492. Sirri Namaz mein Aayat-e-sajdah Ki qira’at

Sirri Namaz mein Aayat-e-sajdah Ki qira’at

[Sawaal]

Imaam agar siri Namaz maslan Zuhr ya ‘Asar mein aisi Aayaat ya soorat ki tilaawat kare jis mein Aayat-e-sajdah ho to us ka Kia hukm hai?

[Jawab]

Imaam ke liye yeh makrooh hai ke woh sirri Namaz mein Aayat-e-sajdah ki tilaawat kare kyunke agar woh sajdah na kare ga to taarik-e-Sunnat ho ga aur agar sajdah kare ga. To is se muqtadiyon ko ibhaam aur tashweesh laahaq ho gi. lehaaza us ki qiraat ko tark karna afzal hai aur agar woh Aayat-e-sajdah ko padh le to sajdah-e-tilaawat na kare kyunke is se muqtadiyon ko tashweesh laahaq ho gi.

__Fatwa-e-committee__