238. Kia Saabiqa tahaarat nein shak ki bina par Namaz ko dohraaya jaae?

Kia Saabiqa tahaarat nein shak ki bina par Namaz ko dohraaya jaae?

[Sawaal]

Ek aadmi Wuzu kar raha tha kisi ne dekha ke us ke paaon mein thodi si jagah sookhi reh gai hai. Dobaraah phir ek daf’a dekha ke us ke paaon mein us ke mushaaba thodi si jagah phir sookhi reh gai hai, Jis ki wajah se shak hoa ke yeh pehle bhi Wuzu sahih nahi karta raha hai, Nez shak hoa ke shaayad yeh pehle ghusl-e-janaabat bhi sahih nahi karta raha hai. Kia yeh shakhs apni Namaz ko doharaae ya Kia kare?

[Jawab]

Saail ka ek ya do daf’a yeh dekhna ke Wuzu karte waqt us ke paaon mein thodi si aisi jagah sookhi reh gai hai jahan paani nahi pohancha Is ke yeh ma’ani nahi ke us ki baaqi saari tahaaratein bhi sahih na thin kyunke asal yehi hai ke (Insha Allah) us ne sahih Wuzu kiya ho ga aur shakook-o-shuhbaat se asal nahi toot’ta Isi tarah ghusl-e-janaabat ke baare mein bhi yehi kaha jaae ga ke woh sahih karta raha hai lehaaza us se sabiqa Namaazon ke a’aadah ki zaroorat nahi.

__Fatwa-e-committee__