51. Hazrat Muaz Bin Jabal (رضی اللہ عنہ)
Hazrat Muaz Bin Jabal رضی اللہ عنہ
Meri ummat main Halaal-o-Haraam ke mutaliq sab se ziyaada ilm rakhne waalay Muaz Bin Jabal رضی اللہ عنہ hain.
Farmaan-e-Nabwi (ﷺ).
Jab jazeera Arab Rushd-o-Hidaayat aur Haq-o-Sadaqat ke noor se chamak utha, To aik ubhartay hue Yasrabi jawaan Muaz bin Jabal ke khayalaat main aik tufaan barpaa ho gaya, Yeh apne ham umar saathiyon main sab se ziyada zaheen fateen , Ba himmat aur fasih ul bayaan tha. Is ke sath yeh surmeeli aankhon, Ghungriyalay baalon, Chamkile daanton waala aik aisa Haseen-o-Jameel nojawaan tha keh usay dekhnay waali aankhen tik tik dekhti hi reh jaatein aur dekhnay waalay ka dil is Khobsorat-o-Dilkash chehray ko dekh kar Heraan-o-Shashdar reh jaata. Hazrat Muaz Bin Jabal ne Makki muballigh hazrat Musab bin Umair رضی اللہ عنہ ke haath par islam qubool kya. Aur Uqba ki raat Nabi-e-Kareem ﷺ ke Dast-e-Haq padast par bai’t karne ka sharf haasil kya.
Hazrat Muaz bin Jabal رضی اللہ عنہ khush naseeb ashkhaas ke qaaflay main shaamil thay, Jinhon ne Rasool Allah ﷺ ki ziyaarat ki s’aadat haasil karne ke liye Makkah-e-Mukarma ka qasad kya taakeh aap ki bai’t ka sharf haasil kar saken aur Tareekh-e-Islaam ke sunehri baab main apne naam darj karanay ka aizaz haasil kar saken.
Is nojawaan ne Makkah-e-Mukarma se wapis Madinah-e-Munawara pohnchte hi buton ko todnay ke liye apne ham umar saathiyon ka aik group tarteeb diya. Unhon ne khufia aur ailania karwaai shuru kar di.
Un nokhaiz jawanon ki tehreek se mutaasar ho kar Yasrab ki aik ahem shakhsiyat janaab Amar Bin Jamuh رضی اللہ عنہ ne islam qubool kar liya.
Amar Bin jamuh Bano Salima ka har dil-azaiz sardaar tha aur us ne apne liye nihaayat umdah lakdi ka but tayyar karwaaya tha aur yeh us ki badi dekh bhaal ( tazeem ) kya karta tha, Usay reshmi kapday pehnaata aur qeemti atriaat malta, Aik raat andheray main nojawaan chupkay se us ke ghar main daakhil hue aur us ke but ko utha ko dabay paaon bahar niklay aur Bano Salima ke gharon ke peechay aik aisay gadhay main pheink diya jis main gandagi thi.
Jab subah ke waqt sardaar ibaadat ki gharz se apne but ke paas gaya to usay gaayeb paaya har jagah us ki talaash ki, Bil akhir apne but ko is gadhay main gandagi main latt patt uondhay mun pada hua dekha. Usay wahan se uthaaya, Ghusal diya, Gandagi se pak kya aur dobarah us ki jagah par laa kar rakh diya aur arz kya: Aey Manat! Ba khuda! Agar mujhe pata chal jaaye ke tairay sath yeh bad salooki karne waala kon nahinjaar hai, To main Sar-e-Aam usay aisa ruswa karoon ga keh woh zindagi bhar yaad rakhay…..
Jab raat aayi sardaar neend main kharaatay lainay laga to un nojawaanon ne phir wohi kaam kya jo pehli raat sar injaam diya tha….
Talaash bisyaar ke baad usay usi jaisay aik doosray gadhay main uondhay mun pada hua mila, Usay wahan se uthaya, Ghusal diya, Saaf suthra kya, Itar lagaaya aur yeh salooq karne waalon ke khilaaf harzah saraai ki aur Sar-e-Aam unhen Kefar-e-Kirdaar tak pohnchanay ki dhamki di. Baar baar is amal ko dohraaya gaya, Nojawaan kunein main pheink aatay aur yeh wahan se nikaal kar ghusal day kar us ki jagah par laa kar rakh deta aur pujaa paat karta.
Bil aakhir tang aa kar is ne is but ke galay main talwaar latkaa di aur us se mukhaatib hua.
Allah ki qasam! Tairay sath bad salooki karne waalay ka mujhe ilm nahi.
Aey Manat! Agar tum main taaqat aur himmat hai to apna difaa’ kar.
Yeh talwaar tairay paas hai…
Jab raat hui, Sardaar neend ki aagosh main Mehw-e-Istiraahat hua, Nojawaan but par toot pade us ki gardan main latakti hui talwaar li aur aik murda kutay ki gardan ke sath bandh di aur dono ko aik hi gadhay main pheink aaye, Jab subah hui sardaar ne apna but ghayeb paaya talaash shuru ki to usay intehaai bad tar haalat main aik gadhay main uondhay mun pada hua paaya Gandagi se woh latt patt tha aur sath murda kutta bandha hua tha aur us ki gardan main talwaar latak rahi thi.
