53. Hazrat Ibaad Bin Bishr (رضی اللہ عنہ)
Hazrat Ibaad Bin Bishr رضی اللہ عنہ
Ansaar main se teen ashkhaas aisay hain keh Fazal-o-Sharf main koi un se badh kar nahi, Saad bin Muaz, Usaid bin Huzair aur Ibaad bin Bishr رضی اللہ عنہ.
Farmaan Aisha Sadiqia رضی اللہ عنہا
Tareekhi Dawat-e-Muhammadia main hazrat Ibaad bin Bishr رضی اللہ عنہ ka naam aik sunehri baab ki hesiyat rakhta hai.
Agar aap usay ibaadat guzaaron main talaash karen to woh muttaqi, Parhaiz gaar, Shab zindah daar aur raat bhar Quran-e-Majeed ki tilaawat karne waalon main milein ge, Agar aap usay jawaan mardon main talaash karen ge to usay bahadur, Nidar, Jurrat mand aur Allah ka naam buland karne ke liye markon main be khatar kood jaane waala dekhen ge.
Aap usay hukmraanon main talaash karen ge to usay taaqatwar amaanat daar aur musalmanoon ke maal ka muhaafiz paayen ge.
Be shumaar khoobiyon ki binaa par Umm ul Momineen Hazrat Aisha Sadiqia رضی اللہ عنہ ا ne is ke aur is ki qoum ke deegar do ashkhaas ke mutaliq irshaad farmaya.
Ansaar main teen ashkhaas aisay hain keh Fazal-o-Sharf main koi un se badh kar nahi, Woh tamaam aik hi qabeelay bano Abdul Ashamal ke fard hain. Saad bin Muaz رضی اللہ عنہ , Usaid bin Huzair رضی اللہ عنہ aur Ibaad bin Bishr رضی اللہ عنہ .
Waadi-e-Yasrab ke ufaq par jab Hidaayat-e-Muhamdia ki pehli kiran chamki, Us waqt Ibaad bin Bishr ubhartay hue kadiyal jawaan, Farishta seerat, Pakeeza nigah aur pakdaman ghabroo jawaan thay jis ke chehray par Pakizgee-o-Paakdamni ki ronaqein aur Tar-o-Taazgee dikhaayi deti thi, Lekin is ke kaarnamon se pukhta car logon ki sanjeedgi ke aasaar numaaya dikhaayi dete halaank abhi us ne umar ki pacchees bahaaren hi to dekhi theen.
Jab Makkah-e-Mu’azmah se aanay waalay nojawaan muballigh hazrat Musab bin Umair رضی اللہ عنہ se mulaqaat hui to imaan ki maqnateesi qowat ne dono ke dil jod diye. Achi aadaat aur umdah khasaail ne dono ke darmiyaan wahdat peda kar di.
Hazrat Musab bin Umair رضی اللہ عنہ ko jab khush ilhaani aur tarteel ke sath Quran-e-Majeed parhte hue suna to Kalaam-e-Ilaahi ki mohabbat dil main ghar kar gayi. Aur dil usay andar jazb karne ke liye kushaadah ho gaya. Aur phir yeh hama waqt Quran-e-Majeed hi ke ho kar reh gaye. Din ho ya raat, Safar ho ya hazar, Khaday hon ya baithy, Har dam Qurani aayaat hi un ki zubaan par hoten, Yahan tak keh Sahaba-e-Kiraam رضی اللہ عنہم main Imaam-o-Peshwa Quran ke Rafeeq-o-Dost ke naam se mashhoor ho gaye.
Aik raat ka waqea hai keh Rasool-e-Akram ﷺ Masjid-e-Nabwi se mulhaq Hazrat Aisha رضی اللہ عنہ ke hujray main Namaaz-e-Tahjjud adaa kar rahay thay, To aap ne Hazrat Ibaad bin Bishr رضی اللہ عنہ ko dil Aawaiz-o-Dil soaz aawaz main aisay hi Quran-e-Majeed padhte hue suna jaisa Jibraiel علیہ السلام ke zariye aap ke Qalb-e-Ather par naazil hua tha. Aap ne irshaad farmaaya:
Aisha mujhe Ibaad bin Bishr رضی اللہ عنہ ki aawaz sunaai day rahi hai.
