112. Kaafiron ke saath tijaarat

Kaafiron ke saath tijaarat

[Sawaal]

Kia kaafir ke saath tijaarat jaaiz hai khusoosan jab ke hamein un ki masnu’aat ki zaroorat bhi ho?

[Jawab]

Insha Allah bawaqt zaroorat kufaar ki banaai hoi cheezon ke iste’maal karne mein koi harj nahi, Jis tarah ke hum ‘Asar-e-haazir mein kaafir hukoomaton ke saath ma’amla kar ke un ki masnu’aat maslan gaadiyan, Libaas, Samaan-e-araaish-o-zebaaish, Gharelu iste’maal ki ashya aur bartan waghaira khareedte hain aur yeh zaroorat hamein majboor karti hai ke hum un ke saath zaroori qawaaid-o-zawabit, Sharaait, Qeemat ki adaaigi, Samaan ko wasool karne ya bhejne waghaira par ittefaaq kar lein aur un tamaam umoor ko te kar lein jin ki ek khareedaar ko zaroorat hoti hai.

__Shaikh Ibn-e-Jibreen__