiharaat Radio aur TV aur wall postrs ( wall posters ) par paish karen, jab no umar larkay is tarhan ke elanaat dekhtay hain to un ke dil mein usay aik do martaba azmaanay ka shadeed jazba paida hota hai, bilkhushoos jab woh apnay waalid, dada, chacha, barray bhai ya aur kisi sir parast ko dekhtay hain ke woh kash par kash lagaye jarahay hain to inhen yeh ehsas hota hai keh shayad yeh koi itni fateeh cheez nahi, isi ka nateeja hai ke hamaray yeh buzurag barray hi itminan aur azadi se is ka istemaal kar rahay hain, basa aoqat yehi sheh unhein manshiat ke Istemaal par jarry karti hai, phir ghalat sohbat is ke liye do aatsha ka kaam karti hai, phir aulaad manshiat ki aadi ho jati hai.
*CIGRETE NOSHI*
Tmbaku noshi deeni aur dunewi har lehaaz se nuqsaan deh hai, Shariat ne har is cheez ko haraam qarar diya jo insaan ke ikhlaq ko bigaar day aur aqal ko paragandah kar day, is liye Allah Ta’alaa ne hamaray liye Tayebaat, yani pakeeza cheezen halal farmai hain aur khbayes buri aur gandi cheezen haraam o najaaiz qarar di hain
﴿ویحل لهم الطیبات 157ویحرم علیْهم الْحبالث ) ( ) الاعراف : 157 )
Aap (ﷺ) un ke liye pakeeza cheezon ko halal aur khabees cheezon ko haraam kartay hain.
Tambaku noshi ke nuqsanaat:
Tambaku noshi se afraad o muashray ko be shumaar nuqsanaat ka saamna karna par raha hai, jis se nah sirf usay istemaal karnay walay do chaar hain balkay is ka nuqsaan un logon ko bhi apni halakat aafrini mein shaamil kar laita hai jo cigrette ke dhuwan se aaloda fizaa mein saans letay hain, balkay un logon ka shumaar tambaku noshi nah kartay hue bhi tambaku noshon mein hi shumaar hon gay, is ko istilaah mein ( passive smoking ) yani ghair iraadi cigrette noshi kaha jata hai.
Tambaku ki tabah kaari ka andaza is amar se bhi lagaya ja sakta hai keh tambaku se paida shuda amraaz ki wajah se har saal bayalees laakh afraad mout ka shikaar ho jatay hain, jab keh Naga Saki aur Heroshema par jo atom bomb giraye gaye thay is se dhai laakh afraad luqmah ajal banay thay, yani tambaku se salana halaak honay walon ki nisbat atom bomb se Marnay walon ki tadaad solhween hissay se bhi kam hai.
Tmbako se phephray, narkhray, cancer ka shikaar ho jatay hain, sab se ziyada qalb ke amraaz paida hotay hain, tambaku zehen ko kamzor aur asaab mein khinchao, nazar mein kami aur qowat samaat ki kamzori paida kar deta hai, sir chakranay lagta hai, qowat haazma kharab, aur qowat mardangi mutasir ho jati hai.
Sirf bar e sagheer mein sirf tambaku ke mukhtalif tareeqon se istemaal karnay ki wajah se salana das laakh se ziyada afraad mukhtalif bimarion ka shikaar ho kar mar jatay hain.
Indian Council of Medical reserch ke mutabiq paan masala, ganga aur is qisam ki woh tamam ashya jo market mein farokht hoti hain mout ke phandey hain, tata institute of funda mushkil reserch ne mulki satah par mun aur halaq ke cancer ke kayi laakh mareezon ka jaiza lainay ke baad inkishaaf kya keh yeh tamam cancer paan masalay aur gutkay ke istemaal se hotay hain, mardon ke muqablay mein aurton ko ziyada hi un nuqsanaat se do chaar hona parta hai, tambaku noshi se aurton ki mahvari gur barr ho jati hai aur maa ki tambaku noshi se janeen ki harkat qalb bilkul isi tarhan mutasir hoti hai aik baaligh dil ki harkat ghair mamooli tor par barhti hai.
