22. GULE MANJAN(TOBACCO) AUR RAMAZAANUL MUBARAK KA ROZAH
GULE MANJAN AUR RAMAZAANUL MUBARAK KA ROZAH
Gul Ka Istimaal Bahut Se Log Manjan Ke Taur Par Karte Hai Aur Chunki Is Me Nasha Paya Jata He Is Wajah Se Logo Me Is Baat Ke Mutalliq Tashweesh Paai Jati He Ke Kahi Yah Mufsid E Saum To Nahi Chunancha Mutaddid Mutarefeen Aur Gair Mutarefeen Ne Mujh Se Is Baabat Raabta Kiya Usi Ka Jawaab Mene Mukhtasar Taur Par Yaha Dene Ki Koshish Ki He Pehle Is Ke Ke Gule Manjan Ka Roze Par Asar Aur Uska Hukam Jaante Hai Pehle Is Baat Ki Tehqeeq Zaroori He Ke Gule Manjan Kiya Hai?
GUL E MANJAN KIYA HE?
Gul Tobacco Se Taiyyar Kiya Hua Ek Qisam Ka Nasheela Mawaad He Aur Usme Taklif Dene Wale Kimiyaai Mawaad Niyokteen Ki Bhi Milaawat Hoti He Is Wajah Se Iska Wahi Nuqsaan He Jo Surti,Ghatka Aur Cigarette Wagairah Ka He. TIBBI Report Ke Mutaabiq Mausi Gul Me 0.14% Nikoteen Mila Hota He Jo Bimaari Hi Nahi Maut Ka Sabab Banne Wala He Goya Ham Yah Samjhege Aur Baja Taur Par Keh Bhi Sakte Hai Ke Agar Cigarette Dhuwe Wala Tobacco He To Gule Manjan Bagair Dhunwe Wala Tobacco.
Mene Internet Par Gul Ki Qisam Ka Pata Lagaya He To Mukhtalif Qisam Ki Companya Mile Maslan Chaandtara Gul,Mosi Ka Gul, Noor Ka Gul,S S Gul,Taigi Gul Sulemaan Gul,Shakoorllah Gul,Wagairah. Un Tamaam Company Ke Dabbe Par Hindi Me Likha He Ke Tobacco Se Cancer Hota He Sath Hi Is Hindi Jumle Ka English Tarjumah Bhi Darj Hai.(Tobacco Causes Cancer)
Ham Jaante Hai Masnuaat Taiyyar Karne Ki Koi Company Apni Masnuaat Ki Buraai Bayaan Nahi Karti He Balke Woh To Paise De Kar Jhuthi Tareef Karwati He Lekin Gule Manjan Dibbe Par Yah Likha Hua Hona Ke Tobacco Se Cancer Hota He Majburi Me Likha Gaya He Aur Haqeeqat Par Mabni He. Is Jumle Se Ek Haqeeqat To Yah Maloom Hoti He Ke Gule Manjan Bhi Tobacco Ki Hi Ek Qisam He Dusri Baat Yah Maloom Hui Ke Gule Manjan Nasha Paida Karne Wala He,Teesra Baat Yah Maloom Hui Ke Gule Manjan Ka Istimaal Jani Nuqsaan Ka Bais He.
Hairaani Ki Baat He Ke Is Gul Ka Istimaal Chhoti Umar Se Le Kar Badi Umar Tak Ke Log Karte Hai Aurte Me Bhi Is Ka Istimaal Aam He Un Sab Se Ziyadah Hairaani Ki Baat Yah He Ke Gule Manjan Taiyyar Karne Wale Aksar Musalmaan Nazar Aate Hai Isi Liye In Manjano Ka Naam Bhi Musalmani Hota He. Un Tamaam Hairaaniyo Me Ek Afsosnaak Pehlu Ulma Ka Gule Manjan Karna He. Jab Me Is Masala Me Mukhtalif Masaalik Ke Fiqhi Nazariyaat Ka Mutali’a Kar Raha Tha To Ek Aur Chonkane Wali Baat Maloom Hui Jis Ka Talluq Barelwi Maktab E Fikar Ke Fiqhi Seminaar Se He Woh Yah He Ke Agar Kisi Ko Gul Ka Istimaal Kiye Bagair Pakhana Nahi Hota To Us Uzar Ki Wajah Se Uske Liye Hukam Me Is Qadr Takhfeef Hogi Ke Woh Gul Pehle Hatheli Wagairah Par Nikaal Kar Pani Se Bhigo De Fir Use Ahtiyaat Ke Sath Danto Par Male Aur Jald Hi Kulli Kar Ke Achchi Tarah Apna Munh Saaf Kar Le(Fatawah Markaz Tarbiyat Ifta Jild 1 Page No:470,Matbua Faqiha Millat Ecedemy Ojha Ganj Basti)
Is Fatwah Se Ek Baat Yah Saamne Aai Ke Gul Ka Istimaal Karne Wale Isme Maujood Nasha Se Barh Kar Junoon Ki Had Tak Istimaal Karte Hai Ke Is Ke Bagair Qazaae Haajat Nahi Hoti Dusri Baat Yah Saamne Aai Ke Musalmano Me Kuch Tabqaat Ayse Bhi Hai Jo Banane Bana Kar Haraam Chiz Ko Bhi Halaal Kar Lete Hai Kiya Kisi Ko Sharaab Piye Bathroom Na Lage Ya Nind Na Aae To Uske Liye Sharaab Halaal Ho Jaae Gi? Hargiz Nahi.
GUL E MANJAN KE ISTIMAAL KI HURMAT:
Gul Ka Talluq Manshiyaat Se He Aur Manshiyaat Har Qisam Ke Nasha Aawar Chizo Ke Liye Istimaal Hota He Jis Ke Liye Arbi Zabaan Me “Khamar” Ka Lafz Aam Taur Se Istimaal Kiya Jata He. Umar Farooq RA Ne Khamar Ki Wazaahat Is Alfaaz Me Ki He:
الخمر ما خامر العقل(صحيح البخاري:٥٥٨١،صحيح مسلم: ٣٠٣٢)
Yani Khamar Ka Itlaaq Har Nasha Aawar Chiz Par Hota He Iski Taeed Muslim Sharif Ki Ek Aur Rivayat Se Hoti He.
کل مسکر خمر وکل خمر حرام۔(صحیح مسلم:2003)
Tarjumah:- Har Nasha Aawar Chiz Khamar Kehlaati Hai Aur Har Qisam Ka Khamar Haraam Kar Diya Gaya He.
Yaha Yah Atiraaz Paida Karna He Jo Hoga Ke Gar Kam Miqdaar Me Nasha Wali Ashya Istimaal Karne Se Nasha Na Paida Hone Par Itni Miqdaar Pina Jaiz Thehare Ga. Is Atiraaz Ki Gunjaish Is Taur Nahi He Ke Nasha Ke Silsile Me Islaam Ka Dusra Usool Yah He.
