53. Sulah Se Mutaalliq; [كِتَابُ الْصُّلْحِ]; Peacemaking
53: Kitab us Sulhi
(Sulah Se Mutaalliq Ahkaam-o-Masaael)
كِتَابُ الْصُّلْحِ
❁ Baab 1: Logo’n Ke Darmiyan Sulah Karaane, Ne Haakim-e-Waqt Ka Apne Saathiyo’n Ke Hamraah Mukhtalif Muqamaat Par Sulah Ke Liye Jaane Ka Bayaan. Irshad-e-Baari Ta’ala hai: “Logo’n Ki Aksar Sargoshiyo’n Mein Koi Bhalaai Nahi, Magar Jo Shakhs Hukum De Sadqe Ka Ya Neki-o-Bhalaai Ka, Ya Logo’n Ke Darmiyan Sulah Karaane Ka, Aur Jo Shakhs Allah Ki Khushnoodi Haasil Karne Ke Liye Ye Kaam Karega To Jald Hi Ham Usey Ajar-e-Azeem De’nge”[1]
[2690] Hazrat Sahal bin Saad (رَضِيَ ٱللَّهُ عَنْهُ) se riwayat hai ke Bani Amr bin Awf ke logo’n mein kuch jahgda hua to Nabi (ﷺ) apne chand Sahaba Ikraam (رَضِيَ ٱللَّهُ عَنْهُمْ) ko saath le kar unke paas gae, taake un mein sulah kara de’n. Idhar namaz ka waqt ho gaya aur Nabi (ﷺ) waapas tashreef na laa sakey. Hazrat Bilal (رَضِيَ ٱللَّهُ عَنْهُ) ne namaz ke liye azaan kahi, tab bhi Nabi (ﷺ) na pohonch sakey. To Hazrat Bilal (رَضِيَ ٱللَّهُ عَنْهُ), Hazrat Abu Bakar (رَضِيَ ٱللَّهُ عَنْهُ) (رَضِيَ ٱللَّهُ عَنْهُ) ke paas gae aur unse arz kiya: Nabi (ﷺ) kisi wajah se wahaa’n ruk gae hain, namaz ka waqt ho gaya hai, to kya aap logo’n ki imaamat karaae’nge? Unho’n ne farmaya: Haa’n, agar tum chaaho to (main usey bajaa laane[2] ko taiyyaar hoo’n). Chunache Hazrat Bilal (رَضِيَ ٱللَّهُ عَنْهُ) ne takbeer kahi to Hazrat Abu Bakar (رَضِيَ ٱللَّهُ عَنْهُ) (رَضِيَ ٱللَّهُ عَنْهُ) aage badhe (aur namaz padhane lagey). Itne mein Nabi (ﷺ) safo’n ke darmiyan se guzarte hue pehli saff mein aa-pohonche. Aap ko dekh kar log baar-baar haath par haath maarne (taaliyaa’n bajaane) lagey, lekin Hazrat Abu Bakar (رَضِيَ ٱللَّهُ عَنْهُ) (رَضِيَ ٱللَّهُ عَنْهُ) dauran-e-namaz mein kisi taraf mutawajja nahi hote the. (Taaliyo’n ki kasrat ki wajah se) unho’n ne idhar dekha to maaloom hua ke Nabi (ﷺ) unke peeche tashreef farma hain. Aap (ﷺ) ne apne dast-e-anwar se ishaara karte hue unhe’n hukum diya ke wo ba-dastoor namaz padhate rahe’n, lekin Abu Bakar (رَضِيَ ٱللَّهُ عَنْهُ) ne apna haath uthaaya, Allah ki hamd-o-sana ki, phir ulte paao’n peeche aagae aur saff mein khade ho gae. Nabi (ﷺ) aage badhe aur logo’n ko namaz padhaai. Jab faarigh hue to logo’n ki taraf mutawajja ho kar ho kar farmaya: “Logo! Jab namaz mein tumhe’n koi masla pesh aata hai to taali bajaana kyou’n shuru kar dete ho? Taali bajaana to aurto’n ke liye hai. Aainda tum mein se kisi ko dauran-e-namaz mein koi cheez pesh aae to wo Subhan-Allah kahe, kyou’nke jo bhi usey sunega wo idhar mutawajja hoga. Aye Abu Bakar! Jab maine tumhe’n ishaara kiya tha to phir kis cheez ne tumhe’n namaz padhane se rok diya?” Hazrat Abu Bakar (رَضِيَ ٱللَّهُ عَنْهُ) (رَضِيَ ٱللَّهُ عَنْهُ) ne arz kiya: Abu Quhaafa ke bete kio zeb nahi deta ke wo Nabi (ﷺ) ki maujoodgi mein namaz padhaae.[3]
Faaeda: Qabila Banu Amr bin Awf muqaam-e-quba mein aabaad tha. Unka kisi wajah se baaham jhagda hua, hatta ke ek-doosre ko patthar maarne tak naubat pohonch gai. Rasoolullah (ﷺ) ne zohar ki namaz masjid-e-nabawi mein adaa ki, phir apne chand saathiyo’n ko le kar unke darmiyan sulah karaane ke liye quba tashreef le gae. Isse maaloom hua ke deen-e-islaam mein sulah ko bohot ehmiyat haasil hai. Is liye ke badi se badi shaksiyat bhi pesh-qadmi kar sakti hai. Rasoolullah (ﷺ) se badh kar aur kaun ho sakta hai, aap khud us azeem maqsad ke liye wahaa’n tashreef le gae.