Tambaku nosh aurat ke bachay zehni tor par mazoor paida hotay hain aur tmbaku isqaat hamal ka sabab bhi bantaa hai, America mein 1993 mein pachaas hazaar aurton ko tambaku noshi ki wajah se isqaat hamal ho gaya tha.
( Mahnamh al Balaagh Bombay Shumara April 2003 )
Walidain agar is aadat qabeeha se apni aulaad ko bachana chahtay hein to un ke liye zaroori Hai keh woh khud is burai se bachchen, aur kisi bhi fard ko chahay woh maheman bhi kyun nah ho apnay ghar mein cigrette noshi ki ijazat nah den, bachon ko dokaan se usay khareed kar laanay ke liye paisay nah den, inhen namaz, maswaak aur tilawat Quran ka aadi banayen.
*”SHARAAB KHORI”*
Sharaab aik nasha aawar cheez ka naam hai, arabi mein is ko “Khamar” kehtay hain, yani jis ke istemaal se aqal o hosh kaam karna chor dein, Allah ne is ko napaaki aur gandagi qarar diya hai.
Is ka piinaa nihayat hi buri aadat hai, is se bohat si buraiyan paida ho jati hain, isi liye RasoolAllah (ﷺ) ne usay ”Umm Alkhbays” ( tamam buraiyon ki jarr ) ka naam diya hai, Aap (ﷺ) ka irshad hai:
” الخمر جماع الإثم, والنساء حبال الشیطان, وحب الدنيا – رأس كل خطیئة, ( ترغيب و ترہیب )
“Sharaab tamam gunaaho ka majmoa hai aur aurtain shaitan ki rasiyaan hain aur duniya ki mohabbat tamam gunaaho ki jarr hai”.
Amuman woh bachay is aadat bad ka shikaar hotay hain jo cigrette nosh hain aur walidain ki nigrani se daur rehtay hain, phir ashrar aur fujjaar logon ki sohbat inhen dheeray dheeray har fasaad o burai ki taraf lay chalti hai, do chaar baar ke inkaar ke baad phir woh doston ke israar par do chaar ghoont pi hi letay hain, phir rafta rafta is ke aadi ban kar walidain ke liye sohan rooh ho jatay hain, walidain ke liye zaroori hai keh woh bachon ke samnay is burai ki muzammat mein warid shuda Qurani ayaat aur ahadees Rasool (ﷺ) sunaatay rahein, taakeh bachpan se hi un ke dil mein is burai ke khilaaf nafrat paida hoNZail mein shaarab ki muzaammat mein warid shudah chand ayat o ahadees darj ki ja rahi hein:
1 – يا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ لا إِنَّمَا يُرِيدُ الشَّيْطَانُ أَن يُوقِعَ بَيْنَكُمُ الْعَدَاوَةَ وَالْبَغْضَاء فِى الْخَمْرِ وَالْمَيْسِرِ وَ يَصُدَّكُمُ عَنْ ذِكْرِ اللَّهِ وَعَنِ الصَّلوةِ ، فَهَلْ أَنتُم مُنتَهُونَ ﴾ (مائده : 91-90)
“Aey Imaan walo! sharaab aur juaa aur buton ke charhaway aur pansay ganday shaytani kaam hain, is se bachtay raho, taakay tum Falah pao, shaitan to yahi chahta hai keh sharaab aur juwy ke zariye tumahray aapas mein dushmani daal day aur tum ko Allah ki yaad aur namaz se rokk day, phir kya un cheezon se tum baz raho gay”?
2- عن عمر بن الخطاب رضى الله عنه قال قال رسول الله عله : ” من كان يؤمن بالله واليوم الآخر فلا يجلس على مائدة يدار عليها الخمر ،، ( مسند احمد )
Jo Allah aur akhirat ke din par imaan rakhta hai to hargiz is dustar khawan par nah baithy jis mein sharaab ke daur chalaye jarahay hon.
3- كل مسكر خمر وكل خمر حرام ( مسلم)
Har nasha aawar cheez sharaab hai aur har tarhan ki sharaab haraam hai.
