22. Hazrat Suhaib Roomi رضی اللہ عنہ
Hazrat Suhaib Roomi رضی اللہ عنہ
Ae Abbo Yahyaa!
Saoda naff’a bakhash raha.
Farmaan-e-Nabawi )
Hum mein se kon hai jo Hazrat Suhaib Roomi رضی اللہ عنہ ko nah jaanta ho! Aur un ki seerat ke aham tareen waqi’yaat jannay mein dilchaspi nah rakhta ho, Lekin hum mein se Aksar-o-Beshtar yeh baat nahi jantay keh Aap Roomi nahi thay balkeh khalis Arabi-ul-Nasal thay, Baap ki jaanib se Numairi aur maan ki jaanib se Tameemi thay, Ya’ani un ke waalid qabeela bano Numair aur walidaa qabeela bano Tameem se thi, Hazrat Suhaib رضی اللہ عنہ ka room ki taraf Intsaab aik Ajeeb-o-Ghareeb waqi’yaa hai jo ke tareekh ke uraaq mein hameshaa mahfooz rahay ga aur tareekh daan usay nihaiyat dilchaspi se bayaan karte rahein ge.
Be’sat-e-Nabawi se do saal pehlay ki baat hai Basrah se mulhiqa qadeemi shehar Ablaa ka governor Sannaan Bin Maalik Numairi tha.
Us ki taqarrari Shah-e-Iran ke aimaa par ki gayi thi, Usay apni aulaad mein sab se ziyadaa piyaar apne paanch salaa bachay Suhaib رضی اللہ عنہ ke sath tha. Suhaib رضی اللہ عنہ khobsorat, Aur surakh sunehri baalon walaa Jaazib-e-Nazar aur dilkash bacha tha, Un ki aankhon se Fataanat, Zahaanat aur sharaafat tapakti thi, Har waqt Khush-o-Khurram rehta, Tabiyat mein khush dili khush mizaaji koot koot kar bhari hui thi, Usay dekhte hi baap ka dil khushiyon se labraiz ho jataa aur tamaam thakawat aan waahid mein kafoor ho jati.
Aik dafa’a kaa zikar hai ke Hazrat Suhaib رضی اللہ عنہ ki walidaa apne khudaam aur hifaazti dastay ke hamraah apne Lakhat-e-Jigar Suhaib رضی اللہ عنہ ko lay kar Sair-o-Sayahat ki gharaz se Iraq ke nihaaiyat khoobsoarat muqaam Sanni naami bastii ka rukh kiya. Wahan abhi yeh pohanchi hi thein ke Room ke lashkar ne is bastii par hamlaa kar diya, Un ke tamaam hifaazati dastay ko qatal kar diya sab Maal-o-Mata’a cheen liya aur bachon ko qaidi bana liya un qaidiyon mein Hazrat Suhaib رضی اللہ عنہ bhi thay.
Suhaib رضی اللہ عنہ ko Room le jaa kar ghulaamon ki mandi mein baich dala gaya, Woh biktay hue aik aaqa se dosray aaqa ki taraf muntaqil honay lagey, Un ki haalat un hazaaron ghulaamon ki si thi jin se Room ke mahallaat bharay parre thay.
Is tarhaan Hazrat Suhaib رضی اللہ عنہ ko Roomi mua’shray ke daakhli halaat ko Ba-nazar-e-Ameeq dekhnay ka ma’uqa milaa un ke mahallaat mein Munkiraat-o-Fawaahash ki garam bazaari Bachasham-e-Khood dekhi jab Aap ne Kamzor-o-Naatvaan logon par dhaaye jane walay mazaalim ka mushahida kiya to un ke dil mein Roomi mu’ashray ke khilaaf shadeed nafrat ke jazbaat bhadak utthay, Woh apne dil mein kaha karte thay ke is mu’ashray ko holnaak toofaan hi pak kar sakta hai.
Hazrat Suhaib رضی اللہ عنہ ghulaam ki hesiyat se Room mein parwarish panay lagey aur isi sarzameen mein pal kar jawaan hue, Aap arabi zubaan qareeban bhool gaye thay, Lekin yeh ahsaas ba-dastoor qaaim raha ke mein Arabi-ul-Nasal hon aur sehraai bashindon ki aulaad hon, Inhen apni qoum se jaa milnay ka shoq ba-dastoor qaaim rahaa aur is mein aik lahzah ke liye bhi kabhi kami waqi’ya nahi hui aur sarzameen Arab ki ziyaarat ka shoq is par mustazad, Aik dafa’a unhon ne aik nasraani nujoomi ko apne aaqa se baatein karte hue suna woh usay keh raha tha, Anqareeb jazeera Numaa-e- Arab ke shehar Makkah mein aik Nabi (ﷺ) ka zuhoor honay wala hai, jo Hazrat E’isaa Bin Mariyam علیہ السلامki nabuwat ki tasdeeq kere ga aur logon ko jahaalat ki taarikiyon se ilam ki roshni ki taraf nikaal laaye ga.
