14. Hazrat Zaid al khair (رضی اللہ عنہ)
Hazrat Zaid al khair (رضی اللہ عنہ)
Aap mein dou aisi khoobiyaan hain jo Allah Ta’aala aur uskay Rasool (ﷺ) ko bahut pasand hain:“Khud daari aur Burdbaari.”Farmaan-e-Nabvi ﷺ |
Log m’adaniyaat ki maanind hain. Jo shakhs jaahiliyat mein behtar hota hai woh Islaam mein bhi behtar hota hai.
Jaleel-ul-Qadar Sahaabi (رضی اللہ عنہ) ki seerat kay donon rukh daikhiye. Pehla rukh to Daur-e-Jaahiliyat ka hai aur doosra rukh Islaam ka hai. Daur-e-Jaahiliyat mein inhain log ” Zaid-ul-Khail” ke naam say pokaartay thay, Lekin islaam laane kay b’ad Rasool-e-Akram ﷺ nay inka naam “Zaid-ul-Khair” tajweez kiya.
Tasweer ka pehla rukh taareekhi kitaabon mein youn bayaan kiya gaya hai.
Morrikh shaibaani Bannu Aamir kay aik mo’ammar shakhs kay hawalay say bayaan kartay hain ke aik saal Qehet pada jis say khaiti baadi tabaah hogai..
Hum mein say aik fard apnay Ahl-e-Khaanah ko lay kar Hairah sheher ki taraf rawaanah hogaya. Ghar waalon ko wahan chod kar kehnay laga. “Meray waapis aane tak mera intezaar karna”
Phir usnay yeh qasam khaai: Ya to main inke liye Maal kama kar laaon ga warna mar jaon ga.
Phir kuch Zaad-e-Raah lia aur din bhar chalta raha, Raat aai to usnay aik khaimah daikha, Uske qareeb ghoda bandha hua tha. Usne dil mein kaha: ” Yeh pehla Maal-e-Ghaneemat hai. Uski rassi kholi, Us par sawaar honay laga to fizaa mein usnay aik awaaz suni, Jis mein yeh hukam tha: ” Isay rehnay do aur apni jaan bachaao” to woh is say chod kar aagy chal diya. Saat dass din safar karne kay b’ad aik aisi jagah pay pohncha jahan unton ka aik baada tha aur aik taraf chamdey ka aik bahut bada khaimah nas’b tha jis say khush haali ki jhalak nomayaan naZir aati thi. Is shakhs nay apnay dil mein kaha, Is baadey mein Zirur uont hungy aur zaahir hai is khaimah mein kuch log bhi hongy.
Phir usnay khaimay mein badi hi ahteyaat say jhaanka. Sooraj is waqat gharoob ho raha tha. Kya daikhta hai ke khaimay kay wast’ mein aik boodha aadmi baitha hua hai. To yeh dabay paon uske peechay ja kar baith gaya. Boodhay ko iski aamad ka kuch patah nah chala. Thodi hi dair b’ad sooraj gharoob hogaya, To aik bhaari bharkam shehsawar namudaar hua. Us jaisa qadaawar shakhs isnay kabhi nah daikha tha. Woh aik umdah ghodey pay sawaar tha. Daaen baaen dou ghulaam lagaam thaamay chal rahay thay. Aur inke jallu mein taqreeban sou unt’niyaan bhi thin, Unke aagy aik daiwoheekal uont tha, uont jab baitha to sab uont’niyaan bhi uske ird gird baith gain. Shehsawaar nay aik moti taazi uont’ni ki taraf ishaarah karte huey khaadim say kaha iska doodh doh lo. Usne fauran hukam ki t’ameel karte huey doodh doha yahan tak ke bartan bhar gaya. Usne woh bartan rakh diya. Woh shakhs kehta hai ke main dabay paaon aagy badha, Bartan pakda aur tamaam doodh pi gaya. Ghulaam waapis aya aur bartan utha kar lay gaya aur Arz ki meray Aaqa, Shaikh nay to tamaam doodh pi liya hai. Yeh sun kar shehsawaar bahut khush hua aur hukam diya:
Ab is doosri uontni ka doodh doh kar Shaikh ki khidmat mein aik aur doodh ka peyaalah paish karo. Ghulaam nay phir hukam ki tameel ki. Shaikh nay aik ghoon’t piya aur chod diya.
Woh shakhs kehta hai ke main nay doodh ka peyaalah pakda aur is mein say nis’f pi gaya. Achanak mery dil mian khayal aaya keh agr main ney is dafa bhi tamam dudh pi lia to sahsawar key dil main shak paida ho jay ga.
Phr sahsawar ney apny dusry ghlam ko hukum dia keh aik bakri zibah kar di. Shehsawaar nay Bazaat-e-Khud gosh’t bhoona aur Shaikh ko apnay haath say khilaaya. Jab woh khood sair hogaya to phir khud aur uske donon ghulaamon nay khaya.
