509. Namaz ke ba’d Fajr ki Sunnaton ki qaza

Namaz ke ba’d Fajr ki Sunnaton ki qaza

[Sawaal]

Mein hamesha Namaz-e-Fajr Masjid mein adaa karta hoon. Agar mein yeh dekhoon ke jama’at khadi ho gai hai aur main ne Fajr ki Sunnatein nahi padhin to Kia is baat ki ijaazat hai ke mein unhein salaam pherne ke ba’d adaa kar loon? Agar mein tul’u-e-Aftaab tak intezaar karoon to Kia is se ajar-o-sawaab mein kami ho gi? Mein jaanta hoon ke subah ki Sunnatein duniya-o-maafiha se behtar hain jaisa ke Hadees mein aaya hai?

[Jawab]

Agar musalmaan aadmi Namaz se pehle Fajr ki Sunnaton ko adaa na kar sake, To us se ikhtiyaar hai ke agar chaahe to Namaz ke foran ba’d adaa kar le ya sooraj nikalne ke ba’d adaa kar le kyunke Sunnat se dono tarah saabit hain. Namaz ke foran ba’d adaa karna Sunnat-e-taqreeri se saabit hai Yaane ek shakhs ne Namaz ke foran ba’d un Sunnaton ko adaa kiya, Nabi (ﷺ) ne us se dekha to us par sukoot farmaaya aur us se kuch nahi kaha. (1)

__Shaikh Ibn-e-Baaz__