03. Hazrat Abdullah Bin Huzhafa As-Sahmi (رضی اللہ عنہ)
Hazrat Abdullah Bin Huzhafa As-Sahmi رضی اللہ عنہ
Har musalman par zarori hai keh wo Abdullah bin Huzafah رضی اللہ عنہke sir par boosah dy aur main is ki ibtida karta hun.
Irashad Hazrat Faruq-e-Azam رضی اللہ عنہ
Hamari dastaan ke Batal-e0Jaleel sahaba kiraam رضی اللہ عنہم me se woh azeem ul martabat sahabi hain jinhain Abdullah bin Huzafah as sahmi ke Naam-e-Naami se yaad kiya jata hai, tareaikh ke liye mumkin tha keh unke baare me bhi taghaful shiari ka wahi suluk rawa rakhti, Jaisa keh hazaro insano ke baare me usne rawa rakha, Islami inqlab ne hazrat Abdullah bin Huzafah ko mauka ataa kiya keh us daur ki do badi takaton se mile yaani Qaisar-e-Room aur Shahensah-e-Iraan aur unse mil kar aisi dastaan ko janam de jo zamana ke hafiza aur tareaikh ke auraaq main hamesha mahfuz rahe.
Faris ke badshah kisra se hazrat Abdullah bin Huzafah ki mulaqat 6 hijri ko hui jab nabi akram ne ajmi badshaho ko islam ka paigaam dene ke khatir khutut de kar sahaba kiraam ko wafud ki shakal me mukhtalif mumalik ki taraf bhrja, Rasool Allah (ﷺ) ko is mission ki ahmiyat ka pahle se andaza tha, Ye qaasid aise door daraz mumalik ki taraf rawana ho rahe the jinke baare me unko koi tajurba aur ilm na tha, Sahaba kiraam رضی اللہ عنہم na to un mumalik ki zubaan se aashnan thy aur na Adaab-e-Shahi aur mizaaj shahana ki mahram raaz hi thy, Iss e badh kar turrah ye keh iski dawat ka maqsad badshaho ko apna ikhtiyaar karda deen tark karne, Sultani-o-Hukurani se dastbardar hone, Aur Daira-e-Islam me dakhil hone per aamda karna tha.
Muhim Bazaat-e-Khud bhut khatarnaak thi, Iske maane the keh us muhim per jaane wala hatheli per jaan rakh kar jaaye aur jab kamyabi se laut aaye to yu samjhe jaise is duniya ne naya janam liya hai, Mamla ki Is ahmiyat ke Peshe-e-Nazar Rasool Allah (ﷺ) ne apne sahaba kiraam ko jama kiya aur Allah subhan o taala ki Hamd-o-Sana ke baad irshaad farmaya:
Main chahta hun keh tum me se baaz hazraat ko Tableegh-e-Islam ke silsile me Shahan-e-Ajam ki taraf rawana karun.
Khabardaar! Tumhari jaanib se is mamle me ikhtilaaf ki woh nauiyat na paida hone paaye jo hazrat Eisa (علیہ السلام) aur bani israel ke mabain ronuma hui thi.
Iske jawab me sahaba kiraam ne yak zuban ho kar arz kiya: Ya Rasool Allah (ﷺ) ham aapke hukum ki baher haal tameel karnge, Aur aapki mansha ke mutabiq faraiz puri zimmedaari se sar anjaam denge, Aap jahan chahain hamain bhej dain,An Hazrat (ﷺ) ne un me se 6 sahaba kiraam ka intaikhab kiya keh Muluk-e-Arab aur Shahan-e-Ajam ki taraf dawati khutut le kar jaaye, Un 6 me se aik hazrat Abdullah bin Huzafah رضی اللہ عنہthe jo Rasool Allah (ﷺ) ka Maktub-e-Giraami laikar faris ke badshah kisra ki taraf rawana huy.
صفحہ 54 اور 55 موجود نہیں
xxxxxxxxxxxxxxxxx
Ye paigaam Muhammad (ﷺ) Allah taala ke Rasool ki jaanib se Azeem-e-Faris kisra ke naam, Salamti ka istehqaaq us ko hai jo hidayat ki raah per chala.
Kisra ne abhi khat ke ye ibtedayi alfaaz hi sune the keh uske seene me Gaiz-o-Gazab ki aag bhadak uthi, Chehra surkh ho gaya aur gardan ke rage phol gayi, Kyukeh Rasool Allah ne khat me apna naam pahle likha tha aur uska baad me, Kisra ne Maglub-ul-Gazab ho kar khat cheen liya aur use purze purze kar diya, Aur bagair ye jaane keh khat me kya likha hai, Cheaikh yun goya hua keh mera gulaam ho kar use ye jarait kaise hui keh mujhe is tarah mukhatib kare phr hukum diya keh hazrat Abdullah bin Huzafah رضی اللہ عنہ ko mery darbar se nikal bahar kiya jaaye, Chunancha unko darbaar se nikal diya gaya.
Hazrat Abdullah bin Huzafah رضی اللہ عنہ Aiwaan-e-Kisra se nikal kar chal diye, Unhain kahin kuch ilm na tha keh ab unke sath Qaza-o-Qadar kiya sulook rawa rakhne wali hai, Unhe qatl kar diya jaiga ya unhe azaad chod diya jaiga.
Us per zyada arsa na guzra tha keh ye kah uthe.
