30. Hazrat Abu Sufyan bin Harish (رضی اللہ عنہ)
Hazrat Abu Sufyan bin Harish (رضی اللہ عنہ)
Abu Sufyan jannat ke nojawanon ka sardaar hai.
Farmaan nabawi ﷺ
Lohay ki zanjeer ki do kadion kay darmiyan kam hi is qader mazbooti aur qurb peda hoa ho ga jis qader Rasool-e-Aqdas ﷺ aur Abuu Sufyan bin Haris رضی اللہ عنہ ke bahami Rawabit-o-Taluqaat Mazboot-o-Mustahkam thay.
Abu Sufyan Rasool-e-Aqdas ﷺ ke Ham Umar thay, Yeh Nabi Akram ﷺ kay chacha zaad bhai thay is tarhan keh un ka baap Haris aur Rasool-e-Aqdas ﷺ kay waalid Majid Abdullah dono haqeeqi bhai thay aur Abdul Mutlib ki aulaad main un dono ko numaaya hasiyat haasil thi, Aur yeh Nabi-e-Akram ﷺ kay razaai bhai bhi thay. Woh is tarhan keh daai Halimah Sadia ne dono ko aik sath doodh pilaya tha, Hazoor ﷺ ko nabuwat milnay se pehlay yeh aap kay baday gehray dost thay, Shakal-o-Shabahat bhi aap se millti julti thi, Aap ne aisi qurbat dekhi aur nah suni hogi, Jo Abu Sufyan bin Haris aur Rasool-e-Aqdas ﷺ kay darmiyan payi jati thi.
Is pas manzar main ghaalib imkaan yahi hona chahiye tha keh yeh sab se pehlay Rasool-e-Aqdas ﷺ ki dawat par labbaik kehte hue aap ki itaat qubool kar letay, Lekin inhon ne bilkul iskay bar aks Tarz-e-Amal ikhtiyar kya.
Jab Rasool-e-Aqdas ﷺ ne sab se pehlay apne khaandan kay samnay deen ki dawat paish ki aakhirat se unhen darana shuru kia to Abu Sufyan bin Haris ke dil main Keena-o-Bughz ki aag bhadak uthi.
Jab kabhi Quraish ne Rasool-e-Aqdas ﷺ kay muqablay main aanay ka iradah kia, Mauqa ko Ghanimat jantay hue Abu Sufyan ne jalti par tail daalnay ka muzaahara karte hue ladai ki aag ko badhaya. Jab kabhi Quraish ne musalmanoon ko kisi aziat main mubtala kya, Abu Sufyan ne us main badh chadh kar hissa liya.
Aik dafaa Abu Sufyan kay Zamana-e-Jahliat ke shaiarana zhen ne usay is baat par uksaya keh woh Rasool-e-Aqdas ﷺ kay khilaaf harzah saraai kere lihaza us ne aap ki hiju main nihayat hi be hooda qisam ke shair kahe.
Abu Sufyan ki Rasool-e-Akram ﷺ ke sath adaawat ka daur bees saal par mushtamil hai, Is douraan aap ko gazand pohanchanay kay liye us ne har harba istemaal kya aur musalmanoon ko izaa rasani main koi Daqeeqa-e-Faro gazasht nah kya.
Fatah Makkah se thoda hi arsa pehlay Abu Sufyan ki taraf khat likha gaya aur is main usay islaam qubool karne ki dawat di gayi, Un kay islaam laane ki bhi Ajeeb-o-Ghareeb daastaa’n hai jo seerat aur tareekh ki kitabon main ab tak mahfooz hai.
Ham yeh kahaani Abu Sufyan hi ki zabani sunaate hain, Kyunkeh woh apne Suhoor-o-Ahsasat ki roshni main behtar tor par apne islaam laane ki manzar kashi kar saktay hain.
Bayan karte hain keh jab Deen-e-Islaam mustahkam ho gaya, Aur us ne logon kay dilon main jagah bana li, Rasool-e-Aqdas ﷺ ki Makkah Muazmah par chadhaai ki khabar aam phail gayi to mujh par zameen apni kushadgi kay bawajood tang ho gayi, Main ne socha ab main kahan jaoon ga? Kis ka sath ikhtiyar karoon ga?
Phir main apne biwi bachon ke paas aaya, Un se kaha: Makkah se bhaag nikalny ke liye foran tayyaar ho jao Muhammad ﷺ apne lashkar ke sath anqareeb fatihana andaaz main Makkah Muazzama main daakhil ho rahay hain, Musalmanoon ne aakar mujhe pakad liya to yaqeenan woh mujhe qatal kar dein gain.
Ahal-e-Khanah ne meri baatein ghor se sun kar kaha:
Kia aap nahi dekh rahay ke Arab-o-Ajm ne Hazrat Muhammad ﷺ ki itaat qubool karli hai aur un ke deen ko qubool kar liya hai, Aik aap hain keh apni adaawat, Zid aur hatt dharmi par datay hue hain halaankeh nabuwat se pehlay aap un kay ghamgusaar aur muaawin thay.
Ahal-e-Khanah musalsal Deen-e-Muhammad ﷺ ki taraf raghbat dilaatey rahay, Yahan tak keh Allah Ta’alaa ne islaam kau liye mera seenah khol diya.
