15. Internet ki musibat.
*INTERNET KI MUSEEBAT*
Mojooda daur ki T.V se kahin ziyada agay barhi hui aik aam waba internet hai, jisay computer ke parday par dekha aur suna ja sakta hai, is mein koi shak-o-shubah nahi ke is ki badolat saari duniya simat kar aik chhootey se computer mein jama ho jati hai, is ke zariye insaan duniya jahan ke saaray akhbarat ko sirf click daba kar parh aur sun sakta hai, duniya ke kisi bhi konay mein baithy hue apnay aziz , dost ya rishta daar ko aik paisa kharch kiye baghair palak jhapkanay se pehlay apna paigham pouncha sakta hai, sirf do second mein kisi se bhi muft mein baat kar sakta, duniya ki har Laybrri ki kitaaben parh sakta, kisi bhi islami Website mein ja kar mukhtalif zabanon mein, duniya ke mashhoor o maroof Ulama karaam ki taqareer sun sakta aur unkay fataway aur kitabon se istifada kar sakta hai, gharz ke duniya ke lakhoon Websites apni poori hashar samanion ke sath is ki aik halki si junbish ke muntazir rehtay hain keh woh kab inhen hukam karay aur woh is ki khidmat mein paish hon.
Lekin un tamam khoobiyon ke bawajood internet aik aisa azad maidan hai jis ke liye insani duniya ne aaj tak koi zabita e ikhlaq, qaida aur qanoon nahi banaya, balkay har insaan ko yeh azadi hai keh woh apni aik azad Website khol kar is mein jo chahay mawaad daal day, yahi woh khuli chhuut hai jis ki wajah se be shumaar khoobiyon wala internet insaaniyat ke liye mazarrat rasan ban gaya, lekin afsos kitney aisay musalman hain jinhon ne apnay ghar mein internet laga rakha hai aur bachon ko khuli chhoot day rakhi hai keh woh Is par jo chahay dekhein, unhon ne kabhi is ki parwah hi nahi ki keh hamari aulaad kahin is ka ghalat istemaal to nahi kar rahi hai, jin ke gharon mein internet nahi unhon ne apnay bachon aur bachiyon ko shehron mein mukhtalif jaghon par khulay hue “internet cafe” mein janay ki khushi khushi ijazat day rakhi hai aur inhen fakhr bhi hai keh un ki aulaad internet par bhi kaam karti hai.
Un mein se baaz ” internet cafon” mein kya hota hai is ki aik jhalak Pakistan se shaya honay walay Roznama ” jang” ke sunday magazine mein net bityan” ke kalim mein chupay is waqeye mein dekhye:
*AIK ROOH FARSAA WAQEAA*
B . com ke aik taalib ilm Riaz Ahmed raqam taraz hain:
Main Qaryin ko aik rooh farsaa waqea sunana chahta hon jis mein net aur internet istemaal karnay walon ka haath zaroor hai.
Muashray mein jahan achay log hain wahan aisay logon ki bhi kami nahi jinhon ne apna zameer aur imaan korion ke bhao beech diya hai, yeh meri zindagi ka intehai afsos naak aur talkh tareen waqea hai.
Mujhe rozana jis sarrak numa gali se guzarna hota tha wahan darmiyani darjay ki bohat si dokaein thi, jin mein aik internet cafe bhi tha, cafe par chunkay achi khasi sarmaya kaari ki gayi thi is liye wahan aksar onche familes ke larkay aur larkiyan atay jatay thay.
Aik din is cafe se aik larki bahar nikli, mujhe yun mehsoos hua keh woh apnay hawason mein nahi hai, achanak woh chakra kar zameen par gir gayi logon ka hajhoom is ke ird gird jama ho gaya, un mein aik aunti bhi thi, unhon ne qareebi bekray se mujhe joos Laanay ke liye kaha meray wapas anay tak larki hosh mein to aa chuki thi lekin ajeeb sehmi nazron se sab ko dekh rahi thi, aunti ne is ke pars ki talashi ke douran is ke college ka card nikala jis par is ke ghar ka pata likha hua tha, aunti ne qareeb khari taxi mein larki ko bithaya, khud bhi bathain aur mujhe bhi sath chalnay ko kaha, card par darj pattay ke mutabiq jab hum matlooba ghar tak puhanchay to aik khatoon ne bohat ghabrahat ke aalam mein darwaaza khoola shayad woh is larki ki walida thi, main ne inhen tasalii di aur sath hi apna naam aur Phone number bhi batadiya keh agar zaroorat parray to woh mujhe bulaa sakti hain.