Ba khuda! An hazrat (ﷺ) ka khat pahucha dene ke baad mujhe is baat ki koi parwa nahi keh mere sath kya sulook rawa rakha jaayega, Ye kah kar uontni per sawaar hue aur chal diye, Jab kisra ka gussa thama to usne darbariyon ko hukum diya keh hazrat Abdullah bin Huzafah رضی اللہ عنہ ko mere paas dobara pesh kiya jaaye, Unhone har chand talash kiya magar kahin bhi aapka suraagh na mila, Aakhir me unhe itna pata chala keh woh Jazeerah-e-Aarab se nikal kar kahin aage chale gaye hain, Jab hazrat Abdullah bin Huzafah رضی اللہ عنہ nabi akram (ﷺ) ki Khidmat-e-Aqdas me hazir hue aur bataya keh usne aapke graami naama ko phaad kar phenk diya tha, Us per aap (ﷺ) ne farmaya:
Allah taala uske Qubaye iqtidaar ke purze udaa de.
Udhar Kisra ne yamen main apne naib bazaan naami general ko hukum diya ki hijaaz me jis shakhs ne nabuwat ka ailaan kiya hai, Use giraftaar karne ke liye fauran apne yahan se do aadmi rawana kare, Jo use pakad kar mery darbaar me pesh karain.
Bazaan ne Rasool Allah (ﷺ) ki giraftaari ke liye apne do mazbut general aik khat de kar madina munawara rawana kar diya, Us khat me likha tha keh khat daikhte hi bila takhair unke hamraah Kisra ke darbar me pahuch jaayen, Unhe ye bhi takeed ku keh us shakhs ka puri tarah khoj lagaye aur uske baare me puri puri malumat hasil karain.
Ye dono shakhs tezi se safar karte hue pahle taif pahuchain, Quraish ke chand taajiro se unki mulaqat hui, Unse an hazrat ke baare me dariyaft kiya, Unhone kaha keh woh yasrab me rahte hain, Taaajiro ko jab ye malum hua keh ye to nabi (ﷺ) ko giraftaar krne ke liye jaa rahe hain to woh khushi se pholy na samaye, Shadan-o-Farhan Makkah pahucnh kar quraish ko in alfaz main mubarak baad di: Aye Ahl-e-Quraish! Khush ho jao aur chainn se raho, Ab Kisra ki Muhammad (ﷺ) se than gayi hai aur unko giraftaar karne ke liye apne aadmi rawana kar diye hain, Ab tum uske shar se bach jaoge.
Bazaan ke un dono numaindo ne madina munawara ka rukh kiya, Wahan pahucnh kar nabi ﷺ se mulaqaat ki aur bazaan ka khat aapko pahuchaya aur kaha keh Shahenshah-e-Kisra ne hamare badshah bazaan ko hukum diya hai keh woh aapko pakad kar us ke darbaar me pesh kar de hamain isiliye bheja gaya hai keh aapko apne sath le jaa kar uske hawale kar dain, Agar aap hamari baat maan lete hain to is main aap hi ka bhala hai aur agar aapne hamare sath cahlne se inkar kiya to jaan lijiye keh Kisra ka Jaah-o-Jalaal aur uski giraft bhut mazbut hai, Woh is baat per qatayi qudrat rakhta hai keh tumhain aur aapke sath aapki qaum ko halak kar de, Rasool Allah unke ye backana baatein sun kar muskuraye aur farmaya keh: Aaj to tum apni qiyaam gaah me araam karo kal daikha jaiga, Jab ye dusre din nabi ke paas aaye to pucha keh kya aap Kisra ke darbaar main pesh hone ke liye aamda hain? Uske jawab me nabi (ﷺ) ne irshad farmaya: Kaun Kisra? Sun rakho keh aaj ke baad tum uska chehra kabhi nahi daikh paoge, Allah taala ne use halaak kar diya hai aur uska beta usko qatal karke khud saltanat per qaabiz ho gaya hai.
Un dono ka is khabar ka sunna tha keh Hainraan-o-Shashadar rah gaye aur Khauf-o-Daheshat ke mile jule jazbaat se an hazrat (ﷺ) ki taraf daikhne lage aur kahne lage:
Jo kuch aap kah rahe hain aapko uska yakeeni ilm hai? Kya ye waheshat asar khabar ham Bazaan tak pahucha dain?
Aapne irshaad farmaya: Haan ye sach hai, Iske saath saath ye bhi use bata dena keh Deen-e-Islam ka dairah Kisra ki saltanat tak phail jaiga, Tum agar islam qubool kar lo to ham woh sabhi kuch tumhare hawale kar denge jo ab tumhare paas hai, Goya us surat main tumahri mujudah hukumraani apni qaum per badasatur qayam rahegi.
Ye dono numainde Rasool Allah (ﷺ) se rukhsat ho kar Bazaan ke paas pahuche aur use ye khabar sunayi, Usne sun kar kaha: Hazrat Muhammad (ﷺ) ki ye baat agar durust sabit hui to phr ham unke mutalliq jo raaye qayam karenge woh tum daikh loge, Abhi zyada arsa na guzra tha keh Bazaan ko Kisra ke bete sherwaih ka khat mausul hua jisme ye tahreer tha keh “Main ne Kisra ko maar daala hai aur maara bhi isliye ki apni qaum ka inteqam le sakun, Usne apne Ahed-e-Iqtidaar main meri qaum ke shurafa ka Qatal-e-Aam shuru kiya tha, Yahi nahi usne unki aurato ki be hurmati bhi ki aur unke Maal-o-Daulat ko gazab bhi kiya, Mera ye khat jab tumhare paas pahuche to halqaye bagoshi ikhtiar karna.
Bazaan ne sherwaih ka khat jab padha to khat ko aik taraf phaink diya aur islam ka halqa bagosh ho gaya aur uske sath Bilad-e-Yaman ke tamaam faarsi ul nasal bashinde bhi musalman ho gaye.
Ye to hazrat Abdullah bin Huzafah ki faris ke badshah Kisra ke sath mulakat ki dil chasp dastaan hui, Qaisar-e-Roum ke sath unki mulaqat ki tafseelat kya hain?