ما اسکر كثيرة فقليله حرام.(صحيح الترمذي:١٨٦٥)
Tarjumah:- Jis Ka Ziyadah Hissa Nasha Aawar Aur Muftir Ho Uska Kam Miqdaar Me Bhi Istimaal Karna Haraam He.
Mazkoorah Tareef Ko Usool Banane Se Manshiyaat Ke Zumre Me Sharaab,Tobacco, Bidi,Surti,Gheeni, Cigarette,Gul,Ghatka,Gaanja,Bhang,Charas,Kokain,Huqqa,Afeem,Heroine,Vicky,Beer,Seempeen,L S D,Hasheesh Aur Mukhdaarat Ki Tamaam Ashya Shaamil Hai.
Ek Taraf Hame Yah Maloom Hota He Ke Gul Nasheeli Chiz He Aur Nasheeli Chize Jaanlewa Hoti Hai Jaisa Ke Gule Manjan Ke Dibbe Par Cancer Hone Ka Sabab Likha He Dusri Taraf Islaam Ne Hifzaane Sahat Ka Bahut Behtareen Nizaam Paish Kiya He Is Ki Roshni Me Jism Ko Nuqsaan Pohnchane Wali Tamaam Chize Mana Hai: Allah Ka Farmaan He:
لا تلقوا بأيديكم الى التهلكة. (البقرة:١٩٥)
Tarjumah:- Apne Aap Ko Halaakat Me Mat Daalo. Is Wajah Se Gul Manjan Ka Istimaal Islaam Ki Ru Se Haraam He.
GUL E MANJAN DAANTO KI DAWA NAHI BIMAARI HE.
Gul Ka Istimaal Karne Wale Use Manjan Samjh Kar Istimaal Karte Aur Danto Ki Safaai Ka Samaan Khayaal Karte Hai Ayse Logo Ko Yah Hadees Sunana Chahta Hu Ke.
Ek Sahaabi Taariq Bin Suwaid Aljufi RA Ne Sharaab Ko Bataur E Dawa Istimaal Karne Ke Liye Rasool Sallallaahu Alyhi Wasallam Se Ijaazat Talab Ki To Aap Ne Unse Farmaya:
أنه ليس بدواء ولكنه داء.(صحيح مسلم: ١٩٨٤)
Tarjumah: Ke Sharaab Dawa To Nahi He Magar Bimaari Zaroor He. Yani Yah Bimaari Ka Sabab Banti He.
Is Hadees Se Maloom Hota He Ke Nasha Aawar Chizo Me Faida Nahi Nuqsaan He Lihaza Jo Gul Ko Daanto Ki Safaai Ka Zariya Samjhte Hai Unhe Samjh Lena Chaahiye Ke Aap Apne Jism Me Bimaari Daakhil Kar Rahe Hai Jo Rafta Rafta Aap Ke Wajood Ko Khatam Kar Degi. Aap Se Guzaarish Hai Ke Danto Ki Safaai Ke Liye Gule Manjan Ke Bajaae Miswaak Istimaal Kare Jo Na Sirf Munh Ki Safaai Ka Sabab He Balke Us Se Rab Ki Raza Bhi Haasil Hoti He. Sahih Bukhari Me Aaisha RA Farmati Hai Ke Aap Sallallaahu Alyhi Wasallam Ka Farmaan He:
السواك مطهرة للفم مرضاة للرب.
Tarjumah: Ke Miswaak Se Munh Saaf Hota He Aur Allah Ki Razamandi Haasil Hoti He.
Daanto Ki Safaai Ke Liye Miswaak Hi Zaroori Nahi He Koi Bhi Manjan Istimaal Kar Sakte Hai Lekin Haraam Chiz Ko Daanto Ki Safaai Ka Zariya Nahi Bana Sakte.
GULE MANJAN KA ROZE PAR ASAR:
Chunki Log Gul Ka Istimaal Manjan Ki Shakal Me Kar Rahe Hai Is Liye Aksar Yah Sawaal Pucha Ja Raha He Ke Kiya Roza Ki Haalat Me Gulemanjan Karne Se Roza Toot Jata He? Is Silsile Me Barelvi Maslak Ke Yaha Gule Manjan Ko Mufsid E Saum Likha Paya Ho Aur Daarul Uloom Devband Ka Fatwa He Ke Gul Ya Manjan Karne Se Rozah Tootta Nahi He,Makrooh Hota He Albatta Agar Gul Manjan Karne Se Gul Ya Manjan Ke Zarrat Halaq Me Chale Gae To Rozah Bilashuba Toot Jaae Ga. (DARUL IFTA DEVBANDI, JAWAAB 60211)
Me Jab Gule Manjan Ko Rozah Aur Ramazaan Se Jorh Kar Dekhta Hu To Mujhe Lagta He Ke Sawaal Yah Nahi Hona Chaahiye Ke Gule Manjan Se Rozah Tootta He Ya Nahi Tootta Balke Asal Sawaal Yah Hona Chaahiye Ke Roza Ki Haalat Me Ya Ramazaanul Mubarak Me Gulemanjan Ka Istimaal Kaisa He? Is Sawaal Par Mera Jawaab Yah Hoga Ke Gulemanjan K Istimaal Aam Dino Me HARAAM He Aur Rozah Ya Ramazaanul Mubarak Me Iski Hurmat Me Ziyadati Paida Ho Jati He Kuy Ke Ramazaanul Mubarak Me Jis Tarah Nekiyo Ka Ajar Kai Gunaah Barh Jata He Usi Tarah Buraaiyo Ka Gunaah Me Ziyadah Ho Jata He.
Jaha Tak Gul E Manjan Se Rozah Toottne Ya Na Tootne Ka Masala He Is Silsile Me Mera Maanna He Ke Gulemanjan Zarrat Ka Majmua He Usko Munh Me Lene Se Halaq Se Niche Utarne Ka Khadsha He Taham Munh Ki Achchi Safaai Ki Gai Ho To Gule Manjan Ko Muftir Nahi Mana Jaae Ga Kuy Ke Mehlool Aur Reshe To Miswaak Me Bhi Paae Jate Hai Balke Rutab Miswaak Me Mehlool Ke Sath Zaiqa Bhi Tez Hota He Iske Bawajood Ham Khushak Aur Rutab Dono Qisam Ki Miswaak Rozah Ki Haalat Me Istimaal Kar Sakte Hai. Khulasa Yah He Ke Gule Manjan Se Rozah Nahi Tootta Bashart Yah Ke Munh Ki Achchi Safaai Ki Gai Ho Taaham Us Se Ziyadah Aham Sawaal Yahi He Ke Kiya Ek Musalmaan Rozah Rakhte Hue Gulemanjan Ka Istimaal Kar Sakta Hai Jis Ke Bare Me Koi Shak Nahi He Ke Yah Haraam Bhi He Aur Jaan Lewa Bhi?