Aik roz Hazrat Suhaib رضی اللہ عنہ ko ghulaami ki zanjeer tod kar bhaag niklny ka mauq’a muyassar aaya aur Aap ne Umm-al-Qura’a Makkah Muazzama jalwah gaah Nabi muntazir (ﷺ) ka rukh kiya, Aur yahaan pauhonch kar mustaqil rihaaish ikhtiyaar ka rli.
Zubaan ki luknat aur sunehri balon ki wajah se Bashind-gaan-e-Makkah Aap ko Suhaib رضی اللہ عنہ Roomi ke naam se pukaarnay lagey.
Hazrat Suhaib رضی اللہ عنہ ne Makkah Mukarmah ke aik sardar Abdullah Bin Jada’an se mil kar tijaarat shuru kar di jis mein bohat naffa’a honay laga aur thoday hi arsay mein bohat sa maal jama ho gaya, Tijaarti masrofiyat ke ba-wajood Hazrat Suhaib رضی اللہ عنہ ko nasraani nujoomi ki woh baat nah bhooli jo unhon ne apne Roomi aaqa ki zubaan se suni thi ke “anqareeb Makkah Muazzama mein aik Nabi ka zuhoor honay wala hai” Yeh aksar apne dil mein socha karte keh yeh sunehri mauq’a mujhe kab naseeb hoga, Mujhe kab is Nabi (ﷺ) ki ziyaarat ka sharf haasil hoga, Lekin thoday hi arsay ba’ad Aap ko is sawaal ka jawaab mil gaya.
Aik roz Hazrat Suhaib رضی اللہ عنہ tijaarti safar se Makkah wapas tashreef laaye to inhein yeh ittil’a mili keh Hazrat Mohammad (ﷺ) ne nabuwat ka da’awa kar diya hai, Aur Aap logon ko Tuheed-e-Baari Ta’alaa aur imaan ki da’awat daite hain, Adal-o-Insaaf aur ma’aroof ka hukum daite hain, Fawahsh-o-Munkiraat se ijtinaab ki talqeen karte hain.
Hazrat Suhaib رضی اللہ عنہ ne poocha: kiya Aap wohi hain jisay log Ameen-o-Sadiq ke naam se pukaartay hain.
Unhen bataya gaya ke haan! poocha: Aap ki rihaaish kahaan hai ?
bataya gaya Safa ke paas daar-e-Arqam mein.
Lekin zaraa ahtiyaat se janaa kahin Quraish tumhen idhar jatay hue dekh nah lein, Dekhna agar inhein ma’aloom ho gaya ke tum wahan gaye ho to tumhaara jeena dobhar kar dein ge:
Tum yahaan Ghareeb-ul-Watan ho tumhara yahaan koi khandaan nahi, Jo museebat ke waqat tumahray kaam aa sakay.
Hazrat Suhaib رضی اللہ عنہ Bashindgaan-e-Makkah se nazrein churaatay hue taaron ki roshni mein Daar-e-Arqam ki taraf rawaana hue wahaan puhanche to kiya dekhte hein ke Hazrat Ammaar Bin Yasir رضی اللہ عنہ pehlay se darwazay par khaday hein, Pahlay to ghabraaye lekin chounkeh un ke sath pehlay se shanasaai thi poocha: Ammaar رضی اللہ عنہ kiya iraaday hain?
Ammaar رضی اللہ عنہ bolay: Aap ke kiya iraaday hain?
Hazrat Suhaib رضی اللہ عنہ ne kaha:
Mein to Daar-e-Arqam mein daakhil ho kar us shakhas se milnaa chahtaa hoon jis ne nabuwat ka da’awaa kiya hai aur apne kaanon se un ka paighaam sun’ney ka mushtaaq hoon.
Hazrat Ammaar رضی اللہ عنہ bolay: mera bhi yehi iraadah hai!
Hazrat Suhaib رضی اللہ عنہ ne kaha: wah! to phir aaiye, Dono Allah ka naam le kar andar chaltay hain.