Qaisar ke sath aapki mulaqat ka waqia hazrat Umar bin Khattab ke Daur-e-Khilafat main pesh aaya, Ye bhi aik Ajeeb-o-Garerb dastaan hai.
19 hijri me hazrat Umar bin Khattab ne jung ke liye Mujahideen-e-Islam ka aik lashkar rawana kiya jisme hazrat Abdullah bin Huzafah bhi shareaik the, Badshah-e-Room ke paas Lashkar-e-Islam ke mutalliq khabrein barabar pahuch rahi thi aur use malum tha keh Mujahideen-e-Islam pukhta hausly, sachai ke khugar aur Raah-e-Khuda main apni jaanein nisaar karne ke jazba se sarshaar hain. Usne apne faujiyo ko ye hukum de rakha tha keh agar Lashkar-e-Islam me se koi qaidi tmhare haath lage to use zinda pakad kar mere paas le aana.
Allah ka karna aisa hua keh hazrat Abdullah bin Huzafah رضی اللہ عنہ ko roomi fauj ne giraftaar kar liya aur Qaisar ke samne hazir kiya, Use ye bataya keh ham aise shakhs ko giraftaar karkr laaye hain jo Muhammad (ﷺ) ke un sathiyo me se hain, Jinhone sab se pahle Dawat-e-Islam ko qubool kiya.
Jab hazrat Abdullah bin Huzafah رضی اللہ عنہ ko Badshah-e-Room ke samne pesh kiya gaya to usne apko Banzar-e-Gair daikha, Phr kahne laga:
Meri aik tajweez hai.
Hazrat Abdullah ne faramaya: Woh kya?
Usne kaha meri tajweez hai keh aap Esaiyat qubool kar lain, Aapko meri ye tajveez agar manzur hoi to main aapko azaad karunga aur apke sath Izzat-o-Takreem ka mamla rawa rakhunga.
Hazrat Abdullah bin Huzafah رضی اللہ عنہ ne Juarrat-o-Azam ka izhaar karte hue kaha keh ye mumkin hi nahi, Jis chiz ki taraf ap mujhe dawat de rahe hain us se hazaar darja behtar ye hai ki mak mar jaana pasand karun.
Qaisar ne kaha:
Aap mujhe bahadur insaan malum hote hain, Aap meri ye tajweez qubool kar lain to maj aapko apni saltanat me shareaik kar lene per bhi tayyar hun.
Bediyo me jakady huaye qaidi us per muskuraya aur yu goya hua:
Allah ki Qasam! Aap mujhe apni hukumat aur Jazeerat ul arab ki mumlakat de kar bhi ye umeed nahi rakh sakte keh main Deen-e-Muhammad se aik lakht ke liye bhi munharif ho jaun.
Usne gazab naak ho kar kaha:
Main aapko qatal kar dunga.
Aapne farnaya: Aap jo chahain kar daikhain, Iske baad aapko phaansi de dene ka hukum saadir kar diya gaya, Uska hukum ye tha keh Takhta-e-Daar per pa bachulan us shakhs ko is tarah teero ka neeshana lagao keh teer uske haatho ke bilkul qareeb gire aur haatho ko zakhmi kar dain Chunacha uske hukum ke mutabik nishana bandha gaya aur teer chalaya gaya.
Is nazuk aur takleef deh mauqe per Qaisar ne aapko Esaiyat qubool karne ki teesri martaba dawat di lekin aapne saaf inkaar kar diya, Phr usne hukum diya keh ab iske bilkul paawn ke qareeb teer maaro, Is hukum ki bhi tameel ki gayi, Usne is mauqe per bhi islam tark kar dene aur Esaiyat ke halqa bagosh ho jaane ki dawat di, Aapne aisa karne se qatayi inkar kar diya, Bil akhir Qaisar ne hukum diya kwh use Takhtay-e-Daar se neeche utaar do phr aik bhut badi deg mangwayi gayi aur usme teel daal kar neeche aag jala di gayi, Jab teel khaulne laga to usne hukum diya keh musalmaan qaidiyo ko hazir kiya jaaye, Uske hukum ke mutabiq musalmaan qaidi pesh kar diye gaye, Daikhte hi daikhte un me se aik ko khaulte hue teel me phaikne ka hukum diya gaya, Garam aur khaulte hue teel me girte hi uska gosht posht chatakhne laga aur Chashm-e-Zan me khaal hadiyyo se alag ho gayi.
Uske baad hazrat Abdullah bin Huzafah رضی اللہ عنہ ki taraf mutawajja hua aur kahne laga ab bhi mauqa hai Eisiyat qubool kar lo, Aapne pahle se badh kar dawat ko thukraya, Jab Qaisar had darja mayus ho gaya to usne chaar rona chaar unhe khaulte hue teel me phaink dene ka hukum diya, Jab aapko deg ke paas laaya gaya aapki aankhon se be ikhtiyaar aansu tapak pade, Qaisar ke huwariyo ne jab ye daikha to arz ki ke huzoor ye to sach much ro raha hai, Usne gumaan kiya shayad ye us takleef se ghabra gaya hai.
Use mere paas lao, Jab aapko Qaisar ke samne pesh kiya gaya to usne phr aapko teesri martaba Eisaiyat ke samne sar jhukane ki dawat di aapne is baar bhi inkaar kar diya.
Usne tajjub se pucha: Are ye baat thi to tum rote kyun ho?
Aapne jawab me kaha: Meri rone ki wajah ye thi ki ye manzar daikh kar mere dil me kahyal aaya tha keh mere paas to sirf aik hi jaan hai, Kaash mere paas aisi hazaar jaanein hoti aur har jaan ko is khaulte hue teel me daal kar Allah ki raah me qurbaan kar deta.
Us zalim ka ye sunna tha keh Angusht-e-Badinadan ho kar kahne laga: Ab agar tum mere sar ko chum lo to main tumhe azaad karunga.
