21. ROZE KE JADEED TIBBI MASAEL
ROZE KE JADEED TIBBI MASAEL
Deen e Islam ek mukammal zaabta e hayaat hai, is mein insaanon ki har qism ki rahnumaayi maujood hai yahi wajah hai ke musalmanon ki zindagi deegar qaumon ke muqable mein behtar aur wazeh hai balke yun kaha jaaye ke jab kisi musalman ko sho’ba e hayaat se mutalliq koi masla darpesh hota hai to us ka hal Quran o Hadees mein mil jaata hai. Aaj zamana kaafi taraqqi kar gaya hai, aaj se sirf 50 saal pehle bahut saari cheezein maujood nahi thein magar science aur technology ki taraqqi ne insaanon ko be shumaar inventions se waaqif karaya, zindagi ke mukhtalif sho’bajaat mein aasaniyan faraham ki, ilaaj o mu’alija ke naye naye darwaaze khole. Bahut saari bemaariyon ko jo kal tak la-ilaaj samjhi jaati thein ya un ka ilaaj mushkil tareen marahil se guzar kar kamyaab huwa karta tha aaj un mein badi sahulat aur taraqqi aa gayi hai. Islam science aur taraqqi ke mukhalif nahi hai, woh jadeed wasaail ko ikhtiyar karne ki ijazat deta hai jo shar’an islam se mutasadim (takraate) na hon. Ilaaj ke mu’amle mein haraam cheezon se ilaaj karna jaaiz nahi hai lekin agar ilaaj haraam cheez ki milawat se paak ho to har qism ke wasail aur dawaaon ka istemaal jaaiz hai.
Ramadhan ul Mubarak ka maheena musalmanon ke liye intehaayi pur-masarrat aur be-panah fuyooz o barkaat ka haamil hai, is wajah se is mubarak maheene mein muslim qaum deeni aitbaar se deegar tamam maheeno ke muqable mein ziyadah mohtaat, chaaq o chauband, deeni ghairat o hamiyyat se labrez, ajr o sawaab ke husool ki khawahishmand, neki ki taraf sabqat (jaldi) karne waali aur Allah ki khushnodi ke liye din mein roza rakhne waali aur raaton ko qiyam ul lail se munawwar karne waali nazar aati hai.
Jab science aur technology ne zamaane ko nai inventions aur barqi ijadat o iktishafaat se waaqif karaya to musalmanon ko un ke mutalliq shar’ee haisiyat janne ki zaroorat padi, is mukhtasar mazmoon mein tibb (medical) se mutalliq jadeed masail ka shar’ee mauqif bayan kiya gaya hai jin se ek musalman ko khusoosan mareez ko dochar hona padta hai.
➊ Miswaak, Tooth Brush aur Tooth Paste:
Rozedaar ke liye raat aur din ke kisi hisse mein miswaak karna sunnat hai. Hazrat Aisha Radhiallahu Anha farmaati hain ke Aap Sallallahu Alaihi Wasallam ka farmaan hai:
السِّوَاكُ مَطْهَرَةٌ لِلْفَمِ، مَرْضَاةٌ لِلرَّبِّ
Tarjumah: Miswaak munh ki pakeezgi aur Allah Taala ki razamandi ka zariya hai.
(Sunan Nasai: 5)
Shaikh Ibn e Uthaimeen Rahimahullah farmaate hain ke agar miswaak ka maza aur asar thook mein aa jaaye to rozedaar ko chaahiye ke thook aur zaaiqa na nigle.
(Fatawa As-Siyam)
Albatta tooth brush aur paste ka istemaal karte waqt hamein yeh dekhna hai ke paste qawi ul asar hai ya ghair qawi ul asar, kiunki bazaar mein maujood paste dono tarah ke hain.
➤ Agar paste qawi ul asar ho yani us ka asar me’de tak pahunchta ho to aisa paste istemaal na kiya jaaye.
➤ Aur agar paste ka asar me’da tak nahi pahunchta ho sirf halaq tak mehdood rehta ho to us ke istemaal mein koi harj nahi.