Hazrat Suhaib رضی اللہ عنہ Roomi aur Hazrat Ammaar Bin Yasir رضی اللہ عنہ Rasool Allah (ﷺ) ki khidmat-e-Aqdas mein haazir hue, Aap ke irshadat sunay to Noor-e-Imaan se dono ke seenay munawar ho gaye, Dono ne Aap ke haath par baiyet ki aur kalmaa tayyibaa parhte hue Daaira-e- Islaam mein daakhil ho gaye, Din bhar sir Chashma-e-Islaam se sairaab aur Haadi-e-Barhaq se faiz-yaab hotay rahay, Din khatam huwa, Raat ka andheraa chaanay laga, Logon ki chehal pehal khatam hui, Ahaliyaan-e-Makkah neend ki aagosh mein Mahw-e-Istiraahat hue to dono raat ki taareeki mein wahaan se niklay, Un ke seenay Noor-e-Imaan se munawar ho chuke thay aur is Noor-e-Imani ne in ke liye tamaam duniyaa roshan kar di thi.
Hazrat Suhaib Roomi رضی اللہ عنہ Hazrat Bilal رضی اللہ عنہ, Hazrat Ammaar رضی اللہ عنہ, Hazrat Sumaiyah aur Hazrat Khubaab رضی اللہ عنہم ke hamraah Quraish ki jaanib se dhaaye jane walay mazaalim nihaiyat Sabr-o-Tahammul se bardasht kiye. Quraish ki taraf se diye jane walay mazaalim itnay shadeed thay ke agar kisi pahaad par utaaray jatay to woh bhi rezaah rezaah ho jata, Lekin Aap ne unhein Sabr-o-Tahammul se bardasht kiya kiyun keh Aap jantay thay ke jannat ka rasta Masaaib-o-Takaleef se atta huwa hai.
Jab Rasool-e-Akram (ﷺ) ne Sahaba-e-Kiraam رضی اللہ عنہم ko Madinah Munawwara ki taraf hijrat ka hukum diya to Hazrat Suhaib رضی اللہ عنہ ne bhi hijrat ka pukhtaa iraadah kar liya, Lekin jab Quraish ko un ke is iraday ka ilm huwa to unhon ne jasoos muqarrar kar diye taa’kay inhein Makkay ki hudood se bahir nah jane diya jaye, Inhein andeshaa thaa keh agar yeh gaye to apne sath Maal-e-Tijaarat aur sona chaandi bhi le jaaen ge.
Rasool-e-Akram (ﷺ) aur Hazrat Siddiq-e-Akbar رضی اللہ عنہ ki hijrat ke ba’ad Hazrat Suhaib رضی اللہ عنہ musalsal is moqa’y ki talaash mein rahay ke kab inhein hijrat ki fursat muyassar aaye kiyunkeh nigehbaanon aur jasooson ki ankhein hameshaa un ke ta’qub mein rehti theen, Bil akhir inhein aik tarkeeb soojhi aik khanak raat mein Qazaa-e-Haajat ke bahanay Aap ghar se niklay phir ghar mein daakhil hue yeh amal Aap ne baar baar duhraaya jab Aap ki is iztiraari haalat ko jasoson ne dekhaa to aik dosray se kehnay lagey, Mubarak ho Laat-o-Uzzaa ne aaj usay pait ki shadeed takleef mein mubtilaa kar diya hai. Phir woh itminaan se apne bistaron mein jaa letay aur gehri neend so gaye, Hazrat Suhaib رضی اللہ عنہ is Soorat-e-Haal ko bhaanp kar wahan se chal niklay aur Madinah Munawwara ka rukh kiya.
Hazrat Suhaib رضی اللہ عنہ abhi thori door hi gaye hon ge keh nigraani par mutaiyan log har baraa kar uthay, Aap ko wahan mojood nah pa kar Aap ke ta’aqub mein taiz roo ghodon par sawaar ho kar sarpat douray, Suhaib رضی اللہ عنہ abhi thodi door gaye thay ke peechay se ta’aqub karne walay bhi pauhonch gaye, Jab Aap ne un ki aahat suni to aik teelay par khaday ho gaye, Turkash se teer nikaala aur kamaan par chadhaa kar kehnay lagey :
Ae Quraish! tum jantay ho! keh mein sab logon se badh kar teer andaaz hon aur mera nishana kabhi khataa nahi jata Allah ki qasam! tum mujh tak is waqt tak nahi pauhonch satke jab tak ke mein tumahray itnay aadmi qatal nah kar doon jitne mere turkash mein teer mojood hain, Teer khatam ho gaye to mein talwaar se tumhari gardnein udaana shuru kar dun ga, Yeh ma’arka aaraai is waqat tak jaari rahay gi jab tak mere baazuon mein taaqat hai, Aap ki jurrat mandaana baat sun kar Quraish mein se aik shakhas bola Laat-o-Uzzaa ki qasam! Ham tumhen yahan se jane nahi dein gay jab tum yahan aaye to Muflis-o-Qallaash thay, Lekin thoday hi a’rsay mein doulat mand ho gaye, Yeh kaisay mumkin hai ke yahaan se haasil kardah maal tum apne sath le jaao aur hum dekhte reh jaein.