Hazrat Abdullah رضی اللہ عنہ ne pucha:
kya tum mery sath tamaam musalman qaidiyo ko bhi azaad karoge?
Usne kaha:
Haan! Tamaam musalmaan qaidiyon ko bhi riha kar dunga.
Hazrat Abdullah farmate hain
Main ne apne dil me socha keh agar main is dushman ky sir ko chum lun aur uske badle main ye sab musalman qaidiyo ko riha kar de to is main kya muzaiqa hai?
Phr aap uske qareeb aaye aur uske sir per apna bosa sabat kar diya, Qaisar-e-Room ne Hasb-e-Waada hukum diya keh tamaam musalman qaidiyo ko hazrat Abdullah bin Huzafah ky supard kar dia jauy. Takeh who un ko apny sath ly jain. Rihai pa kar Hazrat Abdullah bin Huzafah رضی اللہ عنہ seedhe hazrat Umar bin khattab رضی اللہ عنہ ki khidmat me hazir hue aur aapko ye saara majra tafseel se kah sunaya. Faruq-e-Aazam رضی اللہ عنہ ne intehayi musarrat ka izhaar farmaya aur kahne lage keh har musalmaan per laazim hai keh woh aagy badh kar Abdullah bin Huzafah رضی اللہ عنہ ke sir ko chum le aur lau me sabse pahle unke sar par bosa deta hun phr aap uthe aur unke sar ka bosa liya.
Hazrat Abullah bin Huzafah رضی اللہ عنہ ke mufassal Halat-e-Zangi janny ky liy dard zial kitabun ka mutala kijiy:
1: Al Isaabah Fi Tamyeez-e-Al Sahabah 2/287-288
2: Al Seerat ul Nabawiyyah Libn-e-Hisham
3: Hayat ul Sahaabha Li Muhammad bin Yusuf Kandahlwi 4
4: Tahzeeb ul Tahzeeb 5/185
5: Imtaa-ul-Ismaa 1/308
6: Husn ul Sahaabah 305
7: Al Muhabbar 77
8: Tarikh ul Islam Allamah Zahabi 2/88
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت عبداللہ بن حذافة السہمی رضی اللہ عنہ
[ہر مسلمان کے لئے ضروری ہے کہ عبداللہ بن حذافہ ؓ کے سر پر بوسہ دے اور میں اس کی ابتدا کرتا ہوں (حضرت عمر فاروق اعظم رضی اللہ عنہ ٗ)]
ہماری داستان کے بطل جلیل صحابہ کرام رضی اللہ عنہم میں سے وہ عظیم المرتبت صحابی ہیں جنہوں نے عبداللہ بن حذافہ السہمی رضی اللہ عنہ کے نام نامی سے یاد کیا جاتا ہے۔ تاریخ کے لیے ممکن تھا کہ وہ ان کے بارے میں بھی تغافل شعاری کا وہی سلوک روا رکھتی، جیسا کہ ہزاروں انسانوں کے بارے میں اس نے رکھا، لیکن اسلامی انقلاب نے حضرت عبداللہ بن حذافہ رضی اللہ عنہ کو موقع عطا کیا کہ اس دور کی دو بڑی طاقتوں سے ملیں یعنی قیصر روم اور شہنشاہ ایران، اور ان سے مل کر ایسی داستان کو جنم دیں اور تاریخ کے اوراق میں ہمیشہ محفوظ رہے۔
فارس کے بادشاہ کسری ٰ سے حضرت عبداللہ بن حزافہ رضی اللہ عنہ کی ملاقات چھ ہجری کو ہوئی جب نبی کریم نے عجمی بادشاہوں کو اسلام کا پیغام دینے کی خاطر خطوط دے کر صحابہ کرام رضی اللہ عنہم کو وفود کی شکل میں مختلف ممالک کی طرف بھیجا۔ رسول اللہ ﷺ کو اس مشن کی اہمیت کا پہلے سے اندازہ تھا۔ یہ قاصد ایسے دور دراز ممالک کی طرف روانہ ہورہے تھے جن کے بارے میں ان کو کوئی تجربہ اور علم نہ تھا۔ صحابہ کرام رضی اللہ عنہم نہ تو ان ممالک کی زبان سے آشنا تھے اور نہ آداب شاہی اور مزاج شاہانہ کے محرم راز ہی تھے۔ اس سے بڑھ کر طرہ یہ ہے کہ ان کی دعوت کا مقصد بادشاہوں کو اپنا اختیار کردہ دین ترک کرنے، سلطانی و حکمرانی سے دستبردار ہونے، اور دائرہ اسلام میں داخل ہونے پر آمادہ کرنا تھا۔
مہم بذات خود بہت خطرناک تھی۔ اس کے معنی تھے کہ اس مہم پر جانے والا ہتھیلی پر جان رکھ کر جائے اور جب کامیابی سے لوٹ آئے تو یوں سمجھے جیسے اس نے نیا جنم لیا ہے۔ معاملہ کی اس اہمیت کے پیش نظر رسول اللہ ؐ نے اپنے صحابہ کرام رضی اللہ عنہم کو جمع کیا اور اللہ سبحانہ وتعالی کی حمد و ثناء کے بعد ارشاد فرمایا:
