47. Hazrat Suraqah Bin Maalik (رضی اللہ عنہ)
Hazrat Suraqah Bin Maalik رضی اللہ عنہ
Aey Suraqah jab tum Shah-e-Iran ke kangan pehano ge to tumhaara kya haal ho ga?
Farmaan-e-Nabwi ﷺ
Aik roz subah ke waqt Quraish intihaai ghabraahat ke aalam main neend se bedaar hue Makkah ke gali kochoon main yeh khabar aam phail chuki thi keh raat ki tareeki main chuptay hue Hazrat Muhammad ﷺ Makkah ko chod kar kahin chalay gaye hain. Sardaaran-e-Quraish ne is khabar ko sahih nahi maana. Woh Nabi Akram ﷺ ko Bano Hashim ke gharon main talaash karne lagay aur aap ke saathiyon ke gharon main talaash karte hue Hazrat Abu Bakar Siddiq رضی اللہ عنہ ke ghar puhanche, Dastak di to aap ki beti Asma ghar se bahar aayi.
Abu Jahal ne un se poocha:
Beti! Tera abu kahan hai?
Us ne kaha:
Main nahi janti ke woh ab kahan hai.
Abu Jahal ne us ke mun par aik aisa zor daar tamancha raseed kya jis se us ke kaan ki baali zameen par gir gayi.
Jab Sardaaran-e-Quraish ko is baat ka yaqeen ho gaya ke Muhammad ﷺ Makkah h ko chod gaye hain, To woh bohat ghazabnaak ho gaye. Khojion ko apne hamrah liya aur aap ki talaash main nikal pady.
Jab talaash karte karte woh Ghaar-e-Sore par puhanche to khojion ne kaha:
Khuda ki qasam! Aap ke matloob sahib ka khura is se aagay nahi jaata. Woh apne andaazay main ghalat nah thay. Haqeeqat yahi thi jis ka unhon ne Quraish ke saamnay izhaar kar diya tha.
Bilashuba Hazrat Muhammad ﷺ aur aap ke sath Hazrat Siddiq-e-Akbar رضی اللہ عنہ isi ghaar main thay. Quraish ghaar ke mun par khaday thay. Hazrat Siddique-e-Akbar رضی اللہ عنہ ne Bachshm-e-Khud ghaar ke bahar qoum ke qadmon ki harkat dekhi to aankhon se be ikhtayyar ansoo chhalak pady, Rasool Allah ﷺ ne Hazrat Siddiq Akbar رضی اللہ عنہ ki taraf Mohabbat-o-Shafqat bhari nigaahon se dekha to Siddiq-e-Akbar ne tasalli dete hue arz ki:
Allah ki qasam! Main apne liye nahi rota:
Ya Rasool Allah ﷺ ! Mujhe to yeh khatrah hai keh kahin aap ko koi nuqsaan nah pohanchaye.
Rasool Allah ﷺ ne bady itminaan se jawaab diya. Aey Abu Bakar! Ghabraaye nahi Allah hamaray sath hai.
Allah Ta’alaa ne Siddiq-e-Akbar رضی اللہ عنہ ke dil par taskeen naazil farmaai, Qoum ke qadmon ki taraf dekhnay lagay. Phir arz ki:
Ya Rasool Allah ﷺ! Agar un main se koi bhi apne Nuqoosh-e-Qadam ki taraf dekh le to woh hamain bhi dekh le ga. Is waqt ham un ki nazron ki zad main hain.
Rasool-e-Akram ﷺ ne irshaad farmaya:
Aey Abu Bakar! Un do ashkhaas ke baaray main aap ki kya raaye hai jin ka teesra Khuda ho? Isi waqt aap dono ne yeh baat bhi suni keh aik Quraishi apni qoum se keh raha tha aao ghaar ke andar jaa kar dekhte hain. Umayyah bin Khalaf ne usay mazaaq karte hue kaha: Arrey andhay tum yeh makdi ka jaala nahi dekh rahay jo us ne ghaar ke mun par bun rakha hai?
Allah ki qisam! Mujhe yeh jaala to Muhammad ﷺ ki paidaaiesh se bhi pehlay ka lagta hai.
Albata Abu Jahal ne kaha:
Laat-o-Uzza ki qisam! Mujhe to yun lagta hai keh woh hamaaray bilkul kahin qareeb hi hain, Lekin us ne hamari aankhon par jaadu kar diya hai.
Quraish har soorat Hazrat Muhammad ﷺ ko qaboo karna chahtay thay, Unhon ne un sab qabaail main yeh ailaan karwa diya jo Makkah aur Madinah ke raastay ke dono taraf rihaaish pazeer thay keh jo bhi Muhammad ﷺ ko zindah ya murda haalat main hamaaray paas laaye ga, Ham usay aik so umdah nasal ke uont Bator-e-Inaam den ge.
Suraqah bin maalik رضی اللہ عنہ Makkah ke qareeb Qadeed jagah main aik majlis main tha keh Quraish ka aik qaasid un ke paas aaya aur inhen Quraish ki jaanib se bhaari inaam ki ittila di.
Jab inaam main so uont milnay ka suna to Suraqah ke mun main paani bhar aaya aur laalach ne dil ko jakad liya, Lekin us ne apne uopar bada zabt kya. Aik baat bhi apne mun se nah nikaali keh kahin bhaari bhar kam inaam ka sun kar doosron ke dil bhi lalchaanay nah lag jayen.
Suraqah abhi majlis se uthnay waalay thay keh aik shakhs ne aa kar ittila di.
Ba Khuda! Abhi abhi mere paas se teen ashkhaas guzray hain mere khayaal main un main aik Muhammad ﷺ doosra Abu bakar رضی اللہ عنہ aur teesra un ko raasta dikhlaanay waala hai.
