16. Hazrat Abu-Zar-Ghaffaari (رضی اللہ عنہ)
Hazrat Abu-Zar-Ghaffaari (رضی اللہ عنہ)
Arz-o-Samaa’ nay Abu-Zar (رضی اللہ عنہ) say badh kar dil ka saccha koi nah daikha hoga.
Farmaan-e-Nabvi ﷺ
Widaan naami Basti mein qabeelah ghaffaar rihaaish-pazeer tha aur is Basti ko bahut ziyadah ahmiyat haasil thi, Is liye keh Arab taajiron keh qaaflay Shaam ya deegar mamaalik ko jaatay huey yahin say guzartay thay. Qabeelah Ghffaar ki m’aishat ka Daar-o-Madaar bhi isi aamdan par tha jo Arab taajiron keh yahan qiyaam keh waqat inhain haasil hoti thi. Agar taajir yahan kharch karne say guraiz karte to Qabeelah ghaffaar ke log loot maar shuru’ kar detay. Jo cheez bhi unkeh haath lagti usay apnay qabzah mein kar letay. Jundub bin junaadah ka ta’alluq bhi isi Qabeelah say tha jinki koniyyat Abu-Zar thi. Inhain jur’at, Daanish-mandi aur Door-andaishi mein aik mumtaaz maqaam haasil tha, inahin shuru’ say hi in button say dili nafrat thi jinhain inki qom pooja karti thi. Inhain is baat ka bhi shiddat say ahsaas tha keh Arab is waqat Aqeedah ki kharaabi aur Deeni fasaad ki khatar-naak bemaari mein mubtala ho chukay hain. Yeh aik aisay naye Nabi ﷺ keh zahoor keh muntazir thay jo logon mein shu’oor paida kare. Inhain hoslah dey aur phir inhain gumraahi ki atha taareekiyon say nikaal kar Eemaan aur Ilm-o-Hidaayat ki roshani ki taraf laey.
Janaab Abu Zar Ghaffaari (رضی اللہ عنہ) ko jab patah chala keh Makkah Mo’azmah mein naye Nabi (ﷺ) ka zuhoor ho chukka hai, To unhon nay apnay bhaai Unais say kaha. Aap abhi Makkah Mo’azmah jaaen, Suna hai wahan aik shakhs nay Nubuwwat ka d’awa’ kiya hai aur iska yeh bhi d’awa’ hai keh aasmaan say us par Wahi bhi naazil hoti hai. Wahan ja kar ghaur say in tamaam haalaat ka jaaizah lena jo is waqat wahan ronma ho chukay hain, bil-khusoos yeh patah karna keh inki asli d’awat kia hai?
Apnay bhaai kay hukam ki t’ameel karte huey janaab Unais Makkah Mo’azmah rawaanah hogaey. Wahan pohnch kar sab say pehlay Rasool-e-Akram ﷺ ki khidmat-e-Aqdas ﷺ mein haazri di. Aap ﷺ ki majlis mein baithay, Ghaur say aap ﷺ ki baatain sunin aur wahan ke haalaat ka tafseeli jaaizah lenay kay b’ad waapis loat aaey. Janaab Abu-Zar-Ghaffaari (رضی اللہ عنہ) nay badi Shafqat-o-Muhabbat say inhain khush-aamdeed kaha aur badey ishteyaaq say Nabi ﷺ ke muta’alliq sawaalaat shuru’ kar diye.
To janaab Unais (رضی اللہ عنہ) nay bataya:
Allah ki qasam! main nay Ba-chasham-e-Khud daikha hai keh woh to logon ko achay akhlaaq ki taraf d’awat detay hain aur aap ﷺ ki guftagu aisi pur-taaseer hoti hai keh sun’nay wala wajad mein aa jata hai aur mutaassir huey baghair nahi reh sakta. Aap ﷺ ki guftagu intehaai marboot hoti hai, Lekin is par sh’airgoi ka itlaaq bhi nahi kiya ja sakta. Janaab Abu Zar (رضی اللہ عنہ) nay apnay bhaai say daryaf’t kiya keh naye Nabi ﷺ keh muta’alliq logon ki kya raaey hai?
To unhon nay bataya: Aam log unhain jaadugar, Najoomi aur shaa’ir samajtay hain.
Yeh baaten sun kar Janaab Abu-Zar farmaane lagy: Piyaare bhaai! Aap ke bayaan say dil ko tashfi nahi hui. Ab aap meray Ahl-o-Ayaal ka khayaal rakhen. Ab main khud saheeh Soorat-e-Haal ka jaaizah lenay wahan jata hun. Janaab Unais (رضی اللہ عنہ) nay kaha Zarur jaiye, Aap ke b’ad main Ahl-e-Khaanah ka khayaal rakhun ga, Lekin Ehliyaan-e-Makkah say Zara mohtaat rehna.
Janaab Abu-Zar-Ghaffaari (رضی اللہ عنہ) nay Zaad-e-Raah aur paani ka aik chota sa mashkehezah apnay hum-raah liya aur doosray hi din Nabi ﷺ ki ziyaarat ke liye Makkah Mo’azmah rawaanah hogaey.