Thodi hi dair b’ad tamaam leit gaey aur gehri neend so gaey. Is moqa’ ko ghaneemat samajhtay huey main uont ke paas aya, Uski rassi kholi, Us par sawaar ho kar aidi lagai to uont chal pada aur uske saath hi tamaam uont’niyaan bhi chal padin. Main raat bhar chalta raha. Jab subah hui to main nay har taraf naZir dodaai. Mujhay koi aisa shakhs dikhaai nah diya jo mera t’aaqub kar raha ho. Main nay raftaar aur taiz kar di, Yahank tak ke kaafi din chadh aya. Phir main nay aik taraf daikha to door say aik bahut badi bala meri taraf badhti hui dikhaai di. Woh musalsal meray qareeb hoti ja rahi thi, Jab bilkul qareeb pohnchti to pata chala ke yeh to wahi shehsawaar hai jo apnay uonton ki talaash mein mera t’aaqub kar raha hai. Main nay uont ko aik taraf baandh diya aur apni Tarkush say teer nikaal kar kamaan mein rakha aur uont ki oat mein nishaanah baandh kar khada hogaya aur woh shehsawaar kuch faaslay par khada hogaya.
Usnay mujhay kaha, uont ki rassi khol do.
Main nay kaha: Yeh nahi ho sakta.
Main Hairah sheher mein be-basi ke aalam mein bhooki piyaasi uratain aur bachay chod kar aya hun aur main nay qasam khaai hai ke main apnay ghar waalon ke paas ya to kuch Maal lay kar jaonga warnah mar jaonga.
Usnay kaha: Aray kam bakht ! tum apnay aapko ab murdah hi samjho, Mera hukam hai sharaafat say uont ki rassi khol do.
Main nay kaha: Main to har giz tujhay uont nahi dun ga.
Usnay kaha: Tum badey maghroor ho, Mujhay jaante nahi ho ke main kon hun?
Phir kaha: Mujhay is uont ki lagaam bataao kidhar hai. Is mein teen girhain thin.
Phir isnay mujhay kaha. Bataao kis girah pay nishaan lagaaon.
Main nay ishaarah kiya darmeyaani girah mein. Usnay teer phenka to woh darmeyaani girah mein aa kar is tarah paiwast hogaya jaisa ke isay apnay haath say wahan nasb kiya ho. Phir usnay doosri aur teesri girah ko nishaanah lagaya. Jab main nay teer andaazi ki yeh mahaarat daikhi to main khauf-zadah hogaya aur apna teer Tarkush mein rakh liya aur ba-adab andaaz mein khada hogaya. Shehsawaar meray paas aya meri talwaar aur teeron say bhari tarksh mujh say li aur kaha meray peechay sawaar ho jao. Main uske peechay sawaar hogaya.
Usnay mujh say daryaft kiya. Main teray saath bhala kya salook karunga?
Main nay Arz ki: kisi achay salook ki tawaqa’ nahi.
Usnay kaha: kiyoun?
Main nay Arz ki: choonke main nay tumhain bahut pareshaan kiya hai. Aur ab Allah nay tumhain kaamyaab kar diya hai aur phir is waqat main tumharay qabzay mein hun.
Usnay kaha: kya tumhara khiyaal hai ke main teray saath bura salook karunga jabke tu nay meray Baap Muhalhal ke saath baith kar khana khaya hai aur tum aik raat uske mashroob ke saathi bhi rahay ho?
Jab main nay uske munh say Muhalhal ka naam suna to main nay daryaft kiya: Kya tum Zaid ul khail ho?
Usnay kaha: haan.
Main nay Arz ki: to phir mujh par meherbaani karen.
Usnay kaha. Ghabraao nahi, Tujhay kuch bhi nahi kaha jaey ga.
Woh mujhay apnay dairay par lay gaya. Wahan ja kar usnay mujh say kaha: Khuda ki qasam! Agar yeh uont meray hotay to sabhi tujhay dey deta, Lekin yeh meri aik behen ki milkiyat hain. Tum meray paas chand din raho, Main aik daakah maarne wala hun, Us mein jo kuch haath lagay ga woh tumhain dunga. Teen din b’ad usnay Qabeelah Bannu Numair ke haan daakah dala. Taqreeban sou uont’niyaan uske haath aen. Woh sub mujhay dey dein aur meray saath chand aadmi bhi bhej diye taake woh meri hifaazat karen yahan tak ke main Hairah sheher pohnch gaya.
