55. Hazrat Rabia Bin Kaab (رضی اللہ عنہ)
Hazrat Rabia Bin Kaab(رضی اللہ عنہ)
Ya Rasool Allah ﷺ! Mere liye du’a karen keh Allah Ta’alaa mujhe jannat main aap ka rafeeq bana day.
Tamnnay-e-Rabia ban Kaab رضی اللہ عنہ
Hazrat Rabia bin Kaab رضی اللہ عنہ farmaatay hain:
Main abhi Unfwaan-e-Shabaab main tha keh rooh Noor-e-Imaan se chamak uthi. Aur mera dil islaam ke Rumooz-o-Asaraar se labraiz ho gaya. Jab main ne Deedar-e-Nabi ﷺ ka surma apni aankhon main daala to aap ki mohabbat mere royain royain main saraayat kar gayi. Aap ki be panah mohabbat ne mujhe aap ke siwa har cheez ko bhula diya. Aik din main ne apne dil se kaha:
Rabia tujh pay afsos hai. Bhala to apne aap ko Rasool-e-Aqdas ﷺ ki khidmat ke liye waqf kyun nahi kar deta. Is maqsad ke liye tujhe pehli fursat main Bargaah-e-Risaalat main arz paish kar deeni chahiye. Agar darkhwast qabool ho gayi to tairay bhaag jaag uthen ge. Tujhe qurb ki sa’adat bhi naseeb hogi. Aur mohabbat main kamyaabi bhi ilawa azeen Duniy-o-Aakhirat ki Khair-o-Barkat teri jholi main daal di jaaye gi. Yeh sochte hi main ne Bargaah-e-Risaalat main darkhwast ki ya Rasool Allah az Raah-e-Karam mujhe apna khaadim bana lijiye. Aap ne kamaal shafqat musarrat ka izhaar karte hue mujhe apni khidmat ke liye qabool kar liya. Zahe qismat, Wah ray khush naseebi.
ایں سعادت بزورِ بازو نیست
تا نہ بخشذ خداۓ بخشذہ
Main khushi se jhoom gaya aur apni qismat par naaz karne laga. Main usi din se saaye ki tarhan aap ke sath ho gaya jahan chaltay main chalta, Jahan baithtay main baithta. Jis taraf ka bhi rukh karte aap ke saath khidmat ke liye tayyar hota. Jab aap meri taraf nigah uthaatay to main foran aap ke saamnay ba adab aa khada hota. Jab aap mujhe kisi kaam ka hukam dete to palak jhapkane main us kaam ko sar injaam deta. Is tarhan main din bhar aap ki khidmat main masroof rehta. Jab namaz isha ada kar letay aur apne hujray main tashreef le jaatay to main kahin jaane ki bajaaye aap ke ghar ki dehleez par baith jaata keh shaayad raat ke waqt aap ko koi kaam yaad aaj ay aur main wahan mojood nah hua to aap ko woh kaam karna pady yeh mere liye kisi tarhan bhi munaasib nahi keh mere jeetay jee aap ko kaam karne ki zehmat uthaana pady. Main ne wahan imaan afroz manzar bhi dekha ke Rasool-e-Aqdas ﷺ raat ka aksar hissa namaaz padhte hue guzaartay. Basa auqaat surah Fatiha padhnay ki aawaz mere kaanon ko sunaai deti. Baaz auqaat aap wajad main aa kar surah Fatiha baar baar padhte.
Basa auqaat ( سمع اللہ لمن حمدہ) ki lazzat bhari aawaz mujhe sunaai deti yeh kalimaat bhi aap kamaal Kaif-o-Suroor aur lazzat aashanaai ke andaaz main baar baar dohraatay.
Rasool-e-Aqdas ﷺ ki Aadat-e-Mubarikah thi keh jab koi aap se Husan-e-Sulook se paish aata to aap us ka badla is se bhi behtar andaaz main dete. Aik roz aap ne meri khidmaat ka sila dainay ke liye mujhe mukhaatib ho kar irshaad farmaaya:
Aey kaab ke farzand Rabia رضی اللہ عنہ
Main ne kaha labbaik ya Rasool Allah ﷺ! aap ne farmaya: Mujh se maango keh aaj tujhe ataa kar doon. Main yeh sun kar apni qismat par naaz karne laga. Ahaa! Mere naseeb ke kya kehnay keh Shah-e-Umm Sultan-e-Madinah ki Nazar-e-Karam aaj mujh par hai.
Main ne arz ki: Ya Rasool Allah ﷺ mujhe kuch mohlat dijiye taakeh soch kar koi faisla kar sakoon keh main aap se kya maangoon.
Aap ne irshaad farmaaya: Khoob soch lijiye. Main aik Muflis-o-Kangaal nojawaan tha nah mere paas koi ghar tha nah biwi aur nah maal balkeh deegar Ashaab-e-Suffah ki tarhan masjid ka chabootra mera thikaana tha. Log hamain islaam ka mahemaan keh kar pukaarte thay. Jab koi musalmaan Rasool-e-Aqdas ﷺ ke paas sadqa le kar aata to aap woh sabhi kuch hamaaray paas bhaij dete, Jab koi tohfa le kar aata to is main thoda sa aap letay, Baaqi hamaari taraf bhaij dete. Mere dil main khayaal aaya keh main Bargaah-e-Risaalat se Maal-o-Doulat ka sawaal karoon taakah main bhi doosron ki tarhan Saahib-e-Maal-o-Doulat, Rafiqa-e-Hayaat aur aulaad waala ban sakoo, Lekin sath hi aik doosra khayaal mere dil main aaya.