Sardaar ne yeh qabeeh manzar dekhte hi yeh shair parha.
Allah ki qasam! Agar tu Ilaa hota to tu aur kutta aik sath kunway ke wast main pade hue nah hotay.
Bano Salima ke is sardaar ne yeh shair parhnay ke baad islaam qubool kar liya.
Jab Rasool-e-Akram ﷺ hijrat kar kay Madinah-e-Munawara pohnche to Hazrat Muaz bin Jabal رضی اللہ عنہ aap ke sath saaye ki tarhan chimat gaye. Aap se Quran-e-Majeed ki ta’leem haasil ki aur shara’ee ahkamaat ka ilm haasil karne main munhamik ho gaye, Yahan tak keh aap Sahaba-e-Kiraam main sab se ziyada Kitaab-e-Ilaahi aur Shariat-e-Islamia ka ilm rakhnay waalay ban gaye.Yazid bin Qataib bayaan karte hain: Main aik roz Hims ki masjid main daakhil hua to wahan aik ghungriyaalay baalon waala nojawaan betha hua tha aur log us ke ird gird baithy hue thay. Jab woh guftagu karta to yun ma’loom ho taa jaisay us ke mun main noor ki kiranen phoot rahi hain, Aur chaar so moti bikhar rahay hain.
Main ne poocha: Yeh kon hai?
Logon ne bataaya yeh Muaz bin Jabal رضی اللہ عنہ hai.
Abu Muslim Kholani رضی اللہ عنہ bayaan karte hain main aik roz Dimashq ki masjid main gaya, Wahan umar raseedah Sahaba-e-Kiraam رضی اللہ عنہم ko aik halqay main baithy hue dekha aur un ke darmiyaan surmeeli aankhon aur chamkile danton waala nojawaan jalwa afroz tha.
Jab kabhi kisi masla main ikhtilaaf peda ho jaata to woh is nojawaan ki taraf rujoo’ karte main ne aik ham nasheen se poocha yeh kon hai?
us ne bataaya yeh hazrat Muaz bin Jabal رضی اللہ عنہ hain.
Is main taajjub ki koi baat nahi. Hazrat Muaz bin Jabal رضی اللہ عنہ ki bachpan se hi madrassat ul Rasool ﷺ main tarbiyat hui thi aur Rasool-e-Aqdas ﷺ ke Chashma-e-Ilm se khoob achi tarhan sairaab hue thay aur unhon ne usi Chashma-e-Saafi se Ilm-o-Irfan ke jaam piye thay. Yeh aik behtareen muallim ke behtareen shaagird thay.
Hazrat Muaz bin Jabal رضی اللہ عنہ ke liye yeh sanad kaafi hai keh Rasool-e-Akram ﷺ ne un ke mutaliq yeh irshaad farmaaya:
Meri ummat main Halal-o-Haraam ke mutaliq sab se ziyada ilm rakhnay waala Muaz bin Jabal hai.
In ke Sharf-o-Fazl ke liye yeh kaafi hai keh yeh un chay (6) khush naseeb afraad main se hain jinhon ne Rasool-e-Akram ﷺ ke Ahd-e-Mubarak main Quran jama karne ka aizaz haasil kya.
Isi liye Sahaba-e-Kiraam رضی اللہ عنہم jab aapas main kisi maslay par guftagu karte aur hazrat Muaz bin Jabal un main mojood hotay to un ki taraf baday ahtram se dekhte aur un ke ilm ki ta’zeem karte.
Rasool-e-Akram ﷺ ke baad Sayyiduna Seddiq-e-Akbar رضی اللہ عنہ aur Sayyiduna Umar Farooq رضی اللہ عنہ ne apne Ahd-e-Khilafat main is Naabgha-e-Asar Ilmi shakhsiyat se islaam aur Musalmanoon ki khidmat ka kaam liya.
Nabi-e-Akram ﷺ ne fatah Makkah ke baad jab dekha keh Quraish giroh dar giroh Daaira-e-Islaam main daakhil ho rahay hain, To un naye Musalmanoon ke liye aik tajurbah car muallim ki zaroorat mahsoos hui jo inhen islaam ki taleem day aur shar’ai ahkaam samjhaaye.
Aap ne Sayyad Itaab bin Usaid ko Makkah ka governor muqarrar kya aur un ke sath hazrat Muaz bin Jabal رضی اللہ عنہ ko wahein rehne diya taakeh woh logon ko Quran-e-Majeed ki ta’leem den aur deeni ahkamaat sikhaaen.
Jab shahan-e-Yemen ke Alchi Rasool-e-Aqdas ﷺ ki Khidmat-e-Aqdas main haazir hue, Unhon ne aap ke ru baroo apne Musalmaan honay aur ma tehat deegar yameenon ke Musalmaan honay ka ailaan kya aur yeh mutaalaba kya keh un ke hamrah kuch aisay hazraat bheje jaayen, Jo naye Musalmanoon ko islaam ki ta’leem den, Aap ne is mishan par bhejnay ke liye chand aik muballighin ko muntakhib kya, Aur un ka Ameer hazrat Muaz bin Jabal رضی اللہ عنہ ko muqarrar kya, Nabi-e-Akram ﷺ is Rushd-o-Hidaayat par mushtamil muballigheen ki jama’at ko al-widaa’ karne ke liye khud Madinah ke bahar tak tashreef le gaye.