➋ Qatraat (drops) ka istemaal:
Zaroorat ke tehat aankh aur kaan mein qatraat (drops) daalna koi harj ki baat nahi, is se roza nahi tootta kiunki jo qatraat aankh ya kaan mein daale jaate hain un ka asar me’de tak nahi pahunchta, agar bil-farz yeh baat tasleem bhi kar li jaaye ke qatraat me’de mein hulool karte hain to do teen boond ka asar aankh se beh kar ya kaan se tapak kar me’de tak kis miqdaar mein jaayega? Zahir si baat hai woh mamooli si miqdaar hogi aur is miqdaar ka asar roze ke liye kisi tarah ke nuqsaan ka baa’is nahi hai. Aankh aur kaan ke mutalliq arab ke mashaaikh hazraat bhi is ke jawaaz ka fatwa dete hain lekin naak ke mutalliq adm e jawaaz ka fatwa hai. Is ki bunyaad yeh hadees hai:
وَبَالِغْ فِي الِاسْتِنْشَاقِ، إِلَّا أَنْ تَكُونَ صَائِمًا
Tarjumah: Roze ki halat mein wuzu karte waqt naak mein mubalgha ke saath paani mat daalo.
(Abu Dawood: 142)
Baaz ahl e ilm jawaz ka bhi fatwa dete hain taham ehtiyaat karte huwe in tamam qism ke qatraat ko raat tak mu’akhkhar kar liya jaaye to behtar aur afzal hai.
➌ Behoshi:
Kabhi kabhi insaan par behoshi ke halaat taari hote hain is ki kayi soortein ho sakti hain masalan kisi haadse mein shikaar ho kar behosh ho jaaye ya ilaaj ki gharz se behosh kiya jaaye. Is se mutalliq ahkaam neeche bayaan kiye jaa rahe hain:
➤ Naak mein gas sungha kar ya chinese tareeqe se hassas jagah par sue chubha kar baaz hisse ko behosh karne se roza nahi toot-ta hai.
➤ Mareez ki ragg mein saree ul amal injunction laga kar makhsoos muddat ke liye aqal ko maoof karna bhi naaqiz e roza nahi hai.
➤ Mareez ne behoshi se pehle roze ki niyyat kar li aur phir behosh huwa aur ghuroob e shams se pehle pehle ifaaqa ho gaya (yani hosh mein aa gaya) to us ka roza sahih hai magar ghuroob e aftaab ke baad ifaaqa hone par roza nahi durust hoga. Is liye aise roze ke mutalliq behtari isi mein hai ke us ki qaza kar li jaaye.
➤ Behoshi agar lambi muddat maheena do maheena wali ho to use junoon par qiyaas kiya jaayega aur farz roze choot jaane par us ki qaza ka mukallaf nahi thehraya jaayega. Allah Taala ne insaan ko us ki taaqat se ziyadah ka mukallaf nahi banaaya hai.
➍ Pochna, nishtar aur nakseer ka hukm:
Pochna (cupping) ke silsile mein do tarah ki Ahadees waarid hain baaz riwayaat mein zikr hai ke pochna lagaane se roza toot jaata hai jabki doosri riwayaat se saabit hota hai ke Aap Sallallahu Alaihi Wasallam ne roze ki halat mein pochna lagwaaya (Sahih Bukhari) aur doosron ke liye seengi lagaane ki rukhsat bhi di. (Tabrani, Daraqutni)
Baaz ulama ne roza tootne waali riwayaat ko mansookh mana hai aur Aap Sallallahu Alaihi Wasallam ke amal ya ummat ko rukhsat dene waali riwayaat ko nasikh mana hai. Is liye roze ki haalat mein hajamat karne se roza fasid nahi hota. Albatta aksar o beshtar ahl e ilm ki nazar mein seengi naaqiz e roza hai lehaza ikhtilaaf se bachne ke liye main yeh mahswara dunga ke is amal ko raat tak mu’akhkhar kar le.