Janaab Abu-Zar (رضی اللہ عنہ) paidal mosaafat tay kartay huey Makkah Mo’azmah to pohnch gaey, Lekin woh Quraish-e-Makkah say khauf-zadah thay, Is liye keh unhain pehlay say yeh baat m’aloom ho chuki thi keh jo bhi Hazrat Muhammad ﷺ mein dilchaspi laita hai, Quraish us ke jaani dushman ban jatay hain. Unhon nay socha keh ab kya kiya jaey? Main to yahan kisi ko jaanta nahi! Agar kisi say aap ﷺ keh muta’alliq daryaf’t kiya to mumkin hai woh aap ﷺ ka dushman ho! Aur woh meray liye nuqsaandeh saabit ho.
Din bhar inhi khayaalaat mein Ghaltaan-o-Pareshaan rahay. Raat hui to wahin Masjid mein lait gaey. Hazrat Ali (رضی اللہ عنہ) ki in par nazar padi to socha keh yeh to koi ajnabi musaafir m’aloom hota hai. Unkeh paas aey, Ghar chalne ki d’awat di to aap raza-mand huey. Ghar mein unki khoob khaatir tawazo’ ki, Lekin Makkah Mo’azmah mein aamad ka sabab daryaft karne say amadan guraiz kiya. Janaab Abu-Zar (رضی اللہ عنہ) nay badey aaraam say wahan raat basar ki. Subah hui to apna saamaan lay kar Masjid mein tashreef lay aaey, Doosra din bhi younhi guzaar diya. Rasool-e-Akram ﷺ ke muta’alliq kuch m’aloom nah ho saka. Raat hui to Masjid mein hi lait gaey. Doosri raat phir Hazrat Ali (رضی اللہ عنہ) nay unhain Masjid mein laitay huey daikha to khayaal kiya keh is musaafir ko aaj bhi apni manzil nahi mili. Usay phir apnay humraah ghar lay aaey. Doosri raat bhi khoob inki mehmaan-nawaazi ki lekin Makkah Mo’azmah mein aamad ki wajah poochnay say guraiz kiya. Jab teesri raat hui to Hazrat Ali (رضی اللہ عنہ) nay mehmaan say poocha:
Kya aap mujhay bata sakte hain keh Makkah Mo’azamah mein aamad ka maqsad kya hai? To janaab Abu-Zar-Ghaffaari (رضی اللہ عنہ) nay irshaad farmaaya: keh agar aap meray saath w’adah karen keh aap meri saheeh raahnomaai karen gy, To main apko apnay dil ki baat bataye deta hun. Hazrat Ali (رضی اللہ عنہ) nay Unsay w’adah kar liya, To unhon nay bayaan kiya: Main door daraaz safar tay kar ke yahan mahez is liye aya hun keh is azeem Hasti ki ziyaarat karun jinhon nay Nabuwwat ka d’awa’ kiya hai aur apnay kaanon say unki baaten sunun.
Hazrat Ali (رضی اللہ عنہ) nay jab inki yeh baat suni to khushi say unka chehrah damak utha aur farmaaya: Allah ki qasam! Aap ﷺ sachay Rasool ﷺ hain. Aur aap ﷺ ke muta’alliq tafseeli m’aloomaat faraaham kin. Phir raaz-daaraanah andaaz mein irshaad farmaaya keh kal subah aap meray peechay peechay chaltay aen. Agar main nay raastah mein kisi maqaam par koi khatrah meahsoos kiya to ruk jaonga, Lekin aap aahistah aahistah chaltay rahain. Jab main kisi ghar mein daakhil hojaon to aap bhi be-Dadhak meray peechay andar aa jaen.
Doosray din subah ke waqat Hazrat Ali (رضی اللہ عنہ) apnay mehmaan ko humraah lay kar Rasool kareem ﷺ ke ghar ki taraf rawaanah huey. Tey-shudah program keh mutaabiq Hazrat Ali (رضی اللہ عنہ) ke peechay peechay ho liye. Nihaayat ahtiyaat keh saath apni manzil ki taraf rawaan dawaan thay. Bil-aakhir Rasool-e-Mo’azzam ﷺ ki Khidmat-e-Aqdas mein pohnch gaey. Janaab Abu-Zar-Ghaffaari (رضی اللہ عنہ) nay aap ﷺ ko daikhtay hi kaha:
اَسَّلاَمُ عَلَیٗکَ یَارَسُوٗل َاللہ۔
Aap ﷺ nay jawaaban irshaad farmaaya:
وَعَلَیٗکَ سَلاَمُ اللہِ وَرَحٗمَتُہُ وَبَرَکَاتُہُ
Taareekh-e-Islaam mein jaanab Abu-Zar (رضی اللہ عنہ) ko sab say pehlay yeh sharf haasil hua keh unhon nay mazkoorah alfaaz mein Rasool-e-Aqdas ﷺ ko salaam kiya aur salaam ka yahi andaaz Musalmaanon mein raaij hogaya.
Rasool-e-Akram ﷺ nay unhain Islaam ki d’awat di aur Qur’an Majeed sunaya. Isi Majlis mein unhon nay Islaam qabool kar liya. Yeh chauthay ya paachwain Sahaabi hain jinhon nay Islaam qabool karne mein pehal ki.
Deegar waaqe’aat mukhtasar andaaz mein ab inhi ki zobaani beyaan kiye jatay hain.
Janaab Abu-Zar-Ghaffaari (رضی اللہ عنہ) bayaan farmaatay hain keh Islaam qabool karne keh b’ad Rasool-e-Akram ﷺ ki Khidmat-e-Aqdas mein hi raha. Aap ﷺ nay mujhay Islaam keh bunyaadi masaail achi tarah samjha diye aur Qur’an Majeed keh b’az ajzaa’ ki bhi main nay aap ﷺ say t’aleem haasil kar li. Aap ﷺ nay muhabbat bharay andaaz mein mujhay yeh talqeen ki keh:
Abhi yahan apnay Musalmaan honay ka kisi ko nah btana, Mujhay andeshah hai keh agar kisi ko patah chal gaya keh aap Musalmaan hogaey hain, To kahin aapko is jurm ki paadaash mein qatal nah kar dain.