4- ما أسكر كثيره فقليله حرام ( ترندى )
Jis ke ziyada peenay se nasha aaye us ka thora peena bhi haraam hai.
5-لا يزني الزاني حين يزني وهو مؤمن ، ولا يشرب الخمر حين يشربها وهو مؤمن ( بخارى )
Koi zaani zina kaari ke waqt momin nahi hota, aur Nah hi sharaab peenay wala usay peetay waqt momin hota hai. ( is se is haalat mein imaan nikaal liya jata hai )
6- Sharaab ko dawai ke tor par bhi istemaal karnay ko haraam qarar diya gaya:
” إن الله لم یجعل شفاؤكم فيما حرم عليكم ،، ( بخارى عن ابن مسعود )
“Allah Ta’alaa ne apni haraam kardah cheezon mein tumahray liye Shifa nahi rakha hai”.
- RasoolAllah ne sharaab ke mutaliq das logon par laanat bhaiji:
- Sharaab kasheed karnay walay, 2 . karanay walay, 3. peenay walay, 4. sharaab uthany walay, 5. jis ke paas sharaab lay jayi jaye, 6. is ko pilanay walay, 7. is ko baichnay walay, 8. is ki qeemat khanay walay, 9. usay kharidnay walay, 10. aur jis ke liye kharidi gayi ho.
( ترمزی, ابن ماجہ : عن انس بن مالک رضی اللہ عنہ )
- Hazrat Umar Bin Khitaab (رضی اللہ عنہ ) ne minbar Rasool (ﷺ) se logon ke darmiyan elaan farmaaya keh:
” الخمر ما خامر العقل” ( متفق عليه )
“Sharaab woh hai jis se aqal mein futoor aaye”.
9- عن أم سلمة رضى الله عنها زوج النبي لا أنها قالت : ” نهى رسول الله الا الله عن كل مسكر ومفتر ، ( احمد ۔ ابو داؤد )
Umm-ul-Momineen Hazrat Umm-e-Salma (رضی اللہ عنہا) farmaati hain: ”Rasool Allah (ﷺ) ne har nasha aawar aur aqal mein futoor paida karnay wali cheez se roka hai”.
Mundarja baala dono hadeeso ki ro se har qisam ke mnshyat , sharaab hi ke zimray mein atay hain, balkay sharaab se kahin ziyada un ka nuqsaan Maslim hai, is liye ke yeh Insani aqal par sharaab se kahin ziyada asar andaaz hoti hain, usay istemaal karnay ke baad insaan daur ki cheez qareeb aur qareeb ki daur mehsoos karta hai, apnay oohaam o khayalat mein jin ka haqeeqat se daur daur ka bhi talluq nahi hota mast-o-magan hota hai, aur khayalat ki wadiyon mein is tarhan kho jata hai keh apnay aap ko aur deen o duniya tamam ko faramosh kar deta hai, isi liye Sheikh Ala Salaam Imam Ibn Teemiyah aur Qarani ( رحمہما اللہ )ne Hasheesh waghairah ke haraam honay par ijma naqal kya hai aur is ke halal samajhney walay ko kafir kaha hai.
Aaj har mulk ke nojawanon ke liye heroen aur afiyoon ka istemaal aik masla bana hua hai, nokhaiz larkay aur larkiyan is burai mein ziyada mubtala ho rahi hain, balkay kayi aik mumalik mein tabee mout marnay walon ke muqablay mein un ki tadaad ziyada hai jo Hasheesh , chars, bhang, aur afiyoon ki zayed khoraak lainay ki wajah se mar rahay hain, kayi musalman mumalik mein yeh fitnah barray shud-o-mad se sir uthaya hua hai, chand mumalik ne is masla par khusoosi tawajah mabzool ki hai aur is ke liye khusoosi wizarat qaim ki hai aur un manshiat ko rivaaj dainay walon ke liye sakht qawaneen banaye hain Saudi Arab ne manshiat asmglron ke liye sazaay mout ka qanoon banaya hai, lekin is ke bawajood wahan har hafta aisay log pakraay aur sir aam qatal kiye jarahay hain jo manshiat ko phela rahay hain, mout ka khauf bhi inhen is ghalat dahnday se baz anay nahi deta.
