186. Jis ka koi ustaad nahi us ka ustaad shaitaan hai

Jis ka koi ustaad nahi us ka ustaad shaitaan hai

[Sawaal]

Us shakhs ke baare mein aap ki Kia raae hai jo yeh kehta hai ke jis ka koi ustaad nahi, Us ka ustaad shaitaan hai?

[Jawab]

:

Beshak ‘ilm’ Haamileen-e-‘ilm hi se haasil kiya jaa sakta hai aur woh ‘Ulama-e-saaliheen hain. Jo un se ‘ilm haasil kare ga woh bohat faaida uthaae ga. Nus ko samajh le ga. ‘Ilm-o-‘amal ko pehchaan le ga aur jo shakhs sirf kitaabon ke mutaaliy’a par iktifa kare, Us se bohat si cheezein makhfi reh jaaen gi aur ba’az ko woh sahi taur par na samajh sake ga lekin yeh qawl mujhe kisi marf’oo ya mouqoof Hadees mein nazar nahi aaya. Ho sakta hai ke ‘Ulama mein se kisi ne yeh baat is liye ki ho taakeh log ‘Ulama ke halqon mein shirkat karen aur Ahl-e-ilm ki majlis se door na rahen.

(Wallahu al-Muwaffiq)

__Shaikh Ibn-e-Jibreen__