383. Imaam Bismillah jahri padhta hai

Imaam Bismillah jahri padhta hai

[Sawaal]

Main ne ek Masjid mein Namaz padhi’ jama’at to na mil saki lehaaza main ne ba’az aise Namaaziyon ke saath Namaz ba jama’at adaa kar li jin ki meri tarah jama’at reh gai thi. jama’at karwaate hue yeh Imaam “Bismillah” buland awaaz se padh raha tha. Kia yeh Namaz sahih hai? hamein mustafeed farmaaiye. Allah Ta’ala aap ko faaida bakshe ga.

[Jawab]

Yeh Imaam Shaaf’i ke mazhab par ‘amal pazeer hai kyunke Shaaf’i mazhab mein Bismillah Surah Fatiha ki ek mustaqil Aayat hai lehaaza woh jahri Namaazon mein Bismillah padhna waajib qaraar dete hain.aise Imaam ke peeche Namaz sahih hai, Ho jaae gi kyunke Bismillah ko buland awaaz se padhna bhi jaaiz hai lekin hamesha nahi balkeh kabhi kabhi us se jahar padhna chaahiye aur yeh sahih baat hai aur is se tamaam daleel mein tatbeeq bhi ho jaati hai. Wallahu A’lam.

__Shaikh Ibn-e-Jibreen__