Main wahan se utha aur apne ghulam se kaha meri uontni aur ghoda tatyaar kardo main ne apne betay Jaffer ko hamrah liyaaur Ham taiz raftaari se Abwa bastii ki jaanib chal niklay, Yeh bastii Makkah aur madinah kay darmiyan waqay thi. Mujhe yeh bataaya gaya ke Hazrat Muhammad ﷺ ne isi bastii main padao kya hai, Jab main basti ke qareeb pouncha to main ne apna bhais badal liya taakeh koi mujhe pehchan nah sakay, Mere jee main aaya keh agar kisi ne mujhe pehchan liya to main Rasool-e-Aqdas ﷺ ke paas pounchanay se pehal hi qatal kar diya jaoon ga, Abhi Abwa basti aik mil door thi keh main ne paidal chalna shuru kar diya, Musalmanoon kay qaafiley Makkah mukarma ki jaanib rawan dawaan thay, Main ne un se dartay hue raasta badal liya mabada keh koi mujhe pehchan nah lay.
Achanak main kia daikhta hon ke Rasool-e-Aqdas ﷺ samnay apni sawaari par namudaar hue to main dod kar aap kay samnay ja khada hoa, Chahrey se naqaab uthaya, Aap ne dekhte hi mujhe pehchan liya lekin aap ne nazrain phair lein aur chehra mubarak doosri taraf kar liya main bhi pehlu badal kar dobarah aap kay samnay aa khada hoa, Aap ne phir apna rukh tabdeel kar liya aur yeh amal aap ne kayi martaba dohraaya.
Jab main Nabi Akram ﷺ ki taraf aa raha tha, Mere dil main zarra baraabar shak nah tha keh aap mere islaam qubool karne se khush hon ge aur aap ke sahaba رضی اللہ عنہم bhi khush hon ge, Lekin musalmanoon ne jab Rasool-e-Aqdas ﷺ ka mere sath be rukhi ka andaaz dekha to unhon ne bhi apne tewar chadha liye aur sab hi ne mere sath be aitnai barti. Hazrat Abu Bakar رضی اللہ عنہ un kay bhi tewar badlay hue thay, Umar bin Khattaab رضی اللہ عنہ nazar aaye woh un se bhi ziyada ghazabnak dikhayi day rahay thay, Balkeh unhon ne mere khilaaf aik ansaari ko uksaya to us ne mujhe jali kati sunani shuru kar di, Kehnay laga:
Aey dushman Khuda!! To wohi hai jis ne Rasool-e-Aqdas ﷺ aur un kay sahabah رضی اللہ عنہم ko aziat pohanchai, To ne Aap ﷺ ki adawat main aidi chouti ka zor lagaya, Yeh ansaari mujhe musalsal buland aawaz se daant pilaaye ja raha tha. Aur musalman kinakhyon se meri durgat banti dekh rahay thay, Itnay main mujhe mere chacha Abbas nazar aaye, Main ne jhapat kar un ka daman pakda aur iltija ki: Chacha jaan! Meri madad kijiye, Mera yeh khayaal tha keh Rasool-e-Aqdas ﷺ mere islaam qubool karne se khush hon ge, Lekin mera jo haal ho raha hai, Aap dekh rahay hain aap hi un se sifarish karen ke az Raah-e-Karam mujhe maaf kar dain, Meri iltija sun kar chacha Abbas bolay:
Ba Khuda! Main to kisi munaasib waqt par hi Rasool-e-Aqdas ﷺ se baat kar sakun ga kyunkeh main ne Bachshm-e-Khud dekha keh Hazoor ﷺ tum se bohat ziyada dil bardashta hain, Sachi baat hai mere dil par un ka bohat ziyada Roab -o-Dabdaba hai.
Main ne arz ki: Chacha jaan aap ne bhi meri madad nah ki to mera kya banay ga? Main kahan sir chupaaon?
Woh bolay main kuch nahi kar sakta.
Chacha jaan ki yeh be rukhi dekh kar kuch nah puchiye keh mujh par kya beeti? Main Gham-o-Andoh kay maaray nidhaal ho gaya, Thodi hi der baad mujhe mere chacha zaad bhai Ali bin Abi Taalib رضی اللہ عنہ dikhayi diye main ne un se kaha keh aap hi is mushkil waqt main mera sath dain, Meri madad karain, Yahan koi bhi meri sunnney wala nahi, To unhon ne bhi mujhe chacha Abbas رضی اللہ عنہ jaisa jawab diya main dobarah chacha Abbas ki taraf palta aur arz ki: Chacha jaan agar aap yeh nahi kar saktay ke Rasool-e-Aqdas ﷺ ka dil mujh par naram ho jaye kam az kam is ansaari ko rok dain jo Mujhe kaafi der se be nuqat sunaae ja raha hai, Aur logon ko mere khilaaf bhadka raha hai. Unhon ne poocha woh kon hai? Main ne bataya Numan bin Haris bukhari hai. Chacha jaan ne us ki taraf peghaam bheja aur kaha: Dekho Noman! Yeh Abu Sufyan Rasool-e-Aqdas ﷺ ka chacha zaad bhai hai aur mere haqeeqi bhai ka Lakht-e-Jigar hai, Agar aaj Hazoor ﷺ is par naraaz hain to kal raazi ho jayen ge, Aap is kay khilaaf apni zabaan band karen. Chacha jaan ki baat sun kar woh mujhe bura bhala kehnay se baz aa gaya.
