01. Hazrat Saeed bin Amir (رضی اللہ عنہ)
Hazrat Saeed bin Amir ( رضی اللہ عنہ)
Hazrat Saeed bin Amir رضی اللہ عنہ ny dunya ke badly aakhirat ka soda kia, Allah taala aur Rasool-e-Maqbool علیہ السلام ko har chez sy muqaddam jana.
Muarrikheen.
Hazrat Saeed bin Amir رضی اللہ عنہ un hazaaro mein eik Jawaan-e-Raa’na thy, Jo Sardaraan-e-Quraish keh da’wat per Makkah Mu’azzama keh baalayi janib Muqaam-e-Taa’neem keh taraf mahaz isliye chal khade hue taake Rasool Ullah (ﷺ) ky eik sahabi Hazrat Khubaib Bin Adee (رضی اللہ عنہ) keh shahaadat ka manzar apni aankho se deikh saken jinhe Quraish ne dhoke se pakad liya tha.
Us ke Shabaab-e-Faraawaan aur ubharti hui jawani ne usay qaabil bana diya tha keh woh logo ky kandhay phalaangta hua Abu Sufiyan Bin Harb aur Safwan Bin Umaiyya aise Sardaraan-e-Quraish ke barabar khada ho sake, Wahan un dono ke siwa aur bhi sheh Sawaaran-e-Arab maujood the, Jo agli saffo mein bethe hue the.
Is tarah ye mauqa mila ky Quraish ke us aseer ko Bachashm-e-Khud paa bajolaan deikh sake, Usne us manzar ka mushahida kehya keh uratein bachhe aur jawaan sab usay maut keh waadi keh taraf be daraigh dhakail rahe hain, Unka maqsad yeh tha keh woh us Sahabi-e-Rasool (ﷺ) ko shaheed karke Aan Hazrat (ﷺ) se inteqam len aur yun Badar ke maqtooleen keh ruswaai ka badla chukayen.
Jab ye hujoom apne us qaidi ko leikar us muqaam per puhuncha jo pehle se uskeh shahaadat ke liye muta’yyan tha, To is marhalay per Taweel-ul-Qaamat naujawan Saeed Bin Amir رضی اللہ عنہ ne Hazrat Khubaib رضی اللہ عنہ keh taraf nazar daudaayi, Sardaaraan-e-Quraish usay kushaan kushaan Takhta-e-Daar keh taraf le jaa rahe the, Usne uraton aur bachho keh Cheeikh-o-Pukaar aur shor me eik pur waqaar aur pur sukoon awaaz suni, Hazrat Khubaib رضی اللہ عنہ farmaa rahe the:
Agar tumhare liye mumkkn ho to mujhe marne se pahle do rakat namaz padhne keh mohlat do!
Phr Saeed bin Amir رضی اللہ عنہ ne deikha keh hazrat khubaib رضی اللہ عنہ kaaba rukh khade ho kar do rakat namaz padh rahe hain, Ye do rakat kaisi thi? Itni haseen, Itni mukammal keh kya kahne! Uske baad usne deikha keh qaum ke sardaro keh taraf mun karke hazrat khubaib رضی اللہ عنہ ye kah rahe hain!
Bakhuda! Agar mujhe us bad gumaani ka andesha nahi hota keh tum khin ye na samajh baitho keh main ne namaz ko maut ke dar se tawalat di hai, To mai namaz me aur zyada waqt saraf karta, Phr usne Sanadeed-e-Quraish ko apni ankho se deikha keh woh hazrat khubaib رضی اللہ عنہ ka zinda halat me musla kar rahe hain yaani ye log unke jism ka eik eik aazu eik ke baad kaat rahe hai aur kah rahe hain: Kya tumhe ye pasand nahi keh tumhari jagah hazrat muhammad (ﷺ) ho, Aur tum us takleef se bach jao?
Unka is halat me ke khoon keh dhaare jism se phoot rahi thi jawab ye tha:
khuda keh kasam! Ye kata’an pasand nahi keh apne Ahle-o-Ayaal me aman aur chain se rahun aur hazrat muhammad (ﷺ) ko eik kaanta bhi chubhe phr janab Saeed bin Amir رضی اللہ عنہ ne deikha keh log fiza me haath hila hila kar aur ba awaaz buland kah rahe hain:
Ise maar daalo ise maar daalo! Uske baad unhone hazrat khubaib رضی اللہ عنہ ko deikha keh woh Takht-e-Daar per apni nazrain asmaan keh taraf uthaye hue Allah se ye ilteja kar rahe hain:
Ilaahi in sab zaalimo ko shumaar kar le aur tabahi ka maza chakha, Aur In me se kehsi ko maaf na kar ye kah kar unhone zindagi keh akhri saans li, Ye woh lamha tha jab unka jism talwaar aur neezo keh zarbaat se choor tha, Aur itny zakhm khaa chuka tha keh jinka shumaar nahi kehya ja sakta.
Quraish bil akhir makka wapas laut aaye aur uske baad pesh aane wale bade bade sangeen muariko ke nurgy main hazrat khubaib رضی اللہ عنہ aur unke Waqia-e-Shahadat ko yaksar bhula baithe, Lekehn us naujawan Saeed bin Amir رضی اللہ عنہ ke Parda-e-Dil se eik lakht ke liye bhi hazrat khubaib رضی اللہ عنہ ka shahadat ka manzar mahw na hua, Chunancha ye jab bhi sote khwab me ye manzar barabar dikhayi deta aur bedar hote to Chashm-e-Khayal me yu mahesoos hota jaise keh Takhtay-e-Daar ke aage hazrat khubaib رضی اللہ عنہ pure itminaan ke sath do rakat namaz adaa kar rahe hain, Yahi nahi balkeh unkeh pur dard awaaz jaise unke kaano me goonj rahi hai aur woh quraish ke khilaaf bad dua me masroof hain aur is khayal se unka kaleja dahel jaata hai keh kahin asmaan ka kadka unko aa na le ya asmaan se patthar gir kar unko tabaah na kar dain.