➎ Jism ke androoni hisse mein aalaat ya pipe daakhil karna:
Mareez ko ilaaj ki gharz se kabhi me’de mein ya zarooratan kabhi maq’ad mein ya sinaf e naazuk ke agli aur pichli sharamgaah mein aalaat ya pipe waghera daakhil kiye jaate hain taaki androoni hisse ka check up kiya jaaye. Is ki mukhtalif shaklen aur tareeqe hain.
In halaat mein ghaur talab baat yeh hai ke agar awzaar ya aalaat ke istemaal mein ghizaayi mawaad ho to roza fasid shumaar hoga, aur yunhi bagarz e mu’aina ya ilaaj ki khatir ghair gizaayi mawaad ka istemaal ho to roza fasid nahi hoga. Darasal yeh amal injunction ke mushabeh hai aur usi tarah ke ahkaam bhi laagu honge.
➏ Teeka lagana (injection):
➤ Teeka chaahe jild (skin) mein lage, chaahe gosht mein lage ya phir nas mein lage. Agar un teekon mein ghizaayi mawaad nahi to roza durust hai warna roza fasid hoga.
➤ Sugar ke mareez ka teeka lagaana bhi jawaaz ke qabeel se hai.
➤ Sharyaan (artery) mein mustaqil lagi rehne waali suiyon ka bhi yahi hukm hai.
➐ Gurdon ki safaayi (dialysis):
Gurdon ke mareez ko dialysis kiya jaata hai aur is ke mukhtalif tareeqe hain magar jitne bhi tareeqe raaij hain un mein ghizaayi dawaaon ka istemaal hota hai is liye shar’ee nuqta e nazar se dialysis ka amal naaqiz e roza hai. Agar baghair ghizaayi dawaaon ke ilaaj mumkin ho to phir roza durust hoga.
➑ Khoon ka atiyah (blood donation):
Zaroorat padne par rozedaar apna khoon checkup kara sakta hai aur kisi doosre mareez ko apna khoon nikaal kar donate bhi kar sakta hai. Yeh amal roze par asar-andaaz nahi hota, yahi Shaikh Ibn e Baz Rahimahullah ki bhi raaye hai.
(Majmoo’ Fatawa Ibn e Baz: 15/274)
➒ Tikyon ka istemaal (tablets):
Dil ki baaz beemariyon ke liye doctors tikyon ka nuskha dete hain, yeh tikyan zabaan ke neeche rakhi jaati hain aur fauran munh mein tahleel ho jaati hain (yani ghul jaati hain), aisa karne se mareez ko raahat mehsoos hoti hai.
Aise mareez se mutalliq Shaikh Ibn e Baz Rahimahullah se sawaal kiya gaya ke aisi tikyon ke baare mein kya hukm hai jise dil ke mareez zabaan ke neechae rakhte hain, woh roza bhi doctor ke mashware se rakhte hain lekin basa-auqaat iftaar se chand minute pehle dil mein dard shuru ho jaata hai to apni zabaan ke neeche rakh lete hain taake aaraam mil jaye?
Shaikh ne jawaab diya: Zabaan ke neeche tikya rakhne se roza toot jaata hai is liye ke jaan boojh kar is ka zayeqa halaq ke neeche utarta hai.
(Al-Fatawa Ash-Shar’iyyah Ala-al-Mushkil Min-al-Masaail-it-Tibbiyyah: 54, 55)
Baaz deegar ulama e Arab o Ajam ka mauqif hai chunke yeh tikyan munh hi tak mehdood rehti hain un ka asar andar nufooz nahi karta, is liye in tikyon ka istemaal roze ki halat mein jaaiz hai. Beharhaal yeh masla ikhtilaafi hai, meri nazar mein yeh mauqif durust maloom hota hai ke agar is tikya se asar halaq se neeche utarta hai to bilashuba muftir hoga (yani rozedaar nahi hoga) magar us ka asar zabaan tak hi mehdood rahe halaq se neeche nahi utre to roza fasid nahi hoga, is soorat mein yeh kulli ke misl hoga ke jis tarah kulli se pani ka asar me’de mein hulool nahi karta theek usi tarah tikya ka bhi asar ho to us se roza nahi tootega.
➓ Skin par maadde ka istemaal:
Ilaaj ki gharz se ho ya shauq ke taur par, skin par kisi bhi qism ka tel, marham aur cream ka istemaal kar sakte hain.