Achanak aik roz Phone ki ghanti baji, main ne Phone uthaya to koi larki Phone par thi, is ne mujhe cafe wala waqea yaad dilaya phir is ne mujh se sirf itna kaha keh woh mujh se milna chahti hai, jab waqt muqarara par main wahan pouncha to woh pehlay se hi mojood thi, main ne salam ke foran baad bulanay ka maqsad daryaft kya to is ne kaha keh:
”Main aik bohat barri mushkil mein hon aur mujhe tumhari madad ki zaroorat hai” is ne bataya keh woh darmiyanay tabqay ke log hain, woh apnay walidain ki ekloti aulaad hai aur inter ki Taliba hai, kuch dinon pehlay is ki dosti aik aala gharanay ki larki se hui jo is ke sath hi parhti thi, is ke bohat se mashaghil thay jin mein se aik chatiing karna bhi tha, is ke apnay ghar mein computer tha, lekin woh college ke qareeb hi waqay aik cafe mein jaya karti thi, woh mujhe subah shaam chatiing ke fawaid bataya karti, is ne aik do dafaa mujhe bhi cafe sath chalnay ko kaha, pehlay to mein mana karti rahi, lekin aik din is ke be had israar par is ke sath cafe chalay hi gayi.
Main jab cafe mein daakhil hui to wahan Ka mahol ajeeb pur asaraar sa laga, aik seedhi si gali aur is ke dayen bayen bohat se cabinz. un cabinz ke baqaida darwazay bhi mojood thay jo andar se band kiye jasaktay thay, hum ne bhi aik cabin ka darwaaza khoola aur is mein baith gaye, phir is ne aik Website kholi aur mujhe sayts kholnay aur chat karnay ke tareeqay batanay lagi, is waqt bohat se log mukhtalif naamon se online thay, kuch der tak woh bhi paigham bhejti aur parhti rahi, taqreeban adhay ghantay baad is ne mujhe operate karnay ko kaha aur khud pani peenay ke bahanay se chali gayi, main ne kuch der tak computer par ultay seedhay haath maaray, jab das minute ho gaye aur wapas nah aayi to main kuch khauf zada si hogayi, main ne computer band karna chaha keh achanak mujhe aik ajeeb si boo mehsoos hui aur phir mujhe musalsal chakkar anay lagey, main ne apnay aap ko sambhalay ki koshish ki, magar main neem be hoshi ke aalam mein thi keh achanak do saaye cabin mein daakhil hue aur is ke baad mujhe koi hosh nahi tha keh meray sath kya hua, taqreeban derh ghantay ke baad main hosh mein aayi to mujhe kuch samajh mein nahi aa raha tha keh meray sath kya hua, main ne ghabrahat ke aalam mein cabin ka darwaaza khoola aur bahar ki taraf bhagi, achanak counter par kharray shakhs ne jo ke darwazay ke bilkul sath hi laga khara tha, dhamki amaiz lehjey mein kaha keh:
”Dekho! yahan jo kuch hua hai kisi ko is ki khabar nah ho, main girti parti bahar nikal aayi aur yeh wohi waqt tha jab aap ne mujhe utha kar ghar pohanchaya.”
Aik hafta pehlay ki baat hai main college se ghar ke liye nikli, zarra sa fasla tay kiya tha keh aik moter bike wala meray qareeb aa kar ruka, us ne mujhe aik lifafa pakraya aur yeh Ja woh ja.
Is mein aik khat aur kuch taswerain mojood thin, jab main ne taswerain dekhein to meray peeron taley se zameen nikal gayi, kyunkay woh sab ki sab taswerain meri thin, apni neem burhenaa taswerain dekh kar meri haalat ”badan mein katu to lahoo nahi” wali thi.
Khat mein aik pattay ke sath yeh ibaarat darj thi.
