42. Hazrat Rabee Bin Ziyad Aslami (رضی اللہ عنہ)
Hazrat Rabee Bin Ziyad Aslami (رضی اللہ عنہ)
Jab se main Masand-e-Khilaafat par mutmakin hua hoon kisi ne mujh se is tarhan sach nahi bola
jis tarhan Rabi Bin Ziyad رضی اللہ عنہne
Yeh Madinaht-ul-Rasool ﷺ hai, Siddiq-e-Akbar رضی اللہ عنہ ki Wafaat-e-Hasrat-e-Ayaat par har shakhs Gham-o-Andoh se nidhaal nazar aa raha hai.
Mukhtalif atraaf se Hazrat Umar bin Khattab رضی اللہ عنہ ke Dast-e-Haq parast par bai’t karne ke liye wufood har roz joq dar joq aa rhay hain.
Aik roz Bahrain se aik wafad ka wurood hua Farooq-e-Azam رضی اللہ عنہ har wafad ki baat bady ghor aur dilchapsi se suntay shayad un ki baton main koi dilawaiz naseehat ya koi naffa bakhash Fikar-o-Tadabbur mil jaye.
Hazreen-e-Majlis main se aksar ne koi Qaabil-e-Zikar baat nah ki to aap aik aisay shakhs ki taraf mutwajjah hue jis ke chehray par Khair-o-Barkat ke assaar numaaya nazar aa rhay thay, Aap ne us ki taraf ishaara karte hue farmaaya:
Aap bhi kuch irshaad farmayie.
Us shakhs ne pehlay Allah Subhana Wa Ta’alaa ki tareef ki aur phir irshaad farmaya:
Aey Ameer il Momineen Allah Ta’alaa ne tujhe is ummat ka wali bana kar imthehaan liya hai:
Kaarobar-e-Hukoomat main Allah Ta’alaa se dartay rahna aur yeh baat achi tarhan zahen nasheen kar lainn, Agar furaat ke kinaare par aik bakri bhi apne rastay se bhatak gayi to qayamat ke din aap se us ke mutaliq poocha jaaye ga.
Yeh baat sun kar hazrat Umar Zaar-o-Qataar ronay lageay. Aur farmaaya:
Jab se main khalifah banaaya gaya hoon kisi ne mujh se is tarhan khari khari baatain nahi ki jis tarhan tu ne ki hain.
Tum kon ho?
Us ne kaha: Main Rabi Bin Ziyad Harsi hoon.
Aap ne pucha: Kia tum Mahajir Bin Ziyad kay bhai ho?
Kaha: haan.
Jab majlis khatam ho gai to Hazrat Umar Bin Khattaab رضی اللہ عنہ ne Abu Musa Ash’ri رضی اللہ عنہ ko bulaaya aur farmaaya:
Rabee Bin Ziyad ka achi tarhan jaayza lo agar woh waqye sachaai ka khu-gar hai to is main bohat Khair-o-Bhalai paai jaati hai yeh hamaaray liye mufeed rahay ga.
Isay koi zimmah daari sonpo aur mujhe bataao keh yeh us zimmah daari ko kis tarhan nibhaata hai.
Abhi chand din hi guzay thay keh Ameer ul Momineen Farooq-e-Azam رضی اللہ عنہ kay hukam ki bina par Abu Musa Ash’ri رضی اللہ عنہ ne sar Zameen-e-Ahwaz main waqiye Manaazar sheher ko fatah karne ke liye lashkar tiyaar kia, Us lashkar main Rabee Bin Ziyad aur us ke bhai Mahajir Bin Ziyad ko bhi shaamil kar lia.
Sipah salaar Lashkar-e-Islaam Hazrat Abu Musa Ash’ri رضی اللہ عنہ ne Manzir sheher ka muhaasra kar lia aur wahan kay baashindon se aisi zordaar ladaai ki jis ki nazeer jungi tareekh main nahi milti, Mushrikeen ne apni taaqat ka is tarhan khul kar muzaahara kia jis ka aam halaat main tasawur bhi nahi kia jaa sakta, Is ma’arkah main kaseer taa’dad main musalmanon ne Jaam-e-Shahadat nosh farmaya.
Musalman is haalat main ladaai kar rahe thay keh unhon ne ramzaan kay rozay rakhay hoye thay.
Jab Rabee Bin Ziyad kay bhai Mahajir Bin Ziyad ne dekha keh musalmaan kasrat se shaheed ho rahe hain, Unhon ne bhi Rah-e-Khuda main jaan qurbaan kar dene ka azam kar lia: Badan ko Khushboo lagaai Aur kafan pehen kar apne Bhai ko wasiat likhwai, Yeh manzar dekh kar Rabee Bin Ziyad رضی اللہ عنہ Abu Musa Ash’ri رضی اللہ عنہ kay paas gaye aur unhen bataaya keh mere bhai Mahajir ne rozay ki haalat main apni jaan ka nazraana paish karne ka azam kar rakha hai aur woh is ke liye bilkul tayyaar hai. Is kay ilawah doosray mujaahideen ne bhi rozay rakhay hoye hain. Ladaai ki shiddat aur rozay se un ke jismaani quwwat mazhamal ho chukay hain. Is naazuk Soorat-e-Haal main bhi woh rozah iftaar karne se inkaari hain.