[2691] Hazrat Anas (رَضِيَ ٱللَّهُ عَنْهُ) se riwayat hai, unho’n ne kaha: Nabi (ﷺ) se arz kiya gaya: Agar aap (raees-ul-munafiqeen) Abdullah bin Ubai ke paas tashreef le jaae’n to behtar hoga, chunache Aap (ﷺ) gadhe par sawaar ho kar uske paas tashreef le gae. Kuch musalman bhi aap ke hamraah rawaana hue. Jis raaste se aap jaa rahe the wo shor-kalar[4] waali zameen thi. Jab Nabi (ﷺ) uske paas tashreef le gae to Abdullah bin Ubai kehne laga: Aap mujh se door rahiye. Allah ki qasam! Aap ke gadhe ki boo ne mujhe bohot aziyyat pohonchaai hai. Un mein se ek (1) ansari ne kaha: Allah ki qasam! Rasoolullah (ﷺ) ka gadha tujhse khushbudaar hai. Abdullah bin Ubai munaafiq ki qaum ka ek (1) shakhs is par ghazabnaak hua, yahaa’n tak ke dono ne ek-doosre ko bura-bhala kehna shuru kar diya. Is tarah har ek ki taraf se unke saathi mushta-il[5] ho gae aur unke darmiyan chadiyo’n, haatho’n, aur jooto’n se maar-kataai shuru ho gai. Hame’n maaloom hua ke darj-e-zel aayat us mauqa par naazil hui:
Agar Ahle Imaan Ki Do (2) Jamaate’n Jhagad Pade’n To Unke Darmiyan Sulah Karaado.[6]
Faaeda: Abdullah bin Ubai Qabila-e-Khazraj ka sardar tha. Ahle Madina ne usey mushtaraka taur par apna raees banaane ka faisla kar liya tha aur uski taaj-poshi ke liye waqt bhi tae ho chuka tha. Rasoolullah (ﷺ) ki madina taiyyaba tashreef-aawari ki wajah se us rasm-e-taaj-poshi ko amal mein na laaya jaa saka. Rasoolullah (ﷺ) ko mashwara diya gaya ke agar aap uske paas tashreef le jaae’nge to uski dil-joi hogi. Shayad wo apne saathiyo’n samet musalman ho jaae. Is binaa par aap bila-takalluf wahaa’n chale gae, phir wahaa’n jo kuch hua wo hadees mein mazkoor hai.
❁ Baab 2: Wo Shakhs Jhoota Nahi Jo (an-kahi baate’n karke) Logo’n Ke Darmiyan Sulah Karaa De
[2692] Hazrat Umme Kulsoom bint Uqba (رَضِيَ ٱللَّهُ عَنْهَا) se riwayat hai, unho’n ne kaha: Maine Rasoolullah (ﷺ) ko ye farmate suna: “Jo shakhs do (2) aadmiyo’n ke darmiyan sulah karaa de aur us mein koi acchi baat mansoob kar de, ya acchi baat keh de to wo jhoota nahi hai”.
Faaeda: Choo’nke us jhoot se maqsood shar aur fasaad ko khatam karna hota hai, is liye usey jhoot shumaar nahi kiya jaaega. Agarche wo nafs-ul-amr[7] mein jhoot hi hai. Saheeh Muslim ki riwayat mein hai ke teen (3) mawaaqe par khilaaf-e-waaqea baat karne mein koi harj nahi hai. Ek (1) jung ke mauqa par jhoot bolna, taake dushman dhoke mein aajaae. Doosra, sulah karaate waqt khilaaf-e-waaqea baat kehna, aur teesra khaawind-biwi ka ek-doosre ko khush karne ke liye jhoot bolna. Inke alaawa sareeh jhoot baais-e-laanat aur naajaaez hai.[8]
❁ Baab 3: Haakim Ka Apne Saathiyo’n Se Kehna: Hamaare Saath Chalo, Taake Sulah Karaae’n
[2693] Hazrat Sahal bin Saad (رَضِيَ ٱللَّهُ عَنْهُ) se riwayat hai ke ahle quba ek (1) martaba lad-pade, yahaa’n tak ke unho’n ne ek-doosre ko patthar maare. Rasoolullah (ﷺ) ko iski khabar di gai to aap ne farmaya: “Hamaare saath chalo, taake ham unki aapas mein sulah kara de’n”.[9]
❁ Baab 4: Irshad-e-Baari Ta’ala: “Dono’n (miya-biwi) Aapas Mein Kisi Tarah Sulah Kar Le’n Kyou’nke Sulah Hi Behtar Hai” Ka Bayaan
[2694] Hazrat Ayesha (رَضِيَ ٱللَّهُ عَنْهَا) se riwayat hai, unho’n ne darj-e-zel aayat-e-karima ki tafseer karte hue farmaya: “Agar koi aurat apne khaawind se be-tawajjohi[10] ya roo-gardaani ka andesha rakhti ho”. Isse muraad aisa shauhar hai jo apni biwi mein aisi cheez dekhe jo usey pasand na ho. Masalan: Budhaapa waghaira aur wo uske pesh-e-nazar usey judaa karna chahta ho to aurat usey peshkash kare ke mujhe apne paas rakho aur jo chaaho dete raho. Hazrat Ayesha (رَضِيَ ٱللَّهُ عَنْهَا) ne farmaya: Agar wo dono raazi ho jaae’n to koi harj nahi.[11]
❁ Baab 5: Agar Log Kisi Zulm Par Sulah Kar Le’n To Aisi Sulah Mardood Hai
[2695 2696] Hazrat Abu Huraira aur Hazrat Zaid bin Khaalid Jhoni (رَضِيَ ٱللَّهُ عَنْهُ) se riwayat hai, unho’n ne kaha: Ek (1) dehaati aaya aur arz karne laga: Allah ke Rasool (ﷺ)! Hamaare darmiyan kitabullah ke mutaabiq faisla farma deejiye! Uska mukhaalif khada hua aur kehne laga: Isne sach kaha hai, hamaare darmiyan kitabullah ke mutaabiq faisla kar de’n. Dehaati ne kaha: Mera beta uske yahaa’n naukar tha, usne uski biwi se zina kiya hai. Logo’n ne kaha: Tere bete ko rajm kiya jaaega, lekin maine apne bete ke us jurm ke ewaz sau (100) bakriyaa’n aur ek (1) laundi de kar sulah Karli. Phir maine ahle ilm se poocha to unho’n ne kaha: Tere bete ke liye sau (100) kode aur ek (1) saal ki jila-watani[12] zaroori hai. Nabi (ﷺ) ne farmaya: “Main tumhare darmiyan kitabullah ke mutaabiq faisla karta hoo’n. Laudni aur bakriyaa’n tujhe waapas ki jaati hain, aur tere bete par sau (100) kode aur ek (1) saal ke liye jila-watani laazim hai”. Phir ek (1) aadmi se farmaya: “Aye Anees! Is shaks ki biwi ke paas jaao aur (Agar wo zina ka eteraaf kar le to) usey sang-saar kar do”. Chunache wo us aurat ke paas gae aur usey sang-saar kar diya.[13]
[2697] Hazrat Ayesha (رَضِيَ ٱللَّهُ عَنْهَا) se riwayat hai, unho’n ne kaha: Rasoolullah (ﷺ) ne farmaya: “Jis shakhs ne hamaare is deen mein koi aisi nai rasm paida ki jo is mein nahi thi to wo mardood hogi”.