“Is pattay par pahonch jao warna yeh taswerain tumahray ghar bhi bhjwayi ja sakti hain.,, ( Roznama ”jang, Sunday Magazine Yakam Decemeber 2002 )
*BE HAYAI KA TOFAAN*
Juaa aur sharaab jis ka nuqsaan sirf is ke khailnay aur peenay walay tak mehdood hai lekin Quran-e-Majeed ne un ke talluq se bayan farmaaya:
﴿ يَسْتَلُونَكَ عَنِ الْحَمُرِ وَالْمَيْسِرُ ط قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا ﴾ (البقرة: 219 )
Tarjumah:
“Log aap se sharaab aur juye ke hukam ke talluq se puchhtay hain” farmadein:
“Un dono cheezon mein barri kharabi hai, agarchay un mein logon ke liye kuch faiday bhi hain lekin un ka gunah un ke munafay se kahin ziyada hai”.
Aur RasoolAllah (ﷺ) ne sharaab ke muta’alliq das logon par laanat bhaiji hai:
- Sharaab kasheed karnay walay, 2 . karanay walay, 3 .peenay walay, 4 . sharaab uthany walay 5. jis ke paas sharaab lay jayi jaye, 6. is ko pilanay walay, 7. is ko baichnay walay, 8. is ki qeemat khanay walay, 9. usay kharidnay walay, 10 . aur jis ke Liye kharidi gayi ho.
(ترمذی ، ابن ماجہ : عن انس بن مالک رضی اللہ عنہ )
Jab keh internet ki burai ke agay sharaab ki burai heech hai, bilkhushoos fahaashi aur be hayai ka jo tufaan is se barpaa kya gaya hai aisa lagta hai keh woh saari insaaniyat ko baha lay jaye ga muslim mumalik ne is par qadghan laganay ki kayi koshishen ki hain sirf Saudia ne apnay mulk mein do laakh se ziyada websiton par pabandi lagai hai, lekin aalam yeh hai keh fahaashi ka aik darwaaza band kya gaya to hazaron naye baab khul gaye, bakol Rasool Kareem (ﷺ):
” تعرض الفتن على القلوب كالحصير عودا عودا فأي قلب أشربها نكت فيه نكتة سوداء ، وأي قلب أنكرها نكت فيه نكتة بيضاء ( رواه مسلم عن حذیفہ رضی اللہ عنہ (144)
Tarjumah:
“Lagataar fitnay dilon par aisay paish kiye jayen gay jaisay keh Haseerr ki kaarian ( jab nikalni shuru hoti hain to yakkay baad deegray nikalti hi jayen gi ) jo dil fitnay ko qubool kar lay is par aik siyah nuqta laga diya jata hai, aur jo dil is fitnay ko qubool nahi karay ga is mein aik safaid nuqta bitha diya jaye ga”.
Aaj duniya par fitnon ki barish ho rahi hai aur har fitnah apni halakat khezion mein doosray se kahin agay barha hua hai, kal tak filmon aur thetron ka rona tha aaj TV aur Dish ne har ghar ko cinema hall bana diya hai, thetron ki burai mehdood thi lekin T. V ki be hayai ne inhen meelon peechay chor diya hai aur ab rahi sahi kasar internet ne poori kar di hai, mazeed kitney nit naye fitnay barpaa hungay Allah janay kya hoga agay.
Ain agay agay dekhye hota hai kya
Aaj imaan ki hifazat angaron par chalnay ke barabar hai, zabaan Nabuwat ke alfaaz mein:”
يأتي على الناس زمان الصابر فيهم على دينه كالقابض على الجمر، ( ترمزی 526/4(2260)
Aisay mein walidain ke liye zaroori hai keh woh apnay aur apni aulaad ke imaan ki salamti ki fikar karein:
یا أَيُّهَا الَّذِينَ آمَنُوا قُوا أَنْفُسَكُم وَأَهْلِيكُمْ نَارًا وَقُودُهَا النَّاسُ وَالْحِجَارَةُ )
Ae imaan walon! bachao apnay aap ko aur apnay ahal-o-ayal ko is aag se jis ka eendhan insaan aur pathar hain.
