52. Hazrat Hakeem Bin Hizam (رضی اللہ عنہ)
Hazrat Hakeem Bin Hizam رضی اللہ عنہ
Makkah main chaar ashkhaas aisay hain keh main un ke shirk main mubtala rehne se bezaar hoon aur unke islam qubool karne ki dili raghbat rakhta hoon.
Farmaan-e-Nabawi ﷺ
Kya aap is jalel ul qadar sahabi ke mutalliq kuch jantay hain?
Tareekh main yeh baat qalamband ho chuki hai keh un ki Wilaadat-e-Ba-s’aadat Khanah Kaa’ba ke andar hui.
Hua is tarhan keh un ki waalida mohtarma apni saheliyon ke hamrah Ka’abay ke androoni manzar ka mushaahada karne ke liye Khanah Kaa’ba ke andar daakhil hui. Us din Kaabay ka darwaaza kisi khaas munaasbat ki wajah se khula hua tha. Aur daakhil hotay hi usay Dard-e-Zah shuru ho gayi. Aur woh is qadar shadeed thi keh is ke liye Ka’aby se bahar aana mumkin nah tha. Fori tor par wahein chamday ki aik chadar mangwaai gayi, Jis par usay litaa diya gaya. Aur chand lamhay baad is ne aik khobsorat bachay ko janam diya. Yeh khush atwaar bacha Umm ul Momineen hazrat Khadija Bint Khuwaild ka bhatija Hakeem bin Hizam tha.
Hazrat Hakeem bin Hizam ki parwarish shareef ul nasal, Azeem ul martbat aur khush haal gharaane main hui. Aap Qqal-o-Khirad tabee sharafat aur ilmi Fazal-o-Sharf ke paikar thay. In khoobiyon ki bina par qoum ne aap ko apna sardaar bana liya aur haajion ki khidmat ka mansab un ke sapurd kar diya.
Zamana-e-Jaahliat main haajion ki khidmat ke liye apne maal main se aik khaas hisah nikaal kar allag kar liya. Rasool-e-Aqdas ﷺ ki baisat se pehlay Hazrat Hakeem bin Hizam رضی اللہ عنہ aap ke gahray dost thay.
Agarchay yeh Nabi Akram ﷺ se umar main paanch saal baday thay, Magar aap se Ulfat-o-Mohabbat, Muawaasnat-o-Mawaddat misaali noiyat ki thi.
Yeh aap se mil kar aap ki majlis main baith kar dili itminaan aur intihaai khushi mahsoos karte. Un ke jawaab main Rasool-e-Akram ﷺ bhi un ke sath Mohabbat-o-Ulfat se paish aatay.
Jab Nabi-e-Akram ﷺ ne un ki phophi Hazrat Khadijat ul Kubraa se shaadi ki to phir is rishta daari ki bina par aapas ke taluqaat aur mazboot ho gaye.
Itnay gehray aur mukhlisana Taluqaat-o-Rawaabit ke bawajood aap ko yeh sun kar taajjub ho ga ke hazrat Hakeem bin Hizam رضی اللہ عنہ Fatah-e-Makkah ke din musharraf bah islaam hue. Jabkay aap ko nabuwat milay bees ( 20 ) saal se zayada arsa beet chuka tha.
Aqal-o-Danish ka taqaaza to yeh tha keh hazrat Hakeem bin Hizam رضی اللہ عنہ jaisa zairak, Ma’amla fahem, Danishwar jisay Rasool Allah ﷺ ka qareebi rishta daar honay ka bhi sharf haasil tha, Sab se pehlay aap par imaan le aata. Aap ki da’wat ki tasdeeq karta aur aap ki hidaayat ko tasleem kar laita lekin Allah ki mushiyat har cheez par ghaalib aati hai.
Wahi hota hai jo Allah Subhana Wa Ta’alaa ko manzoor ho.