Sharaabii ke liye islam ne sakht tazeeri sazayen muqarrar ki hain, jo 40 taa 80 koron par mushtamil hein, is ke ilawa hakoomat munasib samajhay to manshiat ke istemaal karnay aur inhen rivaaj denay walon ke liye jurmana, qaid wagairah ki sazaayein day sakti hai.
Walidain se iltamas hai keh apne bachon par nigrani rakhein, un ke ghar se bahar sar garmion, milnay julnay walon, School o college ke yaaron doston par nazar rakhein, inhen har mumkin tareeqay se shareer aur khabees afraad ki sohbat se bachayen, un ke dilon mein Allah ka khauf paida karein, Masjid ki aadat dalain, namaz aur tilawat Quran ki talqeen kartay rahein aur sath hi un ki hidaayat ke liye Allah Rabul Aalameen se dua kartay rahein.
REFERENCE:
Book: Aulaad ki islami Tarbiyat
Taaleef: “Muhammad Anwar Muhammad Qasim Al Salfi”
منشیات کا استعمال
والدین کے لئے سب سے زیادہ تکلیف دہ صورت حال یہ ہوتی ہے کہ وہ اپنی اولاد کو منشیات کا عادی پائیں، آج منشیات کا استعمال روز مرہ کا معمول بن گیا ہے، تقریبا 80% مرد منشیات کا استعمال، حُقّہ، سُگار،بیڑی، سگریٹ، تمباکو، زردہ، نسوار، گُل، شراب، ہیروئن،چرس، بھنگ اور افیون کی شکل میں کرتے ہیں، دور
حاضر میں منشیات فروشی ایک نفع بخش تجارت کا روپ دھار چکی ہے، شراب، سگریٹ فروخت کرنے والی کمپنیاں اس طرح کے اشتہارات پیش کرتے ہیں کہ جنہیں دیکھنے سے پتہ چلتا ہے کہ مردکی مردانگی کا راز انہی منشیات کے استعمال میں ہے، خیر سے حکومت بھی ٹیکس کے ذریعے اپنی آمدنی بڑھانے کے لئے کمپنیوں کو کھلی چھوٹ دے دی ہے کہ وہ اپنی مرضی کے اشتہارات ریڈیو اور ٹی وی اور وال پوسٹرس ( Wall Posters) پر پیش کریں، جب نو عمر لڑکے اس طرح کے اعلانات دیکھتے ہیں تو ان کے دل میں اسے ایک دو مرتبہ آزمانے کا شدید جذبہ پیدا ہوتا ہے، بالخصوص جب وہ اپنے والد، دادا، چچا، بڑے بھائی یا اور کسی سر پرست کو دیکھتے ہیں کہ وہ کش پر کش لگائے جارہے ہیں تو انہیں یہ احساس ہوتا ہے کہ شاید یہ کوئی اتنی قبیح چیز نہیں، اسی کا نتیجہ ہے کہ ہمارے یہ بزرگ بڑے ہی اطمینان اور آزادی سے اس کا استعمال کررہے ہیں، بسا اوقات یہی شہہ ا نہیں منشیات کے استعمال پر جری کرتی ہے، پھر غلط صحبت اس کے لئے دو آتشہ کا کام کرتی ہے اور پھر اولاد منشیات کی عادی ہوجاتی ہے۔
سگریٹ نوشی