Hazrat Aisha ne arz kya: Haan ya Rasool Allah ﷺ yeh usi ki aawaz hai.
Aap ne du’aa ki: Ilaahi isay bakhash day.
Hazrat Ibaad bin Bishr رضی اللہ عنہ Rasool Allah ﷺ ke saath tamaam ghazwaat main haazir hue aur har Ghazway main koi nah koi aisa kaarnaama sar injaam diya jo aik Haamil-e-Quran ke liye Laiq-o-Munasib ho sakta hai.
Bator-e-Misaal aik kaarnaama Paish-e-Khidmat hai.
Jab Rasool-e-Akram ﷺ Mujahideen-e-Islaam ke hamrah Zaat ul Riqaa se wapas tashreef laa rahay thay, To raat guzaarne ke liye aik pahaadi ki uot main padaao kya. Hua yeh keh is Ghazway main dushman ke qaidyoun main aik aurat bhi qaid ho kar aayi jis ka khaawand wahan mojood nah tha. Jab usay Soorat-e-Haal ka ilm hua to is ne Laat-o-Uzza ki qasam kha kar kaha ke main musalmanon ke lashkar ka peecha karoon ga aur usay nuqsaan aur khoon bahaaye baghair wapas nahi lotoun ga.
Jab musalmanon ne pahaad ki uot main padaao kya to Rasool-e-Akram ﷺ ne mujahideen se poocha:
Aaj raat pehra kon day ga.?
Hazrat Ibaad bin Bishr رضی اللہ عنہ aur Ammaar bin Yasir رضی اللہ عنہ yak dam utthay aur bolay hum ya Rasool Allah ﷺ pehra den ge, Yeh jab Madinah-e-Munawara hijrat kar kay aaye thay to Nabi-e-Akram ﷺ ne un dono ko bhaai qaraar diya tha.
Jab pehra dainay ke liye pahaad ke daray main khaday hue to Hazrat Ibaad bin Bishr رضی اللہ عنہ ne apne bhaai Ammaar bin Yasir رضی اللہ عنہ se poocha:
Aap raat ke pehlay hissay main sona pasand karen gain ya aakhri hissay main unhon ne kaha main pehlay hissay main aaraam karoon ga aur aakhri hissay main pehra dun ga yeh keh kar us ke nazdeek hi late gaye.
Raat tareek, Khank, Pur sakoon aur itminan bakhash thi. Raat ki tareeki main jhilmilaate hue taary, lehlahaate hue darakht aur apni jagah hama Adab-o-Ahtraam ki tasweer banay hue phir apne Rab ki tareef pakizgee aur azmat ke Zubaan-e-Haal se naghmain alaap rahay thay.
Is di aawaiz, Dilfaraib aur dilkash mahol main hazrat Ibaad bin Bishr رضی اللہ عنہ ke dil main yeh shoq peda hua keh ibaadat aur tilaawat se apne dil ko shaad Baagh-w-Shaad kaam kya jaaye.
Usay Quran-e-Majeed ki tilaawat se badh kar koi aur cheez lutaf nah deti, Lekin jab yeh namaz main tilaawat karte to maza do chand ho jaata.
Phir yeh qiblah rukh khaday hue namaaz shuru kar di.
