Sheikh Al Islam Hafiz Ibn Taymiyyah (رحمة الله)

Sheikh ul Islam Hafiz Abul Abbas Taqi Uddin Ibn Taymiyyah (Rahimahullah) ka mukhtasar wa jamey’ tazkirah darj zail hai:

Naam-o-Nasab:

Taqqi Uddin Abul Abbas Ahmad bin Abdul Haleem bin Abdul Salam bin Abdullah bin Abi Qasim Al Khidr bin Muhammad bin Al Khidr bin Ali bin Abdullah Ibn Taymiyyah Al Hirani Al Shami (Rahimahullah).

Apke walid Mufti Shahab Uddin Abdul Haleem (Rahimahullah) bohot bade Aalim they aur aapke dada Sheikh Al Islam Majd Uddin Abu Al Barkaat Abdul Salam (Rahimahullah) (652 Hijri) ne bohot si mufeed kitabein likhi, Maslan: Mantaqi Al Akhbaar yaani Almasqa Min Ahadees Al Ahkam waghairah.

Paidaish:

10 ya 12 Rabi Ul Awwal 661 Hijri baroz somwaar.

Asaatzah:

Ismail bin Ibrahim Ibn Abil Yasr, Ahamd bin Abdul Dayim Al Muqaddasi, Alkamal Ibn Abad, Ahmad bin Abi Al Khair Salama bin Ibrahim, Al Majad Muhammad bin Ismail bin Usman urf Ibn Asaakar, Barakaat bin Ibrahim bin Tahir Alkhashwi, Yahya bin Al Mansoor Al Sairfi, Qasim bin Abi Bakar bin Qasim bin Ghaneema Alarbali, Abul Ghanayem Muslim bin Muhammad urf Ibn Alaan, Fakharuddin Ibn Al Bukhari, Momal bin Muhammad Albasi aur Ahmad bin Sheeban (Rahimahullah) waghaira hain.   

Talamza:

Hafiz Zahbi, Hafiz Ibn Qaseer, Hafiz Ibn alqyyim, Hafiz Ibn Abdul Hadi, Ibn Alwarri, Shams Uddin Muhammad bin Ahmad Albaahi aur Abu Alabbas Ahmad bin Hasan bin Abdullah bin Muhammad bin Ahmad bin Qudama Almuqaddasi (Rahimahullah) wagaira hain.

Tasaneef:

Apki tasaneef bohot zyada hain, jinme se baaz ke naam darj zail hain:

1. Al Sarim Al Maslool Ala Shatim Al Rasool (ط yaani Matboo’)
2. Minhaj Al Sunnah
3. Darr-e-Ta’arid Al Aql Wal Naql
4. Al Jawab Al Sahih Liman Badal deen Al Maseeh
5. Kitab Al Imaan
6. Kitab Al Nubbuwaat
7. Al Aqeedah al Wasitiyyah
8. Iqtida Al Sirat Al Mustaqeem
9. Qaidah Jaleelatah fil tawassul al Waseela
10. Al Istaqamah
11. Al Batal wahdat al wajood wal Radd Ali Al Qaeleen biha
12. Maslah Sifaat ul Allah Ta’ala wa A’lwah ala Khalqah
13. Kitab Al Radd-e-Ali Al Muntaqiyeen
14. Al Siyasat Al Shari’ah fi Islah al Rayee wal Ra’iyah
15. Al Furqan bain Awliyah Al Rahman wa Awliyah Al Shaitan
16. Al Kalamul Tayyab
17. Al Radd-e-Ali Al Ukhnayi
18. Al Radd-e-Ali Al-Bakri
19. Fataawa
20. Kitab Al Arbaee’n, wagairah zalika minal kitab al mufeedah.

Kitab Al Arbaee’n:

Hafiz Ibn Taymiyyah ne mukhtalif asaatzah se chalees (40) hadeeson ka ek guldasta mukammal asaneed-o-matoon ke sath paish kiya hai jo alehda bhi chhapa hua hai aur Fataawa main bhi Matboo’ hai.

Raqim Al Haroof ne is kitab ki Arabi zaban mein mutwwil takhreej-o-tehqeeq kafi arsa pehle likhi thi aur ab usey mukhtasar kar ke ma’a tarjuma-o-fawayed qariyeen ki khidmat main paish kar diya hai.

Allah Ta’ala se dua hai ke woh is A’mal ko qabool farmayein. Hafiz Ibn Taymiyyah (Rahimahullah) ke asaatzah Muhtaram Hafiz Abdul Hameed Al Madni, Raqam Alharoof, Hafiz Nadeem Zaheer aur muhtaram Sarwar Aasim (Hifzuhumullah) ke liye zakheera-e-Aakhirat banaye, Ameen.