Jab Rasool-e-Aqdas ﷺ Juhfa maqam par farokash hoye khaimay nasab kar diye gaye. Aap apne khaimay main daakhil hoye main intehai Aajzi-o-Inkisaari ke sath bahar khaimay ki dehleez par baith gaya, Mere paas mera beta Jaffar khada raha, Khaimay se nikaltay hoye jab Aap ﷺ ne mujhe dekha nafrat ka izhaar karte hoye apna roye mubarak doosri taraf karliya, Lekin main ne himmat nah haari, Musalsal aap ko raazi karne ke liye koshan raha rastay main jahan bhi aap padao karte. Main aap ke khaimay ke bahar miskeen ban kar baith jata aur mera beta Jaffar mere paas khada rehta. Aap joun hi mujhe dekhte nafrat se chehra anwar doosri taraf phair letay yeh silsila kaafi arsay tak jaari raha jab mere liye Arsa-e-Hayaat tang ho gaya main ne apni biwi se kaha:
Ba Khuda! Yaa to Rasool Allah ﷺ mujh par raazi ho jayen gain warna main aur mera beta undhay mun zameen par bhukay piyase letey rahen ge, Yahan tak keh hamaari mout waqay ho jaae. Jab meri yeh haalat Rasool-e-Aqdas ﷺ ko maloom hui, Aap ke dil main riqqat peda hui, Aap apne khaimay se bahar aay, Mujhe shafqat bharay andaaz se dekha, Mere jee main aaya kash ke aap muskura dain.
Rasool-e-Aqdas ﷺ Makkah Muazzama main fatihaana andaaz main daakhil hoye main aap ki rikaab pakday hue tha, Jab aap Bait Ullah ki taraf chalay main bhi aap ke aagay agay dodta hoa chala gharz yeh ke aap jidhar ka rukh karte main bhi kisi soorat aap se judda nah hota.
Ghazwah-e-Hunain main Rasool-e-Aqdas ﷺ kay khilaaf Arab ne apni poori qowat mujtma kar di aur aap ke muqablay ke liye itni zabardast tayyaari ki keh is se pehlay kabhi aisi tayari nah ki thi, Kuffaar ne yeh pukhta azm kar liya tha keh is dafaa musalmanoon par aik faisla kin zarb lagaai jaye, Rasool-e-Aqdas ﷺ dushman se bar Sar-e-Pekaar honay ke liye apne jaan nisaar sahaba رضی اللہ عنہم ko le kar sarbakf Maidan-e-Car-e-Zaar ki taraf niklay to main bhi sath ho liya jab mujhe mushrikeen ka Jamm-e-Gghafeer dikhaayi diya main ne dil main kaha: Khuda ki qasam! Aaj main saaray dhoney dho dun ga Rasool-e-Aqdas ﷺ aaj carkardagi dekh kar yaqeenan khush ho jayen ge, Mujhe Ummeed-e-Wasiq hai keh aaj Khuda Ta’alaa bhi mujh par raazi ho jaye ga jab dono foujon main ghmsaan ka run pada pehlay marhalay main mushrikeen ka palla bhaari ho gaya. Woh musalsal musalmanoon ko rondte hue agay badhatay jaa rahay thay, Musalmanoon ke paon ukhad gaye, Qareeb tha keh yeh shikast faash se dochar hotay achanak main kia daikhta hon keh Rasool-e-Aqdas ﷺ Maidan-e-Carzaar main apne ghoday par sawaar dushman ke muqablay main chattaan ki tarhan datay hue hain, Aap apni talwar se sher ki manind apna bhi difaa kar rahay thay aur apne sahaba رضی اللہ عنہم ka bhi.
Is naazuk mauqa par main ne apne ghoday se chhalang lagadi main ne apni talwaar ki niyam ko tood diya aur sarbakaf maidan main nikal aaya, Aaj meri dili tamanna yeh thi ke Rasool-e-Aqdas ﷺ ki hifazat karte hue main qurbaan ho jaoon.
Chacha Abbas رضی اللہ عنہ ne Rasool-e-Aqdas ﷺ ke ghoday ki lagaam thaam rakhi thi aur yeh aap ki daayen taraf khaday thay aur main ne Hazoor ﷺ ki baaen taraf morcha thaam liya mere dayen haath main talwar thi, Jis se main Rasool-e-Aqdas ﷺ ka difaa kar raha tha aur baen haath se main ne aap ke ghoday ki lagaam ko thaam rakha tha, Jab Rasool-e-Aqdas ﷺ ne mujhe jhapattay hue dekha to chacha Abba رضی اللہ عنہse poocha yeh kon hai? Unhon ne bataya Hazoor yeh aap ka chacha zaad bhai Abu Sufyan hain, Aaj aap isay maaf kar dein, Is par raazi ho jayen yeh sun kar Hazoor ﷺ ne irshaad farmaya: Aaj main is par raazi hoon aur sath hi yeh dua ki:
Illahi is se har woh adawat maaf kar day jo is ne mere sath rawan rakhi.
Rasool-e-Aqdas ﷺ ki razaa ko dekh kar mera dil khushi se uchhal pada, Main ne rikaab main aap ke paon ko bosa diya. Aap meri taraf mutwajjah hue aur irshad farmaya: Mere bhai agay badho, Dushman ko teh tegh karo. Bas main aap ka yeh farmaan sun kar dushman par toot pada aur musalmanoon ko sath mila kar aisa zor daar hamla kya ke dushman ke paon ukhad gaye. Ham ne teen mil tak dushman ko peechay dhakeel diya aur un ki ijtimaiyat ko mukhtalif simtao main bekhair kar rakh diya.