“میں چاہتا ہوں کہ تم میں سے بعض حضرات کو تبلیغ اسلام کے سلسلہ میں شاہان عجم کی طرف روانہ کروں۔
خبردار! تمہاری جانب سے اس معاملہ میں اختلاف کی وہ نوعیت نہ پیدا ہونے پائے جو حضرت عیسیٰ علیہ السلام اور بنی اسرائیل کے مابین رونما ہوئی تھی۔”
اس کے جواب میں صحابہ کرام رضی اللہ عنہم نے یک زباں ہو کر عرض کیا: “یارسول اللہ ﷺ! ہم آپ کے حکم کی بہر حال تعمیل کریں گے اور آپ کی منشا کے مطابق فرائض پوری ذمہ داری سے سرانجام دیں گے آپ جہاں چاہیں ہمیں بھیج دیں۔” آنحضرت ؐ نے ان میں سے چھ صحابہ کرام رضی اللہ عنہم کا انتخاب کیا کہ ملوک عرب اور شاہان عجم کی طرف دعوتی خطوط لے کر جائیں۔ ان چھ میں سے ایک حضرت عبداللہ بن حزافہ رضی اللہ عنہ بھی تھے جو رسول اللہ ؐ کا مکتوب گرامی لے کر فارس کے بادشاہ کسری ٰ کی طرف روانہ ہوئے۔
حضرت عبداللہ بن حزافہ رضی اللہ عنہ نے اپنی سواری تیار کی بیوی بچوں کو الوداع کہا اور تنہا صحراؤں اور میدانوں کو طے کرتے ہوئے سرزمین فارس میں پہنچے۔ بادشاہ سے ملاقات کی اجازت طلب کی اور درباریوں کو مکتوب گرامی کی اہمیت سے آگاہ کیا۔ اس مرحلہ پر شاہ ایران نے ان کی آمد کی خبر سن کر شاہی دربار کو آراستہ کرنے کا حکم دے دیا اور اس سلسلہ میں ایک خصوصی اجلاس طلب کر لیا اور زعمائے فارس کو اس اجلاس میں شریک ہونے کا حکم دیا۔ اس اہتمام کے بعد حضرت عبداللہ بن حزافہ رضی اللہ عنہ کو دربار میں آنے کی اجازت دی۔
حضرت عبداللہ بن حزافہ رضی اللہ عنہ شاہ ایران کے دربار میں اس کیفیت سے در آئے کہ انھوں نے ایک معمولی چادر زیب بدن کر رکھی تھی جس سے عربوں کی سادگی صاف طور پر جھلک رہی تھی، آپ کا سر بڑا اور جسم گھٹا ہوا تھا۔
اسلام کی عزت و وقار کے شعلے دل میں بھڑک رہے تھے اور اسی طرح ایمان کی عظمت و بلندی دل کی گہرائیوں میں دمک رہی تھی اور کسری ٰنے جب انہیں اپنی طرف آتے ہوئے دیکھا تو حاشیہ نشینوں میں سے ایک کو اشارة کہا کہ وہ ان سے خط پکڑے۔ ایوان میں سے ایک شخص نے آگے بڑھ کر جب ان سے خط لینا چاہا تو آپ نے فرمایا:
یہ نہیں ہوسکتا۔ رسول اللہ ؐ نے مجھے حکم دیا ہے کہ میں یہ خط براہِراست کسری ٰکے ہاتھ میں تھماؤں۔ میں رسول اللہ ؐ کی حکم عدولی کی جرأت ہرگز نہیں کرسکتا۔
یہ دیکھ کر کسری نے حکم دیا: “اسے چھوڑ دو اور میرے پاس آنے دو”۔ جب حضرت عبداللہ بن حزافہ رضی اللہ عنہ کسری ٰکے قریب آئے تو اس نے آپ کے ہاتھ سے خط وصول کیا اور اہل حیرہ کے عربی ترجمان سے کہا کہ اس خط کو کھولے اور اس کے مندرجات پڑھ کر مجھے سنائے۔
مکتوب گرامی کا آغاز ان الفاظ سے ہوا تھا:
” *من محمد رسول اللہ الی کسری عظیم فارس سلام علی من اتبع الھدی*”
“یہ پیغام محمد ﷺ اللہ تعالی کے رسول کی جانب سے عظیم فارس کسری کے نام۔ سلامتی کا استحقاق اس کو ہے جو ہدایت کی راہ پر چلا۔”
کسری ٰنے ابھی خط کے یہ ابتدائی الفاظ ہی سنے تھے کہ اس کے سینے میں غیظ و غضب کی آگ بھڑک اٹھی۔ چہرہ سرخ ہو گیا اور گردن کی رگیں پھول گئیں، کیونکہ رسول اللہ ؐ نے خط میں اپنا نام پہلے لکھا تھا اور اس کا بعد میں۔ کسری ٰنے مغلوب الغضب ہو کر خط چھین لیا اور اسے پرزے پرزے کردیا اور بغیر یہ جانے کہ خط میں کیا لکھا ہے۔چیخ کر یوں گویا ہوا کہ میرا غلام ہو کر اسے یہ جرأت کیسے ہوئی کہ مجھے اس طرح مخاطب کرے پھر حکم دیا کہ حضرت عبداللہ بن حزافہ رضی اللہ عنہ کو میرے دربار سے نکال باہر کیا جائے،چنانچہ ان کو دربار سے نکال دیا گیا۔
حضرت عبداللہ بن حزافہ رضی اللہ عنہ ایوان کسری ٰسے نکل کر چل دیئے۔ انہیں کہیں کچھ علم نہ تھا کہ اب ان کے ساتھ قضا و قدر کیا سلوک روا رکھنے والی ہے۔ انہیں قتل کر دیا جائے گا یا انہیں آزاد چھوڑ دیا جائے گا۔
