452. Khankhaarne se Namaz baatil nahi hoti

Khankhaarne se Namaz baatil nahi hoti

[Sawaal]

Mein ek Masjid ke pados mein rehta hoon aur Zuhr , ‘Asar , Maghrib aur ‘Isha ki Namaazein us Masjid mein adaa karta hoon. Aaj kal dekha gaya hai ke Imaam Sahab jab Maghrib aur ‘Isha ki Namaazein padhaate hain, To woh Namaz mein bohat khankaarte hain Yaane ek raka’at mein koi teen martaba ke qareeb. Sawaal yeh hai ke Kia is se Namaz baatil to nahi ho jaati? Baraah-e-Karaam mutaall’a farmaaiye. Allah Ta’ala aap ko jazaae khair se nawaaze.

[Jawab]

Us Imaam ke peeche Namaz padhne mein koi harj nahi, Khuwah woh kasrat se khankaarta ho kyunke agar zaroorat ki wajah se khankaara jaae to is se Namaz baatil nahi hoti aur sawaal mein jo soorat-e-haal mazkoor hai aisa ‘umooman zaroorat hi ki wajah se hota hai.

__Shaikh Ibn-e-Jibreen__