Aey Rabia! Afsos to kya soch raha hai. Yeh duniya to dhalti chaaon hai. Yeh fanaa ho jaaye gi. Is main tera rizaq Allah Ta’alaa ne muqarrar kar diya hai. Woh har soorat main tujhe mil kar rahay ga.
Bilashuba Rasool-e-Aqdas ﷺ ka apne Rab ke haan bada martaba hai. Yaqeenan aap ki kisi talab ko bargaah ayzdi main rad nahi kya jaaye ga. Agar aap se kuch maangna hai, To aakhirat ki bhalaai maango. Yeh duniya to jaisay taise guzar hi jaaye gi. Is main ham jaisay logon ke liye kya rakha dhara hai. Yeh khayaal aatay hi mera dil khush ho gaya. Jab main Rasool-e-Aqdas ﷺ ki khidmat main haazir hua to aap ne farmaaya : Rabia kya iraaday hain?
Main ne arz ki: Ya Rasool Allah ﷺ! Meri yeh iltijaa hai keh aap mere liye Allah Ta’alaa se dua karen keh woh mujhe jannat main aap ka rafeeq banaa de.
Aap ﷺ ne yeh sun kar irshaad farmaaya:
Kya khoob! Yeh mutaalaba karne ki soch kis ne peda ki? Main ne arz ki: Ya Rasool Allah ﷺ kisi ne bhi mujhe yeh muatalaba karne ko nahi kaha. Balkay jab aap ne mujhe farmaaya: Keh main aap se kuch maangoon. To pehlay mere dil main aaya keh main aap se duniya ka mutaalaba karoon. Phir achaanak mere dil main khayaal aaya kyun nah baaqi rehne waali aakhirat ko fanaa honay wali duniya par tarjeeh dun. Yeh soch kar main ne aap se yeh mutaalaba kar diya keh aap mere liye Allah Ta’alaa se dua karen keh woh mujhe jannat main aap ka rafeeq banaa de. Rasool Allah ﷺ der tak khamosh rahay. Phir irshaad farmaaya kya is ke ilaawa bhi koi mutaalaba hai. Main ne barjasta kaha: Hargiz nahi. Main jannat main aap ki rafaaqat ko har cheez par tarjeeh deta hoon.
Aap ne irshaad farmaaya:
Jannat main meri rafaaqat chahtay ho to dil laga kar ziyada se ziyada ibaadat kya karo is tarhan jannat main meri rafaaqat ka muyassar aana aasaan ho jaaye gaa.
Ain yeh Masda jaan afzaa sun kar ziyada waqt ibaadat main Masroof-o-Munhamik rehne laga.
Abhi chand din hi guzray hon ge keh aik roz Rasool-e-Akram ﷺ ne mujhe aawaz di.
Main foran aap ki Khidmat-e-Aqdas main main haazir hua. Aap ne muskuraatay hue irshaad farmaya:
Rabia kya to shaadi nahi kare ga.
Main basd Adab-o-Ahtram arz guzaar hua: Mera dil nahi chahta keh koi cheez aap ki khidmat main aade aaye. Aur phir aap ko yeh bhi ma’loom hi hai keh biwi ke akhrajaat ka main muthammil nahi ho sakta yeh sun kar aap khamosh ho gaye. Aur chand din isi tarhan guzar gaye.
Phir aik roz aap ne poocha:
Rabia! Kya khayaal hai tum shaadi nahi karo ge.
Main ne phir wohi pehlay jaisa jawaab diya.
Lekin mere dil main khayaal aaya keh Rabia tujhe yeh jawaab nahi dena chahiye tha.
Ba Khuda! Nabi-e-Akram ﷺ tujh se behtar jaantay hain keh Deen-o-Duniya main tairay liye behtar kya hai aur jo teri maali hesiyat hai, Aap is se bakhoobi waaqif hain. Agar aap daryaaft farmaa rahy hain to yaqeenan is main koi raaz hoga. To main ne faisla kar liya keh agar aap ne shaadi ke mutaliq poocha to main inkaar nahi karoon ga balkeh Basd-e-Adab-o-Ahtram kahoon ga.
Sar tasleem kham hai. Jo mizaaj mualla ki Raza ho, Main us pay raazi.
Abhi chand din hi guzray thay keh Rasool-e-Aqdas ﷺ ne phir poocha :
Rabia! Kya to shaadi nahi kere ga.
Main ne arz ki: Kyun nahi main Ba rza-o-Raghbat tayyar hoon. Jo aap ka hukam sar aankhon par main aur mera yeh naseeb zahe qismat.
Aap yeh sun kar khush hue aur irshaad farmaya ke falaan ghar jaao Ahl-e-Khanah se mera salaam kehna aur unhen yeh peghaam diya keh Allah ka Rasool tumhe yeh hukam deta hai keh Rabia ko apna damaad bana lo. Main sharmaata aur jhijhakta hua un ke paas gaya. Salaam kaha aur unhen Rasool-e-Akram ﷺ ka peghaam diya. Aur main yeh dekh kar heraan reh gaya keh baghair kisi Heel-o-Hujjat ke woh mujhe apna beta banaanay par raazi ho gaye. Aur mohabbat bharay andaaz main kehnay lagay keh Habib-e-Kibria ka hukam sar aankhon par ham inhen aur hamaari taraf un ke bheje hue peghaam rasaan ko khush aamdeed kehte hain.