Hazrat Hakeem bin Hizam رضی اللہ عنہ ke takheer se islaam qubool karne par jaisay aap mutajjib hue inhen khud bhi tajjub hai keh unhon ne islaam qubool karne main itni takheer kyun ki? Woh Halaawat-e-Imani ka maza chakhnay se itni der mahroom kyun rahay? Woh apni zindagi ke har us lamhay par be intehaa sharminda thay, Jo unhon ne Allah ke sath shirk karne aur us ke piyaare Nabi Hazrat Muhammad ﷺ ko jhutlaanay main guzaraa.
islam qubool karne ke baad aik din betay ne dekha ke abba jaan Zaar-o-Qitaar ro rahay hain.
Poocha: Abba jaan aap rotay kyun hain ?
Farmaaya:
Bohat si baatein hain beta! Har baat pay mujhe bohat rona aata hai.
1: pahli baat to yeh hai keh main ne islaam qubool karne main bohat takheer kar di jis ki bina par darjaat aur Khair-e-Kaseer ke hasool se mahroom raha. Ab main zameen ke wazan ke baraabar bhi khalis sona Raah-e-Allah main kharch karoon tab bhi un darjaat ko nahi pohnch sakta jin par pehlay islaam qubool karne walay faaiz ho chuke hain.
2: Doosri baat yeh hai keh Allah Ta’alaa ne mujhe Badar aur Uhad ki jung main bacha liya aur main ne apne dil main faisla kar liya tha keh main aaj ke baad Rasool-e-Akram ﷺ ke muqaablay main Quraish ki qattan koi madad nahi karoon ga aur kisi bhi ma’rkay main shareek honay ke liye Makkah-e-Muazama se bahar qadam nahi rakhoon ga, Lekin phir mujhe Quraish ki madad ke liye kheech kar maidan main laaya gaya aur mujhe majboor kar diya gaya keh main Quraish ki ham nawaai karoon.
3: Teesri baat yeh hai keh jab main ne islaam qubool karne ka iradah kya to meri nazar Sardan-e-Quraish ki taraf uthti to main sochta yeh mujh se umar main baday hain apni qoum par un ka Roa’b- o-Dabdabah bhi hai, Quraish main un ko izzat ki nigah se dekha jaata hai. In khayalaat ke aatay hi mera iradah badal jaata aur main phir Sardan-e-Quraish ke shana bashana chalne lagta.
Kash ke main ne aisa nah kya hota.
Hamain to hamaaray Aaba-o-Ajdaad aur badon ne halaak kar diya.
Beta batao phir main kyun nah raon.
Jis tarhan ham hazrat Hakeem bin Hizam رضی اللہ عنہ ke takheer se islaam qubool karne par ta’jjub kinaan aur Mehw-e-Herat hain, Jis tarhan woh khud takheer se islam qubool karne par mutajjib hi nahi, Balkay Naadim-o-Pasheman hain, Is tarhan Nabi-e-Akram ﷺ ko bhi bohat ta’jjub tha keh Hakeem bin Hizam رضی اللہ عنہ jaisay zairak aur danishmand insaan par islaam ki khoobiyan makhfi rahen aur woh Allah ke deen main daakhil honay main sabqat nah kar sakay. Fatah-e-Makkah ke din aik raat Rasool-e-Aqdas ﷺ ne apne jaan nisar Sahaba-e-kiraam رضی اللہ عنہم se irshaad farmaaya: Makkah main chaar aisay ashkhaas mojood hain, Main un ke shirk se bezaar aur un ke islaam qubool karne main dili raghbat rakhta hoon.
Sahaba ne arz ki ya Rasool Allah ﷺ woh kon hain?
Aap ne farmaaya:
Itab bin Usaid رضی اللہ عنہ,
Jubair Bin Mut’im رضی اللہ عنہ,
Suhail Bin Amar رضی اللہ عنہ,
Hakeem Bin Hizam رضی اللہ عنہ,
Allah ne un par fazal kya keh woh chaaron aik sath usi raat musalmaan ho gaye.
Jab Rasool-e-Akram ﷺ faatih ki hesiyat se Makkah-e-Muazama main daakhil hue to aap ne yeh ailaan karwa diya.