Aap ne is ki baat sun kar irshaad farmaya: “Agar mein apna saara maal tumahray supurd kar dun to kiya tum meraa raasta chor do ge?
“Unhon ne kaha: haan! Agar tum apnaa saraa maal hamaray supurd kar do to phir hum tumhara raasta nahi rokein ge.
Aap ne irshaad farmaaya: Jao mere ghar ke fulaan konay mein khazana chupaaya huwa hai.
Jaa kar nikaal lo. Yeh sun kar woh sab wapas lout gaye aur Aap ka saara maal qabzay mein le liya, Is tarhan Aap itminaan se Madinah Munawwara ki taraf rawaana ho gaye.
Hazrat Suhaib Roomi رضی اللہ عنہ Wufoor-e- Shoq se Madinah Munawwara ki jaanib qadam badhaane lagey.
Maal-o-Doulat ke zaiya’a honay ka Aap ko gham nah tha, Rastay mein jab thakaawat mahsoos hoti, To Rasool-e-Akram (ﷺ) ki ziyaarat ka shoq dil mein mojzan ho jaata aur tawanaiyaan lout aatein. Aur Chaak-o-Choband ho jatay aur taaza dam ho kar sooye manzil rawaan dawaan hotay.
jab Aap waadi-e-Qubaa mein pauhanche to Rasool-e-Akram (ﷺ) wahaan mojood thay, Inhein dekh kar An-Hazrat (ﷺ) bohat khush hue aur farmaaya:
“Abbu Yaahyaa! soda naff’a bakhash raha. Soda bohat hi mufeed raha.”
Aap ne yeh jumlaa teen martaba duhraaya.
Aap ki Zubaan-e-Mubarak se yeh kalmaat sun kar Hazrat Suhaib رضی اللہ عنہ ka chehraa khushi se timtamaa uthaa aur araz ki: Yaa Rasool Allah (ﷺ) Ba-khuuda! mujh se pehlay to Aap ke paas koi nahi aaya.
Yaqeenan yeh khabar Aap ko Jibreel علیہ السلام ne di hogi.
Bilaa-shubaa yeh soda naffa bakhash raha. Wahi Ilaahi ne is ki tasdeeq kar di. Jibreel علیہ السلام is par shahid thehray, Kiyunkeh woh Hazrat Suhaib Roomi رضی اللہ عنہ ke baaray mein yeh aayaat le kar naazil hue thay:
وَمِن َالنَّاسِ مَن يَشْرِ یْ نَفْسَهُ ابْتِغَاءَ مَرْضَاةِ اللَّهِ وَاللَّهُ رَؤُوفٌ بِالْعِبَادِ
“Insaanon hi mein koi aisa bhi hai, Jo Razaa-e- Ilaahi ki talabb mein apni jaan khapaa daita hai aur aisay bundon par Allah bohat meharbaan hai.”
Hazrat Suhaib Bin Sinaan Roomi رضی اللہ عنہ ke liye yeh Husan-e-Anjaam mubarak ho.