Hazrat khubaib رضی اللہ عنہ ne Jaam–e-Shahadat nosh kark janab Saeed ko woh kuch sikha diya jiska unhe pahle qatai ilm na tha.
Unhe sikhaya haqiqi zindagi aqeeda aur aqeedy keh raah me Tadam-e-Akhir musalsal jihaad karne ka naam hai, Dusri baat jo unhone is waqia se seeikhi woh ye thi keh Pukhta-e-Muhkam Imaan aise Ajeeb-o-Gareeb kehradar ko janam de sakta hai jo aam halaat me zahoor pazeer nahi hote, Ilawah aazin is haqiqat ka bhi ahsaas hua keh woh shakhs jis se uske rafqaa is darjah mohabbat rakhte hain keh us per jaan nichawar kar dain, Bilashuba Allah Subhan-o-Taala ne Saeed bin Amir رضی اللہ عنہ ka seena islam ke liye khol diya, Chunancha Barsar-e-Majma ye ailaan kar diya keh mai sar tasleem kham karta hun, Main aaj se musalmaam hun.
Hazrat Saeed bin Amir رضی اللہ عنہ ne makka keh sakunat tark karke madina munawara keh jaanib hijrat keh aur Rasool Allah (ﷺ) keh rifaqat aur sohbat me rahne lage khayber aur uske baad hone wale gazuwaat me shirkat ka sharf hasil kehya.
Jab Nabi akram (ﷺ) ne apne rab ke Jawaar-e-Rahmat keh taraf kooch kehya, Us waqt aap (ﷺ) ne hazrat Saeed bin Amir رضی اللہ عنہ se un khidmat keh wajah se khush thy, Aap ke baad hazrat Abu Bakr رضی اللہ عنہ aur hazrat Umar رضی اللہ عنہ ke haatho me hazrat Saeed bin Amir رضی اللہ عنہ barhana shamsheer ban kar rahe aur aisi zindagi basar keh jo musalmano ke liye kehrdar ka nadir namuna sabit hui, Jinho ne duniya ko bech kar akhirat ka sauda kehya aur Allah taala keh raza jui ko apni khawishat ke muqabla me rajih aur muqdam jaana.
Rasool Aqdas (ﷺ) ke ye dono khulafa hazrat Saeed bin Amir رضی اللہ عنہ keh sadaqat aur taqwa ko khoob jaante the, Lihaza un keh nasihato ko gaur se sunte aur unkeh har baat per kaan dharte.
Janab Saeed bin Amir رضی اللہ عنہ aur Hazrat Umar رضی اللہ عنہ ke paas us waqt tashreef laaye jabi woh Masnad-e-Khilafat per farokash hue hi thay.
Aap ne farmaya: Aye Umar رضی اللہ عنہ! Mai tumhe is baat keh waiyat karta hun keh logo ke mamla me Allah taala se darte rahna aur Allah taala ke baary me logo se kabhi na darna aur ye keh tumhare Qaul-o-Fail me tazaad kabhi na hona chahiye, Isliye keh insaan keh behtareen gaftaar wahi hoti hai jiskeh tasdeeik uska kehrdaar kare.
Aye Umar رضی اللہ عنہ!
Allah Subhan-o-Taala ne jin musalmano ka tumhe nigraa banaya hai unke maamlat ki taraf khususi dhiyaan dete rahna, Unke liye wahi pasand karna jo khud tumhe apne aur apni aulaad ke liye pasand ho aur unke liye har us chiz ko na pasandeedgi ki nazar se deikhna jo khud tumhe apni zaat aur apne Ahel-o-Ayaal ke liye na pasandeeda ho, Shadaid ka saamna karne se na ghabrana aur Raah-e-Haq per mazbuti se jame rahna aur haq keh raah me kisi bhi malamat karne wale ki malamat ko khaatir me na laana.
Hazrat Umar رضی اللہ عنہ ne farmaya:
Saeed رضی اللہ عنہ! Bhala ye kis main himmat hai keh un zimmedariyo se uhda bar aawar ho sake.
Saeed رضی اللہ عنہ ne farmaya:
Aap iske ahel hain, Aap un logo me se hain jinko Allah taala ne Ummat-e-Muhamadiya (ﷺ) ki nigraani ka fareeza saupa hai, Aap eik aise shaks hain keh Allah taala ke yaha aapse zyada uska koi mustahiq nahi.
Is marhale per Umar رضی اللہ عنہ ne janab Saeed رضی اللہ عنہ ko apni Nusrat-o-Taid ke liye dawat di aur faramaya:
Aye Saeed! Ham tumhe Ilaqa-e-Hims ka governor muqarrar karte haan.
Unhone iske jawab me farmaya:
Aye Umar! Allah ka wasta hai, Mujhe is azmaish me na daalien, Hazrat Umar رضی اللہ عنہ ne is per khafa hokar farmaya:
Bade afsos ki baat hai keh tum ne khilafat ka baar tanha meri gardan per daal diya aur khud is se alag thalag hone ki koshish kar rahe ho, Khuda ki qasam main chodne wala nahi.
Iske baad aapne unko Sooba-e-Hims ka governor muqarrar kar diya aur irshaad farmaya:
Kya tumhare liye ham kuch muwazza muqarrar na kar dain?
Is per hazrat Saeed رضی اللہ عنہ ne kaha:
Ameer-ul-Mumineen! Mai muawaza lekar kya karunga? Bait ul maal se jo kuch milta hai woh bhi meri zarurat se zyada hai, Ye kaha aur Hims ki taraf chal diye.