- Jo is baat ka iqraar kare keh Allah ke siwa koi Ma’bood-e-Haqeeqi nahi aur Muhammad ﷺ Allah ke bande aur rasool hain woh aaj aman main ho ga. Usay kuch nahi kaha jaaye ga.
- Jo Ka’ba ke paas baith jaaye aur apna hathyaar neechay rakh day woh bhi aman main ho ga.
- Jo apne ghar main panah le aur darwaaza band kar ke baith jaye woh bhi aman main ho ga.
- Jo Abu Sufyan ke ghar panah le woh bhi aman main ho ga.
- Aur jo Hakeem bin Hizam رضی اللہ عنہ ke ghar panah le woh bhi aman main ho ga. Usay aaj kuch nahi kaha jaaye ga un dinon Hakeem bin Hizam رضی اللہ عنہ ka ghar Makkah-e-Mu’azmah ke nashebi ilaaqay main tha aur Abu Sufyan ka ghar Makkah ke balaai ilaaqay main tha.
Hazrat Hakeem bin Hizam رضی اللہ عنہ ne islaam qubool kya to yeh islaam un ki Aqal-o-Danish par ghaalib aa gaya.
Woh aisa imaan laaye keh yeh imaan foran un ke Ragg-o-Pay main rach bas gaya. Unhon ne apne dil se yeh qatee ahad kya aur qasam khaayi keh main Dor-e-Jaahliat ki himaaqton ka madawa karoon ga aur jis qadar Maal-o-Doulat main ne Rasool-e-Aqdas ﷺ ki adaawat main kharch kya hai, Us se badh kar ab aap ki mohabbat aur islaam ki taied main kharch karoon ga.
Waqea unhon ne apni qasam poori kar dikhaayi.
Daar ul Nadwah pur shikwah tareekhi imaarat jis main Quraish Dor-e-Jaahliat main mashwaray kya karte thay jis main Sanadee-e-Quraish Rasool Allah ﷺ ko qatal karne ke mansoobay banaaya karte thay, Woh imaarat hazrat Hakeem bin Hizam ki malkiat thi. Unhon ne Dor-e-Jaahliat ki yaaden bhula dainay ki khaatir usay aik laakh dirham main farokht kar diya.
Aik Quraishi nojawaan ne un se kaha:
Chacha jaan! Aap ne Izzat-o-Ikram ki nigah se dekha jaane wala Quraish ka aik azeem markaz beech daala.
Aap ne yeh kya gazab kya.?
Aap ne farmaaya:
Beta! Teri is soch par mujhe az had afsos hai!
Ab taqway aur imaan ke ilaawa saari izzatain malya meet ho gayeen.
Suno! Main ne usay is liye becha hai taakeh us ki qeemat se jannat main aik ghar khareed loon. Main tujhe gawah bana kar yeh ailaan karta hoon keh main ne saari raqam Allah ki raah main kharch karne ke liye waqf kar di hai.
Islaam qubool karne ke baad hazrat Hakeem bin Hizam رضی اللہ عنہ ne hajj kya aur apne sath aik so sehat mand aur moti taazi uontniyan len aur un par khoobsurat aur qeemti kapday daalay taakeh aur ziyada deedaa zaib ma’loom hon, Un sab uontnion ko Mina main Allah ki razaa ki khaatir qurbaan kar diya.
Doosray hajj main Wuqoof-e-Arfat ke douraan aik so ghulaam jin ki gardnon main chaandi ke kade daalay hue thay, Un sab ki aazaadi ka ailaan kar diya. Teesray hajj main aik hazaar bakri Mina ke maidan main razaye Ilaahi hi ke husool ki khaatir qurbaan ki aur un ka gosht miskeeno aur mohtaajon main baant diya.
Ghazwah-e-Hunain ke baad hazrat Hakeem bin Hizam رضی اللہ عنہ ne Rasool Allah ﷺ se Maal-e-Ghanimat maanga. Aap ne day diya phir maanga aap ne aur ziyaada ataa kya yahan tak keh so uont ho gaye. Aap abhi naye naye musalmaan hue thay.