Hazrat Suhaib رضی اللہ عنہ ke mufasil Halaat-e- Zindagi m’aaloom karne ke liye darj zail kitabon ka mutali’a karein:
1: Al Isaabah Mutarjim 4104
2: Tabaqat Ibn-e-Saad 4/226
3: Usd ul Ghabah 3/30
4: Al Istiaab 2/174
5: Sifat ul Safwah 1/129
6: Al Bidayah Wal Nihayah 7/318-319
7: Hayat ul Sahabah
8: Al Aaalam w Marajioho
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت صہیب رومی رضی اللہ عنہ
اے ابو یحیٰے! سودا نفع بخش رہا (فرمان نبویﷺ)
ہم میں سے کون ہے جو حضرت صہیب رومی رضی اللہ عنہ کو نہ جانتا ہو! اور ان کی سیرت کے اہم ترین واقعات جاننے میں دلچسپی نہ رکھتا ہو، لیکن ہم میں سے اکثر و بیشتر یہ بات نہیں جانتے کہ آپ رومی نہیں تھے بلکہ خالص عربی النسل تھے، باپ کی جانب سے نمیری اور ماں کی جانب سے تمیمی تھے، یعنی ان کے والد قبیلہ بنو نمیر اور والدہ قبیلہ بنو تمیم سے تھی، حضرت صہیب رضی اللہ عنہ کا روم کی طرف انتساب ایک عجیب و غریب واقعہ ہے جو کہ تاریخ کے اوراق میں ہمیشہ محفوظ رہے گا اور تاریخ دان اسے نہایت دلچپسی سے بیان کرتے رہیں گے۔
بعثت نبوی سے دو سال پہلے کی بات ہے بصرہ سے ملحقہ قدیمی شهر ابلہ کا گورنر سنان بن مالک نمیری تھا۔ اس کی تقرری شاہ ایران کے ایما پر کی گئی تھی، اسے اپنی اولاد میں سب سے زیادہ پیار اپنے پانچ سالہ بچے صہیب رضی اللہ عنہ کے ساتھ تھا۔
صہیب رضی اللہ عنہ خوبصورت اور سرخ سنہری بالوں والا جاذب نظر اور دلکش بچہ تھا، ان کی آنکھوں سے فطانت، ذہانت اور شرافت ٹپکتی تھی، ہر وقت خوش و خرم رہتا، طبیعت میں خوش دلی و خوش مزاجی کوٹ کوٹ کر بھری ہوئی تھی، اسے دیکھتے ہی باپ کا دل خوشیوں سے لبریز ہو جاتا اور تمام تھکاوٹ آن واحد میں کافور ہو جاتی۔
ایک وفعہ کا ذکر ہے کہ حضرت صہیب رضی اللہ عنہ کی والدہ نے اپنے خدام اور حفاظتی دستے کے ہمراہ اپنے لخت جگر صہیب رضی اللہ عنہ کو لے کر سیر و سیاحت کی غرض سے عراق کے نہایت خوبصورت مقام ثنی نامی بستی کا رخ کیا۔ وہا ابھی یہ پہنچی ہی تھیں کہ روم کے لشکر نے اس بستی پر حملہ کر دیا ان کے تمام حفاظتی دستے کو قتل کر دیا، سب مال و متاع چھین لیا اور بچوں کو قیدی بنا لیا ان قیدیوں میں حضرت صہیب رضی اللہ عنہ بھی تھے۔
صہیب رضی اللہ عنہ کو روم لے جا کر غلاموں کی منڈی میں بیچ ڈالا گیا’ وہ بکتے ہوئے ایک آقا سے دوسرے آقا کی طرف منتقل ہونے لگے، ان کی حالت ان ہزاروں غلاموں کی سی تھی جن سے روم کے محلات بھرے پڑے تھے۔
اس طرح حضرت صہیب رضی اللہ عنہ کو رومی معاشرے کے داخلی حالات کو بنظر عمیق دیکھنے کا موقع ملا، ان کے محلات میں منکرات و فواحش کی گرم بازاری بچشم خود دیکھی، جب آپ نے کمزور و ناتواں لوگوں پر ڈھائے جانے والے مظالم کا مشاہدہ کیا تو ان کے دل میں رومی معاشرے کے خلاف شدید نفرت کے جذبات بھڑک اٹھے، وہ اپنے دل میں کہا کرتے تھے کہ اس معاشرے کو ہولناک طوفان ہی پاک کر سکتا ہے۔