Abdullah bin Jaafar Makhrami aur Abdul Wahid bin Abi A’un ne is riwayat ko Saad bin Ibrahim se bayan kiya hai.
Faaeda: Haafiz Ibne Hajar (رَحِمَهُ ٱللَّهُ) is hadees ki tashreeh karte hue likhte hain ke jis shakhs ne deen-e-islaam mein kisi aisi rasm ko riwaaj diya jiski koi asal nahi hai to us rasm ki taraf koi tawajjo nahi di jaaegi. Aisi rasm ko deewaar se maar diya jaae.[14] Ye hadees shariyat ki asl-ul-usool hai, isse tamaam bidat ka radd hota hai jo logo’n ne deen mein paida kar rakhi hain, jaisa ke qul-khwani, chehlum, saalgirah, ta’ziya, urs aur mele waghaira.
❁ Baab 6: Dastawizaat-e-Sulah Yu’n Likhi Jaae’n: “Ye Sulah-naama Hai Jis Par Falaa’n Bin Falaa’n aur Falaa’n Bin Falaa’n Ne Sulah Ki” Is Par Khandaan Ya Nasab-naama Likhna Zaroori Nahi
[2698] Hazrat Baraa bin Aazib (رَضِيَ ٱللَّهُ عَنْهُ) se riwayat hai, unho’n ne kaha: Jab Rasoolullah (ﷺ) ne ahle hudaibiya se sulah ki to Hazrat Ali (رَضِيَ ٱللَّهُ عَنْهُ) ne unke darmiyan sulah-naama tehreer kiya. Unho’n ne “Muhammad-ur-Rasoolullah” likha to mushrikeen ne kaha: “Muhammad-ur-Rasoolullah” na likho. Agar aap Allah ke Rasool (ﷺ) hote to ham aap se ladaai na karte. Chunache aap ne Hazrat Ali (رَضِيَ ٱللَّهُ عَنْهُ) se farmaya: “Usko mitaa do”. Hazrat Ali (رَضِيَ ٱللَّهُ عَنْهُ) ne kaha: Main to usko nahi mitaau’nga. Phir Rasoolullah (ﷺ) ne apne dast-e-anwar se mitaaya aur unse us shart par sulah ki, ke aap aur aap ke Sahaba Ikraam (رَضِيَ ٱللَّهُ عَنْهُمْ) (Agle saal) teen (3) din makkah mukarrama mein rahe’nge aur makkah mein daakhila bhi julubbaan is Silaahi (جُلُبَّانِ السِّلَاحِ) ke saath hoga. Unho’n ne poocha: Ye julubbaan as salaah kya cheez hai? Aap ne farmaya: “Isse muraad niyaam aur jo kuch us mein hota hai”.[15]
[2699] Hazrat Baraa bin Aazib (رَضِيَ ٱللَّهُ عَنْهُ) hi se riwayat hai, unho’n ne kaha: Nabi (ﷺ) ne dhul-qada mein umrah karne ka iraada kiya to ahle makkah ne aap ko makkah mein daakhil hone se rok diya. yahaa’n tak ke un logo’n ne aap se in sharaaet par sulah Karli ke aap aainda saal sirf teen (3) din makkah mein qiyaam farmae’nge. Jab sulah-naam likhne lagey to likha: Ye wo dastawez hai, jis par Muhammad-ur-Rasoolullah (ﷺ) ne sulah ki hai. Mushrikeen ne kaha: Hame to is risaalat ka iqraar nahi kare’nge. Agar hame’n yaqen ho ke aap Allah ke Rasool (ﷺ) hain to ham aap ko makkah mein daakhil hone se kabhi na roke’n, lekin aap ko Muhammad bin Abdullah hain. Aap ne farmaya: “Main Allah ka Rasool bhi hoo’n aur Muhammad bin Abdullah bhi hoo’n”. Phir aap ne Hazrat Ali (رَضِيَ ٱللَّهُ عَنْهُ) se farmaya: “Rasoolullah ka lafz mitaa do”. Hazrat Ali (رَضِيَ ٱللَّهُ عَنْهُ) ne arz kiya: Allah ki qasam! Main to kabhi aap ka naam nahi mutaau’nga. Tab Rasoolullah (ﷺ) ne az-khud wo sulah-naama liya aur likha: “Ye wo dastawez hai jis ke mutaabiq Muhammad bin Abdullah ne sulah ki hai ke wo makkah mein hathiyaar le kar daakhil nahi ho’nge magar wo apne niyaam mein ho’nge aur agar ahle makkah mein se koi bhi aap ke saath jaane ko taiyyaar hoga to aap usey makkah se baahar nahi le jaa sake’nge, aur agar aap ke saathiyo’n mein se koi shakhs makkah mein rehna chaahega to aap usey nahi roke’nge”. Aainda saal jab aap makkah mukarrama mein daakhil hue aur muddat guzarne waali thi to mushrikeen Hazrat Ali (رَضِيَ ٱللَّهُ عَنْهُ) ke paas aae aur kehne lagey: Apne saathi se kaho ke aap hamaare paas se chale jaae’n, kyou’nke muddat-e-muaahada[16] guzar chuki hai. Chunache Nabi (ﷺ) jab makkah se jaane lagey to Hazrat Hamza (رَضِيَ ٱللَّهُ عَنْهُ) ki dukhtar chacha-chacha kehkar peecha karne lagi. Hazrat Ali (رَضِيَ ٱللَّهُ عَنْهُ) ne usey le liya, uska haath pakad kar Hazrat Fatima (رَضِيَ ٱللَّهُ عَنْهَا) se kaha: Isey utha lo, ye tumhari chacha-zaad hai. Usey apne saath sawaar karlo, phir us ladki ke mutaalliq Hazrat Ali, Hazrat Zaid, aur Hazrat Jaafar (رَضِيَ ٱللَّهُ عَنْهُمْ) ne jhagda kiya. Hazrat Ali (رَضِيَ ٱللَّهُ عَنْهُ) ne kaha: Main uska ziyada haqdaar hoo’n. Ye mere chacha ki saahibzaadi hai. Hazrat Jaafar (رَضِيَ ٱللَّهُ عَنْهُ) ne kaha: Ye mere chacha ki beti hai, aur uski khala mere aqd mein hai, aur Hazrat Zaid bin Haaritha (رَضِيَ ٱللَّهُ عَنْهُ) ne kaha: Ye mere bhai ki dukhtar hai. Nabi (ﷺ) ne khala ke haq mein faisla karte hue farmaya: “Khala (parwarish karne mein) maa ki jagah hoti hai”. Uske baad Hazrat Ali (رَضِيَ ٱللَّهُ عَنْهُ) se farmaya: “Tu mujh se hai aur main tujh se hoo’n”. Nez, Hazrat Jaafar (رَضِيَ ٱللَّهُ عَنْهُ) se farmaya: “Tum soorat aur seerat mein meri maanind ho”. Hazrat Zaid bin Haaritha (رَضِيَ ٱللَّهُ عَنْهُ) se farmaya: “Tum hamaare bhai bhi ho aur hamaare aazaad karda ghulam bhi”.[17]
❁ Baab 7: Mushrikeen Ke Saath Sulah Karna
Iske mutaalliq Hazrat Abu Suyfan (رَضِيَ ٱللَّهُ عَنْهُ) se marwi ek (1) hadees hai. Hazrat Awf bin Maalik (رَضِيَ ٱللَّهُ عَنْهُ) Nabi (ﷺ) se bayan karte hain: “Phir tumhari roomiyo’n se sulah ho jaaegi”. Iske mutaalliq Hazrat Sahal bin Hunaif (رَضِيَ ٱللَّهُ عَنْهُ) se riwayat hai ke ham ne wo din bhi dekha jab Abu Jandal ko bediyaa’n padi hui thee’n. Nez, Hazrat Asma aur Hazrat Miswar (رَضِيَ ٱللَّهُ عَنْهُمْ) ki bhi Nabi (ﷺ) se riwayaat hain.