Ab aap koi aisi tadbeer sochen jo mujaahideen kay liye mufeed ho. Yeh sun kar Hazrat Abu Musa Ash’ri رضی اللہ عنہ uthay aur intehaai wawla angaiz andaaz main yeh ailaan kia:
Aey islaam kay sipaahio! Main har rozay daar par qasam daalta hoon, Yaa woh rozah iftaar kar de ya woh ladaai main hisah na lay, Dekho sab se pehlay main rozah iftaar karta hoon yeh keh kar lota uthaaya aur sab kay saamne paani peena shuru kar diya takeh unhein dekh kar doosray mujaahideen bhi paani pi lain.
Jab Mahajir Bin Ziyad رضی اللہ عنہ ne sipah salaar ki baat suni to foran paani ka ghont lia aur irshaad farmaaya: Allah ki qasam! Main ne paani piyas ki wajah se nahi piya balkeh main ne aaj apne Ameer ki qasam ki laaj rakhi hai. Aur un kay hukam ke saamne sar tasleem kham kia hai.
Phir unhon ne apni talwaar sonti aur badi delairy aur bahaduri se dushman ki safon ko cheerte hoye Madd-e-Muqaabil logon ko pichaarrte hoye mussalsal aagy badhne lagaye, Bil aakhr dushman kay narghay main aa gaye, Aur chaaron taraf se un par talwaaron ka waar kia to aap Jaam-e-Shahadat nosh farmaate hoye zameen bos hoye dushman ne un ka sar tan se judaa kar dia aur nezay ki anni main paro kar Maidan-e-Kaar-e-Zaar main aawezaan kar dia.
Hazrat Rabee رضی اللہ عنہ ne jab apne bhai ka sar dekha to bharaai hui aawaz main farmaaya: O meri maan ke jaae! Teri khair ho. Teray anjaam par ham rakshe kinaa hain. Tera sar nezay ki anni par nahi balkeh Takhat-e-Firdos kay makhmaleen takiyon par Mahw-e-Istirahat hai, Meray laadlay bahi! Apne is anjaam par khush ho jaao.
Aur phir farmaaya: Allah ki qisam main tera aur doosray sho-hada ka un nahinjaar dushmanon se intiqam le kar rahoon ga.
Jab sipah salaar Lashkar-e-Islaam Hazrat Abu Musa Ash’ri رضی اللہ عنہ ne Rabee bin Ziyaad رضی اللہ عنہ ko apne bhai ki shahadat ki wajah se dushmanaan-e-Khuda par ghazabnaak dekha aur inhen Safha-e-Hasti se mitaanay ka Azm-e-Rasikh kya to Lashkar-e-Islam ki qayadat Rabee bin Ziyaad رضی اللہ عنہ ke sapurd kar ke khud sarzame “Sos ” fatah karne ke liye rawaana ho gaye.
Hazrat Rabee bin Ziyaad رضی اللہ عنہ apne lashkar ke hamrah dushmanon par Barq-e-Tapan ban kar giray aur Seel-e-Rawan ban kar inhen Khass-o-Khashaak ki tarhan baha kar le gaye. Aan-e-Wahid main un ki safon ko cheer rakh diya aur un ki qowat ko Chasham-o-Zadan main bakhair diya. Allah Ta’alaa ne sarzamen ” Manazir ” ko Hazrat Rabee bin Ziyaad رضی اللہ عنہ ke hathon fatah kar diya. Aap ne dushman ke shehar sawaaron ko qatal kya un ki aulaad ko qaidi banaaya aur un ki amlaak ko Maal-e-Ghanimat ke tor par apne qabzay main le liya.
Jung manazir ke baad Hazrat Rabee bin Ziyaad رضی اللہ عنہka sitaara jagmagaya aur un ka naam Zubaan-e-Zad-e-Aam ho gaya aur un ka shumaar un Jarnailon main honay laga jinhein log rashk ki nigah se dekha karte thay. Jab musalmanoon ne Sarzamen-e-Sajistan ko fatah karne ka azm kya to Lashkar-e-Islam ki qayaadat Hazrat Rabee رضی اللہ عنہ ke sapurd is umeed par ki keh yeh is maa’rka main bhi Fatah-o-Kaamrani ka aizaz haasil kar ke wapas loten ge.
Hazrat Rabee bin Ziyaad رضی اللہ عنہfi sabeel Allah apna lashkar le kar sajhistan ki taraf nikal pade raastay main aik taweel jungle ko uboor kya jis ki lambaai taqreeban do so pacchees mil thi, Yeh jungle is qadr dushwaar guzaar tha keh sahraa main rehne waalay wahshi jaanwar bhi is ko uboor karne se aajiz aa jayeen, Is raah main sab se pehlay Rastaq Zaliq nami aik bohat bada sheher aaya, Yeh Sarzamen-e-Sajhistan ki sarhad par waqay tha, Aur yeh sheher bady bady mahllaat aur aalishaan qlaon par tha aur is main Maal-o-Doulat ki rail pail aur phalon ki kasrat thi.