Main nay arz ki: Ya Rasool Allah ﷺ! Us zaat ki qasam jiskeh qabzah mein meri jaan hai, Makkah say rawaangi say qabal aik martabah Zarur Quraish ke roo-ba-roo Kalmah-e-Haqq bayaan karne ko ji chaahta hai. Aap ﷺ meray jazbaat daikh kar khaamosh hogaey.
Aik roz main Masjid mein gaya, Daikha keh Quraish aapas mein baithay guftagu kar rahay hain. Chupkeh say unkeh darmeyaan mein jaa kar khada hogaya aur achaanak ba-aawaaz boland kaha: Ay Khaandaan-e-Quraish! main Sidq-e-Dil say iqraar karta hun.
لاَاِلَہَ اِلاَّ اللہُ مُحَمَّدُ رَّسُوٗلُ اللہ۔
keh Allah Ta’aala keh siwa koi m’abood haqeeqi nahi aur Hazrat Muhammad ﷺ Allah keh Rasool hain.
Abhi meray yeh kalmaat un ke kaanon ko takraaey hi thay keh woh bhadak uthay aur mujhay be-daraigh maarna shuru’ kar diya, Qareeb tha keh meri maut waaqe’ ho jaati, Itnay mein Nabi ﷺ keh chaccha Hazrat Abbaas (رضی اللہ عنہ) meri himaayat mein uthay, Aur un ke darmeyaan haail ho kar kehhnay lagy:
Aqal keh andho, Kya tabaahi tumhara muqaddar ban chukki hai? Kya tum aik aisay shakhs ko qatal karna chaahtay ho, Jo Qabeelah ghaffaar say ta’alluq rakhta hai. Jab mujhay hosh aai to zakhmon say nidhaal Rasool-e-Aqdas ﷺ ki khidmat mein haazir hua. Aap ﷺ meri naguftah-be-Haalat daikh kar bahut ranjeedah huey. Aur farmaaya: Kya main nay tujhay abhi Islaam ka ailaan karne say roka nahi tha?
Main nay arz ki. Huzoor aap ﷺ nay yaqeenan mujhay roka tha, Lekin meri dili tamanna thi keh Mushrikeen ke narghay mein aik martabah Islaam ka ailaan karun. Phir aap ﷺ nay mujhay hukam diya keh ab aap apni Qom ke paas chalay jaen. Yahan jo aap ny suna aur daikha unhain ja kar bataen. Unhain Islaam ki d’awat dain. Shayad aapkeh Zari’ah unhain faaidah ho, unki kaaya palat jaaey aur apko inda allha Ajar-o-Sawaab haasil ho.
Jab aapko yeh khabar milay keh mujhay Allah Ta’aala ke Fazal-o-Karam say ghalbah haasil ho chukka hai to seedhay meray paas chalay ana. Janaab Abu-Zar-Ghaffaari (رضی اللہ عنہ) farmaatay hain keh main Rasool-e-Akram ﷺ ke hukam ki tameel karte huey apni Qom keh paas aa gaya. Jab main apni Basti mein pohncha to sab say pehlay mujhay mera bhaai mila. Usnay poocha keh yeh safar kehsa raha aur us mein kya kuch haasil kiya?
Main nay usay bataya aziz bhaai main to Musalmaan ho chuka hun. Rasool-e-Akram ﷺ ki ziyaarat naseeb hui. Aap ﷺ say Islaam ki bunyaadi taleemaat haasil kin, Aap ﷺ ki Risaalat ko tasleem kiya. Meri baaton say mutaasir ho kar mera bhaai bhi Musalmaan hogaya aur kehhnay laga: Bhaai jaan main aapka Deen ikhteyaar kiye baghair nahi reh sakta. Hum donon apni waaldah keh paas aaey aur unki khidmat mein Islaam ki d’awat paish ki. To woh bhi foran Islaam ki khoobiyon say mutaasir ho kar farmaane lagin beta, Ab main tumhare Deen say be-neyaaz nahi reh sakti. Woh bhi Daairah-e-Islaam mein daakhil hogaein. Usi roz say yeh Momin gharaanah Qabeelah Ghaffaar ko Allah Ta’aala ki taraf bolaane mein humah-tan masroof hogaya. Unki d’awat say mutaasir ho kar Qabeelah ke bahut say afraad Daairah-e-Islaam mein daakhil hogaey. Aur ba-qaa’idah yahan Namaaz ka nizaam qaaim kar diya gaya.
Chand afraad nay yeh kaha keh hum us waqat tak apnay Aabaai deen par qaaim rahain gy jab tak Rasool-e-Akram ﷺ Madinah Monawwarah tashreef nahi ley jatay. Chonacheh aap ﷺ Hijrat kar keh Madinah Tayyebah tashreef ley aaey woh sab Musalmaan hogaey.
Nabi ﷺ nay yeh Du’a ki : Qabeelah Ghaffaar ki Allah Ta’aala maghfirat kare aur Qabeelah banu Aslam ko Allah Ta’aala salaamat rakhay.
