25. Hazrat Salim Bin Abdulah Bin Umar (رحمہ اللہ)
Hazrat Salim Bin Abdulah Bin Umar (رحمہ اللہ)
|
Aalim ba amal Hazrat Salim Qaabil-e-Aitemaad kasrat say Hadees riwaayat karne waalay buland martabah aur muttaqi insaan thay. (Ibn-e-S’aad) |
Hum Farooq-e-Azam (رضي الله عنه) kay daur se guzar rahay hain.
Madinah tu Rasool mein is maal ganeemat kay dheer lagay huye hein jo Iran kay aakhri badshah Yazdgar ki saltanat kay khatmay par muslmanoon kay hath aaya.
Is mein Irani badshaahoon kay heeray juday taaj bhi thay.
Motiyon se aarastah libaas aur Yaqoot-o-Marjaan se muzayyan ki gayi aisi talwaarein bhi thi jo is se pehlay kisi ne dekhi nahi thi.
Ankhon ko khairah kar denay kay beshqeemat khazaanon kay ilawah Irani qaidiyon ki aik bohat badi taa’dad bhi madeenay mein lai gayi, Is se pehlay naa to itnay qaidi Madinah Munawwarah mein dekhay gaye aur naa hi siyaasi aitebaar se madinay ki itni badi Shaan-o-Shokat ka kabhi mushahidah kiya gaya. In qaidiyon mein Shah-e-Iran Yazdajar ki teen Haseen-o-Jameel betiyaan bhi thein.
Un mein se aik beti ne Aal-e-Rasool (علیہ السلام) mein se Hazrat Hussain Bin Ali (رضي الله عنه) ko apnay khawand kay taur par pasand kiya aur Hazrat Zain ul Aabideen ko janam diya.
Doosri ne Hazrat Muhammad Bin Abu Bakar Siddique (رضي الله عنه) ko apna sar taaj banaaya aur us se Hazrat Qasim paidah huye jo saat Fuqaha-e-Madinah mein se aik thay.
Aur teesri ne Abdullah Bin Umar (رضي الله عنه) ko apnay liye muntakhib kiya us se Farooq-e-Azam (رضي الله عنه) kay potay Salim paidah huye jo hoo bahoo Farooq-e-Azam (رضي الله عنه) kay mushabeh thay.
Aaiyye ab hum aap ko Hazrat Salim Bin Abdullah Bin Umar Bin Khattaab (رحمہ اللہ) ki zindagi ki aik jhalak dikhatay hein.
Hazrat Salim Bin Abdullah Rasool-e-Aqdas (ﷺ) kay dar hijrat aur maqaam Aman-o-Sakoon Madinah Munawwarah ki purkashish fizaa mein paidah huye. Aur Nabuwwat ki mehakti hui aur Wahi ki raushni se damakti hui fizaaon mein parwan chadhay.
Apnay Zahid, Abid, Rozah dar aur shab zindah dar waalid ki nigraani mein tarbiyat hasil ki aur Hazrat Umar (رضي الله عنه) kay akhlaaq-o-kirdaar ko apnaaya.
Waalid mohtaram ne apnay is betay mein is kay doosray bhaiyyon ki nisbat taqway aur rushd ki alamatein dekhein us kay tarz amal se Islam ki Sifaat-o-Khususiyat ka mushahidah kiya. Aur Qurani ikhlaqiyat par usay amal paira dekha. To un kay dil mein apnay is betay ka pyar ghar kar gaya. Is par is qadar fareeftah thay keh baa’z ahbaab ne in par tanqeed bhi ki pehlay aap ne khud apnay betay ko woh hadees ka ilm sikhlaya jo un kay seenay mein mehfooz tha.
Deen Ilahi mein tadabbur ka aadi banaya.
Kitaab-e-Ilahi kay noorani ilm se betay ka seena munawwar kiya.
Phir mazeed ilm hasil karnay kay liye Masjid Nabwi mein bhej diya.
Masjid Nabwi un dinon bohot se Jaleel ul qadar Sahabah Kiram (رضي الله عنهم) se aabaad thi jab bhi is nojawan ne Masjid Nabwi kay kisi goshe ki taraf qadam badhaya, Apnay samnay aik aise sitaray ko dekha jo Nabuwwat ki ziyala pashiyon se jagmaga raha hota. Aur risalat ki mehak se m’oatar hota.