تمباکو نوشی دینی اور دنیوی ہر لحاظ سے نقصان دہ ہے، شریعت نے ہر اس چیز کو حرام قرار دیا جو انسان کے اخلاق کو بگاڑ دے اور عقل کو پراگندہ کردے، اسی لئے اﷲ تعالیٰ نے ہمارے لئے“طیّبات “ یعنی پاکیزہ چیزیں حلال فرمائی ہیں اور ’’ خبائث،، بری اور گندی چیزیں حرام وناجائز قرار دی ہیں ﴿ وَیُحِلُّ لَہُمْ الطَّیِّبَاتُ وَ یُحَرِّمُ عَلَیْہِمُ الْخَبَائِثُ﴾ ( الأعراف : 157) آپ صلی اللہ علیہ وسلم ان کے لئے پاکیزہ
چیزوں کو حلال اور خبیث چیزوں کو حرام کرتے ہیں۔
تمباکو نوشی کے نقصانات
تمباکو نوشی سے افراد ومعاشرے کو بے شمار نقصانات کا سامنا کرنا پڑ رہا ہے، جس سے نہ صرف اسے استعمال کرنے والے دوچار ہیں بلکہ اس کا نقصان ان لوگوں کو بھی اپنی ہلاکت آفرینی میں شامل کرلیتا ہے جو سگریٹ کے دھواں سے آلودہ فضا میں سانس لیتے ہیں، بلکہ ان لوگوں کا شمار تمباکو نوشی نہ کرتے ہوئے بھی تمباکو نوشوں میں ہی شمار ہوں گے، اس کو اصطلاح میں (Passive Smoking ) یعنی غیر ارادی سگریٹ نوشی کہا جاتا ہے۔تمباکو کی تباہ کاری کا اندازہ اس امر سے بھی لگایا جاسکتا ہے کہ تمباکو سے پیدا شدہ امراض کی وجہ سے ہر سال بیالیس لاکھ افراد موت کا شکار ہوجاتے ہیں، جب کہ ناگا ساکی اور ہیرو شیما پر جو ایٹم بم گرائے گئے تھے اس سے ڈھائی لاکھ افراد لقمہء اجل بنے تھے، یعنی تمباکو سے سالانہ ہلاک ہونے والوں کی نسبت ایٹم بم سے مرنے والوں کی تعداد سولہویں حصّے سے بھی کم ہے۔ تمباکو سے پھیپھڑے، نرخرے، منہ، آنت، مثانہ وغیرہ کینسیر کا شکار ہوجاتے ہیں، سب سے زیادہ دل کے امراض پیدا ہوتے ہیں، تمباکو ذہن کو کمزور اور اعصاب میں کھنچاؤ، نظر میں کمی اور قوت سماعت کی کمزوری پیدا کردیتا ہے، سر چکرانے لگتا ہے، قوت ہاضمہ خراب، اور قوت مردانگی متاثر ہوجاتی ہے۔ صرف بر صغیر میں صرف تمباکو کے مختلف طریقوں سے استعمال کرنے کی وجہ سے سالانہ دس لاکھ سے زیادہ افراد مختلف بیماریوں کا شکار ہوکر مرجاتے ہیں۔
انڈین کونسل آف میڈیکل ریسرچ کے مطابق پان مسالہ، گٹکا اور اس قسم کی فروخت
ہونے والی تمام اشیاء موت کے پھندے ہیں، ٹاٹا انسٹیوٹ آف فنڈا منٹل ریسرچ نے ملکی سطح پر منہ اور حلق کے کینسر کے کئی لاکھ مریضوں کا جائزہ لینے کے بعد انکشاف کیا کہ یہ تمام کینسر پان مسالے اور گٹکے کے استعمال سے ہوتے ہیں، مردوں کے مقابلے میں عورتوں کو زیادہ ہی ان نقصانات سے دوچار ہونا پڑتا ہے، تمباکو نوشی سے عورتوں کی ماہواری گڑ بڑ ہوجاتی ہے اور ماں کی تمباکو نوشی سے جنین کی حرکت قلب بالکل اسی طرح متاثر ہوتی ہے جس طرح کہ ایک بالغ دل کی حرکت غیر معمولی طور پر بڑھتی ہے۔ تمباکو نوش عورت کے بچے ذہنی طور پر معذور پیدا ہوتے ہیں اور تمباکو اسقاط حمل کا سبب بھی بنتا ہے، امریکہ میں 1993 میں پچاس ہزار عورتوں کو تمباکو نوشی کی وجہ سے اسقاط حمل ہوگیا تھا۔ ( ماہنامہ البلاغ بمبئی۔ شمارہ اپریل 2003)