Yeh zaid al khail ki Zamaana-e-Jaahiliyat mein seerat ka aik pehlu tha, Lekin Daur-e-Islaam mein insay muta’alliq daastaan taareekhi kitaabon kuch is andaaz mein tehreer ki gai hai. Jab zaid al khail (رضی اللہ عنہ) ko Nabi ﷺ ke muta’alliq ilm hua to unke dil mein aap ﷺ ki d’awat m’aloom karne ka shauq paida hua. Sawaari tayyaar ki aur apni Qom ke sardaaron ko Madinah Monawwarah jaane aur Nabi ﷺ say Molaaqaat karne ki d’awat di. Inke saath Qabeelah banu Tay mein say aik bahut bada wafd bhi safar ke liye tayyaar hogaya. Is wafd mein Zir bin sadoos, Maalik bin jabeer, Aamir bin jaween aur deegar sardaar shaamil thay. Jab yeh Madinah pohnchay to Masjid-e-Nabvi ﷺ ka rukh kiya. Apni sawaariyan Masjid ke darwaaze par bitha dein. Daikha ke Rasool Allah ﷺ membar par khadey logon say khitaab farmaa rahay hain. Unke dilon par Aap ﷺ ki baaton ka bahut ro’ab taari hogaya aur Musalmaanon ka aap ﷺ say qalbi ta’alluq aur Adab-o-Ahtaraam daikh kar bahut hairaan huey. Jab Rasool Allah ﷺ ki in par naZir padi to aap ﷺ nay Musalmaanon ko mukhaatib ho kar farmaaya. “Main tumhare liye is Uzzaa say behtar hun jiski tum pooja karte ho.”
Zaid al khail aur inke saathiyon ke dilon par Rasool Allah ﷺ ki guftagu ka dou tarah ka asar murattab hua, B’az nay mutaassir ho kar Haq ko qabool kar lia aur b’az Nukhuwat-o-Takabbur ka shikaar ho kar munh phair kar waapis chal diye, Is tarah aik giroh Jannati ban gaya aur doosra Jahanami.
Zir bin saddoos Rasool Allah ﷺ ka khush gawaar aur umdah moaqaff na samajh saka jis say Momin dil aur Madh bhari aankhain apnay andar jazb kar laiti hain. Balke hasad uske dil mein saraayat kar gaya aur khauf uske dil mein sama gaya. Phir apnay saathiyon say kehnay laga: Aaj main aik aisay Shakhs ko daikh raha hun jo tamaam Ahl-e-Arab ki gardanon ka maalik ban jaey ga. Allah ki qasam! Main isay apni gardan ka maalik nahi ban’nay dunga. Phir woh Ilaaqah-e-Shaam ki taraf chal pada wahan ja kar usnay apna sar munda lia aur nasraaniyat qabool kar li, Lekin Hazrat Zaid (رضی اللہ عنہ) aur chand doosray saathiyon ko kuch niraali hi shaan naseeb hui :
Jab Rasool Allah ﷺ apnay khutbah say faarigh huey to janaab Zaid (رضی اللہ عنہ) Musalmaanon ke majma’ mein khadey huey, Aap badey khoobsoorat aur daraaz qadd thay, Inka qad itna lamba tha ke jab ghodey pay hotey to paaon zameen ko chootey.
Majma’ mein khadey ho kar ba-awaaz boland kaha: Ya Muhammad ﷺ main iqraar karta hun Allah kay siwa koi m’abood haqeeqi nahi aur aap ﷺ yaqeenan Allah ke Rasool hain. Inki baat sun kar Rasool Allah ﷺ Mutawajjah huey aur farmaaya: Aap kon hain? Arz ki: Main Zaid al khail bin Mahalhal hun.
Rasool Allah ﷺ nay irshaad farmaaya: aaj say tum Zaid al khair ho. Zaid al khail nahi. Allah ka shukar hai jo tumhain Maidaani aur Pahaadi ilaaqon say sahih saalim guzaar kar yahan lay aya aur tumhare dil mein Islaam ke liye riqqat paida kar di.
Phir inhain Rasool Allah ﷺ apnay ghar ley gaey. Aap ﷺ ke saath Hazrat Umar bin khitaab (رضی اللہ عنہ) aur deegar Sahaaba-e-Kiraam (رضی اللہ عنہم) ki aik jama’at bhi thi. Jab ghar pohnchay to Rasool Allah ﷺ nay taik lagane ke liye takiyah dia lekin unhon nay Rasool Allah ﷺ ki mojoodgi mein taik lagana Soy-e-Adab samajtay huey takiyah waapis kar diya. Rasool Allah ﷺ nay kamaal shafqat say phir unhain takiyah dia, Lekin aapko Rasool-e-Aqdas ﷺ ki mojoodgi mein taik lagane ki jur’at nah hui.
Jab sab log baith gaey to Rasool Allah ﷺ nay irshaad farmaaya: Ay Zaid ! Teray ilaawah aaj tak meray saamne jis shakhs kay bhi usaaf bayaan kiye gaey jab woh saamne aaya to woh mazkoor usaaf say km nazar aya.
Phir irshaad farmaaya: Zaid (رضی اللہ عنہ) ,. Tum mein to aisi khaslatain paai jaati hain jo Allah Ta’aala aur uske Rasool Allah ﷺ ko pasand hain.
