213. Jis shakhs ki hawa musalsal khaarij hoti rehti ho

Jis shakhs ki hawa musalsal khaarij hoti rehti ho

[Sawaal]

Jab koi musalmaan kisi aise marz mein mubtala ho jis ki wajah se zor se hawa khaarij karne par majboor ho aur hawa rokne ki soorat mein bohat takleef ho to Kia Namaz padhte hue hawa khaarij hone se us ka Wuzu aur Namaz faasid ho jaegi ya salsal-e-bul par qiyaas karte hue faasid na ho gi?

[Jawab]

Is shakhs ko maqdoor bhar koshish kar ke apni tahaarat ki hifaazat karni chaahiye, Agar hawa har waqt khaarij na hoti rehti ho balkeh kabhi kabhi khaarij ho to us se Wuzu toot jaaega. Aur agar hawa hamesha aur har waqt khaarij hoti rehti ho aur chalte phirte , uthte bethte lete aur sawaari ki haalat mein kisi waqt bhi band na hoti ho aur na woh us se band kar sakta ho, Band karne se us se takleef ho, To yeh m’uzur ho ga. Hawa khaarij hone se us ka Wuzu aur Namaz nahi toote gi. Is ka hukm us shakhs ka sa ho ga jis ki naapaaki daaimi hai haan albatta waqt shur’u hone ke ba’d us se har Namaz ke liye naya Wuzu karna ho ga.

__Shaikh Ibn-e-Jibreen__