092. Kia kufur bhi Allah Ta’ala ki taraf se hai?

Kia kufur bhi Allah Ta’ala ki taraf se hai?

[Sawaal]

Hum jaante hain ke is duniya mein haasil hone waali har cheez Allah Ta’ala ki taraf se hai to sawaal yeh hai ke Kia kufur bhi Allah Ta’ala ki taraf se hai? Ya phir is ke baare mein hum Kia kahen?

[Jawab]

Is baat par Imaan laana farz hai ke Allah Ta’ala apne fazal ke saath jis se chaahe hidaayat ‘ataa farmaata hai aur apne ‘adal ke saath jis se chaahe gumraah kar deta hai. Duniya mein koi cheez Allah Ta’ala ki mashiyat aur us ke kauni-o-qadri idaare ke baghair paida nahi ho sakti’ Us mein kufur-o-Imaan aur ita’at-o-m’asiyat bhi daakhil hai, Jo Allah chaahe sirf wahi hota hai aur jo woh na chaahe , Woh nahi hota, Is ke saath saath Allah Ta’ala ne apne bandon ko bhi qudrat-o-ikhtiyaar ‘ataa kiya hai, Jis ke saath woh am’aal-e-khair-o-shar ko ikhtiyaar kar sakte hain aur am’aal-e-khair baja laane waale ko sawaab aur am’aal-e-shar ikhtiyaar karne waale ko ‘azaab ho ga. Allah Ta’ala ne mominon par apna yeh fazal-o-Karaam farmaaya hai ke unhein hidaayat se nawaaza aur mehez apne fazal-o-Karaam se un ke dilon ko apni ita’at ki taraf mutawajjah kar diya, Kaafiron ko us ne zaleel-o-ruswa kiya aur apne ‘adal-o-hikmat se un ke nafson’ Un ki khuwaaishon aur un ke dushmanon ko chod diya aur tumhara Rabb kisi par zulm nahi karta. Kufur Allah Ta’ala ke kisi iraada aur bande ki apni us qudrat se paida hota hai jo Allah Ta’ala ne us se ‘ataa ki hai, us se haasil shudah ikhtiyaar-o-istita’at hi ki wajah se saza mile gi agarcha us ke ikhtiyaar-o-istita’at se pehle Allah Khaaliq-o-Maalik ki qudrat-o-iraada muqaddam hai.

__Shaikh Ibn-e-Jibreen__