258. Shower ke neeche bhi ghusl durust hai

Shower ke neeche bhi ghusl durust hai

[Sawaal]

Mein chaahta hoon ke tafseel ke saath aur asaan andaaz mein ghusl-e-janaabat ka tareeqa ma’loom karoon kyunke is silsila mein’ Main ne mukhtalif tareeqon ke baare mein sun rakha hai lehaaza umeed hai ke aap sahih tareeqa ki wazaahat farmaein ge Nez yeh farmaaiye ka shower ke neeche ghusl jaaiz hai ya nahi?

[Jawab]

Ghusl-e-kaamil ka tareeqa yeh hai ke aadmi ghusl ki niyyat kare, Bismillah padhe, Dono haathon ko teen baar dhoe Phir sharamgaah ko aur jism par jo mani ke asraat waghaira hain unhein dhoe Phir mukammal Wuzu kare, Phir ghusl shur’u kare aur sar ko teen baar dhoe aur baalon ki jadon ko khoob mubaaligha ke saath dhoe Phir baaqi jism ko is tarah ghusl de ke daaein taraf se pehle shur’u kare aur phir baaein taraf ko dhoe aur khoob mal mal kar dhoe aur maqdoor bhar koshish kare ke jahan jahan jism tak haath pohanch sakta ho haath se jism ko male.

Shower ke neeche bhi ghusl jaaiz hai aur agar saare jism par ek hi baar paani baha diya jaae to yeh ghusl bhi durust ho ga.

__Shaikh Ibn-e-Jibreen__