Aap ki Nazar-e-Intikhaab zahe qismat yeh hamaari khush naseebi hai.
Aayiyae tashreef rakhiyae chasham ma roshan dil ma shaad.
Us ke baad baghair kisi Pas-o-Paish ke unhon ne apni beti ka nikah mujh se kar diya aur main shaadan farhaan apni qismat pay naaz karta hua Bargaah-e-Risaalat main haazir hua aur arz ki. Ya Rasool Allah ﷺ woh to waqai Qaabil-e-Rashk gharaana hai. Aap ka hukam suntay hi unhon ne mujhe apna damaad bna lya.
Ya Rasool Allah ﷺ?! Ab main apni biwi ke liye meher kahan se dun?
Yeh sun kar Rasool-e-Aqdas ﷺ muskuraaye aur Bano Aslam ke sardaar Buraidah ko hukam diya keh Rabia ke liye sonay ki daali ka intizam kare aur us ne foran hukam ki ta’meel karte hue sonay ki daali Bargaah-e-Risaalat main paish kar di.
Rasool-e-Aqdas ﷺ ne mujhe hukam diya keh yeh sonay ki daali le jao aur Ahl-e-Khanah se kehna yeh aap ki beti ka meher hai isay qubool kijiye. Main un ke paas gaya. Sonay ki woh choti si dali paish ki. Unhon ne khushi ka izhaar karte hue usay qabool kya. Main un ke akhlaaq aur Khanda peshaani ke sath paish aanay se be had mutaassir hua aur Bargaah-e-Risaalat main arz ki. Ya Rasool Allah ﷺ ba Khuda! Woh to bohat hi achay log hain. Khajoor ki ghuthli ki maanind sonay ki dali dekh kar un ke dil par koi malaal nah aaya balkeh woh kehnay lagay. Yehi bohat hai.
Phir main ne arz ki: Ya Rasool Allah ﷺ! Main aap par qurbaan jaoon. Ab main walima kahan se karoon, Mere paas to is ke liye kuch bhi nahi. Aap ne farmaaya:
Ghabraao nahi apni qoum Bano Aslam ke sardaar Buraida ko bulaa kar laao. Usay aap ki khidmat main laaya gaya. Aap ne farmaaya: Buraida apni qoum ke is fard ki khushi main shareek hotay hue aik maindhe ka intzaam karo. Taakeh yeh walima ki sunnat ada kar sakay. Us ne foran hukam ki ta’meel karte hue aik mota taaza meendha khareed kar aap ki khidmat main paish kar diya.
Phir Rasool-e-Aqdas ﷺ ne irshaad farmaaya:
Rabia Aisha رضی اللہ عنہ ke paas jaao. Aur usay kaho keh tujhe aata day day main un ke paas gaya aur huzoor ﷺ ka peghaam diya unhon ne farmaaya: Keh bartan main jou ka aata pada hai le jaao. Main ne usay kapday main daala woh taqreeban bees (20) sair tha. Is ke ilawa koi anaaj aap ke ghar nahi tha, Lekin aap ki hamdardi, Shafqat aur mohabbat ke qurbaan jaoon kis qadar apne mureedon ki dil joi ka khayaal hai. Meendha aur aata le kar main sasuraal ke ghar gaya. Aur yeh dono cheezen un ke sapurd keen taakeh walimay ka ahtimaam kya jaaye. Unhon ne kaha roti ham tayyar kar dete hain. Aur yeh jaanwar apne dost ahaabad se kahein keh zibah kar ke woh pakka den, Lihaza meri qoum ke chand afraad ne usay zibah kya aur pakaaya. Roti aur saalan tayyar ho gaya. Main ne walimay par Mohsin-e-Insaaniyat, Rasool Allah ﷺ ko bhi da’wat di. Jo aap ne bakhushi qabool ki. Aur is main shirkat kar kay meri hosla afzaai ki.
Rasool-e-Aqdas ﷺ ne hazrat Siddiq-e-Akbar رضی اللہ عنہ ki zameen ke saath mulhaq mujhe bhi zameen ka aik tukda allot kar diya. Is tarhan duniya ke maal ka mere ghar wurood honay laga. Aik roz aisa hua keh aik khajoor ke darakht ki wajah se mera Hazrat Siddiq-e-Akbar رضی اللہ عنہ se jhagda ho gaya. Main ne kaha yeh darakht mera hai kyunkeh yeh meri zameen main hai. Woh farmaanay lagay. Yeh darakht mera hai. Aur aik arsay se meri malkiat main hai.
Jab main ne apni milkiat par israar kya to unhen gussa aa gaya aur mujhe jali kati sunaanay lagay. Main khamosh ho gaya jab ghussa thanda hua to aap bohat pashemaan hue. Gham-o-Andoh se Kabeeda-e-Khatir ho kar farmaanay lagay:
Rabia! Mujhe maa’f kar do. Ya waisay hi kalimaat mujhe kaho jo main ne tumhein kahe hain taakeh duniya main hi hisaab be baak ho jaaye.
Main ne kaha: Ba Khuda! Main to aap ko aisa kehnay ki jurrat nahi karoon ga.