Rasool-e-Akram ﷺ ne irshaad farmaaya:
Aey Hakeem: Yeh maal bada hi dilfaraib hai. Jo dili qana’at ke sath usay haasil kare is main barkat daal di jati hai aur jo isay Tamaa’-o-Laalach ke sath haasil kare to is se barkat uthaa li jaati hai. Woh is shakhs ki tarhan ho jaata hai jo khaata hai aur kabhi sair nahi hota.
Yaad rakho, Dainay waala haath lainay waalay haath se behtar hota hai.
Jab hazrat Hakeem bin Hizam رضی اللہ عنہ ne Rasool Allah ﷺ se yeh baat suni to arz kya ya Rasool Allah ﷺ mujhe qasam us zaat ki jis ne aap ko haq ka payamabar bana kar bheja, Aaj ke baad main kisi se kuch nahi maangoon ga. Aur zindagi bhar kisi se koi mutaalaba nahi karoon ga.
Hazrat Hakeem bin Hizam رضی اللہ عنہ ne yeh qasam poori kar dikhaayi.
Hazrat Abu Bakar Seddique رضی اللہ عنہ ne apne Dor-e-Khilafat main kayi martaba bait ul Maal se hissa dainay ke liye Hazrat Hakeem bin Hizam ko bulaaya lekin unhon ne apna hissa lainay se inkaar kar diya.
Hazrat Farooq-e-Azam رضی اللہ عنہ ne bait ul Maal se hissa dainay ke liye inhen bulaaya lekin unhon ne lainay se inkaar kar diya yahan tak keh Farooq-e-Azam رضی اللہ عنہ ne irshaad farmaya:
Logo! Gawah rehna keh main ne baar baar Hakeem bin Hizam رضی اللہ عنہ ko bait ul Maal main se apna hissa lainay ke liye bulaaya lekin us ne har baar apna hissa lainay se inkaar kar diya. Hazrat Hakeem bin Hizam رضی اللہ عنہ Zindagi main apne is muaqqaf par datay rahay kisi se kuch nah maanga agar kisi khalifah ne kuch dainay ki koshish ki to aap ne usay qubool karne se inkaar kar diya aur isi haalat main apne Khaaliq-e-Haqeeqi se jaa milay.
Woh Allah pay raazi aur Allah un par raazi.
Hazrat Hakeem Bin Hizam رضی اللہ عنہ kay mufassal Halaat-e-Zindagi maaloom karnay kay liye darjzail kitaabon ka mutaala kijye:
1: Al Istiaab 1/368
2: Al Isaabah 1/367
3: Al Milal Wal Nihal 1/27
4: Al Tabaqat ul Kubraa 1/26
5: Siar-o-Aalam-e-Al Nubalaa 3/164
6: Zuamaa-ul-Islaam 1/121
7: Humat-ul-Islam 1/121
8: Tarikh-ul-Khulafa 126
9: Al Safwah 1/319
10: Al Maarif 2/92-93
11: Usd ul Ghabah 2/9-15
12: Muhazarat-ul-Udabaa 4/478
13: Murooj-ul-Zahab 2/302
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت حکیم بن حزام رضی اللہ عنہ