Kuch arsa baad Ahaliyaan-e-Hims me se Qaabil-e-Aitemaad afraad per mushtamil eik wafad Ameer-ul-Muminoon hazrat Umar رضی اللہ عنہ ki khidmat me hazir hua.
Aapne wafad ko hukum diya:
Tum log mujhe un afraad ke naam likh kar do jo tum me se muflis aur nadaar hain taakeh mai unki maali madad kar sakun, Wafad ne aap ki khidmat me eik dastawez pesh ki, Aap kya deikhte hain keh is fahrist me hazrat Saeed bin Amir رضی اللہ عنہ ka naam bhi darj hai aapne dariyaft farmaya:
Kaun Saeed bin Amir?
Unho ne bataya: Hamara governor.
Farmaya: Aapka governor muflis hai?
Unho ne kaha ji haan! Khuda ki kasam! Kai kai din unke chulhe me aag nahi jalti.
Ye sunna tha keh hazrat Umar رضی اللہ عنہ be ikhtiyar ro pade aur itna roye keh aapki daadhi mubarak aansuo se tar ho gayi, Aap uthe aur hazaar deenar liye unko eik thaili me bhar kar farmaya:
Use mera salam kahena aur ye paigaam dena keh Ameer-ul-Muminoon ne ye thaili tumhare liye bheji hai taakeh tum Is se zaruriyaat puri kar sako.
Ye wafad hazrat Saeed bin Amir رضی اللہ عنہ ke yaha thaili le kar aaya, Aapne deikha keh is me to deenar hain thaili ko apne se door hata kar bas ye kahne lage:
إِنَّا لِلَّٰهِ وَإِنَّا إِلَيْهِ رَاجِعُون
Goya koi bipta naazil ho gayi ya koi na gawaar waqia pesh aa gaya, Ye kafiyat deikh kar aapi biwi ghabrayi hui uthi aur kahne lagi:
Mere sir ke taaj! Kya sanha ronuma ho gaya?
kya Ameer-ul-Muminoon wafaat paa gaye?
Aapne farmaya nahi balkeh ye baat kahi zyada ahem hai.
usne pucha kya kisi Marika-e-Jihaad me musalmano ko koi sadma pahucha?
Aapne farmaya: Is se bhi badi baat hai.
Usny arz kya: Bhala is se bhi badi baat ho sakti hai?
Farmaya:
Mere yahan dunya dar aayi taakeh meri akhirat bigaad de, Mere ghar fitna ubhar aaya.
Usne arz ki:
kyu na aap us fitna se gulu khalaasi kar lain, Use deenaro ke baare me kuch ilm na tha.
Unhone farmaya:
kya is silsile me meri madad karogi?
Arz ki ji haan kyu nahi.
Aapne deenar muatidid thaili me band kiye aur gareeb musalmano me taqseem kar diye.
Is waqia ko zyada arsa na guzra tha keh hazrat Umar رضی اللہ عنہ ne Diyar-e-Shaam tashreef laaye, Maqsad ye tha keh us ilaaqe ke halaat malum kar sakain.
Un dino Hims ka naam kuwaifa pad gaya tha jo lafz Kofah ki tasgheer hai. Ye is naam se Isliye mashhoor hua keh yaha ke log Ummaal-e-Hukumat ke khilaaf shikwa shikayat karne me Ahle-e-Kofah se bhut had tak mushahibat rakhte the, Jab hazrat Umar رضی اللہ عنہ ki tashreef aawri Hims me hui to yahan ke log aap ko salaam arz karne ki khaatir hazir hue.
Aapne dariyaft farmaya:
Tumne apne ameer ko kaise paaya? Unhone uski shikayat me zabaan kholi aur unke Tarz-e-Amal ke baare me chaar baatein kahi, Jo eik dusri se badh chadh kar thin.
Hazrat Umar رضی اللہ عنہ farmate hai keh main ne governor aur shikayat karne walo ko eik saath talab kya aur Allah taala se dua ki hazrat Saeed رضی اللہ عنہ ke baare me woh mere guman ko jhuta na hone de.
Mujhe usper bhut aitimaad tha, Jab ye log aur unka governor ba Waqt-e-Subah mere paas aaye to main ne dariyaft kya: Tumhe apne governor se kya gilaa hai?
Unhone bataya:
Ye din chadhe tak ghar se bahar nahi nikalte.
Usper main ne pucha Saeed! Tum is silsile me kya kahena chahte ho?
Saeed chand lamha khamosh rahe aur phr kaha:
Bakhuda mai is silsile me kuch kahena napasand karta tha, Lekin ab iske bagair koi charah kaar nahi keh mai haqiqat haal saaf saaf bayan kar dun.
Surat-e-Haal ye hai keh ghar me mere paas koi khadim nahi mai subah saware uthta hun aur Ahl-e-Khana ke liye atta gundhta hun, Phr thodi deer tak intezar karta hu taakeh aate me khameer payeda ho jaaye baad azaan unke liye roti pakata hun, Phr wazu karke logo ki khidmat ke liye ghar se nikal khada hota hun.
Hazrat Umar رضی اللہ عنہ farmate hai keh:
Main ne unse pucha keh tumhe unke khilaaf aur kya shikayat hai?
Unhone kaha: Ye raat ke waqt kisi keh nahi sunte.
Main ne kaha: Saeed is aiteraaz ka tumhare paas kya jawab hai?
Farmaya: Ba khuda main is amr ka izhaar bhi na pasand karta hun, mukhtasaran ye arz hai keh main ne din inke liye waqf kar rakkha hai aur raat Allah az wajal keh ibadat ke liye.
Main ne pucha:
Aapko inke khilaaf aur kya shikayat hai?
Woh bole mahiny me eik din gaflat se kaam lete hain?
Main ne dariyaft kya: Saeed! kyu?