Arz ki: Ya Rasool Allah ﷺ! Woh dou khaslatain konsi hain.
Farmaaya : Khud-daari aur Burd-baari.
Arz ki: Allah Ta’aala ka shukar hai jisnay mujhay aisi khaslatain ata kin jo Allah Ta’aala aur uske Rasool Allah ﷺ ko mahboob hain.
Phir Nabi akram ﷺ ki taraf mutawajjah ho kar Arz ki: Ya Rasool Allah ﷺ mujhay teen sou shehsawaar Mujaahideen dey dain. Unki daikh bhaal ki tamaam zimah daari meri ho gi. Main unke hamraah Bilaad-e-Room par hamlah krunga aur Allah ke fazal say inhain paspa kar ke dm lunga.
Rasool akram ﷺ nay inki himmat aur jur’at ki daad detay huey farmaaya: Zaid! Allah bhala kare, Tum kitnay azeem shakhs ho! Phir Zaid (رضی اللہ عنہ) ki qayaadat mein unke tamaam saathiyon Nay Islaam qabool kar liya.
Jab Hazrat Zaid (رضی اللہ عنہ) aur unke saathiyon nay apnay watan Najad waapis jaane ka iraadah kiya to Nabi ﷺ nay Al’widaa’ karte huey farmaaya: Yeh shakhs kitna azeem hai?
Iski kitni shaan hogi. Kaash! Yeh Madinah ki wabaa’ say mahfooz rahay. In dinon Madinah Monawwarah mein mai’aadi bukhaar ki wabaa’ phaili hui thi. Hazrat Zaid (رضی اللہ عنہ) ko bhi is wabaa’ nay daboach liya. Aap nay apnay saathiyon say kaha: Mujhay Qais ke shehron say door alag rakhna, Hamare darmeyaan jaahilaanah hamaaqaton ki bina par Jaawan-Mardi-o-Bahaaduri ke ma’arkay hua karte thay. Allah ki qasam! main martay dam tak kisi Musalmaan say nahi ladun ga.
Hazrat Zaid (رضی اللہ عنہ) nay apnay watan Najad ki taraf safar jaari rakha. Aur haalat yeh thi ke bukhaar din-ba-din taiz hota ja raha tha. Inki dili tamanna thi ke apni Qom say milen aur usay Islaam ki d’awat dain aur poori Qom inke Ziri’ah say Islaam qabool kar ley. Yeh maut say aagy badhnay ki koshish kar rahay thay aur maut insay aagy badhnay ki koshish kar rahi thi, Lekin maut insay sabqat ley gai. Raastay mein hi rooh Qafs-e-Unsari say parwaaz kar gai. Islaam aur maut mein koi aisa waqfah nah mila ke jis mein yeh kisi gunaah ka irtakaab kar saken.
Hazrat Zaid (رضی اللہ عنہ) ke tafseeli Haalaat-e-Zindagi m’aloom karne ke liye darj zail kitaabon ka mutale’ah karen:
1: Al Isaabah Mutarjim 2941
2: Al Istiaab 1/563
3: Al Aghani fahrist dikhiy
4: Tahzeeb Ibn-e-Asaakir fahrist dikhiy
5: Samt ul Laati fahrist dikhiy
6: Khizanat ul Aadab Al Baghdadi 2/448
7: Zail ul Mizyal 33
8: Simaar ul Quloob 78
9: Al Sha’ir Wal Sho’ara 95
10: Husn ul Sahabah 248
REFERENCE:
Book: Hayat-e-Sahaba kay darakh shah pahelo.
By: Dr. Abdur Rahman Rafat Al- Pasha.