Janaab Abu-Zar-Ghaffaari (رضی اللہ عنہ) apni Basti mein moqeem rahay. Yahan tak keh Badar, Uhad aur Khandak keh Ghazwaat ronama huey. Uskeh b’ad aap ﷺ Madinah Monawwarah tashreef lay aey aur yahan Rasool-e-Akram ﷺ hi keh ho kar reh gaey. Humah-waqat aap ﷺ ki khidmat mein masroof rehnay lagy. Kis qadar Khush-Naseebi hai. Yeh s’aadat waafir miqdaar mein aap ke hissah mein aai. Rasool-e-Akram ﷺ bhi har m’aamalah mein aapko tarjeeh detay. Aap ke saath shafqat say paish aatay. Waqat-e-Mulaqat Musaafah kartay aur khushi ka izhaar karte.
Jab Rasool-e-Akram ﷺ is Duniya-e-Faani say rahlat farma gaey, To janaab Abu-Zar-Ghaffaari (رضی اللہ عنہ) be-chain rehnay lagy. Choonkeh Madinah Tayyebah Aaqa keh Wujood-e-Aqdas say khaali aur aap ﷺ ki mobaarak Majlis ki roshani say mehroom ho chuka tha, Lihaza aap wahan say Mulk Shaam ki taraf kooch kar gaey. Khilaafat-e-Siddique-o-Faarooq (رضی اللہ عنہما) mein wahin moqeem rahay, Lekin Khilaafat-e-Usmaan (رضی اللہ عنہ) mein Damishq ki taraf kooch kar gaey. Wahan Musalmaanon ki yeh Haalat-e-Zaar daikhi keh woh duniyavi Jaah-o-Jalaal keh dil-daah ho chukay hain. Musalmaanon ki yeh haalat daikh kar aap bahut pareshaan huey. Bil-aakhir Hazrat Usmaan (رضی اللہ عنہ) nay unhain Madinah Monawwarah bola liya. To aap wahan tashreef lay aey. Yahan aa kar daikha keh log duniya ki taraf poori tarah raaghib ho chukkay hain, To bahut ziyadah Kabeedah-e-Khaatir huey aur badi sakhti say logon par tanqeed shuru’ kar di jis say aam log bahut tang aa gaey. Yeh Soorat-e-Haal daikh kar Hazrat Usmaan (رضی اللہ عنہ) nay unhain Rabzah Basti mein muntaqil ho jaane ka hukam dey diya. Yeh Madinah Monawwarah keh nazdeek hi aik choti si Basti thi. Aap logon say alag thalag ho kar is Basti mein zindagi keh din pooray karne lagy. Yahan aap nay Duniya par Aakhirat ko tarjeeh di.
Aik din ka waaqe’ah hai ke aik shakhs aap ke ghar mein daakhil hua. Chaaron taraf nazar daudaai to ghar mein koi saamaan dikhaai nah diya. Usnay t’ajjub say poocha: Ay Abu-Zar-Ghaffaari (رضی اللہ عنہ) aapka saamaan kahan hai?
Farmaaya: humara aik doosri jagah ghar hai. Acha saamaan hum wahan bhej detay hain. Woh shakhs aapki moraad samajh gaya aur kehhnay laga. Ay Abu-Zar-Ghaffaari (رضی اللہ عنہ)! jab tak aap is ghar mein hain yahan rehnay keh liye bhi to kuch saamaan aap ke paas hona chahiye. To aap nay farmaaya: Ghar ka asal Maalik humain yahan rehnay nahi dey ga.
Aik martabah Shaam keh Gawarnar nay teen sou deenaar aap ke paas bhejay aur yeh paighaam diya keh yeh raqam aap apni kisi Zarurat mein iste’maal kar lain. Aap nay badi be-neyaazi say deenaar waapis kar diye aur farmaaya: Kya usay apnay ilaaqah mein mujh say ziyadah koi Maflook-ul-Haal nazar nahi aya.
Aasmaan-e-Zuhd-o-Taqwa’ ka yeh darakhshandah sitaara 32 ھ Hijri ko hameshah keh liye gharoob hogaya. Aapki tareef mein Rasool-e-Akram ﷺ ka yeh irshaad taareekh ke uraaq ki zeenat ban gaya. Aap ﷺ nay farmaaya: Arz-o-Samaa’ nay aaj tak Abu-Zar (رضی اللہ عنہ) say badh kar koi saadiq dil nah daikha hoga.”