Jab yeh lashkaare maartay hue Noor-e-Ilaahi ke darya main tair rahay thay aur us ki noori kirnoon ki ziya paashion se lutaf andoz ho rahay thay keh aik bad bakhat, Bad niyat, Bad Baatan-o-Nahinjaar, Dushman jis ki biwi is qaaflay main qaidi ki hesiyat se shaamil thi dabay paaon badi taizi se agay badha, Jab door se us ne dekha keh pahaadi ke daray main aik shakhs khada pehra day raha hai. Woh samjha yaqeenan Nabi ﷺ aur is ke saathi is pahaadi ki uot main aaraam kar rahay hon ge, Us ne jaldi se kamaan pakdi apni turkish se aik teer nikaala aur nishaana bandh kar chalaa diya. Woh seedha hazrat Ibaad bin Bishr رضی اللہ عنہ ke jism main paiwast ho gaya. Unhon ne haath se teer pakda aur apne jism se kheench kar paray pheink diya. Dushman ne doosra teer maara woh bhi un ke jism main paiwast ho gaya, Unhon ne usay bhi nikaal kar paray pheink diya. Us ne teesra teer mara woh bhi seedha aap ke jism main paiwast ho gaya aur yeh pehlay do teeron ki nisbat ziyada gehra laga, Lekin unhon ne usay bhi kheench kar paray pheink diya. Ab kya tha keh jism se khoon ke fawaaray phoot niklay. Dheeray dheeray khisak kar apne soye hue bhaai hazrat Ammaar bin Yasir رضی اللہ عنہ ke qareeb hue salaam phera aur usay jaga diya.
Kehnay lagay bhaai utho zakhamon ke ghaao ne to mere badan ka khoon nichod liya hai. Meri aankhon ke aagay andhera chaa raha hai. Kamzori-o-Naqaahat se mera dil doob raha hai. Jab teer maarny waalay dushman ne dekha keh daray main aik ki bajaaye do aadmi hain to woh khauf ke maaray bhaag nikla.
Hazrat Ammaar bin Yasir رضی اللہ عنہ ne dekha keh un ke saathi Hazrat Ibaad bin Bishr رضی اللہ عنہ ke jism main teen jagah se khoon taizi se beh raha hai to woh ghabra gaye.
Farmaanay lagay baday ta’ajub ki baat hai pehla teer lagnay par mujhe jaga diya hota?
Hazrat Ibaad bin Bishr رضی اللہ عنہ , ne farmaaya:
Main apne mann main doob kar Dunia-o-Maafiha se be niaz namaaz ki haalat main surah kahaf padh raha tha aur mujhe is qadar lutaf aa raha tha keh dil nah chaha keh surah mukammal padhay baghair salam pehroon.
Allah ki qasam! Agar mujhe is zimmay daari ke Ziyaan-o-Nuqsaan ka andesha nah hotaa jo Rasool-e-Akram ﷺ ne mujh par aayed ki hai, To meri jaan chali jaati aur main yeh namaaz aur tilaawat ka silsila munqita nah honay deta.
Jab Hazrat Siddique-e-Akbar رضی اللہ عنہ ke Dor-e-Khilafat main murtaddeen ke khilaaf maa’rka aaraai holnaak soorat ikhtiyar kar chuki thi, To unhon ne musalimah kazzab ke fitne ko khatam karne aur bharay hue murtaddeen ko pispaa karne ke liye aik Lashkar-e-Jarraar tayyar kya jis main hazrat Ibaad bin Bishr رضی اللہ عنہ baday numaaya Saf-e-Awwal ke bahaduron main dikhaayi dete thay. Lashkar-e-Islam aur Musalimah kazzab ki fouj jab aapas main takraayi, Ghmsaan ka ran pada, dushman fouj ki paspaai ke koi aasaar dikhaayi nah dete thay, lashkar-e-Islam ko koi Qaabil-e-Zikar kamyaabi haasil nahi ho rahi thi, Is naazuk tareen Soorat-e-Haal main hazrat Ibaad ne dekha keh Ansaar muhajreen par aur muhajreen Ansaar par takiya lagaaye hue aik doosray ko nakaami ka sabab qaraar day rahay hain, To yeh Ghaiz-o-Gazabb se tilmila utthay lekin apne aap par zabt karte hue unhon ne is holnaak maarke main Lashkar-e-Islam ki kamyaabi ke Asbaab-o-Zaaraye par socha. Baday Ghhor-o-Fikar ke baad is nateejay par puhanche keh ab kamyaabi ki aik hi soorat hai keh muhajreen aur Ansaar alag alag mansoobah bandi karen phir aik sath dushman ki fouj par dono taraf se hamla aawar hon taakeh pata chal sakay kamzori kis taraf se waqay ho rahi hai. Aur jam kar muqaabla kon kar raha hai.