Is mein koi shak nahi keh hum ne apnay muashray mein un buraiyon ko rivaaj day kar jo babool ke pair boye thay ab is ki fasal kaat rahay hain, kitney shareef ghranon ki musalman larkiyan hain jinhon ne islami eqdaar ko tij diya aur Taslimah Nasrin, ban kar islam aur musalmanoon ke liye ruswai ka baa’is ban gayin aur kitni aisi hain keh unhon ne apni Iffat-o-azmat ko korion ke daam bikka diya aur ghair muslim larkoon ke sath bhaag gayin, is tarhan ke senkron waqeat rozana paish aa rhay hain lekin afsos ke asal muharikaat par kisi ki nazar nahi jati aur muashray mein un shar-o-fasad ke darwazon ko band karnay ke liye koi muhim nahi chalayi jati, ab jab keh saari duniya internet ke ghalat istemaal se pareshan hai, kisi ki samajh mein kuch nahi aa raha hai keh is balaa ko kis tarhan roka jaye, aisay mein walidain ka farz bantaa hai keh tufaan anay se pehlay is ka sad baab karein aur aulaad ke bighrnay se pehlay un ki islaah ke liye qadam uthayen taakeh agay chal kar inhen kaf-e-afsos milna nah parray:
“Watan ki fikar kar nadaa, qayamat anay wali hai teri barbadiyon ke tazkiray hain asmano mein”
REFERENCE:
Book: Aulaad ki islami Tarbiyat
Taaleef: “Muhammad Anwar Muhammad Qasim Al Salfi”
انٹر نیٹ کی مصیبت
موجودہ دور کی T.V سے کہیں زیادہ آگے بڑھی ہوئی ایک عام وبا انٹر نیٹ ہے، جسے کمپیوٹر کے پردے پر دیکھا اور سنا جا سکتا ہے، اس میں کوئی شک وشبہ نہیں کہ اس کی بدولت ساری دنیا سمٹ کر ایک چھوٹے سے کمپیوٹر میں جمع ہوجاتی ہے، اس کے ذریعے انسان دنیا جہاں کے سارے اخبارات کو صرف کلک دبا کر پڑھ اور سن سکتا ہے، دنیا کے کسی بھی کونے میں بیٹھے ہوئے اپنے عزیز، دوست یا رشتہ دار کو ایک پیسہ خرچ کئے بغیر پلک جھپکنے سے پہلے اپنا پیغام پہنچا سکتا ہے، صرف دو سکنڈ میں کسی سے بھی مفت میں بات کرسکتا، دنیا کی ہر لائبرری کی کتابیں پڑھ سکتا، کسی بھی اسلامی ویب سائٹ میں جاکر مختلف زبانوں میں،دنیا کے مشہور ومعروف علماء کرام کی تقاریر سن سکتا اور انکے فتاوے اور کتابوں سے استفادہ کرسکتا ہے، غرض کہ دنیا کے لاکھوں ویب سائٹس اپنی پوری حشر سامانیوں کے ساتھ اس کی ایک ہلکی سی جنبش کے منتظر رہتے ہیں کہ وہ کب انہیں حکم کرے اور وہ اس کی خدمت میں پیش ہوں۔