Hazrat Abu-Zar-Ghaffaari (رضی اللہ عنہ) keh tafseeli Haalaat-e-zindagi m’aloom karne keh liye darj zail kitaabon ka mutale’ah kijiye:
1: Al Isaabah (Matboo’ah As s’aadah) 3/60-63
2 : Al Istiaab (Matboo’ah Hyderabad) 2/645-646
3 : Tahzeeb ul Tahzeeb 2/420
4 : Tajreed-o-Asmaa-e-Al Sahabah 2/175
5 : Tazkirat ul Huffaz 1/15-16
6: Hiyat ul Awliya 1/238-254
7: Sifat ul Safwah 1/238-245
8: Tabaqat-e-Shiraani 32
9: Al Maarif 110-111
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت ابو ذر غفاری رضی اللہ عنہ
ودان نامی بستی میں قبیلہ غفار رہائش پذیر تھا اور اس بستی کو بہت زیادہ اہمیت حاصل تھی، اس لئے کہ عرب تاجروں کے قافلے شام یا دیگر ممالک کو جاتے ہوئے یہیں سے گزرتے تھے۔ قبیلہ غفار کی معیشت کا دارومدار بھی اسی آمدن پر تھا جو عرب تاجروں کے یہاں قیام کے وقت انہیں حاصل ہوئی تھی۔ اگر تاجر یہاں خرچ کرنے سے گریز کرتے تو قبیلہ غفار کے لوگ لوٹ مار شروع کر دیتے۔جو چیز بھی ان کے ہاتھ لگتی اسے اپنے قبضہ میں کر لیتے۔ جناب بن جنادہ کا تعلق بھی اسی قبیلہ سے تھا جن کی کنیت ابو زر تھی۔ انہیں جرأت، دانش مندی اور دور اندیشی میں ایک ممتاز مقام حاصل تھا، انہیں شروع سے ہی ان بتوں سے دلی نفرت تھی جنہیں ان کی قوم پوجا کرتی تھی۔ انہیں اس بات کا بھی اندیشہ تھا کہ عرب اس وقت عقیدہ کی خرابی اور دینی فساد کی خطرناک بیماری میں مبتلا ہو چکے ہیں۔ یہ ایک ایسے نئے نبیﷺ کے ظہور کے منتظر تھے جو لوگوں میں شعور پیدا کرے۔ انہیں حوصلہ دے اور پھر انہیں گمراہی کی اتھاہ تاریکیوں سے نکال کر ایمان اور علم و ہدایت کی روشنی کی طرف لائے۔
جناب ابو ذر غفاری رضی اللہ عنہ کو جب پتہ چلا کہ مکہ معظمہ میں نے نبیﷺ کا ظہور ہو چکا ہے، تو انہوں نے اپنے بھائی انیس سے کہا: آپ ابھی مکہ معظمہ جائیں، سنا ہے وہاں ایک شخص نے نبوت کا دعوٰی کیا ہے اور اس کا یہ بھی دعویٰ ہے کہ آسمان سے اس پر وحی بھی نازل ہوتی ہے۔ وہاں جاکر غور سے ان تمام حالات کا جائزہ لینا جو اس وقت وہاں رونما ہوچکے ہیں ۔
بالخصوص یہ پتا کرتا کہ ان کی اصلی دعوت کیا ہے؟
اپنے بھائی کے حکم کی تعمیل کرتے ہوئے جناب lنیس مکہ معظمہ سے روانہ ہو گئے۔ وہاں پہنچ کر سب سے پہلے رسول اکرمﷺ کی خدمت اقدسﷺ میں حاضری دی۔ آپﷺ کی مجلس میں بیٹھے، غور سے آپﷺ کی باتیں سنیں اور وہاں کے حالات کا تفصیلی جائزہ لینے کے بعد واپس لوٹ آئے۔ جناب ابوذر غفاری رضی اللہ عنہ نے بڑی شفقت و محبت سے انہیں خوش آمدید کہا اور بڑے اشتیاق سے نبیﷺ کے متعلق سوالات شروع کر دئیے۔ تو جناب انیس رضی اللہ عنہ نے بتایا:
اللہ کی قسم! میں نے بچشم خود دیکھا ہے کہ وہ تمام لوگوں کو اچھے اخلاق کی طرف دعوت دیتے ہیں اور آپﷺ کی گفتگو اسی پر تاثیر ہوتی ہے کہ سننے والا وجد میں آ جاتا ہے اور متاثر ہوئے بغیر نہیں رہ سکتا۔ آپﷺ کی گفتگو انتہائی مربوط ہوتی ہے، لیکن اس پر شعر گوئی کا اطلاق بھی نہیں کیا جاسکتا۔ جناب ابوذر رضی اللہ عنہ نے اپنے بھائی سے دریافت کیا کہ نئے نبیﷺ کے متعلق لوگوں کی کیا رائے ہے؟
تو انہوں نے بتایا: عام لوگ انہیں جادوگر، نجومی اور شاعر سمجھتے ہیں۔
یہ باتیں سن کر جناب ابوذر فرمانے لگے: پیارے بھائی آپ کے بیان سے دل کو تشفی نہیں ہوئی۔ اب آپ میری اہل و عیال کا خیال رکھیں۔ اب میں خود صحیح صورتحال کا جائزہ لینے وہاں جاتا ہوں۔ جناب اینس رضی اللہ عنہ نے کہا ضرور جائے، آپ کے بعد میں میں اہل خانہ کا خیال رکھوں گا، لیکن اہالیان مکہ سے ذرا محتاط رہنا۔