Saeed رضی اللہ عنہ ne kaha Ameer-ul-Muminoon! Mere paas na to koi khaadim hai na in kapdo ke siwa mere paas koi kapda ka joda hai, Is waqt main ne jo kapde pehen rakkhe hain mahine me eik martaba dhota hun, Phr muntazir rahta hu keh khushk ho jaaye to unko pahen kar din ke akhri hisse me inka saamna karta hun.
Phr main ne dariyaft kya:
Koi aur shikayat?
Unhone kaha:
Majlis me baithe baithe kabhi kabhi un per gashi taari ho jaati hai aur yun malum hota hai keh Ahl-e-Majlis se unka koi talluq nahi.
Main ne pucha, Saeed ye kya baat hai?
Saeed رضی اللہ عنہ ne kaha: Main ne hazrat khubaib bin adee رضی اللہ عنہ ki shahadat ka manzar Bachsham-e-Khud deikha hai, Main us waqt mushrik tha, Main ne deikha keh quraish uskeh botiya kaat rahe hain aur kah rahe hain.
Kya tujhe ye baat pasand hai keh tumhari jagah hazrat Muhammad (ﷺ) hun?
Hazrat khubaib رضی اللہ عنہ jawab me kahte hain:
Allah ki Qasam! Main hargiz ye pasand nahi karta hun keh mai to apne Ahl-o-Ayaal main itminaan se rahun aur hazrat Muhammad (ﷺ) ke jism me eik kaanta bhi chubh paaye jab bhi mujhe woh din yaad aata hai soch me pad jaata hun keh main ne us din unki kyu madad na ki, Darta hun keh shayad Allah mera ye jurm maaf na kare, Iske baad mujh pe gashi taari ho jati hai.
Ye suna to hazrat رضی اللہ عنہ ne farmaya:
Allah ka shukr hai jisne Saeed رضی اللہ عنہ ke baare me mere Husn-e-Zan ko galat sabit nahi kiya:
Uske baad aapne eik hazaar deenar bheje taakeh unse apni zaruriyat puri kar lain.
Jab ye deenar hazrat Saeed ki biwi ne deikhe to kah uthi keh Allah ka shukr hai jisne aapki khidmat me be niyaazi bakhshi.
Hamare liye zarurat ki ashiya khareed lijiye aur ghar ke kaam kaaj ke liye eik khadim rakh lijiye. usper aapne biwi se farmaya:
Mai tujhe woh chiz na dun jo is se behtar ho?
Biwi ne kaha bhala woh kya?
Farmaya:
Ye deenar ham usko lauta dain jo hamare paas laaya hai ham un deenaro se kahi zyada uske mohtaaj hain.
Biwi ne kaha woh kaun?
Farmaya! Kyu na ham Allah taala ko Qarz-e-Hasna de dain.
Biwi ne arz ki:
Aapne baja irshaad farmaya: Allah taala aapko jazaye khair ataa farmaaye, Aapne isi majlis main deenaro ko mukhtalif thailiyo me rakha aur apne Ahl-e-Khaana me se eik shakhs ko hukum diya jao falan ki biwi falan ke yateem bachho aur falan khandaan ke miskeen aur falan qabeela ke maheroomo main taqseem kar aao.
Allah taala ne hazrat Saeed bin Amir رضی اللہ عنہ ko Sand-e-Raza se nawaza, Aap un logon me se thy jo dusro ko apni zaat per tarjeeh dete hai, Cahy khud ghaate me rahe.
Hazrat saed bin Amir رضی اللہ عنہke mufassal Halat-e-Zangi janny ky liy dard zial kehtabun ka mutala kehjiy:
1: Tahzeeb ul Tahzeeb 4/51
2: Ibn-e-Asakehr 6/145-147
3: Sifat ul Safwah 1/273
4: Hilyat ul Awliyaa 1/244
5: Tarikh-ul-Islam 2/35
6: Al Isaabaah 3/326
7: Nasab-o-Quraish 399
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت سعید بن عامر
حضرت سعید بن عامر رضی اللہ عنہ ان ہزاروں میں ایک جوان رعنا تھے، جو سرداران قریش کی دعوت پر مکہ معظمہ کی بالائی جانب مقام تنعیم کی طرف محض اس لئے چل کھڑے ہوئے تاکہ رسول ﷺ کے ایک صحابی حضرت خبیب بن عدی رضی اللہ عنہ کی شہادت کا منظر اپنی آنکھوں سے دیکھ سکیں، جنہیں قریش نے دھوکے سے پکڑ لیا تھا۔
اس کے شباب فراواں اور ابھرتی ہوئی جوانی نے اسے اس قابل بنا دیا تھا کہ وہ لوگوں کے کندھے پھلانگتا ہوا ابو سفیان بن حرب اور صفوان بن امیہ ایسے سرداران قریش کے برابر کھڑا ہو سکے۔ وہاں ان دونوں کے سوا اور بھی شہ سواران عرب موجود تھے جو اگلی صفوں میں بیٹھے ہوئے تھے۔
اسے اس طرح یہ موقع ملا کہ قریش کے اس اسیر کو بچشم خود پا بجولاں دیکھ سکے۔ اس نے اس منظر کا مشاہدہ کیا کہ عورتیں، بچے اور جوان سب اسے موت کی وادی کی طرف بے دریغ دھکیل رہے ہیں۔ ان کا مقصد یہ تھا کہ وہ اس صحابی رسولﷺ کو شہید کر کے آنحضرتﷺ سے انتقام لیں اور یوں بدر کے مقتولین کی رسوائی کا بدلہ چکائیں۔
جب یہ ہجوم اپنے اس قیدی کو لے کر اس مقام پر پہنچا جو پہلے سے اس کی شہادت کے لئے متعین تھا، تو اس مرحلہ پر طویل القامت نوجوان سعید بن عامر رضی اللہ عنہ نے حضرت خبیب رضی اللہ عنہ کی طرف دوڑائی۔ سرداران قریش اسے کشاں کشاں تختہ دار کی طرف لے جا رہے تھے۔ اس نے عورتوں اور بچوں کی چیخ و پکار اور شور میں ایک پر وکار اور پر سکون آواز سنی۔ حضرت خبیب رضی اللہ عنہ فرما رہے تھے:
اگر تمہارے لئے ممکن ہو تو مجھے مرنے سے پہلے دورکعت نماز پڑھنے کی مہلت دو!