Suraqah ne us ki baat sun kar kaha:
Woh to falan qabeelay ke log hain jo apni gumshudaa uontni talaash kar rahay hain.
Us shakhs ne kaha shayad aisay hi ho….
Suraqah thodi der majlis main raha, Ahl-e-Majlis jab kisi doosri baat main masroof ho gaye, To yeh chupkay se wahan se khisak gaya taakeh Ahal-e-Majlis main se kisi ko pata nah chalay, Seedha apne ghar pouncha londi se raaz daarana andaaz main kaha keh woh us ki ghodi tayyar kar ke logon ki nigaahon se chupaatay hue Makkah se baahar le aaye.
Apne ghulaam ko hukam diya keh woh hathyaar le kar gharon ke peechay is tarhan niklay keh koi us ko dekh nah le….. Aur hathyaar ghodi ke paas rakh jaye.
Suraqah ne apni Dirha pehni, Hathyaar galaay main latkaaye ghodi par zain baandhi aur sawaar ho kar usay sarpat doda diya taakeh woh sab se pehlay Muhammad ﷺ ko pakadnay main kamyaab ho sakay aur is tarhan woh Quraish ke inaam ka mustahiq ban sakay.
Suraqah bin maalik apni qoum ke chand mumtaaz shah sawaaron main se aik tha, Daraaz qad gundhay jism, Maahir khoji aur raastay ki takaleef par sabr karne waala tha. Aur un sifaat ke sath sath woh aik aqalmand shaa’ir tha aur us ki ghodi bhi badi aseel thi.
Suraqah badi taizi se musaafat tay karte hue aagay bhedne lagay, Abhi thoda hi faasla tay kya tha keh yak dam ghodi larkharraai aur yeh Aan-e-Wahid main zameen par gir gaye. Unhon ne usay apne liye acha shagoon nah samjha aur kehnay lagay arrey yeh kya ho gaya? Arey ghodi tera bera ghark.
Ghodi taizi se uthi aur sarpat dodnay lagi. Thodi der baad dobarah larkharaai. Is dafaa unhon ne aur ziyada apne liye bura shagoon tasawur kya.
Is dafaa lout jaane ka iraadah bhi kar liya, Lekin so uont ke laalach ne wapis jaane ke iraday se rok diya.
Jis jagah Suraqah ki ghodi larkhara kar giri thi, Wahan se Hazrat Muhammad ﷺ aur aap ke saathi Hazrat Siddiq-e-Akbar رضی اللہ عنہ saaf dikhayi day rahay thay, Unhen nishaana bananay ke liye kamaan haath main li, Teer chalaanay laga to haath shall ho gaya. Ghodi zameen main dhasnay lagi aur wahan se zehreela dhuwan aasman ki taraf buland ho gaya jis se us ki aur ghodi ki ankhen band honay lageen. Ghodi ko aidee lagaai to woh zameen main dhans gayi aur is ke paaon zameen main is tarhan paiwast hue jaisa keh un main keel thonk diye gaye hon. Us ne Rasool Allah ﷺ aur Siddiq-e-Akbar رضی اللہ عنہ ki taraf dekha aur giryaa wa zaari karte hue arz ki keh aap dono apne Rab se mere liye dua karen keh woh meri ghodi ko nijaat day day aur is ki taangon ko zameen ki giraft se azaad kar day. Main aap dono se wa’da karta hoon keh main aap ka peecha chod dun ga.
Rasool Allah ﷺ ne us ke liye du’a ki Allah Subhana Wa Ta’alaa ne us ki ghodi ki taangon ko zameen ki giraft se azad kar diya.
Aazadi milnay ke thodi hi der baad phir dil main laalach peda hua aur Rasool-e-Akram ﷺ ke ta’qub main ghodi ko aidee laga di, Is dafaa ghodi pehlay se bhi ziyada zameen main dhans gayi…
Suraqah ne faryaadi ban kar arz ki:
Mera Zaad-e-Raah sazu samaan aur hathyaar le lo main Allah Ta’alaa ko gawah bana kar aap dono se ahd karta hoon keh raastay main aap ke ta’qub main jo bhi aa raha ho ga main usay wapis lotaa doon ga….
Dono ne irshaad farmaya: Hamain tairay Zaad-e-Raah aur sazu samaan ki koi zaroorat nahi haan albata logon ko wapis lotaayen.
Phir Rasool Allah ﷺ ne us ke liye du’a ki to us ki ghodi azaad ho gayi.
Jab Suraqah wapis lotnay laga to door se aawaz di aur arz kya:
Ijaazat ho to main aap se baat karna chahta hoon. Allah ki qasam! Main koi aisi harkat nahi karoon ga jo aap ko na pasand ho.
Poocha: Kya baat hai?
Arz ki: Ya Muhammad ﷺ! Allah ki qasam! Aap ka deen ghaalib aa kar rahay ga. Aap mujh se wa’da karen keh jab main aap ki riyaasat main aaon, To aap meri izzat karen gain aur yeh wa’da mujhe likh dain.
Rasool Allah ﷺ ne Hazrat Siddiq-e-Akbar رضی اللہ عنہ ko hukam diya to unhon ne aik haddi par yeh ahd likh kar is ke hawaalay kar diya….
Jab woh wapis lotnay laga to Nabi Akram ﷺ ne irshaad farmaaya:
Suraqah! Jab tum Kisraa ke kangan pehano ge to tumhe kaisa lagay ga?
Suraqah ne Heraan-o-Shashdar ho kar poocha:
Kisraa bin Hurmuz ke kangan?
Aap ne farmaaya :
Haan haan! Kisraa bin Hurmuz ke kangan!
