175. Mein ustaani hoon Kia talibaat ke sawaalaat ke jawaab de sakti hoon?

Mein ustaani hoon Kia talibaat ke sawaalaat ke jawaab de sakti hoon?

[Sawaal]

Mein ek ustaani hoon Intermediate college se main ne Islamic studies mein sanad-e-faraaghat haasil ki hai, Kuch Fiqhi kitaabon ka bhi mutaall’a kiya hai, Talibaat mujh se sawaal karti hain to Kia apni ma’loomat ke mutaabiq batareeq-e-qiyaas-o-ijtehaad Halaal-o-Haraam ke ahkaam mein mudakhlat kiye baghair mein un ke sawaalon ke jawaab de sakti hoon?

[Jawab]

Kitaabon ki taraf muraji’at aur ijtehaad karne ke ba’d woh jawaab do jis ke baare mein zan-e-ghaalib yeh ho ke woh sahi hai aur is tarah sawaalon ke jawaab dene mein koi harj nahi. Jab kisi jawaab ke baare mein shak ho aur waazeh na ho ke sahi jawaab Kia hai to keh do ke is ka jawaab mujhe ma’loom nahi aur taalibaat se yeh waada kar lo ke tehqeeq kar ke is ka jawaab bataaon gi phir kitaabon ka mutaall’a kar lo ya Ahl-e-ilm se is ka jawaab pooch lo taakeh ma’loom ho jaae ke sahi jawaab Kia hai.

__Shaikh Ibn-e-Baaz__