حضرت زید الخیر رضی اللہ عنہ
لوگ معدنیات کی مانند ہیں۔ جو شخص جاہلیت میں بہتر ہوتا ہے وہ اسلام میں بھی بہتر ہوتا ہے۔
جلیل القدر صحابی رضی اللہ عنہ کی سیرت کے دونوں رُخ دیکھئے۔ پہلا رخ تو دور جاہلیت کا ہے اور دوسرا رخ اسلام کا ہے۔ دور جاہلیت میں انہیں لوگ” زید الخیر ” کے نام سے پکارتے تھے، لیکن اسلام لانے کے بعد رسول اکرمﷺ نے ان کا نام ” زید الخیر ” تجویز کیا۔
تصویر کا پہلا رخ تاریخی کتابوں میں یوں بیان کیا گیا ہے۔
مؤرخ شیبانی بنو عامر کے ایک معمر شخص کے حوالے سے بیان کرتے ہیں کہ ایک سال قحط پڑا جس سے کھیتی باڑی تباہ ہوگئی۔
ہم میں سے ایک فرد اپنے اہل خانہ کو لے کر حیرہ شہر کی طرف روانہ ہو گیا۔ گھر والوں کو وہاں چھوڑ کر کہنے لگا: ” میرے واپس آنے تک میرا انتظار کرنا “۔
پھر اسنے یہ قسم کھائی: یا تو میں ان کے لئے مال کما کر لاؤں گا ورنہ مرجاؤں گا۔
پھر کچھ زاد راہ لیا اور دن بھر چلتا رہا، رات آئی تو اس نے ایک خیمہ دیکھا، اس کے قریب گھوڑا بندھا تھا۔ اس نے دلیل میں کہا:
“یہ پہلا مال غنیمت ہے۔ اس کی رسی کھولی، اس پر سوار ہونے لگا تو فضا میں اس نے ایک آواز سنی، جس میں یہ حکم تھا: ” اسے رہنے دو اور اپنی جان بچاؤ ” تو وہ اسے چھوڑ کر آگے چل دیا۔ سات دس دن سفر کرنے کے بعد ایک ایسی جگہ پہ پہنچا جہاں اونٹوں کا ایک باڑہ تھا اور ایک طرف چمڑے کا ایک بہت بڑا خیمہ نصب تھا جس سے خوشحالی کی جھلک نمایاں تھی اس نے اپنے دل میں کہا، اس بارے میں ضرور اونٹ ہوں گے ۔
اور ظاہر ہے اس خیمہ میں کچھ لوگ بھی ہوں گے۔
پھر اس نے خیمے میں بڑی ہی احتیاط سے جھانکا۔ سورج اس وقت غروب ہو رہا تھا۔ کیا دیکھتا ہے کہ خیمے کے وسط میں ایک بوڑھا آدمی بیٹھا ہوا ہے۔ تو یہ دبے پاؤں اس کے پیچھے جا کر بیٹھ گیا۔ بوڑھے کو اس کی آمد کا کچھ پتہ نہ چلا۔ تھوڑی ہی دیر بعد سورج غروب ھو گیا، تو ایک بھاری بھرکم شہسوار نمودار ہوا۔ اس جیسا قد آور شخص اس نے کبھی نہ دیکھا تھا۔ وہ ایک عمدہ گھوڑے پر سوار تھا۔ دائیں بائیں دو غلام لگام تھامے چل رہے تھے۔ اور اونٹنیاں ان کے جلو میں تقریبا سو اونٹنیاں بھی تھیں، ان کے ایک دیو ہیکل اونٹ تھا، اونٹ جب بیٹھا تو سب اونٹنیاں بھی اس کے ارد گرد بیٹھ گئیں۔ شہسوار نے ایک موٹی تازی اونٹنی کی طرف اشارہ کرتے ہوئے خادم سے کہا اس کا دودھ دوہ لو۔ اس نے فوراً حکم کی تعمیل کرتے ہوئے دودھ دوہا یہاں تک کہ برتن بھر گیا۔ اس نے وہ برتن رکھ دیا۔ وہ شخص کہتا ہے کہ میں دبے پاؤں آگے بڑھا، برتن پکڑا اور تمام دودھ پی گیا۔ غلام واپس آیا اور برتن اٹھا کر لے گیا اور عرض کی میرے آقا، شیخ نے تو تمام دودھ پی لیا ہے۔ یہ سن کر شہسوار بہت خوش ہوا اور حکم دیا:
اب اس دوسری اونٹنی کا دودھ دوہ کر شیخ خدمت میں ایک اور دودھ کا پیالہ پیش کرو۔ غلام نے پھر حکم کی تعمیل کی کی شیخ نے ایک گھونٹ پیا اور چھوڑ دیا۔
وہ شخص کہتا ہے کہ میں نے دودھ کا پیالہ پکڑا اور اس میں سے نصف پی گیا۔ اچانک میرے دل میں خیال آیا کہ اگر میں نے اس دفعہ بھی تمام دودھ پی لیا تو شہسوار کے دل میں شک پیدا ہو جائے گا۔