Suraqah wapis lota raastay main usay kuch log milay jo Rasool-e-Akram ﷺ ko talaash kar rahay thay. Suraqah ne un se kaha: Logo! Wapis apne gharon ko chalay jaao main ne talaash main zameen ka chapah chapah chaan maara. Paaon ke nuqoosh ke baaray main tum meri mahaarat ko bhi jaantay ho. Mujhe un ka kahin khoj nahi mila. Tum apna waqt zaaya nah karo. Meri maano wapis chalay jao.
Rasool Allah ﷺ aur Siddiq-e-Akbar رضی اللہ عنہ ke sath honay waali guftagu aur apne saath paish aanay waalay waqea ko dil main chupaye rakha, Yahan tak keh usay yaqeen ho gaya keh ab dono Madinah-e-Munawwarah pohanch gaye hon ge aur Quraishi dushmanon ki dastras se baahar hain, To Suraqah ne yeh raaz afshaan kar diya. Jab Abu Jahal ko Nabi Akram ﷺ ke sath mulaqaat aur Ahd-o-Paiman ka pata chala to usay buzdali, Zillat, Kameengi aur sunehri mauqa zaaya karne ka ta’na diya.
Suraqah ne Abu Jahal ki malaamat ka jawaab ashaar main diya jin ka mafhoom yeh hai.
Abu hukm Allah ki qasam! Jab meri ghodi ki taangen zameen main dhansi theen tum agar us haalat ko dekh letay to tumhein yaqeen ho jaata aur is main koi shak nah rehta keh Muhammad ﷺ sachay Rasool hain. Bhala un ka kon muqaabla kar sakta hai ?
Halaat ne palta khaaya aur Gardish-e-Ayaam ne yeh mauqa faraham bhi kar diya.
Muhammad ﷺ raat ki tareeki main apne dushmanon se chuptay hue nihaayat kasmpursi ke aalam main Makkah se niklay thay, Aaj shaahana andaaz ke sath hazaron sufaid talwaaron aur gandumi naizon ke jaloo main sardaar aur faateh ki hesiyat main Makkah main daakhil hue.
Woh Sardaaran-e-Quraish jinhon ne Takabbur-o-Nukhwwat ke sath Arab main tahlka macha rakha tha aaj Rasool-e-Aqdas ﷺ ki Khidmat-e-Aqdas main nihaayat aajzi wa inkisari ke sath jaan bakhshish ki bheek maangte hue arz pardaaz hain.
Huzoor! Aap ke Akhlaq-e-Hasana ke Paish-e-Nazar umeed hai keh aaj aap ham se acha bartaao karen gain. Nabi Akram ﷺ ne Anbia ﷺ ki si fayyaazi bart’te hue irshaad farmaatay hain: Jaao tum azaad ho.
Suraqah bin maalik ne apni sawaari tayyar ki aur Rasool-e-Khuda ﷺki Khidmat-e-Aqdas main haazri ke liye chal diya taakeh aap ke saamnay apne musalmaan honay ka ailaan kare aur das saal pehlay jo tahreeri parwaana is ke paas mojood tha woh paish kar ke amaan haasil kar sakay.
Suraqah! Kehte hain:
Main Nabi-e-Akram ﷺ ki Khidmat-e-Aqdas main ha azir hua aap us waqt Jiraana main aik Ansaari lashkar ke jhurmat main tashreef farma thay. Mujhe dekh kar ansaari apne naizon se mujhe kachokay laganay lagay aur kehnay lagay door hatt jao tum yahan kya lainay aaye ho? Main safon ko cheerta hua Rasool-e-Aqdas ﷺ ke qareeb pohnchnay main kamyaab ho gaya. Aap apni uontni par sawaar thay main ne tehreeri parwaana dikhlaatay hue arz ki ya Rasool Allah ﷺ!
Main Suraqah bin maalik hoon…
Yeh aap ka mere sath tahreeri moahada hai, Rasool Allah ﷺ ne irshaad farmaya:
Suraqah mere qareeb aa jao aaj Ahd-o-Paiman ke ifaa ka din hai. Main aagay badha aur aap ke saamnay apne musalman honay ka ailaan kar diya aur aap ke Husan-e-Akhlaaq aur ayfaye ahd se shaad kaam hua.
Suraqah bin maalik رضی اللہ عنہ ki Rasool Allah ﷺ ke sath mulaqaat ko abhi chand mah hi guzray thay keh Allah Subhana Wa Ta’alaa ne Nabi Akram ﷺ ko apni jawaar rahmat main bulaa liya..
Aap ke wisaal se Suraqah Gham-o-Andoh se nidhaal ho gaye aur woh manzar un ki aankhon ke samnay ghoom gaya jabkeh yeh so uont ke laalach main Huzoor ﷺ ko qatal karne ka iradah le kar ta’qub main niklay thay.
Aaj duniya bhar ki umdah uontniyan Rasool-e-Akram ﷺ ke naakhun ke aik zarray barabar bhi hesiyat nahi rakhtin.
Aur apne baaray main Rasool-e-Akram ﷺ ka yeh jumla baar baar dohraanay lagay. Suraqah jab tum Shah-e-Iran ke kangan pehano ge to tumhe kaisa lagey ga?
Ab unhen yaqeen ho chuka tha keh Shah-e-Iran ke kangon yeh zaroor pehnein ge.
Waqt taizi ke sath guzarta gaya yahan tak keh sayyiduna hazrat Farooq-e-Azam رضی اللہ عنہ ki khilafat ka dour aaya musalman un ke mubarak Dour-e-Kihlaafat main Iran ki taraf hawa ke taiz jhonkay ki tarhan lapkay.