والدین اگر اس عادت قبیحہ سے اپنی اولاد کو بچانا چاہتے ہیں تو ان کے لئے ضروری ہے کہ وہ خود اس برائی سے بچیں، اور کسی بھی فرد کو چاہے وہ مہمان بھی کیوں نہ ہو اپنے گھر میں سگریٹ نوشی کی اجازت نہ دیں، بچوں کو دوکان سے اسے خرید کر لانے کے لئے پیسے نہ دیں،انہیں نماز، مسواک اور تلاوت قرآن کا عادی بنائیں۔
شراب خوری
شراب ایک نشہ آور چیز کا نام ہے،عربی میں اس کو“خَمَرْ “ کہتے ہیں، یعنی جس کے استعمال سے عقل وہوش کام کرنا چھوڑدیں، اﷲ نے اس کو نا پاکی اور گندگی قرار دیا ہے۔ اس کا پینا نہایت ہی بری عادت ہے، اس سے بہت سی برائیاں پیدا ہوجاتی ہیں، اسی لئے رسول اﷲ صلی اللہ علیہ وسلم نے اسے” اُمّ الخبائث “ (تمام برائیوں کی جڑ )کا نام دیا ہے، آپ صلی اللہ علیہ وسلم کا ارشاد ہے :
” اَلْخَمْرُ جَمَّاعُ الْإِثْمِ، وَالنِّسَائُ حِبَالُ الشَّیْطَانِ، وَحُبُّ الدُّنْیَا رَأْسُ کُلِّ خَطِیْئَۃٍ “ (ضعیف ترغیب وترہیب:1414 )ترجمہ : شراب تمام گناہوں کا مجموعہ ہے اور عورتیں شیطان کی رسّیاں ہیں(یعنی شیطان عمومًاانہی کے ذریعے اپنے شکار کو پھانستا ہے ) اور دنیا کی محبت تمام گناہوں کی جڑ ہے۔
عمومًا وہ بچے اس عادت بد کا شکار ہوتے ہیں جو سگریٹ نوش ہیں اور والدین کی نگرانی سے دور رہتے ہیں، پھر اشرار اور فجّار لوگوں کی صحبت انہیں دھیرے دھیرے ہر فساد و برائی کی طرف لے چلتی ہے، دو چار بار کے انکار کے بعد پھر وہ دوستوں کے اصرار پر دوچار گھونٹ پی ہی لیتے ہیں، پھر رفتہ رفتہ اس کے عادی بن کر والدین کے لئے سوہان روح ہوجاتے ہیں، والدین کے لئے ضروری ہے کہ وہ بچوں کے سامنے اس برائی کی مذمت میں وارد شدہ قرآنی آیات اور احادیث رسول صلی اللہ علیہ وسلم سناتے رہیں، تاکہ بچپن سے ہی ان کے دل میں اس برائی کے خلاف نفرت پیدا ہو ذیل میں شراب کی مذمت میں وارد شدہ چند آیات واحادیث درج کی جارہی ہیں :
1۔ ﴿ یٰآ اَیُّہَاالَّذِیْنَ آمَنُوْا اِنَّمَاالْخَمْرُ وَالْمَیْسِرُ وَالْاَنْصَابُ وَالْاَزْلَامُ رِجْسٌ مِّنْ عَمَلِ الشَّیْطَانِ فَاجْتَنِبُوْہُ لَعَلَّکُمْ تُفْلِحُوْنَ ٭ اِنَّمَا یُرِیْدُ الشَّیْطَانُ اَنْ یُّوْقِعَ بَیْنَکُمُ الْعَدَاوَۃَ وَالْبَغْضَآئَ فِی الْخَمْرِ وَالْمَیْسِرِ وَ یَصُدَّکُمْ عَنْ ذِکْرِ اللّٰہ ِ وَعَنِ الصَّلٰوۃِ ج فَہَلْ اَنْتُمْ مُنْتَہُوْنَ﴾ ( مائدہ : 90۔91)