Isko Misaal Se Yah Samjhe Ke Rozah Ki Haalat Me Fahash Films Dekh Lene Se Roza Na Tootta Magar Yaha Bhi Wahi Sawaal Paida Hota He Ke Kiya Musalmaan Rozah Ki Haalat Me Gandi Films Dekh Sakta He? Bilkul Nahi. Ramazaan Ke Alawah Dusre Mahino Me Bhi Aysi Chize Dekhna Haraam He To Rozah Ki Haalat Me Dekhna Badarja Ula Haraam Hoga Yahi Haal Rozah Ki Haalat Me Gulemanjan Ke Istimaal Ka He.
GULE MANJAN SE MUTALLIQ CHAND BAATO KI WAZAAHAT:
GULE MANJAN Se Mutalliq Mazmoon Ki Ishaat Ke Baad Kuch Bhaiyo Ne Mukhtalif Jagho Par Atiraaz Kiya Tha Aur Kuch Shubhaat Ka Izhaar Kiya Tha Is Liye Mene Un Atiraaz Ko Saamne Rakhte Hue Chand Nukaat Ke Zariya Apni Baat Waazeh Kar Raha Hu.
Sab Se Pehle Baat To Yah He Ke Mene Apne Mazmoon Me Gul Ke Istimaal Ko Rozah Aur Gair Rozah Dono Surto Me Haraam Saabit Kiya He Jaisa Ke Aap Ne Parh Kar Andazah Lagaya He Aur Hamesha Ke Liye Is Se Bachne Ki Nasihat Ki He Is Liye Mufsid Saum Na Hone Ka Matlab Yah Nahi He Ke Rozah KI Haalat Me Use Istimaal Kiya Jaae. Yah Thik Usi Tarah He Ke Koi Aalim Kahe Film Dekhne Se Rozah Nahi Tootta Uska Matlab Bhi Wahi He Ke Film Bini Haraam He Aur Rozah Me Haraam Kamo Se Bachna Chaahiye.
Dusri Baat Yah He Ke Gule Manjan Ko Daanto Ke Liye Bimaari Bataya He Na Ke Safaai Ka Zariya,Sath Sath Muskar Hone Ke Sabab Uska Istimaal Haraam Bhi He Fir Woh Kaisa Musalmaan Hoga Jo Rozah Bhi Rakhe Aur Haraam Kaam Ka Irtikaab Bhi Kare? Is Baat Ki Jaankaari Ke Sath Rozah Ki Haalat Me Har Qisam Ke Haraam Ka Irtikaab Karne Se Rozah Faasid Nahi Hota Siwaae Uske Jo Shariat Me Mansoos Ho Maslan Rozah Ki Haalat Me Koi Jhuth Bole,Geebat Kare, Ya Fahash Film Dekh Le Yah Sab Haraam Kaam Hai Magar Un Kaamo Ki Wajah Se Rozah Faasid Nahi Hoga Taaham Gunaah E Kabirah Hone Ke Sabab Taubah Karna Parhe Ga.
Teesri Baat Yah He Ke Yaha Ek Bara Aham Sawaal Yah He Ke Agar Kisi Ne Haalat E Rozah Gul Se Manjan Kar Liya To Kiya Uska Rozah Toot Jaae Ga Aur Jinhone Yah Amal Kai Roze Me Anjaam Diya He Unhe Apne Guzishta Rozo Ki Qaza Karne Ki Zaroorat He?
Zaahir Si Baat He Koi Bhi Aalim Yah Nahi Kahe Ga Ke Pichle Ahwaal Me Haalat E Rozah Gul Manjan Karne Wala Apne Rozo Ki Qaza Kare Ga Ha Yah Amal Haraam Ke Zumre Me He Is Liye Aaindah Ke Taubah Karna Parhe Ga.
Chhoti Baat Yah He Ke Gul Bilashuba Tobacco Ki Ek Qisam He Aur Muskar Bhi He Aur Us Bare Me 2 Bate Aham Hai Pehli Zarrat Munh Me Jane Wali Aur Dusri Muskar Hone Wali. To Munh Ki Achchi Safaai Par Muftar Ka Hukam Nahi Laga Sakte Che Jaae Ke Muskar Ho Kuy Ke Mehaz Muskar Hone Se Rozah Ka Dusre Masaail Par Bhi Atiraaz Waarid Hoga Maslan Behoshi Me Rozah Ya Ilaaj Ke Liye Behoshi Ka Injection Wagairah.
Fir Kahi Shariat Me Yah Daleel Bhi Nahi Milti Ke Jism Me Agar Kuch Nasha Paida Ho Jaae To Rozah Baatil Ho Jaae Ga Balke Gul Karne Wale Ko Us Waqt Nasha Mehsoos Bhi Nahi Hota Fir To Yah Illat Paai Bhi Nahi Gai Taaham Istimaal Ki Hurmat Apni Jagah Baqi He Qaleel Aur Kaseer Nasha Ke Qaide Se.
Paanchwi Baat Yah He Ke Aap Rozah Ki Jo Tareef Karte Hai Us Hisaab Se Bhi Dekhe,Gul Na Khane Pine Ya Uske Qabeel Se He,Na Jima Aur Shehwat Me Se He Fir Mubtilaat E Saum Me Se Kaise Mana Jaae Ga?
Agar Koi Yah Kehta He Ke Gul Manjan Karne Se Rozah Faasid Ho Gaya Uske Zimma He Ke Woh Sareeh Daleel Laae Aur Yah Bhi Saabit Kare Ke Saabqa Un Tamaam Rozo Ki Qaza Karna Parhe Ga Jin Me Gul Manjan Kiya Gaya He. Sab Ko Achchi Tarah Maloom He Ke Nawaaqiz Aur Mufsidaat Deen Ke Aham Usool Hai Is Liye Wazu Ya Gusal Torhne Ya Namaaz Aur Rozah Baatil Qaraar Dene Ke Liye Sareeh Nas Aur Waazeh Daleel Chaahiye. Ha Yah Baat Zaroor He Ke Cigaratte Pine Aur Surti Khane Ke Qabeel Se He Is Liye Un Dono Se Rozah Faasid Ho Jaae Ga Aur Agar Gule Manjan Ka Istimaal Koi Surti Ki Tarah Honth Ke Niche Rakh Kar Karta He To Yaqeenan Woh Mufsid E Saum He Kuy Ke Usne Gul Ke Istimaal Ki Aysi Kaifiyat Ikhtiyaar Ki Jo Khane Aur Lazzat Andozi Ke Mushaba He. Goya Kisi Chiz Ke Istimaal Ki Makhsoos Kaifiyat Ke Mutaabiq Hukam Lage Ga Agar Wahi Chiz Dusri Kaifiyat Me Istimaal Ho To Uska Hukam Badal Jaae Ga.