Ghazwah Hunain ke baad Abu Sufyan bin Haris Rasool-e-Aqes ki khushnodi ke mustahiq ho kar aasooda zindagi basar karne lagey aur aap ke Akhlaq-e-Hsna se mustfiz honay lagey, Lekin yeh apni nigehain sharmindagi ki bana par huzoor ﷺ ke samnay jukaye rakhtay, Jab kufar main betee hue din yaad atay to pareshan ho jatay.
Abu Sufyan رضی اللہ عنہ jab woh din yaad atay jo unhon ne Zamana-e-Jahliat main Noor-e-Illahi aur Kitaab-e-Muqaddas Quran Majeed se mahroomi ki soorat main gzare to Zaar-o-Qataar rona shuru kar dete lekin ab yeh din raat quran Majeed ki tilawat main magan rehne lagey, Aur is ki ayaat par Ghor-o-Tadabbur karne lagey, Quran hakeem ke ahkamaat par amal pera honay ke liye kamar basta ho gaye, Dunyawi Zaib-e-Zeenat ko kher bad keh diya aur Allah taala ke sath lo lgali.
Aik din Rasool-e-Aqes ﷺ masjid main tashreef laaye, Abu Sufyan pehlay se wahan par mojood thay .
Hazrat Aisha رضی اللہ عنہا se mukhatib hue aur kaha: Kya tum janti ho yeh kon hai?
Arz kya: Nahi!
Aap ne farmaya yeh mera chacha zaad bhai Abu Sufyan bin Haris رضی اللہ عنہ hai.
Aaj kal yeh masjid main sab se pehlay aata hai aur sab se baad yahan se jaata hai aur Raastay main chaltay hue apni nigaahain zameen par gaade rakhta hai, Aankh utha kar nahi daikhta aur nah idhar udhar daikhta hai.
Rasool-e-Aqdas ﷺ ka jab wisaal hoa Abu Sufyan itna roye jaisay koi maa apne iklote betay ki wafaat par noha kinaan hoti hai, Ya jaisay koi dost apne aziz dost ki wafaat par Aah-o-Bukah karta hai aur Hazan-o-Malaal main doob kar aisa marsia kaha jis se sunnay walon kay ronghate khaday ho gaye.
Sayyiduna Farooq-e-Azam رضی اللہ عنہ ke Daur-e-Khilafat main hazrat Abu Sufyan رضی اللہ عنہ ne jab apne aap ko mout kay dahaanay par mahsoos kia to apne haathon apni qabar khodi qabar ko khoday abhi teen hi din guzray thay keh mout ka waqt aa gaya yun maloom hoa jaisay keh unhen pehlay bta diya gaya ho.
Yeh apne biwi bachon aur deegar khandani afraad se mukhaatib ho kar farmaanay lagay: Mujh par rona nahi ho ga alhamdulillah jab se main ne islam qubool kia hai Allah ke Fazl-o-Karam se kisi gunah ka irtikaab nahi kya, Bas is jumlay ka ada karna hi tha keh un ki pakeeza rooh Qafas-e-Unsari se parwaaz kar gayi un ki mout ko Ahal-e-Islam ke liye na Qaabil-e-Talaafi nuqsaan qaraar diya gaya.
Hazrat Abu Sufyan Bin Haris رضی اللہ عنہ kay mufassal Halaat-e-Zindagi maloom karne kay liye darjzail kitabon ka mutalea karen:
1: Al Istiaab 4/83
2: Al Isaabaah 4/90
3: Sifat ul Safwah 4/519
4: Al Kamil Libn-e-Aseer 2/164
5: Al Seerat ul Nabawiyyah Libn-e-Hisham 2/268
6: Tarikh-e-Tabari 2/329
7: Al Bidayah wal Nihayah 5/287
8: Al Tabaqat ul Kubraa 4/15
9: Tabaqat-o-Fuhool-e-Al Suaraa 2/6
10: Niharat ul Arab 17/298
11: Siar-o-Aalam-e-Al Nubalaa 1/137
12: Duwal-ul-Islam 2/36
13: Maa-al-Raeel-e-Al Awwal 104
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرة ابوسفیان بن حارث رضی اللہ عنہ
ابو سفیان جنت کے نوجوانوں کا سردار ہے۔
(فرمان نبویﷺ)