مکہ میں چار اشخاص ایسے ہیں کہ میں ان کے شرک میں مبتلا رہنے سے بیزار ہوں اور ان کے اسلام قبول کرنے کی دلی رغبت رکھتا ہوں۔ (فرمان رسول صلی اللہ علیہ و سلم)
کیا آپ اس جلیل القدر صحابی کے متعلق کچھ جانتے ہیں؟
تاریخ میں یہ بات قلمبند ہو چکی ہے کہ ان کی ولادت باسعادت خانہ کعبہ کے اندر
ہوئی۔
ہوا اس طرح کہ ان کی والدہ محترمہ اپنی سہیلیوں کے ہمراہ کعبے کے اندرونی منظر کا مشاہدہ کرنے کے لئے خانہ کعبہ کے اندر داخل ہوئی۔اس دن کعبے کا دروازہ کسی خاص مناسبت کی وجہ سے کھلا ہوا تھا۔ اور داخل ہوتے ہی اسے درد زہ شروع ہو گئی۔ اور وہ اس قدر شدید تھی کہ اس کے لئے کعبے سے باہر آنا ممکن نہ تھا۔ فوری طور پر وہیں چمڑے کی ایک چادر منگوائی گئی جس پر اسے لٹا دیا گیا۔ اور چند لمحے بعد اس نے ایک خوبصورت بچے کو جنم دیا۔ یہ خوش اطوار بچہ ام المومنین حضرت خدیجہ بنت خویلد رضی اللہ عنہا کا بھتیجا حکیم بن حزام تھا۔
حضرت حکیم بن حزام کی پرورش شریف النسل، عظیم المرتبت اور خوشحال گھرانے میں ہوئی۔ آپ عقل و خرد، طبعی شرافت اور علمی فضل و شرف کے پیکر تھے۔ ان خوبیوں کی بنا پر قوم نے آپ کو اپنا سردار بنا لیا اور حاجیوں کی خدمت کا منصب ان کے سپرد کر دیا۔
زمانہ جاہلیت میں حاجیوں کی خدمت کے لئے اپنے مال میں سے ایک خاص حصہ نکال کر الگ کر لیا۔ رسول اقدسﷺ کی بعثت سے پہلے حضرت حکیم بن حزام رضی اللہ عنہ آپ کے گہرے دوست تھے۔
اگرچہ یہ نبی اکرمﷺ سے عمر میں پانچ سال بڑے تھے، مگر آپ سے الفت و محبت، موانست و مودت مثالی نوعیت کی تھی۔
یہ آپ سے مل کر، آپ کی مجلس میں بیٹھ کر دلی اطمینان اور انتہائی خوشی محسوس کرتے۔ ان کے جواب میں رسول اکرمﷺ بھی ان کے ساتھ محبت و الفت سے پیش آتے۔
جب نبی اکرمﷺ نے ان کی پھوپھی حضرت خدیجہ الکبری سے شادی کی تو پھر اس رشتہ داری کی بنا پر آپس کے تعلقات اور مضبوط ہو گئے۔
اتنے گہرے اور مخلصانہ تعلقات و روابط کے باوجود آپ کو یہ سن کر تعجب ہو گا کہ حضرت حکیم بن حزام فتح مکہ کے دن مشرف بہ اسلام ہوئے۔ جبکہ آپ کو نبوت ملے بیس سال سے زیادہ عرصہ بیت چکا تھا۔
عقل و دانش کا تقاضہ تو یہ تھا کہ حضرت حکیم بن حزام رضی اللہ عنہ’ جیسا زیرک’ معاملہ فہم دانشور جسے رسول اللہﷺ کا قریبی رشتہ دار ہونے کا بھی شرف حاصل تھا، سب سے پہلے آپ پر ایمان لے آتا۔ آپ کی دعوت کی تصدیق کرتا اور آپ کی ہدایت کو تسلیم کر لیتا’ لیکن اللہ کی مشیت ہر چیز پر غالب آتی ہے۔
وہی ہوتا ہے جو اللہ سبحانہ و تعالی کو منظور ہو۔
حضرت حکیم بن حزام رضی اللہ عنہ کے تاخیر سے اسلام قبول کرنے پر جیسے آپ متعجب ہوئے، انہیں خود بھی تعجب ہے کہ انہوں نے اسلام قبول کرنے میں اتنی تاخیر کیوں کی؟ وہ