Qilon ko fatah karte lashkaron ko shikast faash dete, Shahi takhton ko pamaal karte aur Maal-e-Ghanimat samettay hue musalsal aagay badhatay chalay gaye yahan tak poora Iran fatah kar liya.
Aik roz sipah salaar lashkar hazrat Saad bin Abi Waqas رضی اللہ عنہ ke qasid Iran par fatah ki khushkhabri le kar sayyiduna Farooq-e-Azam رضی اللہ عنہ ki khidmat main haazir hue, Un ke sath bait ul maal ke liye ghanimat ka paanchwan hissa bhi tha, Jo Iran ke Mujahideen-e-Islam ke haath laga tha. Jab Maal-e-Ghanimat Hazrat Umar رضی اللہ عنہ ke samnay rakha gaya. To aap yeh dekh kar heraan reh gaye keh is main Shah-e-Iran ka woh taaj bhi mojood tha jis main qeemti moti juday hue thay. Shah-e-Iran ka woh libaas bhi tha jo sonay ki taaron se bana hua tha aur woh qeemti peti bhi thi jis par Laal-o-Jawaahir juday hue thay aur sonay ke do kangan bhi Maal-e-Ghanimat main mojood thay, Jaisay khubsoorat, Deedaa zaib kangan is se pehlay Farooq-e-Azam رضی اللہ عنہ ne nahi dekhe thay. Is ke ilawa be shamaar Nafees-o-Deedaa zaib ashya Maal-e-Ghanimat main mojood theen.
sayyiduna Hazrat Umar رضی اللہ عنہ is besh baha khazaanay ko apni chhadi se ulta palta kar dekh rahay thay.
Phir aap ne hazreen ki taraf dekhte hue irshad farmaya:
Jo log yeh Maal-e-Ghanimat le kar aaye hain woh bilashuba sab ke sab Ameen hain.
hazrat Ali karam Allah Wajah bhi wahan mojood thay. Kehnay lagay Ameer ul Momineen! Aap Paakdaman rahay, To aap ki raiyat bhi Paakdaman rahi.
Agar aap Maal-e-Ghanimat khaatay to aaj yeh bhi hadap kar jaatay….
Is mauqa par Farooq-e-Azam رضی اللہ عنہ ne Suraqah bin maalik رضی اللہ عنہ ko apne paas bulaaya. Shah-e-Iran ka libaas inhen pehnaaya, Kamar par paiti baandhi, Sar par taaj rakha aur hathon main kangan pehna diye, Yeh manzar dekh kar musalmanoon ne Naara-e-Takbir buland kya.
sayyiduna Hazrat Umar رضی اللہ عنہ ne Suraqah رضی اللہ عنہ ki taraf dekh kar khushi se jhoomtay hue farmaya: Wah wah… Arrey Bano Madlaj ka aik badwi us ke sar par Shah-e-Iran ka taaj aur hathon main kangan! Is Shaan-e-khusrwanah ke kya kehnay! Phir aasman ki taraf sir uthaaya aur yun goya hue:
Ilaahi! To ne yeh Maal-o-Doulat apne Rasool-e-Maqbool ﷺ ko nah diya aur woh tujhe mujh se zayada mahboob aur azeez thay.
Ilaahi! To ne yeh Maal-o-Doulat Siddiq-e-Akbar رضی اللہ عنہ ko nah diya halaankeh woh tujhe meri nisbat ziyada mahboob aur azeez thay. Phir yeh sab kuch mujhe ataa kar diya. Main teri bargaah main panah maangta hoon ke kahin yeh maal to ne mujhe saza ke liye ataa nah kya ho, phir is waqt yeh qeemti maal musalmanoon main taqseem kar diya.
Hazrat Suraqah bin maalik ke mufassal Halaat-e-Zindagi ma’loom karnay kay liye darjzail kitaabon ka mutaala karain:
1: Usd ul Ghabah 2/232
2: Al Isabah 2/18
3: Simar ul Quloob 93
4: Tabaqat Ibn-e-Saad 1/188
5: Seerat Ibn-e-Hisham 2/133-135
6: Hayat ul Sahabah Fahrist mulahazah kijiy
7: Taaj ul Uroos 6/83
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت سراقہ بن مالک رضی اللہ عنہ
اے سراقہ جب تم شاہ ایران کے کنگن پہنو گے تو تمہارا کیا حال ہو گا؟ (فرمان نبویﷺ)
