06A. ISTEHADAH

 استحاضہ اور اسکے احکام

            استحاضہ:

استحاضہ اس خون کو کہتے ہیں جو عورت کو جاری ہو گیا ہو اور وہ ختم نہیں ہوا یا کبھی کبھی خون روک جاتا ہے مہینے میں ایک یا دو دن۔

   

مقرر وقت کے علاوہ دیگر ایام میں عاذل نامی رگ سے جو خون  بکثرت خارج ہوتاہے اسے استحاضہ کہتے ہیں۔( مترجم)

  پہلی حالت کی دلیل

پہلی حالت کی دلیل ( جس حالت میں عورت کو خون کبھی بند نہیں ہوتا) جو سیدہ عائشہ صدیقہ سے  صحیح بخاری میں ثابت ہے۔

سیدہ عائشہ فرماتی ہیں”فاطمہ بنت ابی حبیش نے رسول اللہ صلی علیہ وسلم سے کہا: اے اللہ کے رسول صلی اللہ علیہ وسلم میں پاک نہیں ہوتی اور ایک روایت میں ہے مجھے استحاضہ کا خون آتا ہے میں پاک نہیں ہوتی).

     [دیکھیں صحیح البخاری کتاب الحیض باب الاستحاضہ رقم(306)(387/1) والو ضؤ باب غسل الدم(228)(396/1) اور صحیح مسلم کتاب الحیض باب المستحاضتہ و غسلھا و صلاتھا رقم (333)]

        دوسری حالت کی دلیل

دوسری حالت کی دلیل (جس میں  تھوڑی مدت کے لیے خون بند ہو جاتاہے) حمہٓ بنت حجش کی ایک حدیث میں ہے کہ جب وہ آپ صلی اللہ علیہ وسلم کے پاس آئ اور آکر کہا:

 “اے اللہ کے رسول صلی اللہ علیہ وسلم مجھے استحاضہ کا خون کثرت سے آتا ہے”( الحدیث).

 

[دیکھو مسند احمد 439/6-381-382-439-440)]

اور ابو داؤد کتاب الطھارۃ باب اذا اقبلت الحیضتہ تدع الصلاۃ رقم(287)(289)

اور جامع ترمذی کتاب الطھارۃ باب ماجاْ فی المستحاضتہ آنھا نجمع ین الصلاتیںن بغسل  واحد (128)

اور ابن ماجہ کتاب الطھارۃ باب ماجاْ فی بکر اذا ابتدأت مستحاضہ (628) یہ روایت صحیح ہے ملاحظہ کریں۔ “صحیح ابی داؤد”(293) اور”اروا الفیل”(188)(202)

اس حدیث کو امام ابن حنبل رحمۃ اللّٰہ علیہ, امام ابو داؤد اور امام ترمذی رحمۃ اللّٰہ علیہ نے روایت کیا ہے اور امام ترمذی نے اسے صحیح کہا ہے اور انہوں نے امام احمد رحمۃ اللّٰہ علیہ سے اسکی تصحیح اور امام بخاری سے اسکی تحسین نقل کی ہے۔

[ دیکھو: سنین الترمذی(338/1) مع التحفتہ)]

             مستحاضہ کے احوال:

مستحاضہ ( جس کو خون آتا ہے) کی تین حالتیں ہیں۔

      

             پہلی حالت

استحاضہ سے پہلے عورت کی ماہواری معلوم ہو(3) اس میں عورت اپنے گزشتہ معلوم حیض کی مدت کی طرف لوٹے گی اور اسکے لے حیض کے احکام ثابت ہونگے اور باقی اسکے علاوہ استحاضہ کا خون ہوگا اور اس کے لیے استحاضہ کے احکام ثابت ہونگے۔

[3]پہلی حالت کا مفہوم یہ ہے  کہ استحاضہ میں مبتلا ہونے سے پہلے عورت اپنی ماہواری کے ایام سے اچھی طرح واقف ہو۔

مثال:

ایک عورت جیسے ہر مہینے کے شروع میں چھ دن حیض آتا ہے پھر اس پر استحاضہ کا خون طاری ہوا اور وہ خون اسے استمرار کے ساتھ جاری رہتا ہے تو ہر مہینے کے شروع کےچھ دن اسکے حیض کے ہونگے اور باقی (ایام) استحاضہ کے ہونگے جیسا کہ سیدہ فاطمہ بنت جیش رضی اللہ نے کہا۔

 “اے اللہ کے رسول صلی اللہ علیہ وسلم مجھے استحاضہ آتا ہے میں پاک نہیں رہتی کیا میں نماز چھوڑ دوں؟

تو آپ صلی اللہ علیہ وسلم نے فرمایا:

” (لا ان ذالک عرق و لكن دعى الصلاة قدر الايام التى كنت تحيضين فيها ثم اغتسلى و صلى “(دواه البخارى)

“نہیں یہ ایک رگ ہے۔لیکن جن ایام میں آپ کو حیض آتا ہے ان ایام کے بقدر نماز چھوڑ دے غسل کر کے نماز ادا کرو”( اسے بخاری نے روایت کیا ہے).