پھر شہسوار نے اپنے دوسرے غلام کو حکم دیا کہ ایک بکری ذبح کرے، تو اس نے بکری ذبح کردی۔ میں نے بذات خود گوشت بھونا اور شیخ کو اپنے ہاتھ سے کھلایا۔ جب وہ خوب سیر ہو گیا تو پھر خود اور اس کے دونوں غلاموں نے کھایا۔
تھوڑے ہی دیر بعد تمام لیٹ گئے اور گہری نیند سو گئے۔ اس موقع کو غنیمت سمجھتے ہوئے میں اونٹ کے پاس آیا، اس کی رسی کھولی، اس پر سوار ہو کر ایڑی لگائی تو اونٹ چل پڑا اور اس کے ساتھ ہی تمام اونٹنیاں بھی چل پڑیں۔ میں رات بھر چلتا رہا۔ جب صبح ہوئی۔
تو میں نے ہر طرف نظر دوڑائی۔ مجھے کوئی ایسا شخص دکھائی نہ دیا جو میرا تعاقب کر رہا ہو۔ میں نے رفتار اور تیز کر دی، یہاں تک کہ کافی دن چڑھا آیا۔ پھر میں نے ایک طرف دیکھا تو دور سے ایک بہت بڑی بلا میری طرف بڑھتی ہوئی دکھائی دی۔ وہ مسلسل میرے قریب ہوتی جا رہی تھی، جب بالکل قریب پہنچی تو پتہ چلا کہ یہ تو وہی شہسوار ہے جو اپنے اونٹوں کی تلاش میں میرا تعاقب کر رہا ہے۔ میں نے اونٹ کو ایک طرف باندھ دیا اور اپنی ترکش سے تیر نکال کر کمان میں رکھا اور اونٹ کی اوٹ میں نشانہ باندھ کر کھڑا ہو گیا اور وہ سوار کچھ فاصلے پر کھڑا ہو گیا۔
اس نے مجھے کہا: اونٹ کی رسی کھول دو۔
میں نے کہا: یہ نہیں ہو سکتا۔
میں حیرہ شہر میں بے بسی کے عالم میں بھوکی پیاسی عورتیں اور بچے چھوڑ کر آیا ہوں اور میں نے قسم کھائی ہے کہ میں اپنے گھر والوں کے پاس یا تو کچھ مال لے کر جاؤں گا ورنہ مر جاؤں گا۔
اس نے کہا: ارے کمبخت! تم اپنے آپ کو مردہ ہی سمجھو، میرا حکم ہے شرافت سے اونٹ کی رسی کھول دو۔
میں نے کہا: میں تو ہرگز تجھے اونٹ نہیں دوں گا۔
اس نے کہا: تم بڑے مغرور ہو، مجھے جانتے نہیں ہو کہ میں کون ہوں؟
پھر کہا: مجھے اس اونٹ کی لگام بتاؤ کدھر ہے؟ اس میں تین گرہیں تھیں۔
پھر اس نے مجھے کہا: بتاؤ کس گرہ پر نشانہ لگاؤں۔
میں نے اشارہ کیا درمیانی گرہ میں۔ اس نے تیر پھینکا تو وہ درمیانی گرہ میں آکر اس طرح پیوست ہو گیا جیسا کہ اسے اپنے ہاتھ سے وہاں نصب کیا ہو۔ پھر اس نے دوسری اور تیسری گرہ کو نشانہ لگایا۔ جب میں نے تیر اندازی کی یہ مہارت دیکھی تو میں خوفزدہ ہوگیا اور اپنا تیر ترکش میں رکھ لیا اور با ادب انداز میں کھڑا ہو گیا۔ شہسوار میرے پاس آیا میری تلوار اور تیروں سے بھری ترکش مجھ سے لے لی اور کہا: میرے پیچھے سوار ہو جاؤ۔ میں اس کے پیچھے سوار ہوگیا۔
اس نے مجھ سے دریافت کیا۔ میں تیرے ساتھ بھلا کیا سلوک کروں گا؟
میں نے عرض کی: کسی اچھے سلوک کی تو مجھے توقع نہیں۔
اس نے کہا: کیوں؟
میں نے عرض کی: چونکہ میں نے تمہیں بہت پریشان کیا ہے۔ اور اب اللہ نے تمہیں کامیاب کر دیا ہے اور پھر اس وقت میں تمہارے قبضے میں ہوں۔
اس نے کہا: کیا تمہارا خیال ہے کہ میں تیرے ساتھ برا سلوک کروں گا جبکہ تونے میرے باپ مہلہل کے ساتھ بیٹھ کر کھانا کھایا ہے اور تم ایک رات اس مشروب کے ساتھی بھی رہے ہو؟
جب میں نے اس کے منہ س مہلہل کا نام سنا، تو میں نے دریافت کیا: کیا تم زید الخیل ہو؟
اس نے کہا: ہاں۔
میں نے عرض کی: تو پھر مجھ پر مہربانی کریں۔
اس نے کہا: گھبراؤ نہیں، تجھے کچھ بھی نہیں کہا جائے گا۔