اس پر زیادہ عرصہ نہ گزرا تھا کہ یہ کہہ اٹھے:
“بخدا آنحضرت ﷺ کا خط پہنچا دینے کے بعد مجھے اس بات کی کوئی پروا نہیں کہ میرے ساتھ کیا سلوک روا رکھا جائے گا”، یہ کہہ کر اونٹنی پر سوار ہوئے اور چل دئیے۔ جب کسری ٰکا غصہ تھما تو اس نے درباریوں کو حکم دیا کہ حضرت عبداللہ بن حزافہ رضی اللہ عنہ کو میرے پاس دوبارہ پیش کیا جائے۔ انہوں نے ہرچند تلاش کیا مگر کہیں بھی آپ کا سراغ نہ ملا۔ آخر میں اتنا پتہ چلا کہ وہ جزیرةالعرب سے نکل کر کہیں آگے چلے گئے ہیں۔ جب حضرت عبداللہ بن حزافہ رضی اللہ عنہ نبی اکرم ﷺ کی خدمت اقدس میں حاضر ہوئے اور بتایا کہ اس نے آپ کے گرامی نامہ کو پھاڑ کر پھینک دیا تھا اس پر آپ ﷺ نے فرمایا:
“اللہ تعالی اس کی قبائے اقتدار کے پرزے اڑا دے۔”
ادھر کسری ٰنے یمن میں اپنے نائب باذان نامی جرنیل کو حکم دیا کہ حجاز میں جس شخص نے نبوت کا اعلان کیا ہے، اسے گرفتار کرنے کے لیے فوراً اپنے ہاں سے دو آدمی روانہ کرے، جو اسے پکڑ کر میرے دربار میں پیش کریں۔
باذان نے رسول اللہ ﷺ کی گرفتاری کے لیے اپنے دو مضبوط جرنیل ایک خط دے کر مدینہ منورہ روانہ کر دیئے۔ اس خط میں لکھا تھا کہ خط دیکھتے ہی بلا تاخیر ان کے ہمراہ کسری ٰکے دربار میں پہنچ جائیں۔ انھیں یہ بھی تاکید کی کہ اس شخص کا پوری طرح کھوج لگائیں اور اس کے بارے میں پوری پوری معلومات حاصل کریں۔
یہ دونوں شخص تیزی سے سفر کرتے ہوئے پہلے طائف پہنچے۔ قریش کے چند تاجروں سے ان کی ملاقات ہوئی۔ ان سے آنحضرت ؐ کے بارے میں دریافت کیا۔ انہوں نے کہا کہ وہ یثرب میں رہتے ہیں۔ تاجروں کو جب یہ معلوم ہوا کہ یہ تو نبی علیہ السلام کو گرفتار کرنے جارہے ہیں تو وہ خوشی سے پھولے نہ سمائے۔ شاداں و فرحاں مکہ پہنچ کر قریش کو ان الفاظ میں مبارکباد دی: اے اہل قریش! خوش ہو جاؤ اور چین سے رہو، اب کسری ٰکی محمد ﷺ سے ٹھن گئی ہے اور ان کو گرفتار کرنے کے لئے اپنے آدمی روانہ کر دئیے ہیں۔ اب تم اس کے شر سے بچ جاؤ گے۔
باذان کے ان دونوں نمائندوں نے مدینہ منورہ کا رخ کیا۔ وہاں پہنچ کر نبی علیہ السلام سے ملاقات کی اور باذان کا خط آپ کو پہنچایا اور کہا کہ: “شہنشاہ کسری ٰنے ہمارے بادشاہ باذان کو حکم دیا ہے کہ وہ آپ کو پکڑ کر اس کے دربار میں پیش کر دے ہمیں اسی لیے بھیجا گیا ہے کہ آپ کو اپنے ساتھ لے جا کر اس کے حوالے کر دیں۔ اگر آپ ہماری بات مان لیتے ہیں تو اس میں آپ ہی کا بھلا ہے اور اگر آپ نے ہمارے ساتھ چلنے سے انکار کیا تو جان لیجئے کہ کسری ٰکا جاہ و جلال اور اس کی گرفت بہت مضبوط ہے۔ وہ اس بات پر قطعی قدرت رکھتا ہے کہ تمہیں اور آپ کے ساتھ آپ کی قوم کو ہلاک کر دے۔” رسول اللہ ﷺ ان کی یہ بچگانہ باتیں سن کر مسکرائے اور فرمایا ۔ کہ آج تو تم اپنی قیام گاہ میں آرام کرو، کل دیکھا جائے گا۔ جب دوسرے دن یہ نبی علیہ السلام کے پاس آئے اور پوچھا: “کیا آپ کسری ٰکے دربار میں پیش ہونے کے لیے آمادہ ہیں۔ اس کے جواب میں نبی علیہ السلام نے ارشاد فرمایا: “کون کسری ٰ؟ سن رکھو کہ آج کے بعد تم اس کا چہرہ کبھی نہیں دیکھ پاؤ گے۔ اللہ تعالٰی نے اسے ہلاک کر دیا ہے اور اس کا بیٹا اس کو قتل کر کے خود سلطنت پہ قابض ہو گیا ہے۔”
ان دونوں کا اس خبر کا سننا تھا کہ حیران و ششد رہ گئے اور خوف و وحشت کے ملے جلے جذبات سے آنحضرت ؐ کی طرف دیکھنے لگے اور کہنے لگے۔
“جو کچھ آپ کہہ رہے ہیں، کیا اس کا آپ کو یقینی علم ہے؟ کیا یہ وحشت اثر خبر ہم باذان تک پہنچا دیں؟”
آپ نے ارشاد فرمایا: “ہاں یہ سچ ہے۔ اس کے ساتھ ساتھ یہ بھی اسے بتا دینا کہ دین اسلام کا دائرہ کسری ٰکی سلطنت تک پھیل جائے گا۔ تم اگر اسلام قبول کر لو، تو ہم وہ سبھی کچھ تمہارے حوالے کر دیں گے جو اب تمہارے پاس ہے گویا اس صورت میں تمہاری موجودہ حکمرانی اپنی قوم پر بدستور قائم رہے گی۔