Sheher main daakhil honay se pehlay danishmand quied ne apne jasoos bheje taakeh woh Soorat-e-Haal ka jaiza le kar apne qaaid ko muttala kar saken, Inhen pata chala keh Rastaq Zaliq ke baashinday anqareeb aik saalana taqreeb munaqqid kar rahay hain jis main har bashindah intehaai zouq se laaziman hissa laita hai. Aap ne is mauqa ka intzaar kya, Jab dekha keh tamaam shehri taqreeb main shareek rang ralion main masroof hain, To aap ne Lashkar-e-Islam ko munazzam kar ke achaanak un par hamla kar diya. Jis se woh hawaas bakhta ho gaye aur woh sambhal nah sakay, Musalmaan mujahideen ne jee bhar kar inhen teh tegh kya, Bees 20 hazaar afraad ko girftaar kya. Girftaar honay waalon main is ka governor bhi tha, Qaidioun main governor ke ghulam bhi thay, Jinhon ne teen laakh darham ikathay kar kay apne aaqa ki khidmat main paish kiye, Yeh khateer raqam dekh kar Hazrat Rabee رضی اللہ عنہ ne un se poocha ke yeh maal kahan se aaya hai. Unhon ne bataaya hamaaray aaqa ki aik bastii se yeh maal ikhatta hua hai.
Aap ne daryaaft kya: Kya aik basti se saalana itna maal us ke haath lagta hai?
Bataaya: Han!
Aap ne farmaya: Yeh kaisay ho sakta hai?
Ghulam ne kaha: Hamahray kulhadhon, Darantion aur paseenon ki kamaai se yeh maal ikhatta hota hai.
Jab ladaai ka zor toota to sardar larkhraatay hue qadmon se sipah salaar Lashkar-e-Islaam Hazrat Rabee bin Ziyaad رضی اللہ عنہ ki khidmat main haazir hua. Apni zaat aur Ahl-e-Khana ki taraf se fidye ki paish kash ki.
Aap ne farmaya: Agar musalmanoon ke liye waafar miqdaar main fidya dainay ke liye tayyaar ho to Ghor ho sakta hai.
Sardaar ne poocha: Aap kitna fidya chahtay hain.
Aap ne farmaaya: Main yeh neza zameen main gadta hoon aap is ke ird gird itna sona chandi ikhatta kar den jis se yeh neza chup jaaye.Us ne kaha: Mujhe Manzoor hai. Us ne apne khazaanon se sona chaandi nikaal kar wahan dhair laga diya jis se neza chup gaya.
Hazrat Rabee bin Ziyaad رضی اللہ عنہ apne kamyaab lashkar ko le kar Sarzamen-e-Sajhistan main daakhil hue. Pay dar pay qilay Lashkar-e-Ilsaam ke ghodon ke siimo ki thaap sun kar aap ke qadmon main yun girnay lagay jaisay Mausam-e-Khizaa main taiz aandhi se darakhton ke pattay girtay hain.
Aman ke mutlaashi shehron aur bastiyon ke baashinday sarnagoon ho kar aap ka istaqbaal karne lagay keh kahin un ke chehray talwaaron ki zad main nah aa jaayen. Isi tarhan ilaaqay fatah karte hue aap Sajhistan ke Dar-ul-Hukoomat” Zaranj ” sheher tak pahonch gaye.
Yahan dushman ne Lashkar-e-Islam ke muqaablay ke liye bohat ziyada tayyari kar rakhi thi. Ladaai ke liye Lashkar-e-Jarrar tarteeb day rakha tha, Muqaablay ke muntakhab sheh sawaaron ko Muqadmaht-ul-Jaish main rakha, Dushman ne is baat ka poora ahtimaam kya hua tha keh Dar-ul-Hukoomat ko musalmanoon ki yalghaar se mahfooz rakha jaye ga aur is ka poori taaqat se difaa kya jaye ga aur Sajhistan ke Dar-ul-Hukoomat par musalmanoon ke hamlay ko pispaa kar diya jaaye ga, Khuwa is ke liye kitni hi qeemti jaanen kyun nah qurbaan karni padain.
Phir Hazrat Rabee aur us ke dushmanon ke darmiyaan ghamsaan ka ran pada aur dono taraf se teh tegh honay waalon ke kushto ke pushte lag gaye, Jab musalmanon ki fatah ke assaar zaahir hue, To qoum ka sardaar Parvez Rabee رضی اللہ عنہ se sulah karne ke liye koshan hua, Is ki har mumkin yeh koshish thi keh is ilaaqay ki hukmaraani us ke haath se nah jaati rahay. Aur woh apni qoum ke liye behtar sharaait par sulah karne ke liye kamyaab ho sakay. Apni taraf se Hazrat Rabee bin Ziyaad رضی اللہ عنہ ke paas aik qaasid bheja, Taakeh woh aap se mulaqaat ke liye waqt le sakay aur is mulaqaat main usay sulah ke liye amaada kya jaa sakay. Aap ne us ki tajweez ko qubool karte hue mulaqaat ke liye amaadgi ka izhaar kar diya.
Hazrat Rabee bin Ziyad رضی اللہ عنہ apne fojion ko hukam diya ke Parvez ke istaqbaal ka ahtimaam is tarhan kya jaaye keh us ke raastay main dono taraf ladaai main maaray jaane waalay dushman ki laashon ko bikhair diya jaaye. Aur jahan baith kar hum guftagu karen ge. Wahan majlis ke qareeb dushman fouj ke sheh sawaron ki laashon ka dhair laga diya jaaye. Hazrat Rabeebin Ziyad رضی اللہ عنہ daraaz qad uunchay shimle waalay gandumi rang aur gundhay hue jism ke maalik thay aur chehra is qader pur haibat keh dekhnay waala khauf zada ho jaata.