وہ مجھے اپنے ڈیرے پر لے گیا۔ وہاں جا کر اس نے مجھ سے کہا، خدا کی قسم! اگر یہ اونٹ میرے ہوتے تو سبھی تجھے دے دیتا، لیکن یہ میری ایک بہن کی ملکیت ہیں۔ تم میرے پاس چند دن رہو، میں ایک ڈاکہ مارنے والا ہوں، اس میں جو کچھ ہاتھ لگے گا وہ تمہیں دیں دوں گا۔ تین دن بعد اس نے قبیلہ بنو نمیرکے ہاں ڈاکہ ڈالا۔ تقریبا سو اونٹنیاں اس کے ہاتھ آئیں۔ وہ سب مجھے دے دیں اور میرے ساتھ چند آدمی بھی بھیج دیئے تاکہ وہ میری حفاظت کریں یہاں تک کہ میں حیرہ شہر پہنچ گیا۔
یہ زید الخیل کی زمانہء جاہلیت میں سیرت کا ایک پہلو تھا، لیکن دور اسلام میں ان سے سے سے متعلق داستان تاریخی کتابوں میں کچھ اس انداز میں تحریر کی گئی ہے۔ جب زید الخیل رضی اللہ عنہ کے متعلق علم ہوا تو ان کے دل میں آپﷺ کے متعلق علم ہوا تو ان کے دل میں رسولﷺ کی دعوت معلوم کرنے کا شوق پیدا ہوا۔ سواری تیار کی اور اپنی قوم کے سرداروں کو مدینہ منورہ جانے اور نبیﷺ سے ملاقات کرنے کی دعوت دی ۔
ان کے ساتھ قبیلہ بنوطی میں سے سے ایک بہت بڑا وفد بھی سفر کے لیے تیار ہو گیا۔ اس وفد میں زر بن سدوس، مالک بن جبیر، عامر بن جوین اور دیگر سردار شامل تھے۔ جب یہ مدینہ پہنچے تو مسجد نبویﷺ کا رخ کیا۔ اپنی سواریاں مسجد کے دروازے پر بیٹھا دیں۔ دیکھا کہ رسول اللہﷺ منبر پر کھڑے لوگوں سے خطاب فرما رہے ہیں۔ان کے دلوں پر آپﷺ کی باتوں کا بہت روعب طاری ہوگیا اور مسلمانوں کا آپﷺ سے قلبی تعلق اور ادب و احترام دیکھ کر بہت حیران ہوئے۔ جب رسول اللہﷺ کی ان پر نظر پڑی تو آپﷺ نے مسلمانوں کو مخاطب ہو کر فرمایا: میں تمہارے لئے اس عزی سے بہتر ہوں جس کی تم پوجا کرتے ہو۔
زید الخیل اور ان کے ساتھیوں کے دل پر رسول اللہﷺ کی گفتگو کا دو طرح کا اثر مرتب ہوا، بعض سے متاثر ہو کر حق کو قبول کرلیا اور بعض نخوت و تکبر کا شکار ہو کر منہ پھیر کر واپس چل دیئے، اس طرح ایک گروہ جنتی بن گیا اور دوسرا جہنمی۔
زر بن سدوس رسول اللہﷺ کا خوشگوار عمدہ مؤقف نہ سمجھ سکا جس مؤمن دل اور مدح بھری آنکھیں اپنے اندر جذب کر لیتی ہیں۔ بلکہ حسد اس کے دل میں سرایت کر گیا اور خوف اس کے دل میں سما گیا۔ پھر اپنے ساتھیوں سے کہنے لگا۔ آج میں ایک ایسے شخص کو دیکھ رہا ہوں جو تمام اہل عرب کی گردنوں کا مالک بن جائے گا۔ اللہ کی قسم! میں اسے اپنی گردن کا مالک نہیں بننے دوں گا۔ پھر وہ علاقہ شام کی طرف چل پڑا وہاں جا کر اس نے اپنا سر منڈالیا اور نصرانیت قبول کرلی، لیکن حضرت زید رضی اللہ عنہ اور چند دوسرے ساتھیوں کو کچھ نرالی ہی شان نصیب ہوئی۔
جب رسول اللہﷺ کے خطبہ سے فارغ ہوئے تو جناب زید رضی اللہ عنہ مسلمانوں کے مجمع میں کھڑے ہوئے، آپ بڑے خوبصورت اور دراز قد تھے، ان کا قد اتنا لمبا تھا کہ جب گھوڑے پہ ہوتے تو پاؤں زمین کو چھوتے۔
مجمع میں کھڑے ہوکر باآواز بلند کہا: یا محمدﷺ میں اقرار کرتا ہوں کہ اللہ کے سوا کوئی معبود حقیقی نہیں اور آپﷺ یقینا اللہ کے رسول ہیں۔ ان کی بات سن کر رسول اللہﷺ متوجہ ہوئے ۔
اور فرمایا: آپ کون ہیں؟ عرض کی، میں زید الخیل بن مہلہل ہوں۔
رسول اللہﷺ نے ارشاد فرمایا: آج سے تم زید الخیر ہو۔ زید الخیل نہیں۔ اللہ کا شکر ہے جو تمہیں میدانی اور پہاڑی علاقوں سے صحیح سالم گداز کر یہاں لے آیا اور تمہارے دل میں اسلام کے لئے رقت پیدا کر دی۔