ترجمہ : اے ایمان والو ! شراب اور جُوا اور بتوں کے چڑھاوے اور پانسے گندے شیطانی کام ہیں، اس سے بچتے رہو، تاکہ تم فلاح پاؤ، شیطان تو یہی چاہتا ہے کہ شراب اور جوے کے ذریعے تمہارے آپس میں دشمنی ڈال دے اور تم کو اﷲ کی یاد اور نماز سے روک دے، پھر کیا ان چیزوں سے تم باز رہو گے ؟
2۔ عن عمر بن الخطاب رضی اللّٰہ عنہ قال قال رسول اللّٰہ صلی اللّٰہ علیہ وسلم :
” مَنْ کَانَ یُؤْمِنُ بِاللّٰہِ وَالْیَوْمِ الْآخِرِ فَلَا یَجْلِسْ عَلٰی مَائِدَۃٍ یُدَارُ عَلَیْہَا الْخَمْرُ ( ترمذی:2801 )
ترجمہ : جو اﷲ اور آخرت کے دن پر ایمان رکھتا ہے تو ہرگز اس دستر خوان پر نہ بیٹھے جس میں شراب کے دور چلائے جارہے ہوں۔
3۔“کُلُّ مُسْکِرٍ خَمْرٌ وَکُلُّ خَمْرٍ حَرَامٌ “( مسلم5337: )
ترجمہ : ہر نشہ آور چیز شراب ہے اور ہر طرح کی شراب حرام ہے۔
4۔ “مَا أَسْکَرَ کَثِیْرُہُ فَقَلِیْلُہُ حَرَامٌ”( أبوداؤد: 3683 )
ترجمہ : جسکے زیادہ پینے سے نشہ آئے اسکا تھوڑا پینا بھی حرام ہے۔
اس میں انکی تردید ہے جو نشہ آنے تک پینے کو جائز سمجھتے ہیں.
5۔ “لَا یَزْنِی الزَّانِیْ حِیْنَ یَزْنِیْ وَھُوَ مُؤْمِنٌ وَلَا یَشْرَبُ الْخَمْرَ حِیْنَ یَشْرَبُہَا وَہُوَ مُؤْمِنٌ ”( بخاری:2475 )
ترجمہ :کوئی زانی زنا کاری کے وقت مومن نہیں ہوتا، اورنہ ہی شراب پینے والا اسے پیتے وقت مومن ہوتا ہے۔ ( اس سے اس حالت میں ایمان نکال لیا جاتا ہے )
6 ۔شراب کو دوائی کے طور پر بھی استعمال کرنے کو حرام قرار دیا گیا :
” إِنَّ اللّٰہَ لَمْ یَجْعَلْ شِفَاؤُکُمْ فِیْمَا حَرَّمَ عَلَیْکُمْ” ( بخاری :قول إبن مسعود۔کتاب الأشربۃ )
ترجمہ : اﷲ تعالیٰ نے اپنی حرام کردہ چیزوں میں تمہارے لئے شفا نہیں رکھا ہے۔
7۔ رسول اﷲ صلی اللہ علیہ وسلم نے شراب کے متعلق دس لوگوں پر لعنت بھیجی :
1۔ شراب کشید کرنے والے،2۔کرانے والے، 3۔پینے والے، 4۔اس کو پلانے والے، 5۔ شراب اٹھانے والے،6۔ جس کے پاس شراب لے جائی جائے،7۔ اس کوبیچنے والے،8۔ اس کی قیمت کھانے والے،9۔اسے خریدنے والے،10۔ اورجس کے لئے خریدی گئی ہو۔ (ترمذی1295: ابن ماجہ : 3381)
8۔ عمر بن خطاب رضی اللہ عنہ نے منبر رسول صلی اللہ علیہ وسلم سے لوگوں کے درمیان اعلان فرمایا کہ :
” اَلْخَمْرُ مَا خَامَرَ الْعَقْلَ “( بخاری:5588 )
ترجمہ : شراب وہ ہے جس سے عقل میں فتور آئے۔
9۔عن أمّ سلمۃ رضی اللّٰہ عنہا زَوْجَ النَّبِیِّ صلی اللّٰہ علیہ وسلم أَنَّہَا قَالَتْ : ” نَہَی رَسُوْلُ اللّٰہِ صلی اللّٰہ علیہ وسلم عَنْ کُلِّ مُسْکِرٍ وَمُفْتِرٍ”(ابو داؤد:3688)