Jab Parvez aap ke paas aaya to dekhte hi us ke jism main khauf se kapkpaahat taari ho gayi, Apne qareeb laashon ka dhair dekh kar maaray khauf ke us ka dil bethnay laga. Hazrat Rabee bin Ziyad رضی اللہ عنہ ke qareeb aanay ki us main himmat nah rahi, Aur woh itna khauf zada ho gaya keh woh musafah karne ke liye bhi aik qadam aagay nah badh sakay aur chand qadam door se hi haklaati hui zabaan se yun goya hua keh aa aa aali ja ja naab (Aali Janaab) main aap ki khidmat main sulah ke liye haazir hua hoon aur is mauqa par aik hazaar ghulam is shakal main paish karta hoon keh har aik ghulam ke sir par sonay ka aik piyalaa ho ga, Hazrat Rabee رضی اللہ عنہ ne us ki paish kash ko qubool karte hue masalahat karli.
Doosray din Hazrat Rabiey bin Ziyad رضی اللہ عنہ apne Lashkar-e-Jarraar ke sath Takbir-o-Tahleel ka dil aawez taranah alaapte hue shahaana andaaz main sheher daakhil hue.
Yeh din musalmanoon ke liye bada ba barkat din tha.
Hazrat Rabee bin Ziyad رضی اللہ عنہ musalmanoon ke haath main aik Shamsheer-e-Baraan thay jis ke zarieya se musalman Dushman-e-Khuda ko teh tegh karte, Hazrat Rabee رضی اللہ عنہ ne musalmanoon ke liye be shumaar sheher fatah kiye. Bohat si riyaaston ko sarnagoon kya, Jab hukoomat Bano Umaiyyah ke paas aayi to Hazrat Ameer Muawiya رضی اللہ عنہ bin Abu Sufyan ne inhen Khurasan ka governor bana diya. Aap ne yeh mansab ba Amr-e-Majboori qubool kya. Aap ka dil khush nahi tha. Aur us waqt un ke dil main aur ziyada inqabaaz peda hua jabkeh hukoomat Bano Umaiyyah ke aik bohat bady sutoon ne inhen aik khat likha jis main yeh tehreer tha:
Ameer-ul-Momineen Muawiya bin Abu Sufyan رضی اللہ عنہ ka aap ko hukam hai keh Maal-e-Ghanimat main se sona chandi bait ul maal ke liye rakh lainn aur baaqi ashya mujahideen main taqseem kar dein.
Aap ne us ke jawaab main khat likha jis main yeh tehreer tha.
Main ne Allah ki kitaab main is ke bilkul bar aks hukam dekha hai jo aap ne Ameer ul Momineen ki jaanib se mujhe diya, Lihaza Ameer ul Momineen ke hukam par amal nahi ho sakta, Phir aap ne mujahideen main munaadi kara di keh aao aur apne hissay ka Maal-e-Ghanimat le jaao.
Aur Maal-e-Ghanimat ka paanchwan hissa bait ul maal ke liye Daar-ul-Khilafa Dimashq rawaana kar diya.
Jumaraat ke roz Hazrat Rabee رضی اللہ عنہ ko yeh khat mila aur doosray roz aap sufaid ujaly kapdon main jummay ki namaz parhnay ke liye niklay khutba jummay irshaad farmaatay hue kaha:
Tum sab ameeen kehna:
Phir aap ne yeh dua ki:
Ilaahi! Agar to mujh se Khair-o-Bhalai ka iradah rakhta hai to mujhe jaldi apne paas bulaa lay teri izzat ka waasta der nah lagaana
Sab logon ne ameeen kaha:
Us din ka Sooraj ghuroob nahi hua tha keh hazrat Rabee bin Ziyad رضی اللہ عنہ apne Khaaliq-e-Haqeeqi se jaa milay.
Asmaan teri lahd par shabnam afshaani kare.
Hazrat Rabee bin Ziyad Aslami رضی اللہ عنہkay mufassal Halaat-e-Zindagi maloom karnay kay liye darjzail kitaabon ka mutaall’a karain:
1: Usd ul Ghabah 2/206
2: Tarik ul Tabari 4/183-185-5/226-285-286-291
3: Al Isabaah 1/405
4: Al Kamil Fil Tarikh fahrist dikhiy