پھر انہیں رسول اللہﷺ اپنے گھر لے گئے۔ آپﷺ کے ساتھ حضرت عمر بن خطاب رضی اللہ عنہ اور دیگر صحابۂ کرام کی ایک جماعت بھی تھی۔ جب گھر پہنچے تو رسول اللہﷺ نے ٹیک لگانے کے لئے تکیہ دیا۔ لیکن انہوں نے رسول اللہﷺ کی موجودگی میں ٹیک لگانا سوئے ادب سمجھتے ہوئے تکیہ واپس کر دیا۔ رسول اللہﷺ کمال شفقت سے پھر انہیں تکیہ دیا، لیکن آپ کو رسول اقدسﷺ کی موجودگی میں ٹیک لگانے کی جرأت نہ ہوئی۔
جب سب لوگ بیٹھ گئے تو رسول اللہﷺ نے ارشاد فرمایا: اے زید! تیرے علاوہ آج تک میرے سامنے جس شخص کے بھی اس اوصاف بیان کیے گئے جب وہ سامنے آیا تو وہ مذکورہ اوصاف سے کم نظر آیا۔
پھر ارشاد فرمایا: زید رضی اللہ عنہ! تم میں دو ایسی خصلتیں پائی جاتی ہیں جو اللہ تعالی اور اس کے رسول اللہﷺ کو پسند ہیں۔
عرض کی یارسول اللہﷺ! وہ دو خصلتیں کون سی ہیں؟
فرمایا: خود داری اور بردباری۔
عرض کی: اللہ تعالی کا شکر ہے جس نے مجھے ایسی خصلتیں عطا کی جو اللہ تعالی اور اس کے رسولﷺ کو محبوب ہیں۔
پھر نبی اکرمﷺ کی طرف متوجہ ہو کر عرض کی۔ یارسول اللہﷺ مجھے تین سو شہسوار مجاہدین دے دیں۔ ان کی دیکھ بھال کی تمام ذمہ داری میری ہوگی۔ میں ان کے ہمراہ بلاد روم پر حملہ کروں گا اور اللہ کے فضل سے انہیں پسپا کر کے دم لوں گا۔
رسول اکرمﷺ نے ان کی ہمت و جرات کی داد دیتے ہوئے فرمایا: زید! اللہ بھلا کرے، تم کتنے عظیم شخص ہو۔ پھر حضرت زید رضی اللہ عنہ کی قیادت میں ان کے تمام ساتھیوں نے اسلام قبول کرلیا ۔
جب حضرت زید رضی اللہ عنہ اور ان کے ساتھیوں نے اپنے وطن نجد واپس جانے کا ارادہ کیا، تو نبیﷺ نے الوداع کرتے ہوئے فرمایا۔ یہ شخص کتنا عظیم ہے؟
اس کی کتنی شان ہوگی۔ کاش! یہ مدینہ کی وباء سے محفوظ رہے۔ ان دنوں مدینہ منورہ میں معیادی بخار کی وباء پھیلی ہوئی تھی۔ حضرت زید رضی اللہ عنہ کو بھی اس وباء نے دبوچ لیا۔ آپ نے اپنے ساتھیوں سے کہا، مجھے قیس کے شہروں سے دور الگ رکھنا، ہمارے درمیان جاہلانا حماقتوں کی بنا پر جوانمردی و بہادری کے معرکے ہوا کرتے تھے تھے۔ اللہ کی قسم! میں مرتے دم تک کسی مسلمان سے نہیں لڑوں گا۔
حضرت زید رضی اللہ عنہ نے اپنے وطن نجد کی طرف سفر جاری رکھا۔ اور حالت یہ تھی کہ بخار دن بدن تیز ہوتا جا رہا تھا۔ ان کی دلی تمنا تھی کہ اپنی قوم سے ملیں اور اسے اسلام کی دعوت دیں اور پوری قوم ان کے ذریعہ سے اسلام قبول کر لے۔ یہ موت سے آگے بڑھنے کی کوشش کر رہے تھے اور موت ان سے آگے بڑھنے کی کوشش کر رہی تھی، لیکن موت ان سے سبقت لے گئی۔ راستے میں ہی روح قفس عنصری سے پرواز کرگئی۔ اسلام اور موت میں کوئی ایسا وقفہ نہ ملا کہ جس میں یہ کسی گناہ کا ارتکاب کر سکیں۔
○
حضرت زید رضی اللہ عنہ کے تفصیلی حالات معلوم کرنے کے لئے درج ذیل کتابوں کا مطالعہ کریں۔
1۔ الاصابه مترجم 2941
2- الاستيعاب: 1 /563
3۔الاغاني فہرست دیکھئے
4- تهذیب ابن عساکر فہرست دیکھئے
5۔سمط اللاتي فہرست دیکھئے
6۔خزانه الادب البغدادي 2 /448
7۔ذيل المذيل 33
8- ثمار القلوب 78
9- الشعر والشعرا 95
10۔ حسن الصحابه برات 248
حوالہ جات :
“حياتِ صحابہ کے درخشاں پہلو”
تا لیف: “داکتور عبدالر حمان رافت الباشا”