حلاوت ایمانی کا مزا چکھنے سے اتنی دیر محروم کیوں رہے؟ وہ اپنی زندگی کے ہر اس لمحے پر بے انتہا شرمندہ تھے، جو انہوں نے اللہ کے ساتھ شرک کرنے اور اس کے پیارے نبی حضرت محمدﷺ کو جھٹلانے میں گزارا۔
اسلام قبول کرنے کے بعد ایک دن بیٹے نے دیکھا کہ ابا جان زارو قطار رو رہے ہیں۔
پوچھا: ابا جان آپ روتے کیوں ہیں؟
فرمایا:
بہت سی باتیں ہیں بیٹا! ہر بات پہ مجھے بہت رونا آتا ہے۔
1۔ پہلی بات تو یہ ہے: کہ میں نے اسلام قبول کرنے میں بہت تاخیر کر دی جس کی بنا پر درجات اور خیر کثیر کے حصول سے محروم رہا۔ اب میں زمین کے وزن کے برابر بھی خالص سونا راہ اللہ میں خرچ کروں تب بھی ان درجات کو نہیں پہنچ سکتا جن پر پہلے اسلام قبول کرنے والے فائز ہو چکے ہیں۔
2۔ دوسری بات یہ ہے: کہ اللہ تعالیٰ نے مجھے بدر اور احد کی جنگ میں بچا لیا اور میں نے اپنے دل میں فیصلہ کر لیا تھا کہ میں آج کے بعد رسول اکرمﷺ کے مقابلے میں قریش کی قطعاً کوئی مدد نہیں کروں گا اور کسی بھی معرکے میں شریک ہونے کے لئے مکہ معظمہ سے باہر قدم نہیں رکھوں گا، لیکن پھر مجھے قریش کی مدد کے لئے کھینچ کر میدان میں لایا گیا اور مجھے مجبور کر دیا گیا کہ میں قریش کی ہم نوائی کروں۔
3۔ تیسری بات یہ ہے کہ جب میں نے اسلام قبول کرنے کا ارادہ کیا تو میری نظر سردان قریش کی طرف اٹھتی تو میں سوچتا یہ مجھ سے عمر میں بڑے ہیں اپنی قوم پر ان کا رعب و دبدبہ بھی ہے، قریش میں ان کو عزت کی نگاہ سے دیکھا جاتا ہے۔ ان خیالات کے آتے ہی میرا ارادہ بدل جاتا اور میں پھر سردان قریش کے شانہ بشانہ چلنے لگتا۔
کاش کہ میں نے ایسا نہ کیا ہوتا۔
ہمیں تو ہمارے آباء و اجداد اور بڑوں نے ہلاک کر دیا۔
بیٹا بتاؤ پھر میں کیوں نہ رؤوں۔
جس طرح ہم حضرت حکیم بن حزام رضی اللہ عنہ کے تاخیر سے اسلام قبول کرنے پر تعجب کناں اور محو حیرت ہیں، جس طرح وہ خود تاخیر سے اسلام قبول کرنے پر متعجب ہی نہیں، بلکہ نادم و پشیمان ہیں، اسی طرح نبی اکرمﷺ کو بھی بہت تعجب تھا کہ حکیم بن حزام رضی اللہ عنہ جیسے زیرک اور دانش مند انسان پر اسلام کی خوبیاں مخفی رہیں اور وہ اللہ کے دین میں داخل ہونے میں سبقت نہ کر سکے۔ فتح مکہ کے دن ایک رات رسول اقدسﷺ نے اپنے جاں نثار صحابہ کرام رضی اللہ عنہم سے ارشاد فرمایا: مکہ میں چار ایسے اشخاص موجود ہیں، میں ان کے شرک سے بیزار اور ان کے اسلام قبول کرنے میں دلی رغبت رکھتا ہوں۔
صحابہ نے عرض کی یا رسول اللہ سلیم وہ کون ہے۔؟
آپ نے فرمایا۔
عتاب بن اسید رضی اللہ عنہ’
جبیر بن مطعم رضی اللہ عنہ،