Nabi-e-Akram ﷺ paidal chal rahay thay, Aur hazrat Muaz bin Jabal رضی اللہ عنہ uontni par sawaar thay. Rasool-e-Akram ﷺ der tak un ke sath sath chaltay rahay goya keh aap hazrat Muaz se der tak baatein karna chahtay thay.
Phir aap ne unhen wasiyat karte hue irshaad farmaya:
Aey Muaz ho sakta hai aap mujhe phir nah mil saken.
Shayad aap meri masjid aur qabar ke paas se guzren.
Hazrat Muaz bin Jabal رضی اللہ عنہ apne mahboob Nabi Hazrat Muhammad ﷺ ke faraaq se ghumzadah ho kar Zaar-o-Qataar ronay lagay aur aap ke sath deegar saathi bhi siskiyan lainay lagay.
Rasool-e-Akram ﷺ ki yeh khabar mabni bar sadaaqat thi. Us ke baad Hazrat Muaz رضی اللہ عنہ ko Rasool-e-Aqdas ﷺ ki ziyaarat ka surma apni aankhon main daalnay ka mauqa mayassar nah aaya.
Hazrat Muaz ke Yaman se wapis lotnay se pehlay hi Rasool-e-Akram ﷺ apne Allah ko piyaare ho gaye.
Jab hazrat Muaz Madinah-e-Munawara wapis lautay, Rasool-e-Khuda ﷺ ke faraaq main dhaarain maar kar ronay lagay.
Jab hazrat Umar bin Khattab رضی اللہ عنہ khalifa banay to aap ne hazrat Muaz رضی اللہ عنہ ko Bano kilaab ki taraf bheja taakeh woh aghniya se sadqaat wasool kar ke un ke Fuqraa-o-Masakeen main taqseem karen. Aap ne zimmah daari ko poori tarhan nibhaaya.
Aap jab apni biwi ke paas aaye to unhon ne maflar ke tor apni gardan par woh taat lapait rakha tha, Jisay aam tor par ghoday ki zeen ke neechay bichaaya jaata hai.
Biwi ne kaha: Woh tahaaif kahan hain jo mansab daar apne ghar waalon ke liye laaya karte hain?
Aap ne farmaaya: Mere sath aik bedaar maghaz chokas nigehbaan tha jo meri har aik harkat ko not karta tha.
Biwi ne heraan ho kar kaha: Rasool-e-Aqdas ﷺ aur Hazrat Abu Bakar Seddiq رضی اللہ عنہ ke nazdeek to aap Aamin thay, Phir Hazrat Umar رضی اللہ عنہ khalifa banay to unhon ne aap par aik nigehbaan muqarrar kar diya. Yeh khabar Hazrat Umar رضی اللہ عنہ ki biwion main phail gayi, Is liye keh un se Hazrat Muaz bin Jabal رضی اللہ عنہ ki biwi ne dukh bharay andaaz main shikwah kya tha, Jab yeh baat Hazrat Umar رضی اللہ عنہ tak pohnchi to unhon ne hazrat Muaz bin Jabal رضی اللہ عنہ ko bulaaya aur poocha:
Aey Muaz ! Kya main ne tumhaari nigraani ke liye koi nigehbaan muqarrar kya hai.
Arz kya : Nahi ya Ameer ul Momineen!….
Darasal mujhe apni biwi ke saamnay paish karne ke liye is ke ilawa koi uzar nahi mila tha.
Hazrat Umar رضی اللہ عنہ yeh baat sun kar hans pade aur apne paas se kuch tahaaif diye aur farmaaya: Jaao yeh tahaaif day kar use raazi kar lo.
Farooq-e-Azam رضی اللہ عنہ ke Dor-e-Khilafat main sham key governor Yazeed bin Abi Sufyan ny yeh mutalabah kia.
Ameer ul Momineen! Bashindgaan-e-Shaam ki tadaad bohat ho chuki hai ab un ke liye aisay afraad ki zaroorat hai jo inhen Quran-e-Majeed ki ta’leem den aur deeni ahkaam seekhiyen, Ameer ul Momineen aap is silsila main meri madad farmaaen.
Hazrat Umar رضی اللہ عنہ ne un paanch (5) Sahaba-e-Kiraam رضی اللہ عنہم ko bulaaya jinhon ne Ahd-e-Nubuwwat main Quran-e-Majeed jama’ kya tha aur woh thay: Hazrat Muaz bin Jabal رضی اللہ عنہ Hazrat Ubadah bin Samit رضی اللہ عنہ , Hazrat Abu Ayub Ansari رضی اللہ عنہ , Hazrat Ubai bin ka’ab رضی اللہ عنہ aur Hazrat Abu Darda رضی اللہ عنہ.