ایک روز صبح کے وقت قریش انتہائی گھبراہٹ کے عالم میں نیند سے بیدار ہوئے’ مکہ کے گلی کوچوں میں یہ خبر عام پھیل چکی تھی کہ رات کی تاریکی میں چھپتے ہوئے’ حضرت محمدﷺ مکہ کو چھوڑ کر کہیں چلے گئے ہیں۔ سرداران قریش نے اس خبر کو صحیح نہیں مانا۔ وہ نبی اکرمﷺ کو بنو ہاشم کے گھروں میں تلاش کرنے لگے اور آپﷺ کے ساتھیوں کے گھروں میں تلاش کرتے ہوئے حضرت ابو بکر صدیق رضی اللہ عنہ کے گھر پہنچے، دستک دی تو آپ کی بیٹی اسماء گھر سے باہر آئی۔
ابو جہل نے ان سے پوچھا: بیٹی! تیرا ابو کہاں ہے؟
اس نے کہا:
میں نہیں جانتی کہ وہ اب کہاں ہے۔
ابو جہل نے اس کے منہ پر ایک ایسا زور دار طمانچہ رسید کیا جس سے اس کے کان کی بالی زمین پر گر گئی۔
جب سرداران قریش کو اس بات کا یقین ہو گیا کہ محمد (ﷺ) مکہ کو چھوڑ گئے ہیں، تو وہ بہت غضبناک ہو گئے۔ کھوجیوں کو اپنے ہمراہ لیا اور آپ کی تلاش میں نکل پڑے۔
جب تلاش کرتے کرتے وہ غار ثور پر پہنچے تو کھوجیوں نے کہا:
خدا کی قسم! آپ کے مطلوب صاحب کا کھرا اس سے آگے نہیں جاتا۔ وہ اپنے اندازے میں غلط نہ تھے۔ حقیقت یہی تھی جس کا انہوں نے قریش کے سامنے اظہار کر دیا تھا۔ بلاشبہ حضرت محمدﷺ اور آپ کے ساتھ حضرت صدیق اکبر رضی اللہ عنہ اسی غار میں تھے۔ قریش غار کے منہ پر کھڑے تھے۔ حضرت صدیق اکبر رضی اللہ عنہ نے بچشم خود غار کے باہر قوم کے قدموں کی حرکت دیکھی، تو آنکھوں سے بے اختیار آنسو چھلک پڑے رسول اکرمﷺ نے حضرت صدیق اکبر رضی اللہ عنہ کی طرف محبت و شفقت بھری نگاہوں سے دیکھا تو صدیق اکبر رضی اللہ عنہ نے تسلی دیتے ہوئے عرض کی:
اللہ کی قسم! میں اپنے لئے نہیں روتا:
یا رسول اللہﷺ! مجھے تو یہ خطرہ ہے کہ کہیں آپ کو کوئی نقصان نہ پہنچائے۔
رسول کریمﷺ نے بڑے اطمینان سے جواب دیا۔ اے ابو بکر! گھبرائیے نہیں اللہ ہمارے ساتھ ہے۔
اللہ تعالٰی نے صدیق اکبر رضی اللہ عنہ کے دل پر تسکین نازل فرمائی، قوم کے قدموں کی طرف دیکھنے لگے۔ پھر عرض کی:
یا رسول اللہﷺ! اگر ان میں سے کوئی بھی اپنے نقوش قدم کی طرف دیکھ لے تو وہ ہمیں بھی دیکھ لے گا۔ اس وقت ہم ان کی نظروں کی زد میں ہیں۔
رسول اکرمﷺ نے ارشاد فرمایا:
اے ابو بکر! ان دو اشخاص کے بارے میں آپ کی کیا رائے ہے جن کا تیسرا خدا ہو؟ اس وقت آپ دونوں نے یہ بات بھی سنی کہ ایک قریشی اپنی قوم سے کہہ رہا تھا آؤ غار کے اندر جا کر دیکھتے ہیں۔ امیہ بن خلف نے اسے مذاق کرتے ہوئے کہا: ارے اندھے تم یہ مکڑی کا جالا نہیں دیکھ رہے جو اس نے غار کے منہ پر بن رکھا ہے؟!!
اللہ کی قسم! مجھے یہ جالا تو محمد (ﷺ) کی پیدائش سے بھی پہلے کا لگتا ہے۔
البتہ ابو جہل نے کہا:
لات و عزیٰ کی قسم! مجھے تو یوں لگتا ہے کہ وہ ہمارے بالکل کہیں قریب ہی ہیں، لیکن اس نے ہماری آنکھوں پر جادو کر دیا ہے۔
قریش ہر صورت حضرت محمدﷺ کو قابو کرنا چاہتے تھے، انہوں نے ان سب قبائل میں یہ اعلان کروا دیا جو مکہ اور مدینہ کے راستے کے دونوں طرف رہائش پذیر تھے کہ جو بھی محمد (ﷺ) کو زندہ یا مردہ حالت میں ہمارے پاس لائے گا ہم اسے ایک سو عمدہ نسل کے اونٹ بطور انعام دیں گے۔
سراقہ بن مالک مدلجی مکہ کے قریب قدید جگہ میں ایک مجلس میں تھا کہ قریش کا ایک قاصد ان کے پاس آیا اور انہیں قریش کی جانب سے بھاری انعام کی اطلاع دی۔
جب انعام میں سو اونٹ ملنے کا سنا تو سراقہ کے منہ میں پانی بھر آیا اور لالچ نے دل کو جکڑ لیا، لیکن اس نے اپنے اوپر بڑا ضبط کیا۔ ایک بات بھی اپنے منہ سے نہ نکالی کہ کہیں بھاری بھر کم انعام کا سن کر دوسروں کے دل بھی للچانے نہ لگ جائیں۔
سراقہ ابھی مجلس سے اٹھنے والے تھے کہ ایک شخص نے آ کر اطلاع دی۔
بخدا! ابھی ابھی میرے پاس سے تین اشخاص گذرے ہیں میرے خیال میں ان میں ایک محمدﷺ دوسرا ابو بکر رضی اللہ عنہ اور تیسرا ان کو راستہ دکھلانے والا ہے۔
سراقہ نے اس کی بات سن کر کہا:
وہ تو فلاں قبیلے کے لوگ ہیں جو اپنی گمشدہ اونٹنی تلاش کر رہے ہیں۔
اس شخص نے کہا شاید ایسے ہی ہو…