To jalal main aa kar kehnay lagay: Agar badla nahi lo gay to main tumhaari shikaayat Bargaah-e-Risaalat main karoon ga. Yeh keh kar aap Nabi-r-Akram ﷺ ki taraf chal pady main bhi un ke peechay chal pada. Meri qoum ke chand afraad bhi mere sath chal pady. Woh mere kaan main kehnay lagay. Yeh bhi ajeeb maajra hai. Ghusse ka nishaana bhi tujhe banaya gaya aur ulti shikaayat bhi teri honay lagi. Main ne yeh sun kar un ke mun pay haath rakhtay hue kaha. Jaantay ho yeh kon hain? Un ka Maqaam-o-Martaba kya hai ?
Sun lo! Yeh Siddiq-e-Akbar رضی اللہ عنہ hain. Yeh musalmanon ke mohsin hain.
Khabardaar! Agar un ke khilaaf kisi ne koi baat ki. Tum yahin se wapis chalay jaao. Agar unhon ne dekh liya keh tum meri madad ke liye mere hamrah chal rahay ho to yeh naraaz ho jaayen ge. Agar yeh naraaz ho gaye to mere Peer-o-Murshid Haadi-e-Barhaq ﷺ naraaz ho jaayen ge. Woh naraaz ho gaye to mera Allah naraaz ho jaaye ga. Baeen soorat main Tabah-o-Barbaad ho jaoon ga. Barah-e-Meharbaani tum yahin se wapis chalay jaao. Tumhaari madad ki mujhe koi zaroorat nahi. Woh wapis lout gaye. Hazrat Siddiq-e-Akbar رضی اللہ عنہ ne Bargaah-e-Risaalat main paish ho kar saara waqea Rasool-e-Aqdas ﷺ ko sunaa dya. Aap ne meri taraf dekha aur farmaaya:
Rabia! Kya baat hai?
Main ne Adab-o-Ahtram se arz ki: Ya Rasool Allah ﷺ! Inhon ne mujh se mutaalaba kya keh ghusse main aa kar jis tarhan inhon ne mujhe kaha waisay hi main in se badla loon. Bhala main yeh jurrat kaisay kar sakta hoon!
Aap ne farmaaya:
Rabia! Tum ne bohat acha kia.
Lekin ab ye kaho: Ilaahi! Main ne Sidq-e-Dill say Abu Bakar رضی اللہ عنہ ko m’aaf kia.
Main ne jab ye kaha to Hazrat Saddiq-e-Akbar رضی اللہ عنہ ki aankhon se foran khushi se aansu jaari ho gaye. Aur farmaanay lagay. Rabia! Allah tujhe jazaae kher atta kare. Tu ne mujh par ahsaan kia hai.
Hazrat Rabia Bin Kaab رضی اللہ عنہ kay mufassal Halaat-e-Zindagi maaloom karnay kay liye darjzail kitaabon ka mutaala:
1: Usd ul Ghabah 2/117
2: Al Isaabah 1/511
3: Al Istiaab 1/506
4: Al Bidayah wal Nihayah 335-336
5: Kanz-ul-Ummal 7/32
6: Al Tabaqat ul Kubraa 4/313
7: Musnad Abi Dawd 161-162
8: Tarikh ul Khulafa 56
9: Majma-ul-Zawaid 4/252-257
1-: Hayat ul Sahaabah Fahrist dikhiy
11: Tahzeeb ul Tahzeeb 3/262-263
12: Khulasah Tahzeeb-o-Tahzeeb-e-Al Kamal 116
13: Tajreed-o-Asmaa-e-Al Sahabah 1/194
14: Al Jam-o-Baina Rijal-e-Al Sahihain 1/136
15: Al Jarah-o-Wal Tadeel 2/472
16: Tarikh-ul-Kabeer 2/256
17: Tarikh Khalifah bin Khayyat 111
18: Al Tabaqat ul Kubraa 4/313-314
19: Tarikh-e-Islam Zahabi 3/15
20: Al Fasal ul Islamiyyah Fi Ahd-e-Al Nubuwwat Wal Rashdeen 2/656 Ahmad Hafiz Makki
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت ربیعہ بن کعب رضی اللہ عنہ
یارسول اللهﷺ میرے لئے دعا کریں کہ اللہ تعالیٰ مجھے جنت میں آپ کا رفیق بنا دے۔ (تمنائے ربیعہ بن کعب رضی اللہ عنہ)
حضرت ربیعہ بن کعب رضی اللہ عنہ فرماتے ہیں۔