Aap ne un se kaha:
Shaam main rihaish pazeer aap ke Musalmaan bhaaiyon ne mujh se yeh madad talab ki hai keh aisay afraad un ke paas bheje jaayen jo un ko Quran-e-Majeed ki ta’leem den aur deeni ahkamaat seekhiyen, Is silsila main aap mujh se taa’wun karen Allah aap par apni rahmat ki barkha barsaaye.
Main tum main se teen ( 3 ) ashkhaas ko is mishan par bhejna chahta hoon, Agar chaaho to quraa daal lo ya main tum main se teen ahbaab ko naamzad kar deta hoon.
Unhon ne kaha:
Quraa daalnay ki kya zaroorat hai?
Hazrat Abu Ayub رضی اللہ عنہ boodhay ho chuke hain.
Hazrat Ubai bin Ka’ab رضی اللہ عنہ bemaar hain.
Baaqi ham teen reh gaye.
Hazrat Umar ne irshaad farmaaya:
Hims se ta’leem ka aaghaz karna jab tum Bashindgaan-e-Hims ki haalat se mutmaen ho jao to apne main se aik ko yahin chode dena. Tum main se aik Dimashq chala jaye aur teesra Falasteen rawaana ho jaye. Yeh tenu sahaba itni der Hims main rahay, Jitni der rehne ke liye inhen Hazrat Umar رضی اللہ عنہ ne hukam diya tha.
Phir wahan Hazrat Ubadah bin Samit رضی اللہ عنہ ko choda. Hazrat Abu Darda Dimashq rawaana ho gaye. Aur hazrat Muaz bin Jabal رضی اللہ عنہ Falasteen chalay gaye.
Wahan pohnch kar hazrat Muaz Bin Jabal رضی اللہ عنہ aik wabaai marz main mubtala hue. Jab mout ka waqt qareeb aaya to qibla rukh ho kar baar baar yeh taranah alaapne lagay.
مرحبا بالموت مرحبا زائر جاء بعد غیاب
وحبیب وفد علی شوق
“Khush aamdeed mout ko khush aamdeed badi ghair haazri ke baad mulaqaati aaya hai.
Aur mahboob shoq ki sawaari par aaya hai”.
Phir aasmaan ki taraf dekh kar kehnay lagay: Ilaahi! To jaanta hai keh main ne kabhi duniya se mohabbat nahi ki aur nah hi yahan darakht lagaanay aur nehrein chalaanay ke liye ziyaada der rehne ko pasand kya.
Ilaahi! Meri taraf se is neki ko qubool farma jo to kisi momin ki jaanib se qubool karta hai. Aur phir apne watan Ahal-e-Khanah se door, Dawat ila Allah aur hijrat fi sabeel Allah ki soorat main un ki pakeeza rooh Qafas-e-Unsari se parwaaz kar gayi. Allah un se raazi aur woh apne Allah se raazi.
Hazrat Muaz ban Jabal رضی اللہ عنہ kay mufassal Halaat-e-Zindagi maaloom karnay kay liye darjzail kitaabon ka mutaall’a karain:
1: Al Isaabah 3/406
2: Al Istiaab 3/1402
3: Usd ul Ghabah 4/374
4: Sara-o-Aalam-e-Al Nubalaa 1/318
5: Al Tabaqat ul Kubraa 3/583
6: Hiyat ul Awliyaa 1/228
7: Sifat ul Safwah 1/195
8: Tahzeeb-ul-Asmaa-e-Wal Lughat 2/195
9: Tarikh-ul-Islam Zahabi 2/24
10: Al Jam-o-Baina Rijal-e-Al Sahihain 2/487
11: Siar-o-Aalam-e-Al Nubalaa 1/318
12: Al Bidayah wal Nihayah 7/93
13: Doul-ul-Islam 1/5
14: Tahzeeb ul Tahzeeb 10/182
15: Wafayat ul Aayan
16: Jamharat-ul-Awliyaa 2/48
17: Tabaqat Fuqaha-e-Al Yaman 44
18: Al Bad-o-Wal Tarikh 5/117
19: Kitab-ul-Zuhd (Imam Ahmad bin Hanbal) 180
20: Tazkirat ul Huffaz 1/19
21: Al Maarif Libn-e-Qutaibah 1/111
22: Ashab-e-Badar 240