Jis taraf bhi us ne apni nigah uthai ya kaan dhara us taraf hi Khair-o-Barkat ko dekha aur naiki ki baat suni is tarah usay Jaleelul qadar Sahabah Kiram (رضي الله عنهم) mein se Hazrat Abu Ayyub Ansari (رضي الله عنه), Hazrat Abu Hurairah (رضي الله عنه), Hazrat Abu Rafay’, Hazrat Abu Lababtah’, Hazrat Zaid Bin Khattab (رضي الله عنهم) aur apnay walid mohtaram Hazrat Abdullah Bin Umar (رضي الله عنه) se faiz hasil karnay ka mauqa mayassar aaya is tarah yeh musalmaanon ki aik azeem shakhsiyaat ban gaye.
Aur Tab’aeen Kiram (رحمہم اللہ) kay sardaar kehlaye.
Fuqaha-e-Madinah mein se yeh aik thay jin ki taraf musalman Deeni-o-Duniyawi mushkil tareen masail dariyaft karnay kay liye rujoo’ kiya kartay thay. Tamaam governeron ka apnay qaziyon ko yeh hukm tha keh jab bhi koi muqaddimah un kay saamnay laaya jaye to us ka faisla denay se pehlay fuqha-e-Madinah ki khidmat mein pesh kiya jaayen.
Jab qaziyon kay paas koi muqadmah laaya jata to pehlay sab mil kar us par Ghor-o-Khoz kiya kartay phir fuqaha-e-Madinah ki raaye kay mutaabiq is ka faisla detay.
Woh governor naseeb aur qismat kay aitebaar se Qaabil-e-Rashk aur khush bakht samjha jaata, Log us se dili mohabbat kartay, Khalifat ul muslimeen kay nazdeek qaabil aitemaad tasawwur kiya jata.
Jo har kaam nimtaane kay liye Hazrat Salim Bin Abdullah se mashwarah karta aur us ki Tajweez-o-Taujihaat ko tarjeeh deta. Jo governor Hazrat Salim (رحمہ اللہ) kay mashwaray ko tasleem na karta Madinah Munawarah kay baashinde us kay khilaaf ho jatay.
Jaisa keh Yazeed Bin Abdul Malik kay Daur-e-Khilafat mein Abdul Rehman Bin Zahhak Madinah ka governor bana. Hazrat Hussain (رضي الله عنه) ki beti Fatima bewah ho gayeen (Allah us ki rooh ko Jannat mein taro taazah rakhay) Woh apni aulad ki dekh bhaal mein masroof ho gayi.
Governor Ibn Zahhak ne us se shadi karnay ka paigham bheja us ne farmaaya: Bakhudaa main shaadi ka iradah nahi rakhti main to saari umar apni aulad ki Parwarish-o-Tarbiyat mein guzaar dungi us ki taraf se israar jaari raha aur aap badastoor inkar karti rahein. Lekin inkaar ka andaaz dheema raha takeh us kay shar se mehfooz raha jaye, Jab us ne musalsal inkaar suna to taish mein aa kar kaha, Agar tum ne mera mutalbah tasleem na kiya to main teray baday bete par tashaddud karunga.
Aur us par koi ghinaona ilzaam ayed kar kay usay kodon se ibratnaak saza dunga. Yeh sun kar aap bohot ghabraaein aur Faqeeh Madinah Hazrat Salim Bin Abdullah se mashwarah kiya. Unho ne farmaya: Khalifatul muslimeen Yazeed Bin Abdul mulk ko governor kay khilaaf yeh shikayat likh kar bhej de aur is khat mein Rasul-e-Aqdas (ﷺ) se apni qurabatdaari aur Ahl-e-Bait ki rukniyat ka tazkirah zaroor karna. Unho ne yeh mashwarah suntay hi khat likha aur qaasid ko yeh khat de kar Damishq rawaana kar diya.
Qareeb tha keh yeh qaasid khat lay kar Damishq ki taraf rawana hota keh Khalifat ul muslimeen Yazeed Bin Abdul Malik ne Madinah Munawwarah mein baitul maal kay ameen Ibn Hurmuz ko paigham bheja keh woh hisaab lay kar pehli fursat mein Damishq pohchay.
Ibn Hurmuz Ahl-e-madinah kay haqooq ada kar kay unhein alwida’ kehta hua Damishq ki taraf rawaana hua jatay huye Hazrat Fatima ko salaam arz kiya aur kaha keh main Damishq jaa raha hun koi meray laiq khidmat ho to banda usay baja lanay ko apnay liye sa’adat samjhay ga.