میں ابھی عنفوان شباب میں تھا کہ روح نور ایمان سے چمک اٹھی۔ اور میرا دل اسلام کے رموز و اسرار سے لبریز ہو گیا۔ جب میں نے دیدار نبیﷺ کا سرمہ اپنی آنکھوں میں ڈالا تو آپ کی محبت میرے روئیں روئیں میں سرایت کر گئی۔ آپ کی بے پناہ محبت نے مجھے آپ کے سوا ہر چیز کو بھلا دیا۔ ایک دن میں نے اپنے دل سے کہا۔
ربیعہ، تجھ پہ افسوس ہے۔ بھلا تو اپنے آپ کو رسول اقدسﷺ کی خدمت کے لئے وقف کیوں نہیں کر دیتا۔ اس مقصد کے لئے تجھے پہلی فرصت میں بارگاہ رسالت میں عرض پیش کر دینی چاہیئے۔ اگر درخواست قبول ہو گئی تو تیرے بھاگ جاگ اٹھیں گے۔ تجھے قرب کی سعادت بھی نصیب ہو گی۔ اور محبت میں کامیابی بھی’ علاوہ ازیں دنیا و آخرت کی خیر و برکت تیری جھولی میں ڈال دی جائے گی۔ یہ سوچتے ہی میں نے بارگاہ رسالت میں درخواست کی یا رسول اللہ ازراہ کرم مجھے اپنا خادم بنا لیجئے۔ آپ نے کمال شفقت مسرت کا اظہار کرتے ہوئے مجھے اپنی خدمت کے لئے قبول کر لیا۔ زہے قسمت، واہ رے خوش نصیبی۔
ایں سعادت بزور بازو نیست
تا نہ بخشند خدائے بخشندہ
میں خوشی سے جھوم گیا اور اپنی قسمت پر ناز کرنے لگا۔ میں اسی دن سے سائے کی طرح آپ کے ساتھ ہو گیا جہاں چلتے’ میں چلتا، جہاں بیٹھتے میں بیٹھتا۔ جس طرف کا بھی رخ کرتے، آپ کے ساتھ خدمت کے لئے تیار ہوتا۔ جب آپ میری طرف نگاہ اٹھاتے
تو میں فوراً آپ کے سامنے باادب آ کھڑا ہوتا۔ جب آپ مجھے کسی کام کا حکم دیتے تو پلک جھپکنے میں اس کام کو سرانجام دیتا۔ اس طرح میں دن بھر آپ کی خدمت میں مصروف رہتا۔ جب نماز عشاء ادا کر لیتے اور اپنے حجرے میں تشریف لے جاتے تو میں کہیں جانے کی بجائے آپ کے گھر کی دہلیز پر بیٹھ جاتا کہ شاید رات کے وقت آپ کو کوئی کام یاد آ جائے اور میں وہاں موجود نہ ہوا تو آپ کو وہ کام کرنا پڑے یہ میرے لئے کسی طرح بھی مناسب نہیں کہ میرے جیتے جی آپ کو کام کرنے کی زحمت اٹھانا پڑے۔ میں نے وہاں ایمان افروز منظر بھی دیکھا کہ رسول اقدسﷺ ایک رات کا اکثر حصہ نماز پڑھتے ہوئے گزارتے۔ بسا اوقات سورۃ فاتحہ پڑھنے کی آواز میرے کانوں کو سنائی دیتی۔ بعض اوقات آپ وجد میں آ کر سورۃ فاتحہ بار بار پڑھتے۔
بسا اوقات (سمع الله لمن حمدہ) کی لذت بھری آواز مجھے سنائی دیتی یہ کلمات بھی آپ کمال کیف و سرور اور لذت آشنائی کے انداز میں بار بار دہراتے۔
رسول اقدسﷺ کی عادت مبارکہ تھی کہ جب کوئی آپ سے حسن سلوک سے پیش آتا تو آپ اس کا بدلہ اس سے بھی بہتر انداز میں دیتے۔ ایک روز آپ نے میری خدمات کا صلہ دینے کے لئے مجھے مخاطب ہو کر ارشاد فرمایا:
اے کعب کے فرزند ربیعہ رضی اللہ عنہ میں نے کہا لبیک یا رسول اللہﷺ! آپ نے فرمایا: مجھ سے مانگو کہ آج تجھے عطا کر دوں۔ میں یہ سن کر اپنی قسمت پر ناز کرنے لگا۔ آہا! میرے نصیب کے کیا کہنے کہ شاہ امم سلطان مدینہ کی نظر کرم آج مجھ پر ہے۔
میں نے عرض کی: یا رسول اللہﷺ مجھے کچھ مہلت دیجئے تاکہ سوچ کر کوئی فیصلہ کر سکوں کہ میں آپ سے کیا مانگوں۔
آپ نے ارشاد فرمایا: خوب سوچ لیجئے۔ میں ایک مفلس و کنگال نوجوان تھا نہ میرے پاس کوئی گھر تھا نہ بیوی اور نہ مال بلکہ دیگر اصحاب صفہ کی طرح مسجد کا چبوترہ میرا ٹھکانہ تھا۔ لوگ ہمیں اسلام کا مہمان کہہ کر پکارتے تھے۔ جب کوئی مسلمان رسول اقدس ﷺ کے پاس صدقہ لے کر آتا تو آپ وہ سبھی کچھ ہمارے پاس بھیج دیتے، جب کوئی تحفہ لے کر آتا تو اس میں تھوڑا سا آپ لیتے، باقی ہماری طرف بھیج دیتے۔ میرے دل میں خیال آیا کہ میں بارگاہ رسالت سے مال و دولت کا سوال کروں تاکہ میں بھی دوسروں کی طرح صاحب مال و دولت، رفیقہ حیات اور اولاد والا بن سکوں لیکن ساتھ ہی ایک دوسرا خیال میرے دل میں آیا۔