Aik raat jab ladaai poooray shabab par thi, Hazrat Ibaad bin Bishr رضی اللہ عنہ ko neend aayi aur is main khawab aaya kya dekhte hain keh aasman ka darwaaza khula main andar daakhil hua to darwaaza band kar diya gaya. Subah hui to main ne yeh khawab Hazrat Abu Sa’eed رضی اللہ عنہ ko bayaan kya aur sath hi khawab ki tabeer bataatay hue kaha!
Aey Abu Sa’eed رضی اللہ عنہ: Allah ki qasam! Is khawab main mujhe shahaadat ka ishaara diya gaya hai.
Jab din chadha ladaai shuru hui to hazrat Ibaad bin Bishr رضی اللہ عنہ aik teelay par chadh kar ba aawaz buland pukaar pukaar kar kehnay lagay. Aey Ansaar logon se alag ho jaao. Apni talwaaron ki nayaamain tod daalo, Dekho tumhari taraf se islaam par koi aanch nah aanay paaye. Poooray Josh-o-Jazba se baar baar yeh baat dohraatay rahay. yahan tak keh aap ke paas chaar so afraad jama ho gaye. Jin main Sabit bin Qais رضی اللہ عنہ, Baraa bin Maalik رضی اللہ عنہ, Aur Rasool Allah ﷺ ka shamsheer bardaar Abu Dujana bhi un main mojood thay. Hazrat Ibaad bin Bishr رضی اللہ عنہ un mjahidon ki qayaadat karte hue apni Shamsheer-e-Baran se dushman ki safen cheertay hue Halaakat-o-Mout se Bazor-e-Seenah athkilyan karta hua aagay chala gaya, Yahan tak keh Musalimah kazzab ki fouj ko Gulsitaan-e-Mout main panah lainay par majboor kar diya. Hazrat Ibada bin Bishr رضی اللہ عنہ deewana waar ladtay hue baagh ki deewar ke paas zakham kha kar giray aur shaheed ho gaye.
Dushman ki talwaaron, Naizon aur teeron ke zakhamo se in ka badan chalni ho chuka tha, Charay par is qadar zakham thay keh pehchana nah jaata tha. Zakham ke aik nishaan ki binaa par un ki laash ki shanaakht ho saki.
بنا کر دند خوش رسمے بخون وخاک غلطیدن
خدا رحمت کند ا یں عاشقان پاک طینت را
Hazrat Ibaad bin Bishr رضی اللہ عنہ kay mufassal Halaat-e-Zindagi maaloom karnay kay liye darjzail kitaabon ka mutaall’a karain:
1: Taikh ul Islam Zahabi 1/370
2: Tahzeeb ul Tahzeeb 5/90
3: Al Tabaqat ul Kubraa 3/440
4: Al Muhabbar Fil Tarikh 282
5: Siar-o-Aalam-e-Al Nubalaa 1/243
6: Hayat ul Sahabah 1/716
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت عباد بن بشر رضی اللہ عنہ