Fazaiyl:

Jamhoor Muhadaseen aur Sahih Al Aqeedah Ulama-e-haqq ne apki tareef-o-tauseeq ki hai aur apke fazayel behadd aur beshumar hain, balkeh bohot se kibaar Ulama ne apko Sheikh ul Islam ka laqab diya. Maslan:

1. Hafiz Ibn Taymiyyah ke shagird Hafiz Zahabi (Matwafi 748h) ne apke barey mein likha:

“Sheikh Al Imam Allamah Al Hafiz Al Naqid (Al Faqeeh) Al Mujtahid Al Mufassir Al baare’ Sheikh Al Islam Ilm Al Zuhaad Nadiratal Asr…….”.

(Tazkiratul Hifaaz 4/1496 at 1175)

Aur likha “ Al Imam Al Aalam Al Mufassir Al Faqeeh Al Mujtahid Al Hafiz Al Muhaddis Sheikh al Islam Nadiratal Asr, Zul Tasaneef Al Bahirah wal Zaka al mufrat”.

(Zeil tareekhul Islam Lil Zahabi 324)

Aur likha “Sheikhnal Imam”

(Mua’jjam Al Shuyookh 1/56-40)    

   Maloom hua ke Hafiz Zahabi unhe Imam aur Sheikh ul Islam samajhte they.

2. Hafiz Ibn Taymiyyah ke shagird Hafiz Ibn Katheer (Mutawaffi 774h) ne likha:

“Wafat Sheikh ul Islam Abi Al Abbas Taqi Uddin Ahmad bin Taymiyyah.

(Al Badaya wal Nahaaya 14/141 Awfiyaat 728 h)

3. Sheikh Alamuddin Abu Muhammad Al Qasim bin Muhammad Bin Al Barzali Al Shafi’i (Rahimahullah) ne apni tareekh main kaha: “Al Sheikh Al Imam Al A’limul Ilm Al Alamat e faqiyah Al Hafiz Al Zahid Al A’bid Al Mujahid Al Qadwatu Sheikhul Islam. (Al Badaya wa Nahaaya 14/141) naiz dekhiye Alaqoodal Dariya 246.

3. Hafiz Ibn Taymiyyah ke shagird Hafiz Abu Abdullah Muhammad bin Ahmad bin Abdul Hadi Al Muqaddasi Al Hanbali (Rahimahullah) (Mutawaffi 744h) ne “Al A’qood Al daryata min manaqib Sheikh Al Islam Ahmad bin Taymiyyah” ke naam se ek kitab likhi jo 353 safhaat par matbaa’ Al Madani Qahira Misr se Matboo’ hai aur hamare paas maujood hai. Walhamdulillah.

Is Kitab main Ibn Al Hadi ne farmaya:

 “Huwal Sheikh Al Imam Al Rabbani, Imamul Ayimmah wa Muftil Ummah wa baharal U’loom, Sayyedul Hafiz wa Farisal ma’ani walalfaaz, fareed al A’sr wa qaree’ Al Dahar, Sheikhul Islam barkat alanaam wa alamataz zamaan wa tarjuman Al Qur’an, Ilm ul Zuhaad wa Auhadal I’baad, Qaame’ Almubtad a’in wa aakhir Al Mujtahideen.

(Alaqoodaldarya 3)

5. Hafiz Abul Fatah Ibn Syyed AnNaas Alya’mari Al Misari (Rahimahullah) (Mutawaffi 734h) ne Hafiz Jamaluddin Abu Al Hujjaj Alamzi(Rahimahullah) ke tazkirah mein kaha: “Wahu wallazi hidani ala rooyatal Sheikh Al Imam Al Islam taqqiuddin Abi Al Abbas Ahmad…

(Alaqoodaldarya 9)

5. Kamaluddin Abul Ma’ali Muhammad bin Abi Al Hasan Alaz Malkani (Mutawaffi 727h) ne Hafiz Ibn Taymiyyah ki kitab “Bayan Al Daleel Ala Batlaan Altahleel” par apne hath se likha:

“ Al Sheikh Al Sayyed Al Imam Al A’lim Al Allamah Al U’had Al Baree’ Al Hafiz Al Zahid Al Warra Al Qadwatul  Kamil Al A’rif Taqiuddeen, Sheikhul Islam Muftil A’naam Sayyedul Ulama,  Qadwatul Ayimmatul Fadlaa’ Nasir Al Sunnat Qaamul Bid’ah Hujjatullah Alal Ibaad fi A’srah, radd ahlul Zeegh walu’naad, U’had Al Ulama e Aamaleen aakhir Almujtahideen.”

(Alaqoodaldarya 8, Al-Radd Al waferla bin Nasiruddin Al Damishqi 104, walilfazlahu)

7. Abu Abdullah Muhammad bin Assafi Usman bin Al Hareeri Al Ansari ul Hanafi (Mutawaffi 728h farmatey they: “ Agar Ibn Taymiyyah Sheikh ul Islam nahin hain to phir kaun hai?