Hazrat Fatima ne farmaaya: Haan Ameer ul Momineen ko apnay governor kay kurtoot bata dena aur usay yeh bhi keh dena keh usay U’lmaye Madinah ki Izzat-o-Hurmat ka khayal bhi nahi aur khas taur par Hazrat Salim Bin Abdullah ki bhi koi parwah nahi, Yeh sun kar Ibn Hurmuz ghabra gaya aur apnay aap ko malaamat karnay laga keh main jatay huye kis musibat mein phans gaya ab governor Ibn Zahhak kay khilaaf yeh shikayat Khalifah kay darbaar mein kis tarah pesh karunga. Agar bataaon to mushkil, Na bataaon to mushkil na jaye raftan na paye mandan.
Baitul maal ka ameen Ibn Hurmuz usi din pohcha jis din qaasid Hazrat Fatima Bint-e-Hussain (رضي الله عنها) ka khat lay kar pohcha tha. Jab Ibn Hurmuz Khalifah kay paas pohcha to usnay madinah kay halaat dariyaft kiye. Hazrat Salim Bin Abdullah aur deegar Fuqaha Madinah ka haal Puchaa aur kaha koi aur Qaabil-e-Zikar khabar ho to bataiye, Ya koi aisa waqiyah ronuma hua ho jis ka humaray ilm main aana zaroori ho to bataiyye?
Ibn Hurmuz ne Hazrat Fatima bint Hussain ki shikayat ka koi tazkirah na kiya aur na hi fuqaha madinah Salim Bin Abdullah ka governor kay mutalliq moqaf bataya, Abhi woh Khalifah kay paas baithaa hisaab dikhla raha tha keh darbaan ne haazir ho kar kaha Allah Ameer ul Momineen ki hifaazat karay aur humaray saron par aap ka saaya daraaz ho.
Darwazay par Hazrat Fatima Bint-e-Hussain (رضی اللہ عنہا) ka qaasid mulaaqat ki ijazat chahtaa hai.
Yeh sun kar Ibn Hurmuz kay chehray ka rang faq ho gaya woh bola Ameer ul Momineen ka saaya daraaz ho.
Hazrat Fatima Bint Hussain ne mujhe bhi aap kay naam aik paigham diya tha, Jab us ki baat suni to ghussay se takht se neechay utray aur kaha:
Tera kuch na rahay, Jab main ne Madinay kay halaat puchay tu ne yeh itni aham khabar mujhe kyun na batayi, Arey kambakhat isay kyun chhupaye rakhaa?
Us ne bhool jane ka bahana pesh kiya.
Qaasid ko andar aanay ki ijaazat di gayi. Khat us se liya, Khola aur padhna shuru kiya. Ghussay se chehrah aur aankhein surkh honay lageen, Zameen par hhadi martay huye kehnay lagay:
Ibn Zahhak ki Aal-e-Rasool (علیہ السلام) kay sath yeh jurrat aur phir Hazrat Salim Bin Abdullah ki nasihat ko bhi darkhor ae’atanaa nahi samjhaa.
Aur ghazabnaak awaaz mein irshad farmaaya: kya Madinah mein koi aisa shakhs hai jo is kambakhat ko aisi dardnaak saza de keh us ki Cheekh-o-Pukaar mujhe yahan Damishq mein apnay bistar par letay huye sunayi de.
Aap ko bataya gaya Ameer ul Momineen, haan aik shakhs maujood hai jis ka naam Abdul Wahid Bin Bashar Nazri hai woh aaj kal Taif mein rihaaish pazeer hai yeh sun kar Khalifah ne farmaaya:
Haan Allah ki qasam woh waqayi is mansab kay layeq hai.
Phir aik kaaghaz mangwaaya aur apnay hath se usay yeh khat likha: Ameer ul Momineen Yazeed Bin Abdul Malik ki jaanib se Abdul Wahid Bin Bashar Nazri ki taraf.
Assalam-0-Alaikum.
Main ne aap ko Madiney ka governor muqarrar kiya hai.
Jab tujhay mera yeh khat milay foran Madinah pohoch kar Ibn Zahhak ko m’azool kar dena. Us par chalees hazar deenaar tawaan aayad karnay kay ilawa is qadar sakht saza dena keh us ki Cheekh-o-Pukaar mujhe yahan sunayi de.
Dakiye ne sarkaari khat liya aur Madinay kay raastay Taif ki taraf badi tezi se safar shuru kar diya, Jab yeh dakiya Madinay pohcha to governor Ibn Zahhak kay paas nahi gaya aur na hi usay salaam kaha.