23: Hayat ul Sahabah Chothi jild ki fahrist dikhi
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت معاذ بن جبل رضی اللہ عنہ
میری امت میں حلال و حرام کے متعلق سب سے زیادہ علم رکھنے والے معاذ بن جبل ہیں۔ (فرمان نبویﷺ)
جب جزیرہ عرب رشد و ہدایت اور حق و صداقت کے نور سے چمک اٹھا’ تو ایک ابھرتے ہوئے یثربی جوان معاذ بن جبل کے خیالات میں ایک طوفان برپا ہو گیا، یہ اپنے ہم عمر ساتھیوں میں سب سے زیادہ ذہین، فطین، باہمت اور فصیح البیان تھا۔ اس کے ساتھ یہ سرمیلی آنکھوں، گھنگریالے بالوں، چمکیلے دانتوں والا ایک ایسا حسین و جمیل نوجوان تھا کہ اسے دیکھنے والی آنکھیں ٹک ٹک دیکھتی ہی رہ جاتیں اور دیکھنے والے کا دل اس خوبصورت و دلکش چہرے کو دیکھ کر حیران و ششدر رہ جاتا۔ حضرت معاذ بن جبل نے مکی مبلغ حضرت مصعب بن عمیر رضی اللہ عنہ کے ہاتھ پر اسلام قبول کیا۔ اور عقبہ کی رات نبی کریمﷺ کے دست حق پرست پر بیعت کرنے کا شرف حاصل کیا۔
حضرت معاذ بن جبل رضی اللہ عنہ بہتر خوش نصیب اشخاص کے قافلے میں شامل تھے، جنہوں نے رسول اللہﷺ کی زیارت کی سعادت حاصل کرنے کے لئے مکہ مکرمہ کا قصد کیا’ تاکہ آپ کی بیعت کا شرف حاصل کر سکیں اور تاریخ اسلام کے سنہری باب میں اپنے نام درج کرانے کا اعزاز حاصل کر سکیں۔
اس نوجوان نے مکہ مکرمہ سے واپس مدینہ منورہ پہنچتے ہی بتوں کو توڑنے کے لئے اپنے ہم عصر ساتھیوں کا ایک گروپ ترتیب دیا۔ انہوں نے خفیہ اور اعلانیہ کاروائی شروع کر دی۔
ان نوخیز جوانوں کی تحریک سے متاثر ہو کر یثرب کی ایک اہم شخصیت جناب عمرو بن جموح رضی اللہ عنہ نے اسلام قبول کرلیا۔
عمرو بن جموح بنو مسلمہ کا ہر دلعزیز سردار تھا اور اس نے اپنے لئے نہایت عمدہ لکڑی کا بت تیار کروایا تھا اور یہ اس کی بڑی دیکھ بھال (تعظیم) کیا کرتا تھا اسے ریشمی کپڑے پہناتا اور قیمتی عطریات ملتا، ایک رات اندھیرے میں نوجوان چپکے سے اس کے گھر میں داخل ہوئے اور اس کے بت کو اٹھا کے دبے پاؤں باہر نکلے اور بنو سلمہ کے گھروں کے پیچھے ایک ایسے گڑھے میں پھینک دیا جس میں گندگی تھی۔
جب صبح کے وقت سردار عبادت کی غرض سے اپنے بت کے پاس گیا تو اسے غائب پایا’ ہر جگہ اس کی تلاش کی، بالآخر اپنے بت کو اس گڑھے میں گندگی میں لت پت اوندھے منہ پڑا ہوا دیکھا۔ اسے وہاں سے اٹھایا، غسل دیا، گندگی سے پاک کیا اور دوبارہ اس کی جگہ پر لا کر رکھ دیا اور عرض کیا: اے مناة! بخدا! اگر مجھے پتہ چل جائے کہ تیرے ساتھ یہ بدسلوکی کرنے والا کون ناہنہار ہے، تو میں سر عام اسے ایسا رسوا کروں کہ وہ زندگی بھر یاد رکھے……
جب رات آئی سردار نیند میں خراٹے لینے لگا تو ان نوجوانوں نے پھر وہی کام کیا جو پہلی رات سر انجام دیا تھا…..
تلاش بسیار کے بعد اسے اسی جیسے ایک دوسرے گڑھے میں اوندھے منہ پڑا ہوا ملا’ اسے وہاں سے اٹھایا، غسل دیا، صاف ستھرا کیا، عطر لگایا اور یہ سلوک کرنے والوں کے خلاف ہرزہ سرائی کی اور سرعام انہیں کیفر کردار تک پہنچانے کی دھمکی دی۔ بار بار اس عمل کو دہرایا گیا، نوجوان کنویں میں پھینک آتے اور یہ وہاں سے نکال کر غسل دے کر اس کی جگہ پر لا کر رکھ دیتا اور پوجا پاٹ کرتا۔
بالآخر تنگ آ کر اس نے اس بت کے گلے میں تلوار لٹکا دی اور اس سے مخاطب ہوا۔
اللہ کی قسم! تیرے ساتھ بدسلوکی کرنے والے کا مجھے علم نہیں۔
اے مناة! اگر تم میں طاقت اور ہمت ہے تو اپنا دفاع کر۔
یہ تلوار تیرے پاس ہے…..