اے ربیعہ! افسوس تو کیا سوچ رہا ہے۔ یہ دنیا تو ڈھلتی چھاؤں ہے۔ یہ فنا ہو جائے گی۔ اس میں تیرا رزق اللہ تعالیٰ نے مقرر کر دیا ہے۔ وہ ہر صورت میں تجھے مل کر رہے گا۔
بلاشبہ رسول اقدسﷺ کا اپنے رب کے ہاں بڑا مرتبہ ہے۔ یقیناً آپ کی کسی طلب کو بارگاہ ایزدی میں رد نہیں کیا جائے گا۔ اگر آپ سے کچھ مانگنا ہے، تو آخرت کی بھلائی مانگو۔ یہ دنیا تو جیسے تیسے گزر ہی جائے گی۔ اس میں ہم ایسے لوگوں کے لئے کیا رکھا دھرا ہے۔ یہ خیال آتے ہی میرا دل خوش ہو گیا۔ جب میں رسول اقدسﷺ کی خدمت میں حاضر ہوا تو آپ نے فرمایا: ربیعہ کیا ارادے ہیں؟
میں نے عرض کی: یارسول اللہ! میری یہ التجا ہے کہ آپ میرے لئے اللہ تعالیٰ سے دعا کریں کہ وہ مجھے جنت میں آپ کا رفیق بنا دے۔
آپ نے یہ سن کر ارشاد فرمایا:
کیا خوب! یہ مطالبہ کرنے کی سوچ کس نے پیدا کی؟
میں نے عرض کی: یا رسول اللہﷺ! کسی نے بھی مجھے یہ مطالبہ کرنے کو نہیں کہا۔ بلکہ جب آپ نے مجھے فرمایا: کہ میں آپ سے کچھ مانگوں۔ تو پہلے میرے دل میں آیا کہ میں آپ سے دنیا کا مطالبہ کروں۔ پھر اچانک میرے دل میں خیال آیا کیوں نہ باقی رہنے والی آخرت کو فنا ہونے والی دنیا پر ترجیح دوں۔ یہ سوچ کر میں نے آپ سے یہ مطالبہ کر دیا کہ آپ میرے لئے اللہ تعالٰی سے دعا کریں کہ وہ مجھے جنت میں آپ کا رفیق بنا دے۔ رسول اللهﷺ دیر تک خاموش رہے۔ پھر ارشاد فرمایا کیا اس کے علاوہ بھی کوئی مطالبہ ہے۔ میں نے برجستہ کہا: ہر گز نہیں۔ میں جنت میں آپ کی رفاقت کو ہر چیز پر ترجیح دیتا ہوں۔
آپ نے ارشاد فرمایا:
جنت میں میری رفاقت چاہتے ہو تو دل لگا کر زیادہ سے زیادہ عبادت کیا کرو اس طرح جنت میں میری رفاقت کا میسر آنا آسان ہو جائیگا۔
میں یہ مژدہ جانفزا سن کر زیادہ وقت عبادت میں مصروف و منہمک رہنے لگا.
ابھی چند دن ہی گذرے ہونگے کہ ایک روز رسول اکرمﷺ نے مجھے آواز دی۔
میں فوراً آپ کی خدمت اقدس میں حاضر ہوا۔ آپ نے مسکراتے ہوئے ارشاد فرمایا۔
ربیعہ کیا تو شادی نہیں کرے گا۔
میں بصد ادب و احترام عرض گذار ہوا: میرا دل نہیں چاہتا کہ کوئی چیز آپ کی خدمت میں آڑے آئے۔ اور پھر آپکو یہ بھی معلوم ہی ہے کہ بیوی کے اخراجات کا میں متحمل نہیں ہو سکتا۔ یہ سن کر آپ خاموش ہو گئے۔ اور چند دن اسی طرح گذر گئے۔
پھر ایک روز آپ نے پوچھا:
ربیعہ! کیا خیال ہے تم شادی نہیں کرو گے۔
میں نے پھر وہی پہلے جیسا جواب دیا۔
لیکن میرے دل میں خیال آیا کہ ربیعہ تجھے یہ جواب نہیں دیتا چاہیئے تھا۔
بخدا! نبی اکرمﷺ تجھ سے بہتر جانتے ہیں کہ دین و دنیا میں تیرے لئے بہتر کیا ہے اور جو تیری مالی حیثیت ہے، آپ اس سے بخوبی واقف ہیں۔ اگر آپ دریافت فرما رہے ہیں تو یقیناً اس میں کوئی راز ہو گا۔ تو میں نے فیصلہ کر لیا کہ اگر آپ نے شادی کے متعلق پوچھا تو میں انکار نہیں کروں گا۔ بلکہ بصد ادب و احترام کہوں گا۔
سر تسلیم خم ہے۔ جو مزاج معلی کی رضا ہو، میں اس پہ راضی۔
ابھی چند دن ہی گزرے تھے کہ رسول اقدسﷺ نے پھر پوچھا۔
ربیعہ! کیا تو شادی نہیں کرے گا۔
میں نے عرض کی: کیوں نہیں میں برضا و رغبت تیار ہوں۔ جو آپ کا حکم سر آنکھوں پر میں اور میرا یہ نصیب زہے قسمت۔