[2700] Hazrat Baraa bin Aazib (رَضِيَ ٱللَّهُ عَنْهُ) se riwayat hai, unho’n ne farmaya: Nabi (ﷺ) ne hudaibiya ke mauqa par mushrikeen ke saath teen (3) cheezo’n par sulah ki thi. Ek to ye ke jo mushrikeen mein se aap ke paas aaega aap usey unke paas waapas lauta de’nge aur jo musalman un mushrikeen ke paas aaega wo usey waapas nahi kare’nge. Doosri ye ke aap aainda saal makkah mein aasake’nge aur teen (3) din tak wahaa’n qiyaam kare’nge. Teesri ye ke talwaar aur teer waghaira niyaam aur tarkash mein daal kar hi makkah mein daakhil ho’nge. Us dauraan mein Hazrat Abu Jandal (رَضِيَ ٱللَّهُ عَنْهُ) jo musalman ho gae the, apni bediyo’n samet chote-chote qadam uthaate hue pohonche to Aap (ﷺ) ne unhe’n mushrikeen ki taraf waapas kar diya.[18]
Abu Abdullah (Imam Bukhari (رَحِمَهُ ٱللَّهُ)) ne kaha: Momil (مُؤَمَّلٌ) ne Imam Sufyan Soori se Abu Jandal (رَضِيَ ٱللَّهُ عَنْهُ) ka waaqea zikr nahi kiya. Albatta unho’n ne Julubbis Silaahi ke bajaae julub as salaah ke alfaaz zikr kiye hain.
Faaeda: Jab sulah hudaibiya ka muaahada tehreer kiya jaa raha tha to us waqt Hazrat Abu Jandal (رَضِيَ ٱللَّهُ عَنْهُ) bediyo’n samet bhaag kar Rasoolullah (ﷺ) ke paas aae to uske baap Suhail ne uski waapsi ka mutaalba kiya. Rasoolullah (ﷺ) ne usey waapas karte hue farmaya: “Abu Jandal! Sabr se kaam lo, Allah Ta’ala tujhe najaat dilaaega, choo’nke ham ne sulah-naama likh liya hai, ab ham ehed-shikni nahi karna chaahte”. Phir aap ne usey waapas kar diya. Is hadees mein waazeh taur par mushrikeen-e-makkah ke saath sulah ka zikr hai.
[2701] Hazrat Ibne Umar (رَضِيَ ٱللَّهُ عَنْهُ) se riwayat hai ke Rasoolullah (ﷺ) umrah karne ke liye rawaana hue to kuffaar-e-quraish aap ke aur baitullah ke darmiyaan haael ho gae. Is liye Aap (ﷺ) ne hudaibiya ke muqaam par hi apni qurbani ko zibah kiya. Apna sar-e-mubaarak bhi hudaibiya mein mundwaaya aur mushrikeen-e-quraish se is baat par sulah Karli ke aap aainda saal umrah kare’nge aur un par hathiyaar uthaa kar nahi chale’nge, albatta talwaare’n niyaam mein le kar aasake’nge, nez makkah moazzama mein jab tak kuffaar pasand kare’n aap qiyaam kare’nge. Chunache aap ne aainda saal umrah kiya aur hasb sharaaet-e-sulah makkah muakrrama mein daakhil hue. Jab teen (3) din makkah mein theher chuke to unho’n ne makkah se chale jaane ko kaha, lehaaza aap makkah mukarramam se rawaana ho gae.[19]
Faaeda: Sulah Hudaibiya mein kuffaar-e-makkah ne sakht sharaaet lagaaee’n, jo ba-zaahir musalmano ke haq mein nahi thee’n, lekin Rasoolullah (ﷺ) ne hidayat-e-Rabbani ke tahat unhe’n qubool farmaya, kyou’nke Allah ke ilm mein tha ke un mein musalmano ka bhala hai. Allah Ta’ala ne is sulah ko fatah-e-mubeen ka naam diya. Chunache is sulah ke nateeje mein makkah fatah hua aur log hazaro’n ki taadaad mein musalman hone lagey, kyou’nke sulah hudaibiya ke baad ahle makkah ka madina taiyyaba mein aana-jaana hua aur unho’n ne Rasoolullah (ﷺ) aur aap ke jaa’n nisaaro’n ki seerat ka mushaahada kiya, is tarah unke dil islaam ki taraf maael hone lagey.