Governor ko khatka mehsoos hua. Dakiye ki taraf paigham bheja aur usay apnay ghar bulayaa. Aamad ka sabab puchaa, Us nay kuch batanay se guraiz kiya, Governor ne apnay bistar ki chaadar ka aik kona uthayaa aur kaha dekho yeh thaili denaaron se bhari hui hai, Is mein hazaar deenaar hain agar tum mujhe apni aamad ka maqsad bata do aur yeh bata do keh is khat mein kya likha hua hai to main yeh raaz kisi ko nahi bataunga aur yeh hazaar deenaar bhi tera hoga. Us ne lalach mein aa kar bata diya, Governor ne maal us kay hawalay kar diya aur yeh kaha keh sirf teen raatein aap yahaan theher jaayein us kay baad aap Taif rawana ho jana, Jahan janay ka aap ko sarkaari taur par hukm diya gaya hai.
Ibn Zahhak ne apni sawaari tayyar ki aur fori taur par Madinah se Damishq ki taraf rawaana hua, Jab wahan pohchaa to sab se pehlay Khalifat ul Muslimeen kay bhai Hazrat Muslimah Bin Abdul Malik kay ghar gaya, Yeh baday buland akhlaq, Naram tabiyat aur sakhi thay. Us se mil kar kaha: Janaab main aap ki madad chahta hun.
Farmaaya ghabraiye nahi kya hua?
Kaha Ameer ul Momineen aik laghzish ki binaa par mujhse intaqaam lenay par tulay huye hein jo mujh se ghalati se sar zard hui.
Hazrat Muslimah apnay bhai Yazeed kay paas gaye aur farmaaya: Ameer ul Momineen main aik zaroori kaam se aap kay paas aaya hun, Yazeed Bin Abdul Malik ne kaha aap ka har kaam hoga bashart yeh keh Ibn Zahhak kay baray mein naa ho.
Farmaaya: Bakhuda main to us kay liye aaya hun.
Khalifah ne Kaha Allah ki qasam main usay kabhi m’aaf nahi karunga.
Puchaa us ka gunah kya hai?
Kaha us ne Fatima Bint Hussain ko daant pilai hai uasy dhamkiyaan di hain. Aur phir Fuqaha-e-Madinah Hazrat Salim Bin Abdullah ki nasihat ko bhi nahi maana, Madinah kay tamaam shairah is ki hajoo mein shair keh rahay hain. Tamaam Saleh ulama us kay a’yoob ka tazkirah kar rahay hain. Yeh sun kar Muslimah farmanay lagay agar yeh baat hai to main sifaarish nahi karta, Aap jaise chaahein faisla karein.
Yazeed Bin Abdul Malik ne kaha usay aap hukm dein keh fori taur par Madinah wapis chala jaye, Meri nazron kay saamnay aaye aur wahaan jatay hi naye governor ko ikhtiaraat supurd kar de taa keh aanay walay governor is se ibrat haasil karein.
Ahl-e-Madinah naye governor ki taqarri par bohot khush huye aur unhein yeh dekh kar be intehaa khushi hui keh naya governor har kaam Hazrat Qasim Bin Muhammad Bin Abu Bakar aur Hazrat Salim Bin Abdullah Bin Umar (رحمہ اللہ) kay mashwaray se karta hai.
Khalifat ul Muslimeen Hazrat Yazeed Bin Abdul Malik ko Mubarak baad ho keh us ne yeh faislah saadir kar kay tareekh mein apna naam ujaagar kar liya.
Jaleel ul qadar taab’ee Hazrat Salim Bin Abdullah Bin Umar Bin Khitab (رحمہ اللہ) se aik aur mulaaqat aaindah satoor mein karenge.
REFERENCE:
Book: “Hayat-e-Taba’een kay Darakhsha pahelo”
Taleef : Dr. Abdur Rahman Rafat Al- Pasha.
