06C. ISTEHADHA KE AHKAAM

استحاضہ کے احکام

 

جو بحث پہلے گزر چکی ہے اس سے ہم نے پہچان لیا ہے کہ کب خون حیض ہوتا ہے اور کب استحاضہ ہوتا ہے جب حیض کا خون ہوگا تو اسکے لیے حیض کے احکام ثابت ہونگے اور جب استحاضہ کا خون ہوگا تو اس کیلئے استحاضہ کے احکام ثابت ہونگے حیض کے اہم احکام کا تذکرہ پیچھے ہو چکا ہے اور باقی رہے استحاضہ کے احکام “طهر”  کے احکام کے مانند  ہیں_ مستحاضہ عورت اور طاہرہ عورت کے درمیان ما سوائے مندرجہ ذیل احکام کے کوئی فرق نہیں ہے.

 

پہلا حکم: ہر نماز کیلئے وضوکرنا

 

 مستحاضہ کیلئے ہر نماز کے وقت وضو کرنا واجب ہے جیسا کہ نبی صلی اللہ علیہ وسلم نے سیّدہ فاطمہ بنتِ حبیش سے فرمایا تھا:

“ثم  توضنى لكل صلاة”

(پھر ہر نماز کیلئے وضو کرو)

[ ديكهو صحيح البخاري كتاب الوضوء باب غسل الدم(٣٣٨)(١/٣٩٦)]

 

اسے امام بُخاری نے ” باب غسل الدم”  میں روایت کیا ہےاس کا  مطلب یہ ہے کہ عورت ایسی نماز جس کا وقت مقرر ہے جب اس کا وقت ہوگا تو اس وقت ہی وضو کریگی اور جس نماز کا وقت مقرر نہیں ہے تو جب وہ نماز پڑھنے کا ارادہ کریگی وہ وضو کریگی .

(یعنی جب فرض نماز کا وقت ہوگا تو اسی وقت وضو کریگی لیکن جب نفل نماز پڑھنے کا ارادہ کرے تو وضو کر کے پڑھ لے گی)

 

 

  دوسرا حکم:  خون کے نشان دھونا

 

 عورت جب وضو کریگی تو وہ خون کے اثرات دھوئیگی اور شرمگاہ پر کاٹن کی پٹی باندھے گی تاکہ خون رک جائے جیسا کہ آپ صلی اللہ علیہ وسلم سیّدہ حمنہ بنتِ حبیش سے فرمایا تھا:

“انعت لك الكرسسف فانه يذهب الدم “

 

[ دیکھو مسند احمد (۶/۴۳۹)ابو داود (٢٨٧)ترمزىى (١٢٨)ابن ماجة (٦٢٨) صحيح تفصيل  کے لئے الارواء (١/٢٠٢) ملاحظہ کریں}

 

{ میں آپکو روئ رکھنے کا طریقہ  بتاتا ہوں  اس سے خون جاتا رہیگا}

اُنہونے کہا ہو وہ اس سے بھی زیادہ ہے.

تو آپ صلی اللہ علیہ وسلم نے فرمایا : “کپڑا رکھ لو “

تو اُنہوں نے عرض کیا  یہ اس سے کہیں زیادہ ہے تو آپ صلی اللہ علیہ وسلم نے فرمایا تو آپ لنگوٹ کس لو؛(الحدیث)

لنگوٹ باندھنے کے بعد جو بھی اس کی شرمگاہ سے خون جاری رہیگا وہ مضر نہیں ہوگا جس طرح آپ صلی اللہ علیہ وسلم نے فاطمہ بنت حبیش سے فرمایا تھا:

“اپنے حیض کے ایام میں نماز سے اجتناب کرو پھر غسل کرو اور ہر نماز کیلئے وضو کرو پھر نماز پڑھو اگرچہ خون کے قطرے چٹائی پر ہی کیوں نہ گرے.” 

   [دیکھیں مسند احمد(٦/٤٢-٢٠٤-٦٢٦٢) ابن ماجہ رقم(٦٢٤)(١/٣٤٥) آخری جملہ(و ان قطر الدم على االحصير )    کے علاوہ باقی حدیث صحیح ہے  تفصیل کیلئے دیکھے نصب الرایہ(۱/۲۰۰۱) ارواء الغلیل (١/١٤٦)(١٠٩) اور مفصّل  سنن ابی داود(۱/۱۰۰)رقم (۳۱۵)]

 

          تیسرا حکم جماع

 

جب آدمی کو ترک جماع سے زنا کا خوفِ نہ ہو  تو اس جماع کے جواز میں علماء نے اختلاف کیا ہے  صحیح بات یہ ہےکہ جماع کرنا مطلق طور پر جائز ہے کیونکہ آپ صلی اللہ علیہ وسلم کے زمانے میں بہت ساری خواتین تقریباً دس یا اس سے زیادہ استحاضہ کی مرض میں مبتلا ہوئی مگر اللہ اور اس کے رسول صلی اللہ علیہ وسلم نے ان کے ساتھ جماع کرنے سے منع نہیں کیا .

اللہ تعالیٰ کا فرمان ہے:

(فَاعُتَزِلُوُالنِسَاءَفِىْ الْمَحِىْض)

“حالتِ حیض میں عورتوں سے الگ رہو ؛

[دیکھو سورۃ البقر ہ آیت نمبر ۲۲۲]

 

اس بات پر دلیل ہے کے ایّام حیض کے سوا خواتین سے الگ ہونا واجب نہیں ہے اور دوسری بات جب استحاضہ کی حالت میں نماز پڑھنا جائز ہے تو جماع اس سے زیادہ آسان ہے اور مستحاضه کے جماع کا قیاس حائضہ کے جماع  پر کرنا صحیح نہیں ہے کیونکہ ( مستحاضه اور حائضہ) برابر نہیں ہے حتٰی کہ جو حرمت کے قائل ہیں (۲) اُنکے یہاں بھی یے برابر نہیں ہے اور یہ قیاس مع الفارق ہے جو کہ صحیح نہیں ہے (۳)

#۲ حرمت کے قائل سے مراد جو کہتے ہیں حالتِ استحاضہ میں جماع حرام ہے اُنکے نزدیک بھی استحاضہ اور حائضہ میں فرق ہے اور یہ دونوں مساوی نہیں ہیں}

#۳ قیاس مع الفارق سے مراد یہ ہے کہ مقیس علیہ (حائضہ) جس پر قیاس کیا جا رہا ہے جسکا مفہوم کچھ ہے اور مقيس (مستحاضه) جسکو قیاس کیا جا رہا اسکا مفہوم کچھ اور ہے اور  ان کے درمیان علّت بھی متحدہ نہیں ہے  لہٰذا دونوں میں فرق ہے اسلئے مستحاضہ کے جماع کا قیاس حائضہ کے جماع کے ساتھ کرنا درست نہیں ہے}

 

 

حوالہ جات:

کتاب:  “نسوانی طبی خون کے احکام۔”

تالیف:  شیخ محمد بن صالح العثیمین (رحمة الله)۔

اردو ترجمہ:  حافظ ریاض احمد حفظ اللہ۔