جب رات ہوئی، سردار نیند کی آغوش میں محو استراحت ہوا نوجوان بت پر ٹوٹ پڑے, اس کی گردن میں لٹکتی ہوئی تلوار لی اور ایک مردہ کتے کی گردن کے ساتھ باندھ دی اور دونوں کو ایک ہی گڑھے میں پھینک آئے، جب صبح ہوئی سردار نے اپنا بت غائب پایا، تلاش شروع کی تو اسے انتہائی بدتر حالت میں ایک گڑھے میں اوندھے منہ پڑا ہوا پایا، گندگی سے وہ لت پت تھا اور ساتھ مردہ کتا بندھا ہوا تھا اور اس کی گردن میں تلوار لٹک رہی تھی۔
سردار نے یہ قبیح منظر دیکھتے ہی یہ شعر پڑا۔
اللہ کی قسم! اگر تو الہ ہوتا تو تو اور کتا ایک ساتھ کنویں کے وسط میں پڑے ہوئے نہ ہوتے۔
بنو سلمہ کے اس سردار نے یہ شعر پڑھنے کے بعد اسلام قبول کر لیا۔
جب رسول اکرمﷺ ہجرت کر کے مدینہ منورہ پہنچے تو حضرت معاذ بن جبل رضی اللہ عنہ آپ کے ساتھ سائے کی طرح چمٹ گئے۔ آپ سے قرآن مجید کی تعلیم حاصل کی اور شرعی احکامات کا علم حاصل کرنے میں منہمک ہو گئے یہاں تک کہ آپ صحابہ کرام میں سب سے زیادہ کتاب الہی اور شریعت اسلامیہ کا علم رکھنے والے بن گئے ۔ یزید بن قطیب بیان کرتے ہیں: میں ایک روز حمص کی مسجد میں داخل ہوا تو وہاں ایک گھنگریالے بالوں والا نوجوان بیٹھا ہوا تھا، اور لوگ اس کے اردگرد بیٹھے ہوئے تھے۔ جب وہ گفتگو کرتا تو یوں معلوم ہوتا جیسے اس کے منہ میں نور کی کرنیں پھوٹ رہی ہیں، اور چار سو موتی بکھر رہے ہیں۔
میں نے پوچھا: یہ کون ہے؟ لوگوں نے بتایا یہ معاذ بن جبل رضی اللہ عنہ ہے۔
ابو مسلم خولانی بیان کرتے ہیں میں ایک روز دمشق کی مسجد میں گیا، وہاں عمر رسیدہ صحابہ کرام رضی اللہ عنہم کو ایک حلقے میں بیٹھے ہوئے دیکھا اور ان کے درمیان سرمیلی آنکھوں اور چمکیلے دانتوں والا نوجوان جلوہ افروز تھا۔
جب کبھی کسی مسئلہ میں اختلاف پیدا ہو جاتا تو وہ اس نوجوان کی طرف رجوع کرتے میں نے ایک ہم نشیں سے پوچھا یہ کون ہے
اس نے بتایا یہ حضرت معاذ بن جبل بھی رضی اللہ عنہ ہیں۔
اس میں تعجب کی کوئی بات نہیں۔ حضرت معاذ بن جبل کی بچپن سے ہی مدرسۃ الرسولﷺ میں تربیت ہوئی تھی اور رسول اقدسﷺ کے چشمہ علم سے خوب اچھی طرح سیراب ہوئے تھے اور انہوں نے اس چشمہ صافی سے علم و عرفان کے جام پئے تھے۔ یہ ایک بہترین معلم کے بہترین شاگرد تھے۔
حضرت معاذ بن جبل رضی اللہ عنہ کے لئے یہ سند کافی ہے کہ رسول اکرمﷺ نے ان کے متعلق یہ ارشاد فرمایا:
میری امت میں حلال و حرام کے متعلق سب سے زیادہ علم رکھنے والا معاذ بن جبل رضی اللہ عنہ ہے۔
ان کے شرف و فضل کے لئے یہ کافی ہے کہ یہ ان چھ خوش نصیب افراد میں سے ہیں جنہوں نے رسول اکرمﷺ کے عہد مبارک میں قرآن جمع کرنے کا اعزاز حاصل کیا۔
اس لئے صحابہ کرام رضی اللہ عنہم جب آپس میں کسی مسئلے پر گفتگو کرتے اور حضرت معاذ بن جبل رضی اللہ عنہ ان میں موجود ہوتے تو ان کی طرف بڑے احترام سے دیکھتے اور ان کے علم کی تعظیم کرتے۔
رسول اکرمﷺ کے بعد سیدنا صدیق اکبر اور سیدنا عمر فاروق رضی اللہ عنہما نے اپنے عہد خلافت میں اس نابغہٓ عصر علمی شخصیت سے اسلام اور مسلمانوں کی خدمت کا کام لیا۔
نبی اکرمﷺ نے فتح مکہ کے بعد جب دیکھا کہ قریش گروہ در گروہ دائرہ اسلام میں داخل ہو رہے ہیں، تو ان نئے مسلمانوں کے لئے ایک تجربہ کار معلم کی ضرورت محسوس ہوئی جو انہیں اسلام کی تعلیم دے اور شرعی احکام سمجھائے۔ آپ نے سید عتاب بن اسید کو مکہ کا گورنر مقرر کیا اور ان کے ساتھ حضرت معاذ بن جبل رضی اللہ عنہ کو وہیں رہنے دیا تاکہ وہ لوگوں کو قرآن مجید کی تعلیم دیں اور دینی احکامات سکھائیں۔