Urdu Translation : By Professor Mehmood Ghaznofer
حضرت سالم بن عبد اللّٰہ بن عمر رضی اللّٰہ عنہ
عالم باعمل
حضرت سالم قابل اعتماد کثرت سے حدیث روایت کرنے والے بلند مرتبہ اور متقی انسان تھے۔
ابن سعد
ہم فاروق اعظم رضی اللّٰہ کے دور سے گزر رہے ہیں –
مدینۃ الرسول میں اس مال غنیمت کے ڈھیر لگے ہوئے ہیں جو ایران کے آخری بادشاہ یزدگر کی سلطنت کے خاتمے پر مسلمانوں کے ہاتھ آیا –
اس میں ایرانی بادشاہوں کے ہیرے جڑے تاج بھی تھے موتیوں سے آراستہ لباس اور یا قوت و مرجان سے مزین کی گئی ایسی تلواریں بھی تھیں جو اس سے پہلے کسی نے دیکھی نہیں تھیں –
آنکھوں کو خیرہ کر دینے کے بیش قیمت خزانوں کے علاوہ ایرانی قیدیوں کی ایک بہت بڑی تعداد بھی مدینے میں لائی گئی اس سے پہلے نہ تو اتنے قیدی مدینہ منورہ میں دیکھے گئے اور نہ ہی سیاسی اعتبار سے مدینے کی اتنی بڑی شان و شوکت کا کبھی مشاہدہ کیا گیا – ان قیدیوں میں شاہ ایران یزوگر کی تین حسین و جمیل بیٹیاں بھی تھیں –
ان میں سے ایک بیٹی نے آل رسول علیہ السلام میں سے حضرت حسین بن علی رضی اللّٰہ عنہ کو اپنے خاوند کے طور پر پسند کیا اور حضرت زین العابدین کو جنم دیا –
دوسری نے حضرت محمد بن ابو بکر صدیق رضی اللّٰہ عنہ کو اپنا سر تاج بنایا اور اس سے حضرت قاسم پیدا ہوئے جو سات فقہائے مدینہ میں سے ایک تھے –
اور تیسری نے عبداللّٰہ بن عمر رضی اللّٰہ عنہ کو اپنے لیے منتخب کیا اس سے فاروق اعظم رضی اللّٰہ عنہ کے پوتے سالم پیدا ہوئے جو ہو بہو فاروق اعظم رضی اللّٰہ کے مشاہبہ تھے-
آئیے اب ہم آپکو حضرت سالم بن عبداللّٰہ بن عمر بن خطاب رضی اللّٰہ عنہ کی زندگی کی ایک جھلک دیکھاتے ہیں-
حضرت سالم بن عبداللّٰہ رضی اللّٰہ عنہ رسول اقدس ﷺ کے دار ہجرت اور مقام امن و سکون مدینہ منورہ کی پر کشش فضا میں پیدا ہوئے- اور نبوت کی مہکتی ہوئی اور وحی کی روشنی سے دمکتی ہوئی فضاؤں میں پروان چڑھے – اپنے زاہد, عابد, روزہ دار اور شب زندہ دار والد کی نگرانی میں تربیت حاصل کی اور حضرت عمر رضی اللّٰہ عنہ کے اخلاق و کردار کو اپنایا-
والد محترم نے اپنے اس بیٹے میں اس کے دوسرے بھائیوں کی نسبت تقوے اور رشد کی علامتیں دیکھیں اس کے طرز عمل سے اسلام کی صفات و خصوصیات کا مشاہدہ کیا -اور قرآنی اخلاقیات پر اسے عمل پیرا دیکھا-
تو ان کے دل میں اپنے اس بیٹے کا پیار گھر کر گیا -اس پر اس قدر فریفتہ تھے کہ بعض احباب نے ان——- کی پہلے آپ نے خود اپنے بیٹے کو وہ حدیث کا علم سکھایا جو اس کے سینے میں محفوظ تھا –
دین الٰہی میں تدبر کا عادی بنایا-
کتاب الٰہی کے نورانی علم سے بیٹے کا سینہ منور کیا-
پھر مزید علم حاصل کرنے کے لیے مسجد نبوی میں بھیج دیا-
مسجد نبوی ان دنوں بہت سے جلیل القدر صحابہ کرام رضی اللّٰہ عنہ سے آباد تھی جب بھی اس نوجوان نے مسجد نبوی کے کسی گوشے کی طرف قدم بڑھایا اپنے سامنے ایک ایسے ستارے کو دیکھا جو نبوت کی ضیاء پاشیوں سے جگمگا رہا ہوتا -اور رسالت کی مہک سے معطر ہوتا-