جناب ابوذر غفاری رضی اللہ عنہ نے زاد راہ اور پانی کا ایک چھوٹا سا مشکیزہ اپنے ہمراہ لیا اور دوسری ہی دن نبیﷺ کی زیارت کے لئے مکہ معظمہ روانہ ہو گئے۔
جناب ابوذر رضی اللہ عنہ پیدل مسافت طے کرتے ہوئے مکہ معظمہ تو پہنچ گئے، لیکن وہ قریش مکہ سے خوفزدہ تھے، اس لئے کہ انہیں پہلے سے یہ بات معلوم ہو چکی تھی کہ جو بھی حضرت محمدﷺ میں دلچسپی لیتا ہے، اس کے جانی دشمن بن جاتے ہیں۔
انہوں نے سوچا کہ اب کا کیا جائے؟ میں تو یہاں کسی کو جانتا نہیں! اگر کسی سے آپﷺ کے متعلق دریافت کیا تو ممکن ہے وہ آپﷺ کا دشمن ہو! اور وہ میرے لئے نقصان دہ ثابت ہو۔
دن بھر ان ہی خیالات میں غلطاں و پریشان رہے۔ رات ہوئی تو وہی مسجد میں لیٹ گئے۔ حضرت علی رضی اللہ عنہ کی ان پر نظر پڑی تو سوچا کہ یہ تو کوئی اجنبی مسافر معلوم ہوتا ہے۔ ان کے پاس آئے، گھر چلنے کی دعوت دی تو آپ رضامند ہوگئے۔ گھر میں ان کی خوب خاطر تواضع کی، لیکن مکہ معظمہ میں آمد کا سبب دریافت کرنے سے عمدا گریز کیا جناب ابو زر رضی اللہ عنہ نے بڑے آرام سے وہاں رات بسر کی۔ صبح ہوئی تو اپنا سامان لے کر مسجد میں تشریف لے آئے، دوسرا دن بھی یوں ہی گزار دیا۔ رسول اکرمﷺ کے متعلق کچھ معلوم نہ ہوسکا۔ رات ہوئی تو مسجد میں ہی لیٹ گئے۔ دوسری رات پھر حضرت علی رضی اللہ عنہ نے انہیں مسجد میں لیٹے ہوئے دیکھا تو خیال کیا کہ اس مسافر کو آج بھی اپنی منزل نہیں ملی۔ اسے پھر اپنے ہمراہ گھر لے آئے۔ دوسری رات بھی خوب ان کی مہمان نوازی کی لیکن مکہ معظمہ میں آمد کی وجہ پوچھنے سے گریز کیا۔ جب تیسری رات ہوئی تو حضرت علی رضی اللہ عنہ نے مہمان سے پوچھا، کیا آپ مجھے یہ بتا سکتے ہیں کہ مکہ معظمہ میں آمد کا مقصد کیا ہے؟ تو جناب ابوذر غفاری رضی اللہ عنہ نے ارشاد فرمایا: کہ اگر آپ میرے ساتھ وعدہ کریں کہ آپ میری صحیح رہنمائی کریں گے، تو میں آپ کو اپنے دل کی بات بتائے دیتا ہوں۔ حضرت علی رضی اللہ عنہا نے ان سے وعدہ کر لیا، تو انہوں نے بیان کیا: میں دور دراز سفر طے کر کے یہاں محض اس لئے آیا ہوں کہ اس عظیم ہستی کی زیارت کروں جنہوں نے نبوت کا دعوٰی کیا ہے اپنے کانوں سے ان کی باتیں سنوں۔
حضرت علی رضی اللہ عنہ نے جب یہ بات سنی تو خوشی سے ان کا چہرہ دمک اٹھا اور فرمایا: اللہ کی قسم! آپﷺ سچے رسولﷺ ہیں اور آپﷺ کے متعلق تفصیلی معلومات فراہم کیں۔ پھر راز دارانہ انداز میں ارشاد فرمایا: کہ کل صبح آپ میرے پیچھے پیچھے چلتے آئیں۔ اگر میں نے راستے میں کسی مقام پر کوئی خطرہ محسوس کیا تو رک جاؤ گا، لیکن آپ آہستہ آہستہ چلتے رہیں۔ جب میں کسی گھر میں داخل ہو جاؤں تو آپ بھی بے۔
دھڑک میرے پیچھے اندر آجائیں۔
دوسرے دن صبح کہ وقت حضرت علی رضی اللہ عنہ اپنے مہمان کو ہمراہ لے کر رسول کریمﷺ کے گھر کی طرف روانہ ہوئے۔ طے شدہ پروگرام کے مطابق حضرت علی رضی اللہ عنہ کے پیچھے پیچھے ہو لئے۔ نہایت احتیاط کے ساتھ اپنی منزل کی طرف رواں دواں تھے۔ بالآخر رسول معظمﷺ کی خدمت اقدس میں پہنچ گئے۔ جناب ابو زر غفاری رضی اللہ عنہ نے آپﷺ کو دیکھتے ہی کہا۔
السَّلامُ عَلَيْكَ يَارَسُوْلَ الله
آپ ﷺ نے جواباً ارشاد فرمایا:
وَعَلَيْكَ سَلامُ اللَّهِ وَرَحْمَتُهُ وَبَرَكَاتُهُ
تاریخ اسلام میں جناب ابوذر رضی اللہ عنہ کو سب سے پہلے یہ شرف حاصل ہوا کہ انہوں نے مذکورہ الفاظ میں رسول اقدسﷺ کو سلام کیا اور سلام کا یہی انداز مسلمانوں میں رائج ہو گیا۔
رسول اکرمﷺ نے انہیں اسلام کی دعوت دی اور قرآن مجید سنایا۔ اسی مجلس میں انہوں نے اسلام قبول کر لیا۔ یہ چوتھے یا پانچویں صحابی ہیں جنہوں نے اسلام قبول کرنے میں پہل کی۔