5: Jamharat ul Nasab 391
6: Tahzeeb ul Tahzeeb 3/244
7: Hauat ul Sahabah 2/16/-268
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت ربیع بن زیاد اسلمی رضی اللہ عنہ
جب سے میں مسند خلافت پر متمکن ہوا ہوں کسی نے مجھ سے اس طرح سچ نہیں بولا جس طرح ربیع بن زیاد رضی اللہ تعالی عنہ نے۔
یہ مدینہ الرسولﷺ ہے، صدیق اکبر رضی اللہ عنہ کی وفات حسرت آیات پر ہر شخص غم واندوہ سے نڈھال نظر آ رہا ہے۔
مختلف اطراف سے حضرت عمر بن خطاب رضی اللہ عنہ کے دست حق پرست پر بیعت کرنے کے لئے وفود ہر روز جوق در جوق آ رہے ہیں۔
ایک روز بحرین سے ایک وفد کا درود ہوا فاروق اعظم رضی اللہ عنہ ہر وفد کی بات بڑے غور اور دلچسپی سے سنتے شاید ان کی باتوں میں کوئی دلآویز نصیحت یا کوئی نفع بخش فکر و تدبر مل جائے۔
حاضرین مجلس میں سے اکثر نے کوئی قابل ذکر بات نہ کی تو آپ ایک ایسے شخص کی طرف متوجہ ہوئے جس کے چہرے پر خیر و برکت کے آثار نمایاں نظر آ رہے تھے، آپ نے اس کی طرف اشارہ کرتے ہوئے فرمایا:
آپ بھی کچھ ارشاد فرمائیے۔ اس شخص نے پہلے اللہ سبحانہ و تعالیٰ کی تعریف کی اور پھر ارشاد فرمایا:
اے امیر المؤمنین اللہ تعالیٰ نے تجھے اس امت کا والی بنا کر امتحان لیا ہے:
کاروبار حکومت میں اللہ تعالی سے ڈرتے رہتا اور یہ بات اچھی طرح ذہن نشین کر لیں، اگر فرات کے کنارے پر ایک بکری بھی اپنے راستے سے بھٹک گئی تو قیامت کے دن آپ سے اس کے متعلق پوچھا جائے گا۔
یہ بات سن کر حضرت عمر زار و قطار رونے لگے۔ اور فرمایا:
جب سے میں خلیفہ بنایا گیا ہوں کسی نے مجھ سے اس طرح کھری کھری باتیں نہیں کیں جس طرح تو نے کی ہیں۔
تم کون ہو؟
اس نے کہا: میں ربیع بن زیاد حارثی ہوں۔
آپ نے پوچھا: کیا تم مہاجر بن زیاد کے بھائی ہو؟
کہا: ہاں
جب مجلس ختم ہو گئی تو حضرت عمر بن خطاب رضی اللہ عنہ نے ابو موسیٰ اشعری رضی اللہ عنہ کو بلایا اور فرمایا:
ربیع بن زیاد کا اچھی طرح جائزہ لو اگر وہ واقعی سچائی کا خوگر ہے تو اس میں بہت خیر و بھلائی پائی جاتی ہے یہ ہمارے لئے بہت مفید رہے گا۔
اسے کوئی ذمہ داری سونپو اور مجھے بتاؤ کہ یہ اس ذمہ داری کو کس طرح نبھاتا ہے۔
ابھی چند دن ہی گزرے تھے کہ امیرالمؤمنین فاروق اعظم رضی اللہ عنہ کے حکم کی بنا پر ابو موسیٰ اشعری رضی اللہ عنہ نے سر زمین اہواز میں واقع مناذر شہر کو فتح کرنے کے لئے ایک لشکر تیار کیا اور اس لشکر میں ربیع بن زیاد اور اس کے بھائی مہاجر بن زیاد کو بھی شامل کر لیا۔
سپہ سالار لشکر اسلام حضرت ابو موسیٰ اشعر رضی اللہ عنہ نے مناذر شہر کا محاصرہ کر لیا اور وہاں کے باشندوں سے ایسی زور دار لڑائی کی جس کی نظیر جنگی تاریخ میں نہیں ملتی، مشرکین نے اپنی طاقت کا اس طرح کھل کر مظاہرہ کیا جس کا عام حالات میں تصور بھی نہیں کیا جا سکتا اس معرکہ میں کثیر تعداد میں مسلمانوں نے جام شہادت نوش فرمایا:
مسلمان اس حالت میں لڑائی کر رہے تھے کہ انہوں نے رمضان کے روزے رکھے ہوئے تھے۔
جب ربیع بن زیاد کے بھائی مہاجر بن زیاد نے دیکھا کہ مسلمان کثرت سے شہید ہو رہے ہیں، انہوں نے بھی راہ خدا میں جان قربان کر دینے کا عزم کر لیا: بدن کو خوشبو لگائی اور کفن پہن کر اپنے بھائی کو وصیت لکھوائی’ یہ منظر دیکھ کر ربیع بن زیاد رضی اللہ عنہ حضرت ابو موسیٰ اشعری رضی اللہ عنہ کے پاس گئے اور انہیں بتایا کہ میرے بھائی مہاجر نے روزے کی حالت میں راہ خدا میں اپنی جان کا نذرانہ پیش کرنے کا عزم کر رکھا ہے اور وہ اس کے لئے بالکل تیار ہے۔ اس کے علاوہ دوسرے مجاہدین بھی روزہ رکھے ہوئے ہیں۔ لڑائی کی شدت اور روزے سے ان کے جسمانی قوی مضمحل ہو چکے ہیں۔ اس نازک صورت حال میں بھی وہ روز افطار کرنے سے انکاری ہیں۔