یہ دونوں نمائندے رسول اللہ سے رخصت ہو کر باذان کے پاس پہنچے اور اسے یہ خبر سنائی۔ اس نے سن کر کہا: “حضرت محمد ﷺ کی یہ بات اگر درست ثابت ہوئی تو پھر ان کے نبی ہونے میں کوئی شبہ نہیں، لیکن اگر یہ بات صحیح ثابت نہ ہوئی تو پھر ہم ان کے متعلق جو رائے قائم کریں گے وہ تم دیکھ لو گے”۔ ابھی زیادہ عرصہ نہ گزرا تھا کہ باذان کو کسری ٰکے بیٹے شیرویہ کا خط موصول ہوا جس میں یہ تحریر تھا “میں نے کسری ٰ کو مار ڈالا ہے اور مارا بھی اسی لیے ہے کہ اپنی قوم کا انتقام لے سکوں۔ اس نے اپنے عہد اقتدار میں میری قوم کے شرفاء کا قتل عام شروع کیا تھا۔ یہی نہیں اس نے ان عورتوں کی بےحرمتی بھی کی اور ان کے مال و دولت کو غضب بھی کیا۔ میرا یہ خط جب تمہارے پاس پہنچے تو تم میری حلقہ بگوشی اختیار کرنا”۔
باذان نے شیرویہ کا خط جب پڑھا تو خط کو ایک طرف پھینک دیا اور اسلام کا حلقہ بگوش ہو گیا اور اس کے ساتھ بلادیمن کے تمام فارسی النسل باشندے بھی مسلمان ہو گئے۔
یہ تو حضرت عبداللہ بن حزافہ رضی اللہ عنہ کی فارس کے بادشاہ کسری ٰکے ساتھ ملاقات کی دلچسپ داستان ہوئی۔ قیصر روم کے ساتھ ان کی ملاقات کی تفصیلات کیا ہیں؟
قیصر کے ساتھ آپ کی ملاقات کا واقعہ حضرت عمر بن خطاب رضی اللہ تعالی عنہ کے دور خلافت میں پیش آیا۔ یہ بھی ایک عجیب و غریب داستان ہے۔
19ہجری میں حضرت عمر بن خطاب رضی اللہ عنہ نے جنگ کے لیے مجاہدین اسلام کا ایک لشکر روانہ کیا جس میں حضرت عبداللہ بن حزافہ رضی اللہ عنہ بھی شریک تھے۔ بادشاہ روم کے پاس لشکر اسلام کے متعلق خبریں برابر پہنچ رہی تھیں اور اسے معلوم تھا کہ مجاہدین اسلام پختہ حوصلے، سچائی کے خوگر اور راہ خدا میں اپنی جانیں نثار کرنے کے جذبہ سے سرشار ہیں۔ اس نے اپنے فوجیوں کو یہ حکم دے رکھا تھا کہ اگر لشکر اسلام میں سے کوئی قیدی تمہارے ہاتھ لگے تو اسے زندہ پکڑ کر میرے پاس لے آنا۔
اللہ کا کرنا ایسا ہوا کہ حضرت عبداللہ بن حزافہ رضی اللہ عنہ کو رومی فوج نے گرفتار کر لیا اور قیصر کے سامنے حاضر کیا۔ اسے یہ بتایا کہ ہم ایسے شخص کو گرفتار کرکے لائے ہیں جو محمد ؐ کے ان ساتھیوں میں سے ہے جنہوں نے سب سے پہلے دعوت اسلامی کو قبول کیا۔
جب حضرت عبداللہ بن حزافہ رضی اللہ عنہ کو بادشاہ روم کے سامنے پیش کیا گیا تو اس نے آپ کو بنظر غائر دیکھا۔ پھر کہنے لگا:
“میری ایک تجویز ہے۔”
حضرت عبداللہ نے فرمایا: “وہ کیا؟”
اس نے کہا: “میری تجویز ہے کہ آپ عیسائیت قبول کر لیں۔ آپ کو میری یہ تجویز اگر منظور ہو تو میں آپ کو آزاد کر دوں گا اور آپ کے ساتھ عزت و تکریم کا معاملہ روا رکھوں گا۔”
حضرت عبداللہ بن حزافہ رضی اللہ عنہ نے جرأت و عزم کا اظہار کرتے ہوئے کہا: “یہ ممکن ہی نہیں، جس چیز کی طرف آپ مجھے دعوت دے رہے ہیں، اس سے ہزار درجہ یہ بہتر ہے کہ میں مر جانا پسند کروں۔”
قیصر نے کہا:
“آپ مجھے بہادر انسان معلوم ہوتے ہیں۔ آپ میری یہ تجویز قبول کر لیں تو میں آپ کو اپنی سلطنت میں شریک کر لینے پر بھی تیار ہوں۔”
بیڑیوں میں جکڑا ہوا یہ قیدی اس پر مسکرایا اور یوں گویا ہوا:
“اللہ کی قسم: آپ مجھے اپنی حکومت اور جزیرةالعرب کی مملکت دے کر بھی یہ امید نہیں رکھ سکتے کہ میں دین محمد ﷺ سے ایک لحظہ کے لیے بھی منحرف ہو جاؤں۔”
اس نے غضبناک ہو کر کہا:
“میں آپ کو قتل کر دوں گا۔”
آپ نے فرمایا: “آپ جو چاہیں کر دیکھیں۔”
اس کے بعد آپ کو پھانسی دے دینے کا حکم صادر کر دیا گیا اس کا یہ حکم تھا کہ تختہ دار پرپا بجولاں اس شخص کو اس طرح تیروں کا نشانہ لگاؤ کہ تیر اس کے ہاتھوں کے بالکل قریب گریں اور ہاتھوں کو زخمی کر دیں، چنانچہ اس کے حکم کے مطابق نشانہ باندھا گیا اور تیر چلایا گیا۔
