438. Namaz mein taakheer

Namaz mein taakheer

[Sawaal]

Ek shakhs jo soya rehta hai aur Namaz-e-Fajr ko Zuhr se qareeban do ghante pehle adaa karta hai, Is ke baare mein Kia hukm hai?

[Jawab]

‘Uzr ke baghair Namaz ko waqt se mu’akkhar kar ke adaa karna jaaiz nahi aur neend har shakhs ke liye ‘uzr nahi ban sakti kyunke insaan ke liye yeh mumkin hai ke woh jaldi soye taakeh Namaz ke liye jaldi bedaar ho sake. Isi tarah yeh bhi mumkin hai ke woh apne waalidein ya kisi bhai ya padosi waghaira se keh de ke woh us se bedaar kar de, ‘Ilaawa azeen aadmi ko khud bhi chaahiye ke Namaz ka is qadar khayaal kare aur Namaz ko dil mein is tarah jagah de ke jab waqt qareeb ho to dil mein khud bakhud ehsaas paida ho jaae khuwaah aadmi soya hoa hi kio na ho lehaaza jo shakhs hamesha Namaz-e-Fajr ko Zuha ke waqt mein adaa nahi karta to is ka matlab yeh hai ke us ke dil mein Namaz ka hargiz ehtimaam nahi hai. Baharhaal insaan ko hukm yeh hai ke jahan tak mumkin ho woh Namaz ko ziyaada se ziyaada qareeb waqt mein adaa kare aur agar soya hoa hai to uth kar jald padh le Isi tarah jo bhool gaya ho us se jab yaad aae foran padh le.

__Shaikh Ibn-e-Jibreen__