سراقہ تھوڑی دیر مجلس میں رہا، اہل مجلس جب کسی دوسری بات میں مصروف ہو گئے تو یہ چپکے سے وہاں سے کھسک گیا تاکہ اہل مجلس میں سے کسی کو پتہ نہ چلے، سیدھا اپنے گھر پہنچا لونڈی سے راز دارانہ انداز میں کہا کہ وہ اس کی گھوڑی تیار کر کے لوگوں کی نگاہوں سے چھپاتے ہوئے مکہ سے باہر لے آئے۔ اپنے غلام کو حکم دیا کہ وہ ہتھیار لے کر گھروں کے پیچھے اس طرح نکلے کہ کوئی اس کو دیکھ نہ لے اور ہتھیار گھوڑی کے پاس رکھ جائے۔
سراقہ نے اپنی درع پہنی’ ہتھیار گلے میں لٹکائے، گھوڑی پر زین باندھی اور سوار ہو کر اسے سرپٹ دوڑا دیا تا کہ وہ سب سے پہلے محمدﷺ کو پکڑنے میں کامیاب ہو سکے اور اس طرح وہ قریش کے انعام کا مستحق بن سکے۔
سراقہ بن مالک اپنی قوم کے چند ممتاز شاہ سواروں میں سے ایک تھا دراز قد’ گندھے جسم، ماہر کھوجی اور راستے کی تکالیف پر صبر کرنے والا تھا۔ اور ان صفات کے ساتھ ساتھ وہ ایک عقلمند شاعر تھا اور اس کی گھوڑی بھی بڑی اصیل تھی۔
سراقہ بڑی تیزی سے مسافت طے کرتے ہوئے آگے بڑھنے لگے ابھی تھوڑا ہی فاصلہ طے کیا تھا کہ یکدم گھوڑی لڑکھڑائی اور یہ آن واحد میں زمین پر گر گئے۔ انہوں نے اسے اپنے لئے اچھا شگون نہ سمجھا اور کہنے لگے ارے یہ کیا ہو گیا؟ ارے گھوڑی تیرا بیڑا غرق۔
گھوڑی تیزی سے اٹھی اور سرپٹ دوڑنے لگی۔ تھوڑی دیر بعد دوبارہ لڑکھڑائی۔ اس دفعہ انہوں نے اور زیادہ اپنے لئے برا شگون تصور کیا۔
اس دفعہ لوٹ جانے کا ارادہ بھی کر لیا، لیکن سو اونٹ کے لالچ نے واپس جانے کے ارادے سے روک دیا۔
جس جگہ سراقہ کی گھوڑی لڑکھڑا کر گری تھی، وہاں سے حضرت محمد ﷺ اور آپ کے ساتھی حضرت صدیق اکبر رضی اللہ عنہ صاف دکھائی دے رہے تھے، انہیں نشانہ بنانے کے لئے کمان ہاتھ میں لی’ تیرے چلانے لگا تو ہاتھ شل ہو گیا۔ گھوڑی زمین میں دھنسنے لگی اور وہاں سے زہریلا دھواں آسمان کی طرف بلند ہو گیا جس سے اس کی اور گھوڑی کی آنکھیں بند ہونے لگیں. گھوڑی کو ایڑی لگائی تو وہ زمین میں دھنس گئی اور اس کے پاؤں زمین میں اس طرح پیوست ہوئے جیسا کہ ان میں کیل ٹھونک دیئے گئے ہوں۔ اس نے رسول اللہﷺ اور صدیق اکبر رضی اللہ عنہ کی طرف دیکھا اور گریہ و زاری کرتے ہوئے عرض کی کہ آپ دونوں اپنے رب سے میرے لئے دعا کریں کہ وہ میری گھوڑی کو نجات دے دے اور اس کی ٹانگوں کو زمین کی گرفت سے آزاد کر دے۔ میں آپ دونوں سے وعدہ کرتا ہوں کہ میں آپ کا پیچھا چھوڑ دوں گا۔
رسول اللهﷺ نے اس کے لئے دعا کی’ اللہ سبحانہ وتعالی نے اس کی گھوڑی کی ٹانگوں کو زمین کی گرفت سے آزاد کر دیا۔
آزادی ملنے کے تھوڑی ہی دیر بعد پھر دل میں لالچ پیدا ہوا اور رسول اکرم ﷺ کے تعاقب میں گھوڑی کو ایڑی لگا دی اس دفعہ گھوڑی پہلے سے بھی زیادہ زمین میں دھنس گئی……
سراقہ نے فریادی بن کر عرض کی:
میرا زاد راه’ سازو سامان اور ہتھیار لے لو’ میں اللہ تعالٰی کو گواہ بنا کر آپ دونوں سے عہد کرتا ہوں کہ راستے میں آپ کے تعاقب میں جو بھی آ رہا ہو گا میں اسے واپس لوٹا دوں گا۔۔
دونوں نے ارشاد فرمایا: ہمیں تیرے زاد راہ اور سازو سامان کی کوئی ضرورت نہیں، ہاں البتہ لوگوں کو واپس لوٹائیں۔
پھر رسول اللہﷺ نے اس کے لئے دعا کی تو اس کی گھوڑی آزاد ہو گئی۔
جب سراقہ واپس لوٹنے لگا تو دور سے آواز دی اور عرض کیا:
اجازت ہو تو میں آپ سے بات کرنا چاہتا ہوں۔ اللہ کی قسم! میں کوئی ایسی حرکت نہیں کروں گا جو آپ کو نا پسند ہو۔
پوچھا: کیا بات ہے؟
عرض کی: یا محمدﷺ! اللہ کی قسم! آپ کا دین غالب آ کر رہے گا۔ آپ مجھ سے وعدہ کریں کہ جب میں آپ کی ریاست میں آؤں، تو آپ میری عزت کریں گے اور یہ وعدہ مجھے لکھ دیں۔
رسول اللہﷺ نے حضرت صدیق اکبر رضی اللہ عنہ کو حکم دیا تو انہوں نے ایک ہڈی پر یہ عہد لکھ کر اس کے حوالے کر دیا…
جب وہ واپس لوٹنے لگا تو نبی اکرمﷺ نے ارشاد فرمایا:
سراقہ! جب تم کسری کے کنگن پہنو گے تو تمہیں کیسا لگے گا؟
سراقہ نے حیران و ششدر ہو کر پوچھا:
کسری بن ہرمز کے کنگن؟
آپ نے فرمایا:
ہاں ہاں! کسری بن ہرمز کے کنگن!