لوہے کی زنجیر کی دوکڑیوں کے درمیان کم ہی اس قدر مضبوطی اور قرب پیدا ہوا ہو گا جس قدر رسول اقدسﷺ اور ابو سفیان بن حارث رضی اللہ عنہ کے باہمی روابط و تعلقات مضبوط و مستحکم تھے۔
ابو سفیان رسول اقدسﷺ کے ہم عمر تھے، یہ نبی اکرمﷺ کے چچا زاد بھائی تھے، اس طرح کہ ان کا باپ حارث اور رسول اقدسﷺ کے والد ماجد عبد اللہ دونوں حقیقی بھائی تھے اور عبد المطلب کی اولاد میں ان دونوں کو نمایاں حیثیت حاصل تھی، اور یہ نبی اکرمﷺ کے رضاعی بھائی بھی تھے۔ وہ اس طرح کہ دائی حلیمہ سعدیہ نے دونوں کو ایک ساتھ دودھ پلایا تھا، حضورﷺ کو نبوت ملنے سے پہلے یہ آپ کے بڑے گہرے دوست تھے، شکل و شباہت بھی آپ سے ملتی جلتی تھی، آپ نے ایسی قربت دیکھی اور نہ سنی ہو گی، جو ابو سفیان بن حارث اور رسول اقدسﷺ کے درمیان پائی جاتی تھی۔
اس پس منظر میں غالب امکان یہی ہونا چاہئے تھا کہ یہ سب سے پہلے رسول اقدسﷺ کی دعوت پر لبیک کہتے ہوئے آپ کی اطاعت قبول کر لیتے، لیکن انہوں نے بالکل اسکے بر عکس طرز عمل اختیار کیا۔
جب رسول اقدسﷺ نے سب سے پہلے اپنے خاندان کے سامنے دین کی دعوت پیش کی، آخرت سے انہیں ڈرانا شروع کیا، تو ابو سفیان بن حارث کے دل میں کینہ و بغض کی آگ بھڑک اٹھی۔
جب کبھی قریش نے رسول اقدسﷺ کے مقابلے میں آنے کا ارادہ کیا، موقع کو غنیمت جانتے ہوئے ابو سفیان نے جلتی پر تیل ڈالنے کا مظاہرہ کرتے ہوئے لڑائی کی آگ کو بڑھایا جب کبھی قریش نے مسلمانوں کو کسی اذیت میں مبتلا کیا’ ابو سفیان نے اس میں بڑھ چڑھ کر حصہ لیا۔
ایک دفعہ ابو سفیان کے زمانہ جاہلیت کے شاعرانہ ذہن نے اسے اس بات پر اکسایا کہ وہ رسول اقدسﷺ کے خلاف ہرزہ سرائی کرے’ لہذا اس نے آپ کی ہجو میں نہایت ہی بے ہودہ قسم کے شعر کہے۔
ابو سفیان کی رسول اقدسﷺ کے ساتھ عداوت کا دور بیس سال پر محیط ہے’ اس دوران آپ کو گزند پہنچانے کے لئے اس نے ہر حربہ استعمال کیا، اور مسلمانوں کو ایذاء رسانی میں کوئی دقیقہ فروگذاشت نہ کیا۔
فتح مکہ سے تھوڑا ہی عرصہ پہلے ابو سفیان کی طرف خط لکھا گیا اور اس میں اسے اسلام قبول کرنے کی دعوت دی گئی، ان کے اسلام لانے کی بھی عجیب و غریب داستان ہے جو سیرت اور تاریخ کی کتابوں میں اب تک محفوظ ہے۔
ہم یہ کہانی ابو سفیان ہی کی زبانی سناتے ہیں، کیونکہ وہ اپنے شعور و احساسات کی روشنی میں بہتر طور پر اپنے اسلام لانے کی منظر کشی کر سکتے ہیں۔
بیان کرتے ہیں کہ جب دین اسلام مستحکم ہو گیا اور اس نے لوگوں کے دلوں میں جگہ بنائی، رسول اقدسﷺ کی مکہ مکرمہ پر چڑھائی کی خبر عام پھیل گئی تو مجھ پر زمین اپنی کشادگی کے باوجود تنگ ہو گئی، میں نے سوچا’ اب میں کہاں جاؤں گا؟ کس کا ساتھ اختیار کروں گا؟
پھر میں اپنے بیوی بچوں کے پاس آیا، ان سے کہا: مکہ سے بھاگ نکلنے کے لئے فوراً تیار ہو جاؤ’ محمدﷺ اپنے لشکر کے ساتھ عنقریب فاتحانہ انداز میں مکہ معظمہ میں داخل ہو رہے ہیں، مسلمانوں نے آ کر مجھے پکڑ لیا تو یقیناً وہ مجھے قتل کر دیں گے۔
اہل خانہ نے میری باتیں غور سے سن کر کہا۔
کیا آپ نہیں دیکھ رہے کہ عرب و عجم نے حضرت محمدﷺ کی اطاعت قبول کر لی ہے اور ان کے دین کو قبول کر لیا ہے، ایک آپ ہیں کہ اپنی عداوت’ ضد اور ہٹ دھری پر ڈٹے ہوئے ہیں حالانکہ نبوت سے پہلے آپ ان کے غمگسار اور معاون تھے۔
اہل خانہ مسلسل دین محمدﷺ کی طرف رغبت دلاتے رہے، یہاں تک کہ اللہ تعالیٰ نے اسلام کے لئے میرا سینہ کھول دیا۔