آپ یہ سن کر خوش ہوئے اور ارشاد فرمایا کہ فلاں گھر جاؤ’ اہل خانہ سے میرا سلام کہنا اور انہیں یہ پیغام دینا کہ اللہ کا رسول تمہیں یہ حکم دیتا ہے کہ ربیعہ کو اپنا داماد بنا لو۔ میں شرماتا اور جھجھکتا ہوا ان کے پاس گیا۔ سلام کہا اور انہیں رسول اکرمﷺ کا پیغام دیا۔ اور میں یہ دیکھ کر حیران رہ گیا کہ بغیر کسی حیل و حجت کے وہ مجھے اپنا بیٹا بنانے پر راضی ہو گئے۔ اور محبت بھرے انداز میں کہنے لگے کہ حبیب کبریاء کا حکم سر آنکھوں پر ہم انہیں اور ہماری طرف ان کے بھیجے ہوئے پیغام رساں کو خوش آمدید کہتے ہیں۔
آپ کی نظر انتخاب، زہے قسمت، یہ ہماری خوش نصیبی ہے۔
آیئے تشریف رکھئے چشم ما روشن دل ماشاد۔
اس کے بعد بغیر کسی پس و پیش کے انہوں نے اپنی بیٹی کا نکاح مجھ سے کر دیا اور میں شاداں فرحاں اپنی قسمت پہ ناز کرتا ہوا بارگاہ رسالت میں حاضر ہوا اور عرض کی۔ یا رسول اللهﷺ وہ تو واقعی قابل رشک گھرانہ ہے۔ آپ کا حکم سنتے ہی انہوں نے مجھے اپنا داماد بنا لیا۔
یا رسول اللہﷺ! اب میں اپنی بیوی کے لئے مہر کہاں سے دوں؟
یہ سن کر رسول اقدسﷺ مسکرائے اور بنو اسلم کے سردار بریدہ کو حکم دیا کہ ربیعہ کے لئے سونے کی ڈلی کا انتظام کرے اور اس نے فوراً حکم کی تعمیل کرتے ہوئے سونے کی ڈلی بارگاہ رسالت میں پیش کردی۔
رسول اقدسﷺ نے مجھے حکم دیا کہ یہ سونے کی ڈلی لے جاؤ اور اہل خانہ سے کہنا یہ آپ کی بیٹی کا مہر ہے، اسے قبول کیجئے۔ میں ان کے پاس گیا۔ سونے کی وہ چھوٹی سی ڈلی پیش کی۔ انہوں نے خوشی کا اظہار کرتے ہوئے اسے قبول کیا۔ میں ان کے اخلاق اور خندہ پیشانی کے ساتھ پیش آنے سے بے حد متاثر ہوا اور بارگاہ رسالت میں عرض کی۔ یا رسول اللہﷺ بخدا! وہ تو بہت ہی اچھے لوگ ہیں۔ کھجور کی گٹھلی کی مانند سونے کی ڈلی دیکھ کر ان کے دل پر کوئی ملال نہ آیا’ بلکہ وہ کہنے لگے۔ یہی بہت ہے۔
پھر میں نے عرض کی: یا رسول اللہ! میں آپ پر قربان جاؤں۔ اب میں ولیمہ کہاں سے کروں، میرے پاس تو اس کے لئے کچھ بھی نہیں۔ آپ نے فرمایا:
گھبراؤ نہیں اپنی قوم بنو اسلم کے سردار بریدہ کو بلا کر لاؤ۔ اسے آپ کی خدمت میں لایا گیا۔ آپ نے فرمایا: بریدہ اپنی قوم کے اس فرد کی خوشی میں شریک ہوتے ہوئے ایک مینڈھے کا انتظام کرو۔ تاکہ یہ ولیمہ کی سنت ادا کر سکے۔ اس نے فوراً حکم کی تعمیل کرتے ہوئے ایک موٹا تازہ مینڈھا خرید کر آپ کی خدمت میں پیش کر دیا۔
پھر رسول اقدسﷺ نے ارشاد فرمایا:
ربیعہ عائشہ رضی اللہ عنہا کے پاس جاؤ۔ اور اسے کہو کہ تجھے آٹا دے دے، میں ان کے پاس گیا اور حضورﷺ کا پیغام دیا انہوں نے فرمایا: کہ برتن میں جو کا آٹا پڑا ہے لے جاؤ۔ میں نے اسے کپڑے میں ڈالا وہ تقریباً بیس سیر تھا۔ اس کے علاوہ کوئی اناج آپ کے گھر نہیں تھا، لیکن آپ کی ہمدردی، شفقت اور محبت کے قربان جاؤں’ کس قدر اپنے مریدوں کی دل جوئی کا خیال ہے۔ مینڈھا اور آٹا لے کر میں سسرال کے گھر گیا۔ اور یہ دونوں چیزیں ان کے سپرد کیں تاکہ ولیمے کا اہتمام کیا جائے۔ انہوں نے کہا روٹی ہم تیار کر دیتے ہیں۔ اور یہ جانور اپنے دوست و احباب سے کہیں کہ ذبح کر کے وہ پکا دیں’ لہذا میری قوم کے چند افراد نے اسے ذبح کیا اور پکایا۔ روٹی اور سالن تیار ہو گیا۔ میں نے ولیمے پر محسن انسانیت’ رسول رحمتﷺ کو بھی دعوت دی۔ جو آپ نے بخوشی قبول کی۔ اور اس میں شرکت کر کے میری حوصلہ افزائی کی۔