جب شاہان یمن کے ایلچی رسول اقدسﷺ کی خدمت اقدس میں حاضر ہوئے انہوں نے آپ کے روبرو اپنے مسلمان ہونے اور ماتحت دیگر یمنیوں کے مسلمان ہونے کا اعلان کیا اور یہ مطالبہ کیا کہ ان کے ہمراہ کچھ ایسے حضرات بھیجے جائیں، جو نئے مسلمانوں کو اسلام کی تعلیم دیں، آپ نے اس مشن پر بھیجنے کے لئے چند ایک مبلغین کو منتخب کیا اور ان کا امیر حضرت معاذ بن جبل رضی اللہ عنہ کو مقرر کیا، نبی اکرمﷺ اس رشد و ہدایت پر مشمتل مبلغین کی جماعت کو الوداع کرنے کے لئے خود مدینہ کے باہر تک تشریف لے گئے۔
نبی اکرمﷺ پیدل چل رہے تھے، اور حضرت معاذ بن جبل رضی اللہ عنہ اونٹنی پر سوار تھے۔ رسول اکرمﷺ دیر تک ان کے ساتھ ساتھ چلتے رہے گویا کہ آپ حضرت معاذ رضی اللہ عنہ سے دیر تک باتیں کرنا چاہتے تھے۔
پھر آپ نے انہیں وصیت کرتے ہوئے ارشاد فرمایا:
اے معاذ رضی اللہ عنہ! ہو سکتا ہے آپ مجھے پھر نہ مل سکیں۔
شاید آپ میری مسجد اور قبر کے پاس سے گزریں۔
حضرت معاذ بن جبل رضی اللہ عنہ اپنے محبوب نبی حضرت محمدﷺ کے فراق سے غمزدہ ہو کر زار و قطار رونے لگے اور آپ کے ساتھ دیگر ساتھی بھی سسکیاں لینے لگے۔
رسول اکرمﷺ کی یہ خبر مبنی بر صداقت تھی۔ اس کے بعد حضرت معاذ رضی اللہ عنہ کو رسول اقدسﷺ کی زیارت کا سرمہ اپنی آنکھوں میں ڈالنے کا موقع میسر نہ آیا۔
حضرت معاذ رضی اللہ عنہ کے یمن سے واپس لوٹنے سے پہلے ہی رسول اکرمﷺ اپنے اللہ کو پیارے ہو گئے۔
جب حضرت معاذ رضی اللہ عنہ مدینہ منورہ واپس لوٹے، رسول خداﷺ کے فراق میں دھاڑیں مار کر رونے لگے۔
جب حضرت عمر بن خطاب رضی اللہ عنہ خلیفہ بنے تو آپ نے حضرت معاذ رضی اللہ عنہ کو بنو کلاب کی طرف بھیجا تاکہ وہ اغنیاء سے صدقات وصول کر کے ان کے فقراء و مساکین میں تقسیم کریں۔ آپ نے ذمہ داری کو پوری طرح نبھایا۔
آپ جب اپنی یوی کے پاس آئے تو انہوں نے مفلر کے طور اپنی گردن پر وہ ٹاٹ لپیٹ رکھا تھا جسے عام طور پر گھوڑے کی زین کے نیچے بچھایا جاتا ہے۔
بیوی نے کہا: وہ تحائف کہاں ہیں جو منصب دار اپنے گھر والوں کے لئے لایا کرتے ہیں ؟
آپ نے فرمایا: میرے ساتھ ایک بیدار مغز چوکس نگہبان تھا جو میری ہر ایک حرکت کو نوٹ کرتا تھا۔
بیوی نے حیران ہو کر کہا: رسول اقدسﷺ اور حضرت ابو بکر صدیق رضی اللہ عنہ کے نزدیک تو آپ امین تھے، پھر حضرت عمر خلیفہ بنے تو انہوں نے آپ پر ایک نگہبان مقرر کر دیا۔ یہ خبر حضرت عمر رضی اللہ عنہ کی بیویوں میں پھیل گئی، اس لئے کہ ان سے حضرت معاذ بن جبل رضی اللہ عنہ کی بیوی نے دکھ بھرے انداز میں شکوہ کیا تھا، جب یہ بات حضرت عمر رضی اللہ عنہ تک پہنچی تو انہوں نے حضرت معاذ بن جبل رضی اللہ عنہ کو بلایا اور پوچھا:
اے معاذ! کیا میں نے تمہاری نگرانی کے لئے کوئی نگہبان مقرر کیا ہے۔
عرض کیا: نہیں یا امیرالمومنین! ۔۔
دراصل مجھے اپنی بیوی کے سامنے پیش کرنے کے لئے اس کے علاوہ کوئی عذر نہیں ملا تھا۔
حضرت عمر رضی اللہ عنہ یہ بات سن کر ہنس پڑے اور اپنے پاس سے کچھ تحائف دیئے اور فرمایا: جاؤ یہ تحائف دے کر اسے راضی کر لو۔
فاروق اعظم رضی اللہ عنہ کے دور خلافت میں شام کے گورنر یزید بن ابی سفیان نے یہ مطالبہ کیا۔
امیرالمومنین! باشندگان شام کی تعداد بہت ہو چکی ہے اب ان کے لئے ایسے افراد کی ضرورت ہے جو انہیں قرآن مجید کی تعلیم دیں اور دینی احکام سکھائیں، امیرالمومنین آپ اس سلسلہ میں میری مدد فرمائیں۔
