116. Ghair muslim Khaadima ko mulaazim rakhna

Ghair muslim Khaadima ko mulaazim rakhna

[Sawaal]

Main ne ghar mein apni biwi ki madad ke liye ek khaadima bulaane ke liye bairun-e-mulk khat likha to mujhe jawaab aaya ke yahan se koi musalmaan khaadima mumkin nahi to sawaal yeh hai ke Kia yeh jaaiz hai ke mein kisi ghair muslim khaadima ko bula loon?

[Jawab]

Jazirat-ul-‘Arab mein kisi bhi ghair muslim khaadim ya khaadima, Driver ya kisi bhi kaar kan ko bulaana jaaiz nahi kyunke Nabi (ﷺ) ne hukm diya tha ke Yahood-o-Nasaara ko Jazirat-ul-‘Arab se nikaal diya jaae. Aap ne hukm diya tha ke yahan sirf musalmaan hi baaqi rahen aur wafaat ke waqt aap (ﷺ) ne yeh wasiyat bhi farmaai thi ke tamaam mushrikon ko yahan se nikaal diya jaae.

Kaafir mardon aur ‘Aurton ke yahan bulaane mein khatrah hai ke is se yahan musalmaanon ke ‘aqaaid Ikhlaaq aur un ki aulaad ki tarbiyat par bura asar pade ga.

Lehaaza Allah Ta’ala aur us ke Rasool (ﷺ) ki ita’at aur shirk-o-fasad ke khaatme ke liye zaroori hai ke hum un ghair muslim khaadimon se ijtinaab karen.

(Wallahu waali-al-Toufeeq)

__Shaikh Ibn-e-Baaz__