178. Shar’i ‘ilm ka haasil karna

Shar’i ‘ilm ka haasil karna

[Sawaal]

Agar koi shakhs aise ‘uloom ki tehseel mein masroofiyat ke baa’is jo shar’i ‘ilm se koi ta’lluq nahi rakhte ya kisi aur kaam mein masroofiyat ke sabab shar’i ‘ilm haasil na kar sake to Kia us ka ‘uzr qaabil-e-qubool ho ga?

[Jawab]

:

Shar’i ‘ilm ka haasil karna farz-e-kifaaya hai. Agar kuch aise log ‘ilm haasil kar rahe hon jo ma’ashre ki zaroorat ke liye kaafi hon to phir baaqi logon ke liye us se haasil karna Sunnat ho ga. Kabhi shar’i ‘ilm ka haasil karna insaan ke liye waajib Yaane farz-e-‘ain bhi hota hai jaise ke Allah Ta’ala ki ‘ibaadat ke silsila mein insaan ke liye yeh seekhna waajib hai ke woh Allah Ta’ala ki ‘ibaadat kis tarah kare. lehaaza hum yeh keh sakte hain ke agar koi shakhs apni aur apne Ahl-o-‘Ayaal ki zarooriyaat ko poora karne ke liye mashghool hai aur woh shar’i ‘ilm haasil nahi kar sakta to woh m’uzur hai, basharteke is qadar ‘ilm zaroor haasil kar le jis se woh apne Rabb ki ‘ibaadat kar sake. Beherhaal maqdoor bhar shar’i ‘ilm zaroor haasil karna chaahiye.

__Shaikh Ibn-e-‘Usaymeen__