رسول اقدسﷺ نے حضرت صدیق اکبر رضی اللہ عنہ کی زمین کے ساتھ ملحق مجھے بھی زمین کا ایک ٹکڑا الاٹ کر دیا۔ اس طرح دنیا کے مال کا میرے گھر ورود ہونے لگا۔ ایک روز ایسا ہوا کہ ایک کھجور کے درخت کی وجہ سے میرا حضرت صدیق اکبر رضی اللہ عنہ سے جھگڑا ہو گیا۔ میں نے کہا یہ درخت میرا ہے کیونکہ یہ میری زمین میں ہے۔ وہ فرمانے لگے۔ یہ درخت میرا ہے۔ اور ایک عرصے سے میری ملکیت میں ہے۔
جب میں نے اپنی ملکیت پر اصرار کیا تو انہیں غصہ آ گیا اور مجھے جلی کٹی سنانے لگے۔
میں خاموش ہو گیا جب غصہ ٹھنڈا ہوا تو آپ بہت پشیمان ہوئے۔ غم و اندوہ سے کبیدہ خاطر ہو کر فرمانے لگے۔
ربیعہ! مجھے معاف کر دو۔ یا ویسے ہی کلمات مجھے کہو جو میں نے تمہیں کیے ہیں تاکہ
دنیا میں ہی حساب بے باک ہو جائے۔
میں نے کہا: بخدا! میں تو آپ کو ایسا کہنے کی جرات نہیں کروں گا۔
تو جلال میں آ کر کہنے لگے: اگر بدلہ نہیں لو گے، تو میں تمہاری شکایت بارگاہ رسالت میں کروں گا۔ یہ کہہ کر آپ نبی اکرمﷺ کی طرف چل پڑے میں بھی ان کے پیچھے چل پڑا۔ میری قوم کے چند افراد بھی میرے ساتھ چل پڑے۔ وہ میرے کان میں کہنے لگے۔ یہ بھی عجیب ماجرا ہے۔ غصے کا نشانہ بھی تجھے بنایا گیا اور الٹی شکایت بھی تیری ہونے لگی۔ میں نے یہ سن کر ان کے منہ پہ ہاتھ رکھتے ہوئے کہا۔ جانتے ہو یہ کون ہیں؟ ان کا مقام و مرتبہ کیا ہے؟
سن لو! یہ صدیق اکبر ہیں۔ یہ مسلمانوں کے محسن ہیں۔
خبردار! اگر ان کے خلاف کسی نے کوئی بات کی۔ تم یہیں سے واپس چلے جاؤ۔ اگر انہوں نے دیکھ لیا کہ تم میری مدد کے لئے میرے ہمراہ چل رہے ہو تو یہ ناراض ہو جائیں گے۔ اگر یہ ناراض ہو گئے تو میرے پیر و مرشد’ ہادی برحقﷺ ناراض ہو جائیں گے۔ وہ ناراض ہو گئے تو میرا اللہ ناراض ہو جائے گا۔ بایں صورت میں تباہ و برباد ہو جاؤں گا۔ براہ مہربانی تم یہیں سے واپس چلے جاؤ۔ تمہاری مدد کی مجھے کوئی ضرورت نہیں۔ وہ واپس لوٹ گئے۔ حضرت صدیق اکبر رضی اللہ عنہ نے بارگاہ رسالت میں پیش ہو کر سارا واقعہ رسول اقدسﷺ کو سنا دیا۔ آپ نے میری طرف دیکھا اور فرمایا:
ربیعہ! کیا بات ہے؟
میں نے ادب و احترام سے عرض کی: یارسول اللہﷺ! انہوں نے مجھ سے مطالبہ کیا کہ غصے میں آ کر جس طرح انہوں نے مجھے کہا ویسے ہی میں ان سے بدلہ لوں۔ بھلا میں یہ جرات کیسے کر سکتا ہوں!
آپ نے فرمایا:
ربیعہ ! تم نے بہت اچھا کیا۔
لیکن اب یہ کہو: الہی! میں نے صدق دل سے ابو بکر رضی اللہ عنہ کو معاف کیا۔
میں نے جب یہ کہا تو حضرت صدیق اکبر رضی اللہ عنہ کی آنکھوں سے فوراً خوشی سے آنسو جاری ہو گئے۔ اور فرمانے لگے۔ ربیعہ! اللہ تجھے جزائے خیر عطا کرے۔ تو نے مجھ پر احسان کیا ہے۔
حضرت ربیعہ بن کعب رضی اللہ عنہ کے مفصل حالات زندگی معلوم کرنے کے لئے درج ذیل کتابوں کا مطالعہ کریں۔
۱۔ اسد الغابه ۱۷۱/۲
۲۔ الاصابة ۱/ ۵۱۱
۳۔ الاستيعاب ۱/ ۵۰۶
۴۔ البداية والنهاية ۳۳۵۔۳۳۶
ه۔ كنز الاعمال ۷/ ۳۶
۶۔ الطبقات الكبرى ۴/ ۳۱۳
۷۔ مسند ابی داود ۱۶۱۔۱۶۲
۸۔ تاريخ الخلفاء ۵۶
۹۔ مجمع الزوائد ۴/ ۲۵۲۔۲۵۷
۱۰۔ حياة الصحابه
فہرست دیکھئے
۱۱۔ تهذيب التهذيب ۳/ ۲۶۲۔۲۶۳
۱۲۔ خلاصة تذهيب تهذيب الكمال ۱۱۶
۱۳۔ تجريد اسماء الصحابه ۱/ ۱۹۴
۱۴۔ الجمع بين رجال الصحيحين ۱/ ۱۳۶
۱٥- الجرح والتعديل ۴۷۲/۲
۱۶۔ تاريخ الكبير ۲/ ۲۵۶
١۷- تاریخ خلیفه بن خیاط ۱۱
١٨- الطبقات الكبرى ۴/ ۳۱۳۔۳۱۴
۱۹۔ تاریخ اسلام ذهبی ۳/ ۱۵
۲۰۔ الفصل الاسلاميه في عهد النبوة والراشدين ۶۵۶/۲ احمد حافظ حکمی
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”