جس طرف بھی اس نے اپنی نگاہ اٹھائی یا کان دھرا اس طرف ہی خیرو برکت کو دیکھا اور نیکی کی بات سنی اس طرح اسے جلیل القدر صحابہ کرام رضی اللّٰہ عنہ میں سے حضرت ابوایوب انصاری رضی اللّٰہ عنہ, حضرت ابوھریرۃ رضی اللّٰہ عنہ حضرت ابورافع رضی اللّٰہ عنہ, حضرت ابو لبابتہ رضی اللّٰہ عنہ, حضرت زید بن خطاب رضی اللّٰہ عنہ اور اپنے والد محترم حضرت عبداللّٰہ بن عمر رضی اللّٰہ عنہ سے فیض حاصل کرنے کا موقع میسر آیا اس طرح یہ مسلمانوں کی ایک عظیم شخصیت بن گئے –
اور تابعین کرام رضی اللّٰہ عنہ کے سردار کہلائے-
فقہائے مدینہ میں سے یہ ایک تھے جن کی طرف مسلمان دینی و دنیاوی مشکل ترین مسائل دریافت کرنے کے لیے رجوع کیا کرتے تھے –
تمام گورنروں کا اپنے قاضیوں کو یہ حکم تھا کہ جب بھی کوئی مقدمہ ان کے سامنے لایا جائے – تو اس کا فیصلہ دینے سے پہلے فقہائے مدینہ کی خدمت میں پیش کیا جائے –
جب قاضیوں کے پاس کوئی مقدمہ لایا جاتا تو پہلے سب مل کر اس پر غورو خوض کرتے پھر فقہائے مدینہ کی رائے کے مطابق اس کا فیصلہ دیتے-
وہ گورنر نصیب اور قسمت کے اعتبار سے قابل رشک اور خوش بخت سمجھا جاتا, لوگ اس سے دلی محبت کرتے خلیفتہ المسلمین کے نزدیک قابل اعتماد تصور کیا جاتا –
جو ہر کام نپٹانے کے لیے حضرت سالم بن عبداللّٰہ سے مشورہ کرتا اور اس کی تجاویز و توجیہات کو ترجیح دیتا- جو گورنر حضرت سالم رضی اللّٰہ عنہ کے مشورے کو تسلیم نہ کرتا مدینہ منورہ کے باشندے اس ک خلاف ہو جاتے-
جیسا کہ یزید بن عبدالملک کے دور خلافت میں عبدالرحمان بن ضحاک مدینے کا گورنر بنا – حضرت حسین رضی اللّٰہ عنہ کی بیٹی فاطمتہ بیوۃ ہو گئی (للّٰہ کی اس روح کو جنت میں تروتازہ رکھے, وہ اپنی اولاد کی دیکھ بھال میں مصروف ہو گئی –
گورنر ابن ضحاک نے اس سے شادی کرنے کا پیغام بھیجا اس نے فرمایا :
بخدا میں شادی کا ارادہ نہیں رکھتی میں تو ساری عمر اپنی اولاد کی پرورش و تربیت میں گزار دوں گی اس کی طرف سے اصرار جاری رہا اور آپ بدستور انکار کرتی رہیں – لیکن انکار کا انداز دھیما رہا تاکہ اس کے شر سے محفوظ رہا جائے جب اس نے مسلسل انکار سنا تو طیش میں آکر کہا, اگر تم نے میرا مطالبہ تسلیم نہ کیا تو میں تیرے بڑے بیٹے پر تشدد کروں گا – اور اس پر کوئی گھناؤنا الزام عائد کر کے اسے کوڑوں سے عبرتناک سزا دوں گا – یہ سن کر آپ بہت گھبرائیں اور فقیہہ مدینہ حضرت سالم بن عبداللّٰہ رضی اللّٰہ عنہ سے مشورہ کیا – انہوں نے فرمایا خلیفتہ المسلمین یزید بن عبدالملک کو گورنر کے خلاف یہ شکایت لکھ کر
بھیج دے اور اس خط میں رسول اقدس ﷺ سے اپنی قرابتداری اور اہل بیت کی رکنیت کا تزکرہ ضرور کرنا- انہوں نے یہ مشورہ سنتے ہی خط لکھا اور ایک قاصد کو یہ خط دے کر دمشق روانہ کر دیا –
قریب تھا کہ یہ قاصد خط لے کر دمشق کی طرف روانہ ہوتاکہ خلیفتہ المسلمین یزید بن عبدالملک نے مدینہ منورہ میں بیت المال کے امین ابن ھرمز کو پیغام بھیجا کہ وہ حساب لے کر پہلی فرصت میں دمشق پہنچے-
ابن ھرمز اہل مدینہ کے حقوق ادا کر کے انہیں الوداع کہتا ہوا دمشق کی طرف روانہ ہوا جاتے ہوئے حضرت فاطمتہ کو سلام عرض کیا اور کہا میں دمشق جا رہا ہوں کوئی میرے لائق خدمت ہو تو بندہ اسے بجالانے کو اپنے لیے سعادت سمجھے گا –
