454. Maghrib ki Namaz nahi padhi thi ke ‘Ishaa ki jama’at khadi ho gai

Maghrib ki Namaz nahi padhi thi ke ‘Ishaa ki jama’at khadi ho gai

[Sawaal]

Mein Masjid mein daakhil hoa to Namaz-e-‘Ishaa ki jama’at khadi thi lekin Namaz shur’u karne se pehle mujhe yaad aaya ke main ne to Maghrib ki Namaz nahi padhi’ To Kia us soorat mein mein pehle Namaz-e-Maghrib adaa karoon aur phir jama’at mein shaamil ho jaaon ya Namaz-e-Maghrib’ ‘Ishaa ki Namaz ke ba’d adaa karoon?

[Jawab]

Jab aap Masjid mein aaein aur Namaz-e-‘Ishaa khadi ho aur aap ko yaad aae ke aap ne to Maghrib ki Namaz bhi nahi padhi to us soorat mein aap Namaz-e-Maghrib ki niyyat ke saath jama’at mein shaamil ho jaaein Jab Imaam chawthi raka’at ke liye uthey to aap teen padh kar bethe rahen’ intezaar karen aur jab Imaam salaam phere to us ke saath salaam pher den. Ahl-e-ilm ke sahi qaul ke mutaabiq is soorat mein Imaam aur muqtadi ki niyyat ka ikhtilaaf nuqsaan daah nahi hai aur agar aap akele Namaz-e-Maghrib adaa kar lein aur phir Namaz-e-‘Ishaa ka jo hissa paaein us se jama’at se adaa kar lein, To is mein bhi koi harj nahi.

__Shaikh Ibn-e-Baaz__