اب آپ کوئی ایسی تدبیر سوچیں جو مجاہدین کے لئے مفید ہو۔ یہ سن کر حضرت ابو موسیٰ اشعری رضی اللہ عنہ اٹھے اور انتہائی ولولہ انگیز انداز میں یہ اعلان کیا:
اے اسلام کے سپاہیوں میں ہر روزے دار پر قسم ڈالتا ہوں یا وہ روزہ افطار کر دے یا وہ لڑائی میں حصہ نہ لے’ دیکھو سب سے پہلے میں روزہ افطار کرتا ہوں یہ کہہ کر لوٹا اٹھایا اور سب کے سامنے پانی پینا شروع کر دیا تاکہ انہیں دیکھ کر دوسرے روزہ دار مجاہدین بھی پانی پی لیں۔
جب مهاجر بن زیاد رضی اللہ عنہ نے سپہ سالار کی بات سنی تو فوراً پانی کا گھونٹ لیا اور ارشاد فرمایا: اللہ کی قسم! میں نے پانی پیاس کی وجہ سے نہیں پیا بلکہ میں نے آج اپنے امیر کی قسم کی لاج رکھی ہے۔ اور ان کے حکم کے سامنے سر تسلیم خم کیا ہے۔
پھر انہوں نے اپنی تلوار سونتی اور بڑی دلیری و بہادری سے دشمن کی صفوں کو چیرتے ہوئے مد مقابل لوگوں کو پچھاڑتے ہوئے مسلسل آگے بڑھنے لگے، بالآخر دشمن کے نرغے میں آ گئے ، اور چاروں طرف سے ان پر تلواروں کا وار کیا تو آپ جام شہادت نوش فرماتے ہوئے زمین بوس ہو گئے دشمن نے ان کا سر تن سے جدا کیا اور نیزے کی انی میں پرو کر میدان کارزار میں آویزاں کر دیا۔
حضرت ربیع رضی اللہ عنہ نے جب اپنے بھائی کا سر دیکھا تو بھرائی ہوئی آواز میں فرمایا: او میری اماں کے جائے! تیری خیر ہو۔ تیرے انجام پر ہم رشک کنان ہیں۔ تیرا سر نیزے کی انی پر نہیں بلکہ تخت فردوس کے مخملیں نیکیوں پر محو استراحت ہے، میرے لاڈلے بھائی! اپنے اس انجام پر خوش ہو جاؤ۔
اور پھر فرمایا: اللہ کی قسم میں تیرا اور دوسرے شہداء کا ان ناہنجار دشمنوں سے انتقام لے کر رہوں گا۔
جب سپہ سالار لشکر اسلام حضرت ابو موسیٰ اشعری رضی اللہ عنہ نے ربیع بن زیاد رضی اللہ عنہ کو اپنے بھائی کی شہادت کی وجہ سے دشمنان خدا پر غضبناک دیکھا اور انہیں صفحہ ہستی سے مٹانے کا عزم راسخ کیا تو لشکر اسلام کی قیادت ربیع بن زیاد رضی اللہ عنہ کے سپرد کر کے خود سرزمین “سوس” فتح کرنے کے لئے روانہ ہوگئے۔
حضرت ربیع بن زیاد رضی اللہ عنہ اپنے لشکر کے ہمراہ دشمنوں پر برق تپاں بن کر گرے اور سیل رواں بن کر انہیں خس و خاشاک کی طرح بہا کر لے گئے۔ آن واحد میں ان کی صفوں کو چیر رکھ دیا اور ان کی قوت کو چشم زدن میں بکھیر دیا۔ اللہ تعالیٰ نے سرزمین “مناذر” کو حضرت ربیع بن زیاد رضی اللہ عنہ کے ہاتھوں فتح کر دیا۔ آپ نے دشمن کے شہہ سواروں کو قتل کیا ان کی اولاد کو قیدی بنایا اور ان کی املاک کو مال غنیمت کے طور پر اپنے قبضے میں لے لیا۔
جنگ مناذر کے بعد حضرت ربیع بن زیاد رضی اللہ عنہ کا ستارا جگمگایا اور ان کا نام زبان زد عام ہو گیا اور ان کا شمار ان جرنیلوں میں ہونے لگا جنہیں لوگ رشک کی نگاہ سے دیکھا کرتے تھے۔ جب مسلمانوں نے سرزمین سبحستان کو فتح کرنے کا عزم کیا تو لشکر اسلام کی قیادت حضرت ربیع رضی اللہ عنہ کے سپرد اس امید پر کی، کہ یہ اس معرکہ میں بھی فتح و کامرانی کا اعزاز حاصل کر کے واپس لوٹیں گے۔
حضرت ربیع بن زیاد رضی اللہ عنہ فی سبیل اللہ اپنا لشکر لے کر سبحستان کی طرف نکل پڑے راستے میں ایک طویل جنگل کو عبور کیا جس کی لمبائی تقریباً دو سو پچیس میل تھی، یہ جنگل اس قدر دشوار گزار تھا کہ صحرا میں رہنے والے وحشی جانور بھی اس کو عبور کرنے سے عاجز آ جائیں، اس راہ میں سب سے پہلے رستاق زالق نامی ایک بہت بڑا شہر آیا، یہ سرزمین
سجستان کی سرحد پر واقع تھا، اور یہ شہر بڑے بڑے محلات اور عالیشان قلعوں پر مشتمل تھا اور اس میں مال و دولت کی ریل پیل اور پھلوں کی کثرت تھی۔