پھر سعىد بن عامر رضی اللہ عنہ نے دیکھا کہ حضرت خبیب رضی اللہ عنہ کعبہ رخ کھڑے ہو کر دو رکعت نماز پڑھ رہے ہیں۔ یہ دو رکعتیں کیسی تھیں، اتنی حسین، اتنی مکمل کہ کیا کہنے! اس کے بعد اس نے دیکھا کہ قوم کے سرداروں کی طرف منہ کر کے حضرت خبیب رضی اللہ عنہ یہ کہہ رہے ہیں۔
بخدا! اگر مجھے اس بد گمانی کا اندیشہ ہوتا کہ تم کہیں یہ نہ سمجھ بیٹھو کہ میں نے نماز کو موت کے ڈر سے طوالت دی ہے تو میں نماز میں اور زیادہ وقت صرف کرتا۔ پھر اس نے صنادید قریش کو اپنی آنکھوں سے دیکھا کہ وہ حضرت خبیب رضی اللہ عنہ کا زندہ حالت میں مثلہ کر رہے ہیں، یعنی یہ لوگ ان کے جسم کا ایک ایک عضو یکے بعد دیگرے کاٹ رہے ہیں اور کہہ رہے ہیں کیا تمہیں یہ پسند نہیں کہ تمہاری جگہ حضرت محمدﷺ ہوں اور تم اس تکلیف سے بچ جاؤ؟
ان کا اس حالت میں کہ خون کے دھارے جسم سے پھوٹ رہے تھے جواب یہ تھا:
خدا کی قسم! مجھے یہ قطعًا پسند نہیں کہ میں اپنے اہل و عیال میں امن اور چین سے رہوں اور حضرت محمدﷺ کو ایک کانٹا بھی چبھے۔ پھر جناب سعید بن عامر رضی اللہ عنہ نے دیکھا کہ لوگ فضا میں ہاتھ ہلا ہلا کر اور بآواز بلند کہہ رہے ہیں۔
اسے مار ڈالو۔ اسے مار ڈالو، اس کے بعد انہوں نے حضرت خبیب رضی اللہ عنہ کو دیکھا کہ وہ تختہ دار پر اپنی نظریں آسمان کی طرف اٹھائے ہوئے اللہ تعالٰی سے یہ التجا کر رہے ہیں۔
الٰہی! ان سب ظالموں کو شمار کر لے اور انہیں تباہی کا مزا چکھا اور ان میں سے کسی کو معاف نہ کر۔ یہ کہہ کر انھوں نے زندگی کی آخری سانس لی۔ یہ وہ لمحہ تھا جب ان کا جسم تلوار اور نیزوں کی ضربات سے چور تھا اور اتنے زخم کھا چکا تھا کہ جن کا شمار نہیں کیا جاسکتا۔
قریش بالآخر مکہ واپس لوٹ آئے اور اس کے بعد پیش آنے والے بڑے بڑے سنگین معرکوں کے نرغے میں حضرت خبیب رضی اللہ عنہ اور ان کے واقعہ شہادت کو یکسر بھلا بیٹھے، لیکن اس نوجوان سعید بن عامر رضی اللہ عنہ کے پردۂ دل سے ایک لحظہ کے لئے بھی حضرت خبیب رضی اللہ عنہ کی شہادت کا منظر محو نہ ہوا۔ چنانچہ یہ جب بھی سوتے خواب میں یہ منظر برابر دکھائی دیتا اور بیدار ہوتے تو چشم خیال میں یوں محسوس ہوتا جیسے کہ تختہ دار کے آگے حضرت خبیب رضی اللہ عنہ پورے اطمینان کے ساتھ دو رکعت نماز ادا کر رہے ہیں۔ یہی نہیں بلکہ ان کی پر درد آواز جیسے ان کے کانوں میں گونج رہی ہے اور وہ قریش کے خلاف بد دعا میں مصروف ہیں اور اس خیال سے ان کا کلیجہ دہل جاتا ہے کہ کہیں آسمان کا کڑکا ان کو نہ آنہ لے یا آسمان سے پتھر گر کر ان کو تباہ نہ کر دیں۔
حضرت خبیب رضی اللہ عنہ نے جام شہادت نوش کر کے جناب سعید کو وہ کچھ سکھادیا جس کا انہیں پہلے قطعی علم نہ تھا۔
انہیں سکھایا کہ حقیقی زندگی عقیدہ اور عقیدے کی راہ میں تادم آخر مسلسل جہاد کرنے کا نام ہے۔ دوسری بات جو اس واقعہ سے انہوں نے سیکھی، وہ یہ تھی کہ پختہ و محکم ایمان ایسے عجیب و غریب کردار کو جنم دے سکتا ہے جو عام حالات میں ظہور پذیر نہیں ہوتے۔ علاوہ ازیں انہیں اس حقیقت کا بھی احساس ہوا کہ وہ شخص جس سے اس کے رفقاء اس درجہ محبت رکھتے ہیں کہ اس پر جان نچھاور کر دیں، بلا شبہ اللہ سبحانہ و تعالٰی نے سعید بن عامر رضی اللہ عنہ کا سینہ اسلام کے لئے کھول دیا، چنانچہ برسر مجمع یہ اعلان کردیا کہ میں سر تسلیم خم کرتا ہوں۔ میں آج سے مسلمان ہوں۔
حضرت سعید بن امر رضی اللہ عنہ نے مکہ کی سکونت ترک کر کے مدینہ منورہ کی جانب ہجرت کی اور رسول اللہ ﷺ کی رفاقت اور صحبت میں رہنے لگے خیبر اور اس کے بعد ہونے والے غزوات میں شرکت کا شرف حاصل کیا۔
جب نبی اکرم ﷺ نے اپنے رب کے جوار رحمت کی طرف کوچ کیا، اس وقت آپﷺ حضرت سعید بن عامر سے انکی خدمات کی وجہ سے خوش تھے ۔ آپ کے بعد حضرت ابوبکر اور حضرت عمر رضی اللہ عنہ کے ہاتھوں میں حضرت سعید بن عامر رضی اللہ عنہ برہنہ شمشیر بن کر رہے اور ایسی زندگی بسر کی جو مسلمانوں کے لئے کردار کا نادر نمونہ ثابت ہوئی، جنہوں نے دنیا کو بیچ کر آخرت کا سودا کیا اور اللہ تعالٰی کی رضا جوئی کو اپنی خواہشات کے مقابلہ میں راجح اور مقدم جان