میں وہاں سے اٹھا اور اپنے غلام سے کہ’ا میری اونٹنی اور گھوڑا تیار کر دو، میں نے اپنے بیٹے جعفر کو ہمراہ لیا اور ہم تیز رفتاری سے ابواء بستی کی جانب چل نکلے، یہ بستی مکہ اور مدینہ کے درمیان واقع تھی۔ مجھے یہ بتایا گیا کہ حضرت محمدﷺ نے اسی بستی میں پڑاؤ کیا ہے، جب میں بستی کے قریب پہنچا تو میں نے اپنا بھیس بدل لیا تاکہ کوئی مجھے پہچان نہ سکے، میرے جی میں آیا کہ اگر کسی نے مجھے پہچان لیا تو میں رسول اقدسﷺ کے پاس پہنچنے سے پہلے ہی قتل کر دیا جاؤں گا، ابھی ابواء بستی ایک میل دور تھی کہ میں نے پیدل چلنا شروع کر دیا، مسلمانوں کے قافلے مکہ مکرمہ کی جانب رواں دواں تھے، میں نے ان سے ڈرتے ہوئے راستہ بدل لیا مباداکہ کوئی مجھے پہچان نہ لے۔
اچانک میں کیا دیکھتا ہوں کہ رسول اقدسﷺ سامنے اپنی سواری پر نمودار ہوئے’ تو میں دوڑ کر آپ کے سامنے جا کھڑا ہوا چہرے سے نقاب اٹھایا، آپ نے دیکھتے ہی مجھے پہچان لیا، لیکن آپ نے نظریں پھیر لیں، اور چہرہ مبارک دوسری طرف کر لیا’ میں بھی پہلو بدل کر دوبارہ آپ کے سامنے آ کھڑا ہوا، آپ نے پھر اپنا رخ تبدیل کر لیا اور یہ عمل آپ نے کئی مرتبہ دہرایا۔
جب میں نبی اکرمﷺ کی طرف آ رہا تھا، میرے دل میں ذرہ برابر شک نہ تھا کہ آپ میرے اسلام قبول کرنے سے خوش ہوں گے اور آپ کے صحابہ رضی اللہ عنہم بھی خوش ہوں گے، لیکن مسلمانوں نے جب رسول اقدسﷺ کا میرے ساتھ بےرخی کا انداز دیکھا تو انہوں نے بھی اپنے تیور چڑھا لئے اور سبھی نے میرے ساتھ بے اعتنائی برتی’ حضرت ابو بکر رضی اللہ عنہ ملے ان کے بھی تیور بدلے ہوئے تھے، عمر بن خطاب رضی اللہ عنہ نظر آئے وہ
ان سے بھی زیادہ غضبناک دکھائی دے رہے تھے، بلکہ انہوں نے میرے خلاف ایک انصاری کو اکسایا تو اس نے مجھے جلی کٹی سنانی شروع کر دیں، کہنے لگا:
اے دشمن خدا! تو وہی ہے جس نے رسول اقدسﷺ اور ان کے صحابہ رضی اللہ عنہم کو اذیت پہنچائی، تو نے آپﷺ کی عداوت میں ایڑی چوٹی کا زور لگایا، یہ انصاری مجھے مسلسل بلند آواز سے ڈانٹ پلائے جا رہا تھا۔ اور مسلمان کنکھیوں سے میری درگت بنتی دیکھ رہے تھے، اتنے میں مجھے میرے چچا عباس نظر آئے، میں نے جھپٹ کر ان کا دامن پکڑا اور التجا کی چچا جان! میری مدد کیجئے، میرا یہ خیال تھا کہ رسول اقدسﷺ میرے اسلام قبول کرنے سے خوش ہوں گے، لیکن میرا جو حال ہو رہا ہے، آپ دیکھ رہے ہیں’ آپ ہی ان سے سفارش کریں کہ ازراہ کرم مجھے معاف کر دیں، میری التجا سن کر چچا عباس بولے۔
بخدا! میں تو کسی مناسب وقت پر ہی رسول اقدسﷺ سے بات کر سکوں گا کیونکہ میں نے بچشم خود دیکھا کہ حضورﷺ تم سے بہت زیادہ دل برداشتہ ہیں، سچی بات ہے میرے دل پر ان کا بہت زیادہ رعب و دبدبہ ہے۔
میں نے عرض کی چچا جان آپ نے بھی میری مدد نہ کی تو میرا کیا بنے گا؟ میں کہاں سر چھپاؤں؟
وہ بولے میں کچھ نہیں کر سکتا۔
چچا جان کی یہ بے رخی دیکھ کر کچھ نہ پوچھئے کہ مجھ پر کیا بیتی؟ میں غم واندوہ کے مارے نڈھال ہو گیا، تھوڑی ہی دیر بعد مجھے میرے چچا زاد بھائی علی ابن ابی طالب رضی اللہ عنہ دکھائی دیئے میں نے ان سے کہا کہ آپ ہی اس مشکل وقت میں میرا ساتھ دیں، میری مدد کریں، یہاں کوئی بھی میری سننے والا نہیں، تو انہوں نے بھی مجھے چچا عباس رضی اللہ عنہ جیسا جواب دیا، میں دوبارہ چچا عباس کی طرف پلٹا اور عرض کی چچا جان اگر آپ یہ نہیں کر سکتے کہ رسول اقدسﷺ کا دل مجھ پر نرم ہو جائے’ کم از کم اس انصاری کو روک دیں جو
مجھے کافی دیر سے بے نقط سنائے جا رہا ہے، اور لوگوں کو میرے خلاف بھڑکا رہا ہے، انہوں نے پوچھا وہ کون ہے؟ میں نے بتایا نعیمان بن حارث بخاری ہے، چچا جان نے اس کی طرف پیغام بھیجا اور کہا’ دیکھو نعیمان! یہ ابو سفیان رسول اقدسﷺ کا چچا زاد بھائی ہے اور میرے حقیقی بھائی کا لخت جگر ہے، اگر آج حضورﷺ اس پر ناراض ہیں تو کل راضی ہو جائیں گے، آپ اس کے خلاف اپنی زبان بند کریں۔ چچا جان کی بات سن کر وہ مجھے برا بھلا کہنے سے باز آ گیا۔