Ek Bhai Ne Mujh Se Kaha Ke Aap Ne Gul Ko Tobacco Ki Qisam Bataya He Is Liye Gul Bhi Tobacco Ki Tarah Hukam Rakhta He Yani Us Se Bhi Rozah Faasid Ho Jaae Ga Us Par Ek Tabssum Aur Saadgi Wala Jawaab Arz Karta Hu Ke Tomato Bhi Fruits Ki Ek Qism He Kiya Aap Mehmaan Ki Aamad Par Palte Me Tomato Bataur E Mehmaan Nawaazi Paish Karenge?
Bahar Haal Ek Musalmaan Ko Nasha Aawar Chiz Kabhi Bhi Istimaal Nahi Karna Chaahiye Khususan Ramazaan Jaise Mubarak Maah Me To Qatan Us Se Ijtinaab Karna Chaahiye Aur Jin Logo Ne Ramazaan Me Ya Ramazan Ke Alawah Dono Me Yah Amal Anjaam Diya He Woh Allah Ki Sachchi Taubah Kare Aur Danto Ki Safaai Ke Liye Allah Ki Raza Wala Miswaak Kare Ya Jaiz Ashya Istimaal Kare.
MULAHIZA:
Chunki Yah Mazmoon Apni Nauiyat Ke Atibaar Se Kaafi Hasaas Tha Aur Abtak Jama’at Ahle Hadees Ki Taraf Se Meri Nazar Me Gule Manjan Se Rozah Toottne Ya Na Tootne Ke Silsile Me Koi Fatwah Nahi Aaya Tha Is Wajah Se Mene Is Mazmoon Ko Kai Ulma Par Paish Kiya Aur Unhone Apne Tassuraat Se Hame Nawaza.
JAZAAHUMULLAAH KHAIRA
(1) DR. WASIULLAH MUHAMMAD ABBAS HAFIZAHULLAH(Mudarris Haram E Makki Aur Ustaad Jamia Ummul Qura. Makka Mukarrma)
GULE MANJAN Se Mutalliq Shaikh Maqbool Salafi Hafizahullah Ne Jo Tehqeeq Paish Ki He Ke Us Ka Istimaal Karna Jaiz Nahi Kuy Ke Woh Muskar(Nasha Aawar) He Chaahe Uska Thoda Hissa Istimaal Kiya Jaae Ya Ziyadah. Iska Khulasa Yah He Ke Gule Manjan Ka Istimaal Daant Aur Munh Ki Safaai Ke Liye Jaiz Nahi He Uske Bilmuqabil ALLAH Ne Bahut Si Halaal Chize Paida Ki He Jaisa Ke Miswaak He Shaikh Maqbool Ne Jo Baat Kahi He Amadan Aadmi Agar Gulemanjan Ke Kuch Hisse Ko(Istimaal Ke Waqt)Nigal Nahi Raha He To Us Se Rozah Baatil Nahi Hoga Kuy Ke Kitaab Aur Sunnat Se Ibtaal Saum Ki Daleel Nahi Milti He Yahi Haqeeqat He Aur Tehqeeq Ke Qareeb Yahi Qaul He Haa Agar Ghatka,Surti Aur Tobacco Ki Tarah Istimaal Kar Raha He Aur Uski Kash Yani Pees Ki Nigal Jata He To Us Se Saum E Baatil Ho Jaae Ga Usme Shuba Nahi.(Shaikh Ki Audio You Tube Par Maujood He)
(2) SHAIKH JALALUDDIN QASMI HAFIZAHULLAH MALEGAON.
GULE Manjan Se Rozah Nahi Tootta Agar Uska Koi Hissa Pait Me Na Jaae Jab Ke Gule Manjan Muskar Hone Ki Wajah Se Haraam He. GULE MANJAN Se Rozah Na Tootne Ki Maqbool Ahmed Salafi Ne Mauqaf Ki Taaid Shaikh Wasiullah Abbas Ne Bhi Ki He Aur Kaha He Ke Yah Mauqaf Aqrab Ilas Sawaab He Filhaal Me Bhi Is Mauqaf Se Muttafiq Hu Taanki Koi Daleel Aa Jaae Jo Uski Naaqis Ho.MAQBOOL AHMED SALAFI HAFIZAHULLAH KI YAH TEHQEEQ QAABIL QADR HE. ZADAKLLAAHU ILMA.
(3) SHAIKH ABDUL HASEEB UMRI MADANI HAFIZAHULLAH BANGLORE
Mazmoon Parha, Mazmoon Ke Mashmoolaat Qaabil E Itminaan Hai Barakallahu Fikum Albatta Me Surti Nahi Janta Is Juz Se Mutalliq Guftugu Ke Alawah Baqiya Bato Se Ittifaaq He.
(4) DR. MUHAMMAD ASLAM MUBARAKPURI HAFIZAHULLAH JAMIA SALAFIYA BANARAS.
Taqreeban Har Shakhas Ko Maloom He Ke Islaami Shariat Ne Har Nasha Aawar Chiz Ko Haraam Qaraar Diya He, Is Par Kitaab Aur Sunnat Ke Dalaail Beshumaar Hai. Gulemanjan Bhi Nasha Aawar Hai Is Liye Yah Bhi Haraam He Har Musalmaan Ko Is Ijtinaab Karna Chaahiye Lekin Gul MANJAN Muftir E Saum He Ya Nahi? Is Bare Me Ikhtilaat He Mujh Siyakaar Ko Kitaab Aur Sunnat Ke Dalaail Me Iska Muftar Aqal Hona To Mila Lekin Muftar Saum Hona Nahi Mila Agar Koi Muftar Aqal Hone Se Muftar Saum Hona Qiyaas Kar Le To Yah Qiyaas Maalfaariq Hai Ha Agar Kisi Waja Se Yah Androon Mada Pohnch Jaae Ya Koi Nigal Le To Muftar Saum He Jis Tarah Deegar Chize Ke Nikal Jane Se Muftar Saum Hoga Warna Nahi Is Silsila Me Muhtaram Molana Maqbool Ahmed Salafi Hafizahullah Ne Jo Tehqeeq Paish Ki He Mujhe Aqrab Ilassiha Maloom Hoti He. Wallaahu Aalam Bissawaab Waallamahu Atimma Wa Ahkam.