[ دیکھو: صحیح بخاری کتاب الحیض المستحاضتہ رقم (306),(487/1)]

اور صحیح مسلم میں ہے کہ آپ صلے اللہ علیہ وسلم نے سیدہ اُم حبیبہ بنت حجش سے فرمایا:

” امکثی قدر ما کانت تحبسک حیضتک ثم اغتسلی وصلی”

[دیکھو صحیح مسلم کتاب الحیض باب المستحاضتہ وغسلھا و صلاتھا رقم (334).(5.4-22/6)]

” اتنے دن تم ٹھری رہو ؛ جتنے دن تم کو تمہارا حیض روکے رکھتا تھا پھر غسل کرو اور نماز ادا کرو”

اس حدیث کی بنا پر ایسی مستحاضہ عورت جس کا حیض معلوم ہےوہ اپنے حیض کے دنوں کی انتظار کریگی۔

اپنے حیض کے دنوں سے مراد یہ ہے کہ عورت اپنی عادت کے مطابق اپنے آپ کو حاْئضہ تصور کریگی اور نماز روزہ چھوڑ دےگی’ اس پر حیض کے تمام احکام عاںْد ہونگے، ایام حیض مکمل ہونے کے بعد غسل کرےگی اور نماز پڑھنا شروع کر دےگی باقی خون استحاضہ کا خون سمجھا جاںٔگا اور اس خون کی پرواہ نہیں کرےگی یعنی ان ایام استحاضہ میں نماز وغیرہ ترک نہیں کرےگی اگرچہ خون جاری ہی کیوں نہ رہے۔

پھر غسل کرے گی اور نماز ادا کریگی اور اس وقت وہ ( استحاضہ کے ) خون کی پرواہ نہیں کریگی۔

                دوسری حالت

یہ ہے کہ استحاضہ سے پہلے عورت کا حیض معلوم نہ ہو۔وہ اس طرح کہ عورت اپنے معاملہ کی ابتدا سے جب سے اس نے خون دیکھا ہے اسی وقت سے اسے خون جاری ہے تو ایسی خاتون تمیز کے ساتھ غسل کرےگی اس کا حیض سیاہ رنگ کا یا گاڑھا یا بدبودار جیسی امتیازی اوصاف کا حامل ہوگا اس کے لئے حیض کے احکام ثابت ہونگے اور جو اسکے علاوہ خون کے اوصاف ہونگے وہ استحاضہ کے ہونگے اس کے لئے استحاضہ کے احکام ثابت ہونگے۔

دوسری حالت کا مفہوم یہ ہے کہ خاتون کو اپنے حیض ( ماہواری) کے ایام معلوم نہ ہوں لیکن اس کے خون میں حیض کے امتیازی اوصاف پائے جاتے ہوں مثلاً سیاہ رنگ کا یا گاڑھا یا بدبودار خون جیسی صفات پائی جایْنگی  تو اسے حیض شمار کیا جائے گا۔لہاذا عورت اس مدت میں اپنے آپ کو حاْضہ تصور کر کے نماز روزہ ترک کر دے گی اس کے علاوہ باقی خون کو استحاضہ کا خون شمار کیا جائے گا۔

مثال

اس کی مثال اس طرح ہے کہ عورت نے پہلی مرتبہ جو خون دیکھا ہے وہ اسے جاری رہتاہے لیکن عورت دس دن سیاہ رنگ کا خون دیکھتی ہے اور باقی مہینہ سرخ رنگ کا دیکھتی ہے یا دس دن گاڑھا خون دیکھتی ہے اور باقی مہینہ پتلا خون دیکھتی ہے یا دس دن خون کے ساتھ حیض کی بدبو پاتی ہے اور باقی مہینہ بدبو نہیں پاتی و پہلی مثال میں اس کا حیض سیاہ رنگ کا خون ہے اور دوسری مثال میں گاڑھا خون حیض کا ہے اور تسری مثال میں بدبودار اس کا حیض ہے اور جو اس کے علاوہ ہے وہ استحاضہ کا خون ہوگا۔جس طرح نبی کریم صلی اللہ علیہ وسلم نے فاطمہ بنت ابی جیش رضی اللہ عنہ سے فرمایا تھا۔