جب رسول اقدسﷺ جحفہ مقام پر فروکش ہوئے، خیمے نصب کر دیئے گئے، آپ اپنے خیمے میں داخل ہوئے، میں انتہائی عاجزی و انکساری کے ساتھ باہر خیمے کی دہلیز پر بیٹھ گیا’ میرے پاس میرا بیٹا جعفر کھڑا رہا’ خیمے سے نکلتے ہوئے جب آپﷺ نے مجھے دیکھا’ نفرت کا اظہار کرتے ہوئے اپنا روئے مبارک دوسری طرف کر لیا، لیکن میں نے ہمت نہ ہاری، مسلسل آپ کو راضی کرنے کے لئے کوشاں رہا، راستے میں جہاں بھی آپ پڑاؤ کرتے۔ میں آپ کے خیمے کے باہر مسکین بن کر بیٹھ جاتا اور میرا بیٹا جعفر میرے پاس کھڑا رہتا’ آپ جونہی مجھے دیکھتے نفرت سے چہرہ انور دوسری طرف پھیر لیتے’ یہ سلسلہ کافی عرصے تک جاری رہا’ جب میرے لئے عرصہ حیات تنگ ہو گیا، میں نے اپنی بیوی سے کہا۔
بخدا: یا تو رسول اللہﷺ مجھ پر راضی ہو جائیں گئے، ورنہ میں اور میرا بیٹا اوندھے منہ زمین پر بھوکے پیاسے لیٹے رہیں گے، یہاں تک کہ ہماری موت واقع ہو جائے، جب میری یہ حالت رسول اقدسﷺ کو معلوم ہوئی، آپ کے دل میں رقت پیدا ہوئی، آپ اپنے خیمے سے باہر آئے، مجھے شفقت بھرے انداز سے دیکھا، میرے جی میں آیا کاش کہ آپ مسکرا دیں۔
رسول اقدسﷺ مکہ معظمہ میں فاتحانہ انداز میں داخل ہوئے، میں آپ کی رکاب پکڑے ہوئے تھا’ جب آپ بیت اللہ کی طرف چلے میں بھی آپ کے آگے آگے دوڑتا ہوا چلا، غرض یہ کہ آپ جدھر کا رخ کرتے میں بھی کسی صورت آپ سے جدا نہ ہوتا۔
غزوہ حنین میں رسول اقدسﷺ کے خلاف عرب نے اپنی پوری قوت مجتمع کر دی اور آپ کے مقابلے کے لئے اتنی زبردست تیاری کی کہ اس سے پہلے کبھی ایسی تیاری نہ کی تھی، کفار نے یہ پختہ عزم کر لیا تھا کہ اس دفعہ مسلمانوں پر ایک فیصلہ کن ضرب لگائی جائے، رسول اقدسﷺ دشمن سے برسرپیکار ہونے کے لئے اپنے جاں نثار صحابہ رضی اللہ عنہم کو لے کر سر بکف میدان کار زار کی طرف نکلے تو میں بھی ساتھ ہو لیا’ جب مجھے مشرکین کا جم غفیر دکھائی دیا، میں نے دل میں کہا خدا کی قسم! آج میں سارے دھونے دھو دوں گا’ رسول اقدسﷺ آج کارکردگی دیکھ کر یقیناً خوش ہو جائیں گے، مجھے امید واثق ہے کہ آج خدا تعالٰی بھی مجھ پر راضی ہو جائے گا’ جب دونوں فوجوں میں گھمسان کا رن پڑا’ پہلے مرحلے میں مشرکین کا پلہ بھاری ہو گیا۔ وہ مسلسل مسلمانوں کو روندتے ہوئے آگے بڑھتے جارہے تھے، مسلمانوں کے پاؤں اکھڑ گئے، قریب تھا کہ یہ شکست فاش سے دوچار ہوتے’ اچانک میں کیا دیکھتا ہوں کہ رسول اقدسﷺ میدان کار زار میں اپنے گھوڑے پر سوار دشمن کے مقابلے میں چٹان کی طرح ڈٹے ہوئے ہیں، آپ اپنی تلوار سے شیر کی مانند اپنا بھی دفاع کر رہے تھے اور اپنے صحابہ رضی اللہ عنہم کا بھی۔
اس نازک موقع پر میں نے اپنے گھوڑے سے چھلانگ لگا دی’ میں نے اپنی تلوار کی نیام کو توڑ دیا اور سربکف میدان میں نکل آیا’ آج میری دلی تمنا یہ تھی کہ رسول اقدسﷺ کی حفاظت کرتے ہوئے میں قربان ہو جاؤں۔
چچا عباس رضی اللہ عنہ نے رسول اقدسﷺ کے گھوڑے کی لگام تھام رکھی تھی اور یہ آپ کی دائیں طرف کھڑے تھے اور میں نے حضورﷺ کی بائیں طرف مورچہ تھام لیا’ میرے دائیں ہاتھ میں تلوار تھی، جس سے میں رسول اقدسﷺ کا دفاع کر رہا تھا اور بائیں ہاتھ سے میں نے آپ کے گھوڑے کی لگام کو تھام رکھا تھا، جب رسول اقدسﷺ نے مجھے جھپٹتے ہوئے دیکھا’ تو چچا عباس رضی اللہ عنہ سے پوچھا یہ کون ہے؟ انہوں نے بتایا حضور یہ آپ کا چچا زاد بھائی ابو سفیان ہے، آج آپ اسے معاف کر دیں’ اس پر راضی ہو جائیں’ یہ سن کر حضورﷺ نے ارشاد فرمایا: آج میں اس پر راضی ہوں اور ساتھ ہی یہ دعا کی۔