لیکن ان تمام خوبیوں کے باوجود انٹر نیٹ ایک ایسا آزاد میدان ہے جس کے لئے انسانی دنیا نے آج تک کوئی ضابطۂ اخلاق، قاعدہ اور قانون نہیں بنایا،بلکہ ہر انسان کو یہ آزادی ہے کہ وہ اپنی ایک آزاد ویب سائٹ کھول کر اس میں جو چاہے مواد ڈال دے، یہی وہ کھلی چھوٹ ہے جس کی وجہ سے بے شمار خوبیوں والا انٹر نیٹ انسانیت کے لئے مضرّت رساں بن گیا، لیکن افسوس کتنے ایسے مسلمان ہیں جنہوں نے اپنے گھر میں انٹرنیٹ لگا رکھا ہے اور بچوں کو کُھلی چھوٹ دے رکھی ہے کہ وہ اس پر جو چاہے دیکھیں، انہوں نے کبھی اس کی پرواہ ہی نہیں کی کہ ہماری اولاد کہیں اس کا غلط استعمال تو نہیں کر رہی ہے، جن کے گھروں میں انٹر نیٹ نہیں انہوں نے اپنے بچوں اور بچیوں کو شہروں میں مختلف جگہوں پر کُھلے ہوئے” انٹر نیٹ کیفے” میں جانے کی خوشی خوشی اجازت دے رکھی ہے اور انہیں فخر بھی ہے کہ ان کی اولاد انٹرنیٹ پر بھی کام کرتی ہے۔ان میں سے بعض ” انٹر نیٹ کیفوں”میں کیا ہوتا ہے اس کی ایک جھلک پاکستان سے شائع ہونے والے روزنامہ”جنگ”کے سنڈے میگزین میں” نیٹ بیتیاں “کے کالم میں چھپے اس واقعے میں دیکھئے :
ایک روح فرسا واقعہ
بی کام کے ایک طالب علم ریاض احمد رقم طراز ہیں :
” میں قارئین کو ایک روح فرسا واقعہ سنانا چاہتا ہوں جس میں نیٹ اور انٹرنیٹ استعمال کرنے والوں کا ہاتھ ضرور ہے۔ معاشرے میں جہاں اچھے لوگ ہیں وہاں ایسے لوگوں کی بھی کمی نہیں جنہوں نے اپنا ضمیر اور ایمان کوڑیوں کے بھاؤ بیچ دیا ہے یہ میری زندگی کا انتہائی افسوس ناک اور تلخ ترین واقعہ ہے۔
مجھے روزانہ جس سڑک نما گلی سے گذرنا ہوتا تھا وہاں درمیانی درجے کی بہت سی دوکانیں تھیں، جن میں ایک انٹرنیٹ کیفے بھی تھا، کیفے پر چونکہ اچھی خاصی سرمایہ کاری کی گئی تھی اس لئے وہاں اکثر اونچی فیملیز کے لڑکے اور لڑکیاں آتے جاتے تھے۔ ایک دن اس کیفے سے ایک لڑکی باہر نکلی، مجھے یوں محسوس ہوا کہ وہ اپنے حواسوں میں نہیں ہے، اچانک وہ چکرا کر زمین پر گر گئی لوگوں کا ہجوم اس کے ارد گرد جمع ہوگیا، ان میں ایک آنٹی بھی تھیں، انہوں نے قریبی بیکری سے مجھے جوس لانے کے لئے کہا میرے واپس آنے تک لڑکی ہوش میں تو آچکی تھی لیکن عجیب سہمی نظروں سے سب کو دیکھ رہی تھی، آنٹی نے اس کے پرس کی تلاشی کے دوران اس کے کالج کا کارڈ نکالا، جس پر اس کے گھر کا پتہ لکھا ہوا تھا، آنٹی نے قریب کھڑی ٹیکسی میں لڑکی کو بٹھایا، خود بھی بیٹھیں اور مجھے بھی ساتھ چلنے کو کہا، کارڈ پر درج پتے کے مطابق جب ہم مطلوبہ گھر تک پہنچے تو ایک خاتون نے بہت گھبراہٹ کے عالم میں دروازہ کھولا، شاید وہ اس لڑکی کی والدہ تھیں، میں نے انہیں تسلّی دی اور ساتھ ہی اپنا نام اور فون نمبر بھی بتادیا کہ اگر ضرورت پڑے تو وہ مجھے بلا سکتی ہیں۔
اچانک ایک روز فون کی گھنٹی بجی، میں نے فون اٹھایا تو کوئی لڑکی فون پر تھی، اس نے مجھے کیفے والا واقعہ یاد دلایا پھر اس نے مجھ سے صرف اتنا کہا کہ وہ مجھ سے ملنا چاہتی ہے، جب وقت مقررہ پر میں وہاں پہنچا تو وہ پہلے سے ہی موجود تھی، میں نے سلام کے فورا بعد بلانے کا مقصد دریافت کیا تو اس نے کہا کہ :” میں ایک بہت بڑی مشکل میں ہوں اور مجھے تمہاری مدد کی ضرورت ہے” اس نے بتایا کہ وہ درمیانے طبقے کے لوگ ہیں، وہ اپنے والدین کی اکلوتی اولاد ہے اور انٹر