“Skin par mali jaane wali koi bhi cheez masaam (skin ke chote chote suraakh jin se paseena nikalta hai) ke zariye skin ke neeche khooni mawaad mein jazb ho jaati hai lekin jazb hone ka yeh amal bahut sust hai. Lehaza skin par mali jaane waali cheez bhi naaqiz e roza nahi”.
(Majmoo’ Fatawa Ibn e Taimiyah: 25/267)
⓫ Daanton ki safaayi:
Roze ki halat mein daanton ki safaayi (scanning) ya daant nikalwaana ya daanton ki islaah karna saare umoor jaaiz hain. Ehtiyaat ka taqaza yeh hai ke is amal ko raat ke liye mu’akhkhar kar den ya din mein aisa amal anjaam dene ki soorat mein daanton se behne waala khoon halaq se neeche na utre. Daanton ki safaayi mein istemaal hone waale teeke bhi roze ke liye nuqsaandeh nahi.
⓬ Zakhmon ka ilaaj:
Jism ke kisi hisse mein zakhm ho, rozedaar un zakhmon ka ilaaj kara sakta hai kiunki yeh amal na to khaane peene par qiyaas kiya jaayega aur na hi log ise khaana peena kehte hain.
⓭ Spray ka hukm:
Asthma ke mareezon ke liye spray ki zaroorat padti hai, yeh un ki sakht tareen majboori hai, aur islam mein qaida hai ke aadmi jis cheez ka muztarr hota hai us ke liye us cheez ka istemaal jaaiz hai. Irshad e baari Taala hai:
وَقَدْ فَصَّلَ لَكُمْ مَا حَرَّمَ عَلَيْكُمْ إِلَّا مَا اضْطُرِرْتُمْ إِلَيْهِ
Tarjumah: Aur jo cheezein us ne tumaahre liye haraam thehra di hain woh ek ek kar ke bayan kar di hain (be shak in ko nahi khaana chahiye) magar us soorat mein ke in ke (khane ke) liye majboor ho jao.
(Surah Al-An’aam, Surah No: 6 Ayat No: 119)
Lehaza asthma ka mareez roza rakhte huwe spray ka istemaal karega aur us ka roza durust hoga. Aur use rakhe gaye roze ki qaza nahi karni padegi.
Allah Taala ne Deen e Islam ko apne bandon ki khatir aasaan bana diya hai, hasb e sahoolat yani baqadr e istita’at deen par amal pera hona hamari awwleen zimmedaari hai. Jahan Allah Taala ne musafiron, mareezon aur ma’zooron ko rukhsat di hai wahan rukhsat par amal karna hi afzal hai aur rukhsat par amal karte huwe dil mein zarra barabar bhi tangi ka ehsas na paida hone paaye jaisa ke baaz makhsoos tabqon mein yeh dekha jaata hai.