رسول اقدس ﷺ کے یہ دونوں خلفاء حضرت سعید بن عامر رضی اللہ عنہ کی صداقت اور تقوی کو خوب جانتے تھے، لہذا ان کی نصیحتوں کو غور سے سنتے اور ان کی ہر بات پر کان دھرتے۔
جناب سعید بن عامر رضی اللہ عنہ حضرت عمر رضی اللہ عنہ کے پاس اس وقت تشریف لائے جبکہ وہ مسند پر فرو کش ہوئے ہی تھے۔
آپ نے فرمایا۔ اے عمر رضی اللہ عنہ! میں تمہیں اس بات کی وصیت کرتا ہوں کہ لوگوں کے معاملے میں اللہ تعالٰی سے ڈرتے رہنا اور اللہ تعالٰی کے بارے میں لوگوں سے کبھی نہ ڈرنا اور یہ کہ تمہارے قول و فعل میں تضاد کبھی نہ ہونا چاہئے، اس لئے کہ انسان کی بہترین گفتار وہی ہوتی ہے جس کی تصدیق اس کا کردار کرے۔
اے عمر رضی اللہ عنہ!
اللہ سبحانہ و تعالٰی نے جن مسلمانوں کا تمہیں نگران بنایا ہے، اس کے معاملات کی طرف خصوصی دھیان دیتے رہنا، ان کے لئے وہی پسند کرنا جو خود تمہیں اپنے اور اپنی اولاد کے لئے پسند ہو اور ان کے لئے ہر اس چیز کو ناپسندیدگی کی نظر سے دیکھنا جو خود تمہیں اپنی ذات اور اپنے اہل و عیال کے لئے ناپسندیدہ ہو۔ شدائد کا سامنا کرنے سے نہ گھبرانا اور راہ حق پر مضبوطی سے جمے رہنا اور حق کی راہ میں کسی بھی ملامت کرنے والے کی ملامت کو خاطر میں نہ لانا۔
حضرت عمر رضی اللہ عنہ نے فرمایا:
سعید رضی اللہ عنہ! بھلا کس میں یہ ہمت ہے کہ ان زمہ داریوں سے عہدہ برآ ہوسکے۔
سعید رضی اللہ عنہ نے فرمایا:
آپ اس کے اہل ہیں۔ آپ ان لوگوں میں سے ہیں جن کو اللہ تعالٰی نے امت محمدیہﷺ کی نگرانی کا فریضہ سونپا ہے۔ آپ ایک ایسے شخص ہیں کہ اللہ تعالٰی کے ہاں
آپ سے زیادہ اور کوئی اس کا مستحق نہیں۔
اس مرحلہ پر حضرت عمر رضی اللہ عنہ نے جناب سعید رضی اللہ عنہ کو اپنی نصرت و تائید کے لئے دعوت دی اور فرمایا:
اے سعید رضی اللہ عنہ! ہم تمہیں علاقہ حمص کا گورنر مقرر کرتے ہیں۔
انہوں نے اس کے جواب میں فرمایا:
“اے عمر رضی اللہ عنہ! اللہ کا واسطہ ہے، مجھے اس آزمائش میں نہ ڈالئے” حضرت عمر رضی اللہ عنہ نے اس پر خفا ہو کر فرمایا:
“بڑے افسوس کی بات ہے کہ تم نے خلافت کا بار تنہا میری گردن پر ڈال دیا اور خود اس سے الگ تھلگ ہونے کی کوشش کر رہے ہو خدا کی قسم میں چھوڑنے والا نہیں”
اس کے بعد آپ نے ان کو صوبۂ حمص کا گورنر مقرر کر دیا اور فرمایا:
کیا تمہارے لئے ہم کچھ معاوضہ مقرر نہ کر دیں؟
اس پر حضرت سعید رضی اللہ عنہ نے کہا:
امیرالمومنین! میں معاوضہ لے کر کیا کروں گا۔ بیت المال سے جو کچھ ملتا ہے وہ بھی میری ضرورت سے زیادہ ہے۔ یہ کہا اور حمص کی طرف چل دئیے۔
کچھ عرصہ بعد اہالیان حمص میں سے قابل اعتماد افراد پر مشتمل ایک وفد امیرالمومنین حضرت عمر رضی اللہ عنہ کی خدمت میں حاضر ہوا۔
آپ نے وفد کو حکم دیا۔
تم لوگ مجھے ان افراد کے نام لکھ کر دو جو تم میں مفلس و نادار ہیں تاکہ میں ان کی مالی مدد کر سکوں۔ وفد نے آپ کی خدمت میں ایک دستاویز پیش کی۔ آپ کیا دیکھتے ہیں کہ اس فہرست میں حضرت سعید بن عامر رضی اللہ عنہ کا نام بھی درج ہے۔ آپ نے دریافت فرمایا:
کون سعید بن عامر رضی اللہ عنہ؟
انہوں نے بتایا: ہمارا گورنر۔
فرمایا: آپ کا گورنر مفلس ہے؟
انہوں نے کہا: جی ہاں، خدا کی قسم! کئی کئی دن ان کے چولہے میں آگ نہیں جلتی۔ یہ سننا تھا کہ حضرت عمر رضی اللہ عنہ بے اختیار رو پڑے اور اتنے روئے کہ آپ کی داڑھی مبارک آنسوؤں سے تر ہوگئی۔ آپ اٹھے اور ہزار دینار لئے اور ان کو ایک تھیلی میں بھر کر فرمایا:
اس سے میرا سلام کہنا اور یہ پیغام دینا کی امیرالمومنین نے یہ تھیلی تمہارے لئے بھیجی ہے تاکہ اس سے تم اپنی ضروریات کو پورا کر سکو۔
یہ وفد حضرت سعید بن عامر رضی اللہ عنہ کے ہاں تھیلی لے کر آیا۔ آپ نے دیکھا کہ اس میں تو دینار ہیں تھیلی کو اپنے سے دور ہٹا کر بس یہ کہنے لگے:
إِنَّا لِلَّهِ وَإِنَّا إِلَيْهِ رَاجِعُونَ○
گویا کوئی بپتا نازل ہوگئی یا کوئی ناگوار واقعہ پیش آگیا۔ یہ کیفیت دیکھ کر آپ کی بیوی گھبرائی ہوئی اٹھی اور کہنے لگی:
میرے سر کے تاج! کیا سانحہ رونما ہوگیا!