[2702] Hazrat Sahal bin Abi Hathmah (حَثْمَةَ) se riwayat hai, unho’n ne kaha: Abdullah bin Sahal aur Muhaiyyisa bin Masood bin Zaid (رَضِيَ ٱللَّهُ عَنْهُمْ) khybar ki taraf gae, khybar ke yahoodiyo’n se un dono musalmano ki sulah thi.[20]
❁ Baab 8: Diyyat Par Sulah Karna
[2703] Hazrat Anas (رَضِيَ ٱللَّهُ عَنْهُ) se riwayat hai, unho’n ne kaha ke Hazrat Rabee (رَضِيَ ٱللَّهُ عَنْهَا) jo Nazar ki dukhtar thee’n, unho’n ne kisi naujawaan ladki ka agla daant tod diya, to ladki ke wursa[21] ne taawaan[22] ka mutaalba kar diya. Rabee ke khandaan ne moaafi ki darkhwaast ki to unho’n ne inkaar kar diya aur wo Nabi (ﷺ) ki khidmat mein haazir hue to aap ne qisaas lene ka hukum diya. Hazrat Anas bin Nazar (رَضِيَ ٱللَّهُ عَنْهُ) ne arz kiya: Allah ke Rasool (ﷺ)! Kya Rabee ka daant tod diya jaaega? Qasam hai us zaat ki, jisne aap ko haq ke saath mab-oos kiya hai! Uska daant nahi toda jaaega. Aap (ﷺ) ne farmaya: “Aye Anas! Kitabullah ka faisla to qisaas hi hai”. Ye sun kar doosre log raazi ho gae aur unho’n ne qisaas moaaf kar diya. Tab Nabi (ﷺ) ne farmaya: “Allah ke bando’n mein se kuch aise bhi hain, agar wo Allah par yaqeen-e-mohkam rakhte hue qasam utha le’n to Allah Ta’ala unki qasam poori farma deta hai”.
(Raawi-e-hadees) Fazaari ne Hazrat Anas (رَضِيَ ٱللَّهُ عَنْهُ) se ye alfaaz zaaed naqal kiya hai: Qaum raazi ho gai aur unho’n ne diyyat qubool Karli.[23]
Faaeda: Hazrat Anas bin Nazar ne sharai hukum ka inkaar nahi kiya tha, balke unho’n ne khayaal kiya ke shayad diyyat aur qisaas mein ikhtiyaar hai. Un mein jo bhi adaa kar diya jaae jaaez hai. Unhe’n qisaas ki taayyun ka ilm nahi tha, jabke quran-e-majeed mein hai: “Daant Ke Badle Daant (toda jaae)”.[24] Iska ek khoobsoorat jawaab ye bhi hai ke Hazrat Anas bin Nazar (رَضِيَ ٱللَّهُ عَنْهُ) ne لَا تُكْسَرْ laa tuksar ke alfaaz se hukum-e-ilaahi ko radd nahi kiya tha, balke Allah ke fazal par wusooq[25] karte hue uske adm-e-wuqoo ki khabar di thi. Chunache Allah Ta’ala ne unke etemaad ko thes nahi pohonchaai. Iski taaeed is baat se bhi hoti hai ke Rasoolullah (ﷺ) ne khud is amr ki shahadat di ke baaz mukhlis bande aise hote hain ke Allah unki kahi hui baat ko poora karta hai.
❁ Baab 9: Hazrat Hasan bin Ali (رَضِيَ ٱللَّهُ عَنْهُ) Ke Mutaalliq Farman-e-Nabawi Ke “Mera Ye Beta Sardar Hai Shayad Uske Zariye Se Allah Ta’ala Do (2) Bade Giroho’n Ke Darmiyan Sulah Karaa De”, Nez Allah Ta’ala Ke Farman “Un Dono Ke Darmiyan Sulah Karaado” Ki Wazaahat
[2704] Hazrat Abu Moosa (Israel bin Musa) se riwayat hai, unho’n ne kaha: Maine Hasan Basri se suna, unho’n ne farmaya: Allah ki qasam! Jab Hazrat Hasan bin Ali, Ameer Muawiya (رَضِيَ ٱللَّهُ عَنْهُ) ke muqaable mein pahaado’n jaisa Lashkar le kar aae to Hazrat Amr bin Aas (رَضِيَ ٱللَّهُ عَنْهُ) ne kaha: Main aise lashkaro’n ko dekh raha hoo’n jo us waqt tak waapas nahi jaae’nge jab tak wo apne mukhalifeen ko qatal na kar de’n. Hazrat Muawiya (رَضِيَ ٱللَّهُ عَنْهُ) jo un (Amr) se behtar the, ne Hazrat Amr bin Aas (رَضِيَ ٱللَّهُ عَنْهُ) se kaha: Aye Amr! Agar unho’n ne unko aur unho’n ne inko qatal kar diya to logo’n ke umoor ki nigraani kaun karega? Unki aurto’n ki kafaalat kaun karega? Unke baccho’n aur boodho’n ki hifaazat kaun karega? Phir Syedna Muawiya (رَضِيَ ٱللَّهُ عَنْهُ) ne quraish ke qabila-e-Abd Shams se do (2) Aadmi: Abdur Rahman bin Samra aur Abdullah bin Amir bin Kuraiz bheje aur unse kaha ke us shakhs (Hazrat Hasan (رَضِيَ ٱللَّهُ عَنْهُ)) ke paas jaao aur sulah ki peshkash karo. Usse sulah ke mutaalliq guftagu karo, chunache wo dono Hazrat Hasan (رَضِيَ ٱللَّهُ عَنْهُ) ke paas gae, unse guftagu ki aur sulah ki peshkash saamne rakhi. Hazrat Hasan bin Ali (رَضِيَ ٱللَّهُ عَنْهُ) ne unse farmaya: Ham Abdul Muttalib ki aulaad hain aur hame khilaafat ki wajah se rupiya-paisa kharch karne ki aadat pad gai hai aur ye log jo hamaare saath hain unhe’n bhi khoon-kharaaba karne ki lat[26] pad chuki hai. (Ye rupiya paisa ke baghair waapas nahi ho’nge). Wo dono kehne lagey: Hazrat Muawiya (رَضِيَ ٱللَّهُ عَنْهُ) aap ko itna-itna paisa dene par raazi hain aur aap se sulah chaahte hain. Unho’n ne faisla aap ki sawaab-deed[27] par choda hai aur aap se iska hal dariyaaft kiya hai? Hazrat Hasan (رَضِيَ ٱللَّهُ عَنْهُ) ne farmaya: Iski zimmedaari kaun le ga? Unho’n ne arz kiya: Ham iski zimmedaari qubool karte hain. Uske baad Hazrat Hasan (رَضِيَ ٱللَّهُ عَنْهُ) ne jis-jis cheez ka mutaalba kiya wo dono yehi kehte rahe ke ham uske zimmedaar hain, chunache Hazrat Hasan (رَضِيَ ٱللَّهُ عَنْهُ) ne Hazrat Ameer Muawiya (رَضِيَ ٱللَّهُ عَنْهُ) se sulah karli.