سهیل بن عمرو رضی اللہ عنہ’
حکیم بن حزام رضی اللہ عنہ’
اللہ نے ان پر فضل کیا کہ وہ چاروں ایک ساتھ اسی رات مسلمان ہو گئے۔
جب رسول اللہﷺ فاتح کی حیثیت سے مکہ معظمہ میں داخل ہوئے تو آپ نے یہ اعلان کروا دیا۔
جو اس بات کا اقرار کرے کہ “اللہ کے سوا کوئی معبود حقیقی نہیں اور محمدﷺ اللہ کے بندے اور رسول ہیں” وہ آج امن میں ہو گا۔ اسے کچھ نہیں کہا جائے گا۔
جو کعبہ کے پاس بیٹھ جائے اور اپنا ہتھیار نیچے رکھ دے وہ بھی امن میں ہو گا۔
جو اپنے گھر میں پناہ لے اور دروازہ بند کر کے بیٹھ جائے وہ بھی امن میں ہو گا۔
جو ابو سفیان کے گھر پناہ لے وہ بھی امن میں ہو گا۔
اور جو حکیم بن حزام کے گھر پناہ لے وہ بھی امن میں ہو گا۔ اسے آج کچھ نہیں کہا جائے گا ان دنوں حکیم بن حزام کا گھر مکہ معظمہ کے نشیبی علاقے میں تھا اور ابو سفیان کا گھر مکہ کے بالائی علاقے میں تھا۔
حضرت حکیم بن حزام رضی اللہ عنہ’ نے اسلام قبول کیا تو یہ اسلام ان کی عقل و دانش پر غالب آ گیا۔ وہ ایسا ایمان لائے کہ یہ ایمان فوراً ان کے رگ و پے میں رچ بس گیا۔ انہوں نے اپنے دل سے یہ قطعی عہد کیا اور قسم کھائی کہ میں دور جاہلیت کی حماقتوں کا مداوا کروں گا اور جس قدر مال و دولت میں نے رسول اقدسﷺ کی عداوت میں خرچ کیا ہے، اس سے بڑھ کر اب آپ کی محبت اور اسلام کی تائید میں خرچ کروں گا۔ واقعتا انہوں نے اپنی قسم پوری کر دکھائی۔
دارالندوہ وہ پر شکوہ تاریخی عمارت جس میں قریش دور جاہلیت میں مشورے کیا کرتے تھے جس میں صنادید قریش رسول اللہﷺ کو قتل کرنے کے منصوبے بنایا کرتے تھے، وہ عمارت حضرت حکیم بن حزام کی ملکیت تھی۔ انہوں نے دور جاہلیت کی یادیں بھلا دینے کی خاطر اسے ایک لاکھ درہم میں فروخت کر دیا۔
ایک قریشی نوجوان نے ان سے کہا۔
چچا جان! آپ نے عزت و اکرام کی نگاہ سے دیکھا جانے والا قریش کا ایک عظم مرکز بیچ ڈالا۔
آپ نے یہ کیا غضب کیا۔؟ آپ نے فرمایا۔
بیٹا! تیری اس سوچ پر مجھے از حد افسوس ہے!
اب تقوے اور ایمان کے علاوہ ساری عزتیں ملیامیٹ ہو گئیں۔
سنو! میں نے اسے اس لئے بیچا ہے تاکہ اس کی قیمت سے جنت میں ایک گھر خرید لوں۔ میں تجھے گواہ بنا کر یہ اعلان کرتا ہوں کہ میں نے ساری رقم اللہ کی راہ میں خرچ کرنے کے لئے وقف کر دی ہے۔
اسلام قبول کرنے کے بعد حضرت حکیم بن حزام رضی اللہ عنہ نے حج کیا اور اپنے ساتھ ایک سو صحت مند اور موٹی تازی اونٹنیاں لیں اور ان پر خوبصورت اور قیمتی کپڑے ڈالے تاکہ اور زیادہ دیدہ زیب معلوم ہوں ان سب اونٹنیوں کو منیٰ میں اللہ کی رضا کی خاطر قربان کر دیا۔