“إذا كان دم الحيضة فانه أسود يعرف فاذا كان ذلك فامسكى عن الصلاة فاذا كان الأ خوفتوضنى وصلى فانما هو عرق”

[دیکھو سنین ابی داؤد کتاب الطھارۃ باب اذا اقبلت الحیضتہ تدع الصلاۃ رقم(286)

سنین نسائی الطھارۃ باب الفرق بین دم الحیض والاستحاضہ رقم (215)(216)_(133/1)

مستدرک حاکم (174/1) امام حاکم نے کہا ہے” صحیح علی شرط المسلم “امام ذھمی نے حاکم کی  موافقت کی ہے اور امام ابن حبان نےاسے صحیح قرار دیا ہے (1345) یہ حدیث صحیح ہے تفصیل کے لئے۔

اروا الغلیل(2231/1)(204) اور سنین ابی داؤد(52/2)(285) ملاحظہ ہو۔]

” اگر حیض کا خون ہوگا تو وہ سیاہ معروف ہوگا لہٰذا تم اس خون میں نماز سے روک جاؤ اور اگر اس کے برعکس دوسری طرح کا (خون) ہو تو تم وضو کر کے نماز پڑھو کیونکہ وہ رگ ہے ۔”

 ” عرق ” سے مراد عاذل نامی رگ ہے۔جس سے بکثرت خون جاری ہوتا ہے جو استحاضہ کی علامت ہوتی ہے۔ (اس مزکورہ حدیث سے معلوم ہوا کہ استحاضہ والی عورت خون کے اوصاف کا اعتبار کر کے حیض اور عدم حیض کے درمیان تفریق کرے گی۔)

( اس حدیث کو امام ابو داؤد اور نسائی نے روایت کیا ہے اور امام ابن حبان و امام حاکم نے اسے صحیح قرار دیا ہے۔)

اور یہ حدیث ( اگرچہ اس کی سند اور متن محل نظر ہے ) اس پر اہل علم نے عمل کیا ہے اور یہ حدیث اکثر عورتوں کی عادت کی طرف لوٹانے سے بہتر ہے ۔

 تیسری حالت:

 تیسری حالت یہ ہے کہ عورت کا حیض معلوم نہ ہو ( 1 ) اور نہ ہی یہ تمیز ہو سکے وہ اس طرح کہ استحاضہ کا خون جاری ہے جب سے اس نے خون دیکھا ہے اور خون ایک صفت یامختلف صفات کا حاصل ہو اور ممکن ہی نہ ہو حیض ہوگا اور خاتون اکثر عورتوں کی عادت کے مطابق عمل کرے گی ۔

 ہر مہینے کے چھ یا سات دن اس کا حیض ہوگا اور اس ( حیض ) کی ابتدا اس مدت کے اوائل سے ہوگی جس مدت میں اس نے خون دیکھا ہے ۔ اور اس کے علاوہ باقی ایام استحاضہ کے ہوں گے ۔

( 1 ) یعنی خاتون کو اپنی ماہواری کے ایام کا پتہ ہی نہ ہو یعنی پہلے سے اس کی کوئی عادت ہی نہ ہوں اور خون میں بھی کوئی ایسا وصف نہ پایا جاتا ہو جس کے ذریعہ حیض اور عدم حیض کے درمیان تفریق کر سکتی ہو تو ایسی خاتون ماہواری کی اکثر مدت ہر مہینے میں چھ یا سات دن حیض شمار کرے گی ۔ کیونکہ یہی اکثر عورتوں کی عادت ہوتی ہے۔

مثال:

 اس کی مثال ہے کہ عورت مہینہ کے پانچویں دن کے شروع میں خون دیکھتی ہے اور اسے خون جاری رہتا ہے بغیرکسی ایسی تمیز کے جو (تمیز) حیض کے لئے صحیح ہو نہ ہی رنگ کے ساتھ اور نہ ہی رنگ کے علاوہ کسی دوسری چیز کے ساتھ ( حیض کی تمیز ہو سکے) تو اس کا حیض ہر  مہینے کے چھٹے یا ساتویں دن ہوگا وہ ہر مہینے کے پانچویں دن ابتداء کرے گی جیسے کہ سیدہ حمنہ بن  جحش رضی اللہ عنھا کی حدیث ہے ۔

 وہ فرماتی ہیں : اے اللہ کے رسول صلی اللہ علیہ وسلم مجھے بہت شدت و کثرت سے استحاضہ کا خون بہتا ہے

 آپ کی اس بارے کیا رائے ہے یقیناً استحاضہ نے مجھے نماز اور روزوں سے روک دیا ہے ۔

تو آپ صلی اللہ علیہ وسلم نے فرمایا:

“أنعت لک الكرسف فانه يذهب الدم”

 میں آپ کو “کرسف” رکھنے کا طریقہ بتاتا ہوں اس سے خون چلا جائے گا .