REFERENCE:
Book: “Ramzaniyaat”
Tahreer: Shaikh Maqbool Ahmad Salafi Hafizahullah”
روزہ کے جدید طبی مسائل
دین اسلام ایک مکمل ضابطہ حیات ہے ، اس میں انسانوں کی ہرقسم کی رہنمائی موجود ہے یہی وجہ ہے کہ مسلمانوں کی زندگی دیگر قوموں کے مقابلے میں بہتراور واضح ہے بلکہ یوں کہا جائے کہ جب کسی مسلمان کو شعبہ حیات سے متعلق کوئی مسئلہ درپیش ہوتا ہے تو اس کا حل قرآن وحدیث میں مل جاتا ہے ۔ آج زمانہ کافی ترقی کرگیا ہے ، آج سے محض پچاس سال پہلے بہت ساری چیزیں ناپید تھیں مگر سائنس و ٹکنالوجی کی ترقی نے انسانوں کو بے شمار دریافت سے متعارف کیا ، زندگی کے مختلف شعبہ جات میں آسانیاں فراہم کی، علاج ومعالجہ کے نئے نئے دروازے کھولے ۔ بہت سارے امراض جو کل تک لاعلاج سمجھے جاتے تھے یا ان کا علاج مشکل ترین مراحل سے گزرکر کامیاب ہوا کرتا تھا آج ان میں بڑی سہولت اور ترقی آگئی ہے ۔ اسلام سائنس وترقی کے مخالف نہیں ہے، وہ جدید وسائل کو اختیار کرنے کی اجازت دیتا ہےجوشرعا اسلام سے متصادم نہ ہوں ۔ علاج کے معاملے میں حرام چیزوں سے معالجہ کرنا جائز نہیں ہے لیکن اگر معالجہ حرام شی کی ملاوٹ سے پاک ہو تو ہرقسم کے وسائل وادویہ کا استعمال جائز ہے ۔
رمضان المبارک کا مہینہ مسلمانوں کے لئے انتہائی پرمسرت اور بے پناہ فیوض وبرکات کا حامل ہے ، اس وجہ سے اس ماہ مبار ک میں مسلم قوم دینی اعتبار سے دیگر تمام مہینوں کے مقابلے میں زیادہ محتاط، چاق وچوبند، دینی غیرت وحمیت سے لبریز، اجر وثواب کے حصول کا خواہاں ، نیکی کی طرف سبقت کرنے والی اور اللہ کی خوشنودی کے لئے دن میں روزہ رکھنے والی اور راتوں کو قیام اللیل سے منور کرنے والی نظر آتی ہے ۔
جب سائنس وٹکنالوجی نے زمانے کو نت نئی ترقیات اور برقی ایجادات واکتشافات سے متعارف کرایا تو مسلمانوں کو ان کے متعلق شرعی حیثیت جاننے کی ضرورت پڑی ، اس مختصر مضمون میں طب سے متعلق جدید مسائل کا شرعی موقف بیان کیا گیا ہے جن سے ایک مسلمان کو خصوصا مریض کو دوچار ہونا پڑتا ہے ۔
(1) مسواک اور ٹوتھ برش وپیسٹ :
روزہ دارکے لئے رات ودن کے کسی حصے میں مسواک کرنا سنت ہے ۔ حضرت عائشہ ؓ فرماتی ہیں کہ آپ ﷺ کا فرمان ہے :
السواک مطھرۃ للفم مرضاۃ للرب (رواہ البخاری)
ترجمہ : مسواک سے منہ صاف ہوتاہے اور اللہ کی رضامندی حاصل ہوتی ہے ۔
شیخ ابن عثیمین ؒ فرماتے ہیں کہ اگر مسواک کا مزہ اور اثر تھوک میں آجائے تو روزہ دارکو چاہئے کہ تھوک اور ذائقہ نہ نگلے ۔ (فتاوی الصیام )
البتہ ٹوتھ برش اور پیسٹ کا استعمال کرتے وقت ہمیں یہ دیکھنا ہے کہ پیسٹ قوی الاثر ہے یا غیر قوی الاثر ، کیونکہ بازار میں موجود پیسٹ دونوں طرح کی ہیں ۔
٭اگرپیسٹ قوی الاثر ہو یعنی اس کا اثرمعدہ تک پہنچتا ہوتو ایسی پیسٹ استعمال نہ کی جائے ۔