حضرت عمر رضی اللہ عنہ نے ان پانچ صحابہ کرام رضی اللہ عنہم کو بلایا جنہوں نے عہد نبوت میں قرآن مجید جمع کیا تھا اور وہ تھے: حضرت معاذ بن جبل رضی اللہ عنہ، حضرت عبادہ بن صامت رضی اللہ عنہ، حضرت ابو ایوب انصاری رضی اللہ عنہ، حضرت ابی بن کعب رضی اللہ عنہ اور حضرت ابو درداء رضی اللہ عنہ۔
آپ نے ان سے کہا:
شام میں رہائش پذیر آپ کے مسلمان بھائیوں نے مجھ سے یہ مدد طلب کی ہے کہ ایسے افراد ان کے پاس بھیجے جائیں جو ان کو قرآن مجید کی تعلیم دیں اور دینی احکامات سکھائیں اس سلسلہ میں آپ مجھ سے تعاون کریں، اللہ آپ پر اپنی رحمت کی برکھا برسائے۔
میں تم میں سے تین اشخاص کو اس مشن پر بھیجنا چاہتا ہوں اگر چاہو تو قرعہ ڈال لو یا میں تم میں سے تین احباب کو نامزد کر دیتا ہوں۔
انہوں نے کہا:
قرعہ ڈالنے کی کیا ضرورت ہے؟
حضرت ابو ایوب رضی اللہ عنہ بوڑھے ہو چکے ہیں۔
حضرت ابی بن کعب رضی اللہ عنہ بیمار ہیں۔
باقی ہم تین رہ گئے۔
حضرت عمر رضی اللہ عنہ نے ارشاد فرمایا۔
حمص سے تعلیم کا آغاز کرنا جب تم باشندگان حمص کی حالت سے مطمئن ہو جاؤ’ تو اپنے میں سے ایک کو یہیں چھوڑ دینا۔ تم میں سے ایک دمشق چلا جائے اور تیسرا فلسطین روانہ ہو جائے۔ یہ تینوں صحابہ رضی اللہ عنہم اتنی دیر حمص میں رہے، جتنی دیر رہنے کے لئے انہیں حضرت عمر رضی اللہ عنہ نے حکم دیا تھا۔
پھر وہاں حضرت عبادہ بن صامت رضی اللہ عنہ کو چھوڑا۔ حضرت ابو درداء دمشق روانہ ہو گئے۔ اور حضرت معاذ بن جبل رضی اللہ عنہ فلسطین چلے گئے۔
وہاں پہنچ کر حضرت معاذ بن جبل رضی اللہ عنہ ایک وبائی مرض میں مبتلا ہوئے۔ جب موت کا وقت قریب آیا تو قبلہ رخ ہو کر بار بار یہ ترانہ الاپنے لگے۔
مرحبا بالموت مرحبا
زائر جاء بعد غياب
وحبيب وفد على شوق
خوش آمدید موت کو خوش آمدید’ بڑی غیر حاضری کے بعد ملاقاتی آیا ہے۔
اور محبوب شوق کی سواری پر آیا ہے۔
پھر آسمان کی طرف دیکھ کر کہنے لگے: الہی! تو جانتا ہے کہ میں نے کبھی دنیا سے محبت نہیں کی اور نہ ہی یہاں درخت لگانے اور نہریں چلانے کے لئے زیادہ دیر رہنے کو پسند کیا۔
الہی! میری طرف سے اس نیکی کو قبول فرما جو تو کسی مومن کی جانب سے قبول کرتا ہے۔ اور پھر اپنے وطن’ اہل خانہ سے دور دعوت الی اللہ اور ہجرت فی سبیل اللہ کی صورت میں ان کی پاکیزہ روح قفس عنصری سے پرواز کر گئی۔ اللہ ان سے راضی اور وہ اپنے اللہ سے راضی۔
حضرت معاذ بن جبل رضی اللہ عنہ کے مفصل حالات زندگی معلوم کرنے کے لئے درج ذیل کتابوں کا مطالعہ کریں۔
ا۔ الاصابه ۳/ ۴۰۶
٢- الاستيعاب ۳/ ۱۴۰۲
۳۔ اسد الغابه ۴/ ۳۷۴
۴۔ سیر اعلام النبلاء ۳۱۸/۱
ه- الطبقات الكبرى ۵۸۳/۳
۶- حلية الأولياء ۱/ ۲۲۸
۷- صفة الصفوة ۱/ ۱۹۵
۸۔ تهذيب الاسماء واللغات ۲/ ۱۹۵
۹۔ تاریخ الاسلام ذهبی ۲/ ۲۴
۱۰۔ الجمع بين رجال الصحيحين ۴۸۷/۲
۱۱۔ سیر اعلام النبلاء ۱/ ۳۱۸
١۲- البدايه والنهايه ۷/ ۹۳
۱۳۔ دول الاسلام ۱/ ۵
١٤- تهذيب التهذيب ۱۸۶/۱۰
١٥- وفيات الاعيان
١٦- جمهرة الأولياء ۲/ ۴۸
۱۷۔ طبقات فقهاء اليمن ۴۴
١٨- البدء والتاريخ ۵/ ۱۱۷
۱۹۔ کتاب الزهد (امام احمد بن حنبل) ۱۸۰
٢٠- تذكرة الحفاظ ۱/ ۱۹
۲۱- المعارف لابن قتيبه ۱/ ۱۱۱
۲۲۔ اصحاب بدر ۲۴۰
٢٣- حياة الصحابه
چوتھی جلد کی فہرست دیکھئے
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”