دیگر واقعات مختصر انداز میں اب انہیں کی زبانی بیان کئے جاتے ہیں۔
جناب ابوذر غفاری رضی اللہ عنہ بیان فرماتے ہیں کہ اسلام قبول کرنے کے بعد رسول اکرمﷺ کی خدمت میں ہی رہا۔ ہاں آپﷺ نے مجھے اسلام کی بنیادی مسائل اچھی طرح سمجھا دئیے اور قرآن مجید کے بعض اجزاء کی بھی میں نے آپﷺ سے تعلیم حاصل کر لی۔ آپﷺ نے محبت بھرے انداز میں مجھے یہ تلقین کی کہ “ابھی یہاں کسی کو نہ بتانا، شیشہ ہے کہ اگر کسی کو پتہ چل گیا کہ آپ مسلمان ہو گئے ہیں، تو کہیں آپ کو اس جرم کی پاداش میں قتل نہ کر دیں۔”
میں نے عرض کی: یارسول اللہﷺ اس ذات کی قسم، جس کے قبضہ میں میری جان ہے، مکہ سے روانگی سے قبل ایک مرتبہ ضرور قریش کے روبرو کلمۂ حق بیان کرنے کو جی چاہتا ہے۔ آپﷺ میرے جذبات دیکھ کر خاموش ہو گئے۔
ایک روز میں مسجد میں گیا، دیکھا کہ قریش آپس میں بیٹھے گفتگو کر رہے ہیں۔ چپکے سے ان کے درمیان میں جا کر کھڑا ہوگیا اور اچانک بآواز بلند کہا: ایک خاندان قریش! میں صدقے دل سے اقرار کرتا ہوں۔ لا الہ الا الله مُحَمَّدٌ رَسُوْلُ اللہ کہ اللہ کے سوا کوئی معبود حقیقی نہیں اور حضرت محمدﷺ اللہ کے رسول ہیں۔
ابھی یہ میرے کلمات ان کے کانوں کو ٹکرائے ہی تھے کہ وہ بھڑک اٹھے اور بے دریغ مجھے مارنا شروع کر دیا، قریب تھا کہ میری موت واقع ہو جاتی ہے، اتنے میں نبیﷺ کے چچا حضرت عباس رضی اللہ عنہ میری حمایت میں اٹھے، اور ان کے درمیان حائل ہو کر کہنے لگے:
عقل کے اندھوں، کیا تباہی تمہارا مقدر بن چکی ہے؟ اس کو قتل کرنا چاہتے ہو، جو قبیلہ غفار سے تعلق رکھتا ہے۔ جب مجھے ہوش آیا تو اس سے نڈھال رسول اقدسﷺ کی خدمت میں حاضر ہوا۔ آپﷺ میری ناگفتہ بہ حالت دیکھ کر بہت رنجیدہ ہوئے۔ اور فرمایا: کیا میں نے تجھے اسلام کا اعلان کرنے سے روکا نہیں تھا؟
میں نے عرض کی۔ حضور آپﷺ نے یقینا مجھے روکا تھا، لیکن میری دلی تمنا تھی کہ مشرکین کے نرغے میں ایک مرتبہ اسلام کا اعلان کروں۔ پھر آپﷺ نے مجھے حکم دیا کہ اب آپ اپنی قوم کے پاس چلے جائیں۔ یہاں جو آپ نے سنا اور دیکھا انہیں جا کر بتائیں۔ انہیں اسلام کی دعوت دیں۔ شاید آپ کے ذریعے انہیں فائدہ ہو، ان کی کایا پلٹ جائے اور آپ کو عنداللہ اجر و ثواب حاصل ہو۔
جب آپ کو یہ خبر ملے کہ مجھے اللہ تعالی کے فضل و کرم سے غلبہ حاصل ہو چکا ہے تو سیدھے میرے پاس چلے آنا۔ جناب ابوذر غفاری رضی اللہ عنہ فرماتے ہیں کہ میں رسول اکرمﷺ کے حکم کی تعمیل کرتے ہوئے اپنی قوم کے پاس آ گیا۔ جب میں اپنی بستی میں پہنچا تو سب سے پہلے مجھے میرا بھائی ملا! اس نے پوچھا کہ یہ سفر کیسا رہا اور اس میں کیا کچھ حاصل کیا؟
میں نے اسے بتایا عزیز بھائی میں تو مسلمان ہو چکا ہوں۔ رسول اکرمﷺ کی زیارت نصیب ہوئی۔ آپﷺ سے اسلام کی بنیادی تعلیمات حاصل کیں، آپﷺ کی رسالت کو تسلیم کیا۔ میری باتوں سے متاثر ہو کر میرا بھائی بھی مسلمان ہوگیا اور کہنے لگا: بھائی جان میں آپ کا دین اختیار کئے بغیر نہیں رہ سکتا۔ ہم دونوں اپنی والدہ کے پاس آئے اور ان کی خدمت میں اسلام کی دعوت پیش کی۔ تو وہ بھی فورا اسلام کی خوبیوں سے متاثر ہو کر فرمانے لگیں: بیٹا! اب میں تمہارے دین سے بے نیاز نہیں رہ سکتی۔ وہ بھی دائرۂ اسلام میں داخل ہوگئیں۔ اسی روز سے یہ مؤمن گرانہ قبیلہ غفار کو اللہ تعالی کی طرف بلانے میں ہمہ تن مصروف ہو گیا۔ اسی کی دعوت سے متاثر ہوکر قبیلہ کے بہت سے افراد دائرۂ اسلام میں داخل ہوگئے۔ اور نظام قائم کر دیا گیا۔
چند افراد نے یہ کہا کہ ہم اس وقت تک اپنے آبائی دین پر قائم رہیں گے جب تک رسول اکرمﷺ مدینہ منورہ تشریف نہیں لے جاتے۔ چنانچہ جب آپﷺ ہجرت کر کے مدینہ طیبہ تشریف لے آئے وہ سب مسلمان ہو گئے۔