٭اور اگر پیسٹ کا اثر معدہ تک نہیں پہنچتا ہوصرف حلق تک محدود رہتاہوتو اس کے استعمال میں کوئی حرج نہیں ۔
(2) قطرات کا استعمال (Drops) :
ضرروت کے تحت آنکھ اور کان میں قطرات (Drops) ڈالنا کوئی حرج کی بات نہیں ، اس سے روزہ نہیں ٹوٹتا کیونکہ جو قطرات آنکھ یا کان میں ڈالے جاتے ہیں ان کا اثر معدہ تک نہیں پہنچتا ، اگر بالفرض یہ بات تسلیم بھی کرلی جائے کہ قطرات معدے میں حلول کرتے ہیں تو دوتین بوند کا اثر آنکھ سے بہ کر یا کان سے ٹپک کر معدہ تک کس مقدار میں جائے گا ؟ ۔ ظاہر سی بات ہے وہ معمولی سی مقدار ہوگی اور اس مقدار کا اثر روزہ کے لئے کسی طرح کے نقصان کا باعث نہیں ہے ۔ آنکھ اور کان کے متعلق عرب کے مشائخ حضرات بھی اس کے جواز کافتوی دیتے ہیں لیکن ناک کے متعلق عدم جواز کا فتوی ہے ۔ اس کی بنیاد یہ حدیث ہے )):وبالِغْ فى الاستنشاقِ إلَّا أن تَكونَ صائمًا))( صحيح أبي داود:142) روزے کی حالت میں وضو کرتے وقت ناک میں مبالغہ کے ساتھ پانی مت ڈالو۔
بعض اہل علم جواز کا بھی فتوی دیتے ہیں تاہم احتیاطا ان تمام قسم کے قطرات کورات تک مؤخر کر لیا جائے تو اولی اور افضل ہے ۔
(3) بے ہوشی (Anaesthisia):
کبھی کبھی انسان پر بے ہوشی کے حالات طاری ہوتے ہیں اس کی کئی صورتیں ہوسکتی ہیں مثلا کسی حادثے میں شکار ہوکر بے ہوش ہوجائے یا علاج کی غرض سے بے ہوش کیا جائے ۔ اس سے متعلق احکام مندرجہ ذیل ہیں ۔
٭ناک میں گیس سونگھاکر یا چینی طریقے سے حساس مقام پر سوئی چبھوکر بعض حصے کو بے ہوش کرنا ناقض روزہ نہیں ہے ۔
٭ مریض کی رگ میں سریع العمل انجکشن لگاکر مخصوص مدت کے لئے عقل کو ماؤف کرنا بھی ناقض روزہ نہیں ہے ۔
٭ مریض نے بے ہوشی سے پہلے روزہ کی نیت کرلی اورپھر بے ہوش ہوا اورغروب شمس سے پہلے پہلے افاقہ ہوگیا تو اس کا روزہ صحیح ہے مگر غروب آفتاب کے بعد افاقہ ہونے پر روزہ نہیں درست ہوگا۔ اس لئے ایسے روزہ کے متعلق بہتری اسی میں ہے کہ اس کی قضا کرلی جائے ۔
٭ بے ہوشی اگر لمبی مدت مہینہ دو مہینہ والی ہو تو اسے جنون پر قیاس کیا جائے گا اور فرض روزے چھوٹ جانے پر اس کی قضا کا مکلف نہیں ٹھہرایا جائے گا۔ اللہ تعالی انسان کو اس کی طاقت سے باہر کا مکلف نہیں بنایا ہے ۔
(4) پچھنا، نشتر اور نکسیر کا حکم :
پچھنا کے سلسلہ میں دوطرح کی احادیث وارد ہیں بعض روایات میں ذکر ہے کہ پچھنا لگانے سے روزہ ٹوٹ جاتا ہےجبکہ دوسری روایات سے ثابت ہوتا ہے کہ آپ ﷺ نے بحالت روزہ پچھنا لگوایا(صحیح بخاری) اور دوسروں کے لئے سینگی لگانے کی رخصت بھی دی ۔ (طبرانی ، دارقطنی)
بعض علماء نے روزہ ٹوٹنے والی روایات کو منسوخ مانا ہے اور آپ ﷺکے عمل یا امت کو رخصت دینے والی روایات کو ناسخ مانا ہے ۔ اس