کیا امیرالمومنین وفات پاگئے؟
آپ نے فرمایا: نہیں، بلکہ یہ بات کہیں زیادہ اہم ہے۔
اس نے پوچھا: کیا کسی معرکۂ جہاد میں مسلمانوں کو کوئی صدمہ پہنچا؟
آپ نے فرمایا: اس سے بھی بڑی بات۔
اس نے عرض کی: بھلا اس سے بڑی بات کیا ہو سکتی ہے؟
میرے ہاں دنیا در آئی تاکہ میری آخرت بگاڑ دے۔ میرے گھر فتنہ ابھر آیا۔
اس نے کہا کیوں نہ آپ اس فتنہ سے گلو خلاصی کر لیں۔ اسے دیناروں کے بارے میں کچھ علم نہ تھا۔
انہوں نے فرمایا:
کیا اس سلسلہ میں میری مدد کرو گی؟
عرض کی: جی ہاں، کیوں نہیں۔
آپ نے دینار متعدد تھیلیوں میں بند کئے اور غریب مسلمانوں میں تقسیم کر دیے۔
اس واقعہ کو زیادہ عرصہ نہیں گزرا تھا کی حضرت عمر رضی اللہ عنہ نے دیار شام تشریف لائے۔ مقصد یہ تھا کی اس علاقہ کے حالات معلوم کر سکیں۔
ان دنوں حمص کا نام کویفہ پڑ گیا تھا جو لفظ کوفہ کی تصغیر ہے۔ یہ اس نام سے اس لئے مشہور ہوا کہ یہاں کے لوگ عمال حکومت کے خلاف شکوہ شکایت کرنے میں اہل کوفہ سے بہت حد تک مشابہت رکھتے تھے۔ جب حضرت عمر رضی اللہ عنہ کی تشریف آوری حمص میں ہوئی تو یہاں کے لگ آپ کو سلام عرض کرنے کی خاطر حاضر ہوئے۔
آپ نے دریافت فرمایا:
تم نے اپنے امیر کو کیسا پایا؟ انہوں نے اس کی شکایت میں زبان کھولی اور ان کے طرز عمل کے بارے میں چار باتیں کہیں، جو ایک دوسری سے بڑھ چڑھ کر تھیں۔
حضرت عمر رضی اللہ عنہ فرماتے ہیں کی میں نے گورنر اور شکایت کرنے والوں کو ایک ساتھ طلب کیا اور اللہ تعالٰی سے دعا کی حضرت سعید رضی اللہ عنہ کے بارے وہ گمان کو جھوٹا نہ ہونے دے۔
مجھے اس پر بہت اعتماد تھا۔ جب یہ لوگ اور ان کا گورنر بوقت صبح میرے پاس آئے تو میں نے دریافت کیا تمہیں اپنے گورنر سے کیا گلہ ہے؟
انہوں نے بتایا:
کہ یہ دن چڑھے تک گھر سے باہر نہیں نکلتے۔
اس پر میں نے پوچھا سعید رضی اللہ عنہ! تم اس سلسلہ میں کیا کہنا چاہتے ہو؟
سعید رضی اللہ عنہ چند لمحے خاموش رہے، پھر کہا:
بخدا میں اس سلسلہ میں کچھ کہنا ناپسند کرتا تھا، لیکن اب اس کے بغیر کوئی چارہ کار نہیں کہ میں حقیقت حال صاف صاف بیان کردوں۔
صورت حال یہ ہے کہ گھر میں میرے پاس کوئی خادم نہیں۔ میں صبح سویرے اٹھتا
ہوں اور اہل خانہ کیلئے آٹا گوندھتا ہوں۔ پھر تھوڑی دیر تک انتظار کرتا ہوں تاکہ آٹے میں خمیر پیدا ہو جائے بعدازاں ان کیلئے روٹی پکاتا ہوں۔ پھر وضو کر کے لوگوں کی خدمت کیلئے گھر سے نکل کھڑا ہوتا ہوں۔
حضرت عمر رضی اللہ عنہ فرماتے ہیں:
کہ میں نے ان سے پوچھا: کہ تمہیں ان کے خلاف اور کیا شکایت ہے؟
انہوں نے کہا کہ یہ رات کے وقت کسی کی نہیں سنتے۔
میں نے کہا: سعید رضی اللہ عنہ! اس اعتراض کا تمہارے پاس کیا جواب ہے؟
فرمایا: بخدا، میں اس امر کا اظہار بھی ناپسند کرتا ہوں۔ مختصرا یہ عرض ہے کہ میں نے دن ان کیلئے موقف کر رکھا ہے اور رات اللہ عزوجل کی عبادت کیلئے۔
میں نے پوچھا:
آپ کو ان کے خلاف اور کیا شکایت ہے۔
وہ بولے: مہینہ میں ایک دن غفلت سے کام لیتے ہیں؟
میں نے دریافت کیا: سعید رضی اللہ عنہ یہ کیوں؟
