440. Kia meri Namaz sahih hai?

Kia meri Namaz sahih hai?

[Sawaal]

Mein Namaz-e-‘Asar ke liye Masjid mein daakhil hoa aur jama’at ke saath mil gaya lekin meri ek raka’at Faut ho gai aur jab Imaam jab teesri raka’at se faarigh hoa to woh bhool gaya aur chawthi raka’at ke liye khada na hoa Muqtadiyon ko bhi khabar na hoi aur Imaam ne salaam pher diya. Main ne khade ho kar us raka’at ko padhna shur’u kiya jo reh gai thi aur jab mein sajdah ke qareeb pohancha to muqtadiyon ne Imaam ko bataaya ke Namaz mein yeh kotaahi ho gai hai lehaaza woh chawthi raka’at padhne ke liye uth khade hue Mein bhi sajdah mukammal kar ke un ke saath shaamil ho gaya aur main ne raka’at padhi Jalsa-e-tashahhud bhi kiya, Un ke saath sajdah-e-Sahav bhi kiya aur phir hum sab ne ikhatha salaam pher diya. Kia us soorat mein meri yeh Namaz sahih hai ya nahi?

[Jawab]

Us haalat mein jab aap ko Imaam ke bhoolne ka ‘ilm ho gaya tha to aap par waajib tha ke Imaam ko us ki kotaahi par mutanabba karte lekin agar shak ki wajah se aap bhi khade ho gae to koi harj nahi aur ab aap ko yeh chaahiye tha ke infiraadi taur par Namaz ko jaari rakhte aur us se mukammal kar lete’ infiraadi taur par ek raka’at padhne ke ba’d ‘illat ki wajah se dobaraah un ke saath shaamil hona jaaiz hai. Imaam ne jab salaam pher diya tha to aap ke liye ab Imaam se ‘alehdgi jaaiz thi lekin aap bhi jab baaqi muqtadiyon ki tarah dobaraah Imaam ki iqtida mein aa gae to yeh bhi jaaiz hai.

__Shaikh Ibn-e-Jibreen__