کی طالبہ ہے، کچھ دنوں پہلے اس کی دوستی ایک اعلیٰ گھرانے کی لڑکی سے ہوئی جو اس کے ساتھ ہی پڑھتی تھی، اس کے بہت سے مشاغل تھے جن میں سے ایک چیٹنگ کرنا بھی تھا، اس کے اپنے گھر میں کمپیوٹر تھا، لیکن وہ کالج کے قریب ہی واقع ایک کیفے میں جایا کرتی تھی، وہ مجھے صبح شام چیٹنگ کے فوائد بتایا کرتی، اس نے ایک دو دفعہ مجھے بھی کیفے ساتھ چلنے کو کہا، پہلے تو میں منع کرتی رہی، لیکن ایک دن اس کے بے حد اصرار پر اس کے ساتھ کیفے چلے ہی گئی۔ میں جب کیفے میں داخل ہوئی تو وہاں کا ماحول عجیب پُر اسرار سا لگا، ایک سیدھی سی گلی اور اس کے دائیں بائیں بہت سے کیبنز۔ ان کیبنز کے باقاعدہ دروازے بھی موجود تھے جو اندر سے بند کئے جاسکتے تھے،ہم نے بھی ایک کیبن کا دروازہ کھولا اور اس میں بیٹھ گئے، پھر اس نے ایک ویب سائٹ کھولی اور مجھے سائٹس کھولنے اور چیٹ کرنے کے طریقے بتانے لگی، اس وقت بہت سے لوگ مختلف ناموں سے آن لائن تھے،کچھ دیر تک وہ بھی پیغام بھیجتی اور پڑھتی رہی، تقریبا آدھے گھنٹے بعد اس نے مجھے آپریٹ کرنے کو کہا اور خود پانی پینے کے بہانے سے چلی گئی، میں نے کچھ دیر تک کمپیوٹر پر الٹے سیدھے ہاتھ مارے، جب دس منٹ ہوگئے اور واپس نہ آئی تو میں کچھ خوف زدہ سی ہوگئی، میں نے کمپیوٹر بند کرنا چاہا کہ اچانک مجھے ایک عجیب سی بُو محسوس ہوئی اور پھر مجھے مسلسل چکّر آنے لگے، میں نے اپنے آپ کو سنبھالنے کی کوشش کی، مگر میں نیم بے ہوشی کے عالم میں تھی کہ اچانک دو سائے کیبن میں داخل ہوئے اور اس کے بعد مجھے کوئی ہوش نہیں تھا کہ میرے ساتھ کیا ہوا، تقریبا دیڑھ گھنٹے کے بعد میں ہوش میں آئی تو مجھے کچھ سمجھ میں نہیں آرہا تھا کہ میرے ساتھ کیا ہوا،میں نے گھبراہٹ کے عالم میں کیبن کا دروازہ کھولا اور باہر کی طرف بھاگی، اچانک کاؤنٹر پر کھڑے شخص نے جو کہ دروازے کے بلکل ساتھ ہی لگا کھڑا تھا، دھمکی آمیز لہجے میں کہا کہ “: دیکھو! یہاں جو کچھ ہوا ہے کسی کو اس کی خبر نہ ہو ” میں گرتی پڑتی باہر نکل آئی اور یہ وہی وقت تھا جب آپ نے مجھے اٹھاکر گھر پہنچایا “
ایک ہفتہ پہلے کی بات ہے میں کالج سے گھر کے لئے نکلی، ذرا سا فاصلہ طے کیا تھا کہ ایک موٹر بائیک والا میرے قریب آکر رُکا، اس نے مجھے ایک لفافہ پکڑایا اور یہ جا وہ جا۔ اس میں ایک خط اور کچھ تصویریں تھیں، جب میں نے تصویریں دیکھیں تو میرے پیروں تلے سے زمین نکل گئی، کیونکہ وہ سب کی سب میری تھیں، اپنی نیم برہنہ تصویریں دیکھ کر میری حالت”بدن میں کاٹو تو لہو نہیں”والی تھی۔ خط میں ایک پتے کے ساتھ یہ عبارت درج تھی: ” اس پتے پر پہنچ جاؤ ورنہ یہ تصویریں تمہارے گھر بھی بھجوائی جاسکتی ہیں “ (روزنامہ”جنگ “سنڈے میگزین یکم دسمبر 2002 )
انٹر نیٹ کی آگ نے اس معصوم بچی کو اپنی لپیٹ میں لے لیا، اﷲ نہ کرے کہ یہ منحوس آگ ہمارے بچوں اور بچیوں کے خرمنِ زندگی کو بھسم نہ کردے!