سعید رضی اللہ عنہ نے کہا: امیرالمومنین! میرے پاس نہ تو کوئی خادم ہے نہ ان کپڑوں کے سوا میرے پاس کپڑوں کا کوئی جوڑا ہے اس وقت جو کپڑے میں نے پہن رکھے ہیں، مہینے میں ایک مرتبہ دھوتا ہوں۔ پھر منتظر رہتا ہوں کہ یہ خشک ہو جائیں۔ جب یہ خشک ہو جاتے ہیں تو میں انہیں کو پہن کر دن کے آخری حصے میں ان کا سامنا کرتا ہوں۔
پھر میں نے دریافت کیا:
کوئی اور شکایت؟
انہوں نے کہا:
مجلس میں بیٹھے بیٹھے کبھی کبھی ان پر غشی طاری ہو جاتی ہے اور یوں معلوم ہوتا ہے کہ اہل مجلس سے ان کا کوئی تعلق نہیں۔
میں نے پوچھا: سعید رضی اللہ عنہ! یہ کیا بات ہے؟
سعید رضی اللہ عنہ نے کہا: میں نے حضرت خبیب بن عدی رضی اللہ عنہ کی شہادت کا منظر بچشم خود دیکھا ہے۔ میں اس وقت مشرک تھا۔ میں نے دیکھا کی قریش اس کی بوٹیاں کاٹ رہے ہیں اور کہہ رہے ہی
کیا تجھے پسند ہے کہ تمہاری جگہ حضرت محمدﷺ ہوں؟
حضرت خبیب رضی اللہ عنہ جواب میں کہتے ہیں:
اللہ کی قسم! میں یہ ہرگز پسند نہیں کرتا کہ میں تو اپنے اہل و عیال میں اطمینان سے رہوں اور حضرت محمدﷺ کے جسم میں ایک کانٹا بھی چبھنے پائے جب بھی وہ دن مجھے یاد آتا ہے، سوچ میں پڑ جاتا ہوں کہ میں نے اس دن ان کی کیوں مدد نہ کی۔ ڈرتا ہوں کہ شاید اللہ تعالٰی میرا یہ جرم معاف نہ کرے۔ اس کے بعد مجھ پر غشی طاری ہو جاتی ہے۔
یہ سنا تو حضرت عمر رضی اللہ عنہ نے ارشاد فرمایا:
اللہ کا شکر ہے کہ جس نے سعید رضی اللہ عنہ کے بارے میں میرے حسن ظں کو غلط ثابت نہیں کیا:
اس کے بعد آپ نے ایک ہزار دینار بھیجے تاکہ ان سے اپنی ضروریات پوری کرلیں۔
جب یہ دینار حضرت سعید بن عامر رضی اللہ عنہ کی بیوی نے دیکھے تو کہہ اٹھی کہ اللہ کا شکر ہے جس نے ہمیں آپ کی خدمات سے بے نیازی بخشی۔
ہمارے لئے ضروریات کی اشیاء خرید لیجئے اور گھر کے کام کاج کیلئے ایک خادم رکھ لیجئے۔ اس پر آپ نے بیوی سے فرمایا:
میں تجھے وہ چیز نہ دوں جو اس سے بھی بہتر ہو۔
بیوی نے کہا: بھلا وہ کیا۔
فرمایا:
یہ دینار ہم اسی کو لوٹا دیں جو ہمارے پاس لایا ہے۔ ہم ان دیناروں سے کہیں زیادہ اس کے محتاج ہیں۔
بیوی نے کہا: وہ کون؟
فرمایا! کیوں نہ ہم اللہ تعالٰی کو قرض حسنہ دے دیں۔
بیوی نے عرض کی:
آپ نے بجا ارشاد فرمایا: اللہ تعالٰی آپ کو جزائے خیر عطا فرمائے۔ آپ نے اسی مجلس میں دیناروں کا مختلف تھیلیوں میں رکھا اور اپنے اہل خانہ میں سے ایک شخص کو حکم دیا کہ جاؤ، فلاں کی بیوی، فلاں کے یتیم بچوں اور فلاں خاندان کے مساکین اور فلاں قبیلہ کے محروموں میں تقسیم کر آؤ۔
اللہ تعالٰی نے حضرت سعید بن عامر رضی اللہ کو سند رضا سے نوازا۔ آپ نے ان لوگوں میں سے تھے جو دوسروں کو اپنی ذات پر ترجیح دیتے ہیں، چاہے خود گھاٹے میں رہیں۔
حضرت سعید بن عامر رضی اللہ کے مفصل حالات زندگی معلوم کرنے کیلئے درج ذیل کتابوں کا مطالعہ کیجئے۔
1۔ تہزیب التہزیب : 4 /51
2۔ ابن عاسکر : 145/6-147
3۔صفت الصفوتہ : 273/1
4۔حلیت الاولیاء : 244/1
5۔ تاریخ الاسلام : 35/2
6۔ الاصابہ : 326/3
7۔ نسب قریش : 399
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”