نبیﷺ نے یہ دعا کی: قبیلہ غفار کی اللہ تعالی مغفرت کرے اور قبیلہ بنو اسلم کو اللہ تعالیٰ سلامت رکھے۔
جناب ابو ذر غفاری رضی اللہ عنہ اپنی بستی میں مقیم رہے یہاں تک کہ بدر، احد اور خندق کے غزوات رونما ہوئے۔ اس کے بعد آپﷺ مدینہ منورہ تشریف لے آئے اور یہاں رسول اکرمﷺ ہی کے ہو کے کر رہ گئے۔ ہمہ وقت آپﷺ کی خدمت میں مصروف رہنے لگے۔ کس قدر خوش نصیبی ہے یہ سعادت وافر مقدار میں آپ کے حصہ میں آئی۔رسول اکرمﷺ بھی ہر معاملہ میں آپ کو ترجیح دیتے آپ کے ساتھ شفقت سے پیش آتے۔ وقت ملا قات مصافحہ کرتے اور خوشی کا اظہار کرتے۔
جب رسول اللہﷺ اس دنیائے فانی سے رحلت فرما گئے، تو جناب ابو ذر غفاری رضی اللہ عنہ بے چین رہنے لگے۔ چونکہ مدینہ طیبہ آقا کے وجود اقدس سے خالی اور آپﷺ کی مبارک مجلس کی روشنی سے محروم ہوچکا تھا ۔
لہذا آپ وہاں سے ملک شام کی طرف کوچ کر گئے۔ خلافت صدیق و فاروق رضی اللہ عنہم میں وہی مقیم رہے، لیکن خلافت عثمان رضی اللہ عنہ میں دمشق کی طرف کوچ کر گئے۔ وہاں مسلمانوں کی یہ حالت زار دیکھی کہ وہ دنیاوی جاہ و جلال کے دلدادہ ہو چکے ہیں۔ مسلمانوں کی یہ حالت دیکھ کر آپ بہت پریشان ہوئے۔ بالآخر حضرت عثمان رضی اللہ عنہ نے انہیں مدینہ منورہ بلا لیا۔ تو آپ وہاں تشریف لے آئے۔ یہاں آکر دیکھا کہ لوگ دنیا کی طرف پوری طرح راغب ہو چکے ہیں، تو بہت زیادہ کبیدہ خاطر ہوئے اور بڑی سختی سے لوگوں پر تنقید شروع کردی جس سے عام لوگ بہت تنگ آگئے۔ یہ صورت حال دیکھ کر حضرت عثمان رضی اللہ عنہ نے انہیں ربزہ بستی میں منتقل ہو جانے کا حکم دے دیا۔ یہ مدینہ منورہ کے نزدیک ہی ایک چھوٹی سی بستی تھی۔ آپ لوگوں سے الگ تھلگ ہو کر اس بستی میں زندگی کے دن پورے کرنے لگے۔ یہاں آپ نے دنیا سے بالکل بے نیاز رسول اکرمﷺ اور صاحبین رضی اللہ عنہ کے نقش قدم پر چلتے ہوئے دنیا پر آخرت کو ترجیح دی۔
ایک دن کا واقعہ ہے کہ ایک شخص آپ کے گھر میں داخل ہوا۔ چاروں طرف نظر دوڑائی تو گھر میں کوئی سامان دکھائی نہ دیا۔ اس نے تعجب سے پوچھا: اے ابو ذر رضی اللہ عنہ! آپ کا سامان کہاں ہے؟
فرمایا: ہمارا ایک دوسری جگہ گھر ہے۔ اچھا سامان ہم وہاں بیچ دیتے ہیں۔ وہ شخص آپ کی مراد سمجھ گیا اور کہنے لگا: اے ابو ذر رضی اللہ عنہ! جب تک آپ اس گھر میں ہیں یہاں رہنے کے لئے بھی تو کچھ سامان آپ کے پاس ہونا چاہیے۔ تو آپ نے فرمایا: اگر کا اصل مالک ہمیں یہاں رہنے نہیں دے گا۔
ایک مرتبہ شام کے گورنر نے تین سو دینار آپ کے پاس بھیجے اور یہ پیغام دیا کہ یہ رقم آپ اپنی کسی ضرورت میں استعمال کر لیں۔ آپ نے بڑی بے نیازی سے دینار واپس کر دئیے اور فرمایا: کیا اسے اپنے علاقہ میں مجھ سے زیادہ کوئی مفلوق الحال نظر نہیں آیا۔
آسمان زہد و نقوی کا یہ درخشندہ ستارہ 32ھ کو ہمیشہ کے لئے غروب ہو گیا۔ آپ کی تعریف میں رسول اکرمﷺ کا یہ ارشاد تاریخ کے اوراق کی زینت بن گیا۔ آپﷺ نے فرمایا: “ارض و سماء نے آج تک ابوذر رضی اللہ عنہ سے بڑھ کر کوئی صادق دل نہ دیکھا ہوگا۔”
حضرت ابو ذر غفاری رضی اللہ عنہ کے تفصیلی حالات زندگی معلوم کرنے کے لئے درج ذیل کتابوں کا مطالعہ کیجئے۔
1۔ الاصابة (مطبوعه السعادة) 3/ 60-63
2۔ الاستیعاب(مطبوعہ حیدر آباد) 3 /645-646
3۔ تهذيب التهذيب 2/ 420
4۔ تجريد اسماء الصحابة 2/ 175
5۔ تذكرة الحفاظ 1/ 15-16
6- حلية الأولياء 1/ 238-254
7- صفة الصفوة 1 / 238-254
8۔ طبقات الشعراني 32
9۔ المعارف 110-11
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”