(Al radd Al waferla bin Nasiruddin 98,56)

7. Abu Abdullah Muhammad bin Muhammad bin Abi Bakar bin Abi Alabbas Ahmad bin Abdul Dayim Al Ma’roof babin Abdul Dayim Almuqaddasi Al Salihi (Mutawaffi 775h) ne Hafiz Ibn Taymiyyah ko Sheikh ul Islam kaha tha. Dekhiye. (Al radd Al waafir 61)

7. Shamsuddin Abu Bakar Muhammad bin Muhibuddin Abi Muhammad Abdullah bin Almuhib Abdullah Al Salihi Al Hanbali Al Ma’roof Babinul Muhibb Al Samit ne apne hath se likha: “Sheikhna Al Imam Al Rabbani Sheikh ul Islam Imamul A’alaam baharal U’loom wa Al Mu’arif.” (Al radd Al wafir 91)

7. Hafiz Ibn Taymiyyah ke mashoor shagird Hafiz Ibn Alqeem Aljouzia (Mutawaffi 751h) ne unke barey mein kaha: “Sheikh Al Islam” (Aalam Almuqae’en 2/241 Tiba’ dar al jeel Beirut)

In Das hawalon ke ilawa bohot se hawaley hain jinme Hafiz Ibn Taymiyyah ki behad tareef ki gayi hai ya inhe Sheikh Al Islam ke azeem laqab se yaad kiya gaya hai.

Maslan:

“Al Imamul Fiqya almujtahid Al Muhaddis Al Hafiz Al Mufassir Al Asuli Al Zahid Taqqiuddin Abu Al Abbas Sheikh ul Islam wa ilm Al Alaam…”(Al Zail a’la tabqaat Alhanabla 2/387-395)

Ibnul Imaad Alhanbli ne kaha: “Sheikh Al Islam… Alhanbli bil Al Mujtahid Al Mutalaq” (Shazrat Al Zahab 6/81)

Tehzeebul Kamaal aur Tuhfat Al Ashraaf ke musannif Hafiz Abul Hujjaj Almazi (Rahimahullah) ne farmaya: “Maine un jaisa koi nahi dekha aur na unho ne apne jaisa koi dekha, maine kitab Allah aur Rasulullahﷻ ki sunnat ka unse bada Aalim nahi dekha aur na unse zyada Kitab-o-Sunnat ki itteba’ karne wala koi dekha.”

(Alaqoodaldariya 7 tasneef Al Imam Ibn Abdul Hadi talmeezul Hafiz Almazi(Rahimahullah))  

In Gawahiyon ka khulasa yeh hai ke Hafiz Ibn Taymiyyah Ahle Sunnat-o-Jamaat ke Kibaar Ulama mein se they aur Sheikh ul Islam they.

Nez Mulla Ali Qari Hanfi ne likha hai: ” Wa min Ta’lee’ sharrah manazil Alsaireen tabeen lahu anhumma min akabir ahle sunnah wal jama’ah wa min Auliya haazal Ummah.”                                                                

“Jisne manaazil Assaireen ki Sharh ka mutaal’a kiya to uspe wazeh hogaya ke wo dono (Hafiz Ibn Taymiyyah aur Hafiz Ibn Al Qayyim Rahimahullah) ahle sunnat wal jamaat ke akabir mein se they aur is ummat ke Auliya main se they. (Jama Al Wasayel Fi Sharh Ashumail 1/207).

Apke muffasil halat aur Seerat-e-tayyaba ke liye dekhiye :

1. Tazkirah Al huffaz lil Zahabi (4/1496-1498) wa tareekh Al Islam lahu (53/223-226)
2. Al aqou Daldariya labin Abdul Hadi
3. Albadaya wa nahaya labin kaseer
4. Alqoul Aljali Muhammad bin Ahmad Al Bukhari
5. Alkawakib Aldariya Lamari bin Yusuf
6. Al Aalam Al ulyya liumr bin Ali Albazar
7. Alradd Alwafir labin Nasiruddin wal tabiyaan labdiyat Albiyan lahu (3/1461-1466)
8. Alzale Alla tabqat Alhinablahu labin Rajab (2/387)
9. Fawat Alwafiyat walzale Alaiha laMuhammad bin shakir AlKutbi (1/43-47) Waqaal: “Sheikh ul Islam”
10. Imam Ibn Taymiyyah, tasneef: Muhammad Yusuf Kukan Umri waghair zalik

Hafiz Ibn Taymiyyah (Rahimahullah) ko Hafiz Zahabi wagairah ne “Al Mujtahid” qarar diya aur khud Hafiz Ibn Taymiyyah ne farmaya: “Innama atnaawal ma atnaawal minha ala ma’arfati bamazhab Ahmad, la ala taqleedi lahu.” Main Ahmad bin Hanbal ke maslak main se wohi cheezein leta hoon jisse main dalaeel ki rau se janta hoon, main aapki taqleed nahi karta. (Aalam Almoqaeen labin Alqeem 2/241-242).

Wafaat:

20 Zil Qaadah 728 hijri bamuqam Qila Damishq ba halat-e-qaid. Yani apka janaza jail se nikla tha (Rahimahullahu wa Adkhilahul Jannah)

REFERENCE:

Book: “kitaab Al Arbaeen”
By Ibn Taymiyyah rahimahullah
Urdu Tarjamah: Hafiz Zubair Ali Zaiy.