201. Mardon ke liye surma ka iste’maal

Mardon ke liye surma ka iste’maal

[Sawaal]

Baghair zaroorat ke mardon ke liye apni aankhon mein surma iste’maal karne ka Kia hukm hai?

[Jawab]

Surma ki do qismen hain:

• (1) Woh jo taqwiat-e-basar , Aankh ke pardah ko jala bakhshne aur aankh ki nazaafat-o-tahaarat ke liye iste’maal kiya jaae aur us mein Jamal ka pehlu na ho to is mein koi harj nahi balkeh un maqaasid ke liye surma iste’maal karna chaahiye kyunke Nabi Kareem (ﷺ) yeh surma iste’maal farmaaya karte the khsoosan jab ke woh asli asmad hota.

• (2) Woh jo mehez Zeenat-o-Jamal ke liye iste’maal ho to yeh ‘Aurton ke liye hai kyunke ‘Aurat se matloob yeh hai ke woh apne shohar ke saamne zeb-o-Zeenat ka izhaar kare. Mardon ke liye is ke iste’maal ka Kia hukm hai, Mujhe yeh ma’loom nahi?

__Shaikh Ibn-e-‘Usaymeen__