(5) DR. ABDUL BARI FATHULLAAH MADANI HAFIZAHULLAH RIYAAZ(EK BHAI KE ISTIFSAAR PAR SHAIKH NE UNKO MERE MAZMOON KA AUDIO JAWAAB DIYA)
Is Risaale Me Baqiya Chize Sab Sahih Likhi Hai Aur Gule Manjan Se Rozah Nahi Toote Ga Lekin Woh Muskiraat Ke Ziman Se He To Bahut Bada Gunaah He.
Is Mazmoon ka Urdu versoin padne ke lia click karai.
REFERENCE:
Book: “Ramzaniyaat”
Tahreer: Shaikh Maqbool Ahmad Salafi Hafizahullah”
گل منجن اور رمضان المبارک کا روزہ
گل کا استعمال بہت سے لوگ منجن کے طور پر کرتے ہیں اور چونکہ اس میں نشہ پایا جاتا ہے اس وجہ سے لوگوں میں اس بات کے متعلق تشویش پائی جاتی ہے کہ کہیں یہ مفسد صوم تونہیں چنانچہ متعدد متعارفین وغیرمتعافین نے مجھ سے اس بابت رابطہ کیا اسی کا جواب میں نے مختصر طور پر یہاں دینے کی کوشش کی ہے ۔ قبل اس کے کہ گل منجن کا روزے پر اثر اور اس کا حکم جانتے ہیں پہلے اس بات کی تحقیق ضروری ہے کہ گل منجن کیا ہے ؟
گل منجن کیا ہے ؟
گل تمباکو سے تیارکیا ہوا ایک قسم کا نشیلا مواد ہے اوراس میں ضرررساں کیمیائی مواد نیکوٹین کی بھی ملاوٹ ہوتی ہے اس وجہ سے اس کا وہی نقصان ہے جو سورتی، گٹکھا اور سگریٹ وغیرہ کا ہے ۔ طبی رپورٹ کے مطابق موسی گل میں 0.14 فیصدنیکوٹین ملا ہوتا ہے جو بیماری ہی نہیں موت کا سبب بننے والا ہے گویا ہم یہ سمجھیں گے اور بجا طورپرکہہ بھی سکتے ہیں کہ اگر سگریٹ دھوئیں والا تمباکو ہے تو گل منجن بغیر دھوئیں والا تمباکو۔
میں نے انٹرنیٹ پر گل کی انواع واقسام کا پتہ لگایا ہے تو مختلف قسم کی کمپنیاں ملیں مثلا چاندتاراگل، موسی کا گل، نور کا گل، ایس ایس گل، تیغی گل، سلیمان گل، شکوراللہ گل وغیرہ۔ان تمام کمپنیوں کے ڈبے پر ہندی میں لکھا ہے کہ تمباکو سے کینسر ہوتا ہے ،ساتھ ہی اس ہندی جملےکا انگریزی ترجمہ بھی درج ہے: (Tobacco causes Cancer)
ہم جانتے ہیں مصنوعات تیار کرنے کی کوئی کمپنی اپنی مصنوعات کی برائی نہیں بیان کرتی ہے بلکہ وہ تو پیسے دے کر جھوٹی تعریف کرواتی ہے لیکن گل منجن ڈبے پہ یہ لکھا ہوا ہونا کہ تمباکو سے کینسر ہوتا ہے مجبوری میں لکھا گیا ہے اور مبنی بر حقیقت ہے۔ اس جملے سے ایک حقیقت تو یہ معلوم ہوتی ہے کہ گل منجن بھی تمباکو کی ہی ایک قسم ہے ، دوسری بات یہ معلوم ہوئی کہ گل منجن نشہ پیدا کرنے والا ہے اور تیسری بات یہ معلوم ہوئی کہ گل منجن کا استعمال جانی نقصان کا باعث ہے ۔
حیرانی کی بات ہے کہ اس گل کا استعمال چھوٹی عمر سے لیکر بڑی عمر تک کے لوگ کرتے ہیں ، خواتین میں بھی اس کا استعمال عام ہے ، ان سب سے زیادہ حیرانی کی بات یہ ہے کہ کل منجن تیار کرنے والے اکثر مسلمان نظر آتے ہیں اسی لئے ان منجنوں کا نام بھی مسلمانی ہوتا ہے ۔ ان تمام حیرانیوں میں ایک افسوسناک پہلو علماء کا گل منجن کرنا ہے ۔ جب میں اس مسئلے میں مختلف مسالک کے فقہی نظریات کامطالعہ کررہا تھا تو ایک اور چونکانے والی بات معلوم ہوئی جس کا تعلق بریلوی مکتب فکر کے فقہی سیمینارسے ہے ۔ وہ یہ ہے کہ اگر کسی کو گل استعمال کئے بغیر پاخانہ نہیں ہوتا تو اس عذر کی وجہ سے اس کے لئے حکم میں اس قدر تخفیف ہوگی کہ وہ گل پہلے ہتھیلی وغیرہ پر نکال کر پانی سے بھگودے پھر اسے احتیاط کے ساتھ دانتوں پر ملے اور جلد ہی کلی کرکے اچھی طرح اپنا منہ صاف کرلے(فتاوی مرکز تربیت افتاء جلداول ص 470 مطبوعہ فقیہ ملت اکیڈمی اوجھا گنج بستی)
اس فتوی سے ایک بات یہ سامنے آئی کہ گل کا استعمال کرنے والے اس میں موجود نشہ سے بڑھ کر جنون کی حد تک استعمال کرتے ہیں کہ اس کے بغیر قضائے حاجت نہیں ہوتی ۔دوسری بات یہ سامنے آئی کہ مسلمانوں میں بعض طبقات ایسے بھی ہیں جو بہانے بہاکر حرام چیز کو بھی حلال کرلیتے ہیں ، کیا کسی کو شراب پئے بغیر باتھ روم نہ لگے یا نیند نہ آئے تو اس کے لئے شراب حلال ہوجائے گی ؟ ہرگز نہیں۔
گل منجن کے استعمال کی حرمت:
گل کا تعلق منشیات سے ہے اورمنشیات ہر قسم کے نشہ آور چیزوں کے لئے استعمال ہوتا ہے جس کے لئے عربی زبان میں “خمر” کا لفظ عام طور سے استعمال کیا جاتا ہے ۔ حضرت عمرفاروق رضی اللہ عنہ نے خمر کی وضاحت بایں الفاظ کی ہے :والخمرُ ما خامر العقلَ(صحيح البخاري:5581،صحيح مسلم:3032)