اس نازک اور تکلیف دہ موقعہ پر قیصر نے آپ کو عیسائیت قبول کرنے کی تیسری مرتبہ دعوت دی، لیکن آپ نے صاف انکار کر دیا۔ پھر اس نے حکم دیا کہ اب اس کے بالکل پاؤں کے قریب تیر مارو۔ اس حکم کی بھی تعمیل کی گئی۔ اس نے اس موقعہ پر بھی اسلام کو ترک کر دینے اور عیسائیت کے حلقہ بگوش ہو جانے کی دعوت دی۔ آپ نے ایسا کرنے سے قطعی انکار کر دیا۔ بالآخر قیصر نے حکم دیا کہ اسے تختہء دار سے نیچے اتار دو۔ پھر ایک بہت بڑی دیگ منگوائی گئی اور اس میں تیل ڈال کر نیچے آگ جلا دی گئی، جب تیل کھولنے لگا تو اس نے حکم دیا کہ مسلمان قیدیوں کو حاضر کیا جائے۔ اس کے حکم کے مطابق دو مسلمان قیدی پیش کر دئیے گئے۔ دیکھتے ہی دیکھتے ان میں سے ایک کو کھولتے ہوئے تیل میں پھینک دینے کا حکم دیا۔ گرم اور کھولتے ہوئے تیل میں گرتے ہی اس کا گوشت پوست چٹخنے لگا اور چشم زون میں کھال ہڈیوں سے الگ ہو گئی۔
اس کے بعد وہ حضرت عبداللہ بن حزافہ رضی اللہ عنہ کی طرف متوجہ ہوا اور کہنے لگا اب بھی موقعہ ہے عیسائیت کو قبول کر لو۔ آپ نے پہلے سے بڑھ کر دعوت کو ٹھکرا دیا۔ جب قیصر حد درجہ مایوس ہو گیا تو اس نے چاروناچار انہیں کھولتے ہوئے تیل میں پھینکنے کا حکم دے دیا۔ جب آپ کو دیگ کے پاس لایا گیا تو آپ کی آنکھوں سے بےاختیار آنسو ٹپک پڑے۔ قیصر کے حواریوں نے جب یہ دیکھا تو عرض کی کہ حضور یہ تو سچ مچ رو ہا ہے۔ اس نے گمان کیا شاید یہ اس تکلیف سے گھبرا گیا ہے۔
اسے میرے پاس لاؤ۔ جب آپ کو قیصر کے سامنے پیش کیا گیا تو اس نے پھر آپ کو تیسری مرتبہ عیسائیت کے سامنے سر جھکا دینے کی دعوت دی۔ آپ نے اس بار بھی انکار کردیا۔
اس نے تعجب سے پوچھا: “ارے یہ بات تھی تو تم روتے کیوں تھے؟”
آپ نے جواب میں کہا: “میرے رونے کی وجہ یہ تھی یہ منظر دیکھ کر میرے دل میں خیال آیا تھا کہ میرے پاس تو صرف ایک ہی جان ہے۔ کاش میرے پاس ہزارہا ایسی جانیں ہوتیں اور ہر جان کو اس کھولتے ہوئے تیل میں ڈال کر اللہ کی راہ میں قربان کر دیتا۔”
اس ظالم کا یہ سننا تھا کہ انگشت بدنداں ہو کر رہ گیا، کہنے لگا: “اب اگر تم میرے سر کو چوم لو تو میں تمہیں آزاد کر دوں گا۔”
حضرت عبداللہ رضی اللہ عنہ نے پوچھا:
“کیا تم میرے ساتھ تمام مسلمان قیدیوں کو بھی آزاد کر دو گے؟”
اس نے کہا:
“ہاں! میں تمام مسلمان قیدیوں کو بھی رہا کر دوں گا۔”
حضرت عبداللہ رضی اللہ عنہ فرماتے ہیں۔
“میں نے اپنے دل میں سوچا کہ اگر میں اس دشمن دیں کے سر کو چوم لوں اور اس کے بدلے میں یہ تمام مسلمان قیدیوں کو رہا کر دے تو اس میں کیا مضائقہ ہے۔”
پھر آپ اس کے قریب آئے اور اس کے سر پر اپنا بوسہ ثبت کردیا۔ قیصر روم نے حسب وعدہ حکم دیا کہ تمام مسلمان قیدیوں کو حضرت عبداللہ بن حزافہ رضی اللہ عنہ کے سپرد کر دیا جائے۔ تاکہ وہ ان کو اپنے ساتھ لے جائیں۔ رہائی پا کر حضرت عبداللہ بن حزافہ رضی اللہ عنہ سیدھے حضرت عمر بن خطاب رضی اللہ عنہ کی خدمت میں حاضر ہوئے اور آپ کو یہ سارا ماجرا تفصیل سے کہہ سنایا۔ فاروق اعظم رضی اللہ عنہ نے انتہائی مسرت کا اظہار فرمایا اور کہنے لگے کہ “ہر مسلمان پر لازم ہے کہ وہ آگے بڑھ کر عبداللہ بن حزافہ رضی اللہ عنہ کے سر کو چوم لے اور لو میں سب سے پہلے ان کے سر پر بوسہ دیتا ہوں۔” پھر آپ اٹھے اور ان کے سر کا بوسہ لیا۔
حضرت عبداللہ بن حزافہ رضی اللہ عنہ کے مفصل حالات زندگی معلوم کرنے کے لیے درج ذیل کتابوں کا مطالعہ کریں۔
۱ ۔ الاصابتہ فی تیمیز الصحابہ ۲۸۷/۲_۲۸۸
۲۔السیرة النبویتہ لابن ھشام
۳ ۔ حیات الصحابہ لمحمد یوسف کاندھلوی ۴ /
۴۔تھذیب التھذیب ۱۸۵/۵
۵۔امتاع الاسماع ۳۰۸/۱
۶۔حسن الصحابہ ۳۰۵
۷۔المجر ۷۷
۸۔تاریخ الاسلام علامہ ذھبی ۸۸/۲
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”