انصار میں سے تین اشخاص ایسے ہیں کہ فضل و شرف میں کوئی ان سے بڑھ کر نہیں، سعد بن معاذ رضی اللہ عنہ، اسید بن حضیر رضی اللہ عنہ اور عباد بن بشر رضی اللہ عنہ
(فرمان عائشہ صدیقہ رضی الله عنہا)
تاریخی دعوت محمدیہ میں حضرت عباد بن بشر رضی اللہ عنہ کا نام ایک سنہری باب کی حیثیت رکھتا ہے۔
اگر آپ اسے عبادت گزاروں میں تلاش کریں تو وہ متقی، پرہیز گار، شب زنده دار اور رات بھر قرآن مجید کی تلاوت کرنے والوں میں ملیں گے اگر آپ اسے جوانمردوں میں تلاش کریں گے تو اسے بہادر، نڈر، جرات مند اور اللہ کا نام بلند کرنے کے لئے معرکوں میں بےخطر کود جانے والا دیکھیں گے۔
آپ اسے حکمرانوں میں تلاش کریں گے تو اسے طاقتور، امانت دار اور مسلمانوں کے مال کا محافظ پائیں گے۔
بےشمار خوبیوں کی بناء پر ام المومنین حضرت عائشہ صدیقہ رضی اللہ عنہ نے اس کے اور اس کی قوم کے دیگر دو اشخاص کے متعلق ارشاد فرمایا۔
انصار میں تین اشخاص ایسے ہیں کہ فضل و شرف میں کوئی ان سے بڑھ کر نہیں، وہ تمام ایک ہی قبیلے بنو عبد الاشھل کے فرد ہیں۔ سعد بن معاذ رضی اللہ عنہ، اسید بن حضیر رضی اللہ عنہ اور عباد بن بشر رضی اللہ عنہ۔
وادی یثرب کے افق پر جب ہدایت محمدیہ کی پہلی کرن چمکی، اس وقت عباد بن بشر رضی اللہ عنہ ابھرتے ہوئے کڑیل جوان، فرشتہ سیرت، پاکیزہ نگاہ اور پاکدامن گھبرو جوان تھے جس کے چہرے پر پاکیزگی و پاکدامنی کی رونق اور تروتازگی دکھائی دیتی تھی، لیکن اس کے کارناموں سے پختہ کار لوگوں کی سنجیدگی کے آثار نمایاں دکھائی دیتے’ حالانکہ ابھی اس نے عمر کی پچیس بہاریں ہی تو دیکھی تھیں۔
جب مکہ معظمہ سے آنے والے نوجوان مبلغ حضرت مصعب بن عمیر رضی اللہ عنہ سے ملاقات ہوئی تو ایمان کی مقناطیسی قوت نے دونوں کے دل جوڑ دیئے۔ اچھی عادات اور عمدہ خصائل نے دونوں کے درمیان وحدت پیدا کر دی۔
حضرت مصعب بن عمیر رضی اللہ عنہ کو جب خوش الحانی اور ترتیل کے ساتھ قرآن مجید پڑھتے ہوئے سنا تو کلام الہی کی محبت دل میں گھر کر گئی۔ اور دل اسے اندر جذب کرنے کے لئے کشادہ ہو گیا۔ اور پھر یہ ہمہ وقت قرآن مجید ہی کے ہو کر رہ گئے۔ دن ہو یا رات، سفر ہو یا حضر، کھڑے ہوں یا بیٹھے ہر دم قرآنی آیات ہی ان کی زبان پر ہوتیں یہاں تک کہ صحابہ کرام رضی اللہ عنہم میں امام و پیشوا، قرآن کے رفیق و دوست کے نام سے مشہور ہو گئے۔
ایک رات کا واقعہ ہے کہ رسول کریمﷺ مسجد نبوی سے ملحق حضرت عائشہ رضی اللہ عنہا کے حجرے میں نماز تہجد ادا کر رہے تھے، تو آپ نے حضرت عباد بن بشر رضی اللہ عنہ کو دل آویز و دل سوز آواز میں ایسے ہی قرآن مجید پڑھتے ہوئے سنا جیسا جبرائیل علیہ السلام کے ذریعے آپ کے قلب اطہر پر نازل ہوا تھا۔ آپ نے اشاد فرمایا:
عائشہ مجھے عباد بن بشر رضی اللہ عنہ کی آواز سنائی دے رہی ہے۔
حضرت عائشہؓ نے عرض کیا: ہاں یا رسول اللہﷺ یہ اسی کی آواز ہے۔
آپ نے دعا کی: الہی اسے بخش دے۔
حضرت عباد بن بشر رضی اللہ عنہ رسول اللہﷺ کے ساتھ تمام غزوات میں حاضر ہوئے اور ہر غزوے میں کوئی نہ کوئی ایسا کارنامہ سر انجام دیا جو ایک حامل قرآن کے لئے لائق و مناسب ہو سکتا ہے۔
بطور مثال ایک کارنامہ پیش خدمت ہے۔
جب رسول کریمﷺ مجاہدین اسلام کے ہمراہ ذات الرقاع سے واپس تشریف لا رہے تھے، تو رات گزارنے کے لئے ایک پہاڑی کی اوٹ میں پڑاؤ کیا۔ ہوا یہ کہ اس غزوے میں دشمن کے قیدیوں میں ایک عورت بھی قید ہو کر آئی جس کا خاوند وہاں موجود نہ تھا۔ جب اسے صورت حال کا علم ہوا تو اس نے لات و عزیٰ کی قسم کھا کر کہا کہ میں مسلمانوں کے لشکر کا پیچھا کروں گا اور اسے نقصان اور خون بہائے بغیر واپس نہیں لوٹوں گا۔
جب مسلمانوں نے پہاڑ کی اوٹ میں پڑاؤ کیا تو رسولﷺ نے مجاہدین سے پوچھا۔
آج رات پہرہ کون دے گا۔؟
حضرت عباد بن بشر رضی اللہ عنہ اور عمار بن یاسر رضی اللہ عنہ یک دم اٹھے اور بولے ہم یا رسول اللہﷺ پہرہ دیں گے یہ جب مدینہ منورہ ہجرت کر کے آئے تھے تو نبی کریمﷺ ان دونوں کو بھائی قرار دیا تھا۔
جب پہرہ دینے کے لئے پہاڑ کے درے میں کھڑے ہوئے تو حضرت عباد بن بشر رضی اللہ عنہ نے اپنے بھائی عمار بن یاسر رضی اللہ عنہ سے پوچھا۔
آپ رات کے پہلے حصے میں سونا پسند کریں گے یا آخری حصے میں انہوں نے کہا میں پہلے حصے میں آرام کروں گا اور آخری حصے میں پہرہ دوں گا یہ کہہ کر اس کے نزدیک ہی لیٹ گئے۔
رات تاریک، خنک، پر سکون اور اطمینان بخش تھی۔ رات کی تاریکی میں جھلملاتے ہوئے تارے، لہلہاتے ہوئے درخت اور اپنی جگہ ہمہ ادب و احترام کی تصویر بنے ہوئے پتھر اپنے رب کی تعریف، پاکیزگی اور عظمت کے زبان حال سے نغمے الاپ رہے تھے۔
اس دلاویز، دلفریب اور دلکش ماحول میں حضرت عباد بن بشر رضی اللہ عنہ کے دل میں یہ شوق پیدا ہوا کہ عبادت اور تلاوت سے اپنے دل کو شاد باغ و شاد کام کیا جائے۔
اسے قرآن مجید کی تلاوت سے بڑھ کر کوئی اور چیز لطف نہ دیتی، لیکن جب یہ نماز میں تلاوت کرتے تو مزا دوچند ہو جات پھر یہ قبلہ رخ کھڑے ہوئے’ نماز شروع کر دی۔
