180. ‘Ilmi majlis mein salaam kehna

‘Ilmi majlis mein salaam kehna

[Sawaal]

:

Jab koi shakhs college ke lecture ya kisi ‘ilmi majlis mein der se us waqt pohanche jab ustaad ne lecture shur’u kar diya ho to phir afzal Kia hai salaam kahe ya salaam na kahe aur majlis mein beth jaae?

[Jawab]

Salaam kehne se agar dars munqat’a hota ya haazireen-e-majlis tashweesh mehsoos karte hon to afzal yeh hai ke salaam na kahe aur agar salaam kehne se is tarah ki koi baat ronuma na hoti ho to majlis mein aane waale har shakhs ke liye salaam kehna Sunnat hai lehaaza us se salaam kehna chaahiye aur agar haazireen mein se koi ek shakhs bhi salaam ka jawaab de de to yeh kaafi hai.

__Sheikh Ibn-e-‘Usaymeen__