حضرت صہیب رضی اللہ عنہ غلام کی حیثیت سے روم میں پرورش پانے لگے اور اسی سرزمین میں پل کر جوان ہوئے، آپ عربی زبان قریباً بھول گئے تھے، لیکن یہ احساس بدستور قائم رہا کہ میں عربی النسل ہوں اور صحرائی باشندوں کی اولاد ہوں، انہیں اپنی قوم سے جا ملنے کا شوق بدستور قائم رہا اور اس میں ایک لحظہ کے لئے بھی کبھی کمی واقع نہیں ہوئی اور سرزمین عرب کی زیارت کا شوق اس پر مستزوا’ ایک دفعہ انہوں نے ایک نصرانی نجومی کو اپنے آقا سے باتیں کرتے ہوئے سنا وہ اسے کہہ رہا تھا، عنقریب جزیرہ نمائے عرب کے شہر مکہ میں ایک نبیﷺ کا ظہور ہونے والا ہے، جو حضرت عیسی بن مریم علیہ السلام کی نبوت کی تصدیق کرے گا اور لوگوں کو جہالت کی تاریکیوں سے علم کی روشنی کی طرف نکال لائے گا۔
ایک روز حضرت صہیب رضی اللہ عنہ کو غلامی کی زنجیر توڑ کر بھاگ نکلنے کا موقع میسر آیا اور آپ نے ام القری مکہ معظمہ جلوہ گاہ نبی منتظرﷺ کا رخ کیا، اور یہاں پہنچ کر مستقل رہائش اختیار کرلی۔
زبان کی لکنت اور سنہری بالوں کی وجہ سے باشندگان مکہ آپ کو صہیب رضی اللہ عنہ رومی کے نام سے پکارنے لگے۔
حضرت صہیب رضی اللہ عنہ نے مکہ مکرمہ کے ایک سردار عبداللہ بن جدعان سے مل کر تجارت شروع کردی جس میں بہت نفع ہونے لگا اور تھوڑے ہی عرصے میں بہت سا مال جمع ہو گیا، تجارتی مصروفیات کے باوجود حضرت صہیب رضی اللہ عنہ کو نصرانی نجومی کی وہ بات نہ بھولی جو انہوں نے اپنے رومی آقا کی زبان سے سنی تھی کہ “عنقریب مکہ معظمہ میں ایک نبی کا ظہور ہونے والا ہے” یہ اکثر اپنے دل میں سوچا کرتے کہ یہ سنہری موقع مجھے کب نصیب ہو گا’ مجھے کب اس نبیﷺ کی زیارت کا شرف حاصل ہو گا لیکن تھوڑے ہی عرصے بعد آپ کو اس سوال کا جواب مل گیا۔
ایک روز حضرت صہیب رضی اللہ عنہ تجارتی سفر سے مکہ واپس تشریف لائے تو انہیں یہ اطلاع ملی کہ حضرت محمدﷺ نے نبوت کا دعوی کر دیا ہے اور آپ لوگوں کو توحید باری تعالی اور ایمان کی دعوت دیتے ہیں، عدل و انصاف اور معروف کا حکم دیتے ہیں، فواحش ومنکرات سے اجتناب کی تلقین کرتے ہیں۔
حضرت صہیب رضی اللہ عنہ نے پوچھا: کیا آپ وہی ہیں جسے لوگ امین و صادق کے نام سے پکارتے ہیں۔
انہیں بتایا گیا کہ ہاں! پوچھا: آپ کی رہائش کہاں ہے؟
بتایا گیا صفا کے پاس دار ارقم میں!
لیکن ذرا احتیاط سے جانا کہیں قریش تمہیں ادھر جاتے ہوئے دیکھ نہ لیں، دیکھنا اگر انہیں معلوم ہو گیا کہ تم وہاں گئے ہو تو تمہارا جینا دوبھر کر دیں گے: تم یہاں غریب الوطن ہو’
تمہارا یہاں کوئی خاندان نہیں’ جو مصیبت کے وقت تمہارے کام آ سکے۔
حضرت صہیب رضی اللہ عنہ باشندگان مکہ سے نظریں چراتے ہوئے تاروں کی روشنی میں دار ارقم کی طرف روانہ ہوئے، وہاں پہنچے تو کیا دیکھتے ہیں کہ حضرت عمار بن یاسر رضی اللہ عنہ پہلے سے دروازے پر کھڑے ہیں، پہلے تو گھبرائے، لیکن چونکہ ان کے ساتھ پہلے سے شناسائی تھی، پوچھا: عمار رضی اللہ عنہ کیا ارادے ہیں؟
عمار رضی اللہ عنہ بولے: آپ کے کیا ارادے ہیں؟
حضرت صہیب نے کہا: میں تو دار ارقم میں داخل ہو کر اس شخص سے ملنا چاہتا ہوں جس نے نبوت کا دعوی کیا ہے اور اپنے کانوں سے ان کا پیغام سننے کا مشتاق ہوں۔
حضرت عمار رضی اللہ عنہ بولے: میرا بھی یہی ارادہ ہے!