سراقہ واپس لوٹا راستے میں اسے کچھ لوگ ملے جو رسول اکرمﷺ کو تلاش کر رہے تھے۔ سراقہ نے ان سے کہا: لوگو! واپس اپنے گھروں کو چلے جاؤ میں نے تلاش میں زمین کا چپہ چپہ چھان مارا۔ پاؤں کے نقوش کے بارے میں تم میری مہارت کو بھی جانتے ہو۔ مجھے ان کا کہیں کھوج نہیں ملا۔ تم اپنا وقت ضائع نہ کرو۔ میری مانو واپس چلے جاؤ۔ رسول اللہﷺ اور صدیق اکبر رضی اللہ عنہ کے ساتھ ہونے والی گفتگو اور اپنے ساتھ پیش آنے والے واقعہ کو دل میں چھپائے رکھا، یہاں تک کہ اسے یقین ہو گیا کہ اب دونوں مدینہ منورہ پہنچ گئے ہوں گے اور قریشی دشمنوں کی دستبرد سے باہر ہیں، تو سراقہ نے یہ راز افشا کر دیا۔ جب ابو جہل کو نبی اکرمﷺ کے ساتھ ملاقات اور عہد و پیمان کا پتہ چلا تو اسے بزدلی، ذلت، کمینگی اور سنہری موقع ضائع کرنے کا طعنہ دیا۔
سراقہ نے ابو جہل کی ملامت کا جواب اشعار میں دیا جن کا مفہوم یہ ہے۔
ابو حکم’ اللہ کی قسم! جب میری گھوڑی کی ٹانگیں زمین میں دھنسی تھیں تم اگر اس حالت کو دیکھ لیتے تو تمہیں یقین ہو جاتا اور اس میں کوئی شک نہ رہتا کہ محمدﷺ سچے رسول ہیں۔ بھلا ان کا کون مقابلہ کر سکتا ہے؟
حالات نے پلٹا کھایا اور گردش ایام نے یہ موقع فراہم بھی کر دیا۔
وہ محمدﷺ جو رات کی تاریکی میں اپنے دشمنوں سے چھپتے ہوئے نہایت کسمپرسی کے عالم میں مکہ سے نکلے تھے، آج شاہانہ انداز کے ساتھ ہزاروں سفید تلواروں اور گندمی نیزوں کے جلو میں سردار اور فاتح کی حیثیت میں مکہ میں داخل ہوئے۔
وہ سرداران قریش جنہوں نے تکبر و نخوت کے ساتھ عرب میں تہلکہ مچا رکھا تھا’
آج رسول اقدسﷺ کی خدمت میں نہایت عاجزی وانکساری کے ساتھ جاں بخشی کی بھیک مانگتے ہوئے عرض پرداز ہیں۔
حضور! آپ کے اخلاق حسنہ کے پیش نظر امید ہے کہ آج آپ ہم سے اچھا برتاؤ کریں گے۔ نبی اکرمﷺ نے انبیاء علیہم السلام کی سی فیاضی برتتے ہوئے ارشاد فرماتے ہیں۔
جاؤ تم آزاد ہو …
سراقہ بن مالک نے اپنی سواری تیار کی اور رسول خداﷺ کی خدمت اقدس میں حاضری کے لئے چل دیا تاکہ آپ کے سامنے اپنے مسلمان ہونے کا اعلان کرے اور دس سال پہلے جو تحریری پروانہ اس کے پاس موجود تھا وہ پیش کر کے امان حاصل کر سکے۔
سراقہ! کہتے ہیں:
میں نبی اکرم اللہﷺ کی خدمت اقدس میں حاضر ہوا آپ اس وقت جہرانہ میں ایک انصاری لشکر کے جھرمٹ میں تشریف فرما تھے۔ مجھے دیکھ کر انصاری اپنے نیزوں سے مجھے کچوکے لگانے لگے اور کہنے لگے دور ہٹ جاؤ’ تم یہاں کیا لینے آئے ہو؟ میں صفوں کو چیرتا ہوا رسول اقدسﷺ کے قریب پہنچنے میں کامیاب ہو گیا۔ آپ اپنی اونٹنی پر سوار تھے میں نے تحریری پروانہ دکھلاتے ہوئے عرض کی’ یا رسول اللہﷺ!
میں سراقہ بن مالک ہوں …
یہ آپ کا میرے ساتھ تحریری معاہدہ ہے، رسول اللہﷺ نے ارشاد فرمایا: سراقہ میرے قریب آ جاؤ آج عہد و پیمان کے ایفاء کا دن ہے۔ میں آگے بڑھا اور آپ کے سامنے اپنے مسلمان ہونے کا اعلان کر دیا اور آپ کے حسن اخلاق اور ایفائے عہد سے شاد کام ہو.
