221. Kaafir khaadima ka khaana pakaana aur kapde dhona

Kaafir khaadima ka khaana pakaana aur kapde dhona

[Sawaal]

Hamare paas ek ghair muslim khaadima hai to Kia mere jin kapdon ko woh dhoe Main un mein Namaz padh sakta hoon? Aur jo woh khaana pakaae us se khaa sakta hoon? Aur Kia yeh jaaiz hai ke mein us ke Deen ke ‘aib aur batlaan ko waazeh karta rahoon?

[Jawab]

Kaafir se khidmat lena aur khaana pakaane aur kapde dhone waghaira ke liye us se iste’maal karna jaaiz hai. Us ke pakaae hue khaane ko khaana aur us ke sile hue aur dhoe hue kapdon ko pehnna jaaiz hai kyunke us ke haath bazaahir saaf hain aur us ki nijaasat ma’anwi hai. Hazrat Sahaaba Karaam رضي الله عنهم bhi kaafir ghulaamon aur londiyon se khidmat le liya karte the aur balaad-e-Ahl-e-kufur se jo cheezein aatein Unhein bhi khaa liya karte the kyunke unhein ma’loom tha ke hasi taur par un ke jism Taahir hain. Haan albatta Hadees mein yeh aaya hai ke un ke bartanon mein khaana pakaane se pehle unhein dho liya jaae, Jab ke woh un mein sharaab peete aur murdaar-o-Khinzeer ko pakaate hon aur un ke un kapdon ko iste’maal se pehle dho liya jaae jo un ke maqaam-e-satar se lams karte.

Un ke Deen ke ‘aib-o-baatlan ko waazeh karna jaaiz hai aur zaahir hai ke Is se un ka maujooda Deen muraad hai kyunke yeh ya to bidd’ati Deen hai jis tarah but arasti waghaira ya muharif-o-mansookh hai jis tarah ‘Isaiyat waghaira to ‘aib us Deen par hona chaahiye jo muhrif-o-mubaddil soorat mein hai. Lekin us ke saath saath aap ko yeh chaahiye ke aap unhein Islam ki da’wat dein. Islam ki ta’leemaat aur fazaail ko bayaan Karen. Islam ke ahkaam ko waazeh karen aur yeh bataaein ke Islam aur deegar adyaan mein Kia farq hai.

__Shaikh Ibn-e-Jibreen__