یعنی خمر کا اطلاق ہرنشہ آورچیز پر ہوتا ہے ۔ اس کی تائید مسلم شریف کی ایک اور روایت سے ہوتی ہے:كلُّ مُسكِرٍخَمرٌوَكُلُّ خَمرٍحرامٌ(صحيح مسلم:2003)
کہ ہرنشہ آور چیز خمر کہلاتی ہے اور ہرقسم کا خمر حرام کردیا گیا ہے ۔
یہاں یہ اعتراض پیدا کرنا بے جاہوگاکہ گرکم مقدار میں نشہ والی اشیاء استعمال کرنے سے نشہ نہ پیدا ہونے پر اتنی مقدار پیناجائز ٹھہرے گا۔اس اعتراض کی گنجائش بایں طور نہیں ہے کہ نشہ کے سلسلے میں اسلام کا دوسرا اصول یہ ہے ۔ما أسكرَ كثيرُهُ فقليلُهُ حرامٌ(صحيح الترمذي:1865)
ترجمہ:جس کا زیادہ حصہ نشہ آور اور مفترہواس کا کم مقدار میں بھی استعمال کرنا حرام ہے ۔
مذکورہ تعریف کو اصول بنانے سے منشیات کے زمرے میں شراب، تمباکو، بیڑی، سورتی،گھینی،سگریٹ،گل،گٹکھا،گانجہ،بھنگ،چرس،کوکین، حقہ،افیم ،ہیروئین، وہسکی،سیمپین،بئر،ایل ایس ڈی،حشیش اورمخدارت کی تمام اشیاء شامل ہیں۔
ایک طرف ہمیں یہ معلوم ہوتا ہے کہ گل نشیلی چیز ہے اور نشیلی چیزیں جان لیوا ہوتی ہیں جیساکہ گل منجن کے ڈبے پر کینسر ہونے کا سبب لکھا ہےدوسری طرف اسلام نے حفظان صحت کا بہت بہترین نظام پیش کیا ہے ، اس کی روشنی میں جسم کو نقصان پہنچانے والی تمام چیزیں منع ہیں ۔اللہ تعالیٰ کا فرمان ہے :لاَ تُلْقُواْ بِأَيْدِيكُمْ إِلَى التَّهْلُكَةِ۔ (البقرة: 195)ترجمہ : اپنے آپ کو ہلاکت ميں مت ڈالو۔اس وجہ سے گل منجن کا استعمال اسلام کی رو سے حرام ہے۔
گل منجن داتنوں کی دوا نہیں بیماری ہے:
گل کا استعمال کرنے والے اسے منجن سمجھ کر استعمال کرتے اور دانتوں کی صفائی کا سامان خیال کرتے ہیں ،ایسے لوگوں کو یہ حدیث سنانا چاہتا ہوں کہ
ایک صحابی طارق بن سوید الجعفی رضی اللہ عنہ نے شراب کو بطوردوا استعمال کرنے کے لئے رسول اللہ ﷺ سے اجازت طلب کی تو آپ نے ان سے فرمایا:إنه ليس بدواءٍولكنه داءٌ (صحيح مسلم:1984)کہ شراب دوا تو نہیں ہے مگر بیماری ضرور ہے یعنی یہ بیماری کا سبب بنتی ہے ۔ اس حدیث سے معلوم ہوتا ہے کہ نشہ آور چیزوں میں فائدہ نہیں نقصان ہے لہذا جو گل کو دانتوں کی صفائی کا ذریعہ سمجھتے ہیں انہیں سمجھ لینا چاہئے کہ آپ اپنے جسم میں بیماری داخل کررہے ہیں جو رفتہ رفتہ آپ کے وجود کو ختم کردے گی۔ آپ سے گزارش ہے کہ دانتوں کی صفائی کے لئے گل منجن کے بجائے مسواک استعمال کریں جو نہ صرف منہ کی صفائی کا سبب ہے بلکہ اس سے رب کی رضا بھی حاصل ہوتی ہے ۔ صحیح بخاری میں حضرت عائشہ ؓ فرماتی ہیں کہ آپ ﷺ کا فرمان ہے :”السواک مطھرۃ للفم مرضاۃ للرب ” کہ مسواک سے منہ صاف ہوتاہے اور اللہ کی رضامندی حاصل ہوتی ہے ۔
دانتوں کی صفائی کے لئے مسواک ہی ضروری نہیں ہے ،کوئی بھی منجن استعمال کرسکتے ہیں لیکن حرام چیز کو دانتوں کی صفائی کا ذریعہ نہیں بناسکتے۔
گل منجن کا روزے پر اثر:
چونکہ لوگ گل کا استعمال منجن کی شکل میں کررہے ہیں اس لئے اکثر یہ سوال پوچھا جارہا ہے کہ کیا روزہ کی حالت میں گل منجن کرنے سے روزہ ٹوٹ جاتا ہے ؟ اس سلسلے میں بریلوی مسلک کے یہاں گل منجن کو مفسد صوم لکھا پایاہوں اور دارالعلوم دیوبند کا فتوی ہے کہ گل یا منجن کرنے سے روزہ ٹوٹتا نہیں ہے، مکروہ ہوتا ہے البتہ اگر گل منجن کرنے سے گل یا منجن کے ذرات حلق میں چلے گئے تو روزہ بلاشبہ ٹوٹ جائے گا۔ (دارالافتاء دیوبندی،جواب رقم:60211)
میں جب گل منجن کو روزہ اور رمضان سے جوڑ کر دیکھتا ہوں تو مجھے لگتا ہے کہ سوال یہ نہیں ہونا چاہئے کہ گل منجن سے روزہ ٹوٹتا ہے یا نہیں ٹوٹتا بلکہ اصل سوال یہ ہونا چاہئے کہ روزہ کی حالت میں یا رمضان المبارک میں گل منجن کا استعمال کیسا ہے ؟ اس سوال پر میرا جواب یہ ہوگا کہ گل منجن کا استعمال عام دنوں میں حرام ہے اور روزہ یا رمضان المبارک میں اس کی حرمت میں زیادتی پیدا ہوجاتی ہے کیونکہ رمضان المبارک میں جس طرح نیکیوں کا اجر کئی گنا بڑھ جاتا ہے اسی طرح برائیوں کا گناہ میں زیادہ ہوجاتا ہے۔
جہاں تک گل منجن سے روزہ ٹوٹنے یا نہ ٹوٹنے کا مسئلہ ہے اس سلسلے میں میرا یہ ماننا ہے کہ گل منجن ذرات کا مجموعہ ہے ، اس کو منہ میں لینے سے حلق سے نیچے اترنے کا خدشہ ہے تاہم منہ کی اچھی صفائی کی گئی ہو تو گل منجن کو مفطر نہیں مانا جائے گا کیونکہ محلول وریشے تو مسواک میں بھی پائے جاتے ہیں بلکہ رطب مسواک میں محلول کے ساتھ ذائقہ بھی تیز ہوتا ہے اس کے باوجود ہم خشک ورطب دونوں قسم کی مسواک روزہ کی حالت میں استعمال کرسکتے ہیں۔ خلاصہ یہ ہے کہ گل منجن سے روزہ نہیں ٹوٹتا بشرطیکہ منہ کی اچھی صفائی کی گئی ہو تاہم اس سے زیادہ اہم سوال یہی ہے کہ کیا ایک مسلمان روزہ رکھتے ہوئے گل منجن کا استعمال کرسکتا ہے جس کے بارے میں کوئی شک نہیں ہے کہ یہ حرام بھی ہے اورجان لیوا بھی ؟