شہر میں داخل ہونے سے پہلے دانشمند قائد نے اپنے جاسوس بھیجے تاکہ وہ صورت حال کا جائزہ لے کر اپنے قائد کو مطلع کر سکیں، انہیں پتہ چلا کہ “رستاق زالق” کے باشندے عنقریب ایک سالانہ تقریب منعقد کر رہے ہیں جس میں ہر باشندہ انتہائی ذوق سے لازماً حصہ لیتا ہے۔ آپ نے اس موقع کا انتظار کیا، جب دیکھا کہ تمام شہری تقریب میں شریک رنگ رلیوں میں مصروف ہیں، تو آپ نے لشکر اسلام کو منظم کر کے اچانک ان پر حملہ کر دیا۔ جس سے وہ حواس باختہ ہو گئے اور وہ سنبھل نہ سکے، مسلمان مجاہدین نے جی بھر کر انہیں تہہ تیغ کیا، بیس 20 ہزار افراد کو گرفتار کیا۔ گرفتار ہونے والوں میں اس کا گورنر بھی تھا، قیدیوں میں گورنر کے غلام بھی تھے، جنہوں نے تین لاکھ درہم اکٹھے کر کے اپنے آقا کی خدمت میں پیش کئے، یہ خطیر رقم دیکھ کر حضرت ربیع رضی اللہ عنہ نے ان سے پوچھا کہ یہ مال کہاں سے آیا ہے۔ انہوں نے بتایا ہمارے آقا کی ایک بستی سے یہ مال اکٹھا ہوا ہے۔
آپ نے دریافت کیا: کیا ایک بستی سے سالانہ اتنا مال اس کے ہاتھ لگتا ہے؟
بتایا: ہاں
آپ نے فرمایا: یہ کیسے ہو سکتا ہے؟
غلام نے کہا: ہمارے کلہاڑوں، درانتیوں اور پسینوں کی کمائی سے یہ مال اکٹھا ہوتا ہے۔
جب لڑائی کا زور ٹوٹا تو سردار لڑکھڑاتے ہوئے قدموں سے سپہ سالار لشکر اسلام حضرت ربیع بن زیاد رضی اللہ عنہ کی خدمت میں حاضر ہوا۔ اپنی ذات اور اہل خانہ کی طرف سے فدیے کی پیش کش کی۔
آپ نے فرمایا: اگر مسلمانوں کے لئے وافر مقدار میں فدیہ دینے کے لئے تیار ہو تو غور ہو سکتا ہے۔
سردار نے پوچھا: آپ کتنا فدیہ چاہتے ہیں۔
آپ نے فرمایا: میں یہ نیزا زمین میں گاڑتا ہوں آپ اس کے ارد گرد اتنا سونا چاندی اکٹھا کر دیں جس سے یہ نیزا چھپ جائے۔ اس نے کہا: مجھے منظور ہے۔ اس نے اپنے خزانوں سے سونا چاندی نکال کر وہاں ڈھیر لگا دیا جس سے نیزا چھپ گیا۔
حضرت ربیع بن زیاد رضی اللہ عنہ اپنے کامیاب لشکر کو لے کر سرزمین سبحستان میں داخل ہوئے۔ پے در پے قلعے لشکر اسلام کے گھوڑوں کے سموں کی ٹھاپ سن کر آپ کے قدموں میں یوں گرنے لگے جیسے موسم خزاں میں تیز آندھی سے درختوں کے پتے گرتے ہیں۔
امن کے متلاشی شہروں اور بستیوں کے باشندے سرنگوں ہو کر آپ کا استقبال کرنے لگے کہ کہیں ان کے چہرے تلواروں کی زد میں نہ آ جائیں۔ اسی طرح علاقے فتح کرتے ہوئے آپ سجستان کے دارالحکومت “زرنج” شہر تک پہنچ گئے۔
یہاں دشمن نے لشکر اسلام کے مقابلے کے لئے بہت زیادہ تیاری کر رکھی تھی۔ لڑائی کے لئے لشکر جرار ترتیب دے رکھا تھا، مقابلے کے منتخب شہر سواروں کو مقدمتہ الجیش میں رکھا، دشمن نے اس بات کا پورا اہتمام کیا ہوا تھا کہ دارالحکومت کو مسلمانوں کی یلغار سے محفوظ رکھا جائے گا اور اس کا پوری طاقت سے دفاع کیا جائے گا اور سبحستان کے دار الحکومت پر مسلمانوں کے حملے کو پسپا کر دیا جائے گا خواہ اس کے لئے کتنی ہی قیمتی جانیں کیوں نہ قربان کرنی پڑیں۔
پھر حضرت ربیع اور اس کے دشمنوں کے درمیان گھمسان کا رن پڑا اور دونوں طرف سے تہہ تیغ ہونے والوں کے کشتوں کے پشتے لگ گئے، جب مسلمانوں کی فتح کے آثار ظاہر ہوئے، تو قوم کا سردار پرویز ربیع رضی اللہ عنہ سے صلح کرنے کے لئے کوشاں ہوا اس کی ہر ممکن یہ کوشش تھی کہ اس علاقے کی حکمرانی اس کے ہاتھ سے نہ جاتی رہے۔ اور وہ اپنی قوم کے لئے بہتر شرائط پر صلح کرنے کیلئے کامیاب ہو سکے۔ اپنی طرف سے حضرت ربیع بن زیاد رضی اللہ عنہ کے پاس ایک قاصد بھیجا تاکہ وہ آپ سے ملاقات کے لئے وقت لے سکے اور اس ملاقات میں اسے صلح کے لئے آمادہ کیا جا سکے۔ آپ نے اس کی تجویز کو قبول کرتے ہوئے ملاقات کے لئے آمادگی کا اظہار کر دیا۔