حضرت فاطمہ نے فرمایا ہاں امیرالمومنین کو اپنے گورنر کی کرتوت بتا دینا اور اسے یہ بھی کہہ دینا کہ اسے علمائے مدینہ کی عزت و حرمت کا خیال بھی نہیں اور خاص طور پر حضرت سالم بن عبداللّٰہ رضی اللّٰہ عنہ کی بھی کوئی پرواہ نہیں, یہ سن کر ابن ہرمز گھبرا گیا اور اپنے آپ کو ملامت کرنے لگا کر میں جاتے ہوئے کس مصیبت میں پھنس گیا اب گورنر ابن ضحاک کے خلاف یہ شکایت خلیفہ کے دربار میں کس طرح پیش کروں گا – بتاؤں تو مشکل نہ بتاوں تو مشکل نہ جائے رفتن نہ پائے ماندن-
بیت المال کا امین ابن ہر مز اسی دن پہنچا جس دن قاصد حضرت فاطمہ بنت حسین رضی اللّٰہ عنہ کا خط لے کر پہنچا تھا جب ابن ہرمز خلیفہ کے پاس پہنچا تو اس نے مدینہ کے حالات دریافت کیے حضرت سالم بن عبداللّٰہ اور دیگر فقہائے مدینہ کا حال پوچھا اورکہا کوئی اور قابل ذکر خبر ہو تو بتائیے, یا کوئی ایسا واقعہ رونما ہوا ہو جس کا ہمارے علم میں آنا ضروری ہو تو بتائیے؟
ابن ہر مز نے حضرت فاطمہ بنت حسین رضی اللّٰہ عنہ کی شکایت کا کوئی تذکرہ نہ کیا اور نہ ہی فقہیہ مدینہ سالم بن عبداللّٰہ رضی اللّٰہ عنہ کا گورنر کے متعلق موقف بتایا,
ابھی وہ خلیفہ کے پاس بیٹھا حساب دکھلا رہا تھا کہ دربان نے حاضر ہو کر کہا اللّٰہ امیرالمومنین کی حفاظت کرے اور ہمارے سروں پر آپ کا ساۂ دراز ہو –
دروازے پر حضرت فاطمہ بنت حسین رضی اللّٰہ عنہ کا قاصد ملاقات کی اجازت چاہتا ہے –
یہ سن کر ابن ہرمز کے چہرے کا رنگ فق ہو گیا وہ بولا امیرالمومنین کا سایہ دراز ہو –
حضرت فاطمہ بنت حسین رضی اللّٰہ عنہ نے مجھے بھی آپ کے نام ایک پیغام دیا تھا, جب اس کی بات سنی تو غصے سے تخت سے نیچے اترے اور کہا:
تیرا کچھ نہ رہے جب میں نے مدینے کے حالات پوچھے تو نے یہ اتنی اہم خبر مجھے کیوں نہ بتائی ارے کمبخت اسے کیوں چھپائے رکھا –
اس نے بھول جانے کا بہانہ پیش کیا-
قاصد کو اندر آنے کی اجازت دی گئی خط اس سے لیا کھولا اور پڑھنا شروع کیا غصے سے چہرہ اور آنکھیں سرخ ہونے لگیں, زمیں پر چھڑی مارتے ہوئے کہنے لگے –
ابن ضحاک کی آل رسول علیہ السلام کے ساتھ یہ جرات اور پھر حضرت سالم بن عبداللّٰہ رضی اللّٰہ عنہ کی نصیحت کو بھی در خوراعتناء نہیں سمجھا-
اور غضبناک آواز میں ارشاد فرمایا کیا مدینہ میں کوئی ایسا شخص ہے جو اس کمبخت کو ایسی دردناک سزا دے کہ اس کی چیخ و پکار مجھے یہاں دمشق میں اپنے بستر پر لیٹے ہوئے سنائی دے –
آپ کو بتایا گیا امیرالمومنین ہاں ایک شخص موجود ہے جس کا نام عبدالواحد بن بشر نضری ہے وہ آجکل طائف میں رہائش پذیر ہے یہ سن کر خلیفہ نے فرمایا –
ہاں اللّٰہ کی قسم وہ واقعی اس منصب کے لائق ہے-
پھر ایک کاغز منگوایا اور اپنے ہاتھ سے اسے یہ خط لکھا امیرالمومنین یزید بن عبدالملک کی جانب سے عبدالواحد بن بشر نضری کی طرف –
السلام علیک-
میں نے آپکو مدینے کا گورنر مقرر کیا ہے –
جب تجھے میرا یہ خط ملے فورا مدینہ پہنچ کر ابن ضحاک کو معزول کر دینا اس پر چالیس ہزار دینار تاوان عائد کرنے کے علاوہ اس قدر سخت سزا دینا کہ اس کی چیخ و پکار مجھے یہاں سنائی دے –
