*Al’lati behan ki waraasat*

Al’lati behan Mayiyat ki woh behan hai jin ka baap aur Mayiyat ka baap aik hi ho, aur unki maa alag alag hon.

 

*Al’lati behan ki waraasat mein chay ( 6 ) haalatain hain*

 

*Pehli haalat*

 

Al’lati behan apne bhaai ki jayedaad ka nissaf hissa (1/2) le gi. jab woh akeli ho aur Mayiyat ka beta, beti, pota, poti, baap, dada, A’ini bhai, a’ini behan aur al’lati bhaai maujood nah hon.

 

*Misaal*

Aik aadmi faut ho gaya. is ne apni biwi, al’lati behan aur chacha ko zindah chhoda.

 

*Hal*

Biwi (1/4) le gi, al’lati behan ( 1/2 ) aur baqi jayedaad chacha bataur-e-asbah lega. asal masla (4) hai biwi ko (1) mila, Al’lati behan ko ( 2 ) aur baqi (1) chacha ly ga.

4

1 biwi 1/4

2 behan 1/2

1 chacha Ain (ع)

---

*Doosri haalat*

---

Al’lati behan jayedaad ka do tahai hissa (2/3) le gi. jab woh aik se ziyaada hon. aur Mayiyat ka beta, beti, hota, poti, baap, dada, A’ini bhaai, a’ini behan aur al’lati bhaai maujood nah hon

*Misaal*

Aik aadmi faut ho gaya. aur apni biwi, do al’lati behnain aur chacha ko zindah chhoda.

 

*Hal*

Biwi ( 1/4 ) le gi, do al’lati behnain (2/3) aur baqi chacha bataur-e-asbah lega. Asal masla ( 12 ) hai, biwi ko ( 3 ) miley ga do al’lati behnon ko ( 8 ) har aik ko (4) aur baqi (1) chacha lega

 

12

3 biwi 1/4

8 (2) Al’lati behnain 2/3

1 chacha Ain (ع)

---

*Teesri haalat*

---

 

Al’lati behan chahay aik ho ya ziyaada usay Mayiyat ki A’ini behan ki maujoodgi mein tarka ka chatta hissa ( 1/6 ) (تكملة للثلثین) miley ga. jab Mayiyat ki aulaad, baap dada, A’ini bhaai aur al’lati bhaai maujood nah hon.

 

*Misaal*

Aik aadmi faut ho gaya aur apni biwi, Aini behan, al’lati behan aur chacha ko zindah chhoda.

 

*Hal*

Biwi ko (1/4) miley ga. A’ini behan ko ( 1/2 ), al’lati behan ko ( 1/6 ) (تكملة للثلثین) aur baqi chacha bataur-e-asbah lega. Asal masla ( 12 ) hai biwi ko (3) miley Aini behan ko (6) al’lati behan ko (2) baqi ( 1 ) chacha lega.

 

12

3 Biwi 1/4

6 A’ini behan 1/2

2 Al’lati behan 1/6

1 chacha Ain (ع)

---

*Chouthi haalat*

---

 

Al’lati behan chahay aik ho ya ziyaada Mayiyat ki beti ya poti ki maujoodgi mein bataur-e-asbah ma’al ghair waaris banti hai. jab Mayiyat ka beta, pota, baap, dada, A’ini bhaai, A’ini behan aur al’lati bhaai maujood nah hon.

 

*Misaal*

Aik aadmi faut ho gaya. apni biwi, beti, poti aur al’lati behan ko zindah chhoda.

*Hal*

 

Biwi ko ( 1/8 ), beti ko ( 1/2 ), poti ko ( 1/6 ) miley ga ( تكملة للثلثین ) aur al’lati behan bataur-e-asbah ma’al ghair waaris hai. asal masla ( 24؍ ) hai. biwi ( 3 ) beti ( 12 ) poti (4) le gi aur baqi (5) al’lati behan bataur-e-asbah le gi.

 

24

3 Biwi 1/8

12 Beti 1/2

4 Poti 1/6

5 Al’lati behan Ain (ع)

 

*Note*

Al’lati behan jab asbah ma’al ghair waaris banti hai to Al’lati bhaai key darja mein ho jati hai aur jin waarison ko bhaai mahroom karta hai yeh bhi inhen waraasat se mahroom kar deti hai.

---

*Panchwin haalat*

---

Al’lati behan, al’lati bhaai ki maujoodgi mein bataur asbah bil ghair waaris banti hai. jab un key hamrah Mayiyat ka beta, pota, baap aur A’ini bhaai maujood nah hon

*للذكر مثْل حظ الأنثین*

ki ro se al’lati bhaai, al’lati behan se do guna lega.

 

*Misaal*

Aik aadmi faut ho gaya. apni biwi, beti, al’lati bhaai aur al’lati behan ko zindah chhoda.