حضرت ربیع رضی اللہ عنہ نے اپنے فوجیوں کو حکم دیا کہ پرویز کے استقبال کا اہتمام اس طرح کیا جائے کہ اس کے راستے میں دونوں طرف لڑائی میں مارے جانے والے دشمن کی لاشوں کو بکھیر دیا جائے۔ اور جہاں بیٹھ کر ہم گفتگو کریں گے۔ وہاں مجلس کے قریب دشمن فوج کے شہہ سواروں کی لاشوں کا ڈھیر لگا دیا جائے۔ حضرت ربیع رضی اللہ عنہ دراز قد اونچے شملے والے، گندمی رنگ اور گندھے ہوئے جسم کے مالک تھے اور چہرہ اس قدر پر ہبیت کہ دیکھنے والا خوف زدہ ہو جاتا۔
جب پرویز آپ کے پاس آیا تو دیکھتے ہی اس کے جسم میں خوف سے کپکپاہٹ طاری ہو گئی، اپنے قریب لاشوں کا ڈھیر دیکھ کر مارے خوف کے اس کا دل بیٹھنے لگا۔ حضرت ربیع رضی اللہ عنہ کے قریب آنے کی اس میں ہمت نہ رہی اور وہ اتنا خوف زدہ ہو گیا کہ وہ مصافحہ کرنے کے لئے بھی ایک قدم آگے نہ بڑھ سکا اور چندم قدم دور سے ہی ہکلاتی ہوئی زبان سے یوں گویا ہوا کہ عا عا عالی- ج ج ج ناب (عالیجناب) میں آپ کی خدمت میں صلح کے لئے حاضر ہوا ہوں اور اس موقع پر ایک ہزار غلام اس شکل میں پیش کرتا ہوں کہ ہر ایک غلام کے سر پر سونے کا ایک پیالہ ہو گا، حضرت ربیع رضی اللہ عنہ نے اس کی پیش کش کو قبول کرتے ہوئے مصالحت کر لی۔
دوسرے دن حضرت ربیع بن زیاد رضی اللہ عنہ اپنے لشکر جرار کے ساتھ تکبیر د تہلیل کا دلآویز ترانہ الاپتے ہوئے شاہانہ انداز میں شہر داخل ہوئے۔
یہ دن مسلمانوں کے لئے بڑا بابرکت دن تھا۔
حضرت ربیع بن زیاد رضی اللہ عنہ مسلمانوں کے ہاتھ میں ایک شمشیر براں تھے جس کے ذریعہ سے مسلمان دشمنان خدا کو تہہ تیغ کرتے، حضرت ربیع رضی اللہ عنہ نے مسلمانوں کے لئے بے شمار شہر فتح کئے۔ بہت سی ریاستوں کو سرنگوں کیا، جب حکومت بنو امیہ کے پاس آئی تو حضرت امیر معاویہ رضی اللہ عنہ بن ابو سفیان نے انہیں خراسان کا گورنر بنا دیا۔ آپ نے یہ منصب بامر مجبوری قبول کیا۔ آپ کا دل خوش نہیں تھا۔ اور اس وقت ان کے دل میں اور زیادہ انقباض پیدا ہوا جبکہ حکومت بنو امیہ کے ایک بہت بڑے ستون نے انہیں ایک خط لکھا جس میں یہ تحریر تھا:
امیر المؤمنین معاویہ بن ابو سفیان کا آپ کو حکم ہے کہ مال غنیمت میں سے سونا چاندی بیت المال کے لئے رکھ لیں اور باقی اشیا مجاہدین میں تقسیم کر دیں۔
آپ نے اس کے جواب میں خط لکھا جس میں یہ تحریر تھا۔
میں نے اللہ کی کتاب میں اس کے بالکل برعکس حکم دیکھا ہے جو آپ نے امیرالمؤمنین کی جانب سے مجھے دیا’ لہذا امیرالمومنین کے حکم پر عمل نہیں ہو سکتا، پھر آپ نے مجاہدین میں منادی کرا دی’ کہ آؤ اور اپنے حصے کا مال غنیمت لے جاؤ۔
اور مال غنیمت کا پانچواں حصہ بیت المال کے لئے دارالخلافہ دمشق روانہ کر دیا۔
جمعرات کے روز حضرت ربیع رضی اللہ عنہ کو یہ خط ملا اور دوسرے روز آپ سفید اجلے کپڑوں میں جمعہ کی نماز پڑھانے کے لئے نکلے، خطبہ جمعہ ارشاد فرماتے ہوئے کہا:
تم سب آمین کہنا:
پھر آپ نے یہ دعا کی:
الہی! اگر تو مجھے سے خیر و بھلائی کا ارادہ رکھتا ہے تو مجھے جلدی اپنے پاس بلا لے تیری عزت کا واسطہ دیر نہ لگانا۔
سب لوگوں نے آمین کہا: اس دن کا سورج غروب نہیں ہوا تھا کہ حضرت ربیع بن زیاد رضی اللہ عنہ اپنے خالق حقیقی سے جا ملے۔
آسمان تیری لحد پر شبنم افشانی کرے۔
حضرت ربیع بن زیاد اسلمی رضی اللہ عنہ کے مفصل حالات زندگی معلوم کرنے کے لئے درج ذیل کتابوں کا مطالعہ کریں۔
ا۔ اسد الغابه ۲/ ۲۰۶
۲۔ تاريخ الطبری ۱۸۵-۱۸۳/۴ ۲۸۵٬۲۲۶/۵
۲۸۶۔۲۹۱
۳۔ الاصابه ۴۰۵/۱
۴۔ الكامل في التاريخ
فہرست دیکھئے۔
٥- جمهرة الانساب ۳۹۱
٢- تهذيب التهذيب ۲۴۴/۳
۷۔ حياة الصحابه ۲/ ۱۶۸۔۲۶۸
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”