جب یہ لشکارے مارتے ہوئے نور الہی کے دریا میں تیر رہے تھے اور اس کی نوری کرنوں کی ضیاء پاشیوں سے لطف اندوز ہو رہے تھے’ کہ ایک بدبخت، بدنیت بدباطن و ناہنجار دشمن جس کی بیوی اس قافلے میں قیدی کی حیثیت سے شامل تھی دبے پاؤں بڑی تیزی سے آگے بڑھا جب دور سے اس نے دیکھا کہ پہاڑی کے درے میں ایک شخص کھڑا پہرہ دے رہا ہے۔ وہ سمجھا یقیناً نبیﷺ اور اس کے ساتھی اس پہاڑی کی اوٹ میں آرام کر رہے ہوں گے’ اس نے جلدی سے کمان پکڑی، اپنی ترکش سے ایک تیر نکالا اور نشانہ باندھ کر چلا دیا۔ وہ سیدھا حضرت عباد بن بشر رضی اللہ عنہ کے جسم میں پیوست ہو گیا۔ انہوں نے ہاتھ سے تیر پکڑا اور اپنے جسم سے کھینچ کر پرے پھینک دیا۔ دشمن نے دوسرا تیر مارا وہ بھی ان کے جسم میں پیوست ہو گیا، انہوں نے اسے بھی نکال کر پرے پھینک دیا۔ اس نے تیسرا تیر مارا وہ بھی سیدھا آپ کے جسم میں پیوست ہو گیا اور یہ پہلے دو تیروں کی نسبت زیادہ گہرا لگا، لیکن انہوں نے اسے بھی کھینچ کر پرے پھینک دیا۔ اب کیا تھا کہ جسم سے خون کے فوارے پھوٹ نکلے۔ دھیرے دھیرے کھسک کر اپنے سوئے ہوئے بھائی حضرت عمار بن یاسر رضی اللہ عنہ کے قریب ہوئے سلام پھیرا اور اسے جگا دیا۔
کہنے لگے بھائی اٹھو زخموں کے گھاؤ نے تو میرے بدن کا خون نچوڑ لیا ہے۔ میری آنکھوں کے آگے اندھیرا چھا رہا ہے۔ کمزوری و نقاہت سے میرا دل ڈوب رہا ہے۔ جب تیر مارنے والے دشمن نے دیکھا کہ درے میں ایک کی بجائے دو آدمی ہیں تو وہ خوف کے مارے بھاگ نکلا۔
حضرت عمار بن یاسر رضی اللہ عنہ نے دیکھا کہ ان کے ساتھی حضرت عباد بن بشر رضی اللہ عنہ کے جسم میں تین جگہ سے خون تیزی سے بہہ رہا ہے تو وہ گھبرا گئے۔
فرمانے لگے بڑے تعجب کی بات ہے پہلا تیر لگنے پر مجھے جگا دیا ہوتا؟
حضرت عباد بن بشر رضی اللہ عنہ نے فرمایا۔
میں اپنے من میں ڈوب کر دنیا و مافیہا سے بے نیاز نماز کی حالت میں سورہ کہف پڑھ رہا تھا اور مجھے اس قدر لطف آ رہا تھا کہ دل نہ چاہا کہ سورہ مکمل پڑھے بغیر سلام پھیروں۔
اللہ کی قسم! اگر مجھے اس ذمے داری کے زیاں و نقصان کا اندیشہ نہ ہوتا جو رسول کریمﷺ نے مجھ پر عائد کی ہے، تو میری جان چلی جاتی اور میں یہ نماز اور تلاوت کا سلسلہ منقطع نہ ہونے دیتا۔
جب حضرت صدیق اکبر رضی اللہ عنہ کے دور خلافت میں مرتدین کے خلاف معرکہ آرائی ہولناک صورت اختیار کر چکی تھی، تو انہوں نے مسیلمہ کذاب کے فتنے کو ختم کرنے اور بھپرے ہوئے مرتدین کو پسپا کرنے کے لئے ایک لشکر جرار تیار کیا جس میں حضرت عباد بن بشر رضی اللہ عنہ بڑے نمایاں’ صف اول کے بہادروں میں دکھائی دیتے تھے۔ لشکر اسلام اور مسیلمہ کذاب کی فوج جب آپس میں ٹکرائی، گھمسان کا رن پڑا’ دشمن فوج کی پسپائی کے کوئی آثار دکھائی نہ دیتے تھے، لشکر اسلام کو کوئی قابل ذکر کامیابی حاصل نہیں ہو رہی تھی، اس نازک ترین صورت حال میں حضرت عباد رضی اللہ عنہ نے دیکھا کہ انصار مہاجرین پر اور مہاجرین انصار پر تکیہ لگائے ہوئے ایک دوسرے کو ناکامی کا سبب قرار دے رہے ہیں، تو یہ غیظ و غضب سے تلملا اٹھے لیکن اپنے آپ پر ضبط کرتے ہوئے انہوں نے اس ہولناک معرکے میں لشکر اسلام کی کامیابی کے اسباب و ذرائع پر سوچا، بڑے غور و فکر کے بعد اس نتیجے پر پہنچے کہ اب کامیابی کی ایک ہی صورت ہے کہ مہاجرین اور انصار الگ الگ منصوبہ بندی کریں پھر ایک ساتھ دشمن کی فوج پر دونوں طرف سے حملہ آور ہوں تاکہ پتہ چل سکے کمزوری کس طرف سے واقع ہو رہی ہے۔ اور جم کر مقابلہ کون کر رہا ہے۔
ایک رات جب لڑائی پورے شباب پر تھی، حضرت عباد بن بشر رضی اللہ عنہ کو نیند آئی اور اس میں خواب آئی کیا دیکھتے ہیں کہ آسمان کا دروازہ کھلا میں اندر داخل ہوا تو دروازہ بند کر دیا گیا۔ صبح ہوئی تو میں نے یہ خواب حضرت ابو سعید رضی اللہ عنہ کو بیان کیا اور ساتھ ہی خواب کی تعبیر بتاتے ہوئے کہا!
اے ابو سعید رضی اللہ عنہ: اللہ کی قسم! اس خواب میں مجھے شہادت کا اشارہ دیا گیا ہے۔
جب دن چڑھا لڑائی شروع ہوئی تو حضرت عباد بن بشر رضی اللہ عنہ ایک ٹیلے پر چڑھ کر باآواز بلند پکار پکار کر کہنے لگے۔ اے انصار لوگوں سے الگ ہو جاؤ۔ اپنی تلواروں کی نیامیں توڑ ڈالو’ دیکھو تمہاری طرف سے اسلام پر کوئی آنچ نہ آنے پائے۔ پورے جوش و جذبہ سے بار بار یہ بات دہراتے رہے۔ یہاں تک کے آپ کے پاس چار سو افراد جمع ہو گئے۔ جن میں ثابت بن قیس رضی اللہ عنہ، براء بن مالک رضی اللہ عنہ اور رسول اللهﷺ کا شمشیر بردار ابودجانہ رضی اللہ عنہ بھی ان میں موجود تھے۔ حضرت عباد بن بشر رضی اللہ عنہ ان مجاہدوں کی قیادت کرتے ہوئے اپنی شمشیر براں سے دشمن کی صفیں چیرتے ہوئے ہلاکت و موت سے بزور سینہ اٹھکیلیاں کرتا ہوا آگے چلا گیا یہاں تک کہ مسیلمہ کذاب کی فوج کو گلستان موت میں پناہ لینے پر مجبور کر دیا۔ حضرت عباد بن بشر رضی اللہ عنہ، دیوانہ وار لڑتے ہوئے باغ کی دیوار کے پاس زخم کھا کر گرے اور شہید ہو گئے۔
دشمن کی تلواروں، نیزوں اور تیروں کے زخموں سے انکا بدن چھلنی ہو چکا تھا چہرے پر اس قدر زخم تھے کہ پہچانا نہ جاتا تھا۔ زخم کے ایک نشان کی بناء پر ان کی لاش کی شناخت ہو سکی۔
بنا کر دند خوش رسمے بخون و خاک غلطیدن
خدا رحمت کند ایں عاشقان پاک طینت را
حضرت عباد بن بشر رضی اللہ عنہ کے مفصل حالات زندگی معلوم کرنے کے لئے درج ذیل کتابوں کا مطالعہ کیجئے۔
ا۔ تاریخ اسلام ذهبی ۱/ ۳۷۰
٢- تهذيب التهذيب ۵/ ۹۰
۳- الطبقات الكبرى ۳/ ۴۴۰
۴- المجر في التاريخ ۲۸۲
ه۔ سیر اعلام النبلاء ۱/ ۲۴۳
۶- حياة الصحابه ۱/ ۷۱۶
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”