اے چشمِ اعتبار ذرا دیکھ تو سہی
یہ گھر جو جل رہا ہے کہیں تیرا گھر نہ ہو
بے حیائی کا طوفان
جُوّا اور شراب جس کا نقصان صرف اس کے کھیلنے اور پینے والے تک محدود ہے لیکن قرآن مجید نے ان کے تعلق سے بیان فرمایا :﴿ یَسْئَلُوْنَکَ عَنِ الْخَمْرِ وَالْمَیْسِرْ ط قُلْ فِیْہِمَآ اِثْمٌ کَبِیْرٌ وَّمَنَافِعُ لِلنَّاسِ وَاِثْمُہُمَآ اَکْبَرُ مِنْ نَفْعِہِمَا ﴾( البقرۃ : 219 ) تر جمہ : لوگ آپ سے شراب اور جوئے کے حکم کے تعلق سے پوچھتے ہیں، فرمادیں : ان دونوں چیزوں میں بڑی خرابی ہے، اگرچہ ان میں لوگوں کیلئے کچھ فائدے بھی ہیں لیکن انکا گناہ انکے منافع سے کہیں زیادہ ہے۔
اور رسول اﷲ صلی اللہ علیہ وسلم نے شراب کے متعلق دس لوگوں پر لعنت بھیجی ہے :
1۔ شراب کشید کرنے والے،2۔کرانے والے، 3۔پینے والے،4۔ شراب اٹھانے والے،5۔ جس کے پاس شراب لے جائی جائے،6۔ اس کو پلانے والے،7۔ اس کوبیچنے والے،8۔ اس کی قیمت کھانے والے،9۔اسے خریدنے والے،10۔ اورجس کیلئے خریدی گئی ہو۔ (ترمذی1295: ابن ماجہ : 3381)
جب کہ انٹر نیٹ کی برائی کے آگے شراب کی برائی ہیچ ہے، بالخصوص فحاشی اور بے حیائی کا جو طوفان اس سے برپا کیا گیا ہے ایسا لگتا ہے کہ وہ ساری انسانیت کو بہا لے جائے گا، مسلم ممالک نے اس پر قدغن لگانے کی کئی کوششیں کی ہیں صرف سعودیہ نے اپنے ملک میں دو لاکھ سے زیادہ ویب سائٹوں پر پابندی لگائی ہے، لیکن عالم یہ ہے کہ فحاشی کا ایک دروازہ بند کیا گیا تو ہزاروں نئے باب کھل گئے، بقول رسول کریم صلی اللہ علیہ وسلم :
” تُعْرَضُ الْفِتَنُ عَلَی الْقُلُوْبِ کَالْحَصِیْرِ عُوْدًا عُوْدًا فَأَيُّ قَلْبٍ أُشْرِبَہَا نُکِتَ فِیْہِ نُکْتَۃٌ سَوْدَائُ، وَأَيُّ قَلْبٍ أَنْکَرَہَا نُکِتَ فِیْہِ نُکْتَۃٌ بَیْضَائُ”(مسلم : 144)
تر جمہ : لگاتار فتنے دلوں پر ایسے پیش کئے جائیں گے جیسے کہ حصیر کی کاڑیاں ( جب نکلنی شروع ہوتی ہیں تو یکے بعد دیگرے نکلتی ہی جائیں گی ) جو دل فتنے کو قبول کرلے اس پر ایک سیاہ نکتہ لگادیا جاتا ہے، اور جو دل اس فتنے کو قبول نہیں کرے گا اس میں ایک سفید نکتہ بٹھا دیا جائے گا۔
آج دنیا پر فتنوں کی بارش ہورہی ہے اور ہر فتنہ اپنی ہلاکت خیزیوں میں دوسرے سے کہیں آگے بڑھا ہوا ہے،کل تک فلموں اور تھیٹروں کا رونا تھاآج ٹی وی اور ڈش نے ہر گھر کو سنیما ہال بنادیا ہے، تھیٹروں کی برائی محدود تھی لیکن T.V کی بے حیائی نے انہیں میلوں پیچھے چھوڑ دیا ہے اور اب رہی سہی کسر انٹرنیٹ نے پوری کردی ہے ٗ مزید کتنے نت نئے فتنے برپا ہونگے اﷲ جانے کیا ہوگا آگے:
ع آگے آگے دیکھئے ہوتا ہے کیا
آج ایمان کی حفاظت انگاروں پر چلنے کے برابر ہے، زبانِ نبوّت کے الفاظ میں :
“یَأتِیْ عَلَی النَّاسِ زَمَانٌ اَلصَّابِرُ فِیْہِمْ عَلٰی دِیْنِہِ کَالْقَابِضِ عَلَی الْجَمْر” ( ترمذی:2260)
ترجمہ : میری امت کے لوگوں پر ایک وقت ایسا بھی آئے گا جس میں اپنے دین پر ثابت قدم رہنے والا ایسے ہی ہوگا جیسا آگ کا انگارہ ہاتھ میں پکڑنے والا۔(یعنی دین پر ثابت قدمی جان جوکھم کا کام ہوگا)
ایسے میں والدین کیلئے ضروری ہے کہ وہ اپنے اور اپنی اولاد کے ایمان کی سلامتی کی فکر کریں :
﴿ یٰآ اَیُّھَاالَّذِیْنَ اٰمَنُوْا قُوٓا اَنْفُسَکُمْ وَاَہْلِیْکُمْ نَارًا وَقُوْدُہَا النَّاسُ وَالْحِجَارَۃُ﴾( التحریم :6)
ترجمہ : اے ایمان والو ! بچاؤ اپنے آپکو اور اپنے اہل وعیال کو اس آگ سے جس کا ایندھن انسان اور پتھر ہیں۔
اس میں کوئی شک نہیں کہ ہم نے اپنے معاشرے میں عریانیت، بے حیائی جیسی برائیوں کو رواج دیکر جو ببول کے پیڑ بوئے تھے اب اس کی فصل کاٹ رہے ہیں، کتنے شریف گھرانوں کی لڑکیاں ہیں جنہوں نے اسلامی اقدار کو تج دیا اور بے حیائی میں اس قدر آگے بڑھ گئیں کہ اسلام اور مسلمانوں کے لئے رُسوائی کا باعث بن گئیں اور کتنی ایسی کہ جنہوں نے اپنی عفّت وعصمت کو کوڑیوں کے دام بکادیا اور غیر مسلم لڑکوں کے ساتھ بھاگ گئیںاور انہوں نے مہینوںان کا جنسی استحصال کرکے یا تو قتل کردیا،یا چہرے پر تیزاب وغیرہ پھینک کر زندگی بھر کے لئے بھیک مانگنے پر مجبور کردیا، یا پھر انہیں تنہا چھوڑ کر بھاگ کھڑے ہوئے۔
اس طرح کے سینکڑوں واقعات روزانہ پیش آرہے ہیں لیکن افسوس کہ اصل محرکات پر کسی کی نظر نہیں جاتی اور معاشرے میں ان شروفساد کے دروازوں کو بند کرنے کے لئے کوئی مہم نہیں چلائی جاتی، اب جب کہ ساری دنیا انٹرنیٹ کے غلط استعمال سے پریشان ہے، کسی کی سمجھ میں کچھ نہیں آرہا ہے کہ اس بلا کو کس طرح روکا جائے، ایسے میں والدین کا فرض بنتا ہے کہ طوفان آنے سے پہلے اسکا سدّ باب کریں اور اولاد کے بگڑنے سے پہلے ان کی اصلاح کیلئے قدم اٹھائیں تاکہ آگے چل کر انہیں کفِ افسوس ملنا نہ پڑے:
وطن کی فکر کر ناداں، قیامت آنیوالی ہے
تیری بربادیوں کے تذکرے ہیں آسمانوں
حواله جات :
كتاب : “اولاد كى اسلامى تربيت”
محمد انور محمدقاسم السّلفی