505. Mu’azzin ki mutaabi’at aur phir Tahiyyat-ul-Masjid

Mu’azzin ki mutaabi’at aur phir Tahiyyat-ul-Masjid

[Sawaal]

Jab insaan Masjid mein daakhil ho aur mu’azzin azaan keh raha ho to Kia azaan khatam hone se pehle Namaz padhi jaa sakti hai?

[Jawab]

Afzal yeh hai ke mu’azzin ki azaan ka jawaab de, Phir masnoon dua’a padhe aur phir Tahiyyat-ul-Masjid shur’u kare magar ba’az ‘Ulama ne us shakhs ko is se mustasna qaraar diya hai, Jo Jumm’a ke din Masjid mein us waqt aae’ Jab mu:azzin azaan keh raha ho, To woh khutba sunne ki wajah se Tahiyyat-ul-Masjid padh sakta hai aur is ka sabab ‘Ulamaa ne yeh bataaya ke khutba sunna waajib hai aur mu’azzin ka jawaab dena waajib nahi hai.

__Shaikh Ibn-e-‘Usaymeen__