Abu Bakrah (رَضِيَ ٱللَّهُ عَنْهُ) se suna, wo farmate hain: Maine Rasoolullah (ﷺ) ko mimbar par dekha, jabke Hazrat Hasan bin Ali (رَضِيَ ٱللَّهُ عَنْهُ) aap ke pehlu mein baithe the. Aap kabhi to logo’n ki taraf dekhte aur kabhi unki taraf mutawajja ho jaate aur farmate: “Mera ye beta syed hai, aur ummeed hai ke Allah uske zariye se musalmano ki do (2) azeem jamaato’n ke darmiyan sulah karaaega”.
Abu Abdullah (Imam Bukhari (رَحِمَهُ ٱللَّهُ)) farmate hain: Mere ustad Ali bin Madeeni ne farmaya: Is hadees ki badaulat hamaare nazdeek Hazrat Abu Bakrah (رَضِيَ ٱللَّهُ عَنْهُ) se Hazrat Hasan Basri ka samaa’ (سَماع) saheeh saabit hua hai.[28]
Faaeda: Is muqaam par kuch tafseel is tarah hai ke Hazrat Ali (رَضِيَ ٱللَّهُ عَنْهُ) ki shahadat ke baad Hazrat Hasan (رَضِيَ ٱللَّهُ عَنْهُ) ki bait ki gai, aap ne is muaamale mein ghaur kiya to is nateeje par pohonche ke ummat mein ikhtelaaf se behtar hai ke wo khilaaf Hazrat Muawiya (رَضِيَ ٱللَّهُ عَنْهُ) ke hawaale karke ummat ki khoon-rezi ke bajaae un mein ittehaad-o-yagaangat[29] paida kare’n. Chunache unho’n ne che (6) maah tak khilaafat ke muaamalaat sar-anjaam dene ke baad mulk aur duniya ki raunaq ko thukra diya, halaa’nke 40,000 afraad unke haath par bait kar chuke the. Isse maaloom hota hai ke khilaaf se dast-bardaari[30] ki wajah, zillat aur qillat nahi thi, balke mahez ummat ki khair-khwahi aur deen ki sar-bulandi maqsood thi.
❁ Baab 10: Kya Haakim Sulah Ke Mutaalliq Mashwara De Sakta Hai?
[2705] Hazrat Ayesha (رَضِيَ ٱللَّهُ عَنْهَا) se riwayat hai, unho’n ne kaha: Rasoolullah (ﷺ) ne darwaze par do (2) jhagadne waalo’n ki aawaaze’n sunee’n jo buland ho rahi thee’n. Waaqea ye tha ke un mein se ek-doosre se qarz mein kami karne aur taqaaze mein kuch narmi baratne ke liye keh raha tha, jabke doosra kehta tha ke Allah ki qasam! Main aisa nahi karu’nga. Chunache Rasoolullah (ﷺ) unke paas tashreef le gae aur farmaya: “Is baat par Allah ki qasam uthaane waale sahaab kaha’n hain jo kehte hain ke main neki ka kaam nahi karu’nga?” Qasam uthaane waale ne arz kiya: Allah ke rasool! Main maujood hoo’n. Ab mera bhai jo chahta hai mujhe wohi pasand hai.
[2706] Hazrat Kaab bin Maalik (رَضِيَ ٱللَّهُ عَنْهُ) se riwayat hai, unka Hazrat Abdullah bin Abi Hadrad Aslami (رَضِيَ ٱللَّهُ عَنْهُ) ke zimme kuch qarz tha. Jab dono ki mulaqaat hui ti Hazrat Kaab (رَضِيَ ٱللَّهُ عَنْهُ) ne unhe’n pakad liya, hatta ke dono ki aawaaze’n buland hone lagee’n. Nabi (ﷺ) udhar se guzare to aap ne farmaya: “Aye Kaab!” aur apne dast-e-aqdas se ishaara farmaya. Goya aap nisf qarz kam karne ka farma rahe the. Chunache Hazrat Kaab (رَضِيَ ٱللَّهُ عَنْهُ) ne apne qarz se nisf le liya aur nisf moaaf kar diya.[31]
❁ Baab 11: Logo’n Mein Sulah Karaane Aur Unke Darmiyan Insaaf Karne Ki Fazilat
[2707] Hazrat Abu Huraira (رَضِيَ ٱللَّهُ عَنْهُ) se riwayat hai, unho’n ne kaha: Rasoolullah (ﷺ) ne farmaya: “Har din jis mein sooraj tuloo hota hai, logo’n ke tamaam jodo’n[32] par sadqa hai aur logo’n ke darmiyan insaaf karna bhi ek (1) sadqa hai”.[33]
❁ Baab 12: Jab Haakim Sulah Karne Ka Mashwara De Aur Koi Fareeq Usey Tasleem Na Kare To Haakim Apna Waazeh Faisla Kare
[2708] Hazrat Urwah bin Zubair se riwayat hai, wo Hazrat Zubair bin Awwam (رَضِيَ ٱللَّهُ عَنْهُ) se bayan karte hain ke unka ek (1) ansari badri sahaabi se hira ke barsaati naale ke mutaalliq jhagda hua, jisse wo dono (apni zameeno’n ko) paani pilaaya karte the. Wo apna muqaddama Rasoolullah (ﷺ) ke paas le gae to Rasoolullah (ﷺ) ne farmaya: “Zubair! Tum zameen saeraab karke phir apne padosi ke liye paani chod do”. Isse ansari ghazabnaak ho kar kehne laga: Allah ke Rasool (ﷺ)! Ye is wajah ke wo aap ka phuphi-zaad hai? Ye baat sun kar Rasoolullah (ﷺ) ka chehra-e-anwar mutaghaiyyaar[34] ho gaya. Phir aap ne farmaya: “Aye zubair! Tum apni zameen ko saeraab karo, phir paani ko roke rakho, hatta ke wo munder tak chadh jaae”. Is martaba Rasoolullah (ﷺ) ne Hazrat Zubair ko unka poora-poora haq diya. Qabl-azee’n Rasoolullah (ﷺ) ne jo faisla kiya tha us mein Hazrat Zubair (رَضِيَ ٱللَّهُ عَنْهُ) aur Ansari dono ki riaayat thi. Phir jab Ansari ne Rasoolullah (ﷺ) ko ghussa dilaaya to aap ne Hazrat Zubair (رَضِيَ ٱللَّهُ عَنْهُ) ko qaanoon ke mutaabiq unka poora haq ataa farmaya.
