283. Zakhmi kis tarah ghusl kare?

Zakhmi kis tarah ghusl kare?

[Sawaal]

Mein naujawaan ladki hoon. mere haath mein kandhe ke qareeb zakham aaya jis ki wajah se operation karaana pada. Doctor ne mujhe ghusl se mana’ kiya hai taakeh paani lagne se zakham kharaab na ho lekin chand dino ba’d hi mein apne ayyaam-e-haiz se faarigh hoi aur main ne ghusl ka iraadah kiya to hairaan-o-pareshaan ho gai ke ab Kia karoon? Kia us jagah ko chod kar baaqi saare jism ko dho loon? Lekin mujhe ma’loom hai ke ghusl to us soorat mein hi kaamil hota hai jab tamaam ‘aaza ko dhoya jaae aur phir zakham hai aisi jagah ke us se nahaate hue paani se bachaana bohat mushkil hai?

[Jawab]

Ghusl-e-haiz waghaira ke liye is haalat mein aap apne jism ko jis qadar ghusl de sakti hain, us se ghusl dena laazim hai. Zakham par patti waghaira rakh kar baaqi jism ko dho lo aur agar us mein mushaqqat ho aur aisa mumkin na ho to zakham se neeche ke hissa ko jis mein zakham nahi hai dho lo.

__Shaikh Ibn-e-Jibreen__