[کرسف “ سے مراد : روئی ہے اور آج کے زمانے میں پائے جانے والے طبی کئیر فری ( Carefree ) کا استعمال بھی ممکن ہے اور اس روئی کو خاتون شرمگاہ پر رکھے گی ۔]

 تو انہوں نے کہا: یہ تو اس سے بھی زیادہ ہے ۔

 اور اسی روایت میں ہے کہ آپ نے فرمایا:

“إنما هذا ركضة من ركضات الشيطان فتحضی ستة أيام أو سبعة أيام في علم الله تعالى ثم اغتسلی حتی إذ ارأيت أنك قد طهرت و استقيت فصلی أربعة وعشرين أو ثلاثا و عشرين ليلة وأيامها و صومی “ (الحدیث) 

یہ شیطان کے دھکوں میں سے ایک دھکا ہوتا ہے لہذا یہ چھ دن یا سات دن حیض کے گزارو ( جواللہ کے علم میں ہے ) غسل کرو یہاں تک کہ جب یہ دیکھو کہ آپ پاک ہوگئی ہیں اور حیض سے صاف ستھری ہو گئی ہیں تو 23 یا 24 دن رات نماز پڑھو اور روزہ رکھو۔

[ دیکھو : مسند أحمد ( 439/6 ) سنن أبي داود (  287) ( 289 ) جامع ترمذی ( 128 ) سنن ابن ماجه ( 628 ) یہ روایت صحیح ہے مزید تفصیل کیلئے صحیح سنن أبي داود ( مفصل ) ( 67/1 ) ( 293 ) اور ” إرواء الغليل(202/1 ) ( 188 ) دیکھیں۔]

 اس حدیث کو امام احمد ابو داود اور ترمذی رحھم اللہ نے روایت کیا ہے اور امام ترمذی نے اسے صحیح کہا ہے اور انہوں نے امام احمد سے اس کی تصحیح کی اور امام بخاری سے اس کی تحسین نقل کی ہے.

[ ملاحظہ کریں : ” جامع الترمذی ” ( 338/1 )]

 آپ ﷺ کا فرمان ہے:

 “ستة أيام أو سبعة” یہ تخییر کے لیے نہیں ہے یہ اجتھاد کے لیے ہے لہذا وہ خاتون دیگر خواتین کو دیکھے  گی جو اسکی حالت کے زیادہ قریب ہوں وہ اس طرح کہ جو اسکی خلقت کے مشابہ ہو اور عمر اور رشتہِ کے اعتبار سے اس خاتون کے قریب ہو اور یہ بھی دیکھیے گی کے اسکا خون حیض کے زیادہ قریب ہے اور اس طرح دوسرے اعتبارات کو بھی مد  نظر رکھے گی لہٰذا  اگر چھ دن زیادہ مناسب ہوں گے تو وہ چھ دن بنائے گی اور اگر سات دن زیادہ مناسب ہوں گے تو سات دن بنائے گی.

(۱) تو استحاضہ خاتون کی یہ تین حالتیں ہیں جن کا خلاصہ یہ ہے.

۱. صاحب عادت خاتون: صاحبِ عادت عورت اپنے معاملہ کو اپنے عادت پر محمول کریگی یعنی اپنے سابقہ عادت کے ذریعہ حیض اور عدم حیض میں تفریق کریگی _

۲. صاحبِ تمییز خاتون: حیض اور استحاضہ کے خون میں تفریق و تمیز پر اعتماد کرتے ہوئے عمل کریگی کیونکہ سیاہ گاڑھے بدبودار خون کا حیض ہونا زیادہ قریب ہے بنسبت سرخ خون کے’

۳. عورتوں کی عمومی عادت:: ایسی عورت جو نہ تو صاحبِ عادت ہو اور نا ہی صا حب تمییز ہو وہ چھ یا سات دن ہر مہینے میں حیض شمار کریگی اور یہ چھ یا سات دن اختیار کے نہیں بلکہ اجتہاد کے ہیں ان دنوں میں  جو  بھی حیض سے قریب تر ہونگے اسکو حیض شمار کریگی اور باقی استحاضہ  شمار کریگی تو اس طرح مستحاضہ خاتون کے متعلق آپ صلی اللہ علیہ وسلم سے ثابت شدہ تینوں حدیث میں  تطبیق   ہو جاتی ہے}