اس کو مثال سے یوں سے سمجھیں کہ روزہ کی حالت میں فحش افلام دیکھ لینے سے روزہ نہیں ٹوٹتا مگر یہاں بھی وہی سوال پیدا ہوتا ہے کہ کیا مسلمان روزہ کی حالت میں گندی فلم دیکھ سکتا ہے ؟ بالکل نہیں ۔ رمضان کے علاوہ دوسرے مہینوں میں بھی ایسی چیز دیکھنا حرام ہے تو روزہ کی حالت میں دیکھنا بدرجہ اولی حرام ہوگایہی حال روزہ کی حالت میں گل منجن کے استعمال کا ہے ۔
گل منجن سے متعلق مزید چند باتوں کی وضاحت:
گل منجن سے متعلق اس مضمون کی اشاعت کے بعد کچھ بھائیوں نے مختلف جگہوں پر اعتراض کیا تھا اور کچھ شبہات کا اظہار کیا تھا اس لئے میں نے ان اعتراض کو سامنے رکھتے ہوئے چند نکات کے ذریعہ اپنی بات واضح کررہا ہوں۔
سب سے پہلی بات تو یہ ہے کہ میں نےاپنے مضمون میں گل کے استعمال کو روزہ و غير روزہ دونوں صورتوں میں حرام ثابت کیا ہےجیساکہ آپ نے پڑھ کر اندازہ لگایا ہے اور ہمیشہ کے لئےاس سے بچنے کی نصیحت کی ہےاس لئے مفسد صوم نہ ہونے کا مطلب یہ نہیں ہے کہ روزہ کی حالت میں اسے استعمال کیا جائے ۔ یہ ٹھیک اسی طرح ہے کہ کوئی عالم کہے فلم دیکھنے سے روزہ نہیں ٹوٹتا ، اس کا مطلب بھی وہی ہے کہ فلم بینی حرام ہے اور روزہ میں حرام کاموں سے بچنا چاہئے ۔
دوسری بات یہ ہے کہ میں نے گل منجن کو دانتوں کے لئے بیماری بتایا ہے نہ کہ صفائی کا ذریعہ ،ساتھ ساتھ مسکر ہونے کے سبب اس کا استعمال حرام بھی ہے پھروہ کیسا مسلمان ہوگا جو روزہ بھی رکھے اور حرام کام کا ارتکاب بھی کرے؟ اس بات کی جانکاری کے ساتھ روزہ کی حالت میں ہرقسم کے حرام کا ارتکاب کرنے سے روزہ فاسد نہیں ہوتا سوائے اس کے جوشریعت میں منصوص ہو مثلا روزہ کی حالت میں کوئی جھوٹ بولے ، غیبت کرے یا فحش فلم دیکھ لے ، یہ سب حرام کام ہیں مگر ان کاموں کی وجہ سے روزہ فاسد نہیں ہوگا تاہم گناہ کبیرہ ہونےکے سبب توبہ کرنا پڑے گا۔
تیسری بات یہ ہے کہ یہاں ایک بڑا اہم سوال یہ ہے کہ اگر کسی نے بحالت روزہ گل سے منجن کرلیا تو کیا اس کا روزہ ٹوٹ جائے گا اور جنہوں نے یہ عمل کئی روزے میں انجام دیا ہے انہیں اپنےگزشتہ روزوں کی قضا کرنے کی ضرورت ہے؟
ظاہر سی بات ہے کوئی بھی عالم یہ نہیں کہے گا کہ سابقہ احوال میں بحالت روزہ گل منجن کرنے والا اپنے روزو ں کی قضا کرے گا ، ہاں یہ عمل حرام کے زمرے میں ہے اس لئے آئندہ کے لئے توبہ کرنا پڑے گا۔
چوتھی بات یہ ہے کہ گل بلاشبہ تمباکو کی ایک قسم ہے اور مسکر بھی ہے اور اس بارے میں دو باتیں اہم ہیں،پہلی ذرات منہ میں جانے والی اور دوسری مسکر ہونے والی ۔ تو منہ کی اچھی صفائی پر مفطر کا حکم نہیں لگا سکتے چہ جائیکہ مسکر ہوکیونکہ محض مسکر ہونے سے روزہ کا بطلان نہیں مانا جائے گا ورنہ پھر روزے کے دوسرے مسائل پر بھی اعتراض وارد ہوگا مثلا بے ہوشی میں روزہ یا علاج کے لئے بے ہوشی کا انجکشن وغیرہ۔
پھر کہیں شریعت میں یہ دلیل بھی نہیں ملتی کہ جسم میں اگر کچھ نشہ پیدا ہوجائے تو روزہ باطل ہوجائے گا بلکہ گل کرنے والے کو اس وقت نشہ محسوس بھی نہیں ہوتا پھر تو یہ علت پائی بھی نہیں گئی تاہم استعمال کی حرمت اپنی جگہ باقی ہے قلیل و کثیر نشہ کے قاعدے سے۔
پانچویں بات یہ ہے کہ آپ روزہ کی جو تعریف کرتے ہیں اس حساب سے بھی دیکھیں، گل نہ کھانے پینے یا اس کے قبیل سے ہے ، نہ جماع اور شہوت میں سے ہےپھر مبطلات صوم میں سے کیسے مانا جائے گا؟
اگر کوئی یہ کہتا ہے کہ گل منجن کرنے سے روزہ فاسد ہوگیا اس کے ذمہ ہے کہ وہ صریح دلیل لائے اور یہ بھی ثابت کرے کہ سابقہ ان تمام روزوں کی قضا کرنا پڑے گا جن میں گل منجن کیا گیاہے۔ سب کو اچھی طرح معلوم ہے کہ نواقض اور مفسدات ،دین کے اہم اصول ہیں اس لئے وضو یا غسل توڑنے یا نمازو روزہ باطل قرار دینے کے لئے صریح نص اورواضح دلیل چاہیے۔ہاں یہ بات ضرور ہے کہ سگریٹ پینے اور سورتی کھانے کے قبیل سے ہے اس لئے ان دونوں سے روزہ فاسد ہوجائے گا اور اگر گل منجن کا استعمال کوئی سورتی کی طرح ہونٹ کے نیچے رکھ کر کرتا ہے تو یقیناً وہ مفسد صوم ہےکیونکہ اس نے گل کے استعمال کی ایسی کیفیت اختیارکی جو کھانے اور لذت اندوزی کے مشابہ ہے ۔ گویاکسی چیز کے استعمال کی مخصوص کیفیت کے مطابق حکم لگے گا، اگر وہی چیز دوسری کیفیت میں استعمال ہو تو اس کا حکم بدل جائے گا۔