ڈاکیے نے سرکای خط لیا اور مدینے کے راستے طائف کی طرف بڑی تیزی سے سفر شروع کر دیا, جب یہ ڈاکیا مدینے پہنچا تو گورنر ابن ضحاک کے پاس نہیں گیا اور نہ ہی اسے سلام کہا-
گورنر کو کھٹکا محسوس ہوا- ڈاکیے کی طرف پیغام بھیجا اوا اسے اپنے گھر بلایا- آمد کا سبب پوچھا اس نے کچھ بتانے سے گریز کیا گورنر نے اپنے بستر کی چادر کا ایک کونہ اٹھایا اور کہا دیکھو یہ تھیلی دیناروں سے بھری ہوئی ہے اس میں ہزار دینار ہیں اگر تم مجھے اپنی آمد کا مقصد بتا دو تو اور یہ بتادو کہ اس خط میں کیا لکھا ہوا ہے تو میں یہ راز کسی کو نہیں بتاؤں گا اور یہ ہزار دینار بھی تیرا ہو گا اس نے لالچ میں آکر بتادیا گورنر نے مال اس کے حوالے کر دیا اور یہ کہا کہ صرف تین راتیں آپ یہاں ٹھہرجائیں اس کے بعد آپ طائف روانہ ہو جانا جہاں جانے کا آپ کو سرکاری طور پر حکم دیا گیا ہے –
ابن ضحاک نے اپنی سواری تیار کی اور فوری طور پر مدینہ سے دمشق کی طرف روانہ ہوا جب وہاں پہنچا تو سب سے پہلے خلیفہ المسلمین کے بھائی حضرت مسلمہ بن عبدالملک کے گھر گیا یہ بڑے بلند اخلاق, نرم طبیعت اور سخی تھے اس سے مل کر کہا- جناب میں آپکی مدد چاہتا ہوں –
فرمایا گھبرائیے نہیں کیا ہوا؟
کہا امیرالمومنین ایک لغرش کی بناء پر مجھ سے انتقام لینے پر تلے ہوئے ہیں جو مجھ سے غلط سرزد ہوئی –
حضرت مسلمہ اپنے بھائی یزید کے پاس گئے اور فرمایا امیرالمومنین میں ایک ضروری کام سے آپ کے پاس آیا ہوں یزید بن عبدالملک نے کہا
آپ کا ہر کام ہوگا بشرطیکہ ابن ضحاک کے بارے میں نہ ہو –
فرمایا بخدا میں تو اس لیے آیا ہوں –
خلیفہ نے کہا اللّٰہ کی قسم میں اسے کبھی معاف نہیں کروں گا –
پوچھا اس کا گناہ کیا ہے ؟
کہا اس نے فاطمہ بنت حسین کو ڈانٹ پلائی ہے اسے دھمکیاں دی ہیں اور پھر فقہیہ مدینہ حضرت سالم بن عبداللّٰہ کی نصیحت کو بھی نہیں مانا, مدینہ کے تمام شعراء اس کی ہجو میں شعر کہہ رہے ہیں تمام صلحاء وعلماء اس کے عیوب کا تزکرہ کر رہے ہیں یہ سن کر مسلمہ فرمانے لگے اگر یہ بات ہے تو پھر میں سفارش نہیں کرتا آپ جیسے چاہیں فیصلہ کریں –
یزید بن عبدالملک نے کہا اسے آپ حکم دیں کہ فوری طور پر مدینہ واپس چلا جائے میری نظروں کے سامنے آئے اور وہ وہاں جاتے ہی نئے گورنر کو اختیارات سپرد کر دے تاکہ آنے والے گورنر اس سے عبرت حاصل کریں –
اہل مدینہ گورنر کی تقرری پر بہت خوش ہوئے اور انہیں یہ دیکھ کر بے انتہا خوشی ہوئی کہ نیا گورنر ہر کام حضرت قاسم بن محمد بن ابو بکر اور حضرت قاسم بن محمد بن ابو بکر اور حضرت سالم عبداللّٰہ بن عمر رضی اللّٰہ عنہ کے مشورے سے کرتا ہے –
خلیفتہ المسلمین حضرت یزید بن عبد الملک کو مبارکباد ہو کہ اس نے یہ فیصلہ صادر کر کے تاریخ میں اپنا نام اجاگر کر لیا ۔
جلیل القدر تابعی حضرت سالم بن عبد اللّٰہ بن عمر بن خطاب رضی اللّٰہ عنہ سے ایک اور ملاقات آئندہ سطور میں کرائیں گے ۔
حوالہ:
“کتاب: حَياتِ تابِعِين کے دَرخشاں پہلوُ”
تالیف: الاستاذ ڈاکتور عبد الرحمان رافت الباشا
ترجمه: محمود غضنفر