Hazrat Urwah ne Zubair (رَضِيَ ٱللَّهُ عَنْهُ) ke hawaale se bayan kiya ke Allah ki qasam! Mere khayaal ke mutaabiq ye aayat-e-karima karima is jhagde ke mutaalliq naazil hui: “Mujhte Tere Rabb Ki Qasam! Ye Log Us Waqt Tak Momin Nahi Ho’nge Ta-aa’nke Apne Ikhtelafaat Mein Aap Ke Faisle Ko Dil-o-Jaan Se Tasleem Na Kar Le’n”.[35] [36]
Is mein koi shak nahi ke Rasoolullah (ﷺ) ne Hazrat Zubair (رَضِيَ ٱللَّهُ عَنْهُ) ko jo pehle hukum diya tha us mein fariqain ke liye wus-at aur riaayat thi, lekin jab ansari ne us riaayat ko ghalat rang diya to qaaede aur zaabte ke mutaabiq Rasoolullah (ﷺ) ne Hazrat Zubair (رَضِيَ ٱللَّهُ عَنْهُ) ko poora poora haq diya. Is aayat-e-karima mein Rasoolullah (ﷺ) ki itaa-at ko imaan ki bunyaad qaraar diya gaya hai. Imam Bukhari (رَحِمَهُ ٱللَّهُ) ka maqsad ye hai ke jab haakim fariqain ko baahami sulah ka hukum de, lekin koi fareeq us par dil-o-jaan se aamaada na ho to phir has be qaaeda kaarwaai karni hogi aur qaanoon ke mutaabiq faisla kiya jaaega jis mein kisi ke liye riaayat ka pehlu nahi hoga. Wallahu a’alam
❁ Baab 13: Qarz-khwaho’n Aur Ahle Wiraasat Ke Darmiyan Sulah Karaana Aur Us Mein Andaaze Se Kaam Lena
Hazrat Ibne Abbas (رَضِيَ ٱللَّهُ عَنْهُ) bayan karte hain ke agar do (2) shareek is tarah sulah kar le’n ke ek (1) qarz le-le aur doosra naqd maal haasil kar le to us mein koi harj nahi. Phir agar ek (1) ka hissa halaak ho gaya to (taqseem ke baad) wo apne saathi se rujoo nahi kar sakega.
[2709] Hazrat Jaabir bin Abdullah (رَضِيَ ٱللَّهُ عَنْهُ) se riwayat hai, unho’n ne farmaya: Mere waalid-e-giraami Shaheed hue to unke zimme qarz tha. Maine qarz-khwaho’n ke saamne ek (1) tajweez pesh ki, ke wo us qarz ke ewaz meri tamaam khajoore’n qubool kar le’n, lekin unho’n ne inkaar kar diya. Kyou’nke wo samajhte the ke un khajooro’n se unka qarz poora nahi hoga. Chunache main Nabi (ﷺ) ke paas haazir hua aur aap se iska tazkira kiya to aap ne farmaya: “Jab tum khajoore’n tod kar unke liye makhsoos jagah mein rakho to (mujhe) Rasoolullah (ﷺ) ko ittela karo”. Maine hasb-e-irshaad jab unhe’n tod kar khaliyaan mein rakha to aap ko ittela ki. Chunache aap Hazrat Abu Bakar (رَضِيَ ٱللَّهُ عَنْهُ) (رَضِيَ ٱللَّهُ عَنْهُ) aur Hazrat Umar (رَضِيَ ٱللَّهُ عَنْهُ) ke hamraah tashreef laae. Aap khajooro’n kid her ke paas baith gae, phir unke mutaalliq barkat ki dua ki aur farmaya: “Apne qarz-khwaho’n ko bulaao aur unka qarz adaa karo”. Ab koi shakhs aisa na raha jiska mere baap ke zimme qarz tha aur maine usey adaa na kiya ho. Uske ba-wujood 13 wasq[37] khajoore’n bach gaee’n jin mein 7 wast ajwa aur 7 wasq laun[38] thee’n. Phir main ba-waqt-e-maghrib Rasoolullah (ﷺ) se mila aur aap se us baat ka tazkira kiya to aap has-pade aur farmaya: “Abu Bakar-o-Umar (رَضِيَ ٱللَّهُ عَنْهُمْ) ke paas jaao aur unhe’n bhi is waaqea se muttale karo”. (Chunache maine unhe’n bataaya) To unho’n ne farmaya: Ham ne to usi waqt samajh liya tha jab Rasoolullah (ﷺ) ne barkat ki dua ki thi ke anqareeb aisa hoga.
Hisham, Hazrat Jaabir (رَضِيَ ٱللَّهُ عَنْهُ) se namaz-e-asr ka zikr karte hain aur us riwayat mein Syedna Abu Bakar (رَضِيَ ٱللَّهُ عَنْهُ) ka aur (Rasoolullah (ﷺ) ke) hasne ka zikr nahi hai. Us mein ye alfaaz hain ke mere waalid ke zimme 30 wasq khajoore’n qarz tha.
Ibne Ishaq Hazrat Jaabir (رَضِيَ ٱللَّهُ عَنْهُ) se namaz-e-zohar ka zikr karte hain.[39]
Faaeda: Is riwayat mein auqaat-e-namaz ke mutaalliq ikhtelaaf bayan hua hai. Ye ikhtelaaf nuqsaan-deh nahi. Kyou’nke asal maqsood to Rasoolullah (ﷺ) ki barkat bataana tha, jo khajooro’n mein paida hui, usey raawiyo’n ne bayan kiya hai. Taayyun-e-namaz mein ikhtelaaf asal riwayat mein qaadeh[40] nahi hai. Dar-asl Hazrat Jaabir (رَضِيَ ٱللَّهُ عَنْهُ) apne qarz-khwaho’n ka qarz adaa karke baar-baar Rasoolullah (ﷺ) ko ittela dene ke liye aate ho’nge. Baaz qarz-khwaho’n ko qarz dene ki ittela zohar ke waqt, jabke doosre giroh ko adaaegi se asr ke waqt muttale kiya, aur teesre giroh ka qarz adaa karke maghrib ke waqt ittela ki. Is tarah tamaam riwayaat apni-apni jagah saheeh hain. Hazrat Abu Bakar (رَضِيَ ٱللَّهُ عَنْهُ) aur Hazrat Umar (رَضِيَ ٱللَّهُ عَنْهُمْ) ko ittela dene ka maqsad ye tha ke wo aap ke mo’jeze aur Hazrat Jaabir (رَضِيَ ٱللَّهُ عَنْهُ) ke qarz ki adaaegi se khush ho jaae’n, kyou’nke ye hazraat bhi Hazrat Jaabir (رَضِيَ ٱللَّهُ عَنْهُ) ke us qarz se bohot fikrmand the. (رَضِيَ ٱللَّهُ عَنْهُمْ) Waazeh rahe ke madina taiyyaba mein khajoor ki bohot aqsaam hoti thee’n. Us mein Ajwa khajoor ki behtareen qism hai aur lon usse kamtar hoti hai. Rasoolullah (ﷺ) ki dua se aisi barkat padi ke tamaam qarz aur akhrajaat adaa karne ke baad bhi kaafi khajoore’n bach rahee’n. Jaabir (رَضِيَ ٱللَّهُ عَنْهُ) bade khush-naseeb the ke unhe’n ye faizaan-e-nabawi haasil hua.