لئے روزہ کی حالت میں حجامت کرنے سے روزہ فاسد نہیں ہوتا ۔ البتہ اکثر وبیشتر اہل علم کی نظر میں سینگی ناقض روزہ ہے لہذا اختلاف سے بچنے کے لئے میں یہ مشورہ دونگا کہ اس عمل کو رات تک مؤخر کرلے ۔
(5) جسم کے اندرونی حصے میں آلات یا پائپ داخل کرنا:
مریض کو علاج کی غرض سے کبھی معدے میں یا ضرورتا کبھی مقعد میں یا صنف نازک کے اگلے اور پچھلے راستے میں آلات یا پائپ وغیرہ داخل کئے جاتے ہیں تاکہ اندرونی حصے کا چیک اپ کیا جائے ۔ اس کی مختلف شکلیں اور طریقے ہیں ۔
ان حالات میں غورطلب امر یہ ہے کہ اگر اوزاریا آلات کے استعمال میں غذائی مواد ہو توروزہ فاسد شمار ہوگا، اور یونہی بغرض معائنہ یا علاج کی خاطر غیرغذائی موادکا استعمال ہوتو روزہ فاسد نہیں ہوگا ۔ دراصل یہ عمل انجکشن کے مشابہ ہے اور اسی طرح کے احکام بھی لاگو ہونگے ۔
(6) ٹیکہ لگانا (Injection) :
٭ٹیکہ چاہے جلد میں لگے ، چاہے گوشت میں لگے یا پھر نص میں لگے ۔ اگر ان ٹیکوں میں غذائی مواد نہیں تو روزہ درست ہےوگرنہ روزہ فاسد ہوگا ۔
٭شوگر کے مریض کا ٹیکہ لگانا بھی جواز کے قبیل سے ہے ۔
٭ شریان میں مستقل لگی رہنے والی سوئیوں کا بھی یہی حکم ہے ۔
(7) گردوں کی صفائی (Dialysis):
گردوں کے مریض کو ڈائیلوسس کیا جاتاہے اور اس کے مختلف طریقے ہیں مگر جتنے بھی طریقے رائج ہیں ان میں غذائی ادویہ کا استعمال ہوتا ہے اس لئے شرعی نقطۂ نظر سے ڈائیلوسس کا عمل ناقض روزہ ہے ۔ اگر بغیر غذائی ادویہ کے علاج ممکن ہو تو پھر روزہ درست ہوگا ۔
(8) خون کا عطیہ (Blood Donation) :
ضرورت پڑنے پر روزہ دار اپنا خون چیک اپ کراسکتا ہے اور کسی دوسرے مریض کو اپنا خون نکال کر عطیہ بھی کرسکتا ہے ۔ یہ عمل روزہ پر اثر انداز نہیں ہوتا ،یہی شیخ ابن باز ؒ کی بھی رائے ہے ۔ (مجموعہ فتاوی ابن بازؒ 15/274)
(9) ٹکیوں کا استعمال (Tablets) :
دل کی بعض بیماریوں کے لئے اطباء ٹکیوں کا نسخہ دیتے ہیں ، یہ ٹکیاں زبان کے نیچے رکھی جاتی ہیں اور فورا منہ میں تحلیل ہوجاتی ہیں ، ایسا کرنے سے مریض کو راحت محسوس ہوتی ہے ۔
ایسے مریض سے متعلق شیخ ابن باز رحمہ اللہ سے سوال کیا گیا کہ ایسے ٹکیوں کے بارے میں کیا حکم ہے جسے دل کے مریض زبان کے نیچے رکھتے ہیں ،وہ روزہ بھی ڈاکٹر کے مشورہ سے رکھتے ہیں لیکن بسااوقات افطار سے چند منٹ پہلے دل میں درد شروع ہوجاتا ہے تو اپنی زبان کے نیچے رکھ لیتے ہیں تاکہ آرام مل جائے ؟
شیخ نے جواب دیا : زبان کے نیچے ٹکئے کا استعما کرنے سے روزہ ٹوٹ جاتا ہے اس لئے کہ عمدا اس کا ذائقہ حلق کے نیچے اترتا ہے ۔ ( الفتاوی الشرعیۃ علی المشکل من المسائل الطبیۃ : ص: 54،55)