أم المؤمنین أمّ سلمہ رضی اللہ عنہا فرماتی ہیں:”رسول اﷲ صلی اللہ علیہ وسلم نے ہر نشہ آور اور عقل میں فتور پید کرنے والی چیز سے روکا ہے”۔
مندرجہ بالا دونوں حدیثوں کی رو سے ہر قسم کی منشیات ( مخدّرات)، شراب ہی کے زمرے میں آتی ہیں، بلکہ شراب سے کہیں زیادہ ان کا نقصان مسلّم ہے، اس لئے کہ یہ انسانی عقل پر شراب سے کہیں زیادہ اثر انداز ہوتی ہیں، اسے استعمال کرنے کے بعد انسان دور کی چیز قریب اور قریب کی دور محسوس کرتا ہے، اپنے اوہام وخیالات میں جن کا حقیقت سے دور دور کا بھی تعلق نہیں ہوتا مست ومگن ہوتا ہے، اور خیالات کی وادیوں میں اس طرح کھو جاتا ہے کہ اپنے آپ کو اور دین ودنیا تمام کو فراموش کردیتا ہے، اسی لئے شیخ الإسلام امام ابن تیمیہ اور قرافی رحمہما اﷲنے حشیش وغیرہ کے حرام ہونے پر اجماع نقل کیا ہے اور اس کے حلال سمجھنے والے کو کافر کہا ہے۔آج ہر ملک کے نوجوانوں کے لئے ہیروئن اور افیون کا استعمال ایک مسئلہ بنا ہوا ہے، خوشحال گھرانوں کے نو خیز لڑکے اور لڑکیاں اس برائی میں زیادہ مبتلا
ہورہے ہیں، بلکہ کئی ایک ممالک میں طبعی موت مرنے والوں کے مقابلے میں ان کی تعداد زیادہ ہے جو حشیش، چرس، بھنگ، اور افیون کی زائد خوراک لینے کی وجہ سے مررہے ہیں، کئی مسلمان ممالک میں یہ فتنہ بڑے شدّ ومدّ سے سر اٹھایا ہوا ہے چند ممالک نے اس مسئلہ پر خصوصی توجہ مبذول کی ہے اور اس کیلئے خصوصی وزارت قائم کی ہے اور ان منشیات کو رواج دینے والوں کیلئے سخت قوانین بنائے ہیں۔ سعودی عرب نے منشیات اسمگلروں کیلئے سزائے موت کا قانون بنایا ہے، لیکن اس کے باوجود وہاں ہر ہفتہ ایسے لوگ پکڑے اور سر عام قتل کئے جارہے ہیں جو منشیات کو پھیلارہے ہیں، موت کا خوف بھی انہیں اس غلط دھندے سے بازآنے نہیں دیتا۔
شرابی کے لئے اسلام نے سخت تعزیری سزائیں مقرر کی ہیں، جو 40تا 80 کوڑوں پر مشتمل ہیں، اس کے علاوہ حکومت مناسب سمجھے تو منشیات کے استعمال کرنے اور انہیں رواج دینے والوں کے لئے جرمانہ، قید وغیرہ کی سزائیں دے سکتی ہے۔
والدین سے التماس ہے کہ اپنے بچوں پر نگرانی رکھیں، ان کے گھر سے باہر سرگرمیوں، ملنے جلنے والوں، سکول وکالج کے یاروں دوستوں پر نظر رکھیں، انہیں ہر ممکن طریقے سے شریر اور خبیث افراد کی صحبت سے بچائیں، ان کے دلوں میں اﷲ کا خوف پیدا کریں، مسجد کی عادت ڈالیں، نمازاور تلاوت قرآن کی تلقین کرتے رہیں اور ساتھ ہی ان کی ہدایت کے لئے اﷲ رب العالمین سے دعا کرتے رہیں۔
حواله جات :
كتاب : “اولاد كى اسلامى تربيت”
محمد انور محمدقاسم السّلفی