177. Fatwa ke baare mein khabar dene mein koi harj nahi

Fatwa ke baare mein khabar dene mein koi harj nahi

[Sawaal]

Talba ek aise ustaad se fatwa poochte hain,Jis ke paas munaasib ‘ilm to hai lekin woh fatwa dene ka Ahl nahi hai haan albatta is tarah ke sawaal ka us ne ba’az siqa-e-‘Ulama se jawaab zaroor sun rakha hota hai, To Kia us ke liye yeh jaaiz hai ke woh talba ko yeh fatwa de ya zaroori hai ke jawaab ko Sahab-e-fatwa ki taraf mansoob kiya jaae?

[Jawab]

Jab kisi aise shakhs se sawaal kiya jaae jis ke paas fatwa dene ki Ahliyat na ho aur us se mu’tabir ‘Ulama ka fatwa yaad ho to us fatwa ke bataane mein koi harj nahi lekin jawaab ko apni taraf mansoob na kare balkeh yeh kahe ke main ne falaan shakhs ko is ka yeh fatwa dete hue suna hai jab ke use woh fatwa baghair shak-o-shuba ke yaad ho. (Wallahu waali-al-Toufeeq)

__Shaikh Ibn-e- Baaz__