ایک بھائی نے مجھ سے کہا کہ آپ نے گل کو تمباکو کی قسم بتایا ہے اس لئے گل بھی تمباکو کی طرح حکم رکھتا ہے یعنی اس سےبھی روزہ فاسد ہوجائے گا،اس پر ایک تبسم وسادگی والا جواب عرض کرتا ہوں کہ ٹماٹر بھی پھل کی ایک قسم ہے، کیا آپ مہمان کی آمد پر طشت میں ٹماٹر بطور مہمان نوازی پیش کریں گے؟
بہرکیف! ایک مسلمان کو نشہ آور چیز کبھی بھی استعمال نہیں کرناچاہئے خصوصا رمضان جیسے مبارک ماہ میں تو قطعا اس سے اجتناب کرنا چاہئے اور جن لوگوں نے رمضان میں یا رمضان کے علاوہ دنوں میں یہ عمل انجام دیا ہے وہ اللہ سے سچی توبہ کرے اور دانتوں کی صفائی کے لئے اللہ کی رضا والا مسواک کرے یا جائز اشیاء استعمال کرے ۔
ملاحظہ:
چونکہ یہ مضمون اپنی نوعیت کے اعتبار سے کافی حساس تھا اور ابتک جماعت اہلحدیث کی طرف سے میری نظر میں گل منجن سے روزہ ٹوٹنے یا نہ ٹوٹنے کے سلسلے میں کوئی فتوی نہیں آیا تھا اس وجہ سے میں نے اس مضمون کو کئی علماء پر پیش کیا اورانہوں نے اپنے تاثرات سے ہمیں نوازا، جزھم اللہ خیرا۔
1- ڈاکٹروصی اللہ محمد عباس حفظہ (مدرس حرم مکی واستاد جامعہ ام القری ۔ مکہ مکرمہ)
گل منجن سے متعلق شیخ مقبول سلفی حفظہ اللہ نے جو تحقیق پیش کی ہے کہ اس کا استعمال کرنا جائز نہیں کیونکہ وہ مسکر (نشہ آور) ہےخواہ اس کا تھوڑا حصہ استعمال کیا جائے یا زیادہ ۔اس کا خلاصہ یہ ہے کہ گل منجن کا استعمال دانت اور منہ کی صفائی کے لئے جائز نہیں ہے ،اس کے بالمقابل اللہ تعالی نے بہت سی حلال چیزیں پیدا کی ہیں جیساکہ مسواک ہے۔شیخ مقبول نے جو بات کہی ہے کہ عمدا آدمی اگر گل منجن کے کچھ حصے کو (استعمال کے وقت)نگل نہیں رہا ہے تو اس سے صوم باطل نہیں ہوگا کیونکہ کتاب وسنت سے ابطال صوم کی دلیل نہیں ملتی ہے یہی حقیقت ہے اور تحقیق کے قریب یہی قول ہے ہاں اگر گٹکھا،سورتی اور تمباکوکی طرح استعمال کررہا ہے اور اس کی کش یعنی پیس کو نگل جاتا ہے تو اس سے صوم باطل ہوجائے گا، اس میں شبہ نہیں ۔(شیخ کی آڈیو یوٹیوب پر موجود ہے)۔
2۔ شیخ جلال الدین قاسمی حفظہ اللہ ۔مالیگاؤں
گل منجن سے روزہ نہیں ٹوٹتا،اگر اس کا کوئی حصہ پیٹ میں نہ جائےجبکہ گل منجن مسکر ہونے کیوجہ سے حرام ہے۔گل منجن سے روزہ نہ ٹوٹنے کی مقبول احمد سلفی کے موقف کی تائیدشیخ وصی اللہ عباس نے بھی کی ہے اور کہا ہے کہ یہ موقف اقرب الی الصواب ہے۔فی الحال میں بھی اس موقف سے متفق ہوں تا آنکہ کوئی دلیل آجائے جو اس کی ناقض ہو۔
مقبول سلفی حفظہ اللہ کی یہ تحقیق قابل قدر ہے،زادک اللہ علما۔
3۔ شخ عبدالحسب عمری مدنی حفظہ اللہ –بنگلور
مضمون پڑھا ،مضمون کے مشمولات قابل اطمینان ہیں بارک اللہ فیکم البتہ میں سورتی نہیں جانتا اس جزء سے متعلق گفتگو کے علاوہ بقیہ باتوں سے اتفاق ہے ۔
4- ڈاکٹر محمد اسلم مبارک پوری حفظہ اللہ –جامعہ سلفیہ بنارس
تقریبا ہر شخص کو معلوم ہے کہ اسلامی شریعت نے ہر نشہ آور چیز کو حرام قرار دیا ہے،اس پر کتاب وسنت کے دلائل بے شمار ھیں۔گل منجن بھی نشہ آور ہے اس لیے یہ بھی حرام ہے۔ہر مسلمان کو اس اجتناب کرنا چاہیےلیکن گل منجن مفطر صوم ھے یا نہیں؟اس بارے میں اختلاف ھے،مجھ سیہ کار کو کتاب وسنت کے دلائل میں اس کا مفتر عقل ھونا تو ملا لیکن مفطر صوم ہونا نہیں ملا۔اگر کوئی مفترعقل ہونے سے مفطر صوم ھونا قیاس کرلے تو یہ قیاس مع الفارق ہے،ہاں اگر کسی وجہ سے یہ اندرون معدہ پہنچ جائے یا کوئی نگل لے تو مفطر صوم ہے جس طرح دیگر اشیاء کے نگل جانے سے مفطر صوم ہوگا، ورنہ نہیں۔ اس سلسلہ میں محترم مولانا مقبول احمد صاحب سلفی حفظہ اللہ نے جو تحقیق پیش کی ہے مجھے اقرب الی الصحہ معلوم ھوتی ھے۔واللہ اعلم بالصواب وعلمہ أتم وأحکم.
5- ڈاکٹرعبدالباری فتح اللہ مدنی حفظہ اللہ –ریاض (ایک بھائی کے استفسار پر شیخ نے ان کو میرے مضمون کا آڈیو جواب دیا)
اس رسالے میں بقیہ چیزیں سب صحیح لکھی ہیں اور گل منجن سے روزہ نہیں ٹوٹے گالیکن وہ مسکرات کے ضمن سے ہے تو بہت بڑا گناہ ہے۔
مقبول احمد سلفی
اسلامک دعوۃ سنٹر،شمالی طائف(مسرہ)