 

*Hal*

Biwi ko ( 1/8 ) beti ko (1/2) milein ge aur baqi al’lati bhaai aur al’lati behan bataur-e-asbah len ge. asal masla ( 8 ) hai biwi ko (1) mila. beti ko (4) aur baqi (3) al’lati bhaai behan len ge. un mein se al’lati bhaai (2) lega aur al’lati behan ( 1 ) le gi.

 

8 8

1 1 Biwi 1/8

4 4 Beti 1/2

2 3 Al’lati Bhaai Ain (ع)

1 Al’lati behan Ain (ع)

---

*Chetti haalat*

---

Al’lati behan mandarja zail waarison ki maujoodgi mein waraasat se mahroom hogi.

 

1) Beta

2) Pota

3) Baap

4) A’ini bhaai

5) A’ini behan jab woh bataur-e-asbah ma’al ghair waaris banay

6) do ya do se ziyada A’ini behnon ki maujoodgi mein jab woh

 

(2/3) do tahaai ki waaris hon. aur al’lati behan ke hamrah al’lati bhaai maujood nah ho. agar bhaai maujood ho to dono bataur-e-asbah baqi tarka key mustahiq honge.

 

*Misaal#1*

Aik aadmi faut ho gaya. apna beta ya pota aur al’lati behan ko zindah chhoda.

 

*Hal*

Saari jayedaad beta lega ya pota lega. Al’lati behan waraasat se mahroom rahay gi.

---

*Misaal#2*

Aik aadmi faut ho gaya aur apni maa, Aini bhai aur al’lati behan ko zindah chhoda.

 

*Hal*

Maa ( 1/6 ) le gi baqi aini bhai bataur-e-asbah lega. Al’lati behan A’ini bhaai ki wajah se mahroom ho gayi. asal masla (6) maa ko (1) mila. baqi (5) A’ini bhaai ko miley aur al’lati behan waraasat se mehroom hai.

6

1 Maa 1/6

5 Aini bhaai Ain

✖️Al’lati behan meem

---

*Misaal#3*

Aik aurat faut ho gayi. apna baap aur al’lati behan ko zindah chhoda.

 

*Hal*

Saari jayedaad baap lega. Al’lati behan baap ki maujoodgi ki wajah se waraasat se mahroom hai.

---

*Misaal#4*

Aik aadmi faut ho gaya aur apni biwi, beti, A’ini behan aur al’lati behan ko zindah chhoda.

 

*Hal*

Asal masla (8) hai biwi ko ( 1/8 ), ( 1 ) hissa miley. beti ko (1/4), (4) miley. A’ini behan ko bataur-e-asbah ma’al ghair baqi (e) miley. Al’lati behan waraasat se mahroom hai.

 

8

1 biwi 1/8

4 beti 1/2

3 Aini behan Ain

✖️Al’lati behan meem

---

*Misaal#5*

Aik aadmi faut ho gaya is ne apni biwi, do a’ini behnain, al’lati behan aur chacha ko zindah chhoda.

 

*Hal*

Biwi ko (1/4) miley ga. do Aini behnoon ko (2/3) milein ge un key darmiyaan sulusain poooray ho gaye. is liye al’lati behan waraasat se mahroom ho gayi. aur baqi chacha bataur-e-asbah lega. asal masla (12) hai biwi ko (3) miley. do A’ini behnon ko (8) har aik ko (4) miley. Al’lati behan mahroom hai aur baqi (1) chacha lega.

---

*Al’lati behan ki waraasat ki  daleelen*

---

 

Al’lati behan ko jumla haalaton ki  daleelen wohi hain jo A’ini behan key baab mein mazkoorah hain kyunkay surah alnisaa ki aayat

 

(يَسْتَفْتُونَكَ قُلِ اللهُ يُفتِیكُمْ فِي الكَللَة إِن امْرُوا هَلَكَ لَيْسَ لَهُ وَلَدٌ وَ لَهُ اخْتُ فَلَهَا نِصْفُ مَا تَرَكَ وَهُوَ يَرِثُهَا إِنْ لَمْ يَكُنْ لَهَا وَلَدٌ فَإِنْ كَانَتَا اثْنَتَيْنِ فَلَهُمَا الثُّلُثَانِ مِمَّا تَرَكَ وَ إِنْ كَانُوا إِخْوَةٌ رِجَالًا وَ نِسَاءَ فَلِلذَّكَرِ مِثْلُ حَظِّ الْأنثیین يُبَيِّنُ اللَّهُ لَكُمْ أَنْ تَضِلُّوا وَاللَّهُ بِكُلِّ شَيْءٍ علیم )

 

mein lafz “ukhat“ se muraad A’ini behan hai aur is ki Adam maujoodgi mein al’lati behan ko bhi shaamil hai. is tarah asbah ma’al ghair ki  daleel hadees Huzail bin shurhabeel رضى الله عنه hai jo poti ke baab mein mazkoor hai jis mein Syyedna Abdullah bin maso’od رضى الله عنه ne behan ko beti ki maujoodgi mein bataur-e-asbah waaris banaya hai.

REFERENCE:

Book: “Islam Ka Qanoon-e-Warasaat”

By Salah Uddin Haider Lakhwi.