حضرت صہیب رضی اللہ عنہ نے کہا: واہ! تو پھر آیئے دونوں اللہ کا نام لے کر اندر چلتے ہیں۔
حضرت صہیب بن سنان رومی اور حضرت عمار بن یاسر رضی اللہ عنہما رسول اللہﷺ کی خدمت اقدس میں حاضر ہوئے، آپ کے ارشادات سنے تو نور ایمان سے دونوں کے سینے منور ہو گئے، دونوں نے آپ کے ہاتھ پر بیعت کی اور کلمہ طیبہ پڑھتے ہوئے دائرہ اسلام میں داخل ہو گئے، دن بھر سر چشمہ اسلام سے سیراب اور ہادی برحق سے فیضیاب ہوتے رہے، دن ختم ہوا رات کا اندھیرا چھانے لگا’ لوگوں کی چہل پہل ختم ہوئی، اہالیان مکہ نیند کی آغوش میں محو استراحت ہوئے تو دونوں رات کی تاریکی میں وہاں سے نکلے، ان کے سینے نور ایمان سے منور ہو چکے تھے اور اس نور ایمانی نے ان کے لئے تمام دنیا روشن کر دی تھی۔
حضرت صہیب رومی رضی اللہ عنہ نے حضرت بلال رضی اللہ عنہ، حضرت عمار رضی اللہ عنہ، حضرت سمیہ اور حضرت خباب رضی اللہ عنہ کے ہمراہ قریش کی جانب سے ڈھائے جانے والے مظالم نہایت صبر و متحمل سے برداشت کئے، قریش کی طرف سے دیئے جانے والے مظالم اتنے شدید تھے کہ اگر
کسی پہاڑ پر اتارے جاتے تو وہ بھی ریزہ ریزہ ہو جاتا، لیکن آپ نے انہیں صبر و تحمل سے برداشت کیا؟ کیونکہ آپ جانتے تھے کہ جنت کا راستہ مصائب و تکالیف سے اٹا ہوا ہے۔
جب رسول اکرمﷺ نے صحابہ کرام رضی اللہ عنہم کو مدینہ منورہ کی طرف ہجرت کا حکم دیا تو حضرت صہیب رضی اللہ عنہ نے بھی ہجرت کا پختہ ارادہ کر لیا، لیکن جب قریش کو ان کے اس ارادے کا علم ہوا تو انہوں نے جاسوس مقرر کر دئیے تا کہ انہیں مکے کی حدود سے باہر نہ جانے دیا جائے، انہیں اندیشہ تھا کہ اگر یہ گئے تو اپنے ساتھ مال تجارت اور سونا چاندی بھی لے جائیں گے۔
رسول اکرمﷺ اور حضرت صدیق اکبر رضی اللہ عنہ کی ہجرت کے بعد حضرت صہیب رضی اللہ عنہ مسلسل اس موقعے کی تلاش میں رہے کہ کب انہیں ہجرت کی فرصت میسر آئے کیونکہ نگہبانوں اور جاسوسوں کی آنکھیں ہمیشہ ان کے تعاقب میں رہتی تھیں، بالآخر انہیں ایک ترکیب سوجھی، ایک خنک رات میں قضائے حاجت کے بہانے آپ گھر سے نکلے، پھر گھر میں داخل ہوئے یہ عمل آپ نے بار بار دہرایا’ جب آپ کی اس اضطراری حالت کو جاسوسوں نے دیکھا تو ایک دوسرے سے کہنے لگے مبارک ہو’ لات و عزی نے آج اسے پیٹ کی شدید تکلیف میں مبتلا کر دیا ہے۔ پھر وہ اطمینان سے اپنے بستروں میں جا لیٹے اور گہری نیند سو گئے، حضرت صہیب رضی اللہ عنہ اس صورت حال کو بھانپ کر وہاں سے چل نکلے اور مدینہ منورہ کا رخ کیا۔
حضرت صہیب رضی اللہ عنہ ابھی تھوڑی دور ہی گئے ہوں گے کہ نگرانی پر متعین لوگ ہڑبڑا کر اٹھے’ آپ کو وہاں موجود نہ پا کر آپ کے تعاقب میں تیز روگھوڑوں پر سوار ہو کر سرپٹ دوڑے’ صہیب رضی اللہ عنہ ابھی تھوڑی دور گئے تھے کہ پیچھے سے تعاقب کرنے والے بھی پہنچ گئے’ جب آپ نے ان کی آہٹ سنی تو ایک ٹیلے پر کھڑے ہو گئے’ ترکش سے تیر نکالا اور کمان پر چڑھا کر کہنے لگے۔