سراقہ بن مالک رضی اللہ عنہ کی رسول اللہﷺ کے ساتھ ملاقات کو ابھی چند ماہ ہی گزرے تھے کہ اللہ سبحانہ و تعالیٰ نے نبی اکرمﷺ کو اپنی جوار رحمت میں بلا لیا … آپ کے وصال سے سراقہ غم واندوہ سے نڈھال ہو گئے اور وہ منظر ان کی آنکھوں کے سامنے گھوم گیا جبکہ یہ سو اونٹ کے لالچ میں حضورﷺ کو قتل کرنے کا ارادہ لے کر تعاقب میں نکلے تھے۔ آج دنیا بھر کی عمدہ اونٹنیاں رسول اقدسﷺ کے ناخن کے ایک ذرے برابر بھی حیثیت نہیں رکھتیں۔
اور اپنے بارے میں رسول اکرمﷺ کا یہ جملہ بار بار دہرانے لگے۔ سراقہ جب تم شاہ ایران کے کنگن پہنو گے تو تمہیں کیسا لگے گا؟
اب انہیں یقین ہو چکا تھا کہ شاہ ایران کے کنگن یہ ضرور پہنیں گے۔
وقت تیزی کے ساتھ گزرتا گیا’ یہاں تک کہ سیدنا حضرت فاروق اعظم رضی اللہ عنہ کی خلافت کا دور آیا، مسلمان ان کے مبارک دور خلافت میں ایران کی طرف ہوا کے تیز جھونکے کی طرح لپکے۔
قلعوں کو فتح کرتے، لشکروں کو شکست فاش دیتے، شاہی تختوں کو پامال کرتے اور مال غنیمت سمیٹتے ہوئے مسلسل آگے بڑھتے چلے گئے یہاں تک پورا ایران فتح کر لیا۔
ایک روز سپہ سالار لشکر حضرت سعد بن ابی وقاص رضی اللہ عنہ کے قاصد ایران پر فتح کی خوشخبری لے کر سیدنا فاروق اعظم رضی اللہ عنہ کی خدمت میں حاضر ہوئے’ ان کے ساتھ بیت المال کے لئے غنیمت کا پانچواں حصہ بھی تھا’ جو ایران کے مجاہدین اسلام کے ہاتھ لگا تھا۔ جب مال غنیمت حضرت عمر رضی اللہ عنہ کے سامنے رکھا گیا۔ تو آپ یہ دیکھ کر حیران رہ گئے کہ اس میں شاہ ایران کا وہ تاج بھی موجود تھا جس میں قیمتی موتی جڑے ہوئے تھے۔ شاہ ایران کا وہ لباس بھی تھا جو سونے کی تاروں سے بنا ہوا تھا اور وہ قیمتی پیٹی بھی تھی جس پر لعل و جواہر جڑے ہوئے تھے اور سونے کے دو کنگن بھی مال غنیمت میں موجود تھے، جیسے خوبصورت’ دیدہ زیب کنگن اس سے پہلے فاروق اعظم رضی اللہ عنہ نے نہیں دیکھے تھے۔ اس کے علاوہ بے شمار نفیس و دیدہ زیب اشیاء مال غنیمت میں موجود تھیں۔
سیدنا حضرت عمر رضی اللہ عنہ اس بیش بہا خزانے کو اپنے چھڑی سے الٹا پلٹا کر دیکھ رہے
تھے۔
پھر آپ نے حاضرین کی طرف دیکھتے ہوئے ارشاد فرمایا:
جو لوگ یہ مال غنیمت لے کر آئے ہیں، وہ بلاشبہ سب کے سب امین ہیں۔
حضرت علی کرم اللہ وجہ’ بھی وہاں موجود تھے۔ کہنے لگے امیر المؤمنین! آپ پاکدامن رہے، تو آپ کی رعیت بھی پاکدامن رہی۔
اگر آپ مال غنیمت کھاتے تو آج یہ بھی ہڑپ کر جاتے۔
اس موقع پر فاروق اعظم رضی اللہ عنہ نے سراقہ بن مالک رضی اللہ عنہ کو اپنے پاس بلایا۔ شاہ ایران کا لباس انہیں پہنایا، کمر پر پیٹی باندھی، سر پر تاج رکھا اور ہاتھوں میں کنگن پہنا دیئے، یہ منظر دیکھ کر مسلمانوں نے نعرہ تکبیر بلند کیا۔
سیدنا حضرت عمر رضی اللہ عنہ نے سراقہ رضی اللہ عنہ کی طرف دیکھ کر خوشی سے جھومتے ہوئے فرمایا:
واہ واہ …. ارے بنو مدلج کا ایک بدوی اس کے سر پر شاہ ایران کا تاج اور ہاتھوں میں کنگن! اس شان خسروانہ کے کیا کہنے! پھر آسمان کی طرف سر اٹھایا اور یوں گویا ہوئے:
الہی! تو نے یہ مال و دولت اپنے رسول مقبولﷺ کو نہ دیا اور وہ تجھے مجھ سے زیادہ محبوب اور عزیز تھے۔
الہی! تو نے یہ مال و دولت صدیق اکبر رضی اللہ عنہ کو نہ دیا حالانکہ وہ تجھے میری نسبت زیادہ محبوب اور عزیز تھے۔ پھر یہ سب کچھ مجھے عطا کر دیا۔ میں تیری بارگاہ میں پناہ مانگتا ہوں کہ کہیں یہ مال تو نے مجھے سزا کے لئے عطا نہ کیا ہو، پھر اس وقت یہ قیمتی مال مسلمانوں میں تقسیم کر دیا۔
حضرت سراقہ بن مالک رضی اللہ عنہ کے مفصل حالات زندگی معلوم کرنے کے لئے درج ذیل کتابوں کا مطالعہ کریں۔
ا۔ اسد الغابة ۲/ ۲۳۲
۲۔ الاصابة ۲/ ۱۸
۳۔ثمار القلوب ۹۳
۴۔ طبقات ابن سعد ۱/ ۱۸۸
ه۔ سیرت ابن هشام ۲/ ۱۳۳۔۱۳۵
٦- حياة الصحابه
فہرست ملاحظہ کیجئے۔
۷۔ تاج العرو. ۶/ ۸۳
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”