الہی! اس سے ہر وہ عداوت معاف کر دے جو اس نے میرے ساتھ روا رکھی۔
رسول اقدسﷺ کی رضا کو دیکھ کر میرا دل خوشی سے اچھل پڑا’ میں نے رکاب میں آپ کے پاؤں کو بوسہ دیا۔
آپ میری طرف متوجہ ہوئے اور ارشاد فرمایا: میرے بھائی آگے بڑھو، دشمن کو تہہ تیغ کرو۔ بس میں آپ کا یہ فرمان سن کر دشمن پر ٹوٹ پڑا اور مسلمانوں کو ساتھ ملا کر ایسا زور دار حملہ کیا کہ دشمن کے پاؤں اکھڑ گئے۔ ہم نے تین میل تک دشمن کو پیچھے دھکیل دیا اور ان کی اجتماعیت کو مختلف سمتوں میں بکھیر کر رکھ دیا۔
غزوہ حنین کے بعد ابو سفیان بن حارث رسول اقدسﷺ کی خوشنودی کے مستحق ہو کر آسودہ زندگی بسر کرنے لگے اور آپ کے اخلاق حسنہ سے مستفیض ہونے لگے، لیکن یہ اپنی نگاہیں شرمندگی کی بنا پر حضورﷺ کے سامنے جھکائے رکھتے، جب کفر میں بیتے ہوئے دن یاد آتے تو پریشان ہو جاتے۔
ابو سفیان رضی اللہ عنہ کو جب وہ دن یاد آتے جو انہوں نے زمانہ جاہلیت میں نور الہی اور کتاب مقدس قرآن مجید سے محرومی کی صورت میں گذارے تو زار و قطار رونا شروع کر دیتے، لیکن اب یہ دن رات قرآن مجید کی تلاوت میں مگن رہنے لگے اور اس کی آیات پر غور و تدبر کرنے لگے، قرآن حکیم کے احکامات پر عمل پیرا ہونے کے لئے کمربستہ ہو گئے، دنیادی زیب و زینت کو خیر باد کہہ دیا اور اللہ تعالیٰ کے ساتھ لو لگائی۔
ایک دن رسول اقدسﷺ مسجد میں تشریف لائے’ ابو سفیان پہلے سے وہاں پر موجود تھے۔
حضرت عائشہ رضی اللہ عنہا سے مخاطب ہوئے اور کہا: کیا تم جانتی ہو یہ کون ہے؟
عرض کیا: نہیں!
آپ نے فرمایا یہ میرا چچا زاد بھائی ابو سفیان بن حارث رضی اللہ عنہ ہے۔
آج کل یہ مسجد میں سب سے پہلے آتا ہے اور سب سے بعد یہاں سے جاتا ہے اور
راستے میں چلتے ہوئے اپنی نگاہیں زمین پر گاڑے رکھتا ہے، آنکھ اٹھا کر نہیں دیکھتا اور نہ ادھر ادھر دیکھتا ہے۔
رسول اقدسﷺ کا جب وصال ہوا’ ابو سفیان اتنا روئے جیسے کوئی ماں اپنے اکلوتے بیٹے کی وفات پر نوحہ کناں ہوتی ہے، یا جیسے کوئی دوست اپنے عزیز دوست کی وفات پر آہ و بکا کرتا ہے، اور حزن و ملال میں ڈوب کر ایسا مرثیہ کہا جس سے سننے والوں کے رونگٹے کھڑے ہو گئے۔
سیدنا فاروق اعظم رضی اللہ عنہ کے دور خلافت میں حضرت ابوسفیان رضی اللہ عنہ نے جب اپنے آپ کو موت کے دہانے پر محسوس کیا تو اپنے ہاتھوں اپنی قبر کھودی’ قبر کو کھودے ابھی تین ہی دن گزرے تھے کہ موت کا وقت آ گیا’ یوں معلوم ہوا جیسے کہ انہیں پہلے بتا دیا گیا ہو۔
یہ اپنے بیوی بچوں اور دیگر خاندانی افراد سے مخاطب ہو کر فرمانے لگے، مجھ پر رونا نہیں ہو گا’ الحمد للہ جب سے میں نے اسلام قبول کیا ہے اللہ کے فضل و کرم سے کسی گناہ کا ارتکاب نہیں کیا، بس اس جملے کا ادا کرنا ہی تھا کہ ان کی پاکیزہ روح قفس عنصری سے پرواز کر گئی، ان کی موت کو اہل اسلام کے لئے ناقابل تلافی نقصان قرار دیا گیا۔
حضرت ابو سفیان بن حارث رضی اللہ عنہ کے مفصل حالات زندگی معلوم کرنے کے لئے درج ذیل کتابوں کا مطالعہ کریں۔
۱۔ الاستيعاب ۴/ ۸۳
۲۔ الاصابة ٩٠/٤
٣- صفة الصفوة ۴/ ۵۱۹
۴۔ الكامل لابن اثیر ۲ ۱۶۴
ه۔ السيرة النبوية لابن هشام ۲/ ۲۶۸
۶۔ تاریخ طبری ۲/ ۳۲۹
۷- البداية والنهاية ۲۸۷/۴
۸- الطبقات الكبرى ۴/ ۵۱
۹۔ طبقات فحول الشعراء ۶/ ۲
۱۰۔ نهايته الارب ۱۷/ ۲۹۸
۱۱۔ سیر اعلام النبلاء ۱/ ۱۳۷
۱۲۔ دول الاسلام ۲/ ۳۶
١٣۔ مع الرعيل الأول ۱۰۴
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”