اے قریش! تم جانتے ہو! کہ میں سب لوگوں سے بڑھ کر تیر انداز ہوں اور میرا نشانہ کبھی خطا نہیں جاتا’ اللہ کی قسم! تم مجھ تک اس وقت تک نہیں پہنچ سکتے جب تک کہ میں تمہارے اتنے آدمی قتل نہ کر دوں جتنے میرے ترکش میں تیر موجود ہیں، تیر ختم ہو گئے تو میں تلوار سے تمہاری گردنیں اڑانا شروع کر دوں گا’ یہ معرکہ آرائی اس وقت تک جاری رہے گی جب تک میرے بازوؤں میں طاقت ہے آپ کی جرات مندانہ بات سن کر قریش میں سے ایک شخص بولا’ لات و عزی کی قسم! ہم تمہیں یہاں سے جانے نہیں دیں گے’ جب تم یہاں آئے تو مفلس و قلاش تھے’ لیکن تھوڑے ہی عرصے میں دولت مند ہو گئے’ یہ کیسے ممکن ہے کہ یہاں سے حاصل کردہ مال تم اپنے ساتھ لے جاؤ اور ہم دیکھتے رہ جائیں۔
آپ نے اس کی بات سن کر ارشاد فرمایا: اگر میں اپنا سارا مال تمہارے سپرد کر دوں تو کیا تم میرا راستہ چھوڑ دو گے؟
انہوں نے کہا: ہاں! اگر تم اپنا سارا مال ہمارے سپرد کر دو تو پھر ہم تمہارا راستہ نہیں روکیں گے۔
آپ نے ارشاد فرمایا: جاؤ میرے گھر کے فلاں کونے میں خزانہ چھپایا ہوا ہے۔ جا کر نکال لو۔ یہ سن کر وہ سب واپس لوٹ گئے اور آپ کا سارا مال قبضے میں لے لیا’ اس طرح آپ اطمینان سے مدینہ منورہ کی طرف روانہ ہو گئے۔
حضرت صہیب رومی رضی اللہ عنہ وفور شوق سے مدینہ منورہ کی جانب قدم بڑھانے لگے۔ مال و دولت کے ضائع ہونے کا آپ کو غم نہ تھا’ راستے میں جب تھکاوٹ محسوس ہوتی تو رسول اکرمﷺ کی زیارت کا شوق دل میں موجزن ہو جاتا اور توانائیاں لوٹ آتیں۔ اور چاک و چوبند ہو جاتے اور تازہ دم ہو کر سوئے منزل رواں دواں ہوتے، جب آپ وادی قبا میں پہنچے تو رسول اکرمﷺ وہاں موجود تھے’ انہیں دیکھ کر آنحضرتﷺ بہت خوش ہوئے اور فرمایا! ابو یحیی! سودا نفع بخش رہا۔ سودا بہت ہی مفید رہا۔
آپ نے یہ جملہ تین مرتبہ دہرایا۔
آپ کی زبان مبارک سے یہ کلمات سن کر حضرت صہیب رضی اللہ عنہ کا چہرہ خوشی سے تمتما اٹھا اور عرض کی: یارسول اللهﷺ بخدا! مجھ سے پہلے تو آپ کے پاس کوئی نہیں آیا۔
یقینا یہ خبر آپ کو جبریل علیہ السلام نے دی ہو گی۔
بلاشبہ یہ سودا نفع بخش رہا: وحی الہی نے اس کی تصدیق کر دی۔ جبریل علیہ السلام اس پر شاہد ٹھہرے’ کیونکہ وہ حضرت صہیب رومی رضی اللہ عنہ کے بارے میں یہ آیات لے کر نازل ہوئے تھے۔
*وَمِنَ النَّاسِ مَن يَشْرِی نَفْسَهُ ابْتِغَاءَ مَرْضَاةِ اللَّهِ وَاللَّهُ رَؤُوفٌ بِالْعِبَادِ*
“انسانوں ہی میں کوئی ایسا بھی ہے جو رضائے الہی کی طلب میں اپنی جان کھپا دیتا ہے اور ایسے بندوں پر اللہ بہت مہربان ہے۔”
حضرت صہیب بن سنان رومی رضی اللہ عنہ کے لئے یہ حسن انجام مبارک ہو۔
حضرت صہیب رضی اللہ عنہ کے مفصل حالات زندگی معلوم کرنے کے لئے درج ذیل کتابوں کا مطالعہ کریں۔
ا- الاصابة مترجم ۴۱۰۴
۲۔ طبقات ابن سعد ۳/ ۲۲۶
۳۔ اسدالغابة ۳/ ۳۰
۴۔ الاستيعاب ۲/ ۱۷۴
۵- صفته الصفوة ۱/ ۱۷۴
٢- البداية والنهاية ۷/ ۳۱۸۔۳۱۹
۷۔ حياة الصحابة
۸۔ الاعلام ومراجعه
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”