❁ Baab 14: Qarz Aur Naqd Maal Ke Ewaz Sulah Karna
[2710] Hazrat Kaab bin Maalik (رَضِيَ ٱللَّهُ عَنْهُ) se riwayat hai, unho’n ne Ibne Abi Hadrad (رَضِيَ ٱللَّهُ عَنْهُ) se Rasoolullah (ﷺ) ke ahd-e-mubaarak mein masjid ke andar apne qarz ka taqaaza kiya. Us dauraan mein un dono ki aawaaze’n is qadar buland huee’n ke Rasoolullah (ﷺ) ne unhe’n apne ghar mein samaa-at farmaya. Aap us waqt apne hujre mein tashreef rakhte the. Chunache aap baahar tashreef laae aur apne hujre ka parda uthaa kar Hazrat Kaab bin Maalik (رَضِيَ ٱللَّهُ عَنْهُ) ko aawaaz di: “Aye Kaab!” Unho’n ne arz kiya: Allah ke Rasool (ﷺ)! Main haazir hoo’n. Aap ne apne haath se ishaara kiya ke aadha qarz moaaf kar do. Hazrat Kaab (رَضِيَ ٱللَّهُ عَنْهُ) ne arz kiya: Allah ke Rasool (ﷺ)! Maine aisa kar diya. Aap ne maqrooz[41] se farmaya: “Utho aur baaqi-maanda[42] qarz adaa kar do”.[43]
Faaeda: Qarz ke mutaalliq sulah ka matlab ye hai ke us mein kuch kami kardi jaae. Iski do (2) soorate’n hain: Ek ye hai ke aainda adaegi ke waade par kami kardi jaae, jaisa ke hadees mein hai ke Rasoolullah (ﷺ) ka irshad paate hi Hazrat Kaab bin Maalik (رَضِيَ ٱللَّهُ عَنْهُ) ne apne maqrooz ka nisf qarz moaaf kar diya to Rasoolullah (ﷺ) ne farmaya: “Utho aur baaqi maandah nisf ko jald adaa kar do”. Doosri ye hai ke naqd adaa karne par us mein se kuch minha[44] kar diya jaae. Yaane 300 rupiye qarz ki faruri adaaegi par 100 rupiye chod diya jaae. 200 rupiye wasool karke maqrooz ko rihaa kar diya jaae, hadees mein naqd adaaegi ka zikr nahi. Imam Bukhari (رَحِمَهُ ٱللَّهُ) ne naqd ko qarz par qiyaas kiya hai ke jab qarz mein sulah ho sakti hai to naqd adaaegi mein ba-tareeq-e-aula[45] sulah honi chaahiye.
[1] Surah an Nisa: 114
[2] T: (بَجَا لَانا) (kisi hukum waghaira ki) taameel karna, anjaam dena [Rekhta]
[3] راجع: 684
[4] T: Banjar zameen [RSB]
[5] T: (مُشْتَعِل) Sakht ghazabnaak, ghusse se bhare hue [Rekhta]
[6] Surah al Hujaraat: 9
[7] T: (نَفس الاَمر) Asal haqeeqat, dar-haqeeqat [Rekhta]
[8] Fath-ul-Baari: V5 P369
[9] راجع: 684
[10] T: (بے تَوَجُّہی) Laa-parwaahi, Nazar-andaazi [Rekhta]
[11] راجع: 2450
[12] T: (جَلا وَطَنی) Wo shakhs jo mulk se nikaala gaya ho [Rekhta]
[13] راجع: 2314 2315
[14] Fath-ul-Baari: V5 P372
[15] راجع: 1781
[16] T: (مُعاہَدَہ) Baahami ahd-o-paimaan, qaul-o-qaraar [Rekhta]
[17] راجع: 1781
[18] راجع: 1781
[19] Dekhiye: 4252
[20] Dekhiye: 3173 6143 6898 7192
[21] T: (وُرَثا) Waaris ki jamaa [Rekhta]
[22] T: (تاوان) Jurmaana, qisaas, kaffaara [Rekhta]
[23] Dekhiye: 2806 4499 4500 4611 6894
[24] Surah al Maaida: 45
[25] T: (وثقوق) Bharosa, etemaad, etebaar [Rekhta]
[26] T: (لَت) Buri aadat jo jad pakde [Rekhta]
[27] T: (صَواب دید) Salah, mashwara, tajweez [Rekhta]
[28] Dekhiye: 3629 3746 7109
[29] T: (یَگانْگَت) Ittefaaq, qaraabat, mel-jol [Rekhta]
[30] T: (دَسْت بَرْدار) Alaahidgi, laa-taalluqi, tark kar dena [Rekhta]
[31] راجع: 457
[32] T: (جوڑ) Jod ki jamaa, wo jagah jahaa’n do (2) a’zoo milte hain [Rekhta]
[33] Dekhiye: 2891 2989
[34] T: (مُتَغَیَّر) Badla hua, tabdeel-shuda [Rekhta]
[35] Surah an Nisa: 65
[36] راجع: 2360
[37] T: (وسق) Bojh jo oont utha sakey, ek (1) wazan jo saath (60) saa’ (صاع) ke baraabar hota tha. [Rekhta]
[38] T: (لون) Khajoor ki ek (1) qism [RSB]
[39] راجع: 2127
[40] T: (قادِح) Buraai aur aeb nikaalne waali [Rekhta]
[41] T: (مَقرُوض) Qarzdaar, wo shakhs jis ne udhaar liya ho [Rekhta]
[42] T: (بَاقِی مانْدَہ) Bachaa hua, baaqi [Rekhta]
[43] راجع: 457
[44] T: (مِنْہا) Ghataana, katoti karna, kam karna [Rekhta]
[45] T: In a better way, in a higher degree [RSB]