دوسرے حج میں وقوف عرفات کے دوران ایک سو غلام جن کی گردنوں میں چاندی کے کڑے ڈالے ہوئے تھے، ان سب کی آزادی کا اعلان کر دیا۔ تیسرے حج میں ایک ہزار بکری منی کے میدان میں رضائے الہی کے حصول کی خاطر قربان کی اور ان کا گوشت مسکینوں اور محتاجوں میں بانٹ دیا۔
غزوہ حنین کے بعد حضرت حکیم بن حزام رضی اللہ عنہ نے رسول اللہﷺ سے مال غنیمت مانگا۔ آپ نے دے دیا، پھر مانگا آپ نے اور زیادہ عطا کیا یہاں تک کہ سو اونٹ ہو گئے۔ آپ ابھی نئے نئے مسلمان ہوئے تھے۔
رسول اکرمﷺ نے ارشاد فرمایا۔
اے حکیم: یہ مال بڑا ہی دلفریب ہے۔ جو دلی قناعت کے ساتھ اسے حاصل کرے اس میں برکت ڈال دی جاتی ہے اور جو اسے طمع ولالچ کے ساتھ حاصل کرے تو اس سے برکت اٹھا لی جاتی ہے۔ وہ اس شخص کی طرح ہو جاتا ہے جو کھاتا ہے اور کبھی سیر نہیں ہوتا۔
یاد رکھو’ دینے والا ہاتھ لینے والے ہاتھ سے بہتر ہوتا ہے۔
جب حضرت حکیم بن حزام رضی اللہ عنہ نے رسول اللہﷺ سے یہ بات سنی تو عرض کیا، یا رسول اللہﷺ مجھے قسم اس ذات کی جس نے آپ کو حق کا پیامبر بنا کر بھیجا، آج کے بعد میں کسی سے کچھ نہیں مانگوں گا۔ اور زندگی بھر کسی سے کوئی مطالبہ نہیں کروں گا۔
حضرت حکیم بن حزام رضی اللہ عنہ نے یہ قسم پوری کر دکھائی۔
حضرت ابو بکر صدیق رضی اللہ عنہ نے اپنے دور خلافت میں کئی مرتبہ بیت المال سے حصہ دینے کے لئے حضرت حکیم بن حزام رضی اللہ عنہ کو بلایا لیکن انہوں نے اپنا حصہ لینے سے انکار کر دیا۔
حضرت فاروق اعظم رضی اللہ عنہ نے بیت المال سے حصہ دینے کے لئے انہیں بلایا لیکن انہوں نے لینے سے انکار کر دیا یہاں تک کہ فاروق اعظم رضی اللہ عنہ نے ارشاد فرمایا۔
لوگو! گواہ رہنا کہ میں نے بار بار حکیم بن حزام رضی اللہ عنہ کو بیت المال میں سے اپنا حصہ لینے کے لئے بلایا لیکن اس نے ہر بار اپنا حصہ لینے سے انکار کر دیا۔ حضرت حکیم بن حزام رضی اللہ عنہ زندگی میں اپنے اس موقف پر ڈٹے رہے کسی سے کچھ نہ مانگا اگر کسی خلیفے نے کچھ دینے کی کوشش کی تو آپ نے اسے قبول کرنے سے انکار کر دیا اور اسی حالت میں اپنے خالق حقیقی سے جا ملے۔
وہ اللہ پہ راضی اور اللہ ان پہ راضی۔
حضرت حکیم بن حزام رضی اللہ عنہ کے مفصل حالات زندگی معلوم کرنے کے لئے درج ذیل کتابوں کا مطالعہ کیجئے۔
ا۔ الاستيعاب ۱/ ۳۶۸
٢- الاصابه ۱/ ۳۲۷
۳۔ الملل والنحل ۱/ ۲۷
۴- الطبقات الكبرى ۱/ ۲۶
۵- سیر اعلام النبلاء ۳/ ۱۶۴
۶- زعماء الاسلام ۱/ ۱۲۱
۷- حماة الاسلام ۱/ ۱۲۱
۸- تاريخ الخلفاء ۱۲۶
۹۔ الصفوة ٣١٩/١
۱۰۔ المعارف ۲/ ۹۲۔۹۳
۱۱۔ اسد الغابة ۲/ ۹۔۱۵
۱۲- محاضرات الادباء ۴/ ۴۷۸
۱۳۔ مروج الذهب ٣٠٢/٢
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”