بعض دیگر علمائے عرب و عجم کا موقف ہے چونکہ یہ ٹکیاں منہ ہی تک محدودرہتی ہیں ان کا اثر اندر نفوذ نہیں کرتا ، اس لئے ان ٹکیوں کا استعمال بحالت روزہ جائز ہے ۔بہرحال یہ مسئلہ اختلافی ہے ، میری نظر میں یہ موقف درست معلوم ہوتا ہے کہ اگر اس ٹکیہ سے اثر حلق سے نیچے اترتا ہے تو بلاشبہ مفطر ہوگا مگر اس کا اثر زبان تک ہی محدود رہے حلق سے نیچے نہیں اترے تو روزہ فاسد نہیں ہوگا ، اس صورت میں یہ مثل کلی کے ہوگا کہ جس طرح کلی سے پانی کا اثر معدے میں حلول نہیں کرتاٹھیک اسی طرح ٹکیہ کا بھی اثر ہو تو اس سے روزہ نہیں ٹوٹے گا۔
(10) جلد پرمادے کا استعمال :
علاج کی غرض سے ہو یا شوق کے طورپر ،،،،،، جلد پر کسی بھی قسم کا تیل ، مرہم اور کریم کا استعمال کرسکتے ہیں ۔
“جلدپرملی جانے والی کوئی بھی چیز مسام کے ذریعہ جلد کے نیچے خونی مواد میں جذب ہوجاتی ہے لیکن جذب ہونے کا یہ عمل بہت سست ہے ۔ لہذا جلد پرملی جانے والی بھی چیز ناقض روزہ نہیں ” (مجموعہ فتاوی ابن تیمیہ ؒ 25/ 267)
(11) دانتوں کی صفائی :
روزہ کی حالت میں دانتوں کی صفائی (Scaning) یا دانت نکلوانایا دانتوں کی اصلاح کرنا سارے امور جائز ہیں ۔ احتیاط کا تقاضہ یہ ہے کہ اس عمل کو رات کے لئے مؤخر کردیں یا دن میں ایسا عمل انجام دینے کی صورت میں دانتوں سے بہنے والا خون حلق سے نیچے نہ اتارے ۔ دانتوں کی صفائی میں استعمال ہونے والے ٹیکے بھی روزے کے لئے نقصان دہ نہیں ۔
(12) زخموں کا علاج :
جسم کے کسی حصے میں زخم ہو، روزہ دار ان زخموں کا علاج کراسکتا ہےکیونکہ یہ عمل نہ تو کھانے پینے پر قیاس کیا جائے گا اور نہ ہی عرف میں اسے کھاناپینا کہتے ہیں ۔
(13) اسپرے کا حکم :
دمہ کے مریضوں کے لئے اسپرے (بخاخ) کی ضرورت پڑتی ہے ، یہ ان کی سخت ترین مجبوری ہے ، اور اسلام میں قاعدہ ہے کہ آدمی جس چیز کا مضطر ہوتا ہے اس کے لئے اس چیز کا استعمال جائز ہے ۔ ارشاد باری تعالی ہے :
“وَقَدْ فَصَّلَ لَكُمْ مَا حَرَّمَ عَلَيْكُمْ إِلَّا مَا اضْطُرِرْتُمْ إِلَيْهِ) “الأنعام:119(
ترجمہ : اورجو چیزیں اس نے تمہارے لئےحرام ٹھہرا دی ہیں وہ ایک ایک کر کے بیان کر دی ہیں (بے شک ان کو نہیں کھانا چاہیے) مگر اس صورت میں کہ ان کے (کھانے کے) لیے ناچار ہو جاؤ.
لہذا دمہ کا مریض روزہ رکھتے ہوئے اسپرے کا استعمال کرے گااور اس کا روزہ درست ہوگا۔ اور اسے رکھے گئے روزہ کی قضا نہیں کرنی پڑے گی ۔
اللہ تعالی نے دین اسلام کو اپنے بندوں کی خاطر آسان بنا دیا ہے ، حسب سہولت یعنی بقدر استطاعت دین پر عمل پیرا ہونا ہماری اولین ذمہ داری ہے ۔ جہاں اللہ تعالی نے مسافروں ، مریضوں اور معذوروں کو رخصت دی ہے وہاں رخصت پر عمل کرنا ہی افضل ہے اور رخصت پر عمل کرتے ہوئے دل میں ذرہ برابر بھی تنگی کا احساس نہ پیدا ہونے پائے جیسا کہ بعض مخصوص طبقوں میں یہ دیکھا جاتا ہے ۔
مقبول احمد سلفی
اسلامک دعوۃ سنٹر-طائف